TG Telegram Group Link
Channel: قصص وروايات منوعه 🎀
Back to Bottom
سارة: بتضحك ماتخافي رح ضبه قريبا الف مبروك
فاطمة: بتبتسم الله يبارك فيكي
مجد: يلا مبارك ياجماعة خلونا نروح بدكن نوصلكن وبيضحك
خالد: لا ريحلي ضميرك وجمالك منوصل لحالنا
ايمن: يلا باي ياعريس وبيضحك وبيمشي بالسيارة
وبتمشي سيارة مجد وراه
خالد: احم يارب بقرب من فاطمة وبيحملها بين أيديه
فاطمة: بتضحك خالد شو عم تعمل
خالد: بيغمزها بخفة بدي اخطف عروستي وبيضحك وبيطلع فيها
فاطمة: بتضحك خالد رح يجي الكف ها
خالد: عامل حسابي وجبت خوذة الوقاية وبيضحك
وهيك فينا نقول لأول ثنائي بقصتنا انو تمت فرحتهن وتوجو حبهن بالزواج 🥹🖤
بعد مرور أسابيع
المسا والدنيا ليل والمطر عم تبل الشوارع بقرب مجد من شباك غرفة سلمى وبدقه بخفة
سلمى: بتقرب من الشباك وبتفتحه بابتسامة
مجد: بيبتسم وبغنيلها بصوت خافت ولو شباكك على شباكي كنت بقلك كيف بهواكي ولو شباكك على شباكي كنت بقلك كيف بهواكي لكن ويني وانتي وينك في مسافة بيني وبينك لاعيني عم تلمح عينك ولابحرك بتطاله شباكي لو شباكك على شباكي
سلمى: بتطلع فيه وبتضحك اشتقتلك كتير
مجد: وانا اشتقتلك ياروحي بس ابوكي عامل حصار علينا شو بعمل والشغل ماعم بقدر أو أفضى اجي لهون
سلمى: يعطيك العافية ياروحي وبتبتسم بابا حاكاني بخصوص الجامعة
مجد: اي وشو قلتي انتي
سلمى: مابعرف قلتله رح وقف لنتزوج بكفي لان السنة راحت وراحت من ورا الامتحان
مجد: انتي هيك بدك
سلمى: اي هيك بدي ادرس أنا ومعك وبتضحك
مجد: بيبتسم أنا بكرا حفلة تخرجي أنا والشباب ها
سلمى: ياروحي لك الف مبروك وبتقرب منه وبتغمره بايديها وبتبوسه من خدوده
مجد: بيضحك ياريت قلتلك من زمان عن حفلة التخرج
سلمى: بتضحك بس قلة ادب
مجد: بيبتسم اي دخيلو حبيبة قلبي
سلمى: بتضحك يخليلي ياك
مجد: شوفي شو جبتلك معي بمدلها الكيس بكون فيه اكلات من يلي بتحبهن سلمى
سلمى: ياروحي يعني فوق دراستك وامتحاناتك وشغلك تذكرتني
مجد: لك بنسى كل الدنيا ومابنساكي
سلمى: بتبتضحك ماانحرم منك برد مجد ايه واقف هون مو شايف الدنيا عم تشتي
مجد: بيغمزها ومن ايمتى نحن منخاف من الشتى طلعي خلينا نتمشى يلا تعي
سلمى: مابظن بابا يرضى سهران برا
مجد: بيضحك اي جيبي طاقيتك لقلك
سلمى: بتلبس طاقيتها وبتقرب اي وبعدين
مجد: بقرب منها وبيحملها بين أيديها وبنزلها لعنده من الشباك
سلمى: بتضحك مجنون والله مجنون
مجد: بيضحك مجنون فيكي سلمى
سلمى: عيونها
مجد: شو رأيك نعمل العرس بعد التخرج
سلمى: بتبتسم بفرحة أنا موافقة
مجد: بيضحك وبيحملها بين أيديه وبيركد فيها هو وعم يصرخ الله يلعني شو بحبككك
#يتبع
#نبض_القصص
#شو_بيشبهك_تشرين
#الجزء٢١
بقلم#سدرة_عزالدين
سلمى: بتطلع فيه يعني رح تضل تسمعني متل وقت كنا رفقة وصغار
مجد: بيضحك انتظري لجاوبك بيشلح جاكيته وبحطه على كتفها وبضمها لقلبه وعيونه بعيونها أنا مارح اتغير عليكي سلمى مجد رح يبقى مجد ورح ضل رفيقك وبس تنزعجي من اي شي من الدنيا حتى لو أنا رح نجي على هالمكان ونخبر بعض كأصدقاء عن كلشي بيزعجنا بدون ملل ورح نتفاهم وندفن انزعاجنا بهالمكان ونمشي نكفي حياتنا ورح ضل حبك كحبيب وحتضلي اول حب بحياتي وزوجتي وشريكة عمري وحياتي ورح حبك اكتر وصونك واحميكي وعوضك عن كلشي وبيضحك ورح حب طبخك واطبخلك وحب شكلك انتي ومريضة وانتي وصاحية وانتي ونايمة وبكل دقيقة رح اتحملك وبعمري مارح مل منك او اتغير عليكي ممكن يجي يوم ونتزاعل وممكن نتخانق وممكن يصير كتير شغلات بس يلي مارح يصير هو انو يقل حبي ولهفتي الك سلمى أنا بحبك وحبي الك ماتغير مع كلشي صار بينا بالعكس زاد حبي وتعلقي فيكي
سلمى: بتطلع فيه بحب وعيونها عم تلمع بالدموع أنا بحبك كتير وبتضمه بقوة
مجد: بيبتسم وبضمها لقلبه وانا بموت فيكي يااختصار كل المسميات ياتشرينية انتي
سلمى: بتبتسم وبتطلع فيه وبتحط أيدها على خده بحنية بتعرف اني رح خبر ولادنا بكرا اديه امهن محظوظة
محظوظة اني حبيت صديقي يلي فتحت عيوني عليه وعلى محبته وحنيته ورح كمل حياتي معه ومع حنيته
مجد: بيبتسم وبيمسك كف أيدها وببوسه بحنيه وانا رح خبرهن أديه ابوهن محظوظ برفيقته يلي كان يأكلها سندويشاتها كرمال يعطيها مصروفها وبيضحك
سلمى: بتضحك رح نخبرهن عن كلشي مجد رح نخليهن يحكو عن قصتنا لكل العالم
مجد: اكيد رح نخلي الكل يعرف عن حبي الك وعن كلشي صار
سلمى: حنضل رفقة عطول
مجد: لاخر العمر رح ضل رفيق دربك وبيت أسرارك
سلمى: وإذا بيوم زعلت رح اهرب منك الك
مجد: بيبتسم وحتلاقيني مستنيكي يارفيقتي لااسمع منك كلشي ونرجع على بيتنا سوا
سلمى: بتضحك وبتغمره
مجد: ببوس جبينها بحب وبشدها لقلبه بحب
وبضلهن اعدين عم يتطلعو على نجوم السما والقمر يلي عاكس على الشوارع المعتمة ومنورها وهوا الشتا يلي عم يغلغل بقلوبهن بنسماته الباردة
بعد مرور ايام
واقفين الشباب كلهن والصبايا عم يختارو اثاث والكماليات لبيت مجد بالمول واقفين كلهن وعم يدورو على فاز وسجاد ويتناقشو شي زابط وشي لا وبيركدو روا بعضهن بالمول والناس عم تتفرج عليهن وعلى هبلهن😂
سلمى: مجد أنا عاجبتني هي السجادة بتلبق مع لون الكنبايات اكتر من يلي معك
مجد: ياحبيبتي مااختلفنا بس هي بتعطي جمال اكتر اصلا قريبة من لون يلي معك
ايمن: لك ياسلمى ليه مصرة تعاندي نحن الصح يلي اخترناها احلى
سارة: لا حبيبي اسمحلي يلي اخترناها نحن احلى يلي مع سلمى ازبط بعدين انتو شو فهمكن بالاثاث بدها ذوق روحي
ايمن: يعني نحن بلا ذوق آنسة سارة
خالد: لك نحن الذوق بذاته
سلمى: هاهاها كرمال هيك انت اخترت كلشي بالبيت الذي فاطمة اختارت كلشي وانت قلت امين
فاطمة: بتطلع فيهن مزبوط أنا يلي اخترت كلشي وبتضحك
مجد: اووف خلص اختاري يلي بدك سلمى أنا طالع لبرا امشو شباب
ايمن: خدني معك تعال احسن ماانجلط
فاطمة: يلا حبيبي لحقهن
خالد: رايح بدون تقليع وبيطلع
سلمى: بتضحك عليهن وبتختار يلي بدها ياه وبيختارو الديكورات كرمال الخطوات الأخيرة وبيطلعو ليدورو عليهن
فاطمة: وين راحو هدول
سارة: بتمشي شوي وعم تتلفت حوليها بتشهق هي وواقفة
بيركدو لعندها البنات
سلمى: شبك شو شفتي
سارة:شوفو وينهن وبتأشر على مكان الالعاب
سلمى وفاطمة: بيتطلعو على مكان الالعاب بالمول بصدمة
بكونو مجد وأيمن وخالد طالعين على تبع الالعاب وعم ينطو بالترمبولين ويزتو بعضهن متل الاطفال😂
سارة: بتضحك لك هدول مجانين
سلمى: بتضحك ياربي كيف عم ينطو
فاطمة: مو معقولين هدول قال متخرجين ورجال ولا واحد متزوج والتاني على وجه زواج والتالت عم يفكر
سارة: بتطلع بسلمى وفاطمة ونحن شو عم نعمل هون
سلمى: بتطلع بسارة وبتبتسم ابتسامة خبيثة قال إذا جن ربعك
فاطمة: بتضحك عقلك ما ينفعك
سارة: بتضحك معناها اركدوو
بيركدو البنات لعندهن وبيقطعو كروت وبيدخلو لجوا معهن
ايمن: بيضحك ها اجو الحبايب تعي تعي سارة وعم ينط
سارة: بتشلح من رجلها هي وعم تضحك اجيتك وبتنط لعنده وبتوقع هي وياه وهنن عم يضحكو
سلمى: بتضحك انتظروني ساعدني مجد
مجد: بيضحك تعي ياروحي وبيحملها وبيرفعها لعنده وبوقفها بايده
فاطمة: وانا وقفت علي يعني خالد ساعدني
خالد: تعي عيوني بيمسك أيدها وبشدها لعنده
بوقف ايمن وبنط بقوة ليوقعهن كلهن فوق بعضهن
ايمن: بيضحك حاج رومانسية هي اللعبة بدها جحاشية
سارة: بتضحك وماعم تقدر توقف من كتر ماعم ينط ايمن بتصرخ عليه لك ايمن وقف خليني قوم بس
ايمن: البقاء للاقوى ياحلوة وبيضحك باعلى صوت هاهاهاها
مجد: بوقف بالزور وبيمسك ايد سلمى بوقفها وببلش ينط وبنط على ايمن ليوقعه وبيركد ايمن متل القرد بالمتاهة وبوقفو كلهن وبيركدو روا ايمن كرمال يمسكوه وهو متل السعدان من الترامبولين للزحليطة للشباكات ماعم يلحقوه
سارة: بتشوف ايمن واقف وعم ياخد نفسه بتضحك بالخفة وبتركد وبتنط على لترامبولين وبتنط عليه وبيوقعو هي وياه بقلب الكرات وماعاد يبينو تحته
