TG Telegram Group Link
Channel: 👦أولادنا👧
Back to Bottom
" سيبيه يشبع من الذنب علشان يزهق منه لما يكبر "

جملة خطيرة جدا بتتعامل بها بعض الأمهات مع أطفالها و بتتخدها سبب للرضا بفعل أو تعرض الطفل لذنوب مختلفة

و غيرها من الحجج المختلفة

👈سيبوه يرقص على موسيقى أصله لسة صغير
👈 سيبوه يسمع أغاني أصله بيتعلم منها
👈 سيبوه يتفرج على أفلام علشان يفهم الدنيا
👈 سيبوه يكلم بنات علشان يشبع و يزهق و يكتفي بمراته

Guess what 🧐

عمره ما هيشبع
و مش هيبطل إلا أن يتوب الله عليه
و هتفضلي تشيلي ذنبه لآخر يوم في عمره

افتكري الكلمة اللي هقولهالك دي كويس قوي

زي ما بيقولوا حطيها حلقة في ودنك

🌊 الذنب كماء البحر المالح كلما شرب منه عَطِش🌊

تعالي نجرب نطبق على نفسنا: 🤓

لو اتربيتي في بيت يذكر حرمانية الخمر و يمنعها و يشنعها

هل بتقاومي بصعوبة شرب الخمر ؟ 🤔
غالبا لأ

ثم الخطوة اللي بعدها:
هل لو مقربتيش منها أبدا و لا من مقدمات تجيب رجلك فيها لا قدر الله زي صحبة سوء أو أماكن بيعها و تقديمها
هتشتهيها ؟
هتقعدي تجاهدي نفسك بصعوبة ليها ؟
برضه غالبا لأ لأنك لم تذوقي فتنتها

دا نفس اللي بيحصل لأولادنا
إن اعتاد الذنب ألفه و أستساغه
و صعب عليه الإقلاع عنه
و زادت مقاومته و مجاهدته لنفسه تجاهه

طيب نعمل ايه طيب ؟ 🤔🤔🤔

خليني ألخص لكم أهم ما وجدت في نقاط محددة ( و كل ابن بما يتناسب مع سنه) و ذلك بعد

⬅️ الاستعانة بالله و طلب توفيقه
⬅️ الدعاء للأبناء

1️⃣ ⭐️ ترسيخ معنى الحلال و الحرام و سببه ⭐️

إن الطفل يفهم لماذا خُلق

{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ} [الذاريات : 56]

و كيف أن الحلال و الحرام اختبار لنا في الدنيا من الله رب العالمين
و أن علينا اجتناب المحرمات
و أن نأتي من أوامر الله عز و جل ما نستطيع

عن أبي هريرة رضي الله عنه قال: سمعت رسول الله صلى الله عليه وسلم يقول: «ما نهيتكم عنه فاجتنبوه، وما أمرتكم به فأْتُوا منه ما استطعتم، فإنما أَهلَكَ الذين من قبلكم كثرةُ مسائلهم واختلافهم على أنبيائهم».
[صحيح] - [متفق عليه]

2️⃣ ⭐️ ترسيخ حرمة المحرمات حتى و إن فعلها الابن⭐️

في سن معين صعب خلاص تجبروهم على حاجة
ممكن يكونوا مثلا بيسمعوا أغاني من وراكم
ممكن تكون شلتهم ولاد على بنات
و غيرها
طبعا الأمور دي لها حلول إما يتعلمها الآباء أو تحت إشراف مختص
مع التوفيق من الله عز و جل

و لكن من لطف الله في ابتلاء كهذا إن الابن يكون عارف إنه حرام بس هو وقع فيه و نفسه غلبته عليه

دا مستوى مختلف تماما عن شاب أو مراهق لما نيجي نكلمه يقولنا و ايه يعني مفيهاش حاجة مش حرام 😪
على الأقل هيكون مجاهدته فقط لنفسه
مش لسة بيستوعب المفاهيم العقدية و الأحكام الشرعية الأساسية

3️⃣ ⭐️ تعليمه أن النهي عن الاقتراب و ليس فعلها ⭐️

قال تعالى:
{۞ قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ ۖ أَلَّا تُشْرِكُوا بِهِ شَيْئًا ۖ وَبِالْوَالِدَيْنِ إِحْسَانًا ۖ وَلَا تَقْتُلُوا أَوْلَادَكُم مِّنْ إِمْلَاقٍ ۖ نَّحْنُ نَرْزُقُكُمْ وَإِيَّاهُمْ ۖ وَلَا تَقْرَبُوا الْفَوَاحِشَ مَا ظَهَرَ مِنْهَا وَمَا بَطَنَ ۖ وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ۚ ذَٰلِكُمْ وَصَّاكُم بِهِ لَعَلَّكُمْ تَعْقِلُونَ} [الأنعام : 151]

فالنهي هنا عن عدم الاقتراب من الفواحش
مش عن عدم فعلها
لأنه ممكن يقول أنا هبص بصة واحدة كدة
أنا هدوق سجارة واحدة
أنا هقعد مع أصحابي بس مش هعمل زيهم

لأ
لا تقربوووووا الفواحش

وقد ضرب الله لنا مثلا على لسان رسوله كما في الحديث الصحيح عن النواس بن سمعان رضي الله عنه قال عليه الصلاة والسلام:

[ضرب الله مثلا صراطا مستقيما، وعلى جنبتي الصراط سوران فيهما أبواب مفتحة، وعلى الأبواب ستور مرخاة، وعلى باب الصراط داع يقول: يا أيها الناس، ادخلوا الصراط جميعا ولا تعوجوا، وداع يدعو من فوق الصراط، فإذا أراد الإنسان أن يفتح شيئا من تلك الأبواب، قال: ويحك، لا تفتحه؛ فإنك إن تفتحه تلجه . فالصراط الإسلام، والسوران حدود الله، والأبواب المفتحة محارم الله، وذلك الداعي على رأس الصراط كتاب الله، والداعي من فوق الصراط واعظ الله في قلب كل مسلم].

