✨خدمة محبي باسم الكربلائي تقدم:
📜قصيدة : مو عجيبه و لا عجب
✒️للشاعر : صفاء الدفاعي الرميثي
📅:ليلة 9 ربيع الاول 1437
🕌: مسجد الغدير - بغداد

مو عجيبة و لا عجب .. رجعت القبة ذهب
الله لجل العسكري .. ينطي اعظم ما وهب
▪️▪️▪️▪️▪️
القبة لليعرف اصلها بعد ما يطلب جواب
القبة بوسة سمة الباري انبعت بخد التراب
القبة كتلة تمن المشاعر سحرت عيون السحاب
و الدليل الروحه ترفه تشوفه عاشق للقباب
القبة كائن مستقل .. هم اله روح و شكل
الميت احساسه اذا .. ما عليه لوم و عتب
▪️▪️▪️▪️▪️
النجمة للتايه دليله لمن يجن الظلام
القبة للنجمة علامة حته ما تغفه و تنام
القبة من يسطع ضواها اعله الشمس تلقي السلام
هي عش ابكل طبعها و احنه واهسنه حمام
احنه طير وهي عش .. بغيرها الدنيا نعش
يمها نشعر بالدفو .. و ابد ما يبقه تعب
▪️▪️▪️▪️▪️
الما يعيش بقلبه الله ابطبعه ما يعشق مزار
شكثر طبع الماي طيب بس يظل تكره ‏نار
‏همه دار ابلايه قبة حاربوها تكون دار
باب ما خلو عليها لا حجاب و لا ستار ‏
صاحوا الزهره تون .. صاح ادفعها و إن
انكسر من عدها الضلع .. الباب وجوها ابحطب ‏
▪️▪️▪️▪️▪️
شلون ترتاح النواصب توصل القبة العنان
و اشهدوا ان عليا يرتفع بيها الاذان ‏
‏هدوا القبة الشريفه الجانت حزام الامان
الموت صار ابلا هية الخوف صار بكل ‏مكان
القبة للدنيه وتد .. من هوت طاح العمد
تبت ايد الناصبي .. تبت ايد ابو لهب
▪️▪️▪️▪️▪️
القبة مثل حجاب زينب ما هوه لا مستحيل
و الدليل القبة رجعت بيها غيرة امن الكفيل
اليكره القبة نبشره خلي من هسه يشيل
بين قبة و قبة قبة تنبني بامر الجليل ‏
لو ظهر ابن الحسن .. ابكل شبر يبني صحن
امن النجف لارض البقيع .. تستطع انوار ‏القبب
▪️▪️▪️▪️▪️
باجر المهدي بظهوره لو وصل ارض البقيع
تخضر الدنيه مناير يبتدي فصل الربيع
تبتدي يارة عظيمة و ينذهل بيها الجميع
و اعله باب الكعبة نقره موكب الطفل ‏الرضيع
من المدينة و للنجف .. الكون مشايه زحف
هلا بزوار النبي .. بيده ابو صالح كتب
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة مو عجيبه ولا عجب 📝👆

https://www.instagram.com/m7bebasem?igsh=bW93NzU3bGgyam5z

حساب خدمة محبي باسم الكربلائي الجديد في موقع الإنستغرام. نرجو من الجميع المشاركة في هذه الصفحة و نشر هذه الرسالة. 🙏

✨خدمة محبي باسم الكربلائي تقدم:
📜قصيدة : هذي جسوم أم اقمار
✒️للشاعر : جابر الكاظمي
📅: ليلة 23 محرم 1428 هـ
🕌: مسجد الموسوي - الكويت