بوقفو الشباب والصبايا عم يتطلعو عليهن ويضحكو
سلمى: لك ماعاد بينو
ايمن: بيرفع رأسه وعم يضحك الله لا يوفقكن اختنقت
سارة: بتطلع من تحت الكرات وعم تضحك بتستاهل كرمال تعرف تركدنا وراك
مجد: بيضحك اخخ ياخواصري ياحرام بالاخير سارة توقعك هيك وقعة
ايمن: عم تضحك ضحكة عنزة
سلمى: بتضحك وبتقرب من مجد وبتدفشه بايديها وانت كمان حتوقع
مجد: لك لا سلمى سلمى بيمسك ايد سلمى وبيسحبها معه وبيوقعو هو وياها
بيضحكو كلهن عليهن
خالد: لا تطلعي فيني هيك فاطمة بزت حالي بدون مقاومة بيحملها بين أيديهه وبنطو هو وياها
فاطمة: بتضحك وبتحط أيدها على ضهرها بوجع لك شو مفكرين حالكن بمسبح بتوجع النطة 😂
ايمن: بهايم مابحسو
مجد: تعال لااخنقك كلو منك مو انت يلي لعبت بعقلنا لندخل نلعب بيمسكو هو وخالد وببلشو يرمو عليه الكرات وعم يتخانقو ويضحكو
بوقفو لولاد لصغار وبيتطلعو فيهن وعم يضحكو من بعيد
سلمى: بتطلع بالولاد وبتضحك ياشباب صرنا فرجة للاطفال ومسخرة
بيتطلعو كلهن على لولاد وبيضحكو
خالد: أنا برأي نطلع قبل ما نتقلع
ايمن: وانا هيك برأيي بس لناخد كم صورة تذكار وبيضحك بطلع موبايله وببلش يصورهن ويتصور كلهن مع بعض فيديوهات وصور
بيطلعو كلهن من المول عم يسحبو العربايات ويضحكو على حالهن وعلى صغر عقلهن وماسكين بأيديهن بواري بوظة وعم يأكلو ويضحكو
بقلم#سدرة_عزالدين
تاني يوم
بروحو كلهن على بيت مجد وبيفرشوه مع بعضهن هنن وعم يضحكو ويمزحو وبكل تفصيلة بحطو جوهن ومحبتهن وخناقهن وصحبتهن
بعد ساعات من تعبهن بيعدو كلهن على الارض وعم يتطلعو بالبيت كيف صار
ايمن: اخخ تعبنا
مجد: اي يعطيكن العافية فلحنا عليكن فلاحة اليوم
ايمن: تضرب انت وملافظك
خالد: بيضحك ملافظ سوقية شوارعية متعلمها منك
ايمن: صار بدها سيكارة ياجماعة لمخمخ مخي
مجد: مو قلت بدك تبطلها بس تحب
ايمن: انا هيك حكيت
خالد: بتشهد علينا البلكونة انك حكيتها
سارة: بتطلع فيه وبتمسك منه السيجارة وبتكسرها بايدها وهي بطلها وبتطلع فيه وبتزوره
ايمن: بيتطلع فيها وبيبتسم شو عملتي ياروحي
سارة: بطلتها من اليوم بس بدك تدخن بتحويلك على كيس بزر وبتاكله احسنلك
مجد: كفو كفو زقفة لاام السوس
بزقفولها كلهن
سارة: بتضحك شكرا شكرا
ايمن: انننن فرحانين بحالكن وانا كيف بدي اصحى
سارة: بتصحى بدونها هي الك اديه عم تشتغل معنا ماشربتها معناها بتقدر بدونها لا أنا لا السيجارة البطيخة
ايمن: اوف منكن اوف بيمسك الباكيت وبزته وهي بطلناها وعمرها
سارة: بتبتسم اي هيك ها خليك مطيع
ايمن: بيبتسم للاسف أنا ايمن وبيضحك بتعرفو شو
الكل: شو
ايمن: رح يجي يوم اشتري بناية فيها تلت بيوت ونسكن مع بعضنا
سلمى: بتضحك كل هالقد مابتقدر بدونا
مجد: ايمن مابيقدر على بعدنا
ايمن: اي بموت فيكن بس ياشباب مابدي اخسركن بعد الزواج لهيك بدي اضمنكن تحت جناحي
خالد: بيضحك منضيع بدون بابا ايمن بتعرفو
ايمن: بعرف تقبرني بعدين مين بدو يربي ولادكن غيري
فاطمة: لا وصلنا إذا ايمن يلي رح يستلم الترباية اكلنا هوا
سارة: على الدنيا السلام وبتضحك
ايمن: إذا ما بخليكن كل ولادكن نسخة عني مابكون ايمن انتظرو بس لخليكن تكرهو حالكن
مجد: بقرب منه وبيحكي بصوت عالي لك اصلا يصحلنا متلك ابو الليمون
ايمن:بقرب منه حيو رفيقي وبيتصافحو وبضمو بعضهن وبيضحكو
(بعد مرور ايام )
بالشركة اعد مجد ومحمد وزين وعم يتناقشو باخر اخبار الشغل وعم يحكو
بخلصو الاجتماع
محمد: والله يااستاذ زين الاستاذ مجد ماله فاضي عم يحضر لعرسه
زين: بيبتسم حقه يعني كمان هو عريس
مجد: بيبتسم عم بتأخر هالايام بالشغل بس اخد إذن ومعذور ماعم بفضى والله
محمد: ولهلق ماحجزت الصالة ياعريس
مجد: لا والله لسا مااخترنا
زين: بما انك مااخترت خليها تكون هدية مني الك
مجد: لا شو هالحكي اكيد مارح اقبل استاذ زين كتير هيك
زين: اعتبرها هدية من اخ لااخوه شبك
محمد: سبقناك يااستاذ زين الصالة نحجزت أنا اخترت احلى الصالات وجبت منهن مواعيد ليختار منهن مجد وحدة والتكاليف علي
مجد: بيتطلع بمحمد بس يااستاذ محمد أنا مارح اقبل و
محمد: يامجد انت ابني وهالشي عم بعمله لاابني عم تفهم
زين: بس هيك انا كمان مارح ارضى بدي اهدي مجد هدية بتليق بمجهوده النا لهيك رح يكون هالشي بيني وبينك استاذ محمد نص بالنص
محمد: بيضحك مارح نختلف استاذ زين
مجد: بس ياجماعة هيك خجلتوني عنجد مافي لزوم لكل هاد
زين: اله الزوم اله وبدلتك وفستان العروس رح يوصلوك هدية مني
مجد: لا عنجد هيك كتير
زين: بس يامجد انت اخونا وشريكنا بكلشي لهيك رح يوصلك كتالوج الك وللعروس بتختارو الموديل وهنن رح يتكفلو بكلشي وهي طلب زوجتي جوري هدية للانسة سلمى
مجد: بيبتسم بخفة وخجل والله هيك كتير عنجد بتشكركن كتير
زين: بوقف اقل شي منقدمه لتعب يامجد
مجد: بيبتسم وبوقف شكرا استاذ زين بتشكرك ووصلي سلامي وتشكري للمدام مني ومن سلمى وبنتظاركن بالعرس أول الناس ورح يوصلكن كرت الدعوة بأقرب وقت
زين: بيبتسم وبسلم عليه بيوصل اكيد وهلق بالاذن ومبروك سلفاً
مجد: الله يبارك فيك يارب
بيطلع زين وبيندق الباب وبيدخل ايمن وابوه
مجد: بوقف وبيتطلع فيهن بيبتسم اهلا وسهلا
ايمن: بيبتسم وبسلم على مجد ومحمد
محمد: نورتونا تفضلو
زهير: منور بوجودكن استاذ محمد
محمد: تسلم يااستاذ زهير خير ان شاء الله مافي شي بالشغل
زهير: الحقيقة نحن جايين بموضوع خارج الشغل
مجد: بيتطلع بأيمن وبهزله براسه بمعنى شوفي
ايمن: بيغمزه بخفة وبيبتسم
محمد: خير استاذ زهير شو سبب زيارتكن النا ؟!
بعد مرور أسبوع
( زين بيبعت الكتالوج وبتختار سلمى فستانها ومجد بيختار وبياخد لقياسات كرمال يعملوهن وبيختارو الصالة وبيطبعو كروت الدعوة كلهن من افخم الأنواع وهالشي بيتكفل فيهن مجد وبوزعوهن لكل الناس يلي عازمينهن ومجد بيعزم كل رجال الأعمال يلي بيعرفهن ومحمد بيعزم كل معارفه باسم مجد وكأنه عرس ابنه وبرتب أمور كتب لكتاب انو يكتبوه بالمحكمة قبل بيوم من العرس )
المسا ببيت سلمى اعدة سلمى بغرفتها وصوت جعيرها طالع من جميع الانحاء وهناء واقفة بالشحاطة وعم تلطوشها وتضرب على رأسها وناهد عم تهدي هناء وتفهم شبها سلمى وراما واقفة مع مرت عمها وعم تحاول تفهم شو عم يصير
سلمى: عم تبكي وتجوعر قلتلك بطلت اتزوج مابدي مابديي عااااا
هناء: لك يابنت الكلبة كيف مابدك تتزوجي بعد بكرا كتب لكتاب بدك ياني ارتكب فيكي جريمةة.
سلمى: كرهتيني الزواج امي مابدي مابديي تركونيي لحاليي
بكون واقف ابوها وأبو امجد
ابو ملهم: امشي اخي ابو امجد على القهوة لان رح يصير حرب الزير هلق امشي
ابو امجد: بيضحك قولتك امشي اخي امشي نريح راسنا منهن
هناء: لك اختي تركيني عليها لعلم الشحاطة على جنابها وخلي النمرة تطبع تتاتو على خدودها يلي متل الصحن
ناهد: وكلي الله ياهناء تركيني افهم من البنت لك تركتها معك ساعة وطلعت رتب البيت شو عملتيلها حتى قلبت
هناء: لك هالجاموسة شو بدي اعمل معها غير عم حاكيها وانصحها والله ماامسكك ياسلمى
سلمى: تعي ضربيني تعي لاتقصريي اصلا أنا مابدي شيي
راما: لك ياسلمى ياحبيبتي مجد عم ينتظرك هو والشباب فوق والبنات يلا استهدي بالله وتعي نطلع
سلمى: مابدييي تركونييي
ناهد: عم تلهث وماسكة هناء راما طلعي اندهي لمجد بسرعة ماضل فيني حيل ردها عنها
راما: يلا يلا حاضر وبتركد لفوق بتنده لمجد وبينزل مجد
بيدخل مجد لعندهن
مجد: شوفي شو صاير
هناء: هالجحشة قال شو بطلت تتزوج
مجد: بيتطلع بسلمى يلي عم تبكي تركوني انا وياها وطلعو لبرا شوي يلا
هناء: بتزت الشحاطة لتضربها فيها
مجد: خالتي بترجاكي طلعي يلا امي
ناهد: ماشي ابني رح نطلع تعي هناء تعي هديتي حيلي
بيطلعو وبيتركوهن لحالهن
مجد: بسكر الباب وراهن وبيلتفت على سلمى
سلمى: بتكون عم تشهق وتطلع فيه
مجد: بقرب منها بحنية وهدوء وبنحني على الأرض وبيمسك أيدها وهي بتكون اعدة على سريرها ليه عم تبكي
سلمى: بتطلع فيه وبتشهق مابدي اتزوج
