✨خدمة محبي باسم الكربلائي تقدم:
📜قصيدة : سارح خيالي
✒️للشاعر : علي السقاي
📌 : الليالي الفاطمية
📅:ليلة 3 جمادى الأخره 1445
🕌:جامع و حسينية المرحوم عبد مسلم اسد | النجف الاشرف - الكوفة
https://hottg.com/m7bebasim/54435

سارح خيالي .. اِبسود الليالي
بعدچ يَيُمّه .. اشيجري اعله حالي
▪️▪️▪️▪️▪️
صعب كلش صعب عاليفگد اُمّه
إذا من صوتها ما يسمع اسمه
تصير الدنيا كلها ابعينه ظلمه
يدوّر عن أثر منها اْو يشمّه
عشت الفجيعه .. آ يالوديعه
واصبح مكانچ .. يايُمّه خالي
▪️▪️▪️▪️▪️
أنا زينب أنا البعدچ يتيمه
زغيره والجرىٰ راواني ضيمه
عَليّه انصبَّت امصايب عظيمه
الدهر علمِيني ضملي اشچم هضيمه
يا يُمّه مَدري .. شيضملي دهري
أولها هاذي .. واشعنده تالي
▪️▪️▪️▪️▪️
الطفل من طبعه يخشىٰ اِتلامِسَه النار
اْو بَعدني اِلهسّه أسمع وَاذكُر الصار
العدو هَدّد : عليكم نحرگ الدار
إذا ما تطلع اتبايع يكرار
وَاذكُر ييُمّه .. گلتيله چلمه
اِتخوفينه بالله .. بس ما يبالي
▪️▪️▪️▪️▪️
بعد موقِف أذكره اْو دمعي سچاب
العدو من ما حسب لحجابچ احساب
تدفعين ابإديچ اْو يرفس الباب
اِسمَعِت طگّة عظُم بس وين اِلِصواب
أنظر جنينچ .. وَاسمع ونينچ
فضه اسنديني .. ابسرعه تعالي
▪️▪️▪️▪️▪️
زغيره اعله الحزن واعله النِظرته
حَدَث بعده ابخيالي اْو ما عُبرته
أحط إيدي اعله خدّي اشما ذكرته
العبِد من عَلّم ابخدّچ سطُرته
خدّچ تأثّر .. قرطچ تنثّر
اْو منظر سِياطه .. لسّه اعله بالي
▪️▪️▪️▪️▪️
توقّعت الأبو ايجر سيفه بالحال
وَلا أتوقّع ايجرونه بحبال
تبعتـيه اْو بگيت ابشَدهة البال
اشبديّه اويه اخوتي يا يُمّه أطفال
أدعي اْو أراقب .. هاي المصايب
غيرك يربي .. ماعدنا والي
▪️▪️▪️▪️▪️
المصايب چنها گالتلي استعدي
أحس اوياها موعد ثاني عندي
نفِس هالنار ترجع تالي ضدي
نفِس هالسوط والسطره اعله خدي
بابچ ييُمّه .. فاتحلي همّه
اْو يسلبني دهري .. اعزاز اْو غوالي
▪️▪️▪️▪️▪️
مُصاب اجنينچ ايتانيني مثله
ابطفل مذبوح والبسمار نبله
الكسُر نفسه السمعته اْو أبچي لجله
يواعدني ابصدُر والدم يغسله
ميعاده باچر .. ابـرض الحوافر
وايتاني إيدي .. موعد حبالي
▪️▪️▪️▪️▪️
تمت
علي السقاي
١٤-١٢-٢٠٢٣
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة سارح خيالي 📝👆

✨خدمة محبي باسم الكربلائي تقدم:
📜قصيدة : السلام عليكَ يا أبا الفضل العباس
✒️للشاعر : حمزة السماوي
📌 : وفاة ام البنين (ع)
📅:ليلة 12 جمادى الأخره 1445
🕌: العتبة العباسية المقدسة - كربلاء
https://hottg.com/m7bebasim/54480