4️⃣ ⭐️ التوبة و الاستغفار ⭐️

عن أبي هريرة  قال: قال رسول الله ﷺ: والذي نفسي بيده لو لم تذنبوا لذهب الله بكم، وجاء بقوم يذنبون، فيستغفرون الله -تعالى، فيغفر لهم[1]رواه مسلم.

فاقتراف الذنب وارد
و إنه تغلبنا أنفسنا وارد
المهم ألا نُصر و نستمر و لكن نعود و نتوب و نستغفر ❤️

5️⃣ ⭐️ أتبع السيئة الحسنة تمحها ⭐️

من الأمور اللي لو عودتي عليها أبنائك هيكون لها أثر كبير في حياتهم
حتى على المستوى النفسي
هيتعلم إن لما أغلط اقوم استدرك و أصلح
مش أقعد أندب و أجلد نفسي و ألومها
و دي سنة خلق الله لنا

أن نستمر في السعي
فإن أذنبنا نقف لنتوب و نستغفر
ثم نستأنف السعي
و ما أجمل أن نستأنفه بحسنة تمحو السيئة ❤️
عنْ رسولِ اللَّهِ ﷺ، قَالَ: اتَّقِ اللَّهَ حَيْثُمَا كُنْتَ وأَتْبِعِ السَّيِّئَةَ الْحسنةَ تَمْحُهَا، وخَالقِ النَّاسَ بخُلُقٍ حَسَنٍ رواهُ التِّرْمذيُّ

#إسراء_زين
#وعي_سعي_إزهار
#زهرات_تربوية
This media is not supported in your browser
VIEW IN TELEGRAM
ولد ٨ سنين مضايق يبقول لمامته "هو انا ليه مجبتش اللعبة دي لحد دلوقتي هتروح عليا زي ما اللعبة التانية راحت ... هو ليه ربنا بيعمل معايا كده و مش عايز يبقي عندي اللعب اللي انا عايزها"
الام اتعصبت و كانت عايزة تديله محاضرة في شكر النعم وغيرك يتمني لعبة من لعبك و كلمتين عن الغلاء ... بس هي فضلت انها تسكت و كأنها مسمعتش حاجة ...

هي اتكملت معاه كتير في موضوع النعم و شكر النعم و لما الله بيأجل حاجة ده خير لينا و حكيتله قصص كتير عن فكرة ولَئِن شَكَرْتُمْ لَأَزِيدَنَّكُمْ...

قررت تسكت و انشغلت بحاجة تانية .. بعدها لقيت ابنها بيسجد ..
استغربت و افتكرته بيشوف حاجة في الارض..

قالتله :حبيبي كنت بتعمل ايه ؟ "..
قالها " بسجد"
قالتله "اللهم بارك عشان ايه؟" ..
قالها "عشان اشكر ربنا علي النعم "

"حبيبي ربنا يزيدك من نعم و يباركلك في رزقك و لَئِن شَكَرْتُمْ لَأَزِيدَنَّكُمْ"😊

مش كل مرة لازم تقفي و تعلقي...
علقتي كتير اقفي و اتفرجي يمكن المرة دي تكون وصلت من غير اي مجهود منك...
#التربية_بالتغافل
*تابعي_الصفحة_لمزيد_من_النصايح_التربوية*
https://www.facebook.com/profile.php?id=100068564624012&mibextid=ZbWKwL
د.زهراء محمد استشاري نفسي وتربوي و مدربة تربية ايجابية و اخصائي تعديل سلوك
🔸قَال الشَّيخ عَبد الرَّزاق البَدر- حفظَه الله :


💧لا يُمكِن أنْ يَصلَح لك أيّ فَرد مِن أفرَاد ذُرِّيتك إلا إذا أصلَحَه الله لَك ،
💧 مَهما اجتَهَدت فِي تَأديبِه و تَربِيَتِه و أَطْرِه على الحَق  و إلزامِه على الإستِقامَة ،
💧 لا يُمكن أن يستَقيم و يَصلح

*.. إلَّا ..*
👈🏻 إذَا أصلَحه الله لك . فالهادِي هو الله ، و المُوفِّق هو الله سُبحانه و تعَالى

👈🏻 لهذا يَنبغِي على المُسلم  أن يُعَظِّم رَجَاءَهُ بالله ، و سُؤالهِ لله و إِلحَاحُه على الله - سبحانه و تعالى

👈🏻- أن يُصلِح ذُرِّيته فهَا هو خلِيل الرًّحمَن في دُعائِه يقُول :
*رَبَّنا و اجعَلنا مُسْلِمَيْن لَك و مِن ذُرِّيَتنا أمَّةً مُسلِمًة لَك*



📚 شَرح تَفسير آيات من القرآن الكريم
للإمام المجَدِّد محمد بن عبد الوهاب (-٨-)]
This media is not supported in your browser
VIEW IN TELEGRAM
#التربية_فى_القرءان
#الحلقة١

درست مبادئ كثيرة ونظريات عدة تحت مسمى التربية الإيجابية، وبالفعل كان تطبيقها عاملا مساعدا فى التربية ومشاكلها.
🕊ما استوقفنى فقط، ان اغلب تلك المبادئ تنبع من أناس ليسوا على دين الإسلام، فى حين أن إسلامنا أهدانا قرءانا يعد منهجا، أرشدنا لكل شئ متعلق بحياتنا ومعاملاتنا، فلم لا نجتهد فقط ونبحث ونستنبط منهج الحياة من هذا الكتاب (كتاب الله).