مجد: بيبتسم كل هالقد الزواج مني شي مو منيح حتى عم تبكي كل هالقد
سلمى: بتحكي بسرعة لا لا مو هيك
مجد: لكن شو
سلمى: امي امي عم تخوفني من الزواج مافي غير بتعطيني نصايح على قولتها بس هي عم ترعبني بزيادة ماعم تنصحني بتشهق قال شو إذا بكرا ماطبخت منيح ممكن تطلقني متل ماصار مع جارتنا ام سعدو
مجد: بكون ماسك ضحكته بيفرط و بيضحك ماعاد يقدر يمسك حاله
سلمى: بتضربه بايدها بخفة ليه عم تضحك علي
مجد: بيضحك بزيادة اسف اسف مابقصد اضحك عليكي اي وشو كمان حكتلك
سلمى: وقال عم تعد تشرحلي على اغراض المطبخ يلي بحياتي ماسمعت عنهن شو يعني بحطو للحمة وقت يسلقوها ورق بغار يعني الورق بغار وعم تشهق وتمسح دموعها من وين بدي جيب ورق بغار أنا
مجد: بيضحك بزيادة ورق بغار قلتيلي حبيبتي اسمه ورق غار و
سلمى: لك مجدد لاتضحك علي مابدي اتزوجك انا وعم تشهق بعدين شو هاد الورق يلي بغار وليه هيك سموه
مجد: بيضحك ياروحي هاد الورق يلي بينحط متل ورق الشجر بقلب المي كرمال الزفرة وليه هيك سموه هو الورق حمش شوي لهيك بغار على الورقات لهيك سموه ورق غار ومابيقدر يمسك ضحكته وبيفرط
سلمى: بيزداد بكاها عم تضحك علي مجد ماشي أنا بفرجيكك روح من وجهي قوم وعم تدفشه
مجد: بيبتسم خلص اهدي طيب مين قلك أنا بحب ورق الغار باللحمة انا بطبخها مو مشكلة وغيره شو حكت
سلمى: قال بتقلي أنا مابعرف بطبخ حتى لمفركة بطاطا وانت بتحبهاا أنا فاشلة كتيرر وبيزداد بكاها
مجد: بيضحك ياعيوني انتي مالك فاشلة بيمسك ايديها وبيعد جنبها شوفي ياعمري انا قلتلك أنا بطبخلك وبعلمك الطبخ وبتعلميني وحتى لو ماعرفنا نطبخ أن شاء الله عمري مااكل بجبلك شاورما وبيضحك بعدين انا بحب لمفركة بطاطا يلي بتعمليها وكيف ماكانت حتى لو نية ح اكلها صدقيني الاكل اخر همي
سلمى: عم تكذب علي انت مو
مجد: بتعرفيني بكذب عليكي شي
سلمى: بتطلع فيه بعيون عم تغزل بالدموع وانفها وخدودها حمر ونمشها ظاهر من زعلها متل الاطفال يعني مارح تطلقني متل ام سعدو
مجد: بيضحك أنا ممكن طلقك إذا جبتيلي سيرة ام سعدو حبيبتي بيمسك خدودها بين ايديه لك انا بحبك هيك متل ما انتي بدون ماتطبخي ولاتعمليلي شي انا وياكي ربيانين سوا يعني أنا اكتر واحد بيعرفك سلمى مافي داعي تعمليلي شي لحبك لاني بحبك هيك متل ما انتي بشكلك وبجسمك وبعقلك وبكلامك وحتى بطبخك بحبك
سلمى: بكرا إذا سمنت وحبلت رح تبطل تحبني جسمي رح ينتزع واتغير ويصير الي كرش عنجد مجد رح تبطل تحبني وبيرجع بيزداد بكاها
مجد: بيمسح على وجه بقلة صبر وعم يحاول يتحمل كلشي ويسايرها بيضحك وبيتطلع فيها وبيحكي بصوت عالي عيوني روحي انا مارح بطل حبك حتى لو صار وزنك ٢٠٠كيلو بحبك ومارح اتغير لا اله الا الله على لنهار
سلمى: بتطلع فيه وبتشهق ليه عم تصرخ علي إذا كلمتين ماتحملت احكي بكرا كيف بدك تتحملني إذا توحمت على شي صعب
مجد: بيضحك ياربي دخيلك والله ماعم عيط أنا بعتذر معلش أنا آسف أنا الغلطان وانتي الصح
سلمى: يعني عم تسايرني هلق
مجد: بقلبه ياصبرر ياصبرر بيبتسم بخفة لا ياروحي ماعم سايرك أنا غلطان وانتي الصح هدول مشاكل كبيرة وانا لازم حلهن وبلا مانتزوج خلينا هيك احلى صدقيني
سلمى: بتمسح دموعها بخفة لا خلص رضيت رح نتزوج صدقتك انك مارح تتغير علي
مجد: بيضحك وبيتطلع فيها بعمري مارح اتغير عليكي والله انا بدي ياكي جنبي وبس حققلك كلشي بتتمنيه وتدرسي وتتخرجي ونبني عيلة ونعيش سوا كل العمر بس سلمى أنا مالي متزوجك لتطبخيلي وتخدميني أنا بدي اتزوجك لنشارك بعضنا كلشي بالحياة ونصير واحد والحكي يلي حكته خالتي هناء كله ارميه ورا ضهرك أنا مارح طلقك إذا الأكلة نحرقت ولارح ازعل اذا سمنتي ولارح اتغير وبطل حبك إذا صار عندك كرش بيضحك بالعكس رح حبك اكتر واكتر واكتر وكلشي بيتصلح تمام
سلمى: بتبتسم وبتضحك بخفة تمام يعني مافي متل ام سعدو
مجد: بوقف بعصبية آمنت بالله على لنهار
سلمى: بتضحك خلص خلص عم بمزح معك
مجد: بيضحك وبوقف عم يتنهد
سلمى: بتبتسم وبتوقف وبتغمره بقوة بحبك يامجد بحبك
مجد: بيبتسم وبضمها لقلبه وبشد عليها وانا بموت فيكي ياتشرينية يامتقلبة انتي ماكذبت لما سميتك تشرينية متل تشرين انتي بتتغيري وبتفرجيني كل لفصول بثواني
سلمى: بتضحك كرمال ماتفكر بغيري ابدا
مجد: بيتطلع فيها ليه بصير
سلمى: اكيد لا
مجد: بيضحك اي الله يلعني شو بحبك وبضمها
سلمى: بتضحك وبتتخبى بحضنه متل الطفلة
مجد: بيبتسم فينا نطلع هلق لان الكل فوق وعم ينتظرو نبلش تدريب على الرقصات بتعرفي ايمن وأفكاره
سلمى: بتضحك اي بعرف يلا خلينا نطلع
مجد: اووه الحمدلله يلا امشي
بيطلعو على بيت اهل مجد
بكون ايمن واقف وماسك ورقة وعم يخطط فيه
مجد: نحن اجينا
ايمن: اي بدكن زغروطة وللللليششششش يعني وينكن اه
مجد: كان في مشكلة وحليناها
هناء: بتكون اعدة وعم تهز برجلها شو فهمت عليك
مجد: بيضحك خالتي انتي تركيها الي وهي بتفهم علي مو هيك سمسمة
سلمى: بتهز برأسها إذا انت خليتني لاامي بتروح عليك
مجد: ماعاد اتركك وبيضحك
ايمن: هلق مو وقتكن هلق يلا بدي بلش تدريبات رح نبلش بالبداية على رقصة لسلو حنرقص رقصة أسطورية عم تفهمو مابدي غلط
مجد: حجي عفكرة كلنا منعرف نرقص سلو مافي داعي التدريبات
ايمن: انت شو بدك مني انا بدي يكون كلشي على البكلة
مجد: بيضحك اي لو عرسك مو هيك وبيغمزه
ايمن: بيتطلع فيه وبيزوره خلص مو عرسك هو عرسي نفس الشي يلا خلونا نبلش الحكام خالتي ناهد وخالتي هناء واختنا راما
خالد: اي شو نحن بمسابقة
ايمن: اي اخي بمسابقة وفرجيني ابداعك يلا
راما: بتضحك رح شغلكن الغنية تمام يلا
بتشغل الغنية
وكل واحد بوقف مع حبيبته وبحط أيده على خصرها وبيبتدو الرقص مجد وسلمى بالنص وأيمن وسارة وخالد وفاطمة وبيطفي الضو ايمن وبشغل لفلاش بالموبايلات وبدهن يرقصو على هالجو
سلمى: بتبتسم وبتحط ايديها على كتاف مجد وبتحاوط رقبته بخفة وعيونها بعيونه وعم تتمايل معه بخفة
مجد: بيبتسم وبيغرق بتفاصيلها بحب وعم يتمايل معها
ايمن: بيتطلع فيهن كيف واقفين ستووب وبوقف بشغل الضو شو عم تعملو انتو
مجد: عم نرقص شو عم نعمل يعني
ايمن: شكلكن عم تنامو مو ترقصو شو انت مدبل عيونك وهي متعلقة فيك متل حبل الغسيل شبكن
سلمى: بتضحك ايمن لا تجننا هلق شو بدك احكي
بقلم#سدرة_عزالدين
ايمن: تفرجو تعي سارة
سارة: بتضحك أجيت
ايمن: بيمسك أيدها وبحطها على كتفه وبحط أيده على خصرها وبخلي مسافة قليلة بينهن
سارة: بتطلع فيه وعم تضحك
ايمن: شوفو كيف وببلش ينغم بصوته بالغنية نرارار مرارا وعم يرجعو لورا ويقدمو لقدام واقفين كلهن عم يتفرجو عليهن اختي راما شغلي هالموسيقى
راما: بتضحك تكرم بتشغل الغنية وبتقلب على غنية دبكة
ايمن: بكون عم يتحرك هو وسارة وقت يسمع غنية الدبكة بيضحك وبكملها هو وياها دبكة بيمسكو ايدين بعضهن وببلشو يدبكو ولعتتت
مجد: بيضحك يخربيت جنانك يازلمة
ايمن: صف على الدبكة يلا بشدهن كلهن وبيمسكو ايدين بعضهن وببلشو دبكة وأيمن على الاول عم ينط ويطلع وينزل وبيقلبها هز شرقي ورقص
ايمن: سارة تعي علمك هز الخصر ويلا هزييي وتتتت وتيي رشرشش وهزي بخصركك
سارة: بتضحك وعم تهز متله والله بتعرف ترقص اكتر مني
ايمن: بعجبك ولو وايوا ولعيونككك وببلش يطلع وينزل خالدد عطيها علم مرتك الهز
خالد: بيضحك وبيمسك ايد فاطمة وببلش يهز هو وياها هيك منيح حجي
ايمن: بيرفكتت يلا خالتي هناء خالتي ناهد بسرعة تعالو أهل العرسان انتو بدي خصركن مايعد بجرهن غصب وبوقفهن بالنص وعم يحرك أيديهن غصب عنهن وهنن عم يضحكو عليه
بتحطلهن عرس الغوالي وببلشو يرقصو كلهن بفرحة
ناهد: عم تحرك بايديها وتضحك
ايمن: خالتي هناء يلا عرس بنتك هزيي
هناء: بتضحك الله عليك ياايمن عم هز
ايمن: تعي أنا بعلمك بيمسك أيدها وببلشو يحركوهن مع بعضهن وعم يضحكو وفرحانين
وبجنو كلهن وعلى رقص وضحك وقلبوها مرقص بدل تدريب وكل واحد عم يرقص على كيفه ماهو هاد يلي بصير يلي دليله ايمن يلي دليله جردون ياما رح يفوت بلاليع😂