السلامُ عليكَ يا ابا الفضل العباس
▪️▪️▪️▪️▪️
يابو فاضل حار الوصف ما تكفيك الابيات
يا نهر تجري بالنهر يا كمر بالسماوات
كبتك تشبه خوذتك وانت طولك منارات
والملائك تنزل الك حتى تاخذ منك كرامات
لمن اسمك اكوله تنوضع ايدي عالراس
السلامُ عليكَ يا ابا الفضل العباس
▪️▪️▪️▪️▪️
ايسلم عليك المرتضى يا ابو الغيره والجود
الوصي الوصاك بعلم وانته للشده مريود
بالنجف عدنه وكربله هم علي بيها موجود
حتى ما توكع كلمتك انت وكعّت الزنود
حيدريه المعاني وارثه بدرعه والطاس
السلامُ عليكَ يا ابا الفضل العباس
▪️▪️▪️▪️▪️
اتسلم عليك ام الحسن يا بو فاضل يمولاي
الخاطر حسين ابهالوكت ما ضكت بعدك الماي
امن امك الطيبه تشكرت بالحشر انت وياي
ام الف مو ام الاربعه والحجي بذكرج هواي
هالوفيه الامينه يامره بيهه تنقاس
السلامُ عليكَ يا ابا الفضل العباس
▪️▪️▪️▪️▪️
ايسلم عليك المجتبى من بعيد ويحاجيك
طالع اعليّه بالكرم ماكو واحد يضاهيك
وزعت روحك عالنهر راسك ،اعيونك ، ايديك
انت مو بس يابو الفضل يابو الافضال اسميك
يابو وكفه جبيره سولفت عنك الناس
السلامُ عليكَ يا ابا الفضل العباس
▪️▪️▪️▪️▪️
ايسلم عليك حسين اجه يوصل بآخر الليل
بس سلام بلايه حضن صدره ما خلته الخيل
ضاع الحسين بكربله الحافر بجثته يشيل
انه ما شايف منذيح عالاخو دمعته تسيل
لهسه طبره اعله نحره بالمكان البي ينباس
السلامُ عليكَ يا ابا الفضل العباس
▪️▪️▪️▪️▪️
اتسلم عليك ام الخدر الراحت بحسره للشام
اليوم اجت مشتاكه الك تحجي عن ضيم الايام
ما اصافح جفك يخي بيدي جويه من الخيام
للخرابه شوده الشمس عالهزل تقبل انّام؟
وبحزنهه الغريبه تشتكي وصاح الاحساس
السلامُ عليكَ يا ابا الفضل العباس
▪️▪️▪️▪️▪️
ايسلم عليك المنتظر اخرّت يومي الادهور
رايتي يمك عالنهر وانته حافظهه مشكور
منك اخذها بطلعتي يالثاراتِ عاشور
امةٌ ذبحت عايله شما احاسبها معذور
وبظهوري انادي من اذل جيش الارجاس
السلامُ عليكَ يا ابا الفضل العباس
▪️▪️▪️▪️▪️
بالاخير اطلب حاجتك من تصلي ركعتين
ايركّض المشلول اليجي وهو ما عنده جفين
والاجه وذرّيه طلب هسه اسمه ابو حسين
وخادم حسين الينطلب الكافل ايسد اله الدين
والصحاري اليمرها هالذكر تنكلب ياس
السلامُ عليكَ يا ابا الفضل العباس
▪️▪️▪️▪️▪️
من تكملها ازيارتك اطلع والزم الباب
لا تجعله اخر عهد من زيارة هوه الهاب
خادم العباس افتخر ابقه وي سود الثياب
تكشخ الوادم بالذهب كشختي بخدمه واتراب
ما اعوفن خدمتي بالعزه اخر انفاس
السلامُ عليكَ يا ابا الفضل العباس
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة السلامُ عليكَ يا ابا الفضل العباس 📝👆

✨خدمة محبي باسم الكربلائي تقدم:
📜قصيدة : جد بالمسير
✒️للشاعر : السيد سعيد الصافي الرميثي
📌 : وفاة ام البنين (ع)
📅:ليلة 12 جمادى الأخره 1445
🕌: العتبة العباسية المقدسة - كربلاء
🎵 طور : #ياصاحب_الرأس
https://hottg.com/m7bebasim/54893

جد بالمسير الكربلا واسرع يناعي الموت ‏
من توصل الصوب النهر صيح بحزين الصوت ‏
امك خبرها .. يا عباس ‏
شابح نظرها .. يا عباس
▪️▪️▪️▪️▪️
گوم اطوي يا ناعي الدرب ليل نهار
والكربلا اتعناها
واتوسط اگبور النشامه الاقمار
وام البنين انعاها
يا من صوركم چانت اتضوي الدار
غدر الزمن طفاها
عطر الوفه الظل عدها منكم تذكار
نشّف دموع ابچاها
حسرتها حنان الوالده منها الدليل يذوب
واعليها يلتم الحزن كلما يصير اغروب
عبرة ابصدرها .. يا عباس ‏
شابح نظرها .. يا عباس
▪️▪️▪️▪️▪️
گلهم اجيت او جايب اوياي اعتاب
من امكم الربتكم
لا خبر لا مرسول اجه ايدگ الباب
يالطولت سفرتكم
ناعيكم ابيوم الرجع يا غياب
يخبرها عن قصتكم
نشدته اعله حسين ابدمعها السجّاب
ما همت ابردكم
ما نشدته اعله الاربعة وظلت تدير العين
كل ظنها جدام الظعن سالم يعود حسين
وعظم اجرها .. يا عباس ‏
شابح نظرها .. يا عباس
▪️▪️▪️▪️▪️
وگله يعباس المسهل الكلفات
يا گمر عالي ابفضلك
مثل امك ابدنياي تحصل هيهات
لا وحگ طيبنة اصلك
يا أم مثلها اصبحت باب الحاجات
كل محب إلها يسألك
وشلون گلي انعدها من الاموات
أم اللي ولدت مثلك
قبلة وفه ومرهم شفه وايداوي كل مجروح
نوح الثكول الفاگده ناحت على المذبوح
آية فخرها .. يا عباس ‏
شابح نظرها .. يا عباس
▪️▪️▪️▪️▪️
اتگول الوصي اتقدملي وأهلاً ناديت
وآنا الچنت مفتخره
لا مو شريكه ابدخلتي الأشرف بيت
خادمه الولد الزهره
وخلف الحسن وحسين ياما صليت
وفقني رب القدره
لكن طلب عندي صعب واتمنيت
موتي الحسين يحضره
هذا الشعور المبدأي مثله محال يصير
عن الوعي والمعرفة اعظم وأجل تفسير
عالي گدرها .. يا عباس ‏
شابح نظرها .. يا عباس
▪️▪️▪️▪️▪️
امك الما يوم التهنت بالماي
تذكر گطع چفينك
يا گمر بيتي الطفه ابظلمة دنياي
يوم الطفوا عينك
من ذكرياتك ابنك الظل وياي
سلوتي ابيني وبينك
يالبيك اشم ريحة ابوك الوفاي
نادته اگرب وينك
گربت منية جدتك روح اخبر السجاد
آخر جسد عندك بعد يا دافن الأجساد
ساعة قدرها .. يا عباس ‏
شابح نظرها .. يا عباس
▪️▪️▪️▪️▪️
راح الفضل وبجدم يعثر ودموع
تنزل على وجناته
خايف اعله گلب العليل المفجوع
يترادفن دگاته
هذا اللي شاهد راس ابوه المگطوع
ماكو مثل مآساته
وشاهد الخيل الهاشمت منه ضلوع
وشاهد سبي عماته
گله الوفيه الصابره ودتني اوصل ليك
ماتت تگول اتنطرك تحضرني دفني عليك
لمن حضرها .. يا عباس ‏
شابح نظرها .. يا عباس
▪️▪️▪️▪️▪️
ساعة دفن أم البنين السجاد
هاجت جميع آلامه
يوم الطفوف اگباله بمصابه انعاد
يرسم صور جدامه
ويا جسد دفنه اصعب من الأجساد
بين اخوته واعمامه
والده الما رحمته اخيول الاحقاد
هشمت كل عظامه
وگباله حاضر بالدفن عمه الكفيل ايشوف
الدفن امه اجه يساعد علي لكن بلايه جفوف
اطلب عذرها .. يا عباس ‏
شابح نظرها .. يا عباس
▪️▪️▪️▪️▪️
لنعش الوفه يامن اجيتوا تشيعون
عدكم خبر قصتها
ناعي الذبيح عليها ما خله عيون
منه سبب موتتها
اربع ولد وابغفله عنها ايروحون
ما انصفت دنيتها
رادتهم ابساعة دفنها ايحضرون
وابشيلة اجنازتها
وحسين جدام النعش ويه اخوته موجود
تتمنه شمت ريحته وليها الحياة اتعود
يدخل گبرها .. يا عباس ‏
شابح نظرها .. يا عباس
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة جد بالمسير 📝👆