هَذِي جِسُومٌ أَمْ أقمَارْ
وَ تِلكَ نَارٌ أمْ أنَوارْ
اللهُ يَعلَم .. نَارُ المُخَيمْ
  أمْ  أنَــــــــــوارْ
▪️▪️▪️▪️▪️
عن هالجسوم الطايحه اعله الأوهاد
عن راس مرفوع اعله راس المياد
عن خيم ملتهبه ابلهيب الأحقاد
عن ذبح رضع ضاميه بالأمهاد
لو ردنه ننشد ننشد إمن السجاد
بس هوه شاف اشجنت كَوم إبن ازياد
حُزَّت رُؤوسٌ وَ الأبدَان
مِنْ دُونِ غُسلٍ أو أكفَان
وَلَستُ أفهَمْ .. نَارُ المُخَيمْ
  أمْ  أنَــــــــــوارْ
▪️▪️▪️▪️▪️
ننشد السجاد ابمسيل العبره
من شال جسم حسين من عالغبره
لمن دفن جثت عزيز الزهره
جم طعنه شاف ابها الجسد جم طبره
من نزله ووسد حسين ابقبره
دمه نشف لو بعده ينزف نحره
جِسمٌ سَليبٌ دُون رِدَاء
أمسَّى صَرِيعَاً فِي البَيدَاء
جَمرٌ تَضَرَمْ نَارُ المُخَيمْ
  أمْ  أنَــــــــــوارْ
▪️▪️▪️▪️▪️
ننشد السجاد ابنحيب و أشجان
من دفن جثت والده بالتربان
دمه نشف لو بعده يجري الشريان
لا شك مصير النحر مثل الصيوان
ناره تظل مستعره طول الأزمان
للحشر ما تنخمد هاي النيران
هُنَا دِمَاءٌ للأطهَارْ
هُنَا خِيامٌ فِيهَا نَارْ
ضَوءٌ تَجَسّمْ .. نَارُ المُخَيمْ
أمْ  أنَــــــــــوارْ
▪️▪️▪️▪️▪️
بعيون ما فارقها دمع الآلام
شاهدنه خيل و تسحق اعله الأيتام
شاهدنه دم يجري و لهيب اعله اخيام
كل خيمه مشعل نور دم الأكرام
نار الخيم تبقه اعله طول الأعوام
ما تطفه تشبه نار شمعة جسام
هَذِي نُحُورٌ للكُرَمَاء
هَذَا لَهِيبٌ فِي الأحشَاء
كُلٌ تَوَهَمْ .. نَارُ المُخَيمْ
أمْ أنَــــــــــوارْ
▪️▪️▪️▪️▪️
ننشد السجاد ابدمع يتفجر
لمن دفن جثت إخوه الأكبر
شنهو الذي من نحره يبدي و يظهر
دم يجري لو جمرات من المنحر
و للقمر لمن وصل شفته اتأثر
لا شك ذكر زينب و دمعه اتنثر
أجَرَى دُمُوعَاً هُنَا دِمَاء
عَلَى قَتِيلٍ جَنبَ المَاء
فِي النَهرِ تُرسَمْ .. نَارُ المُخَيمْ 
أمْ أنَــــــــــوارْ
▪️▪️▪️▪️▪️
ننشد و ترمي اعلينه نبلات البين
عباس وين اتوسد و قبره وين
عالنهر قبر القمر لو يم حسين
هم دفن ويه القمر ذيج الجفين
و النوب ننشد و الدمع عالخدين
جر السهم لو بعده نابت بالعين
تِلكَ اليَتَامَى فِي الصَحرَاء
وَذِي نِسَاءٌ دُونَ خِبَاء
فَكَيفَ يُفهَمْ .. نَارُ المُخَيمْ
  أمْ  أنَــــــــــوارْ
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة هذي جسوم ام اقمار 📝👆

✨خدمة محبي باسم الكربلائي تقدم:
📜قصيدة : بين الاشرار ما بين النار
✒️للشاعر : السيد سعيد الصافي الرميثي
📅: ليلة 22 محرم 1430 هـ
🕌: المخيم الحسيني - كربلاء