سلمى: عم ترقص هي وفاطمة ويهزو كتافهن على كتاف بعض ومبسوطين وفرحانين وعم يزغرطو وسارة معهن وداخلين بالجو تماما
فاطمة: بتوقف للحظة وبتحس بدوخة برأسها وماعاد تقدر تتمالك حالها وعيونها بتغبش بتبعد عنهن وبتمسك رأسها بخفة بتغمض عيونها بقوة وماعاد تقدر تشوف قدامها بتفتحهن وعم تطلع عليهن ورؤيتها بتبلش تغبش وماعاد تشوف قدامها بترفع أيدها لتسند حالها على الطاولة بس مابتقدر تتماسك بتوقع الطاولة و بيختل توازنها وبتوقع بالأرض مغمى عليها
بيلفتو كلهن بصدمة
#يتبع
#نبض_القصص
#شو_بيشبهك_تشرين
بيدخلو كلهن وبسلمو على الناس وبتنخفت الاضواء وبتتسلط على البوابة وبتشتغل الموسيقى لتعلن دخول العرسان بوقفو الكل بهاللحظة
بتنفتح البوابة وبتشتغل الشرار الناري من الجنبين وبتطير البوالين البيضة والورد الابيض وبطلو العرسان الحلوين سلمى ومجد هنن وايد بايد وبيعلى صوت التصفيق من الحاضرين كلهن
مجد: بكون شادد على ايد سلمى وعم يمشو والكاميرات عم تصورهن والكل عم يزقفلهن ويزغرطلهن
سلمى: بتطلع بمجد بعيون عم تلمع وتغزل بالفرحة والفخر بتهمسله خايفة مجد العالم كتار كتير
مجد: بيبتسم وبيهمسلها ماتخافي طول ماانا جنبك
سلمى: بتطلع فيه بنظرات حب بحبك مجد
مجد: بيبتسم بموت فيكي
بوقفو بالنص وبتتغير الغنية لتعلن عن رقصتهن الاولى بتشتغل غنية حطي كفك بكفي
مجد: بوقف بالنص وبيضحك وبيمسك ايد سلمى وببلش يتمايل معها هو وعم يغنيلها وحطي كفك بكفي
مجد: ومشي هالعمر نكفي مابدي كنوز ولامال والله ظفرك بكفي وعم يتمايل معها ويرقص والكل بقربو منهن وعم يزقفزلهن
سلمى: عم تضحك وتتتمايل معه بحب وحاطة ايديها على كتفها وعم تغني معه
مجد: عم يتطلع فيها وبضمها لقلبه أنا حطي راسك على راسي وحسي بقلبي واحساسي ولاتخافي من بعد اليوم والله بشيلك على راسي والله بشيلك على راسي يبا نامي بقلبي وتهني ماتشيلي عينك عني رح يبدأ عمري من اليوم بصرخ صرلي عمر مستنييي وبنط بفرحة وهو غامرها بين أيديه وجبينها على جبينه
مجد: ولاتقوليي معترر فقير أنا مابخيب ظنونكك وبيضحك
( انتو تخيلو معي كيف الرقصة تراها عسللل)
بتتبدل الغنية وبأشر مجد للشباب انو يقربو وبيركد ايمن اول واحد ووراه سارة وخالد وفاطمة ورشباب وصبايا مامنعرفهن بس هنن بيعرفوهن😂
ايمن: بيستلم النص وببلش يرقص هو ومجد وخالد
والصبايا بوقفو مع سلمى وببلشو يرقصو
ايمن: اوووو سطلانةةة وعم ينط ويضحك اي هيك ها هي صالة بينرقص فيها وللللعت
خالد: تضرب شو مشرشحنا وين مارحنا واوووو سطلانةةة
مجد: يادكتور شوفلي تصريفة ابوس ايدك اكبتلي روشيتتاا
ايمن: بيضحك وماسك مجد من جاكيته وعم يهز بخصره هو وياه
هادي: بكون واقف وعم يزقف وقلبه عم يقول حق بق
جوري: بتطلع فيه هادي شايفتك ماسك الرقصة قوم ننزل
هادي: اه لا مابحب هالغنية بتعرفيني
زين: اي فضحونا خايف لف وجهي عنكن لاقيكن بينهن
جوري: حبيبي اسمه عرس وفرح يعني جايين نشارك العالم مو نعد مو هيك
بيدخلو فرقة الطبل والزمر وبتشتغل غنية عرس الغوالي وبيطلعو أهل العرسان للنص معهن وناهد وهناء وببلشو يرقصو مع ولادهن
هادي: ايي لاا هي غنيتي ماعاد اقدر بعدولي هيك وبيركد لعندهن
ايمن: بشوفه جاية بيضحك استاذ هادي عطيها وبهزله بكتافه يلاااع
هادي: ولعتتت والله وببلش يهز بكتافه مع ايمن ويرقص غنيتي المفضلة
ايمن: كفك شريك صرنا تنين وجبينك عاليي ومهرك غاليي
هادي: قولي للدنيا هيداا رجالييي
جوري: بتسحب تكتيكياً وبتدخل لعند سلمى
زين: بيلتفت عليها مابلاقيها لك وين راحت
عليا: بتضحك اخي مع العروس بتلاقيها
زين: اوف منك جوري اوف بوقف وبيمشي لعندها
#يتبع
#نبض_القصص
#شو_بيشبهك_تشرين
سارة وفاطمة: بوقفو بصدمة وبيحكو بصوت واحد انتو شو عم تعملو هون
ايمن: لك ييي يقبرني الابيض جايين نرقص معكن وللعتت وبقرب للنص وببلش يهز
سارة: بتضحك وبتبلش ترقص معه
وبقرب خالد من فاطمة وبضمها وبوقف هو وياه
ومجد وسلمى وعم يرقصو ويضحكو
بتفتح باب البيت هناء هي وناهد عم يضحكو ويحكو
هناء: بتوقف بصدمة وبتطلع بناهد
ناهد: ييي شو هاد
هناء: بتقرب من الاغاني وبتطفيها ولك انتو شو عم تعملو هون
ايمن: بيبتسم ابتسامة تسليكية هيهي خالتي هناء كيفك
هناء: كتير مبسوطة بشوفتكن ياروحي انتو
ايمن: وانا هيك حسيت بفرحتك
هناء: لا ياروحي لسا ماحسيت بفرحتي هلق رح تحس فيها معنويا واحساسياً بترفع شحاطتها
سلمى: بتطلع بامها وليي هربوو وبتركد
مجد: هجوم مفاجأ يا شباب وبيركد ورا سلمى
عناء: أي وين بدكن تروحو مني أنا بفرجيكن بتركد ورا ايمن ومجد وسلمى
ايمن: خالتي خالتي طولي بالك وعم ينط من مكان لمكان
خالد: بيمسك بفاطمة وبيتخبى وراها
هناء: بتطلع فيه عم تتخبى ورا مرتك الحامل يارجال
خالد: خالتي شحاطتك أقوى من الصار.وخ خليني ورا مرتي
فاطمة: بتكون عم تضحك وفارطة ضحك
مجد: بيتخبى ورا امه حماتي بربك اهدي وسمعينا
هناء:هلق صرت حماتك أنا بفرجيك يامجد
مجد: لاع اوعك انتظري شوي لااهرب بس
ناهد: بتكون عم تروح يمين وشمال مع مجد ووراه سلمى عم تضحك ومتخبية وهناء وراهن بالشحاطة
بيركد ايمن ليفتح الباب ويهرب
بكون ابو ملهم داخل
هناء: وين بدك تهرب ولاه ايمن وبتزت الشحاطة
ايمن: وليي وبنبطح على الأرض وبتجي الشحاطة على كتف ابو ملهم
وبعم الصمت عليهن كلهن
هناء: بتوقف بصدمة يي يبعتلي حمى
ايمن: بيرفع عيونه لفوق وبيضحك اصبتي الهدف الغلط
ابو ملهم: بيتطلع فيهن بصمت
هناء: بتقرب من ابو ملهم يبعتلي حمى ماكنت قاصدتك كان الهدف ايمن قام هو نزل وبتطلع فيه بعصبية
ايمن: بكون كاتم ضحكته اكيد مارح ضل واقف لااكلها يعني
ابو ملهم: بيتطلع بهناء بطرف عينه انتي مارح تبطلي عادتك هي حرام عليكي الولاد نهرو من شحاطتك وبالاخير اكلتها أنا كتر خيرك والله ياهناء من بعد كل هالسنين ناكل شحاطة كفاءة
هناء: بتضحك والله ماكنت انت القصد انت أجيت فجأة شو دخلني أنا
ابو ملهم: بيتطلع فيهن وانتو شو عم تعملو هون
مجد: بيبتسم بخفة والله ياعمي كنا هيك جايين بالصدفة ها بالصدفة مو هيك خالد
خالد: اه اي فاطمة مرتي تعبت ورنتلي اجي اخدها فاانا أجيت وهنن اجو وشفنا بعض بالصدفة مو هيك ايمن
ايمن: اي عمي فانحن سمعنا البنات عم يصرخو فدخلنا بالصدفة لنعرف شو عم يصير قام لقيناهن عم يرقصو وبالصدفة صرنا نرقص معهن قام خالتي هناء دخلت بالصدفة وانت اكلت الشحاطة بالصدفة وبس
ابو ملهم: يعني كلشي صار بالصدفةة
ايمن: بيضحك بالضبط بالصدفة بس بتعرف الحق على مين
ابو ملهم: مين
ايمن: الكاتبة سدرة هي يلي عملت كل هاد وبالصدفة
مو هيك شباب
بردو الكل عليه: وبالصدفة وبيضحكو كلهن
وبينتهي هاليوم بسعادة وفرحة وبتشرق شمس لنهار لتعلن بداية يوم جديد ومو اي يوم يوم فرحة العزابية مجد وسلمى اجا اليوم المنتظر يوم عرسهن الاسطوري يلي عم ننتظره النا زمان لنتوج قصة هالحب بالزواج 🥹
اعدين الصبايا ببيت سلمى ولكوافيرات واقفين عم يزبطوهن ويعملولهن المكياج والشعر وعم يغنو ويرقصو والكل فرحان وهناء وناهد واقفين وعم يزغرطو
وعند الشباب اعدين عند الحلاق وعم يترتبو😂 ويشكلسو الأمور
ايمن: بدي تطلعني احلى من العريس
مجد: بيضحك اي اي اشتغل عليه بدو شغل يحرام لان
ايمن: وضريب اي
خالد: اي سمعونا شي ياشباب يلا
امجد: وعريس الزين يتهنى يطلب علينا ويتمنى
ايمن: وعريس الزين ياغالي ياعود اخضر وشيالي
امجد: بكون واقف ورا اخوه وعم يهلهل وعريس الزين يامجدي
ايمن: ولتفرعلو لتفرعلو وبيضحك
مجد: بيضحك خلص وصلت ياشباب شكرا
بتخلص سلمى المكياج والشعر وبتلبس فستانها الأبيض بكون فستان ابيض مشكوك باحسن انواع اللؤلؤ وطرحتها طويلة ومزينة بالورد الابيض واللؤلؤ وشعرها نازل على كتافها متل امواج البحر وعلى رأسها تاج من الالماس
.
وفاطمة لابسة فستان اسود طويل ساتان ومزين باللؤلؤ الابيض من على الصدر والاكمام وشعرها مرفوع رفعة بسيطة ومزين بعرق لؤلؤ
.