✨خدمة محبي باسم الكربلائي تقدم:
📜قصيدة : جنازة أمك بإنتظارك
✒️للشاعر : السيد معتز سلام الحسيني
📌 : وفاة ام البنين (ع)
📅:ليلة 12 جمادى الأخره 1445
🕌: العتبة العباسية المقدسة - كربلاء
🎵 طور : #هاي_من_حيدر_وصيه
https://hottg.com/m7bebasim/54482

جنازة امك بنتظارك يا ابا الفضل
▪️▪️▪️▪️▪️
عايشه لو ميته امك ياكمرها تريدك
اعتني شيل الجنازه وإنسه كطعت ايدك
الفاتحه يبن الصميده اقراها من وريدك
جروحك هواي ودفنها جروح راح يزيدك
ماطفت بالفركه نارك يا ابا الفضل
▪️▪️▪️▪️▪️
امك من الفركه ماتت والبعد اذاها
سهم عينك يابو فاضل تدري بي بجاها
الربت سنين وليالي هذا حلم رباها
من ينزلوها بكبرها تنزل انت وياها
الها لاتبدي اعتذارك يا ابا الفضل
▪️▪️▪️▪️▪️
شيل جودك روح لامك انحب واسيها
كلها يايمه احبج وكعد ابجي اعليها
من يشيعوها الجنازه برايتك غطيها
بيها جمره من المخيم دمعك يطفيها
وياها سولف بنگسارك يا ابا الفضل
▪️▪️▪️▪️▪️
امك بعاشر محرم سمعت مكطعينك
شلون لمن تعتنيها مكطعه جفينك
ميته بس تكسر كلبها مثل ضهر حسينك
من توسدها بكبرها اِدعي الله يعينك
اسود بعينك نهارك يا ابا الفضل
▪️▪️▪️▪️▪️
الليله ويه حسين امك بالكبر تتلاكه
وتبقه تشكيله بدمعها شسوه بيها فراكه
الليله يحجون وحچيهم عالخيم والناكه
يكلها مشتاك وتكله اني هم مشتاكه
موحشه تكله ديارك يا ابا الفضل
▪️▪️▪️▪️▪️
الفاتحه بيا كاع كلي محسب تسويها
بكربله يم الشريعه هيه تقبل بيها
فاطمه بفاطمه الليله الوادم تعزيها
امك الضحت بدمك ننحني لطاريها
نبجي هاليله بمزارك يا ابا الفضل
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة جنازة امك بإنتظارك 📝👆

✨خدمة محبي باسم الكربلائي تقدم:
📜قصيدة : ما يرجع بعد
✒️للشاعر : عمار هليل الواسطي
📌 : وفاة ام البنين (ع)
📅:ليلة 13 جمادى الأخره 1445
🕌: العتبة العباسية المقدسة - كربلاء
https://hottg.com/m7bebasim/54492

