ابوذيات للامام المنتظر عج🌸❤️



عله الكوان شع وبأن  بدراك
الما يهواك. منك صار  بدراك
اليصير وصار يالمنتظر بدارك
مدد عندك من أسرار.  الزجيه


صلوااااا ❤️🌸ااااااات

الدنيه زهت ب يعدل عدلها
ثنعش ايمام  الباري. عدلها
صراط المستقيم انتم. عدلها
إلبيكم  مابصر.   ماله.  هويه

صلوااااا ❤️🌸ااااااات


وحك سر الباري البيك. منكان
قبل تكوينها  ذاهلها من  كان
محمد. كان  والتكوين  ماكان
حول العرش. كان يشع   ضيه

صلوااااا 🌸❤️ااااااات


بقلم العلويه الشاعره ام رائد زوين
✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘🎈🎊🎉 ..........👩‍🚀.....................🦋🦋🦋متبـــاركين يا شيعة علي 🦋🦋🕊

صلوات    صلوات    ..   عله   الإمام   المنتظر
سلامات   سلامات  ..  يرجع  بعد  طول  السفر
علامات  علامات  ..  نحسب  له كل لحظة بشهر

إلهي      يا      إلهي      متى     الغايب     يجيبنه
أغوص   ببحر   الهموم   و   أنا   أشواقي   سفينه
إلهي    عجّل    أمره    يا    رب   اعطف   علينه
بقينه     نحسب    أيام    و    لا    يرجع    ولينه
و   الأيام  و  الأيام  ..  عشناها  من  مُر  لـْ  أمر
صلوات    صلوات    ..   على   الإمام   المنتظر
صفه  الحال  صفه الحال .. حال الطيور ابلا شجر
صلوات    صلوات    ..   على   الإمام   المنتظر

همت    و   الدنيه   لحظات   لجن   طالت   علَيّه
حياتي    دمعة    غروب    تندبك    كل    مسيه
أشوفك     بالسما     بعيد    مثل    نجم    الثريه
و   أشوفك   مرة   بالقاع   و   أنادي   عود  إليّه
صلوات    صلوات    ..   على   الإمام   المنتظر
صحت  آه  صحت آه .. من غيبتك قلبي انكسر
صلوات    صلوات    ..   على   الإمام   المنتظر
متى   تعود  متى  تعود  ..  و  تبدل  الظلمة  بقمر
صلوات    صلوات    ..   على   الإمام   المنتظر

دعاء   الندبة   آهات   و   أنا   و   دمعي  قريته
و    أحس    جروحي    تقراه   إذا   مره   نسيته
يا    إلهي    جفي   مرفوع   دُعا   الضايع   دعيته
أموت    و   دمعتي   اوياي   تخبره   شقد   هويته
عله  النار  عله  النار  ..  أنتظره  و  الشوق انتظر
صلوات    صلوات    ..   على   الإمام   المنتظر
و  الأعياد  و  الأعياد  ..  بغيابه  عاشور  و صفر
صلوات    صلوات    ..   على   الإمام   المنتظر

إلهي    كُن    لمولاي    دليل    و    عجّل   أمره
نريده     قائد     يصير    على    الظالم    انصره
يا    رب    اهلال   الأفراح   نريد   نشوفه   مره
غزل    بعيوني   و   احساس   جماله   من   أنظره
صلوات    صلوات    ..   على   الإمام   المنتظر
و الإحساس و الإحساس .. يسأل حبيبك ما ظهر
صلوات    صلوات    ..   على   الإمام   المنتظر
و  العتاب  و  العتاب  .. عاتبته من صبري اعتذر
صلوات    صلوات    ..   على   الإمام   المنتظر

إلك   بعيوني   دمعات   تصب  نار  اعله  جرحك
ضعت  و  الدنيه  بس  ليل  تعال اسقيني صبحك
قريب   اعليّ   حسيت   أحس   شوقي  يلمحك
أتيه    بعالم    الآه    جبل    هم   اعله   جنحك
أحن  ليك  أحن  ليك  ..  و  شموعي غرقها النهر
صلوات    صلوات    ..   على   الإمام   المنتظر
و  الأشواق و الأشواق .. شوق الصحاري للمطر
صلوات    صلوات    ..   على   الإمام   المنتظر