🍃لهذا حاولت التعمق فى فهم بعض الآيات القرءانية، واستخراج ما تحمله من مبادئ تربوية.

وخير ما أبدأ به سيكون قصة خلق ءادم عليه السلام، فقد لاحظت انها تحوى قيما تربوية عظيمة ليتنا نطبقها حقا، لن أطيل عليكم ولنبدأ.

🌿خلق الله الأرض وما عليها وخلق الملائكة والشياطين قبل خلق الإنسان، ثم شاء سبحانه وخلق ءادم، قال الله للملائكة"إنى جاعل فى الارض خليفة" فطرحت الملائكة سؤالا "أتجعل فيها من يفسد فيها ويسفك الدماء ونحن نسبح بحمدك ونقدس لك"، قال"إنى أعلم مالا تعلمون"، ثم قضى سبحانه بخلق ءادم(ورد فى الأثر أن الله خلق ءادم من صلصال ثم صوره على هيئته كإنسان وظل هكذا فترة قبل أن ينفخ فيه من روحه، وكانت الملائكة تدور حوله وتنظر له بتعجب وتمعن).

⭐️هنا لنا وقفة..
ماذا فى تلك اللقطة من مبادئ تربوية؟

الله الخالق، العظيم، قضى ان يخلق كائنا، سبحانه له المُلك وله الأمر، يخلق ما يشاء وقتما يشاء، ولكن.. لماذا أخبر الله الملائكة مسبقا انه سيخلق ءادم، وكيف للملائكة أن تسأله (أتجعل فيها من يفسد فيها)، ولماذا أجابهم ولم يعنفهم أو يقضى بإسكاتهم، ولماذا خلق ءادم على مراحل؟!!

💌إجابات تلك الأسئلة ستمنحنا قواعد مهمة، وصفات ضرورية لابد للمُربى ان يتحلى بها.

اولا: الله أخبرهم مسبقا بخلق ءادم، هو إخبار تمهيد لأمر هام سيحدث، تهيئة لهم.
ثانيا: الملائكة تسأل، هذا لان علمهم محدود لم يصلوا لعلم الله (إنى أعلم ما لا تعلمون).
ثالثا: الله يجيبهم دون تعنيف أو إسكات، فهو سبحانه يعلم مالم يعلموا، ولهذا تقبل ضعف علمهم وأجابهم.
رابعا: خلق ءادم على مراحل، وترك للملائكة استكشافه وهو لايزال صلصالا قبل أن ينفخ فيه من روحه، كتدرج فى استقبال الحدث.

👈وبإسقاط هذا المشهد على تربية الأبناء سنتعلم التالى:

⭐️من السلوكيات التى لابد للمُربى أن يتحلى بها، عدم المفاجأة واتخاذ قرارات مصيرية دون علم مسبق، الأبناء من حقهم ان يعرفوا الأمور مسبقا، ومن حقهم فتح حوار ونقاش ليعبر كلا عن رأيه.

⭐️سيترتب على هذا طرح أسئلة، وهذا متوقع لأنهم بطبيعة حالهم ليس لديهم علم بشئ، ونحن مصدر المعلومات الخاص بهم، فى نظرهم نحن نعلم كل شئ ولابد ان لدينا إجابات لكل أسئلتهم.

⭐️كيف نجيبهم إذن؟ لتكن الإجابة مناسبة لأعمارهم وسعة عقولهم، فمن المؤكد ان حوارى مع طفلى ذو ال ٧ أعوام، سيختلف عن حوارى مع المراهق ذو ال ١٥عام.

⭐️التدرج فى إعطاءهم المعلومات، مهارة لابد أن يتحلى بها المُربى، وأيضا منحهم الوقت للاستكشاف والمعرفة دون تدخل منا ولا نقد.
يتبع،،

#أمانى_عادل
#رسائل_تربوية
#مجرد_تدبر
https://hottg.com/R_T_amany
#التربية_فى_القرءان
#الحلقة٢

🌿نكمل معًا ما بدأنا من التأمل فى قصة خلق آدم عليه السلام، واستنباط ما بها من قيم تربوية.

🍃نفخ الله من روحه فى آدم، فأصبح بشًرا ينبض بالحياة، ذا عقل مفكر يساعده على التمييز بين الحق والباطل، وذا إرادة حرة تساعده فى اختيار طريقه مابين خير وشر.
🍃وقد فضله الله على كثير ممن خلق، أمر الملائكة بالسجود له، وفى هذا شرف عظيم، وقام سبحانه وتعالى بدور المعلم(وعلم ءادم الأسماء كلها)، وفى هذا فضل كبير، وأوضح له الخير والشر، وبيّن له عدوه الاول(الشيطان)، وأوجد له زوجة ليسكن إليها، وأسكنهما الجنة يتمتعا بما فيها، بإستثناء شجرة (ولا تقربا هذه الشجرة).

