Channel: القصيده الكامله
اليشتل حسين بضميره الماي كلش ما يهمه
وين ما تعطش الثوره يفيض دمه
و وين ما يصحى الشرار تشوف رسمه..
اليشتل حسين بضميره يعيش حر
لـَوّن شاف البرد ضالم يشتعل گبل الجمر
وانتَ يـ أمورث الليل لهسه بعدڪ مشتعل شمعه غريبة
سافرت ماي لسواجيهم الصبخه وطشروڪ
ولمتڪ غيرة گصيبـه
طيح يا مسلم يـَ گمره
الطاح شامخ يلگه فردوسه جريبـه
ولو طيحاتڪ اسرار ...
وشوفهم ما عزب لملگاڪ بير
ولو كل الدنية ضدڪ وانتَ بس مرسال وياڪ وضمير
و (وين) مشتولـه اعله شفتينڪ عطش.!
ماكو ناس بلون نيتڪ
هندس تفيض الولاية
شچم نهر بوجوهم ما حفظ مايـه..؟
وتلتفت كلشي رخيص...
ونثية ما تشبه گصصهم....
فرعت شباچها بوجهڪ مضيف..!
وفرزنت شوفڪ عبايـه
ما رضت يكبر ضماڪ..
ولا رضت تعتاز عين..
اتعذرتلڪ ( والله ما يستاهلونڪ )
ذبحوا الملگه اوي جيتڪ ...
چي قروا وجهڪ رساله من الحسين
و صلوا الشڪ اعله دربڪ
چي صدح صوتك يقيـن..!
يا سفير الماي غيَـم..
باچر امن اتطيح يتشيم الطـين..!
،
،
جواد زغير ...
@alshar_alsahih
وين ما تعطش الثوره يفيض دمه
و وين ما يصحى الشرار تشوف رسمه..
اليشتل حسين بضميره يعيش حر
لـَوّن شاف البرد ضالم يشتعل گبل الجمر
وانتَ يـ أمورث الليل لهسه بعدڪ مشتعل شمعه غريبة
سافرت ماي لسواجيهم الصبخه وطشروڪ
ولمتڪ غيرة گصيبـه
طيح يا مسلم يـَ گمره
الطاح شامخ يلگه فردوسه جريبـه
ولو طيحاتڪ اسرار ...
وشوفهم ما عزب لملگاڪ بير
ولو كل الدنية ضدڪ وانتَ بس مرسال وياڪ وضمير
و (وين) مشتولـه اعله شفتينڪ عطش.!
ماكو ناس بلون نيتڪ
هندس تفيض الولاية
شچم نهر بوجوهم ما حفظ مايـه..؟
وتلتفت كلشي رخيص...
ونثية ما تشبه گصصهم....
فرعت شباچها بوجهڪ مضيف..!
وفرزنت شوفڪ عبايـه
ما رضت يكبر ضماڪ..
ولا رضت تعتاز عين..
اتعذرتلڪ ( والله ما يستاهلونڪ )
ذبحوا الملگه اوي جيتڪ ...
چي قروا وجهڪ رساله من الحسين
و صلوا الشڪ اعله دربڪ
چي صدح صوتك يقيـن..!
يا سفير الماي غيَـم..
باچر امن اتطيح يتشيم الطـين..!
،
،
جواد زغير ...
@alshar_alsahih
بلايه شفه
الموت صاح
بشر عيونك يـ نايم
اليريد
أيعيش باجر
يركب بـ ريل العمايم
اگعد ..
اگعد ..
صار شوك التربه باهت
والجوامع فاهيه بـ عين السكاره
وخوفي ..
لا يرخص الدين
وربكم أيصبح خساره
بـ يا حلم
ضيعت عينك
بـ يا بخت
جرحك تنينك
خذو من گلبك گصيبه
وقشمروك بــ حاسبينك
وهمه ؟؟
بيمن حاسبينك
حاسبينك ..
لـ الضحك للـبيع للچلمه الرخيصه
يابساتين البنفسج عين روحك
الك ثلـثين بمطرهم ليش يابس
فنك ..
تكض الشمس
وتگودها الباب الحرامي
اگعد ..