على    رموش   المسافات   حلم   أعجز   أوصفه
تبات   بروحي   حسرات   و   أنام   و  بيه  لهفه
مثل     بتاره     ملهوف     تمنه     يلزمه    جفه
يـَ   إلهي   و   عيسه  مأموم  أشوفه  يصلي  خلفه
صلوات    صلوات    ..   على   الإمام   المنتظر
و   أناديه  و  أناديه  ..  أهلاً  يـَ  بن  سيد  البشر
صلوات    صلوات    ..   على   الإمام   المنتظر
و  الأحلام  و  الأحلام  ..  تتحقق  بلمحة  بصر
صلوات    صلوات    ..   على   الإمام   المنتظر

فرح    بستان    الورود    عرف    جيتك   قريبه
حبيب     بدنيته    يريد    فقط    شوفة    حبيبه
حلم    أخضر    رسمناك    على   جناح   المصيبه
نسيم    الشوق    مر    بيه   خبر   عاجل   تجيبه
يـَ   معبود   يـَ   معبود   ..من  فرقته  ذاب  الحجر
صلوات    صلوات    ..   على   الإمام   المنتظر
همت  بيه  همت  بيه  ..  و  جفوني  تعّبها  السهر
صلوات    صلوات    ..   على   الإمام   المنتظر

☘مدح لولادة الاقمار ع☘

على طور // بين العصر والمغرب

🌼🍃🌼🍃🌼🍃🌼🍃🌼🍃

بين الحسين وعباس
مجلس فرح سوينه٢
صفكه وهلاهل وشموع
علگناهه اله وضوينه٢

🌼🍃🌼🍃🌼🍃🌼🍃🌼🍃


نهني الرسول واله
وكل الاهل والعيله٢
ملبس نطش وجكليت
بهذا الفرح هليله٢

🌼🍃🌼🍃🌼🍃🌼🍃🌼🍃


ولله لسوي الفرحه
انه وكل الحبايب٢
وانشد شعر بلهوسات
على عناد النواصب٢

🌼🍃🌼🍃🌼🍃🌼🍃🌼🍃


وين اليحب الاطهار
يحضر الفرحه ويانه٢
بمولد العتره الاقمار
كل الهلا وحيانه ٢

🌼🍃🌼🍃🌼🍃🌼🍃🌼🍃

نمشي وشفنه المناره
كلمن خل وخليله٢
جينه نخدم زواره
نترجاهه الوسيله٢

🌼🍃🌼🍃🌼🍃🌼🍃🌼🍃

١/شعبان /١٤٤٣
✍ بقلم شاعرة اهل البيت عليهم السلام
 ☘ام فراس الساعدي ☘

حلوه ليالينه
نوّرنا مهدينه
---
هالليله نور المنتظر.. شعشع على الاكوان
اوفرحت ارضنا والسما.. في منتصف شعبان
اوثغر الموالي مبتسم.. حقه يظل فرحان
ابدار الامام العسكري ..يترتل القرآن

بحروفه نادينه
نوّرنا مهدينه
---
خاتم حجج آل النبي ..نبعث إله مرسال
انگله نشوفك يامتى..ياللي سكنت البال
گلب المحب مايحتمل..طول البُعد جتال
ودنا ابحضوره اويستمع.. نص الشعر موال

يسمع تهانينه
نوّرنا مهدينه
---
فرحة قدوم ابن الحسن ..اعظم من الاعياد
كلمن ترقب مولده ..ايريد الفرح ينعاد
يل سيرته عزه اوشرف..محفوفه بالامجاد
نتمنى يحضرنا ابعجل ..وانجدد الميلاد

تاج اوفخر لينه
نوّرنا مهدينه
---
يبگه أملنا المنتظر..بيده نجاة الناس
ينشر موازين العدل..يزرع ورد والياس
يرفع لوائه ابكل محل..بالهيبه والنوماس
سيفه من المولى علي ..اودرعه من العباس

هوّه اللي يحمينه
نوّرنا مهدينه
---
يجمع شملنا ابكل حفل..ايغذينا بلطافه
گلبه عطوف ابن الحسن ..من طاها اوصافه
واسمه حرز بي نحتمي..اونتخيل اطيافه
فاز الذي ابحبه مشى .. اويخسر ترى العافه

حبه اللي ينجينه
نوّرنا مهدينه
---

عادل العبد الله

هوسات  ..

يوم اللي برز عباس بالميدان
صار انذار
وين التدعي زِلمه وماتخشى من البتار
إجو له وبيهم الرهبه وخلاهم جثث طشار ..