ما يرجــع بـعـد واتأكـدت زيـن
خلّي الموت ياخذنـــي للحسين
▪️▪️▪️▪️▪️
حياتي إبلا حُسـيــن تألمـت بيها
وحشه أيامـهــه وصـعبــه لياليها
لأن كل لحظه روحي تريد غاليها
ذبلت ماكو غيـــر حسيــن يرويها
بس المــوت يجمع بين روحين
خلّي الموت ياخذنـــي للحسين
▪️▪️▪️▪️▪️
من آخر وداع وگلبــي ظل حاير
يگظي اليوم أگولـــن أنتظر باچر
ما تِـقــنــع الروح بكلمــة امسافر
ثلاث سنيــن گـــوه ظلــت اتكابر
مَدام الوكــت فارَگ بيــن گلبين
خلّي الموت ياخذنـــي للحسين
▪️▪️▪️▪️▪️
هجير الروح ما يطفه بمدامــع دمْ
وظنون البُـعد حيره وعذاب وهَـــمْ
إجانــــي بيا مصيبه بشر ابن حذلم
نعه أربع بنــيــنــي وگـــتله ما أهتم
گتله حسين روحي ومهجتي وين
خلّي المـــــوت ياخذنـــي للحسين
▪️▪️▪️▪️▪️
لبس عمري السواد وما خلص حزني
تمنيـــت الأجـــل لحســـيــن ياخذني
هِـدَم حيلي رحيله وما خلــص ونّــي
عشت محتاره بــعــده والظهر محني
شيّبني الحزن گد عمري عمرين
خلّي الموت ياخذنـــي للحسين
▪️▪️▪️▪️▪️
قليل شمــا فديــته حسيــن يستاهل
أنذر كـــل بــنــيــني والگــلــب قابــل
لو عـشــــريــن زلـمــه مثل أبو فاضل
فـــدوه للســبـــط كافـــل وره كافــــل
مثل حســيـــن ما ينعاد مرتين
خلّي الموت ياخذنـــي للحسين
▪️▪️▪️▪️▪️
وحق أربـــع بنــيــنــي الموتي منتظره
بأمر جــل جــلاله وآنـــي عِــــد أمـــره
كل لحظه چـــنــت للأجـــل مِـتـحَضره
موعد عـــــنـــدي وَي ريحــانــة الزهره
مثل هالنعمه بالله تحصل إمنين
خلّي الموت ياخذنـــي للحسين
▪️▪️▪️▪️▪️
إلى حــد إحتـضـاري وروحي ملهوفه
گلب ولســــان أقــــره بأربـــع احروفه
وحق عباس أخــــوه وگطعت إچفوفه
تعمه اعيوني إذا ما تـــــرجـــع إتشوفه
إمامي ونور وجهه ضوه لكل عين
خلّي المــــوت ياخذنـــي للحسين
▪️▪️▪️▪️▪️
خادم الإمام الحسين عليه السلام
عمار هليل الواسطي
٩ جمادي الآخرة / ١٤٤٥ هجري
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة مايرجع بعد 📝👆

▪️بالتعاون مع قناة العبرات الحسينية tel:
📜قصيدة : مسعى الوفا
✒️للشاعر : لؤي حبيب الهلال
📌 : وفاة ام البنين (ع)
📅:ليلة 13 جمادى الأخره 1445
🕌: العتبة العباسية المقدسة - كربلاء
https://hottg.com/m7bebasim/54932