اگعد ..
ديرم أشفاف الصريفه
وشيلها بواهس مضيف
واسگف ..
العوز بـ عباته
الـ صدك نادر
يفزع گلاده الخواته
أمس جان
الغيم خير
أيبدي روحه
وين ما عد الله حب
ومايعطله دعاء
الگاع من فكت صدرها
مطرت الدنيه عصافير وشلب
اي يـ شيال الطواري
أشتري النعشك أمتون
ولبس !
أسنين النشامه
الترست الـ عفيه هلاهل ..
كل عشگ تكبر بعينه
لو متت فوك الرسايل ..
ناصر البدري
@alshar_alsahih
الموت صاح
بشر عيونك يـ نايم
اليريد
أيعيش باجر
يركب بـ ريل العمايم
اگعد ..
اگعد ..
صار شوك التربه باهت
والجوامع فاهيه بـ عين السكاره
وخوفي ..
لا يرخص الدين
وربكم أيصبح خساره
بـ يا حلم
ضيعت عينك
بـ يا بخت
جرحك تنينك
خذو من گلبك گصيبه
وقشمروك بــ حاسبينك
وهمه ؟؟
بيمن حاسبينك
حاسبينك ..
لـ الضحك للـبيع للچلمه الرخيصه
يابساتين البنفسج عين روحك
الك ثلـثين بمطرهم ليش يابس
فنك ..
تكض الشمس
وتگودها الباب الحرامي
اگعد ..
اگعد ..
ديرم أشفاف الصريفه
وشيلها بواهس مضيف
واسگف ..
العوز بـ عباته
الـ صدك نادر
يفزع گلاده الخواته
أمس جان
الغيم خير
أيبدي روحه
وين ما عد الله حب
ومايعطله دعاء
الگاع من فكت صدرها
مطرت الدنيه عصافير وشلب
اي يـ شيال الطواري
أشتري النعشك أمتون
ولبس !
أسنين النشامه
الترست الـ عفيه هلاهل ..
كل عشگ تكبر بعينه
لو متت فوك الرسايل ..
ناصر البدري
@alshar_alsahih
الثورة من تبدي گصيبة
وتنضفر للوطن , للچف النظيف
لديرة سمرة..
الثورة من تبدي قصيدة
وفكر شعبي
الما تلمّ الناس ماتسّمّه ثورة...
وطولك اليندل مشاوير الملح والماي
وعيون الشمس
كلما يطيح تغنّي فوگ ترابه شجرة...
انت يازفة عشگ ليلة مطر
صلّت عليها گلوب خضره..
گلبك يجيس الفلِح والگاع
وتهلهل بيادر
ترگص الحنطة وطن والديرة خير...
صوتك يعلّمني
احب گاعي وهويتي
واضحك بوجه الهوى شماغنّى طير..
چنْت الم دمعي اعلى مودك
يم جرف عاشور ابدّي
واشتعلّك شمعة شمعة...
هسه چم عاشوريندل
خلّص دموعي وكسرني
الليلة مابيّاش دمعة...
الليلة بس آنه
وضريحك والبخور
وعلگ بالشباچ من عاشگ علامة...
الليلة اشد راسي بحضرتك
ياندى يالون
ياطلعة فجر يتنفّس الدنيا ابتسامة....
للعشگ مشتولة روحك
طينتك طينة صريفة و نيّتك نيّة حمامة...
أكبر من الدمعة صوتك
وأبعد من الشعر ماضيّه وجديده....
انت بس عبد الله عندك يشتل الصحره براءة
و يسگي تاريخ العطش ماي وقصيدة...
غروبهم مابدّه شمسك
ذيچ شمسك طافحة بچبد السمه....
وذاك شوفك
يمتد لآخر مدينة
يسيّر اعليها العمه ...
وهذا صوتك يغزل السچة البعيدة
ويندل المهرة الجموح...
واحنا شبّينه اعلى مودك
عِشرة صرنا ويه الرماح
وغزّرت بينه الجروح ...
شكثر متنه
شكثر فوگ صدورنا داست حوافر
وانت تشهگنه اعلى كيفك
نسمة نسمة ...