(وما يحصدهم عزرائيله)
…

حلف راعي الشيم بحسين ابواليمه
مُعسكر آل اميه لازم ايهزمه
وراس الجيش يفرك رمته بجدمه

(وابچفه يگلب ميدانه)

عادل العبد الله


https://hottg.com/amaomi

ليث الغاضريه
  ابن حامي الحميه

* * * 
عباس الگمر محلى جماله 
  بزغ نوره علينا وهم تلاله 
هيبه طلعته ماكو مِثَاله 
  مثل حيدر علي رمز العداله

صولاته أبيه
  ابن حامي الحميه

* * * 
مثل حيدرعلي ميدنگ الراس
  يظل عالي لواءه بطل عباس 
مضرب للشجاعه شهم نبراس
  يبگه مفخره والشاهد الناس

تحبه الجعفريه
  ابن حامي الحميه

* * * 
يبگه مفخره وميخيب اظنون
  وكل هاي الخلگ بسمه يطلبون 
موعجبه الگلب أصبح له مفتون
  ويظل اسمه دوه كِلْكم تعرفون 

إله نبعث تحيه
  ابن حامي الحميه

* * * 
بسم عباس تهتف كل الگلوب
  وإله هذا  الشعر بألحانه مصحوب 
كل بلده لها بالفرحه أسلوب
  تجدد مولده عالعاده ماتوب

گمر فاق الثريه
  ابن حامي الحميه

* * * 
على العاده نجدد محفل أفراح
  شيعه ونفتخر والصوت صداح 
أبو الغيره فداله مهج وأرواح
  يمن بسمانه بدره شعشع او لاح

أنواره مضيه 
  ابن حامي الحميه

* * * 
يمن مهده ربى ابحجر الإمامه
  ومن أمه رضع ثدي الكرامه 
ومن حيدر علي نايل وسامه
  يكفيه الفخر راعي الشهامه

مِصداقْ الهويّه
  ابن حامي الحميه

* * * 

خادم أهل البيت (ع):
عادل علي العبد الله



https://hottg.com/amaomi

ولادة الامام المهدي (عج)
١٥ شعبان



انته يامحبوبي محبوبي محبوبي
شمعه تضوي ادروبي بدروبي بدروبي
المهدي شوگي الغالي
سلوتي وآمالي
انته يامحبوبي محبوبي محبوبي
١

يادنيه بالولاده انشوفه
يادنيه كعبه واحنه انطوفه
يادنيه بروحنه الملهوفه
يادنيه المهدي لا منعوفه

والعشگ رباني رباني رباني
منذهل خلاني خلاني خلاني

اول انته وتالي
سلوتي وآمالي
انته يامحبوبي محبوبي محبوبي
٢

ياروحي حبك السواني
ياروحي واصبحت عنواني
ياروحي گمر شفتك أني
ياروحي وعايش بوجداني

عالوعد تانيتك تانيتك تانيتك
عاشگ وحبيتك حبيتك حبيتك

ساكن بدلالي
سلوتي وآمالي
انته يامحبوبي محبوبي محبوبي
٣

يامهدي عشت بين عيوني
يامهدي الوادم ايشوفوني
يامهدي حگهم ايلوموني
يامهدي خادم ايسموني

خادمك عنواني عنواني عنواني
اسمك السواني سواني سواني

أبد  لا مابالي
سلوتي وآمالي
انته يامحبوبي محبوبي محبوبي
٤

خليني شلت سحر عيونك
خليني ارتجي وممنونك
خليني من أگول شلونك
خليني عاشگ ومجنونك

ذايب بحنيتك حنيتك حنيتك
بالحلم لاگيتك لاگيتك لاگيتك

صحت ياعذالي
سلوتي وآمالي
انته يامحبوبي محبوبي محبوبي
٥

بالمحفل جبت عمري ويايه
بالمحفل وابصمت بدمايه
بالمحفل بس رضاك الغايه
بالمحفل آيه حبك آيه

ياحلم بعيوني بعيوني بعيوني
احتفل خلوني خلوني خلوني

المهدي عاش أبالي
سلوتي وآمالي
انته يامحبوبي محبوبي محبوبي





لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

https://hottg.com/amaomi

﷽


من أعمال #ليلة_النصـــ15ــــف_من_شهر_شعبان

📖 دعاء إِلـهي تَعَرَّضَ لَكَ في هذَا اللَّيْلِ الْمُتَعَرِّضُونَ

▫️ قال الطّوسي والكفعمي: يقال في هذه اللّيلة :