ولكن.. رغم تحذير الله له، غلبت آدم عليه السلام طبيعته البشرية، ونسى ان الشيطان عدوه، وساقه الفضول للأكل من الشجرة.

هنا لنا وقفة...

اولا: فضّل الله سيدنا آدم، وعلّمه بذاته سبحانه.
ثانيا: حذره من عدوه، ونهاه عن الأكل من الشجرة.
ثالثا: أسكنه الجنة، وهو على علم مسبق بما سيقع من خطأ(ألا يعلم من خلق).

🕊فى رحلة التربية، وباختلاف مراحلها العمرية، نحاول قدر المستطاع ان نوفر لأبنائنا ما يحتاجونه، ونود لو أننا نملك الجنة فنعطيهم إياها يعيشوا فيها رغدا، نسعى جاهدين لحسن تربيتهم، فندخلهم افضل المدارس(كلٌ بقدر استطاعته)، نشترك لهم فى حلقات تعليمية، وتدريبات بدنية، وغيرها.

🕊وعلى جانب أخر، نتمنى ان ينشأ كل منهم على خلق، متبعا للحق، سائرا فى طريق الخير، فنُحذرهم من الوقوع فى الخطأ، ونبين لهم الخير والشر، وما يضرهم وما ينفعهم، وننتظر أن نرى ثمرة هذا.

🕊تتوالى الأيام، ونواجه معهم مواقف، ويقعوا فى أخطاء، كم كنا نخاف أن يقترفوها، وكم حذرناهم منها، وكم تمنينا ألا تحدث.

👈طفلى ذو السنوات الأربع، كم قلت له ممنوع القفز من فوق السرير، وبينت له الضرر من هذا، لكنه مصمم على القفز من فوق السرير وأحيانا الدولاب.

👈طفلتى ذات السنوات السبع، كلما اشتريت لها لعبة، قرأت لها التعليمات، وشرحت لها كيف تلعب بها وتحافظ عليها، رغم هذا تفككها وتخربها.

👈ولدى ذو الاثنى عشر عامًا، نشأ على الصلاة فى المسجد، لكنه الآن ما عاد يصلى نهائيا.

👈ابنتى ذى الأربعة عشر عامًا، حذرتها كثيرا من صديقات السوء، وخطر هذا عليها، لكنها مصممة على رفقتهم.

وغيرهم الكثيييير من الأمثلة...

🌪ما المشكلة؟؟ وفرنا لهم حياة طيبة، بادرنا بالنصيحة والتحذير، لماذا يخالفون عن أمرنا؟؟ هل هذا جزاء ما قدمناه لهم؟؟

🤌مهلا.. تذكروا حال آدم عليه السلام، رأى الله وجها لوجه، تلقى منه العلم دون وسيط، نال كرما وشرفا وتفضيلا، سكن الجنة التى بها مالا عين رأت ولا أذن سمعت ولا خطر على قلب بشر، قابل عدوه وتعرف عليه، علم ما المطلوب منه وما المنهى عنه، ثم...
ثم أخطأ.. سهو بشرى(ولقد عاهدنا إلى ءادم من قبل فنسى)، وفضولا وطمعا(هل أدلك على شجرة الخلد وملك لا يبلى فأكلا منها)
⚡️ولا ننسى أن الله كان يعلم سلفًا أن آدم سيقع فى هذا الخطأ، ومع هذا كان صبورًا عليه حليمًا.

🌱هل أطفالنا أفضل من آدم عليه السلام؟
أم ترى انهم ملائكة، مجبورون على الطاعة، وعدم السهو؟!!
ألا يحق لهم الوقوع فى الخطأ حتى مع تحذيرنا لهم؟!!

🌱هل نحن نملك قوى خارقة؟
أيمكننا أن نسيطر عليهم، ونتحكم فى أفعالهم، فنمنعهم من الخطأ؟!!

🌱ألا تعلمنا من الله صفة الحلم؟

💌الحلم والصبر والتغافل، من الصفات الهامة، التى يجب توافرها فى المُربى، وكما يقال(ثلثا التربية فى التغافل).
💌ليس المطلوب ان نرى الخطأ فنشجعهم عليه، ولكن المقصد أن نتقبل ضعفهم البشرى، ونتعلم كيف يكون رد الفعل مناسبا لكل موقف.
يتبع...

#أمانى_عادل
#رسائل_تربوية
#مجرد_تدبر
https://hottg.com/R_T_amany
#التربية_فى_القرءان
#الحلقة٣

🌿نصل لختام قصة آدم عليه السلام، وفى الختام درس أخر من دروس التربية، وقيمة تربوية هامة، على ان يتحلى بها المُربى.

🍂عصى آدم ربه، وقع فى الخطأ رغم التحذير، ساقه ضعفه البشرى لارتكاب فعلته، وأدى به الفضول للأكل من الشجرة(شجرة الخلد كما زعم الشيطان).