تريدنه نضوّي الوطن
من تكبر جبال الظلام
ونشتعل بالثورة نجمة.....
الليلة من يطفه الگمر
چم نجمة تطفه ؟!..
وچم نهر بالديرة ينسد؟..
وباچربوجه العطش چم وردة توگف!
باچرالغيم ايتدلّه
وچم علگ للثورة ينشد!..
خاطر يطش الخضار ويه المطر
ويطير دخان الحرب
واللون الاسود....
خاطر يبردن عليك گلوب اهلنا
وگلب خيمة زينب المحروگ يبرد
گلب خيمة زينب المحروگ يبرد
ميثاق الهلالي
@alshar_alsahih
وتنضفر للوطن , للچف النظيف
لديرة سمرة..
الثورة من تبدي قصيدة
وفكر شعبي
الما تلمّ الناس ماتسّمّه ثورة...
وطولك اليندل مشاوير الملح والماي
وعيون الشمس
كلما يطيح تغنّي فوگ ترابه شجرة...
انت يازفة عشگ ليلة مطر
صلّت عليها گلوب خضره..
گلبك يجيس الفلِح والگاع
وتهلهل بيادر
ترگص الحنطة وطن والديرة خير...
صوتك يعلّمني
احب گاعي وهويتي
واضحك بوجه الهوى شماغنّى طير..
چنْت الم دمعي اعلى مودك
يم جرف عاشور ابدّي
واشتعلّك شمعة شمعة...
هسه چم عاشوريندل
خلّص دموعي وكسرني
الليلة مابيّاش دمعة...
الليلة بس آنه
وضريحك والبخور
وعلگ بالشباچ من عاشگ علامة...
الليلة اشد راسي بحضرتك
ياندى يالون
ياطلعة فجر يتنفّس الدنيا ابتسامة....
للعشگ مشتولة روحك
طينتك طينة صريفة و نيّتك نيّة حمامة...
أكبر من الدمعة صوتك
وأبعد من الشعر ماضيّه وجديده....
انت بس عبد الله عندك يشتل الصحره براءة
و يسگي تاريخ العطش ماي وقصيدة...
غروبهم مابدّه شمسك
ذيچ شمسك طافحة بچبد السمه....
وذاك شوفك
يمتد لآخر مدينة
يسيّر اعليها العمه ...
وهذا صوتك يغزل السچة البعيدة
ويندل المهرة الجموح...
واحنا شبّينه اعلى مودك
عِشرة صرنا ويه الرماح
وغزّرت بينه الجروح ...
شكثر متنه
شكثر فوگ صدورنا داست حوافر
وانت تشهگنه اعلى كيفك
نسمة نسمة ...
تريدنه نضوّي الوطن
من تكبر جبال الظلام
ونشتعل بالثورة نجمة.....
الليلة من يطفه الگمر
چم نجمة تطفه ؟!..
وچم نهر بالديرة ينسد؟..
وباچربوجه العطش چم وردة توگف!
باچرالغيم ايتدلّه
وچم علگ للثورة ينشد!..
خاطر يطش الخضار ويه المطر
ويطير دخان الحرب
واللون الاسود....
