📜 القصيدة: شال الشهيد حسين
🎤 أداء: مسلم الوائلي
🖋 كلمات: المرحوم ملا عطيه الجمري
وعلي أكبر الغرابي
~
شال الشهيد حسين بخوته وشبانه
وخله المدينه اتموج من حمل اضعانه
~
ظلمه منازلهم والترب سافيها
غراب المدينه ينوح بعد الأهل بيها
عگب السبط ملزوم تخرب معانيها
وبيت المجد والجود تتهدم اركانه
~
طوح الحادي وشال بضعون اهاليها
وظلت منازلهم بس الدمع بيها
سفره ومسيرة نوگ وحسين راعيها
وعيون ابو السجاد بدموعه ذبلانه
~~~
ابن الحنيفه يحوم بدموع مذروفه
يدور بنواحي الدار ويگلب جفوفه
يصيح العزيز حسين عيني عسه تشوفه
سافر وخلاني من جملت اخوانه
~
مشرعب جفوفه وصاح يا خويه وياكم
ما تستجن وتهيد روحي بلياكم
شيصبره يالمجفين گلبي اعله فرگاكم
محمد عليكم ظال بدموعه وحزانه
~
ولن المنادي يصيح بحر الكرم وينه
وفاد ابو السجاد لزيارته جينه
سبط النبي في وين اهله وشياهينه
محمد جذب ونه وزادت احزانه
~~~~
الينشد محمد وين خوانك الليله
يهبط الراس وصاح شالوا فرد شيله
غرب حسين وراح بضعونه والعيله
وفارغ مجان الجان ما يفرغ مجانه
~~
شيخ العشيره حسين شال وغلق داره
ما خلف إلا وحيد مشغول بفكاره
لو ضايعه وتنوح بالدار محتاره
بنته اوجعت گلبي تنعاه وجعانه
~
مسرع مشه ولا دار عينه عله دياره
وخله دليلي يلوب من فرگته بناره
راح الگبل وياي ما يگطع اخباره
وآخ الهجر للحين تجويني نيرانه
°°°°°°°°°°°°°°°°°°°°°°°°°°°°°°°



https://hottg.com/azzedine24

📜 القصيدة: باب وبسمار
🎤 أداء: مسلم الوائلي
🖋 كلمات: محمود الموسوي
~~~~
يا زهراء أول طف صار
يا زهراء باب وبسمار
هظموا زينب دفعوا بابج .. يا زهراء
~~~~
يمه زينب دفعوا امج ونكسر ضلع
محسن وخدري وعباتي اتحملن جذع
حاوطوني ولا كتر مني سلم
ردت فزعة علم شفت حرگ الخيم
عالباب شفت الخدر اجذوع سحگت صدر
شتموني وعلي ضلعي طگ بالعصر

زلم يدفعون اعله الباب ما گالوا علويه
وداروا گلي العباس ست أزلام عليه
واحد طگني اعله العين واحد شتم بيه
محترگه ومحد صاح كافيكم مجويه

هظموا زينب دفعوا بابج .. يا زهراء
~~~~
يمه وين عيوني اضمهن ونطفه الجفن
وانه لعيونج يزينب من أنام أحن
أرد اشوفج يا بعد ذني الطفن
تره عيوني انعمن هظيمه أم الحسن
صيوان بابي احترگ محسن ابني انسحگ
بابي تالي العمر جذعه بيه انطبگ

أفا ما جنت محسبه الهاي تنطگ بت الساده
الخانوا حيدر بالباب جا ما غزر زاده
باجر هم تنطگين يبنيتي اعله العاده
باجر ما عندج عون يم عون النشاده

هظموا زينب دفعوا بابج .. يا زهراء
~~~~
يمه باجر لو تسلب بالخيم خدر
حافي تركض كل سبيه والدرب جمر
ها يزينب والدرب كله زلم
صدگ مدري بحلم ركض حرمه وشتم
تمشين باجر سبي اترافگين اجنبي
والحرگ بالخيم بالج اعله العبي

تره باجر غربه ونسوان ويصيحون عليهه
تركض يم العطشان والنار برجليهه
باجر نسوان حسين سوگ يباوع بيهه
وخيامج محترگات يا زلمه يطفيهه

هظموا زينب دفعوا بابج .. يا زهراء
~~~~
گمت احط ايدي وعباتي واستر الجرح
حمره عيني وجرح وجهي والدمع ملح