بين الأشرار .. مابين النار
وآنه اركض من خيمة لخيمة وبحالي اشصار
▪️▪️▪️▪️▪️
هاي ام الحزن زينب المظلومه
الحاربها الزمان بغدرة وهمومه
حين الطاح اخوها حسين بالحومه
شاطت و الدموع ادموم مهضومه
صاحت يحسين .. يانور العين
جاوبني مروتك يبن امي مو گلبي احتار
▪️▪️▪️▪️▪️
انشدك بالمحبة البينك و بيني
آنا اختك يبو السجاد حاجيني
قبل عينك عساها غمُّضت عيني
إذا بعدك عدل انخاك تحميني
وصلتني الخيل .. وآنا بلا حيل
حيَّرني وخلاني وحيده دهري الغدار
▪️▪️▪️▪️▪️
خيم شبت النار بكل كتر بيها
وآنا لوحّدي وشلون اطفيها
ومن شر الاعادي عيال احميها
واطفالي التضيع اشلون الگيها
اجمع أطفال .. لو احمي اعيال
لو اشگف سوط الـ بمتوني تارك آثار
▪️▪️▪️▪️▪️
اطفال و حرم مرعوبة محتاره
جم طفل الشرد والنار بكتاره
ما بين الاجاني ودمعة يتجاره
مابين اليصد للشاطي بانظاره
جاني العباس .. راعي النوماس
بيده الجود و بيده الراية و بيده البتار
▪️▪️▪️▪️▪️
علي السجاد يبن امي شده بالي
اعاين حالته ويعاين لحالي
من هضمي صحت يا قلّة الوالي
عليّ مرت قصص مامرت ببالي
ماواحد گال .. شايف الخيال
ياخذني بليل لگبر امي حمّاي الجار
▪️▪️▪️▪️▪️
خلاني وحيدة الزمن خلاني
بالغربة و اخذ من عندي ولياني
على امي بالمصايب زادت احزاني
وبيا حال ليل الخوف وافاني
احرس ايتام .. يا عين اتنام
وبلوعه الوالد ناديته وين الكرار
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة بين الاشرار 📝👆

✨خدمة محبي باسم الكربلائي تقدم:
📜قصيدة : كبرك ملاذ الزوار
✒️للشاعر : سيد سعيد الصافي الرميثي
📌 : استشهاد أمير المؤمنين الامام الرضا (ع)
📅:ليلة 17 صفر 1420 | الكربلائية الكويت
📅:ليلة 29 صفر 1418 | سوريا

دارك تحيي الخطار
گبرك ملاذ الزوار
كرم عندك .. مثل جدك
قبرك ملاذ الزوار
▪️▪️▪️▪️▪️
واجب علينه إزيارتك يا من ضريحك جنه
شيعتك إحنه و عالعهد كل عام إلك نتعنه
الفجرت گبرك تعتقد منك گطعنه الظنه
غلطانه ما تدري إشكثر موت إبشرف نتمنه
لمن لفتنه الأخبار
للوسف هلت أنظار
الدمع يشهد .. يبو محمد
كبرك ملاذ الزوار
▪️▪️▪️▪️▪️
عندك كرامات و حكم يصعب علينه إنعدها
ابحضرتك كل يوم اليمر يا سيدي إنشاهدها
إنت الطبيب الشيعتك اتشافي الجروح العدها
معروف فضل إزيارتك و للمن بعد تگصدها
إزيارتك يبن المختار
بيها النجاة من النار
العرف قدرك .. و گصد گبرك
قبرك ملاذ الزوار
▪️▪️▪️▪️▪️
الما عدها إيمان و صبر دوم إبضعف محتاره
من صاحت إشلون الرضه سفكوا دمه زواره
لو عنده شاره إبهالوكت لازم يبين الشاره
وشارتك وضحت كالشمس وإنت بن حامي جاره
الباعت الدين إبدينار
إنفضحت ابذلها و بالعار
البخت ذلها .. وثبت إلها
قبرك ملاذ الزوار
▪️▪️▪️▪️▪️
منكم تعلمنه الصبر من ضيم العليكم جره
من كسر ضلع الطاهره وجتفوا جدك حيدره
ومن صوبوا جبد الحسن وحسين حزوا منحره
وابخيلهم صدره إنهشم ومسلوب جسمه اعله الثره
و بالسبي راحت أطهار
و بالشام أظن تدري إشصار
الصبر حكمه .. و ثبت رحمه
قبرك ملاذ الزوار
▪️▪️▪️▪️▪️
من بني العباس إشكثر واجهت مولاي إهموم
عن وطن جدك غربتك شاهد تظل يا مظلوم
يبن الزجيه إبيا ذنب جبدك تگطع مسموم
وشيعتك هالليله إبحزن يم گبرك إبلوعه إتحوم
إبعلمك هديت الأفكار
غدرتك وسفه الأشرار
وشهد علمك .. على حلمك
قبرك ملاذ الزوار
▪️▪️▪️▪️▪️
يا باب حاجات الذي گبرك تجي إبحاجتها
يالرضا وحاجة شيعتك بلجت تفك غربتها
حنت القبر المرتضه و تشجي إلك لوعتها
يا يوم ترجع للوطن تگصد علي إبدمعتها
نشكي الجره لحامي الجار
من الزمان الغدّار
تعذبنه .. وتغربنه
قبرك ملاذ الزوار
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة قبرك ملاذ الزوار 📝👆