وسارة لابسة فستان احمر طويل وآله شاحط من وراه مشكوك بالالماس وحاطة على رأسها عرق الماس باللون الاحمر وشعراتها رافعته من قدام ومن ورا نازل على ضهرها
والشباب مجد متزين ببدلته السودة وقميصه الابيض وخالد لابس بدلة سودة بقميص اسود وأيمن لابس متل خالد بس مزين بجيبة الجاكيت بمحرمة ساتان حمرة متل الحب يعني😂❤️
( ولكم حرية التخيل بأشكالهن الجميلة)
بتطل سلمى من غرفتها بفستانها الابيض وبتعلى صوت الزراغيط
#الجزء_٢٢
بقلم#سدرة_عزالدين
بيلتفتو كلهن على صوت الخبطة يلي طلعت
ناهد: ولي علي فاطمة
خالد: بيتطلع على فاطمة بصدمة وبيركد لعندها بخوف ولهفة وكلهن بقربو منها
سلمى: بخوف شوفي شو صار ماكان فيها شي
خالد: بينحني لعندها بخوف وبيمسك وجها بين أيديه فاطمة عمري أصحي فاطمة
هناء: جيبو مي كولونيا اي شي ركدو
بيركدو البنات على المطبخ وعلى الغرفة بعجلة ليجيبو شي
خالد: بيحملها بين أيديه بخوف وبسطحها على الكنباية وببلشو يرشولها كولونيا ومي وعم يربتو على خدها بخفة بس ماعم تصحى
مجد: أنا رح اشعل السيارة بسرعة خلونا ناخدها على المستشفى
سلمى: يلا بسرعة خالد حملها خلينا ننزل يلا
خالد: بيتطلع فيها وأيديهه مربطين وماله عرفان شو يعمل من خوفه عليها يلا يلا بيحملها بين أيديه وبينزلو ورا بعضهن وخالد بينزل هو وحاملها وسلمى وسارة وراه بشغلو السيارة وبيركبو وبيطلع ايمن وسارة وهناء وناهد وبيلحقوهن ليطلعو على اقرب مستشفى
بيوصلو على المستشفى وبيدخلو فاطمة حالة إسعافية وكلهن برا واقفين وعم ينتظرو
خالد: عم يمشي بخوف ويلتفت وعم يتطلع بالباب عم ينتظر حدا يطلع
ايمن: بقرب منه وبيمسكه أهدى اخي أن شاء الله عرضية هلق بيطلعو وبخبرونا
خالد: بيحكي بعصبية ورجفة كيف بدي اهدى ايمن فاطمة ماكان فيها شي ماعم تشكي من شي ليه اغمى عليها وشو صار معها ماعم بقدر فكر خايف عليها وماعاد في حدا يطلع يطمني اوف
مجد: أهدى خالد هلق بيطلعو طول بالك
هناء: بتطلع بناهد وبتهمسلها خايفة احكي شي وعشمهن على الفاضي ويطلع شي تاني لاسمح الله
ناهد: هسس اختي أن شاء الله بيطلع يلي ببالك بس خلينا ننتظر لاتحكي شي
بينفتح الباب وبيطلع الدكتور
بيركدو كلهن لعنده واولهن خالد
خالد: طمني دكتور زوجتي شبها شو صاير
الدكتور: بيبتسم اتطمن زوجتك والبيبي صحتهن عال العال
بيتطلعو كلهن بصدمة وفرحة
خالد: بيتطلع فيه بصدمة وماعم يستوعب شو قلت دكتور اي بيبي
الدكتور: ليه مابتعرف مبروك زوجتك حامل وبشهرها الاول رح تصير اب
خالد: بيتجمد بمكانه وبيضحك عم تحكي جد دكتور
الدكتور: اكيد هالشي مافيها مزح استاذ مبروك
خالد: بيتطلع فيهن وبيضحك وبصرخ رح صير اببب وبضم ايمن بقوة
ايمن: بيضحك وبضمه بقوة الف مبروك يااخيي
خالد: بيضحك الله يبارك فيكك
سلمى: بتصرخ من حماسها وفرحتها وبتضم سارة وامها وبتضم مجد وكلهن فرحانين
خالد: الحمدلله يعني دكتور دكتور فاطمة بخير منيحة هي هلق
الدكتور: المدام فاطمة صحتها عال وبالف خير هي والبيبي والدوخة شي طبيعي بالاشهر الاولى أنها تصير وبس لازمها غذا وراحة والحمدلله على سلامتها
خالد: الله الله يسلمك فيني شوفهن مو
الدكتور: اكيد فيكن كلكن تشوفوها وتخرجوها كمان
خالد: بيضحك شكرا شكرا كتير
بيركدو كلهن وبيدخلو لعند فاطمة
خالد: بيتطلع عليها وعيونه عم تغزل بالفرحة والدموع
فاطمة: بتطلع فيه وبتبتسم بفرحة خالد
خالد: بقرب منها وبيغمرها لقلبه وببوس جبينها بحب
فاطمة: بتضحك وبتطلع فيه رح يصير عنا بيبي خالد رح تصير اب
خالد: بيبتسم وبهز براسه الحمدلله ياروحي وهبتيني روح تاني ياعيوني الله يخليلي ياكن يارب وبيرجع بضمها
فاطمة: بتبتسم وبتغمره بقوة الحمدلله
سلمى: بتقرب منها بفرحة بعدلي هيك عن اختي بدي باركلها
خالد: بيضحك وبيبعد
سلمى: بتضمها لقلبها ياروحي انتي الف مبروك ياعيوني والله احلى خبر بسمعه بحياتي رح صير خالة واخيرا
فاطمة: بتضحك ياروحي يباركلي فيكي وعقبالك ياعمري
سلمى: بتبتسم امين طلعتي عم ترقصي ومخبيتيلنا نونو كمان وبتضحك
فاطمة: بتضحك والله مابعرف انو حابب يحضر عرس خالته
سلمى: يي يقبرني مابيتركوني لحالي
مجد: بيبتسم مبروك فاطمة
وبقرب ايمن وسارة وهناء وناهد بباركولها
فاطمة: الله يبارك فيكن كلكن يارب عقبال فرحتنا فيكن
الكل: امين
فاطمة: بتطلع بخالد يلي فرحته مو واسعته وضحكته لورا ادانه😂 خالد خلينا نطلع ونخبر اهلك واهلي
خالد: اي اكيد ياروحي رح اعمل اوراق الخروج ونطلع
بمشو اوراق المستشفى وبيطلعو كلهن وبروحو خالد وفاطمة لعند اهاليهن وبخبروهن بهالخبرية الحلوة والكل بيفرح وبينبسط وبتصير فرحتهن فرحتين
وبتشرق شمس لنهار لتعلن بداية يوم جديد وتاريخي اليوم كتب كتاب سلمى ومجد
بيطلعو من المحكمة ايد بأيد سلمى لابسة بنطلون وجاكيت رسمي باللون الابيض ومجد لابس قميص ابيض وبنطلون اسود وعم يضحكو ووراهن ايمن وسارة وخالد وفاطمة وهناء وأبو ملهم وناهد وأبو امجد
مجد: بيتطلع بسلمى وبيبتسم وبيهمسلها وهي صرتي الي وعلى اسمي
سلمى: بتضحك اها صار اسمي هلق سلمى مجد العبدالله
مجد: بيبتسم وبيمسك أيدها وببوسها بحب وبضمها لقلبه
بكونو واقفين كلهن وعم يتطلعو فيهن
ايمن: احم حجي نحن هنا وبيضحك
مجد: وليه واقف هون افرقنا
ابو ملهم: شكلو عريسنا مستعجل بس منعتذر من حضرتك رح اخد بنتي على بيتها لان من هون لبكرا ولوقت الزفة مارح تشوفها
مجد: نعم مافهمت ليه مارح شوفها
هناء: لان هيك نحن بدنا ولانو فال مو منيح تشوف عروستك قبل الزفة وبعدين اليوم يوم توديع لعزوبية يعني بدنا نعمل حفلة لسلمى ببيتها وحضرتك روح احتفل بعيد
ايمن: يعني اليوم في احتفال للعزوبية ياعينيي والله لنكيف بسط وسهر و
سارة: بتنكشه وبتهمسله شو يعني بدك تعمل
ايمن: بدي اشرب عصير ونام يعني شو بدي اعمل
سارة: بتضحك اي اوعك تفكر شي تاني
خالد: وانا لازم اترك مرتي وابني وروح معكن
ايمن: لا خليك ساند خاصرتها إذا هي رح تكون معهن انت شو بدك تعمل
فاطمة: بتضحك فيها وجهة نظر بدك تروح ياحبيبي
خالد: والله هيك شكلي
مجد: بيبتسم يعني خلص امرتو علينا
ناهد: اينعم يلا ابني خود رفقاتك وفرقونا بريحة طيبة
مجد: بيضحك طيب خلينا نوصلكن على القليلة
بيطلعو كلهن بالسيارات وبوصلوهن على الحارة وبيطلعو الشباب على بيت ايمن والصبايا ببيت سلمى وأبو امجد وأبو ملهم بيطلعو على بيت ناهد وناهد وهناء شوي نازلين وشوي طالعين لفوق
المسا
اعدين الصبايا ببيت سلمى ولابسة سلمى فستان ابيض على قد جسمها قصير ولابسة روب ابيض فوقه ومكتوب عليه أنها العروس وحاطين اغاني وعم يرقصو هي وسارة وفاطمة لابسين كلهن متلها وعم يضحكو ويرقصو ويغنو ومبسوطين
عند الشباب واقفة سيارتهن عند اول الحارة
ايمن: هلق ليه اجينا كنا ضلينا عم نتفرج على المسلسل وناكل مو احسن
مجد: بيتطلع فيه بطرف عينه لك تضرب انت وحفلة هالتوديع بدل مايكون في بسط ورقص وشي حلو حطيتلنا مسلسل واكل هاد مفهومك عن الصياعة
بقلم#سدرة_عزالدين
ايمن: بيضحك والله ما اخدت كورسات صياعة ياشريك هاد أخري بعدين انا حبيبتي بتغار
خالد: لك خراس همك كرشك وبس هلق شوف كيف البنات اعدين وعم يرقصو وينبسطو ونحن متل الأرامل اعدين هون
مجد: رح طفي السيارة وننزل مشي لعندهن
ايمن: وكيف بدك تدخل
مجد: نزلو وراي وانا بقلكن
بينزلو كلهن على الهسي متل الحرمية وبوقفو عند البناية و مجد بوقف عند شباك غرفة سلمى
عند سلمى بتدخل على غرفتها وعم تدور على موبايلها وصوت الاغاني طالع من برا
مجد: بشوف خيالها بالغرفة والشباك مفتوح بنط على الشباك وبيدخل على الغرفة من وراها
سلمى: بتلتفت وراها برعبة وبتجي لتصرخ
مجد: بحط أيدها على تمها فورا هسس أنا مجد لاتصرخي
سلمى: بتأشرله بعيونها ليتركها
مجد: بيبعد أيده عنها لا تصرخي اوعك ها
سلمى: بتاخد نفسها برعبة لك شو عم تعمل هون وليه داخل من الشباك رعبتني
مجد: بيتطلع حوليه وبسكر باب الغرفة وبيتطلع فيها وبيمسك أيدها أجيت لعند مرتي الحلوة
سلمى: بتطلع فيه وبتضحك وليه أجيت مو عم تحتفلو بتوديع لعزوبية
مجد: لك اي عزوبية أنا ايمتى كنت عزابي اصلا أنا من أول ماشفتك مرتبط فيكي مافي هيك شي بحياتي بعدين بيتطلع فيها من فوق لتحت بخباثة ومكر وبقرب وبيمسكها من خصرها في حدا بكون عنده هيك جمال وبيسهر لحاله مع هالاوباش
سلمى: بتطلع فيه وبتضحك وعيونها عم تغزل بالحب هلق فيها وجهة نظر بس كمان اذا حدا اجا هلق وشافك رح ناكل صفيحة ياروحي
مجد: بيضحك أنا قبلان تأكلي اوزي كمان لو بدو يجي اهل الله كلهن مارح يقدرو يطلعوني ويبعدوني عنك وعن هالحلاوة والجمال هاد كله تقبري قلبي شو طالعة حلوة
سلمى: بتضحك بس مجد بعيد الشر شو هالحكي
مجد: بيمسك خصلات شعرها بين أيديه وعم يلعب فيهن بخفة ويتطلع فيها بحب مافي هيك شي على لحساب مثلا
سلمى: بتطلع فيه وبنظراته شي متل شو يا زوجي العزيز أو عفوا خطيبي لسا
مجد: عفكرة بكرا عرسنا يعني صرت زوجك
سلمى: بالله شو وهلق شو بدك
مجد: يعني هيك بقرب وجه من وجها بمكر وهو وعم يضحك ومحاوطها بأيديه بحب
بنط عليهن ايمن من الشباك
ايمن: ياقوة الله وبنط وبوقف وبنط وراه خالد
سلمى: بترتعب وبتبعد عن مجد
ايمن: بيرفع رأسه وبيتطلع فيهن بمكر اوووو ياملاعين شو عم تعملو