يمه زينب خاف اگلج عالجره
الهظيمه مخدره وزلم طگوا مره
لو شاف حيدر يهد وما محشمه الولد
زهره انه مو للجذع مكسور ضلع الورد

طفه عيني الطگني اعله الباب والغربه الشافوني
باجر بحوافر خيل يا يمه يهظموني
راس حسينج ينشال بجفوف الطگوني
ويدفعونج بالشام يبنيتي الدفعوني

هظموا زينب دفعوا بابج .. يا زهراء

°°°°°°°°°°°°°°°°°°°°°°°°°°°°°°°°°°°°




https://hottg.com/azzedine24

🎙️يا مهدي ادرك فاطمه🎙️


مـتـى مــولاي بــعـيـونــك.. تـراهـن
اضلوع الطاهره انـعـصـرن.. تـراهـن
عليك الـشـيـعـه يالـمـهـدي.. تـراهـن

بــس انــتــه الـتــرد ثــار الــزچـيــه

                   

خَـــلـــه ابــراحــتــه الـلايــم.. يلمنه
جـــرح اغــيــابــك وبــُعــدك.. يلمنه
يـجـي يـوم وفــرد مــوكــب.. يلمنه

ونـنـوح ويـاك ونـــقــيــم الــعــزيــه

                   

✍خـادم الزهراء ع
الشاعر رعد الجريخي



https://hottg.com/azzedine24

 
   📜إنّا أعطيناكَ الكوثرْ   إنّا أعطيناكَ الكوثرْ📜
                     


           قَدْ قالَـــــــــها ربُّ الأكوانِ                 
          فــــي أصـــــدَقِ آيٍ وَبيانِ
          شَهِدَتها سُــــــــورُ القُرآنِ  
          قَــــولُ فَصَلِّ لِرَبّكَ و أنحَرْ
                      


          فاطِـــمَةُ الزّهـــــراءِ تَراها
          يرضــــى اللهُ لِمَنْ أرضاها
          لَكَ يا أحمَدُ قَـــــــدْ أعطاها
          إنَّ ؛؛؛؛؛؛؛  شانِئَكَ هُوَ الأبتَرْ
                     
 
 
          أُمُّ الأنوارِ القُدســــــــــــيّه 
          زاكـــــــيةٌ راضيه مَرضيّه
          وَهيَ الحَــــوراءُ الأُنســيّه
          لو لاهـــــــــا لاكُفئَ لِحَيدَرْ
                     

  
          مِنْ ثَمَـــرِ الجَـــــنَةِ خالِقُها
          فـــــــي صُلبِكَ إنّي جاعِلُها
          بَيتُ الوَحـــــيِ غَداً مَنزِلُها
          لَكَ مِنْ قَبلُ بِها قَدْ بَشّـــــرْ
                     


          وَ بِها أَوصـــاكَ بِما أوصى
          ياخَـــيرَ الخَلقِ بِذي القُربى  
         مِنْ بَعـــــــدِكَ تَلقى ما تَلقى
          قَـــهراً خَلفَ البابِ سَتُعصرْ
                      


          ما بَينَ الحائِطِ ؛؛؛؛؛ وَ البابِ
          يَعصِرُها إبنُ ؛؛؛؛؛؛؛ الحطّابِ    
          وَلَها يَهتِكُ أيُّ ؛؛؛؛؛؛؛ حِجابِ
          وَضلوعٌ في العَصرِ سَتُكسّرْ 
                      
 
                             الشّاعر
                      أبو سجّاد الجعفري
                   5 ربيع الثّاني 1444هـ                


https://hottg.com/azzedine24

أدعي من رب البرية……فاطمة ترضَه عليه



دعوتي   منك   الهي... كون   تقبل   دعوتي
كون أموتن بالمجالس ...اغله  عندي  دمعتي
يحله عمري بالخدامة ...شلون اوصف  خدمتي
