•«﷽
يا محـــله اللقـــاء بهالمسـيه * وتلاگو سويه
موسى وتربة أرض الكاظميه
ـــــــــــــــــــــــــ
شبه زينب واخوها من السجن يطلع * رايح للمنايه
طامورته الخيمه وكاظميته الطف * يعلم بالنهايه
درعه ثگـيل كلــش لابس گيوده * بيهن خط روايه
سجـــادته رقيــه وتربته سكينه * عايفهن سبايه
من گد ما عشگهن * مات وما تركهن
مات وما ترك سكنه ورقيه
ــــــــــــــــــــــــــــ
الگطع چف من عضيد حسين گص چفه * من ثگل السلاسل
سهم عيونه ظلمه وحرمله السندي * وصابك يابو فاضل
الضرب راس الكفيل يرفسك بسجنك * حقد من ذاكَ شايل
برزت اعله الجسر وسلاحك أگيودك * صحت هل من مقاتل
تتشابه حسافه * الطف ويه الرصافه
بلا . ناصر بگت جثتك رميه
ـــــــــــــــــــــــــــــ
معصومه العليله والعليل ابنك * سجادك القاسم
بگد فاطمه انتظرت فاطمه بنيتك * ترجع ليها سالم
يرد ضعن الفواطم وانته رد منك * بس گيدك يكاظم
حسين اعله الجسر واگف بچه لنعشك * بچتلك حته فاطم
ام حسين اجتلك * تريد تشيل نعشك
لچن نعشك لچم ضلع الزچيه
ــــــــــــــــــــــــــــــ
حله وكت الملاگه وتربتك تنطر * شگد منتظره يومك
تفك اثنين اديها وجسمك تشبگه * مشتاگه لرسومك
تريد تسولفلها والتقي
اخبارك * وتعرف كل علومك
علگتلك شموع وكل درب گبرك * زيّنته لقدومك
وبجيـّــت منيتك * صاحت كاظميتك
يمن فدوه لأديك اثنين اديه
ـــــــــــــــــــــــــــــــ
بگد كربله اشتاگت تحضنك واكثر * تراب البيها ناده
جسمك شرّف ارضك يا ابن جعفر * وفاتك چن ولاده
هلا بسجمك يمن جسمك شرف ليها * ويترسها عــباده
بگد فرحة تراب حسين فرحتلك * وتشعر بالسعاده
خلقها الباري جنه * بگد ظلمــك تهنه
خلقلك جـنه بــس حـــدر الوطـــيه
ـــــــــــــــــــــــــــــــــ
مو بس حدر گبرك صارت الجنه * وحگ اسمك يراهب
صارت كاظمــيتك جنه وانظــرها * ترسناها مواكب
حته اليگصدك مشاي يالكاظم * ميحس بمتاعب
يا راهب الآل و صرت باب الله * وعلى البيبان كاتب
وحگ آلآم سمي * اليريد الحاجه يمي
انطـــيها وعهـــد هـــذا عليــه
ــــــــــــــــــــــــــــــــــ
الخادم
مهدي التقي
#اللهم_عجل_لوليك_الفرج
◇◈◇⇩..تابعونا..⇩◇◈◇
🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔https://hottg.com/ashaghalhossein
🔻کروب للتلحین قصاید📝
👇👇👇👇
🆔 https://hottg.com/ashaghalhossein2
📲Whatsapp
00989388176328🇮🇷
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*
>>Click here to continue<<