خالد: بيضرب بايده استحي
مجد: أنا ماقلتلكن انتظروني ليه نطيتو من هون مافي خصوصية ابدا
ايمن: بيضحك والله ياأخي العزيز هاد يلي كان رح يصير أننا ننتظرك بس لما شفتك طولت خفت عليك فكرت انقنصت بشي شحاطة قلت استفقدك لقيتك غرقان بالعسل وبيضحك
سلمى: بتطلع بمجد وبتخجل ووجها بعبق احمر
مجد: يعني شفت قليلين ذوق بحياتي بس متلك ماشفت
ايمن: بيضحك ولارح تشوف شريك لاني انا كل حياتك
مجد: تضرب مااغلظك اي
ايمن: لك في صوت اغاني بعدولي بيفتح باب الغرفة وبيطلعو على الصالون
هناء: بتطلع فيها بفرحة وعيونها عم تدمع بتحكي بصوت عم يرجف اوهااا ياصحن نجاص اوهاا ومزين بالالماس اوهاااا ويلي بياخد بنتي سلمى اوهااا بضل مرفوع الراس ولللللللليشششش تقبريني ياامي شو طالعة حلوة وبتقرب منها وبتضمها بقوة
سلمى: بدمعو عيونها وبتشد عليها يخليلي ياكي يارب
هناء: بتطلع فيها قل اعوذ برب الفلق من عيون الناس الله يحميلي ياكي
سلمى: بتبتسم وبتبوس أيدها بحب الله ما يحرمني منك
ناهد: بتطلع فيها وبتضحك وبتقرب منها وبتضمها الف مبروك ياروحي ياأحلى كنة بكل الدنيا يابنتي يلي ماخلفتها
سلمى: بتطلع فيها وبتبتسم وبتبوسها يخليلي ياكي خالتي ولا حماتي
ناهد: أنا امك ياسلمى وحتى لو صرت حماتك وبتضحك واوهااا برق برق أوها وتخبى بين الورق اوهااا يلي واقفة تقول ماشاء الله اوهااا ويلي اعدة تقول قل اعوذ برب الفلق ولللللللليشششش
وبتعلى صوت الزراغيط من الكل
بيطلعو سيارات الشباب وبتوصل على الحارة مع العراضة والزفة وبيدخلو على الحارة بالطبل والزمر ليعلنو جيتهن وصوت الزمامير عم تصدا بكل مكان والزراغيط من لبيوت طالعة وكأن الدنيا كلها عم تشهد على قصتهن
بينزل مجد من سيارته وأيمن وخالد وأمجد
ايمن: يلا عريس تفضل على القفص الذهبي
مجد: بيضحك بتوتر اطلع يعني
ايمن: لا حجي بدنا نفرش وانام هون وين هالزغروطة وين الطبل يلا وللللليششششش وجينا وجينا جبنا العريس وجينا
بيعلى صوت العراضة باصواتهن والطبل والزمر
وبوقف ايمن وخالد وببلشو يرقصو تحت هنن وأمجد وأبو امجد وملهم معهن وأبو ملهم
بطلو أهل الحارة يلي مابده يتفرج من الأصوات الفرح وقف ليشوف
بيطلع ابو ملهم على بيته وبيدخل
ابو ملهم: بيتطلع بسلمى وبيبتسم وعيونه مدمعة
سلمى: بتكون عم ترتجف وتضحك هي وعم تسمع الاصوات بتشوف ابوها بتطلع فيه وقلبها بيرجف
ابو ملهم: بقرب منها وبيتطلع فيها بحب وبيمسك أيدها وبيقرأ المعوذات عليها وبيمسك وجها بين أيديه وبيحكي بالعادة اول حب للبنت بكون ابوها وانتي حتضلي حبي المختلف ياسلمى يابهجة البيت وشمعته انتي اول فرحة واول حب بقلبي الله يهنيكي ياعمري
سلمى: بتنزل دمعتها وبتغمره الله يخليلي ياك بابا ياحبيبي انت
ابو ملهم: الله يهنيكي ويسعدك دنيا وأخرى الله يرضى عليكي
بيندق الباب
وبيدخل امجد
امجد: العريس بدو يشوف العروس
ناهد: بتضحك خليه يجي
بيركدو سارة وفاطمة وبوقفو بوجه سلمى
بيدخل مجد وأيمن وخالد
مجد: بيتطلع بسلمى بدو يشوفها بلاقيهن بوجه بيضحك خير ممكن تبعدو
سارة: اول شي بدك تحلي اخوات العروس لنبعد
فاطمة: يلا الايادي على لجيوب بسرعة
سلمى: بتضحك بخفة
مجد: حسبيا الله بيضحك حاضر بمد أيده على جيبته وبطلع مصاري وبيعطيهن لسارة وفاطمة وهيك منيح
سارة: بتضحك اي هيك ها وهلق عروستك الك بيبعدو عن سلمى وبتطل سلمى هي وعم تضحك وماسكة بفستانها وعم ترتجف
مجد: بيتطلع بسلمى وبيتجمد بمكانه بيرتجف قلبه وماعاد يقدر يمشي لعندها وهنن بتفصلهن خطوتين شو هاد ياروحي انتي بيغزلو عيونه بالحب والحنية وبدمعو سلمى: بتطلع فيه وبتضحك وبينزلو دموعها صرت الك
مجد: بيتطلع فيها وبيمسح وجه بايديه من توتره وبيضحك الله يلعني شو بحبك اي وبقرب منها وبيغمرها بقوة ياروحي انتي ياروحي محلاكي
سلمى: بتغمره وهي عم تضحك ودموعها عم تنهمر على خدودها ومتمسكة فيه
والكل عم يراقبهن ويبتسم ويدمع أنا دمعت ياجماعة😂🥹
مجد: بيمسك وجها بين كفوفه بحنية وببوس جبينها بحب وعم يمسحلها دموعها ياروحي انتي يانبض قلبي الله يحميلي ياكي من لعيون ياأحلى شي بحياتي ياتشرينية قلبي
سلمى: بتطلع بعيونه الله لا يحرمني منك يا كل الدنيا
مجد: بيتطلع فيها وبيمسك أيدها بقوة وبيتطلع فيهن اي شبكن سمعونا زغروطة
ايمن: بيضحك وبيمسح دمعته حتى ايمن تأثر احلى زغروطة يلا ياصبايا وللللليششششش
بينزلو كلهن من البيت ومجد وسلمى ايد بايد وبيقوى صوت العراضة والطبل والزمر والجيران عم يرشو عليهن الورد ويزغرطولهن بفرحة
ايمن: بيمسك ايد سارة وبيهمسلها يقبرني الاحمر اي تمشي على رمشي وتهدي على خدي
سارة: بتطلع فيه وبتضحك بعيد الشر
بيطلعو كلهن بالسيارات وببلشو يمشو وصوت الفرح عم يصدا بكل مكان
بوصلو على الصالة وبينزلو من السيارات وبيدخلو كلهن وسلمى ومجد بيطلعو لفوق ليتجهزو ليدخلو
ومنشوف المعازيم الحلوين
( طبعا أول الناس الحاضرين زين وجوري وهادي وعليا ومحمد وزوجته وبناته اخوات سارة لان محمد عنده تلت بنات واكبرهن سارة وزهير ابو ايمن وأمه وأهل خالد وأهل فاطمة والقرايبين والجيران والرفقات يلي بالجامعة للشباب ورجال أعمال مع زوجاتهن عزمهن محمد باسم مجد وسدرة يلي هي أنا واخدة متابعيني كلهن نحن من اهل البيت بتعرفو🥹😂 بصير مانحضر ونرقص)
#النهاية
بقلم#سدرة_عزالدين
جوري: بتوقف مع سلمى وبتبوسها الف مبروك ياعروس
سلمى: بتبتسم الله يبارك فيكي يارب نورتيني واسعدتي قلبي بوجودك معي بهاليوم
جوري: حبيبة قلبي والله مارح اكذب عليكي جاية شاركك الفرحة على المزبوط
سلمى: بتضحك يلا خلينا نولعها بتمسك أيدها وبتبلش ترقص هي وياها
مجد: بيتطلع عليهن وبيضحك وبقرب منهن وعم يرقص
زين: بقرب منهن وبيمسك ايد جوري حبيبتي شو عم تعملي
جوري: بتطلع فيه وبتضحك جاية شارك اخواتنا يوه مو هيك استاذ مجد
مجد: طبعا واعز نورتينا وانت استاذ زين يلا شاركني فرحتي
زين: بيضحك أنا مارقصت غير بعرسي ومحرم ارقص بعدها
بتتبدل الغنية وبتطلع غنية يلي رقص عليها زين بعرسه طلو عينيها
جوري: بتطلع فيه بفرحة زيين غنية عرسنا يلا خلينا نرقص أمانة
زين: بيتطلع فيها بقلة حيلة جوري بلاها
جوري: أمانة بدك تكسفني هلق
زين: بيبتسم بخفة خلص ماشي بيرفع أيديه وببلش يتمايل معها على الغنية
جوري: بتكون عم تتمايل عليه وتضحك بفرحة
وسلمى ومجد عم يرقصو مع بعضهن
وبتنضملهن عليا وعم ترقص مع هادي وكل واحد مع حبيبته😂🥹 الا أنا اعدة عم بتفرج
بتخلص الغنية وبينزلو كلهن ليرتاحو وبيعدو
بتشتغل غنية رومانسية وبتنخفت الاضواء
سارة: بتكون واقفة مع سلمى ومجد بتهمسلهن شو في فقرة هلق
مجد: بيبتسم ممكن
بيطل ايمن هو وحامل بوكيه ورد احمر وبيمشي على المنصة وبوقف قبال سارة وبقدملها البوكيه
سارة: بتطلع فيه بصدمة وبتضحك وبتمسكه شو هاد
ايمن: بيتطلع فيها بحب وبيضحك سارة وبينزل على ركبته وبطلع علبة وبيفتحها قدامها بيضحك سارة بتقبلي تتزوجيني
بيعلى صوت التصفيق والتصفير والكل عيونه عليهن
سارة: بتضحك وبتبلش ترتجف بتحط أيدها على امها من صدمتها وعم تضحك ومالها عرفانة شو تعمل
ايمن: بيضحك بتقبلي تتزوجيني ياصاحبة اجمل ضحكة بكل الدنيا
سارة: بتطلع بأهلها يلي واقفين بكونو
محمد: بيتطلع ببنته وبهز براسه
سارة: بتطلع بأيمن وبينزلو دموعها وبتهز برأسها بقبل بقبل
ايمن: بيمسك أيدها وبلبسها الخاتم وبوقف وبيغمرها بقوة
وبيعلى صوت التصفيق
سارة: بتغمره بقوة وهي عم تضحك وعم ترتجف بتطلع فيه مجنون انت مجنون
ايمن: بيضحك وبيتطلع بعيونها مجنون فيكي
بقرب منهن مجد وسلمى وفاطمة وخالد وبيغمروهن وبباركولهن
بقرب منهن محمد وعيلته وزهير وام ايمن
محمد: بيبتسم وبيغمر بنته وببوسها بيتطلع بأيمن وبيبتسم هالشب الظريف اجا لعندي وتقدملك رسمي ووطلبك مني وخبرني انكن بتحبو بعض وانا ماقدرت غير اني اقبل واتمنالك السعادة ياروحي ايمن مافي منه
ايمن: بيضحك الله يعزك ياعمي
مجد: بيهمس لاايمن خبرهن انك اكلت بهدلة بنص مكتبه انك مخبي عليه كنت
ايمن: بيتطلع بمجد وبيضحكله حبيبي الله يبارك فيك وبيزوره
مجد: بيضحك تمام مفهومة
طبعا بباركولهن الأهل بتعرفو صارو نسايب يعني شي عظيم وانا باركتله لاايمن لاتخافو نيابة عني وعنكن😂
طار الفرفوش ماصفيلنا حدا
بتشتغل غنية رومانسية انسى كل الناس وبتنخفت الاضواء
وكل واحد بيعزم حبيبة قلبه على الرقصة
مجد: بكون غامر سلمى بايديه على خصرها وعيونه بعيونها بحب
سلمى: ايديها على كتافه ومحاوطة رقبته بكفوفها بخفة وعم تطلع بعيونه بغرام وهيام
خالد وفاطمة بكونو عم يرقصو بحب
خالد: مالك حاسة انو في بينا عزول هالمرة
فاطمة: بتضحك هاد مااسمه عزول هاد ثمرة حبنا
سارة وأيمن
ايمن: بيتطلع بعيونها بتعرفي اني من اول مرة شفت فيها هالضحكة الحلوة نغرمت
سارة: بتبتسم وانت بتعرف انو انت كنت سبب هالضحكة الحلوة
ايمن: بيضحك أنا بحبك سارة بحبك يا صاحبة اجمل ضحكة ياأم السوس
سارة: بتضحك ياسبب ضحكاتي انت يافرحة قلبي بموت فيك
عليا وهادي
عليا: بتطلع بهادي بعيون مغرومة هدهدي المهضوم بحبك
هادي: بيضحك وتذكرتك ياعليا وتذكرت عيونك ويخربيت عيونك ياعليا شو حلوين وبضمها لقلبه
زين وجوري🥹
زين: بيهمسلها بتتذكري كم رقصة صار النا مع بعض