✨خدمة محبي باسم الكربلائي تقدم:
📜قصيدة : بالأربعينية جينه فدائية
✒️للشاعر : وسام الشويلي
📌 : ذكرى أربعينية الامام الحسين (ع)
📅:ليلة 21 صفر 1432 | المخيم الحسيني
📅:يوم 20 صفر 1435 | القصاب البحرين

بالأربعينيه .. جينه فدائيه
▪️▪️▪️▪️▪️
مثل الأمواج الكربله طلعت مواكبنه
والصيحه وحده يا علي وينه اليحاربنه
كل احنه عابس و العشگ فارس إبمذهبنه
ننزع الأرواح و نجي لو ردت تطلبنه
صرخه حسينية .. جينه فدائيه
▪️▪️▪️▪️▪️
لجلك سحگنه إعله الخطر و المهدي ويانه
نقسم ابزينب ما يردنه إبن مرجانه
منحرنه نادى إعله الشمر يا شمر هاذانه
ننتصر لمن ننذبح و حسين مولانه
صحنه إبصدق نيه .. جينه فدائيه
▪️▪️▪️▪️▪️
هاك العهد يبن العهد من گلوب زوارك
برواحنه إنوفي مثل ما وفت أنصارك
جمره ووسط گلب المحب ما تنطفي نارك
حته لون راعي الأمر گام و أخذ ثارك
دمعتنه مجريه .. جينه فدائيه
▪️▪️▪️▪️▪️
خله يفجرنه الذي حاربنه تكفيره
شيعة علي إوداعة علي ميهزنه تفجيره
طبينه ساحة كربله و العالم إبحيره
وويانه گام إبرايته عباس أبو الغيره
بالوفه إيشع ضيه .. جينه فدائيه
▪️▪️▪️▪️▪️
لو سال دمنه إعله الأرض بيه نكتب إحروفك
يحسين لو صرنه وذر تجمعنه بجفوفك
من فجرونه الناصبه كل ظنهم إنعوفك
و إستغربوا من شاهدوا أشلاءنا إتطوفك
و بحضرتك هيه .. جينا فدائيه
▪️▪️▪️▪️▪️
خلينه خصمك منذهل و إمدوهن و حاير
يمنعنه عنك ما گدر بالماضي و الحاضر
ذوله إحنه زوارك نحن حنت گلب جابر
هنياله كلمن ينكتب في دفترك زاير
حاجتنه مگضيه .. جينه فدائية
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة بالاربعينية جينه فدائية 📝👆

✨خدمة محبي باسم الكربلائي تقدم:
📜قصيدة : ياليتنا كنا معك فنفوز فوزا عظيما
✒️للشاعر : جابر الكاظمي