خاطر يبردن عليك گلوب اهلنا
وگلب خيمة زينب المحروگ يبرد
گلب خيمة زينب المحروگ يبرد
ميثاق الهلالي
@alshar_alsahih
شماخذه الايام منك
انته بــس ¡
و انته يمك
وعمرك الگاضي عمر
ماكلهٓ اسنينك الساعه وما وعيت طاحن الايام من اجیوب عمرك
وانته لاهي وما دريت
الدمعة اذا طاحت عمر
اللحظة اذا فاتت عمر
متاني وادم ماتعرفك هذا ألـ متاني عمر
گلب بـ اوراق عمرك
ناس راحــوا
ناس اجــوا
ناس رايدهم يظلون ومشوا
اكو ناس تعوفهم ترتاح منهم
ناس ظلتهم حمل
واكو ناس طيوفهم
تگعد بـ راسك مثل خرخاشة بحجل
دربك اتعداك وانت
انت مشتول بدرب وادم نسوك
سلعة عازتها انتهت
العمر طاسة ماي وبرملة انچفت ¡
الدنيا ردتلك احلامك صم رماد
وباگها الريح من اديك
ديرتك فرشت جنحها الناس غربه
وانته ابنها وما كسر فيها عليك
شگد چبيرة مرايتك
من ما تعرفك
شگد چبيرة بـ ديرتك
ماتلگه حايط ينتچي تعبك عليه
#سيد_سعيد_الشريفي
@alshar_alsahih
انته بــس ¡
و انته يمك
وعمرك الگاضي عمر
ماكلهٓ اسنينك الساعه وما وعيت طاحن الايام من اجیوب عمرك
وانته لاهي وما دريت
الدمعة اذا طاحت عمر
اللحظة اذا فاتت عمر
متاني وادم ماتعرفك هذا ألـ متاني عمر
گلب بـ اوراق عمرك
ناس راحــوا
ناس اجــوا
ناس رايدهم يظلون ومشوا
اكو ناس تعوفهم ترتاح منهم
ناس ظلتهم حمل
واكو ناس طيوفهم
تگعد بـ راسك مثل خرخاشة بحجل
دربك اتعداك وانت
انت مشتول بدرب وادم نسوك
سلعة عازتها انتهت
العمر طاسة ماي وبرملة انچفت ¡
الدنيا ردتلك احلامك صم رماد
وباگها الريح من اديك
ديرتك فرشت جنحها الناس غربه
وانته ابنها وما كسر فيها عليك
شگد چبيرة مرايتك
من ما تعرفك
شگد چبيرة بـ ديرتك
ماتلگه حايط ينتچي تعبك عليه
#سيد_سعيد_الشريفي
@alshar_alsahih
ياحزن غني وجيس الصواب
تانيـتهم حد ماغفه الباب
من ياعشيره عشك التراب
زفيـتهم شاب بظهر شاب
القمصان عندي البير جذاب •
.
.
ياحزن غني وگود الضنون
شيخيط صواب اليموتون
بكاس الرسايل دير العيون
وبراضـه گلهم وين يردون
الـوجه السهر مايـنفع نگاب •
.
.
صبح صباحي بلا زرازيـر
چم دوب أحشم بــ التصاوير
صاير مثل حال التـنانـير
محروگ كلبي بحجة الخير
وتدري الحنين يلچمه العتاب •
.
.
ياحزن بسك غمض ونام
عمر المطر ماخرمش الجام
لا ترسم اعله مرايتي الـثام
تغث اليفارگ چلمة حزام
ونـوبات تلگه بگلبه عطاب •
.
.
ياحزن ربعي التعگر الشور
لا ردو ولا الـــهم اگبـور
مستور خل الحچي مستور
بـيتي أنهب والباگـه ناطور
والهاظـمتني صار طـلاب •
.
.
ياحزن مايـك كـظ بــ الرياگ
وشفت الجناسي أمطفحه بـ الراگ
أعزاز بيـها وبيـها عشـاگ
وبيـها الوفي من السور للـساگ
وبيـها النشامـه الچنـها محراب •
.
.
لا حمد شفتـه وَلا أگـهوته
سكته الشمع يحترگ سكته
هوه انـه شنهي الماجرعتـه
أمنـهد الجفوني الضحك عفته
ولـهوگ عيوني ضيم الغياب •
.
.
كون الكلب لو مره ينشاف
جا بسطت بــ الـگالو خفاف
ارد ستغيث شيوخ السلاف
ليش الحنين بساع ينعاف
دولاب ثاري الدنيه دولاب •
.
.
اي من عساها بـرگبة البين
باچي لحد مابين الطين
بـغربة صورهم تايـها العين
والموت حط گـوره ويـ الحباب •
ناصر البدري
@alshar_alsahih
تانيـتهم حد ماغفه الباب
من ياعشيره عشك التراب
زفيـتهم شاب بظهر شاب
القمصان عندي البير جذاب •
.
.
ياحزن غني وگود الضنون
شيخيط صواب اليموتون
بكاس الرسايل دير العيون
وبراضـه گلهم وين يردون
الـوجه السهر مايـنفع نگاب •
.