✨ إِلـهي تَعَرَّضَ لَكَ في هذَا اللَّيْلِ الْمُتَعَرِّضُونَ، وَقَصَدَكَ الْقاصِدُونَ، وَأَمَّلَ فَضْلَكَ وَمَعْرُوفَكَ الطّالِبُونَ، وَلَكَ في هذَا اللّيْلِ نَفَحاتٌ وَجَوائِزُ وَعَطايا وَمَواهِبُ تَمُنُّ بِها عَلى مَنْ تَشاءُ مِنْ عِبادِكَ، وَتَمْنَعُها مَنْ لَمْ تَسْبِقْ لَهُ الْعِنايَةُ مِنْكَ، وَها أَنَا ذا عُبَيْدُكَ الْفَقيرُ إِلَيْكَ، الْمُؤَمِّلُ فَضْلَكَ وَمَعْرُوفَكَ،

✨ فَإِنْ كُنْتَ يا مَولايَ تَفَضَّلْتَ في هذِهِ اللَّيْلَةِ عَلى أَحَدٍ مِنْ خَلْقِكَ، وَعُدْتَ عَلَيْهِ بِعائِدَةٍ مِنْ عَطْفِكَ، فَصَلِّ عَلى مُحَمَّدٍ وَآلِ مُحَمَّدٍ الطَّيِّبينَ الطّاهِريـنَ، الْخَيِّرينَ الْفاضِلينَ، وَجُدْ عَلَيَّ بِطَولِكَ وَمَعْرُوفِكَ يا رَبَّ الْعالَمينَ، وَصَلَّى اللهُ عَلى مُحَمَّدٍ خاتَمِ النَّبيِّينَ وَآلِهِ الطّاهِرينَ وَسَلَّمَ تَسْليماً، إِنَّ اللهَ حَميدٌ مَجيدٌ.

✨ اَللّـهُمَّ إِنِّي أَدْعُوكَ كَما أَمَرْتَ فَاسْتَجِبْ لِي كَما وَعَدْتَ إِنَّكَ لا تُخْلِفُ الْميعادَ .

🔹وهذا دعاء يدعى به في الأسحار عقيب صلاة الشّفع .

📕 مفاتيح الجنان

🍃✨

🎊اعمال الليله🎊
ليلة ولادة الامام المهدي
1/الاغتسال
2/زيارة ال يس
3/زيارة الامام الحسين
4/قراءة سورة الفجر
5/٣١٣مرة في السجود
اللهم اجدد البيعة لمولاي صاحب الزمان
6/التوسل والالحاح
7/صلاة ركعتين
8/دعاء العهد
9/دعاء الندبة
ارجو التعميم
خ الامام ام عبدلله

(ياصاحب الزمان عج)


ارید ارسل سلامی الی المهدی امامی
اگله گلبی یهواك جنه تصيرملگاك
حبیبی انته یغالی

🍄🌿🍄🌿🍄🌿

اگله ابگلبی یهواك حبیبی یاامامی
النبی الوصی' علینا، علیك الله یغالی
الوصیه من علی الحیدر والینه
الی العباس رایه من علینه
توصل رایه بیدك یاحامی دخیلك
حبیبی انته یغالی

🍄🌿🍄🌿🍄🌿🍄🌿

توصل رایه بیدك من العباس وحسين
ترفعها ابیمینك وتمسح دمعت العين
توصل کربله وزینب تگلهه
وصیه من علی وعباس کلهه
تشیل الرایه حمره تخلی الرایه خضره
حبیبی انته یغالی


🍄🌿🍄🌿🍄🌿🍄🌿

وصیه من علی وعباس للمهدی یغایب
یوصی ابزینب ادگله یاگلب الحبایب
تحضر للحسین اتشیل رایه
وللزوار تحضرهم حمایه
شیل الرايه اویاهم يالغايب حماهم
حبیبی انته یغالی

🍄🌿🍄🌿🍄🌿🍄🌿

وللزوار والزهره یغایب لوتجینه
علی درب المشي،وياك الله ونبینه
ساعه لوتجی اتساعد حشدنه
تشیل السیف ياهم الي عدنه
بات الظلم والجور ابکل ازمان منشور
حبیبی انته یغالی


🍄🌿🍄🌿🍄🌿🍄🌿

بات الظلم والجور علینه الحگ یغایب
سامحنی و اگلک کتلتنه النواصب
یمته الفرج مولای ویسهل
خل تفرح الناس وخل تهلهل
تظهر رایه بیدك یحظرعیسی ایجیلك
حبیبی انته یغالی



ملاحظة 👇
تنقری ك لطميه
تنقري ك مولود

تمت
الشاعرة ✍ ام آمنه
__12شعبان 1438____




تريد قصائد حسينيه مكتوبه لمجموعة من الشعراء اضغط هنا وشوف

https://hottg.com/amaomi

سلام عليكم ورحمة الله وبركاته

اسعد الله أيامكم وادامكم

ارجو متابعت
قناة علي الواتساب✍
قناة نداءالحسين.ع

حسينيه☝️

مولد الامام الحسن المجتبى عليه السلام
         (  تناسب جداً للوقفة )