يا ليَتَنَا كُنَا مَعَكْ
فَنَفُوزَ فَوزَاً عَظِيمَا
 ▪️▪️▪️▪️▪️
من وحي النهضة الفكرية
نرفع صوت الانسانية
نكشف غايتنا المخفية
وَنَقُولَ قَولاً كَرِيمَا
 ▪️▪️▪️▪️▪️
نتأسف و انسيل المدمع
ما شاركناكم بالمصرع
جان وياكم نمضي ونطلع
وَنَخُوضَ أمَرَاً جَسِيمَا
 ▪️▪️▪️▪️▪️
يحسين المنحر ناداكم
نتأسف ماكنا وياكم
جان ابدمنه نواسي دماكم
وَ نَصُونَ عَهْدَاً قَدِيمَا
 ▪️▪️▪️▪️▪️
دمنه لدمك يصبح حارس
وقبلك بالميدان انمارس
ويه الحر وجون وعابس
وَ نُمِيتُ حُكْمَاً أثِيمَا
 ▪️▪️▪️▪️▪️
من أجلك مهما نتحمل
ما نتغير ما نتبدل
أسمك عالارواح اتسجل
وَ أَقَمْتَ فِينَا زَعِيمَا
 ▪️▪️▪️▪️▪️
يا وارث من حيدر أسمك
و التاريخ اتشرف باسمك
خطيت الايات بدمك
وَ كَتَبْتَ نَهجَاً قَوِيمَا
 ▪️▪️▪️▪️▪️
مشعل تخليدك يتوهج
و العالم ظل باسمك يلهج
للأجيال ارسمت المنهج
وَ وَضَعتَ أمرَاً حَكِيمَا
 ▪️▪️▪️▪️▪️
بدمك للطغيان اتصارح
هيهات الذله و ما صافح
خصمك فاشل و انت الناجح           
وَ لَقَدْ حَرَزتَ النَعِيمَا
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة يا ليتنا كنا معك فنفوز فوزا عظيما 📝👆

✨خدمة محبي باسم الكربلائي تقدم:
📜قصيدة : كل لوعة فينا
✒️للشاعر : جابر الكاظمي
📅: ليلة 20 صفر 1420 هـ
🕌: حسينية الرسول الأعظم (ص) الكربلائية الكويت
🎵 طور : #يا_سائلا_عني

كَمْ لَوعَةٍ فِينَا .. بِفَقدِ هَادِينَا
الكَونُ يَنعَاهُ .. و يَشهَدُ اللهُ
حُزنَاً بَكَينَاهُ .. لَمَّا فَقَدنَاهُ
كَمْ لَوعَةٍ فِينَا .. بِفَقدِ هَادِينَا
▪️▪️▪️▪️▪️
حين إنفگد سيد الرسل جف و نشف بحر الفضل
بدر الإبه الليله إختفه و إتغيبت شمس العدل
حته السحاب الـ بالسمه إبتالي المطر مدمع يهل
و كل النجوم إمكدره إبغير النحب ما تبتهل
و إحنه إعله هاي الشاكله بينه الحزن ظل متصل
جرح القلب من ينفتح غير الصبر ما يندمل
قُلُوبُنَا حَرَا .. وَ تَقذِفُ الجَمرَا
فَلَمْ تُطِق صَبرَا .. وَ رَبُنا أدَرَى
لا شَيءَ يُغنِينَا .. بِفَقدِ هَادِينَا
▪️▪️▪️▪️▪️
إشنگدر نجابه بالإبه يا فاجعه و يا نايبه
مصاب النبي الهادي عصف عاصف شمل أهل العبه
بمصابه باتت بضعته إبكسر الضلع متعذبه
بمصابه جن شيبة علي إبدم هامته متخضبه
بمصابه جبد إبنه الحسن ناره غدت متلاهبه
بمصابه الحسين إرتمه و بيه شجّروا بيض الضبه
نَاعِي الأسَى يَنعى .. كَواكِباً صَرعَى
و يُطْرِقُ السَّمعَا .. بِفَقدِهِم جَمعَا
صَوتٌ يُنَادِينَا .. بِفَقدِ هَادِينَا
▪️▪️▪️▪️▪️
عگب النبي سيد البشر هاج و طفح موج الخطر
هالليله نعشه ينحمل و إتشيعه إجفوف الدهر
أربع جوانب بالنعش بيهن شفت أربع صور
كل صوره تعرض فاجعه شوف إشرسم جف القدر
راسم إلك صورة ضلع ضلع الطهر جن إنكسر
كسر الضلع أول حدث بعد النبي صار و سدر
فِي غَيبَةِ البَدرِ .. آهٍ لِمَا يَجَرِي
لِلبَضعَةِ الطُهْرِ .. مِنْ ذَلكَ الكَسرِ
فَالضِلعُ يُبكِينَا .. بِفَقدِ هَادِينَا
▪️▪️▪️▪️▪️
الليله العوالم مظلمه تبجي و تحن أرض و سمه
ظهرت بدايات الحزن هالفاجعه إبلا خاتمه
من أنظر النعش النبي روحي تظل متألمه
بهذا النعش جن إنرسم مصاب الوصي حامي الحمه
صوره إظهرت عن طبرته إبركن النعش متجسمه
جن عيني تنظر شيبته متخضبه إبفيض الدمه
قَطّعتُ أحقَابَا .. رَأيتُ مِحرَابَا
بَدرٌ بهِ غَابَا .. آهٍ لِمَا نَابَا
مَنْ ذَا يُواسِينَا .. بِفَقدِ هَادِينَا
▪️▪️▪️▪️▪️
الفگد الرسول المؤتمن ما من نبي إلا و حزن
كل النواظر سافحه دم و دمع يتهاملن
حين إنحمل نعش النبي لجله إنفجع گلب السنن
ثالث ركن لجنازته بيها إنرسم فقد الحسن
جن عيني شافت حالته سم الغدر جبده إنطعن
و إجنازته إعليها النبل ينثر مثل صب المزن
المَوتُ أخفَاهُ .. فِي القَبرِ وَارَاهُ
إنْ كُنْتَ تهواهُ .. فَإسْمَعْ وَصَايَاهُ
بِالصَبرِ يُوصِينَا .. بِفَقدِ هَادِينَا
▪️▪️▪️▪️▪️
هاتف صدى المحنه إرتفع من كل كتر صوته إنسمع
هالأربع أركان إحتوت نوح ودمه و لوعه و فزع
رابع ركن من هالنعش ركن الشرع بيه إنصدع
بجنازة الهادي شفت جن السبط نحره إنگطع
لو مصاب المصطفه ما عالأرض شبله إنصرع
إتفرگ شمل عَمر العُلا شمل الحزن بيها إجتمع
فَخَيرُ مَنْ صَلَى .. و صامَا لِلمَولى
أبَناءُهُ قَتلا .. بَناتُهُ ثَكْلى
نَروي مَآسِينَا .. بِفَقدِ هَادِينَا
▪️▪️▪️▪️▪️
إبلوح الحزن خط القلم إمصاب النبي إبنوح إنختم
ما تهوى قلعة عترته لو ما فگد سيد الأمم
و لا يدنه واحد فاطمه و لا هالضلع منها إنهشم
و لا تنطبر هامة علي و لا ينختم عمره بألم
و لا ينفطر جبد الحسن و لا ينضرب نعشه إبسهم
و لا نحر أبو اليمه إنگطع و لا تلتهب نار الخيم
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة كم لوعة فينا 📝👆

