‏صحيح ماندري عن اللي يكنّون
‏ولحدٍ عن قلوب الأوادم تنبأ
‏
‏مهما الليالي تستر اللي يخبّون
‏تبدي لك الأيـام شيٍء مخبأ .

‏غدا في مسيري صوبهم للقدم ممشاه
‏أدوس الوعر كنّي على ناعم الزلي

‏كلام العرب عندي سماجٍ وقِل إحلاه
‏وهرج الحبيّب مطربٍ له ومختلي .

عساك في الجنه ياصوتٍ فقدت حكاه
وياوجهٍ ماغابت ملامحه عن بالي .

ماينحسب عمر الأبن آدم بالأعوام
بعض السنين نعيش فيها ليالي

وجه التشابه بين قلبك والأيام
القلب خالي والليالي خواااااالي

‏لاحقٍ حالي من غيابك خطوره
‏مايشاليها التسلي والتجول

‏ااءه من ظلم البعاد وحر جوره
‏واءءءه ياااقلبٍ من الافراح جول

‏والفرح معاد غنت لي طيوره
‏والحزن كنه عصدري مخول

‏الفراق اثر عالنفس الجسوره
‏والهواوي كل يوم اردى من اول

‏غيير ليت اللي قدر يكتم شعوره
‏م عجز يمنع دموعه لاتحول

‏عليه المشاعر والأحاسيس عوج رقاب
‏لو اني مقفي هاجس الشوق ينظر له

كل حزن بهالمكان وله مواري
‏كل جرح بهالخفوق وله قضية

‏وانكساري بعض الأحيان انكساري
‏احتجاجات وهزائم وحروب طائفية

‏لا تشوف اللي تحت عيني سماري
‏ذي جداول دمعة العين الشقية

‏الحزن في مثل هالوقت اضطراري
‏والبكاء في مثل هالوقت اولوية

بنيت وصادف المبنى هدم
‏وعذب الماء القراح اصبح هماج‏
كذب واشي ونمامٍ يذم
‏ ولا به من سبب غير المزاج
‏ انا عندي على الدنيا عزم
‏ ولا لي عند ذولاك احتياج

عرفت أن الدواير مـا تدور إلا على الظلّام
‏غصون الظلم ما يجني ثمرها غير غارسها

‏وعرفت أن النقي لا أستغفلوه الناس ماينلام
‏ما يفهم في حيالات الضعوف إلا ممارسها

"يا مل قلبٍ من غرابيل الليالي ما استراح
‏تلزه الأيام وأبطى من عناه يلزها

‏الحظ يبرك ويحبي والناس أكافحها كفاح
‏على مواريد الحياة تدزني وادزها"

مناقع الما مرايات الطيور الصغار
الله جعل من رحيق الغيم معكوسها

‏الطيب والحب و رذاذ المطر و الوقار
‏اشياء ماتشتريها الناس بفلوسها

تسمرتّ في لحظة عبورك مكاني لين
‏ثياب الحسافة غيمة الوجد بلّتها

‏يدينك على جرف النهاية تشيل يْدين
‏تداعت لها من قل حيله وهدّتها