جوري: بتبتسم وبتطلع بعيونه الزيتونية اعترفلك اعتراف
زين: بيضحك اعترفي
جوري: بتعرف انو بكل رقصة برقصها معك وكل يوم بيمرق علي بحبك اكتر من يلي مضي زين أنا متيمة فيك عاشقة لتفاصيلك ولتناقضك ولخصلات شعرك يلي بتنزل وبتتمرد عليك وبتضحك
زين: بيبتسم وبتعرفي اني بعشقك انتي وعنادك وكلامك وضحكتك وشعرك وعيونك وهالشامة يلي على ثغرك اااه السيف بالغمد لا تخشى مضاربه وسيف عينيك بالحالين بتارو أن المفاتن في عينيك مخمرة من نظرة منك يغدو المرأ سكراناً
جوري: بتضحك وبتغمره بقوة
مجد وسلمى
مجد: بيهمسلها بحب ياتشرينية قلبي واخيرا صرتي الي وعلى اسمي وحلالي
سلمى: بتبتسم بحب انا الك من اول ماخلقت يامجد انا عروسة المجد وحضل الك ومعك لآخر عمري ورح حبك كل يوم اكتر واكتر وبعمري مارح مل منك او ابعد عنك
مجد : بحط جبينه على جبينها وبيهمسلها هذه أول مرة حس كلي عشق اعطيني فرصة اتنفسك خاف اختنق وياك انت تأكدت اني قبلك ماعشت وعلى كل لحظة بدونك ياحبيبي تندمت وبيحملها بين أيديه وبدور فيها
وبوقفو كلهن وبزقفولهن بفرحة
( كمية الحب يلي عم شوفها بكل ثنائي غريبة كل تنين قصتهن بتختلف عن التانية فيها لجنون والمشاكل والحزن والحب والعشق والقتال والحرب حتى بس بالاخير مجتمعين مع كمية الاختلاف يلي بينهن حبو بعضهن وصارو واحد كملو بعضهن
بعيون كل واحد فيهن في لغة مختلفة وحياة وقصة مختلفة بس عشناهن كلهن وجمعناهن بقلب واحد وعقل واحد وقلم واحد يلي كتب كل هالقصص وجمع هالحكايات كلهن ويلي جمعهن هو قلبي وحبي لكل ثنائي بكل ثنائي حتشوفو فيه قطعة مني ولمسات مختلفة نابعة من شخص واحد ومشاعر مابتنوصف لان مع كل تنين فيهن حسيت بإحساس بعمري ماحسيته وعشت معهن كل التجارب ووقعنا وبكينا وفرحنا سوا وبالاخير اجتمعنا بالفرح بالفرح وبس🥹🫀🖤)
بينتهي حفلهن بفرحة غامرة قلوب الكل وكل عيلة بتمشي لتكفي بصراعات الحياة
وعيلتنا الحلوة وصلت على بيتهن
بتوقف سلمى ومجد قبال بيتهن وبيتطلعو ببعض
سلمى: وهلق شو
مجد: بيبتسم وبطلع مفتاح بيتهن وبمده لسلمى خلينا نفتح بيتنا سوا
سلمى: بتبتسم وبتمسك المفتاح
مجد: بيمسك أيدها بقوة وبقربو هنن لتنين من الباب وبيفتحوه مع بعضهن
مجد: بيبتسم وهلق بقرب من سلمى وبيحملها بين ايديه وبيدخل فيها على البيت نورتي بيتنا
سلمى: بتطلع فيه وبتبتسم
مجد: بنزلها وبيمسك أيديها بقوة
سلمى: بتطلع فيه بعيون عم تغزل بالفرحة مجد
مجد: يعيون مجد
سلمى: وعدني انك تضل تحبني وانو بعمرك ماتتركني بهالبيت يوم لحالي ونضل سوا بالحزن والفرح
مجد: بيبتسم وبيتطلع بعيونها بإصرار وحب بوعدك وعهد الله علي اني ضل حبك لآخر يوم بعمري وانك تكوني زوجتي ورفيقة دربي بالدنيا والآخرة واني بعمري مارح اتركك يوم زعلانة أو لحالك وضل معك بالايام البشعة قبل الحلوة
بقلم#سدرة_عزالدين
سلمى: بتغمره بقوة وبتتنهد براحة أنا بحبك كتير وانا بعتذر منك على كلشي صار بينا وعلى كل جرح سببتلك ياه انا بدي عوضك عن كل يوم جرحتك بدون مااقصد أنا بحبك وحضل حبك لآخر عمري انا بموت فيك مجد ومابقدر بدونك ياصديق ايامي واحلامي ودنيتي
مجد: ببوسها من جبينها وانا مسامحك على كلشي ورح عوضك عن كلشي يارفيقتي واختي وامي وحبيبتي وزوجتي ياسلمى ياسلامة رحنا وجينا بالسلامة وبيضحك
سلمى: بتطلع فيه وبتضربه بخفة مابدك تبطل هالحركات
مجد: بيضحك انتي لسا شفتي حركات لك الله يلعني شو بحبك اي
سلمى: بتضحك وياعروسة المجدد تيهيي
مجد: تعالي لااحكيلك حكاية عروسة المجد على اصولها وكيف ختامها مسك وبيضحك
( وهيك توجنا قصة هالثنائي المختلف بالزواج وعاشو بثبات ونبات وحبو بعضهن لاخر العمر وصارو يتغدو حب ويفطرو حب اه بس دقيقة كرمال المصداقية هو مو كله حب لان المجنون ما ببطل عادته ويلي فيه خصلة ما ببدلها😂🤷)
" بعد مرور سنتين "
بيفتح باب البيت مجد بكون عم يحكي على الموبايل وبايده في اكياس
مجد: اي استاذ معك بيلتفت حوليه مابشوف سلمى بس اوراق الرسومات واللوحات تبعها بأرض الصالون والألوان ماشي استاذ أنا بشوف الملفات وبخبرك تمام يلا سلام بسكر الموبايل وبيتطلع حوليه وبينده سلمى سمسمة وينك حبيبتي انا أجيت
بيدخل على المطبخ بشوف سلمى نايمة على كرسي ورأسها على الطاولة وجنبها بطاطا بقلب الزبدية وبطاطا بايديها والسكينة جنبها بيضحك وبحط لكياس من أيده وبقرب منها
مجد: سمسمة بقرب منها وببوسها من خدها روحي عيوني
سلمى: بتصحى وبتنئز وبتطلع فيه انت ايمتى أجيت
مجد: من شوي ليه نايمة هون والبطاطا بأيدك وبيضحك
سلمى: بتطلع على أيدها يلي ماسكة البطاطا وبتحطها بالزبدية وبتطلع فيه كنت عم برسم واعمل المشروع ومن الصبح بكير صاحية كرمال خلصه ووقت شفت وقت جيتك دخلت على المطبخ لااعملك أكل قام شكلي غفيت
مجد: يقبرني يلي بفكر فيني اي بيلمس خدودها بحنية ليه تتعبي حالي انتظريني لااجي أو خبريني بجبلك معي اكل جاهز وخلص
سلمى: حبيبي النا شهر عم ناكل جاهز أو اندومي أو عند اهلك او اهلي من ايمتى مابطبخت أنا
مجد: وانا مالي مزعوج روحي بعرف عندك امتحانات ومالك فاضية
سلمى: بتحكي ببرائة بس انا عبالي اطبخلك
مجد: وشو عبالو حبيبي يطبخلي
سلمى: انت شو بتحب
مجد: اممم مفركة بطاطا بس على طريقتك ها متل ماطبختيلي ياها اول ماتزوجنا
سلمى: بتطلع فيه بفرحة يعني حبيتها
مجد: بدك الحقيقة
سلمى: اي اكيد
مجد: بيبتسم انا حبيتك انتي
سلمى: بتضحك وبتغمره بحب انا بموت فيك
مجد: بيضحك شوفي شو رح اعمل رح بدل تيابي واجي نطبخها سوا تمام
سلمى: بتغمزه بخفة تمام يلا بانتظارك
بيدخل مجد ببدل تيابه وبيدخل على المطبخ بيعدو بالأرض وكل واحد حامل سكينة وببلش يقشرو ويقطعو بالبطاطا
سلمى: غنيلي مجد غنية البطاطا
مجد: بيضحك هو وعم يقشر حاضر وعلى البساطة البساطة ياعيني على البساطة اديه مستحلية عيش جنبك يابو الدراويش تغديني خبزة وزيتونة
سلمى: بتغني معه وتعشيني بطاطا
مجد: بيضحك وببلش يقطع البطاطا وبتوقع منه
سلمى: ياا مجدد انتبه بتتوسخ بعدين وبتضحك
مجد: بيضحك منغسلها عادي
سلمى: ومين بدو يجلي بعدين
مجد: حجرة ورقة مقص كالعادة ويلي بيخسر بيجلي
سلمى: اوك منافسة شريفة
بوقفو وببلشو يطبخو لمفركة بطاطا تقولو منسف عم يعملو وشي بيضحكو وشي بيتناقرو فوق الطنجرة
مهم بتطبق الأكلة بالطنجرة وبيطلعو لبرا ليرتاحو
سلمى: شوف هاللوحة هي حلوة
مجد: بيتطلع باللوحة اي حلوة مافي شي بتعمليه مو حلو انتي
سلمى: بتبتسم يعني مو مجاملة
مجد: بيضحك وبوقف قبالها وبيغمرها من خصرها يعني بتعرفيني بجاملك شي
سلمى: تؤ ما بتجامل بس بتعجب بكلشي بعمله وما بتنتقد شي
مجد: بيمسك خصلات شعرها بيني ايديها وعم يحركهن بخفة ممكن لاني بحبك وبحب كلشي بتعمليه
سلمى: بتبتسم امم ممكن وممكن تتركني وتبعد عني
مجد: تؤ مو ممكن لانك مرتي وحلالي وحبي الاول والاخير
سلمى: بتشم ريحة حريق مجد في ريحة
مجد: ريحة شو
سلمى: شي عم يحترق
مجد: بشم معها اي والله
سلمى: بتصرخ لك الطبخة مجدد وبيركدو على المطبخ
بيحمل مجد الطنجرة من على النار بسرعة وبيفتحوها بتكون ملزقة الطبخة وحروقة
سلمى: بتبلش تسعل من ريحة الدخنة حطها مجد بالمي وبتلعي نفسها وبتركد على الحمام لتستفرغ
وبيركد وراها مجد ليشوفها
بينتهي فيهن المطاف اعدين بالصالون وحاملين كل واحد سندويشة شاورما وببسي وعم ياكلوها
مجد: بيتطلع بسلمى وبيضحك لو من الاول جبنا مو احسن
سلمى: بتطلع فيه بانزعاج مو كله الحق عليك أعدت هبطت عليك الرومانسية حتى احترقت الأكلة
مجد: بيضحك مو مشكلة بكرا بعملك ياها ولا يهمك
سلمى: لا كتر خيرك خليني على الشاورما اضمنلي
مجد: ومين بدو يجلي يلي صار
سلمى: بتضحك انت حبيبي اكيد
مجد: وين الديموقراطية يلي كنتي فيها حجرة ورقة مقص
سلمى: مافي مشكلة يلا حجرة ورقة مقص
بيلعبوها وبتخسر سلمى
مجد: هووو خسرتي خسرتي عليكي الجلي الله واكبر
سلمى: لاا غشاش والله غشيت
مجد: حبي يقبروني هالعيون قومي على الجلي يلا
سلمى: بتطلع فيه بعيون بريئة اي ماشي يااستاذ مجد تمام ابقى تذكرها بتوقف بانزعاج وبتروح على المطبخ
مجد: بيتطلع على حاله هفف والله قلبي مابطاوعني اتركك تشتغلي لحالك بوقف وبروح لعندها
سلمى: ليه أجيت
مجد: بيبتسم مابقدر اتركك تشتغلي لحالك جاية اجلي معك
سلمى: بتضحك اي يقبرني الحنية أنا تعا حبي انا بجلي وانت بتغسلهن
مجد: بيضحك تمام ريس بوقفو على المجلة وببلشو يغسلو ويضحكو ومجد يتحركش بسلمى ويسرق منها بوسات وهي تضحك وترشه بالصابون وهو يرشها بالمي
هيك ليخلصو كلشي ويرتبو وبيطلعو بيعدو بالصالون على كنبايتهن المخصصة وغامرين بعض وعم يحكو بتفاصيلهن بحب وضحك وانسجام
بعد مرور ايام
( تعو نشوف بقية الشلة شو صار فيها تعالو معي 😉😂)
عند خالد وفاطمة
ماشية فاطمة هي وماسكة بايد ابنها كرم ولابسة لباس التخرج وعم تمشي على المنصة لتتكرم بكرموها وبيعطوها شهادتها وبتنزل هي وابنها وبيستقبلهن خالد بفرحة
خالد: ياعمري انتي بيحمل ابنه وبيغمرها بقوة الف مبروك يامحاميتي
فاطمة: بتبتسم الله يباركلي فيك ياعوضي عن كل الدنيا ياابو كرم وبتضحك
خالد: بيبتسم وبيتطلع بابنه وبيضحك
بمكان تاني
اعدين بالمطعم سارة وأيمن وعم يأكلو