*عالبركه هالمـولـود عـالـبـركـه يـا فـاطـمـه*

*عالبركه هالمولود  يـا فـاطـمـه و ياعالـمـه*

*في نص شـهر الله بان ونوّر ارضين وسما*

*عالبركه اول ضنى منّچ ومن حامي الحمه*

*اول سبط للـهـادي ورحـمـة الباري الدائمه*

*الحـور لـجـلـه فرحـت هم الملايك بالسما*

*وكلها تتشرف تـكــون للحسن كلها خادمه*

*بجـاهـچ يازهـرا نـظـري لينا نريد المكرمه*

*كـل حـاجـه و مراد وكــل طلب منا عالمه*

*اعلى الولايه نثـبـت ونريد حسن الخاتمه*

*وبالقبر ليـنـا حضري ونجينا منّ الحاطمه*

تمت بحمد الله ومنه
1443/9/13 هــ

*لخادم اهل البيت عليهم السلام*
*المُلا محمد سامي المرعي* الأحسائي


https://hottg.com/amaomi

قصیدة:گرگیعان
ـــــــــــــــــــــــــــــــــــــ
رمضان جانه یالله گرگعو ویانه
نهني الرسول..ابحبیب البتول
ــــــــــــــــــــــــــــــــــــــــــــــــــ
گرگعــوا هلیــله..وزعــوا لمــلبّـس
ومن جمیل أثیابه..کل طفل یلبس
للحسن فرحتنه..نص شهر رمضان
من صبـح میـلاده..کلــشي یتنفّس

هله ابرفع الراس
حسنـهم نبــراس
وجنــته تنــباس
لأن کلّه احساس
جــماله مقــیاس
تعشـگه الانفـاس

سلّم ولــدهم یاالله   خله لأمه یاالله
یا فرحه عدهم یاالله   فایح وردهم یاالله
سلم حسنهم یاالله   یربا ابحضنهم یاالله
ـــــــــــــــــــــــــــــــــــــــــــــ
رمضان جانه یالله گرگعو ویانه
نهني الرسول..ابحبیب البتول
ــــــــــــــــــــــــــــــــــــــــــــــــــ
فاطمه ابهلیله..فرحوا ام صارت
ولحسن بیدیها..شالته و سارت
حیدر انــبارکله...واجــب اللیله
من جمال اولیده..دنـیته حارت

نصف من رمضان
نجــم شبـّـر بــان
وصــل گرگیــعان
هله ابگــرگیــعان
مــحمّــد فــرحان
یشــوف الأحسان

شبّـر محـمد یاالله   خله لأمه یاالله
نوره تجسّد یاالله   ولشامه عالخد یاالله
آیة کـماله یاالله   ترسم جمـاله یاالله
ـــــــــــــــــــــــــــــــــــــــــــــــ
رمضان جانه یالله گرگعو ویانه
نهني الرسول..ابحبیب البتول
ــــــــــــــــــــــــــــــــــــــــــــــــــ
یا بشارة عیده ..من سمه العلوي
اللیله بیت الزهره..بي نجم یضوي
خل نمد ایـدینه..و ننتــظر جوده
الحسن یعطینه..کافـي بس ننوي

کـریــم و معـروف
یــرحّب لـضیــوف
عــطائه موصــوف
نمد صوبه اچفوف
گلبــنــه ملــهــوف
علــیٰ بابه انطـوف

وأنـادي بسمه یاالله    خله لأمه یاالله
ساحرنه نجمه یاالله   یروینه عزمه یاالله
کل سنه کلنه یاالله   ننصب حفلنه یاالله
ـــــــــــــــــــــــــــــــــــــــــــــــــ
رمضان جانه یالله گرگعو ویانه
نهني الرسول..ابحبیب البتول
ــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري




https://hottg.com/amaomi

قصیدة:صلوات
ــــــــــــــــــــــــــــــــــــــــــ
صـلوات بارینـه..بسم الحسن والینه
ــــــــــــــــــــــــــــــــــــــــــ
یاجماله ، یاجلاله ، یامهابة شانه
نعرف اسمه،زاهي نجمه،من مجد عرفانه
سبط الاول،نوره انزل،واقترن بأحسانه
خل نشارک، من نبارک، حیدر ابدنیانه