خدمتي تعلينه هيه ....  وراح  تشهد لطمتي
لطمتي تشهد اليه……فاطمة ترضه  عليه



من   تمر هاي الليالي... يبدي يومي بمحنته
يواسي صدري للزجية...انكسر  ريت  بلطمته 
بالعَزى   حيدر   اشوفه...كَلبه   ماخف   ونته
دموع  عينه  تجري حركه...بيده  يلطم  جبهته
تبقه    وناته   خفيه……فاطمة  ترضه   عليه



فاطمة  بيوم القيامة... تشفع   لهاي   الخدم
ماتمسه   النار والله....بصدره   ظل   هذا الالم
دمعة  الخادم  غريبة.... مو   دمع   يهملها   دم
يواسي هليلة امامه....بضلع امه اللي   انهشم
أيامي   صارت   فاطمية……فاطمة   ترضه   عليه



فاطمة قرأن   اسمج....والعرش   رتل   حروفه
والعيون الما بجتلج.... تحلم المهدي تشوفه
دارج الكعبة يزهرة....و الحزن  خيم   يطوفه  
والتناشد كلها  فضة....راحت الجانت عطوفه
كلها حست بالرزية……فاطمة   ترضه   عليه



انتي  للجنة   اليخدمج ....حيدر   يوصله بسلامة
ما تركناها   المجالس.... والعَزى ليوم   القيامة
يسجل الخادم  حضورة.... عمره ماعاش  الندامة  
تاج   نعرف هل الخدامة....تنطي للخادم كرامة
اسمه  خادم للزجية……فاطمة   ترضه   عليه
 
 
🖌️الشاعر/علي موفق القزاز


https://hottg.com/azzedine24

📜والله لومــا حيدر موصينه
الدفع بابچ چان يشلع عينه



كلهم يعرفــون حيــدر بالحرب
بالمعـارك سيفة بايــكَ چـم كَلب
ينجه بس الراسة بمتونه يطب؟
المــا شـــرد يتكَطـــعن رجلــينه


هواي شيعة بهــاي ابـد ما تقتنع
علي حاضــــر والزچية تنــدفع؟؟
چذب اصلا مـال مكسورة ظــلع؟؟
شلـون كل هذا الحچــي مصدكَينه؟



همـــه اصلا من اجـــو عدهم عِلم
علــي اذا وصـــاه محمـد يلــــتزم؟
ما طلـع چـي يدري بيهم مـو زلـم
بس يمـــوت المصطفى متــــانينه؟



مالـــهم كل موقف بســــوح القتال
من تصــير المعركة الشــردهَ حلال؟
شحچي عن ماضيهم يضَحك الجهال
بالمعـــارك موقف ألـــها أنطـــينه؟؟



القبـل جانت تشــرد من اخيـــــالها
استفحــلت بعد الرســول اشمــالها
التشـــتري عقــول البشـر بموالها
عدهــــــم يأمــن مُحمــد دينــــه؟؟



لــوعلـــي بيــده الأمـــر وبكيـــفه
روســـهم كلهن بلعــــهن ســـفة؟
تشــم بالتــــاريخ لَســـهَ الجيـــفة
نحچـــي لازم كــل المغطــــــينة



يودع الدنيــــه التخــــزرة عيــونه
الموت كــون ولا علـــي يلاكَـــونه
بالـــنجف مدفــــون ويخـــــافونه
غضـب شـــافو مـن فقـــارك بينــه



ذوله مــــو بس فاطمة يضــربوها
الكعبـــه باچــر يمـــكن يهدمـــوها
أمــس رادو كربلـــة يفجــــروهــا
وبالمنـــــاحر للــــوطن هَدينــــــه



الشجـــرة هـــاي المنتظر يقلـــعها
المـــــاتت مــن كَبـــورها يطلـــعها
اركاب أكو لازم يجـــــي يكَطــــعها
والله كل جمــــعة التجــي متـانينه



حيدر حسين الكرعاوي


https://hottg.com/azzedine24

قصيدة لشهادة الزهراء ع

شلون تخلّص دنياي
وعمرج ماطال هواي
راح اعطش يم البيت
لعيونج مو للماي

يعافيتي وضوه تبده حرامات اعله بابي

…….