سارة: بتعرف ايمن من وقت ماتزوجنا ماطلعتني غير على مطاعم مليت عفكرة أنا وبلشت اسمن
ايمن: بيضحك حبيبتي انا مو فارقة معي اسمني
سارة: أنا بتفرق ياروحي أنا مديرة أعمال كون سمينة مابكفي لغيت فقرة الكيك بعرسنا وعملتها كريسبي وشاروما
ايمن: بيضحك شو بدنا بالكيك متل الناس المعتادة أنا بحب أخرج عن المألوف الكريسبي اطيب كان بذمتك مااكلتي لشبعتي
سارة: بتضحك بدك الصراحة عنجد اطيب من الكيك
ايمن: اي يقبرني يلي بيفهم علي خلينا نخلص عنا اجتماع مهم اليوم بتعرفي يوم الاسبوع هاد
سارة: بعرف حبيبي بدك تخبرني إذا أنا بنتظره انتظار لهاليوم
بتوصل سياراتهن على الحارة وبينزلو كل واحد وعيلته
وبيتجمعو ببيت ناهد كلهن متل الاول والشتا عم يعلن قدومه بتشرين والغيوم عم تتجمع لتعلن هطول المطر
مجد وسلمى وأيمن وسارة وخالد وفاطمة وابنهن وناهد وأبو امجد وأمجد وراما وأولادهم وهناء وأبو ملهم وملهم وأصوات ضحكاتهن عم تصدا بالبيت متل اول ومتجمعين جنب الصوبيا كلهن وعم يتذكرو ذكرياتهن ويضحكو
ايمن: لك ما بتتذكرو وقت احتفلنا بنجاح فاطمة وسلمى من البكالوريا
سلمى: بتضحك اي اي بتتذكر وقت عملتو تبولة
مجد: ويومها ايمن طلعله البصل بتتذكر خالد
خالد: بيضحك اي اي وكان رح ينتحر
ناهد: ايي ياولاد كأنها مبارح هالشغلات وهي صرلها سنين وعم نتذكرها
هناء: ايمن ما بتتذكر شحاطتي وبتضحك
ايمن: ليش بقدر انساها خالتي سألي سلمى ومجد
سلمى: بتضحك معلمة علينا كلنا
بيضحكو كلهن
ايمن: وليي خواصريي هههههه طيب بتتذكرو وقت اختلفو سلمى ومجد ولا هداك يلي مدري شو اسمه
سلمى: بتضحك سامي سامي يلي اكل قتلة من الكل
مجد: بيضحك ماضل حدا مننا ماضربه
سارة: عنجد حتى أنا ماسلم مني واكل بهدلة
ايمن: بيضحك عندك الاخت سلمى ضاربته كف والاخت فاطمة مرحبة بطريقتها فيه بكف ومجد قتلة وخالد مساعد مجد وانا أجرت معهن وانتي بيضحك ياحرام شو صار فيه هلق
سارة: بتضحك سمعت أنه خطب لبنت مسؤول
مجد: بيضحك الله يعينها معناها لازم نباركله على طريقتنا
ايمن: وانا هيك عم فكر وبيضحك
سلمى: مجد حبيبي وين عودك يلا
ايمن: عودك رنان شريك يلا سمعنا
فاطمة: حاسين بالاختلاف انو في عضو زايد معنا
سلمى: الاستاذ كرم منور الجلسة وبتضحك يقبر قلب خالته
فاطمة: بعيد الشر عقبال ماشوف ولادك ياروحي
سلمى: بتطلع بمجد وبتبتسم أن شاء الله
مجد: بيبتسم وبيمسك عوده وخلينا نبلش السهرة
مجد: ببلش ينغم بصوته العذب وكل واحد غامر يلي بحبه وعم يبتسمو بيهمس البيت وناسه والخمسة الستة نحن منهم دول لو نحتجلهم يدولنا عينهم نحن يلي غمسنا بطبق واحد زمان ستر وغطا على بعض حاسين بالأمان يابني العتاب واللوم دول من باب المحبة
سلمى: بتطلع بمجد بحب وايدها على أيده وايدها التانية غامرة بطنها بخفة وعم تبتسم
ايمن: احم ياجماعة بدي قول شي
بيتطلعو فيه كلهن
ايمن: أنا بيوم خبرتكن انو عندي أمنية واني بدي حققها معكن بس قبل ماقولها بدي قلكن انو انتو عيلتي يلي بحبها ويلي مارح اقدر استغنى عنها بيوم انتو يلي علمتوني معنى الفرح ولاخوة معنى العيلة وانو كلنا قلب وعقل واحد نكون مع بعض بالسراء والضراء ونحب بعض ونضل مع بعضنا بكل الظروف انتو عيلتي الحقيقية وانا بحبكن كتير
مجد: بيتطلع بأيمن وبيبتسم ونحن منحبك كتير بس شو لزوم هالحكي الحزيني والمشاعري هلق
خالد: اي صح شو لزومه ابو مشاعر
ايمن: بيضحك حبيت قوله يعني مهم امينتي كانت وقت فرشنا بيتك يامجد قلتلكن اني بيوم رح اشتري بناية ونسكن فيها نحن لتلاتة صح
مجد: بيتطلع فيه صح؟
ايمن: اي وهلق بطلع ورقة من جيبته حققت الأمنية هي بناية فيها تلت بيوت بأسماء زوجاتنا سارة وسلمى وفاطمة لنسكن فيها نحن لتلاتة
سلمى: بتضحك يااا ايمن
سارة: بتطلع فيه بحب ياروحي انت
فاطمة: والله طلعت قد كلمتك بس حلوة هي باسمائنا
خالد: بيضحك كرمال بس تزعلو تقلعونا من بيوتكن الله لايكتر خيرك وين بدنا نروح بعدين
ايمن: عملت قبو باسمنا نحن لتلاتة كرمال الاحتياط وبيضحك
مجد: بيضحك يعني متأكد مابدك تتركنا
ايمن: قرار نهائى لارجعة فيه ودون الاستعانة بصديق
مجد: بيضحك والله انت يلي جبته لحالك بقوم وبنط وبيحضنه بقوة وبينط عليهن خالد وبيحضنهن
ايمن: لك خنقتوني مافي داعي لكل هالحب مجدد
طلعلي بغنية فريحية خليني فرفش
مجد: ولعيونك ليمونة بيمسك العود وببلش يدندن فيه
وبوقفو كلهن وببلشو يرقصو بفرحة وضحكاتهن عم تصدا بالمكان لتخلد بقلوبنا ذكرة ما بتنمحى ويذكرونا فيهن بكل لحظة أنهن كانو احلى عيلة منعيش معها بتفاصيلهن كلها وحبهن وصداقتهن 🥺
بنزلو سلمى ومجد من البيت وكل عيلة بتروح على بيتهن
سلمى: مجد خلينا نتمشي الجو حلو وهاد اول تشرين
مجد: بيبتسم وبيغمرها بايده متل مابدك تعالي نتمشى
سلمى: بتطلع فيه وبتضحك بتتذكر لما غنينا شو بيشبهك تشرين
مجد: بيبتسم اكيد بتذكر شو عبالك تعيديها
سلمى: اها عبالي عيد كلشي معك ومن البداية
مجد: بيضحك قلبي معذب
سلمى: بتضحك لكن بعده على حبك صادق بوعده
مجد وسلمى: بوقفو بالشارع وبغنو سوا بيعشق قلبك لكن بده يتأكد لمين بتروحي الله يسهلك بتضلي بقلبي محلك لكن لازم ارجع قلك شو بيشبهك تشرين غدااار شو بيشبهك انتي
مجد: بيتطلع بسلمى سلمى
سلمى: همم
مجد: بعد هالوقت يلي مر شو حلمك هلق بهالثانية
سلمى: بتبتسم اني عانقك تحت المطر وانت شو حلمك
مجد: بيضحك انو تمطر وبيغمرها
سلمى: بتضحك وبتشد عليه بتنزل قطرة مطر على عيونها بتضحك بفرحة وبتطلع على مجد بفرحة مجد
مجد: بيتطلع بالسما يلي بلشت تمطر بكثرة والقطرات عم تقوة بيضحك اول مطرة بعد غياب تشرينية واول أمنية بتتحقق بهالسرعة
بتبلش تقوة المطر عليهن
سلمى: بتضحك وهلق لازم رقصة تحت اول مطرة بعد غياب
مجد: بيضحك تعي لقلبي وبيمسك أيديها وببلش يدندن بصوته ويتمايل معها بحب ويغنيلها بيني وبينك حاجة ماحدش لسا قابلها كلمة تقولها وانا بكملها نفس اللحظة الزعل فيها انت بتزعلها
سلمى: بتضحك وبتطلع فيه وعم تروح وترجع معه ويتمايلو بحب بتوقف وبتطلع بعيونه كيف مبالين بالمطر وبتضحك وعم ترتجف مجد
بقلم#سدرة_عزالدين
مجد: بيتطلع بعيونها عيون مجد
سلمى: نحن عم نرقص هالمرة مو كشخصين
مجد: بيضحك لكن شو مين تالتنا المطر
سلمى: بتبتسم وبتطلع بعيونه هي وعم ترتجف مجد أنا حامل
مجد: بيتطلع فيها بصدمة وبيضحك بخفة شو شو قلتي
سلمى: بتبتسم صرنا تلاتة وبتضحك حتصير أب
مجد: بيضحك بفرحة وبيحملها بين ايديه وبدور فيها والمطر عم تقوى ياالله مااحلى هالخبرر الحمدلله ياربيي لك بحبك بحبككككك
سلمى: بتضحك لك مجد نزلني هههههه دخت مجد نزلني
مجد: بنزلها هو وعم يضحك ياروحي انتي ياعيوني وببوسها من خدودها وجبينها وايديها وبيغمرها
سلمى: بتضحك كنا تنين وخلاص دلوقتي الحب تالتنا
مجد: بحط أيده على بطنها بخفة وحنية بدينا تنين بقصتنا بنفس المكان بس نهاية قصتنا اكتر ازدحام انو صرنا تلاتة وبيضحك
سلمى: بتبتسم ممكن نحن أربعة مع المطر وبتضحك
مجد: فينا نقول لهون ختامها مسك
سلمى: بتضحك وبتمسك بايده بقوة بلشنا هون ورح ننهي هون ونقول وصلنا لنهاية قصتنا معكن
مجد: بيبتسم لاتنسونا وخليكن متذكرين تشرين وكل ماتشوفو المطر احكو وقولو عن قصة حب مجد وسلمى وشوبيشبهك تشرين
سلمى: بتبتسم وبتحط جبينها على جبينه شو بيشبهك تشرين
#فلاش_باك
سلمى: بتحكي وهي عم ترجف من بردها انننن امشي ندخل لجوا مافي مجانين تحت هالمطر غيرنا
مجد: بحط أيده على كتفها وبحاوطها بايديه متل اللعبة امشي ليش هالجنان مو كل سنة بصير من وراكي آنسة سلمى
سلمى: بتمشي معه وعم تحاول تدفى بايديه شو بعمل إذا بحب امشي تحت اول مطر بتنزل من بعد غياب
مجد: انتي بتتمشي وانا بتبهدل معك بيضحك
#باك
هيك بدينا معكن وهيك انتهت حكياتنا كانت مزيج من كلشي حلو ومشاعر مستحيل تنوصف فيها دفا كبير وحب اكبر وعيلة حلوة وضحكات مابتخلص عشنا الصداقة والحب والعائلة والأخوة وهلق مشيو وتركولنا ذكرة ويلي هي المطر عيلة عشنا معها كل التفاصيل وصار وقت نفارقهن بس رح نضل نتذكرهن ونضحك ولهون انتهت مغامرة جديد معكن والى اللقاء بمغامرات أخرى والقادم احلى🥹🫂
ما هي حُلمك؟، أن أعانقكَ تحت المطر، وأنتَ؟ ، - أن تُمطر
#انتهت
#نبض_القصص
#كاتبة_بأنامل_صغيرة
#شو_بيشبهك_تشرين
#مجد_سلمى
#خالد_فاطمة
#ايمن_سارة
#شووبيشبهك_تشرين
انتهت
قراءة ممتعة💗💗
-يُقويك ‌الله ‌إذا استضعفتِك‌ الدُنيا.
▪️اسم الكتاب : #سيروش
▪️الكاتب: حنان لاشين
▪️عدد أجزاء الكتاب : ستة أجزاء
▪️هذه السلسلة مناسبة أكثر للقارئ ذي المستوى: #متوسط
▪️تصنيف الكتاب : #خيالية #تاريخية #فانتازيا
▪️عدد الصفحات: ٣٩٠
▪️نبذة بسيطة عن الكتاب : كان يشعر بألمٍ شديد ينخر عظامَه ورأسَه، أخذ يضرب على جبهته بقبضته كالمجنون، دارت عيناه في المكان كما لو أنهما تحرَّرتا من عقال، خالجه شعور بالخوف وصار يرتجف كورقة شجرة في مهبِّ الرياح. انتفضت ذراعاه فجأة فدفع أبويه وسقطا على الأرض، ثم وقف وسط غرفته لينبثق ضوءٌ متموِّج خلَّاب مختلط الألوان ليُحيط بجسده، ظلَّ على حاله مُنيرًا ومتوهِّجًا دون أن يعرف السبب، ثم أدرك بعد ذلك حقيقة أنه مختلف!
HTML Embed Code:
2024/03/29 10:12:25
Back to Top