مَسْعَى الوَفَا بِمَنْطِقِ الإحْسَاسِ
مِنْ أُمِّ عَبَّاسٍ إلى عَبَّاسِ
رَايَاتُهَا نَبِيَّةُ الرَّايَاتْ
ذُرِّيَّةٌ تُقْضَى بِهَا الحَاجَاتْ
بالزهرا
▪️▪️▪️
إنِّي أَنُوحُ كُلِّي جُرُوحُ
وَكُلُّ أَضْلَاعِي انْحَنَتْ كَسِيرَهْ
البَيْتُ منْفَى أَعِيشُ خَوْفَا
بالحُزْنِ وَالمَشَاكِلِ العَسِيرَهْ
فَمَنْ يُعَالِجْ مَنْ للحَوَائِجْ
مَنْ يَمْسَحُ المَدَامِعَ الغَزِيرَهْ
بَيْنَ اللَّيَالِي مَرَّتْ بِبَالِي
أَمِيرَةٌ مَا مِثْلُهَا أَمِيرَهْ
قَدْ أَقْبَلَتْ دُرِّيَّةَ التَّكْوينِ
فَقُلْتُ يَا أُمَّاهُ هَلْ تَكْفِينِي
تَبَسَّمَتْ وانْزَاحَتِ الشِّدَّاتْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
الْحَيْدَرِيَّهْ وَالفَاطِمِيَّهْ
بِسَاحِة الإبَا لَهَا رَكَائِزْ
وَفِي البَقِيعِ مَأْوَى الجَمِيعِ
مَقَامُهَا أَعْلَى مِنَ الحَواجِزْ
أُمُّ البَنِينِ أُمُّ اليَقِينِ
أُمُّ الفِدَا وَالعَهْدِ وَالمَعَاجِزْ
أَمَّا يَقِينِي منْ صُلْبِ دِينِي
تُحْيِي بِإِذْنِ رَبِّهَا الجَنَائِزْ
مِنْ رَبِّها مَكْنُونَةُ الأسْرَارِ
بِدَارِهَا دَارَتْ رَحَى الأقْدَارِ
وَمَنْ يَرَى، يَرَى بِهَا الآياتْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
أُمُّ الكَرَامَهْ دِرْعُ الإمَامَهْ
لَمْ تَكْفِ فِي ثَنَائِهَا حُرُوفِي
النَّاسُ تَهْفُو صَفٌّ فَصَفُّ
مَلَائِكُ اللهِ مَعَ الصُفُوفِ
تُعْطِي البَرَايَا جَزْلَ العَطَايَا
كَجَنَّةٍ دَانِيَةِ القُطُوف
قَلْبٌ تَكَوْثَر ثُمَّ تَحَيْدَرْ
فَأَنْجَبَتْ تِرْسَانَةَ الطُّفُوفِ
تُجْرِي الكَرَامَاتِ كَمَا الأنْفَاسِ
بِذِكْرِهَا لَانَ الفُؤَادُ القَاسِي
وُجُودُهُا يُطَمْئِنُ النَّبْضَاتْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
تَشْفِي السَّقِيمَا تَرْعَى اليَتِيمَا
بِظِلِّهَا ظَلَّلَتِ العَوَالِم
عَاشَتْ عَظِيمهْ ذَاتًا كَرِيمَه
جَبِينُهَا يَرْشَحُ بِالمَكَارِمْ
إنْ ضَاقَ دَهْرُ أَوْ زَادَ قَهْرُ
أَوْ قَطَّعَتْ أَنْفَاسَكَ العَظَائِمْ
اُقْصُدْ إليْهَا أَقْسِمْ عَلَيْهَا
بِفَاطِمٍ بِفَاطِمٍ بِفَاطِمْ
وَاسْعَ إليْهَا بِنَزِيفِ الدَّمْعِ
واقْرَأْ عَلَيْهَا مِنْ مُصَابِ الضِّلْعِ
تُهَوِّنُ المَأْسَاةَ بِالمَأْسَاةْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
إنْ كُنْتَ تَرْغَبْ بِخَيْرِ مَذْهَبْ
أُمُّ البَنِينِ أَوَّلُ السَّبِيلِ
عِلْمٌ وَحِكْمَة بَلْ خَيْرُ أُمَّهْ
أَبْنَاؤُهَا فِي كَرْبَلَا دَلِيلِي
مَشْيًا تَعَنَّى بِالفَوْزِ تَهْنَا
تَكْسُوكَ مِنْ جَلَالَةِ الجَلِيلِ
والسَّعْيُ يَحْلُو إنْ فِيهِ بَذْلُ
مِنْ طَيْبَةٍ لِمَرْقَدِ الكَفِيلِ
لَوْ صَعُبَتْ زِيَارَةُ الأجْسَامِ
بِالنِّيَّةِ اقْصِدْهَا أَوِ الأحْلَامِ
فـَ(إِنَّمَا الأعْمَالُ بِالنِّيَّاتْ)
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
صَاحَتْ بَنِينِي رَبَّتْ يَمِينِي
مَنَارَةً فِي إثْرِهَا مَنَارَه
يَا نُورَ عَيْنِي بِاسْمِ الحُسَيْنِ
نَذَرْتُكُمْ عَلَى العَدُوِّ غَارَهْ
والطُّهْرُ زَيْنَبْ فَلَا تُخَيَّبْ
إنْ أَشَّرَتْ تَكْفِيكُمُ الإشَارَهْ
فَإِنْ قُتِلْتُمْ كَالذَّرِ صِرْتُمْ
فَإِنَّها لِخَاطِرِي البِشَارَهْ
مَا شَرِبُوا ليُسْعِدُوا الزَّهْرَاءَا
إذَا بِهِمْ لِلمَاءِ صَارُوا المَاءْا
لِيَوْمِنَا هُمْ في السَّمَا غَيْمَاتْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
أُمُّ البَنِينِ مَعْنَى الحَنِينِ
إلى حُسَيْنِهَا بِيَومِ عَاشِرْ
رَمْزُ الوَلاءِ بِكَرْبَلاءِ
تَوَدُّ لَوْ بِنَفْسِهَا تُبَادِرْ
تَسْقِي الظِمَاءَا تُهْدِي الدِّمَاءَا
وَالْهَامَ وَالكُفُوفَ وَالنَّوَاظِرْ
وَدَّتْ تُوَذَّرْ وَالرَّأْسَ يُنْحَرْ
وَصَدْرُهَا تَرَضُّهُ الحَوَافِرْ
قَلِيلَةٌ رُوحِي لِسِبْطِ الهَادِي
يَا لَيْتَ لَوْ سَبْعِينَهُ أَوْلَادِي
لا مَرَّةً أفْدِيهِ بَلْ مَرَّاتْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
يَا أهْلَ يَثْرِبْ قَدْ جَاءَ مَوْكِبْ
وَفِيهِ مَنْ فِيهِ فَلَسْتُ أَعْلَمْ
يُقَالُ زَيْنَبْ فَأَيْنَ زَيْنَبْ
لَمْ أَلْقَ إلا جَسَدًا مُحَطَّمْ
وَجْهٌ مُرَمَّدْ وَالمَتْنُ أَسْوَدْ
لِسَانُهَا إنْ نَطَقَتْ تَلَعْثَمْ
هَوَتْ بِقُرْبِي تَقَولُ قَلْبِي
مَا زَالَ بَيْنَ التَّلِّ وَالمُخَيَّمْ
إنِي رَأَيْتُ الشِّمْرَ حَزَّ الرَّاسَا
وَلَمْ أَزَلْ أَنْتَظِرُ العَبَّاسَا
آهٍ أَيَا سَيِّدَةَ الآهَاتْ
ذُرِّيّةٌ تُقْضَى بِهَا الحَاجَاتْ
بالزهرا
▪️▪️▪️
لؤي حبيب الهلال
24/12/2023م
الرياض
▪️▪️▪️
#اللهم_عجل_لوليك_الفرج