من الشوگ نادینه.بسم الحسن والینه
ــــــــــــــــــــــــــــــــــــــــــ
یاغلاته، من صفاته، حگهم ایعشگونه
بالمدینه، ناشدینه، کلهم ایعرفونه
کلها صاحت، یمه راحت، بالحسن مجنونه
ترفه روحه، والیلوحه، یحرسه بعیونه

تبـاریک ودّیـنه.بسم الحسن والینه
ــــــــــــــــــــــــــــــــــــــــــ
جانه عیده، حلوه بیده، وردته ابمیلاده
خل نگرگع، خل نوزّع‌، فرح یوم اعیاده
هذه شبّر، وجها أنور، یا کریم الساده
یافرحته، یا ضحکته، تنطي گلبي امراده

نص الشهر عیدینه.بسم الحسن والینه
ــــــــــــــــــــــــــــــــــــــــــ
هذه چفه، یروي عطفه، والکرم مقیاسه
فضله عالي، والمعالي، داخت ابنوماسه
حط مضیفه، للیضیفه، مثل تاج ابراسه
بالضیافه، والشرافه، تحچي اهله و ناسه

قنادیل بیدینه.بسم الحسن والینه
ــــــــــــــــــــــــــــــــــــــــــ
کلمات خادم امام الحسن ع
عبدالامیرالناصري...المحمره
#رمضان


https://hottg.com/amaomi

قصیدة:زیارة البقیع
ــــــــــــــــــــــــــــــــــــــــــــــ
یاصوب المدینه   دلّــوني علیها
راید هالبشاره..مشتاگ الزیاره
ــــــــــــــــــــــــــــــــــــــــــــــ
کاتلني الحنین..بیمن أستعین..تعبتني السنین..محّد یستجیب
شوگي بالدلیل..ثابت ما یمیل..بس راید سبیل..اوصل للحبیب
اتمنه الوصول..یم گبر الرسول..اسئل عالبتول..بحساسي الغریب
انظر من بعید..گلبي مایهید..اوصلهم ارید..شیبني النحیب

انفاسـي رهـینه   محّد یشتریها
یاهو العنده چاره.مشتاگ الزیاره
ــــــــــــــــــــــــــــــــــــــــــــــ
باب الله الوسیع..بتراب البقیع..خایف لا أضیع..ویتیه المسیر
اتمنه جناح..عندي وکل صباح..اشهگ بالرواح..یمهم کون اصیر
اشتم بالتراب..شو طال الغیاب..ما احمل عتاب..حایر بالضمیر
مشتاگ ارد اطوف..وحضن بالچفوف..تربه و بیها اشوف..صوره امن الأمیر

وین اللّه و نبینه   هالبقعه نجیها
گلبي تدوي ناره..مشتاگ الزیاره
ــــــــــــــــــــــــــــــــــــــــــــــ
ابدي بالسلام..من ثاني أمام..وابگلبي هیام..ما حبّـن سواه
للحسن اروح..وانساها الجروح..لو عطره یفوح..انسه ابگلبي آه
للسجّاد اگوم..یم گبره احوم..عندي أحله یوم..لو أگضيه معاه
وللباقر أصیر..خادم مستجیر..خل عیني تدیر..دایم یم ثراه

آهـاتي الحــزینه   یمهم ارتجیها
لاگبه و مناره..مشتاگ الزیاره
ــــــــــــــــــــــــــــــــــــــــــــــ
راسم بالضنون..صوره للعیون..للصادق یکون..حضره و بیها باب
یم اربع قبور..چن واگف ازور..وابگلبي تدور..دعوه و تستجاب
وأگصد بالحنین..یم أم البنین..ابچي اعله الحسین..وافراگ الشباب
ابچي اعله الکفیل..سوه المستحیل..ما مثله مثیل..للخوه یُـجاب

هلیــله اندعینــه  والدعوه بیدیها
مارید الخساره..مشتاگ الزیاره
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
#رمضان

https://hottg.com/amaomi

قصیدة:ماجینه
ــــــــــــــــــــــــــــــــــــــــــــ
شبّـر محمد هذه میلاده
لیله سعیده لیـلة أعیاده

ماجینه یاماجینه..لو ماالحسن ماجینه
لیله سعیده لیلة أعیاده
ــــــــــــــــــــــــــــــــــــ
هلیله بضعة محمد،هنّـوها عدها ولد
مثل البدر بالمهد
صار الحسن وابجماله،حیدر تباها وشهد
دیوانـه لا ما برد