🍂إذن هو لم يفعل هذا متحديا لله، ولا عدم مبالاة لأوامره ونواهيه، ولا حُبا فى إبليس، كل ما فى الأمر ضعف بشرى وفضول.
حسنا..
تقبلنا ضعف اولادنا☑️
اعترفنا بميلهم إلى الفضول وحب الاستكشاف☑️
أقررنا ان ليس غرضهم عدم طاعتنا من ارتكاب الخطأ☑️
تحلينا بالصبر والحلم، ماذا بعد⁉️

مؤكد حان وقت الحزم..
"قلنا اهبطوا منها"

🌿خلق الله آدم فى الأصل للخلافة فى الأرض"إنى جاعل فى الأرض خليفة"، وعليه فإن تواجده فى الجنة كان بمثابة فترة إعداد وتهيئة، كي يتعلم فيها كيف أن عدوه الشيطان يكرهه ويكيد له ويود إيقاعه في الخطيئة، ويتعلم أيضا كيفية التوبة وأن الله يقبل التوبة عن عباده.
ذاق نعيم الجنة، وأدرك بعد فعلته ما حُرم منه، وتعلم أن دخول الجنة يتطلب طاعة، وتوبة إن هو وقع فى ذنب او معصية.
🌿أرشده الله وهداه للتوبة، وتقبلها منه وتاب عليه، عفا الله عنه دون أن يرمى به فى نار جهنم، ولا أن يمن عليه بما أنعم به عليه، بل قضى بهبوطه إلى الارض، وفى هذا حزم وليس عقاب.

تعالوا نسقط هذا على التربية..
يرزقنا الله بالذرية، فنتابع فى فرحٍ مراحل نموهم، نوفر لهم فى كل مرحلة ما يحتاجونه، نشاركهم اللعب صغارا، ونحتويهم كبارا، لا ننتظر منهم جزاءا، بل هو عطاءا وحبا فطريا، وخلال تلك الرحلة ونحن نمنح هذا الحب الغير مشروط، علينا أن نوازن الأمور، فبجانب هذا الحب لابد من تواجد الحزم.
👈توضيح:
الحزم لايعني الضرب ولا السب ولا الحرمان ولا إظهار الكراهية، بل هو أسلوب صارم فى توضيح الخطأ ومن ثم جزاء الوقوع فيه.

😔بنتى كل ما تكسر طبق ولا كوباية.. اقوم اضربها
الحزم: لو انكسر هذا، ستقومين أنتِ بلملمة اجزاءه وتنظيف أثره.

😔ابنى مش بيقعد يذاكر غير بالضرب والصوت العالى
الحزم: تعالى نقسم الوقت بين المذاكرة واللعب، أن انتهيت من هذا ستلعب لمدة ساعة.

😔بنتى بتعلى صوتها وممكن تزعق لى
الحزم: لن اتكلم معاكِ طالما هذا اسلوبك، اذهبى واهدأى ثم تعالى نكمل حوارنا.

😔ابنى عاوز يحلق شعره زى اصحابه(يحلق الجوانب بس) وكل يوم نتخانق عشان الموضوع ده
الحزم: تعالى أوضح لك، هذا فى الشرع يسمى قزع، وهو محرم وله اضرار، ان فعلت فأنت آثم، ومعرض للضرر.

😔بنتى كانت لابسه الحجاب من ابتدائي، دلوقتى فى ثانوى وعاوزة تخلعه، والبيت حريقة
الحزم: انتى مسلمة، ومن صفات المسلمين التسليم لاوامر الله، لا محال لخلع الحجاب، تأكدى انك فى طاعة وعبادة بحجابك، تعالى نختار سويا ملابس جميلة وبنفس الوقت تحقق شروط الحجاب.

وهكذا.. اسلوب صارم، وقرار حازم، دون صوت عالى، ولا ضرب، ولا توبيخ.
⭐️وقفة..
انوه هنا على أمر هام، هذا الأسلوب لن يحقق مراده، دون تواصل جيد بيننا وبين الأبناء، فجودة التواصل خلال مراحل التربية، عامل هام لتطبيق الحزم.
💌فبالتواصل الجيد ومنحهم الحب الغير مشروط، نمنحهم شعورا بالقبول ومن ثم الأمان، وبالتالى سهولة أقناعهم.

💚واخيرا وليس أخرا.. عليكم بالدعاء بصدق أن يوفقنا الله لتربيتهم، وأن ينبتهم نباتا حسنا.