يابعد عافيتي الكضت. وبعد اليرف جوه الضلع
يل جنتي بعيوني ضوه. راح الضوه وظل الدمع

ظليت بكلب متعوب. بس الحسره تبرالي
مو ذاك علي العفتيه. يكسر خاطرج حالي
داحي الباب اصد للباب. كاسر كلبي وعيالي

شلون بكلبي اليشتاك
الما يحمل ساعه فراك
تلچمني دموع الليل
ودمع الفاكد حراك

اون وحدي ولا الكه اليواسيني بمصابي
يعافيتي وضوه تبده حرامات اعله بابي

…….

كلبي صبح بيت الحزن. چن بيت حزنچ عالنبي
بس الله يدري شكد احن. وهمومي چن ضعن بسبي

ماصدكت عيني الصار. يوم البابي دفعوهه
هضميه أسكت اعله الصار. والمثلچ يضربوهه
انه اول شهيد انطيت. ضلوعچ لمن عصروهه

ظليت بأصعب حال
يمشي كبالي الچتال
عايش بعدج مهموم
ماعشت براحة بال

غدر بيه الزمن قاسي واخذ زهرة شبابي
يعافيتي وضوه تبده حرامات اعله بابي

……..

صحت اعله اولادي بدمع. ودعوهه امكم فاطمه
وناحت وياهم من بچو. يالزهره املاك السمه

بيت بلايه ام يصير. خنكة مكبره بمغرب
ظلولي يتامه زغار. وبليل الفراك اعتب
ياريت العمر لاطال. بساعات الاجل احسب

احسب ظليت جروح
اني وكلبي المذبوح
يم كبرج رايح جاي
ومايكضي هواي النوح

يسالفتي يأم زينب صبح دمعي خضابي
يعافيتي وضوه تبده حرامات اعله بابي

……..

كون ابني خيمه اعله الكبر. ومافاركج يم الحسن
وكلما تحن زينب الچ. تلكاج يالزهره وطن

هيهات وبعد هيهات. يم حسين نتلاگه
احنه هواي مشتاكين. وانتي هوايه مشتاكه
مال الدهر بينه شلون. ميلة هودج بناگه

الله الشاهد عالصار
حركو كلب المختار
يجازيهم يازهراء
من حركو باب الدار

سلام الله على ضلعج. الفتح بال لعذابي
يعافيتي وضوه تبده حرامات اعله بابي

…….

لازم تمر ساعة فرج. وينذبح هالليل بصبح
وتخلص معاناة الزمن. ويوكف نزف دم الجرح

ينطيج الله ماتردين. ومن ذريتچ القائم
منّ دموعج الطاحن. كل دمعه خلق خادم
وتتلاكه الوجوه هناك. للمظلوم والظالم

باچر مابعد الموت
للحق يتعالى الصوت
والشاهد رب الكون
ويتحاسب كل طاغوت

يقصة ضيمي مكتوبه بالدموع بكتابي
يعافيتي وضوه تبده حرامات اعله بابي

……..

نسألكم الدعاء
حسين صادق العقابي

https://hottg.com/azzedine24

الزهره دوم او ياي//    واشيم انه ابهاي
واتباه بين الناس//   خادم صرت وفاي
===============
انه عل حب والتواظع اهلي ربوني
وعل المجالس والتعازي همه فطموني
خلهم اشيحجون عني ما  يهموني
انه وياي الزجيه الكل يعرفوني
خل اليلوم ايلوم    // خدامج انتي انجوم
خالقنه الله الهاي   //    خادم صرت وفاي
========÷====
امي دفنت سري احسن بالحسينيه
ولذالك روحي صارت كربلائيه
ماامل من المجالس انه يوميه
حتى من احجي وي روحي اقره لطميه
خلهم علي يحجون // بالزهره اظل مجنون
   امنيتي انه ابدنياي //   خادم صرت وفاي
===============
عهد منطيه الزجيه وعهد لضامي
ابد ماعوف المجالس هيه احلامي
باجر يسالوني وين امخلص ايامي
بكل فخر وبزود جاوب صدر ي كدامي
مخلصته خادم دوم  //   وادعي الله كون ادوم
حلمي يتحقق جاي   //    خادم صرت وفاي
=================
هل  مجالس انه احسن هيه عافيتي
او لو عطره مااشمه تختنك ريتي
الزهره تحظر بال مجالس هاي امنيتي
يعني انه الزهره طبت كعدت ابيتي
تعرفني كلش زين  // خادم ابنه حسين