قصيدة مسعى الوفا 📝👆

✨خدمة محبي باسم الكربلائي تقدم:
📜قصيدة : شكرا الج يم عباس
✒️للشاعر : زين العابدين المرياني
📌 : وفاة ام البنين (ع)
📅:ليلة 13 جمادى الأخره 1445
🕌: العتبة العباسية المقدسة - كربلاء
🎵 طور : #ميمر_كربلائي
https://hottg.com/m7bebasim/54494

شكراً إلچ يم عبّاس
ويّانه ما قَصّرتي
▪️▪️▪️▪️▪️
خير النّسه ربّ العرِش خلّاني
واعظم ابناء ابْهالوجود انطاني
وابْغيبتي اختاريتچ امهم آني
بعده عقيل ابْلا راي
وابداري ردتچ إنتي
▪️▪️▪️▪️▪️
وفّيتي يمّ الكافل اوكفّيتي
وارفعتي راسي الداري مِن طبّيتي
أول بدايه بالإسم ضحّيتي
اوسمّيتچ ام الحَسْنين
وام زينب ابْذاكرتي
▪️▪️▪️▪️▪️
المثلچ يحُرّه تفتخر عالنّسوان
يكفي شرَف خلّفتي هيبة عدنان
اوبعده الثّلاثه اليترسون الميدان
والحيد طالع من حيد
نِعْم الزّلم خلّفتي
▪️▪️▪️▪️▪️
بالدّار ما تانيتي ابد غيّابچ
بالرغم ما غابوا جميع احبابچ
بس لجْل ابو اليمّه وگفتي ابّابچ
أجرچ عليّه اتحسبيْهْ
أدري اشْكثر ساهرتي
▪️▪️▪️▪️▪️
اوْيه النّاعي كلّش موقفچ أذّاني
ايْعد الولِد واحد ابْظَهْر الثّاني
گلتيله عنهم ما سألتك آني
بشّرني شخْبار احسين
وابغيره ما سولفتي
▪️▪️▪️▪️▪️
آنه اوعلي بالجنّه وانسولِف بيچ
اودائماً يمّ النبي نذكر طاريچ
يالطيّبه ابيوم القيامه انجازيچ
أرفع اچفوف العبّاس
واشكر اشْما قدّمتي
▪️▪️▪️▪️▪️
ابْعمرچ الحافِل بالوفه لاهل البيت
قدّمتي كلشي اوگلتي ابد ما وفّيت
ملهوفه بالجنّه اوتجيني تانيت
ما عندي اخت وانتي اهنا
لازم أحسبچ إختي
▪️▪️▪️▪️▪️
يبقى الشّكُر يمّ الوفه متواصل
حَدْ يوم الحْساب اللّقاء الفاصل
بالمحكمه أرفع اچفوف الكافل
واهْتِف اشْذنْب العبّاس
منّ احچي قُصْته اوقُصْتي
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة شكرا الج يم عباس 📝👆

✨خدمة محبي باسم الكربلائي تقدم:
📜قصيدة : اكصد ملهوف
✒️للشاعر : علي السقاي
📌 : وفاة ام البنين (ع)
📅:ليلة 18 جمادي الاخر 1434
🕌: العتبة الحسينية المقدسة - كربلاء
🎵 طور : #نحرك_مذبوح #ساقي_الماي #قبل_التكوين

إگصِد ملهوف دمعك مذروف
جرِّبها اْو شوف أُم العبّاس
أُطلب منها الحاجات
اِتردك خايب هيهات
أم العباس
▪️▪️▪️▪️▪️
عن تَجربه اْو صارت إلي
"باسم" أنه اْو تِشهد هَلي
او يشهدلي هذا المنبر
اهموم الگلب مِن تعتِلي
او نار المشاكل تصطِلي
بُم البنين اَتصبّر
يالجرّبت إسم الوِلي
نادي علياً يِنجِلي
همّك ابطاري حِيدر
هالطاهِره زَوجَة علي
جرّبها لمّن تِبتِلي
صدّگني لا ماتِخسر

لو ردت اشهود ماچان اردود
هذا الرادود يقره الهناس
أَنعي ابأعلى الصرخات
اتردك خايب هيهات
ام العباس
▪️▪️▪️▪️▪️
أنقُل إلك هذا الخبر
مثل الشمس واضح أثر
وابنوره تِعلگ شمعك
هالطاهِره قبلة فخر
بيها انتِخَت جن اْو بشر
إِنخاها واشرح وضعك
يالما رِحم بيك الدهر
دِگ اعله باب ام الگمر
هيّه التقدِّر دمعك
لا يحجِبَك بُعد السفر
لو هَمسه يِخنگها القهر
مِن يا مكان اتسمعك