#أمانى_عادل
#رسائل_تربوية
https://hottg.com/R_T_amany
https://hottg.com/refqa_academy/299 رفقة للاستشارات والتدريب الأسري, [Jul 5, 2022 at 9:19 PM]
- اتكلموا مع ولادكم
هو عرفة ده ايه ؟
هل هو جبل ..يعنى فى جبل اسمه جبل عرفة ؟؟
- لا عرفة ده وادي
- وادي يعني إيه ؟
- يعني أرض محاطة بالجبال .
.مافيش حاجة اسمها جبل عرفة...و الرسول ما طلعش وقف على جبل فى يوم عرفة.
- الرسول وقف على صُخيرات عند جبل معين.
- الجبل ده بنسميه جبل الرحمة..و الشاهد أي العلامة البيضاء معلمين بها الجبل.
- مسجد نمرة ..إيه هو مسجد نمرة؟
- ده المكان اللي الرسول عليه الصلاة والسلام خطب فيه خطبة الوداع و صلى الظهر و العصر.
- اتكلموا مع ولادكم و هم بيتفرجوا عليه فى التليفزيون.
- فى أب كان كل سنة فى خطبة عرفة يحفظ أولاده و هم صغيرين جملة من خطبة الوداع..
و كل سنة يسمع لهم جملة السنة اللي فاتت لغاية ما جاء عليهم وقت كانوا حافظين خطبة الوداع..
و يشرح لأولاده الخطيب بيتكلم على إيه ؟
..بيدعى لأهل سوريا.
ليه يابابا أهل سوريا فيهم إيه ؟
..بيدعى للروهينجا.
..هى الروهينجا دي فين يا بابا ؟ و يرد.
- هم دول الآباء اللى بتعلم و بتربي
- و يعلمهم التكبير المقيد بعد كل صلاة ..يكبر و يكبروا. معاه..حفظوا ولادكم التكبير و خليهم يسمعوكم.
- ماكانش يفرض على الولاد يصوموا لكن كان يعمل سحور فخيم علشان بكرة يوم عرفة
..أصل يوم عرفة بيكفر السنة اللى جاية و السنة اللي فاتت..و يحرص إن كانوا صايمين أو فاطرين إنهم يقعدوا يفطروا كلهم مع بعض و يدعوا.
- أدي التربية..أدي التربية.
مش يكون كل همنا هنروح فين فى العيد و لبس العيد!!
منقول
#دكتورة_سوزان_علمتني
مقال عن سن ٨ سنوات :

في البداية لازم نعرف ان السن دا هي فترة الطفولة المتأخرة التي تسبق مرحلة المراهقة
عشان كده الطفل بيكون عنده قدرة على التفكير المنطقي
وبيكون قادر انه يكون علاقات اجتماعيه خاصة بيه
وكمان الطفل بيكون حساس
***
مهم ان حضرتك تعرفي التغيرات الجسمية والعقلية في المرحلة دى عشان تقدرى تتعاملي معاه من غير ضغط أو قلق
*** اتكلمي معاه عن الهواية اللي بيحبها وخليه يمارسها
***تجنبي تقويم سلوكه بالعنف سواء بالضرب أو الألفاظ النابية
***الطفل في هذه المرحلة يقدر يعمل كذا حاجة في نفس اليوم يعني يقدر يخلي وقت للنوم واللعب والأكل والدراسة والرياضة وده من خلال جدول منظم عشان يقدر يحقق النجاح
**ابدأي تفاوضي معاه في الحاجات اللي عاوز يعملها والحاجات اللي حضرتك عاوزاه يعملها يعني مثلا لو حضرتك عاوزاه يرتب غرفته وهو عاوز يجيب أيس كريم اطلبي منه بمنتهى الهدوء ايه رأيك نرتب الغرفة الاول وبعدين نجيب أيس كريم
**الطفل في المرحلة دى عنده صراع شديد بين قبول القيم الاجتماعية وبين التمرد كنوع من تحقيق الذات وعشان نحقق التوازن بينهم محتاجين علاقة سوية فيها إستماع وتفاوض بين الطفل والأم
أستأذن حضرتك نبدأ ننفذ الخطوات وهكون في انتظار تعليق حضرتك
أتمنى عدم التردد في التحدث معنا أو طلب استشارة او حجز جلسة
ميرفت قطب
اخصائي نفسي اكلينيكي
عضو فريق الدعم النفسي
بالمناسبة دي اقولكم على خاطرة مهمه 🍃🩵

بالنسبة لتمرين السباحه
فكري من الاول وقرري
هو التمرين ليه ؟
فايدة له ولا عشان يكون سباح وبطل


🎁لو انتي بتمرني اولادك عشان صحتهم وعشان يبنوا جسمهم صح وعشان يتعلموا المهارة او عشان ينموا قدراتهم الاجتماعيه
📣 ومش قصدك انهم يكونوا ابطال سباحه وكده

يبقى نصيحه
متبتديش في سن صغير ....
متبتديش وهم كارهبن الميه ....
متبتديش وانتي مضغوطة ....

مش لازم ولا فرض خالص
حكاية انه من سن ٣ ونص ينزل ونغصب عليه ونهدد ونتوعد

‼️لو ابنك قلقان من الميه ايا كان سنه ، متوتريش نفسك وتضغطي عليه اكتر واكتر وتغصبي عليه ينزل

عادي خليها للسنه اللي جايه
تكوني مهدتيله و هو كبر شوية واطمن واستوعب ان الامر مش عذاب ولا حاجه
لأن هيجي الوقت باذن الله ، اللي الاطفال تحب تنزل فيه البيسين ( طالما محصلش وحد عقده ومثلا رماه بالعافية ،هزر هزار بايخ جوه الميه ، ولا حد ضغط عليه وخلاه يعيط ويكره الموضوع وهكذا )

‼️لو التمرين بعيد عليك وهتروحي وتيجي وتضغطي نفسك واولادك
،لاء استني لما ظروفك تتحسن ،يكبروا شوية تعرفي تتحركي بيهم ، تستني لما زوجك يفضا ويوصلك ( التمرين مش هيطير )

‼️لو فلوسه غالية ، استني لما تتوافر ،او نزليه شهر اه وشهر لاء ، تيرم اه ،تيرم لاء




👆🏻👆🏻
كل دا بالنسبه للأمهات اللي مش حاطة في دماغها موضوع البطولات والمسابقات

اما لو ناوية على البطولات
فطبعا دا جهد تاني وشغل محترم ،الله يعينك عليه

https://chat.whatsapp.com/HGIqOo69GQM7uNcOfWhHUU
♥️♥️♥️ كبَّريه ………. يكبَر ♥️♥️♥️

🔆يكبر في احساسه بالمسؤولية .. و اعتماده على نفسه

🔆تكبر في عينه قيمة نفسه و يحس بأهميته

🔆 يكبر في عين الناس و يحترموه زي ما بتحترميه

🔆 يكبر احساسه بالخير اللي جواه .. انه كويس و في منه أمل

———————————————————————

مهما كنا متعصبين منهم … نحاول دايماً

⭐️نعامل ولادنا باحترام ..