واتفاخر انه اهواي //  خادم صرت وفاي
================
الزهره جمعتنه على حبه وهيه ويانه
اتلكط الموزين منه تبعده منانه
الف هنياله الخدمه عمره وزمانه
اوشايل اوسام على صدره اموقع اهنانه
ولماي اوزعه  ابجود// وزندي ابعلك مشدود
وونيني مثل الناي  //  خادم صرت وفاي



=================
حسين الزيدي


https://hottg.com/azzedine24

زهراء يازهراء
الرادود🎙️موسى البولاني
الشاعر🖌️محمد الاعاجيبي


زهراء يازهراء 4

يام النبي ويا ام بيتي
ردي علي يعافيتي
آنه علي گضت روحي…بكثر نوحي…بكثر نوحي
يابعد اهل گلبي اگعدي
مو انه الماينرد عليه
شتحمل وياطاقه عندي
واحفر لحد روحي بأديه
شيعتج وماتن اچتافي
بظهر الجنازه وصوتي عالي
نشفت لهاتي گومي كافي
من ايدي واتفرهد حلالي

زهراء يازهراء 4


الگبرچ جبت وجع روحي
وملح الهجر على اجروحي
اجناحي انكسر يبت حيلي…اگعديلي…اگعديلي
جيت وعفت بنتج مريضه
خل نرجع البنتج سويه
خاف ارجع ابدونج لبيتي
ويوكف گلب زينب عليه
يانايمه ونوم العوافي
حاچيني لو چلمه من العيون
يحزامي مو وكته التجافي
بس خلي ويلادچ يكبرون

زهراء يازهراء 4

يم الشرع فداچ امي
شلونه الضلع يبعد اسمي
من ينلجم يطگ ضلعي…واضم دمعي…واضم دمعي
شماتي اجوا گومي يزهره
كسرج كسر ضهري واديه
مو حيدر الايده اعله ضهره
والتوجع ايشمروها بيه
مشاني فگدچ مشية هلال
محني دگومي وسنديني
كتلوا ضحكتي اشباه الرجال
باچر يمثلون ابنيني

زهراء يازهراء 4



https://hottg.com/azzedine24

📜 قصيدة : كلبي اشتاكلك
✒️ الشاعر : بهاء الاسدي
⚫️ الرادود : سيد فاقد الموسوي

ردت بس شوفتك ما ردت كلشي
يامن شوفتك كحله اعلى رمشي
⚫️⚫️⚫️⚫️⚫️⚫️⚫️⚫️⚫️
يا اول حياتي وفتشة العين
انتظرك يخويه صارلي سنين
هم ترجع بعد وتشوفك العين
هم ترجع واشوفك صدك يحسين
حاچيني يخويه نجيبك منين
وين الكاك خويه يحسين
⚫️⚫️⚫️⚫️⚫️⚫️⚫️⚫️
يا سباح گلبي ولب الفاد
يا دلال عگلي وملحي والزاد
گلبي من رحت لليوم ما هاد
ذبح گلبي الفراگ بسيفه الحاد
⚫️⚫️⚫️⚫️⚫️⚫️⚫️⚫️
اكل گلبي الهيام وخذني الشوگ
حفر خدي الدمع المالح الضوگ
كسر ظهري الفراگ ورچبة النوگ
كرهت الدنيه كلها بطبت السوگ
⚫️⚫️⚫️⚫️⚫️⚫️⚫️⚫️⚫️
تعال اسمع نعاوي اختك والعتاب
خويه الراس شيب والگلب ذاب
خويه حسين ملت عتبة الباب
من گد ما اتانيكم يالاحباب
⚫️⚫️⚫️⚫️⚫️⚫️⚫️⚫️⚫️
گلي شمعجلك يالرايح بساع
يبو طول الحلو وعيونك وساع
يبو شعر السبيب وحلو الاطباع
ماصدگ يخويه اطمك الگاع
⚫️⚫️⚫️⚫️⚫️⚫️⚫️⚫️⚫️
على ريحة الخوة وتغفه عيني
چنت انته حياتي وكل سنيني
لو حته بحلم خويه وتجيني
من بعدك فلا هود ونيني
⚫️⚫️⚫️⚫️⚫️⚫️⚫️⚫️⚫️
يبو روح العزيزة نايم شلون
چفي نايم يوالي لو على متون
صدك تحت الترب يحسين مدفون
انه اتمنيت گبرك باب اله كون
⚫️⚫️⚫️⚫️⚫️⚫️⚫️⚫️⚫️
ها بشر يخويه شنو رايك
ترجعلي ويردلي كل دلالك
حال الضيم ادري خويه حالك
كون الموت ياخذني ابدالك
⚫️⚫️⚫️⚫️⚫️⚫️⚫️⚫️⚫️
اسألوني عله اطباعه وصفاته
حسين اسمه يوادم وشحلاته
بليل الشته يدفينه بعباته
____



https://hottg.com/azzedine24

القصيدة ؛ اماه يا زهراء
الرادود : عمار الكناني _ محمد الجنامي
الشاعر : كرار حسين الكربلائي
...........