قـرّة عیـونه بالحسـن حیــدر
نظـرة جـماله بالبشـر تســحر

نص الشهر من رمضان..گرگیعان و گرگیعان
لیله سعیده لیلة أعیاده
ــــــــــــــــــــــــــــــــــــ
شامة جماله اعله خده..نقطه ابأسم فاطمه
هز مهده حامي الحمه
من زغره دیوانه مهده،وأیرحّب أبمبسمه
ضیـوفه طیور السمه

هلگد جمیل و حلوه اوصافه
یسـحر عیـونه کلـمن الـشافه

سلّم ولدهم لأمه..یاربي خلّه لأمه
لیله سعیده لیلة أعیاده
ــــــــــــــــــــــــــــــــــــ
کل الفضایل تباهت،لأسم الحسن تنتمي
طبعه سخي الهاشمي
جود و سماحه و فراسه،من والده یحتمي
نبـض الگـلب فاطـمي

طبـع الیـعزّب یکـرم ابأیده
خلّف علي واشیطلع اولیده

دلّـونه بیه دلونه..حلّو الچیس واعطونه
لیله سعیده لیلة أعیاده
ــــــــــــــــــــــــــــــــــــ
قارن صفات المکارم،کلها اعله طول الزمن
تلگاها بس بالحسن
راد الصلح حتی یسلم دین النبي المؤتمن
هیچ الصمت بیه ثمن

صـح ما تبـادر بالحـرب ســیفه
بس سیفه یشطر لو جبل ضیفه

تعطونه لو نعطیکم..بیت مکه أنودیکم
لیله سعیده لیلة أعیاده
ــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره
# رمضان


https://hottg.com/amaomi

قصیدة:#گرگیعان
ـــــــــــــــــــــــــــــــــــــــــــ
گرگیعان و گرگیعان..بین أقصیّر ورمیضان
عادت علیکم صیّــام..کل سنه و کل عام

بسم الحسن لا غیره
جیناکم یأهل الدیره

نص الشهر گرگیعان
ـــــــــــــــــــــــــــــــــــــــــــــ
بسم الحسن جینه ابگلبنه الصافي
هلیله بدروب الولایه أنوافي
صوت الهله من گلبي یطلع دافي
مو حلوه هلیله المحب متجافي

ماجینه یا ماجینه..لو ما الحسن ماجینه
حلّو الجیس وعطونه..الباب الحسن ودّونه

خل یعطینه من خیره
جیناکم یأهل الدیره

نص الشهر گرگیعان
ـــــــــــــــــــــــــــــــــــــــــــــ
بیت الکـرم کلها أتعرف عـنوانه
تمطر سحاب اچفوفه من احسانه
هـذه الي فــاتـح للیـمر بـیبـانه
أبـن الکــرم ربّـک یعـظّم شـانه

*یأهل السطوح تنطونه لو أنروح*

تعطونه لو نعطیکم..بیت مکه انودیکم
هاي مکه المعموره..مبنیّه جص و نوره

نعرفکم أهل الغیره
جیناکم یأهل الدیره

نص الشهر گرگیعان
ـــــــــــــــــــــــــــــــــــــــــــــ
هلـیله أطفال البـلد مـسروره
سفرة ولاده و عالأرض منشوره
کلمن وجیسه وکشخته وأعطوره
یـوم الحسـن یتـبارکون أبـنوره

الله أیخلّي راعي البیت..عالبسبوسه والچکلیت
یارب سلّم ولـدهم..کلشي ناخذ من عدهم

عدنه چفوف أزغیره
جیناکم یأهل الدیره

نص الشهر گرگیعان
ـــــــــــــــــــــــــــــــــــــــــــــ
*سلّـم ولـدهم یالله* *خله لأمه یالله*
*احفظ طفلهم یالله* *خله لأمه یالله*
*هوّه و خواته یالله* *ابکل حیاته یالله*
*طوّل عمرهم یالله* *والیمرهم یالله*
ــــــــــــــــــــــــــــــــــــــــــــــ
یاربي خلّي الفـرحه تمـتد بینه
ومن الکـرم أترسها هاي ایدینه
أحـفظ بلدنه وکلمـن أیخاوینه
کل عام و هالفرحه تعود اعلینه

کل عام أنصیح ابرمضان..نص الشهر گرگیعان
اعطونه من حق الله...والـرازق هوّه الله

مانگطع های السیره
جیناکم یأهل الدیره

نص الشهر گرگیعان
ـــــــــــــــــــــــــــــــــــــــــــــ
کلمات خادم الحسین ع
عبدالامیرالناصري,, المحمره