عادي نتخانق 😊بس من غير تجريح

⭐️نناديهم بأحب الأسماء :

"يا حبيبي .. يا باشمهندس .. يا أحلى بنت"

⭐️نديهم دايماً مهام:

"اطلب انت اللحمة .. عد الفلوس .. طلعي العنوان"

⭐️بعد كل غلطة .. مهما تتكرر.. حتى لو اتعاقب ..لازم يسمع :

"أنا عارفة انك أحسن من كدا .. أملي فيك كبير "

———————————————————————

الانسان لو فقد الأمل في نفسه 💔… بيفجر

♥️اللي خلقنا .. و عالم بينا .. بيدينا أمل في نفسنا مالوش حدود

♥️اللي يتوب .. كأنه معملش حاجة .. يصلح غلطته و صفحة جديدة

♥️والوحش ربنا يقول له ما ينفعش تيأس .. حاول مرة و اتنين وتلاتة

سيبوهم يغلطوا .. الغلطة مش آخر الدنيا

نتكلم و نفهم و نستخدم عواقب لو احتاجنا
وبعدين نحاول من جديد .. كأن ماحصلش حاجة..

#سولافا_سليم
#تربية_متوازنة
بنتى عندها ٩سنين تصرفاتها عنيفه جدااااا مع الكبير والصغير بيبقى ردى على أفعالها الحرمان من حاجه بتحبها وبعد كده بقيت اخاصمها مكلمهاش وبردوا مفيش فايده اخر حاجه دلوقتى بدأت اضرب ووصلت معاها لضرب عنيف بس بدأت تطاول وصوتها يعلى عليا انا كمان ومش عارفه اتصرف معاها
👇🏼👇🏼👇🏼👇🏼👇🏼

اهلا بحضرتك مع فريق الدعم النفسي 🌹

أولا 👈 من المهم منع الضرب من الأب والأم تماما لانه سيزيد من سلوكيات العنف سوء وحده.

ثانيا 👈 مهم مراجعة سلوكيات الأسرة ككل وكل الأشخاص المخالطين للأسرة من أقارب واصدقاء ، هل يوجد اى نوع من انواع العنف سواء كان جسدى أو لفظى أو صراخ او مشاجرات ونقاشات حاده ...الخ
اذا كان هناك اى من ذلك مهم التوقف عنه أو عالأقل ابعاد البنت عن ان ترى أيا من هذه المشاهد اطلاقا .

ثالثا👈التدقيق فيما تشاهده البنت علي التلفزيون أو الموبايل سواء كان مسلسلات، افلام ، برامج ، كارتون ، فديوهات، العاب ... الخ . منع اى مشاهد بها عنف حتي لو كارتون حتي لو مصارعة او العاب وهكذا .. ايضا ما له علاقة بالتخويف والرعب .. الخ

رابعا 👈تقنين وقت الاجهزة بشكل عام بكل انواعها ما لايزيد عن ساعتين فاليوم حد اقصي وتحت رقابة كما ذكرنا .

خامسا👈 مهم جدا جدا الاشتراك للبنت فى رياضة طوال العام وليس فالأجازة فقط .. ولكن نبتعد تماما عن العاب القتالية ويفضل أيضا السباحة و الالعاب الجماعية لتعلم ضبط النفس والتعامل الجيد مع الأخرين وروح المشاركة والجماعة
.. وأيضا تفريغ صحي( جسديا ونفسيا ) لطاقة الغضب الداخلية فى صورة اخرى غير العنف .

سادسا👈 منع اللوم الشديد والنقد اللاذع و المقارنات بالاخوة او باخرين .. لان هذا ايضا يزيد من طاقة الغضب داخل البنت وبالتالي يعزز السلوكيات السلبية .
سابعا 👈 الابتعاد ايضا عن التدليل الزائد ان وجد او تلبية كل طلبات الطفل بدون حدود وخاصة فى اوقات العنف مهم ان لا تحصل علي اى مكسب عند اصدار هذا السلوك .

ثامنا👈 تحسين العلاقة بين البنت و(الأم والأب) بشكل عام الاحتواء ، التحدث والنقاش ، الانصات لها ، الأحضان والاشباع العاطفي ، عقد صداقة معها ، المشاركة فى اللعب وقضاء وقت معا ، اعطاءها فرصة للتعبير عن مشاعرها.