✨خدمة محبي باسم الكربلائي تقدم:
📜قصيدة : صوبني مصابك يالاكبر
✒️للشاعر : جابر الكاظمي
📅: ليلة 6 محرم 1416 هـ
🕌: حسينية اهالي كربلاء - قم المقدسة

صوبني امصابك يالأكبر
▪️▪️▪️▪️▪️
آه يبني وفرحة ايامي
يا نسمة شوگي واحلامي
بيا عين انظر جسمك دامي
طايح عالتربان موذر
▪️▪️▪️▪️▪️
يا زهرة اتعاب سنيني
اگعد باصرني وحاچيني
شلون ابهالحالة تخليني
بين النار وبين العسكر
▪️▪️▪️▪️▪️
جيتك يالأكبر للمصرع
شفتك عالتربان مگطع
ناديتك بلسان المدمع
يبني اعله فراگك ما اگدر
▪️▪️▪️▪️▪️
شلون اگدر اصبر ما ادري
ما ينفع بغيابك صبري
گبلك ريت اتصوب نحري
لا شوفك مگطوع المنحر
▪️▪️▪️▪️▪️
جيتك بدموعي الهماله
شفتك يوليدي بهالحالة
طايح ما بين الخياله
والخيل بجسمك تتعثر
▪️▪️▪️▪️▪️
جيتك واصرخ يا بعد امك
يا وسفه مغسل من دمك
وشلون اگدر انظر جسمك
بتراب الميدان امعفر
▪️▪️▪️▪️▪️ 
عين امك يبني شظل بيها
بس الدمعات التجريها
والآلم التفگد غاليها
حگها تنوح الليل وتسهر
▪️▪️▪️▪️▪️
نبلات مصابك صابني
دوهني فراگك دوهني
ناديتك يالغالي عني
ادري خلافك راح اتحير
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة صوبني مصابك يالاكبر 📝👆