یزوّار الحسـن ویـاکم أخـذوني
ـــــــــــــــــــــــــــــــــــــــــــــــ
یزوار الحسن یا محله هلیله
حفلنه بالبقیع ایصیر ترتیله
نبارک للنبي الهادي و نهنیله
ابنص رمضان ابارکله ابضوه اعیوني
یزوّار الحسـن ویـاکم أخـذوني
ـــــــــــــــــــــــــــــــــــــــــــــــ
ابنص رمضان اگرگع واعقد المحفل
قرة عین هادینه ابسبط لأول
هلیله ابجماله البدر یتعدّل
ساحرني جماله و سبّب اجنوني
یزوّار الحسـن ویـاکم أخـذوني
ـــــــــــــــــــــــــــــــــــــــــــــــ
یحن گلبي البقیع الحسن وانواره
کریم و بـالگبر مایرد خطّاره
نص رمضان حلوه یمّه لزیاره
ازورن تربته مشتاگ تدروني
یزوّار الحسـن ویـاکم أخـذوني
ـــــــــــــــــــــــــــــــــــــــــــــــ
نص رمضان من ربک خلق نوره
من وجه الحسن ضاءت المعموره
گرگیعان عید الوصي و دستوره
آخذ من علي عیـدیّه خلــوني
یزوّار الحسـن ویـاکم أخـذوني
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري

https://hottg.com/amaomi

قصیده في حق ولادة الأمام الحسن المجتبي علیه السلام🌹🌹🌹🌹🌹🌹🌹🌹




         انولد هالیوم مُعز المؤمنین
فرحه لصحاب العبه  سطع نور المجتبه
****
ابشهر رمضان سطع... نور القداسه الأکبر
کوکبه   ایشع   بقه.. و اعله العوالم  یزهر
الهادي ثغره ابتسم.. ابجیة الحسن استبشر
و الملائك    اجت.. هنو  الزهره  و    حیدر

         الحسن  نوره  سطع  عالمشرقین
یحمل احروف الأبه     سطع نور المجتبه
**
الحسن هاذه صبح.. مثل  الشمس  عنوانه
لبس  تاج  الشرف... واعله العرش برهانه
ثاني   حیدر  علي.. ظل    بالعدل  میزانه
الحسن معنه الکرم... ما ینحصي  احسانه

       نبي   و شایل  صفات  المرسلین
یشع بالحق کوکبه       سطع نور المجتبه
***
بدر  و  ایشع  بقه.....عالجنه   هبت  نفحه
نزل  یمه   الوحي.. و ایهزله مهده ابجنحه
ابنوره تزهي الأرض..عالدنیا  أشرق  صبحه
الورد  ینثر   عطر...ما  تنوصف   هالفرحه

      الحسن  نوره سطع فوگ الجبین
عالي ظل بالمرتبه      سطع نور المجتبه
*****
العصمه بیه  انوجد..  یتساطع      ابأنواره
ابشخصه رب العرش.. جاعل جمیع أسراره
بالمدینه        أنولد... من الجنه کل أثماره
الحسن   یشبه علي.. معروفه  کل  أدواره

       الکرم  ینبع   بقه   من  الأیدین
ماکو غیم الیحجبه     سطع نور المجتبه
*****
الحسن کعبه صبح.. طافت علیه الأرواح
ابنصف رمضان اجه... نحییها هاي الأفراح
و   الهزاري   هتف.. بنغامه  صایر    صداح
و الخمیله    العطر.. فوگ  المهد  ظل  فواح

   الصعب  یمه  یجیله و یستعین
ابکل وکت ظل یکتبه    سطع نور المجتبه
*****
لخادم الحسين علي فلاح الواسطي
13رمضان
1445

يمن حبه ملكني ومسكنه بكلبي
للدنيه مجيئك نعمه من ربي
سعيد ومبتهج من فرحتي وحبي
وتهلهل روحي ومسروره

* * *

الصحابة تعنوا الدار الكرم والجود
مسرورين راحوا شايلين أورود
صاحوا ياعلي عالخير بالمولود
عيدنه اليوم بميلاده

* * *

أبو ذر الغفاري كله ياسلمان
اليوم آنه سعيد ومن صدك فرحان
أحس أبهالولاده معيده الاكوان
وتنادي مبارك ياحيدر

* * *

بشهر الطاعه يشبع كل فقير ومايظل جوعان
شهر الخير نعمه صار شهر الكرم والاحسان
لأن الحسن راعي الجود ميلاده بشهر رمضان
رمضان اتربه أعلى أطباعه

* * *
                                          سلام المشعل

https://hottg.com/amaomi