أخيرا 👈 استخدام تقنية التعزيز الإيجابي بدل من العقاب بأن نسلط الضوء علي كل السلوكيات الجيدة والثناء عليها فى اوقات الانضباط والهدوء ، وأى سلوكيات ايجابية اخرى تصدر منها بشكل عام حتي لو بسيطة .
👈 ايضا .. ربط تغير السلوك السلبي بمحفز قوى من اختيار البنت .
وهنا نستعين بجدول اسبوعي للحد من السلوك السلبي نضع فيه كل ايام الاسبوع .. كل يوم يمر بدون سلوك عنف نضع فيه نجمة ويتم متابعة الجدول من البنت نفسها وفى أخر الاسبوع نكافأها بالمحفز المتفق عليه مسبقا اذا حصلت علي عدد نجوم اكثر من ٤ مثلا وكلما زادت النجوم كبر المحفز.. وهكذا

اتمني أكون قدرت اساعد حضرتك 🌹🌹

أ/سلمى ابراهيم/ أخصائي صحة نفسية ، تعديل سلوك ، ارشاد أسري ونفسي ، عضو فريق الدعم النفسي 🌹🤩
ازاي أطلع ابني راجل ؟

—————————————————————

1. أكلمه بجفاف 🧐 وأحمله فوق طاقته

2. أمنعه يعيط ✋🏻

3. انتقده بحدة لما يضعف 🤬

يطلع طوبة من بره 🪨.. فاضي من جوه 🤷🏻‍♀️

—————————————————————

1. ادي له صلاحيات مش بتاعته 🤴

2. اخدمه و ادلعه 🧹🎁🍔

3. احاول دائما أرضيه 🙏🏻

يطلع انسان أناني.. شايف نفسه فوق الكل👑

—————————————————————

1. أشبعه حب و حنان و أحضان 💚💛❤️

2. أسمع مشاعره و اعلمه يفهمها و يتعامل معاها .. و أعمله ازاي يقوم بعد ما يقع 💪🏻

3. أحمله مسؤولية نفسه و ألزمه يساعد غيره 🦸‍♂️

يطلع راجل حنون .. متصالح مع نفسه .. 💝
عارف إن مسؤولياته جزء من حياته 🙇‍♂️

—————————————————————

القسوة الغير مبررة .. ما بتطلعش راجل

ديك البرابر .. بردو ما بيطلعش راجل

—————————————————————

عايزين نطلع بني آدم متصالح مع نفسه .. متحمل للمسؤولية ؟

حب كتييييييير + تدريب مستمر

#سولافا_سليم
#تربية_متوازنة
تخيل نفسك في طياره والاب بيسوق والام جنبه بتراعي الاولاد اللي قاعدين ورا في مقاعد الركاب 🤷‍♀️

فجاه ابنك كبر و بقي مراهق وقام من علي الكرسي رغم تحذيراتكم له انه لازم يربط حزام الامان لكن هو بردو بيتحرك !! 🤨

الام بتزعق وبترجعه مكانه و لكن مفيش فايده !!!

وفي عز مانت سايق لاقيت ابنك بيقولك انا عايز اسوق !!! 🤨

انت يابني مبتعرفش تسوق ! لكن هو ماسك الدركسيون معاك وبيعاندك 😠

تيجي يمين يزق شمال !!

وفجاه هتلاقيه مكسوف من وجودك في حياته وفي طيارته !

بل واحتمال يقولك انزل من الطياره 🤐

وفجاه المشاعر العائليه الجميله والاحضان بقت عيب وميصحش وصحابي هيقولو عليا ايه 🫤

انا كبرت ولازم يبقالي كرسي معاكم قدام 😒 انا مش صغير

محدش يقررلي !! محدش يديني اوامر انا عارف انا بعمل ايه 😒

انا مش هزاكر بقي ولا هستحمي 😡

وعشان كدا لازم تقوم عزيزي الاب وتسيب ابنك يقعد وتاخد مكان مساعد الطيار 🩵

لازم تقوم بمهامك في نقل السلطة كمرشد ومدعم و صديق 🤝

لحد ما يقدر يقود العائله بنفسه ❤️

ولا تترك الام في صراع معاهم .. سواء بنات او اولاد 💔

وكل ما تمهدله الطريق من بدري وتعلمه وتصاحبه من بدري كل ما مرحلة المراهقة هتكون اخف واسهل 😍

والا هينط من الطيارة 😁

وهيروح يركب توك توك مع اصحابه اللي هيسيبوه يسووووق 😄

مرحلة ازمه الكفاءة : دي المرحلة اللي في نهايتها يتحدد الشخص دا هيكون كفء ومتزن وسليم نفسيا ولا مهزوز وغير واثق وهش 💔
منقول
Forwarded from 美女做爱🌸
السلام عليكم ورحمة الله وبركاته...

👩‍💼إلى كل أم تشعر بمسؤلياتها تجاه أبنائها..

🔸فلتعلمي أيتها الأم أن أبنائك أمانة سوف يسألك الله عنها يوم القيامة.

🔸وأولى مسؤلياتك تجاههم أن تعلميهم التوحيد و ترسخي داخلهم العقيدة السليمة.


🚩على سبيل المثال:

📝إن أهمل في كتابة واجباته..
قولي له:
يقول لك رسولك صلى الله عليه وسلم《إن الله يحب إذا عمل أحدكم عملا أن يتقنه》

😏إذا تأفف من طلباتك أو طلبات أبيه..
قولي له:
يقول لك ربك{..ولا تقل لهما أفٍ ولا تنهرهما..}

😡إذا غضب..قولي له:
يقول لك رسولك صلى الله عليه وسلم《..لا تغضب..》

🗣إذا تحدث بصوت مرتفع..
قولي له:
يقول لك ربك{..واغضض من صوتك..}
This media is not supported in your browser
VIEW IN TELEGRAM
HTML Embed Code:
2024/03/29 10:48:28
Back to Top