.
صبح صباحي بلا زرازيـر
چم دوب أحشم بــ التصاوير
صاير مثل حال التـنانـير
محروگ كلبي بحجة الخير
وتدري الحنين يلچمه العتاب •
.
.
ياحزن بسك غمض ونام
عمر المطر ماخرمش الجام
لا ترسم اعله مرايتي الـثام
تغث اليفارگ چلمة حزام
ونـوبات تلگه بگلبه عطاب •
.
.
ياحزن ربعي التعگر الشور
لا ردو ولا الـــهم اگبـور
مستور خل الحچي مستور
بـيتي أنهب والباگـه ناطور
والهاظـمتني صار طـلاب •
.
.
ياحزن مايـك كـظ بــ الرياگ
وشفت الجناسي أمطفحه بـ الراگ
أعزاز بيـها وبيـها عشـاگ
وبيـها الوفي من السور للـساگ
وبيـها النشامـه الچنـها محراب •
.
.
لا حمد شفتـه وَلا أگـهوته
سكته الشمع يحترگ سكته
هوه انـه شنهي الماجرعتـه
أمنـهد الجفوني الضحك عفته
ولـهوگ عيوني ضيم الغياب •
.
.
كون الكلب لو مره ينشاف
جا بسطت بــ الـگالو خفاف
ارد ستغيث شيوخ السلاف
ليش الحنين بساع ينعاف
دولاب ثاري الدنيه دولاب •
.
.
اي من عساها بـرگبة البين
باچي لحد مابين الطين
بـغربة صورهم تايـها العين
والموت حط گـوره ويـ الحباب •
ناصر البدري
@alshar_alsahih
انتم وااااابداااع
المتألق هيثم مجيد
ﻛﺎﻓﻲ ﺍﻓﺮﺍﮒ ..
ﻣﺮﺑﻴﻪ ﮔﺤﻂ ﻳﻮﺳﻒ ﻛﻼﻧﻲ ﻭﺿﺎﮒ !!
ﻣﺮﺑﻴﻪ ﺍﻋﻠﻪ ﻭﺟﻪ ﺍﻟﺒﻴﺮ ﻃﺎﺣﺖ ﺑﻮﺳﺘﮏ ﻣﺸﺮﺍﮒ !!
ﺧﻠﻒ ﺍﻟﻠﻪ ﺍﻋﻠﻪ ﺟﺮﺡ ﺍﺟﻔﺎﮎ ... ﺫﺑﻞ ﻣﺸﺘﻬﺎﻱ ﺍﻟﻠﻴﻞ ﻭﻳﻨﮏ ﻳﺎﻫﻮﺍ ﺍﻟﻌﺸﺎﮒ!!
ﺍﮔﻮﻝ ﺍﻧﺴﺎﮎ ﻭﺩﺭﻳﺒﮏ ﺫﻧﺐ ﺁﺩﻡ .. ﻭﮔﻮﻡ ﺍﺗﻨﺎﻭﺷﮏ ﺗﻔﺎﺡ ﻣﻦ ﺍﺷﺘﺎﮒ !!
ﻛﺎﻓﻲ ﺍﻓﺮﺍﮒ،،
.. ﻳﻮﻟﻴﻔﻲ ﺣﺮﺍﻡ ﺍﻟﺮﻭﺡ ﻣﻦ ﻳﻐﻔﻪ ﺍﺑﺼﺪﺭﻫﻪ ﺍﻟﻐﻴﺾ !!
ﻳﻮﻟﻴﻔﻲ ﺍﻟﺪﻣﻮﻉ ﺍﺗﻤﻮﺕ ﻣﻦ ﺗﻌﺜﺮ ﺍﺑﺠﺪﻡ ﺍﻟﻔﻴﺾ !!
ﺍﻟﻤﻮ ﺿﺎﻳﮓ ﺍﺣﺮﻭﺭﺕ ﺷﻮﮒ ﻣﺎﻳﻔﻬﻢ ﺳﻤﺎﺭ ﺍﻟﻜﻴﺾ !!