✨خدمة محبي باسم الكربلائي تقدم:
📜القصيدة: راس الرمح مجلس
✒الشاعر: احمد العبادي
📅: ليلة 1 ربيع الاول 1430 هـ
🕌: حسينية الرسول الأعظم (ص) الكربلائية الكويت

بكل منحر الشايله .. چم لوعة وشچم جرح
أشتعرض لهل عايله  .. جاوب يراس الرمح
ليا راس أصد يا راس  .. لبن أمي لو عباس
جاوب يراس الرمح
▪️▪️▪️▪️▪️
شحجي وشسولف يارمح  .. عن ياجرح
عن يا هضم بيش أبدي
صعدت شموسك يارمح .. ويه الصبح
كلهن قطع من چبدي
من تصد عيني .. الروس ولياني
والله تاذيني .. لوعة أحزاني
وغير الدمع ما عندي

بس دمعتي الهاملة .. تلهب جمر عالوجن
حسراتي متواصله .. بيها القلب ممتحن
وشيحمل الأحساس .. لبن أمي لو عباس
جاوب يراس الرمح
▪️▪️▪️▪️▪️
ويلي امن أصد ويه الدرب .. ونار القلب
تتلاهب بحسراتي
يتحدى صبري لكل صعب .. تطلع غصب
ما تندفن آهاتي
أنظر وجم راس .. يلوح لعيوني
وأندب العباس .. كافل ضعوني
وعالخد تصب دمعاتي

بين أخوتي أمدللـه .. مهيوبه عفت الوطن
لني سبيه ابفله .. ويلاه يغدر الزمن
وأسمع شتم أرجاس .. لبن أمي لو عباس
جاوب يراس الرمح
▪️▪️▪️▪️▪️
صد يارمح جمر الغضه .. من تعرضه
ابدرب اليسر جدامي
وأنشدني عن ليل المضه .. شلون أنگضه
وأنشدني عن أيتامي
ولا زلم ظلت .. تحرس الصيوان
وبالخيم نهبت .. يالرمح نيران
بس الحرم بخيامي

أشرواني طف كربله .. ما ظل دمع لا صبر
ويا موقف أتحمله .. وشوف الرزايا أشكثر
امن أنظر طفل ينداس .. لبن أمي لو عباس
جاوب يراس الرمح
▪️▪️▪️▪️▪️
رد يا رمح وأذكر أمس .. ضي الشمس
وحسين أخويه اگبالي
لو گتلي عودك مايحس .. منه ألتمس
وأشرح هضم دلالي
دم نحر عباس .. من خضب راسه
لابد النوماس .. حرك أحساسه
وأدري ابنحر كفالي

براس الأخو الحامله .. غيرة وجبل من وفه
وظعن البدر كافله .. حي وأبد ما غفه
ايلوكَ لمن النوماس .. لبن أمي لو عباس
جاوب يراس الرمح
▪️▪️▪️▪️▪️
قر يا رمح بالمظلمة .. ابهالمحكمة
وندري الذنب مو ذنبك
ذنب السفك أشرف دمه .. بأرض وسمه
وبهالنحور أمخضبك
أحفظ الشالك .. وأشهد اعله الصار
وسولف أهوالك .. للنبي المختار
وأنقل مصايب بدرك

أروي الغصص كاملة .. وأعرضها يوم الحشر
سولف لعقد الوله .. وجدامه شنهو العذر
واشتعتذر هالناس .. لبن أمي لو عباس
جاوب يراس الرمح
▪️▪️▪️▪️▪️
جاوب يرمح النايبة .. وشتجاوبه 
الينظر خضاب أبراسك
من يانحر طبعه الابه .. ومن خضبه
وأعرف ذنب حراسك
تدري نحر حسين .. يا نفس شمه
وتدري بالكونين .. منزلة أمه
ومنهن أخذ مقياسك

نحره النبي القبله .. شتريد أعدد شرف
راسه الذكر رتله .. وشفافه تقره الكهف
ودوم الشرف ينقاس .. لبن أمي لو عباس
جاوب يراس الرمح
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠

قصيدة راس الرمح مجلس 📝👆