اٌمّاهٌ يازهراء اٌمّاهٌ يازهراء
...................

سلام الله على ضلعج   يا أمنه الكلها حنّيه
يخيمه وحزنج يلمنه  بمجالسنه الحسينيه
واليخدمج  صدك عنده   بخت تدعيله يوميه
كريمه واليدك بابج  اكيد الحاجة مكضيه

نورٌ  من العلياء     اٌمّاهٌ يازهراء
اٌمّاهٌ يازهراء       اٌمّاهٌ يازهراء

...................
اذا عافتني كل الناس   اعرفج ما تعوفيني
اذا مره يمرني العوز   فضل خيرج  يغطيني
اذا مر المرض بيّه    يمولاتي تشافيني
اذا عيني غفت مهموم    يجي طيفج يواسيني

ذكرٌ له الاء ...   اٌمّاهٌ يازهراء
اٌمّاهٌ يازهراء    اٌمّاهٌ يازهراء
..................
بعدني بأول اسنيني  وكفت بابج مجدي
كضيت سنيني بس الطم  على ضلعج دمعتي بخدي
سواج بدنيتي خيمه   وحج كلشي ما عندي
على عتابج حياتي  تنتهي  وتبدي

اني لكي بكاء   اٌمّاهٌ يازهراء
اٌمّاهٌ يازهراء  اٌمّاهٌ يازهراء
...................
اذا صار العصر امي   بجفنها تبيني العبره
اكلها شبيج وتكلي    ييمه عصروا الزهرة
اريد تعلم اوليدك على   فاطم يدك صدره
ضلعها المنكسر بالباب ابد ما ينجبر كسره

كسر له اصداء    اٌمّاهٌ يازهراء 
اٌمّاهٌ يازهراء  اٌمّاهٌ يازهراء 

...................
اضمن حزني وتسولف دمعتي بيني وبينج
انكسر ضلعج عصر  بالباب حوافر سحكت حسينج
مثيلج  زينب انسطرت  وصفت حمره مثل عينج
تصيح بيوم عاشوراء   ييمه بعازتج وينج  

حزني لعاشوراء     اٌمّاهٌ يازهراء
اٌمّاهٌ يازهراء          اٌمّاهٌ يازهراء


https://hottg.com/azzedine24

هوسات مولد الامام المهدي المنتظر عجل الله فرجه

اريد اكتب شعر للغايب الحاضر
يايمته يجي ويكحل الناضر
جيتك. يا امامي تجبر الخاطر

     تطلع وينور دنيانه
💖💞💖💞💖💞

اطلع ياامامي ونور ايامي
خلي ابطلعتك تحقق احلامي
انت ياطيبي اتطيب الالامي

وبجيتك تتكحل عيني

💖💞💖💞💖💞

يكحل اعيونه اويافرحت الفقره
سوي  ايامنه  ابجيتك  گمره
تعال النه ودعوف الديرة الخضره

   وونشوفك  تفرح ويانه

💖💞💖💞💖💞💖💞

اليوم ابمولدك العالم استبشر
فرحهم احبابك ياذخر حيدر
كلبي بالفرح مولاي الك قرر
يكتب الك شعره وهوساته

💖💞💖💞💖💞💖💞

الشاعرة ام ابراهيم الحلفي
💐💐💐💐💐💐💐💐💐


الناشر // عالي مقامي
غير مبري الذمه يحذف اسم الناشر


https://hottg.com/azzedine24