ﻟﻴﻠﻴﻪ ﺣﻠﻢ ﺫﭼﺮﺍﻙ ﻳﺸﻤﺮﻧﻲ ﺍﻋﻠﻪ ﭼﻬﻔﺖ ﻣﻮﺕ !!
ﻳﻮﻣﻴﻪ ﺳﮕﻒ ﺭﻭﺣﻲ ﺍﻳﺘﮕﺸﻊ ﻣﻦ ﺿﺠﻴﺞ ﺍﻟﺼﻮﺕ !!
ﻣﺘﻦ ﺧﻠﮕﻲ ﺍﺷﻜﺜﺮ ﻣﺎﺷﺎﻝ ﺣﺼﺮﺍﺗﮏ ﻗﺪﻩ ﺍﻣﻬﺪﻝ!!
ﺣﻈﻦ ﺷﻔﺘﻲ ﺍﻧﺘﺮﺱ ﻧﺸﻘﺎﺕ .. ﻣﻦ ﻛﻞ ﻟﻮﻥ .. ﺑﺲ ﺑﻮﺳﺎﺗﻚ ﺍﻣﻌﺰﻝ !!
ﻋﺰﺭﺍﺋﻴﻞ ﻛﻞ ﺳﺎﻋﻪ ﻭﺧﺬﺍﻧﻲ ﺍﻭﻳﺎﻩ ﻭﻛﺴﺮ ﺧﺎﻃﺮﻩ ﻭﺍﻧﺰﻝ !!
ﻳﺎﺧﺬﻧﻲ ﺍﻟﺪﻣﻊ ﻟﻬﻮﺍﮎ ﻭﺑﭽﻴﻠﮏ ﺛﻠﺚ ﺷﺒﺨﺎﺕ !!!!!
ﻳﺎ ﺣﺼﺮﺓ ﺣﻠﻢ ﺩﻧﻴﺎﻱ ﻣﺎﻋﺮﺱ ﺍﺯﻏﻴﺮ ﻭﻣﺎﺕ !!
ﺟﺎﻳﺒﻠﮏ ﺷﻠﻴﻞ ﺍﺣﻀﺎﻥ ﻭﺗﻨﻄﺮ ﻗﻄﺎﺭﮎ ﻓﺎﺕ !!
ﺍﻧﻪ ﻭﻓﺮﻛﺎﮒ ﻣﺎﻧﺮﻫﻢ .. ﻫﻮﺍ ﻭﺑﺮﺑﻴﻦ !!
ﺍﻧﻪ ﺍﺳﻤﺎﻋﻴﻞ ﻭﻓﺮﺍﮔﻚ ﻗﺪﻩ ﺍﻟﺴﭽﻴﻦ !!
ﺍﻧﻪ ﺍﻭﻳﺎﻙ ﻣﺜﻞ ﺍﻟﮕﺎﻉ ﻫﺎﻱ ﺍﺳﻨﻴﻦ ﻣﻐﺼﻮﺑﻴﻦ!!
ﮐﺎﻓﯽ ﺍﻓﺮﺍﮒ !...
ﻣﺮﺑﻴﻪ ﺣﻠﻢ ﻋﺮﺳﺎﻥ ﻣﺎﺿﺎﻳﮓ ﺣﻼﻭﺓ ﻛﻴﻒ!!
ﻣﺮﺑﯿﻪ ﺍﻟﮕﺮﺍﺏ ﺍﻳﺸﻮﻁ ﻣﻦ ﺗﻤﺮﮒ ﺟﻨﺎﺯﺓ ﺳﻴﻒ !!
ﺗﻌﺎﻝ ﻭﻓﮏ ﺣﺰﻥ ﺷﻼﻝ ﺷﻌﺮﮎ ﻟﻴﻞ .. ﻭﺍﺷﻤﺮﻧﻲ ﺍﻋﻠﻪ ﻣﺘﻦ ﺍﻟﺮﺍﮒ !!
ﺗﻌﺎﻝ ﺍﺑﺮﻭﺣﻲ ﻻﻳﻜﻔﺮ ﻧﺒﻲ ﺍﻟﻔﺮﮔﻪ .. ﺗﺮﺍ ﺍﺳﺮﺍﻓﻴﻞ ﺧﻠﮕﻪ ﺍﻣﻨﻞ ﻣﮕﺎﺑﺮ
ﺿﺎﮒ ...