لَتگول ابعيد اْو ماراح ايفيد
اُطلب شتريد عوف الوسواس
التِسمع هَمس الاصوات
اتردك خايب هيهات
ام العباس
▪️▪️▪️▪️▪️
حرّه اْو وفيّه اْو عالمه
عِزتها من حامي الحمه
مجّدها ربنه ابمجده
موقفها تِشهدله السمه
وابن الوديعه فاطمه
جرّبها يوم الشّدّه
هاي البُگت بي هايمه
احسين اْو تِمنّت خادمه
يِقبلها تِخدم عنده
للغالي شنو اتقدِّمه
انحور اربعه تِگطُر دمه
تِنزف ابحُبّه اْو ودّه

من أجل احسين فدوه الچفين
اْو خل تعمه العين اْو ينصاب الراس
واسيها ابهالدمعات
اتردك خايب هيهات
ام العباس
▪️▪️▪️▪️▪️
الباري اِمتحنها اْو لا عَجَب
أم البنين الهالسَبَب
باب الحوائج صارت
وهاي البَشَر من كل مهب
چم حاجه أخذت جم طلب
اعليها المكارم شارت
وسفه البِلَغ هاي الرُتَب
لا گُبّه لا إسم انكتب
هالدنيه شنهو اختارت
لا مِن ضريح اْو لا ذهب
تبّت أياديهم وَ تَب
اچفوف النواصب جارت

والراد ايزور يوگف مكسور
يحبس مجبور دمع الاحساس
يالتِخنگ هالعبرات
اتردك خايب هيهات
ام العباس
▪️▪️▪️▪️▪️
طِيب اْو وفه اْو جود اْو كرم
صارت مِثل نار ابعلم
اشتحچي ابوصفها الكِلمه
ناديها واتگلّك نَعَم
كَثره ابعطاياها النِّعم
ماتِمنع اِلا ابحكمه
وابصوره يرسمها الألم
اِتخيّل گبرها اللي انهدم
لاشمعه ظلّت يمّه
جِهلوها عُبَّاد الصنم
لازم يضوگون الندم
اعليهم نِصُب النّقمه

ويّه الموعود كل حگ ايعود
يلگانه اجنود عزّه اْو نوماس
إهتف ياللثارات
اتردك خايب هيهات
ام العباس
▪️▪️▪️▪️▪️
هاي اللي ضحّت بالشدد
اشويه اربعه اتشوف العدد
تتمنّه تفدي ابعشره
واشتگدر اتقّدم بعد
ضامرها يلهب مابرد
ماتطفه نار الحسره
الباري اعله مدمعها شِهد
أم البنين ابكل بلَد
تنصُب عزه اعله العتره
ويّانه تترجّه الوعد
بالنُّدبه تدعي اْو بالعهد
ألله يعجّل أمره

تترجّه الثار الغايب لو ثار
بيده الفقّار اْو يگطع أنفاس
وابحق هاي الدعوات
اتردك خايب هيهات
ام العباس
▪️▪️▪️▪️▪️
علي السقاي
٢٠١٢
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة اكصد ملهوف 📝👆

✨خدمة محبي باسم الكربلائي تقدم:
📜قصيدة : بيتي
✒️للشاعر : السيد سعيد الصافي الرميثي
📌 : وفاة ام البنين (ع)
📅:ليلة 14 جمادى الأخره 1445
🕌: العتبة العباسية المقدسة - كربلاء
🎵 طور : #روحي_مشتاقه
https://hottg.com/m7bebasim/54512

بيتي .. بيت الشجاعه والفخر .. بيتي‏
ماكو گمر يشبه گمر .. بيتي‏
خليته خالي يا دهر .. بيتي
▪️▪️▪️▪️▪️
بيتي بيت الله ورسوله وبيت حيدر ‏
علي الأنزع حامي جاره
والكتاب الناطق اسمه فارس اوحد
آيه نزلت عن فقاره
يضوي شمس وگمر بيتي ‏وما تميز
وقت ليله من نهاره
عالي .. ويلامس نجوم السمه .. عالي
بيت الوصي حامي الحمه .. عالي
عنده الكرم مثل المطر .. بيتي‏
▪️▪️▪️▪️▪️
والله حيره منين ابدي حتى اسولف
عن عذابي امن البدايه
ما فرحت ابيوم ملگه بس اودع
يا زماني مو كفايه
ادري ما يرحمني غدرك هذا طبعك
وابقه انوحن للنهايه
نوحي .. لآخر نفس ما ينگطع
من دم لون سال الدمع
ليلة الراعيه انبطر .. بيتي
▪️▪️▪️▪️▪️
هي مو بس قصه وحده واگدر انسه
حتى اگدر نوحي اگطعه
بيت خالي اعليه يمسي وانا وحدي
ناعي موتي ينعه اسمعه
ماي واتبده امن اديه يا شملهم
والله حيره شلون اجمعه
راحوا .. احبابي كلهم يا زمن .. راحوا‏
ما بي امل رد الظعن .. راحوا‏
ظل خالي من بعد السفر .. بيتي‏
▪️▪️▪️▪️▪️
عني راح اليجلي همي من اشوفه
گلبي ارحل وي رحيله
مرت عليه ليالي كلها ظلمه
ليله اصعب منها ليله
والتساعدني اعله نوحي عني راحت
وانا اصيحن يالعقيله
زينب .. من صبري اصعب يا صبر .. زينب
مهضومه من خامس عمر .. زينب
بابه لضلع امها كسر .. بيتي
▪️▪️▪️▪️▪️
حتى الاحلام التمرني بلايه شمعه
يمته ليلي ايفز ظلامه
خيل اشوف ونار تلهب والأرمال
بين غربه والملامه
زينب اتعاتب ابوها اتگله بويه
وين ادور عاليتامه
بويه .. ياحاضر الشده علي .. بويه
غيرك بعد ياهو الالي .. بويه
رايح عموده اعله النهر .. بيتي‏
▪️▪️▪️▪️▪️
حسين ظلت ذكرياته شنسه منها
ذكرى تاخذني اعله ذكره
والظهر مرتلي نسمه وحيرتني
گمت اشمن بيها عطره
بس عطر بي نفح من دم ربي سترك
يمكن ابني دامي نحره
روحي .. هذا العطر من شمته .. روحي
ونت حنان الشوفته .. روحي
محني على محني الظهر .. بيتي‏
▪️▪️▪️▪️▪️
گتله وينك ها يموتي ما تجيني
بإنتظارك مر عليه
ظلتي إلمن دگلي وشبگالي ‏
من ليالي الغاضريه
شيدت اگبور خمسه وگابلتها
هذا حالي ابكل مسيه
وينك .. ياموت شمتاني بعد .. وينك
لا تخلف اويايه الوعد .. وينك
للحزن ما زال الأثر .. بيتي‏
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة بيتي‏ 📝👆

✨خدمة محبي باسم الكربلائي تقدم:
📜قصيدة : للوفاء مملكة
✒️للشاعر : السيد عبدالخالق المحنه
📌 : وفاة ام البنين (ع)
📅:ليلة 14 جمادى الأخره 1445
🕌: العتبة العباسية المقدسة - كربلاء
🎵 طور : #كربلا_اقبلي
https://hottg.com/m7bebasim/54513

للوفاء مملكه .. بالعطاء سيده
للإمام خادمه .. بالجهاد قائده
هيه لاء كربلاء
▪️▪️▪️▪️▪️
بالغت مهما بالغت بالكرم أكبر إهواي
هيه أم سيد الضوه هيه أم سيد الماي
للسبط أمه الثانية لاكن إتكله مولاي
نادته مهما تبتعد بالنفس تبقه وياي
ماماتت الربت كفيل
قبة أبو فاضل دليل

بالشداد حاضره .. للعيون واضحه
هيه بس تنقره .. سورة الفاتحه
والنداء كربلاء
▪️▪️▪️▪️▪️
والوفه يعرفها فقط ماكدر يعرف إثنين
محسن أو بسمار أوضلع ترسم إبدمعة العين
قافله أو راس إعله الرمح مشرعه او يمها جفين
تنتفض بإسم أبو الفضل تنحني لإسم الحسين
صوت الحقيقه إبكل عزاء
حي على راعي اللواء

والجزاء يم علي .. والبقاء للعلي
والطغاة تندثر .. والشريف يعتلي
بالولاء كربلاء
▪️▪️▪️▪️▪️
طاهره حره زاكيه حيدريه بالأفعال
عارفه لبوه حازمه تنصرب بيها الأمثال
عالمه او ربت والزلم تنعرف يوم الأهوال
والمهم زينب لو مشت تمشي بين أربع إجبال
لآخر نفس ظلت تصيح
ويلي يحسين الذبيح

كون أموت ضاميه .. بالخيول أنسحن
هم أكول أعتذر .. ماوفيت للإبن
بالدماء كربلاء
▪️▪️▪️▪️▪️
كربله هيه كربله والنعش بي علامات
يانعش شايل بس وفه ظل يفوح إعتذارات
يانعش ماشايل جسد شايل أربع منارات
مونعش أشبه بالسمه بي تطوف المجرات
عينك يبو فاضل تشوف
واحمل نعشها إبلا جفوف

لاتكول أعتذر .. أمنيات والده
والعيون شابحه .. والدموع شاهده
للقاء كربلاء
▪️▪️▪️▪️▪️
ياشعر يكدر يحتوي هالعظيمه إبعبارات
فاطمه كوكب للحزن هيه بيت الجراحات
هالمسه ندعي بالصحن فاطمه عدنه حاجات
نظره للحضروا مجلسج وانتي أم الكرامات
نقسم عليج إبكل حبيب
والظل على الغبره سليب

والإدين ترتفع .. والدموع نازله
والكريم بي صفه .. مايخيب سائله
للشفاء كربلاء
▪️▪️▪️▪️▪️
من مشوا عنها الكربله دنيه ظلت بلا ناس
إمرأه والوادم حجر بس بقت تنضح إحساس
بالشدد تنقاس الزلم والوفه بيها ينقاس
لو فتك بحسين العطش للنهر تنطي عباس
يم النهر طاحت رقاب
طاحت لجل يبقى الحجاب

تضحيات عالمه .. بالعطاء معلنه
ماتموت للأبد .. بالحسين مؤمنه
والعطاء كربلاء
▪️▪️▪️▪️▪️
بالسمه مايبقه ضوه من تروح أم الأقمار
عالمه بالموت إقترب عالدرب شابحه أنظار
تلهج إبكلمة ها إجو ماكو من عدهم أخبار
والنعش رايدله إبن يحمله و كلبه بي نار
وين اليحضرون الصعاب
كلهم صفوا تحت التراب

والونين ون سبي .. والجروح مشرعه
ليش أموت بالغرب ..والبنين أربعه
والبقاء كربلاء
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