ﻛﺎﻓﻲ ﺍﻓﺮﺍﮒ .. ﻛﺎﻓﻲ ﺍﻓﺮﺍﮒ
ﻫﯿﺜـــﻢ ﻣﺠﯿــــﺪ
@alshar_alsahih
المتألق هيثم مجيد
ﻛﺎﻓﻲ ﺍﻓﺮﺍﮒ ..
ﻣﺮﺑﻴﻪ ﮔﺤﻂ ﻳﻮﺳﻒ ﻛﻼﻧﻲ ﻭﺿﺎﮒ !!
ﻣﺮﺑﻴﻪ ﺍﻋﻠﻪ ﻭﺟﻪ ﺍﻟﺒﻴﺮ ﻃﺎﺣﺖ ﺑﻮﺳﺘﮏ ﻣﺸﺮﺍﮒ !!
ﺧﻠﻒ ﺍﻟﻠﻪ ﺍﻋﻠﻪ ﺟﺮﺡ ﺍﺟﻔﺎﮎ ... ﺫﺑﻞ ﻣﺸﺘﻬﺎﻱ ﺍﻟﻠﻴﻞ ﻭﻳﻨﮏ ﻳﺎﻫﻮﺍ ﺍﻟﻌﺸﺎﮒ!!
ﺍﮔﻮﻝ ﺍﻧﺴﺎﮎ ﻭﺩﺭﻳﺒﮏ ﺫﻧﺐ ﺁﺩﻡ .. ﻭﮔﻮﻡ ﺍﺗﻨﺎﻭﺷﮏ ﺗﻔﺎﺡ ﻣﻦ ﺍﺷﺘﺎﮒ !!
ﻛﺎﻓﻲ ﺍﻓﺮﺍﮒ،،
.. ﻳﻮﻟﻴﻔﻲ ﺣﺮﺍﻡ ﺍﻟﺮﻭﺡ ﻣﻦ ﻳﻐﻔﻪ ﺍﺑﺼﺪﺭﻫﻪ ﺍﻟﻐﻴﺾ !!
ﻳﻮﻟﻴﻔﻲ ﺍﻟﺪﻣﻮﻉ ﺍﺗﻤﻮﺕ ﻣﻦ ﺗﻌﺜﺮ ﺍﺑﺠﺪﻡ ﺍﻟﻔﻴﺾ !!
ﺍﻟﻤﻮ ﺿﺎﻳﮓ ﺍﺣﺮﻭﺭﺕ ﺷﻮﮒ ﻣﺎﻳﻔﻬﻢ ﺳﻤﺎﺭ ﺍﻟﻜﻴﺾ !!
ﻟﻴﻠﻴﻪ ﺣﻠﻢ ﺫﭼﺮﺍﻙ ﻳﺸﻤﺮﻧﻲ ﺍﻋﻠﻪ ﭼﻬﻔﺖ ﻣﻮﺕ !!
ﻳﻮﻣﻴﻪ ﺳﮕﻒ ﺭﻭﺣﻲ ﺍﻳﺘﮕﺸﻊ ﻣﻦ ﺿﺠﻴﺞ ﺍﻟﺼﻮﺕ !!
ﻣﺘﻦ ﺧﻠﮕﻲ ﺍﺷﻜﺜﺮ ﻣﺎﺷﺎﻝ ﺣﺼﺮﺍﺗﮏ ﻗﺪﻩ ﺍﻣﻬﺪﻝ!!
ﺣﻈﻦ ﺷﻔﺘﻲ ﺍﻧﺘﺮﺱ ﻧﺸﻘﺎﺕ .. ﻣﻦ ﻛﻞ ﻟﻮﻥ .. ﺑﺲ ﺑﻮﺳﺎﺗﻚ ﺍﻣﻌﺰﻝ !!
ﻋﺰﺭﺍﺋﻴﻞ ﻛﻞ ﺳﺎﻋﻪ ﻭﺧﺬﺍﻧﻲ ﺍﻭﻳﺎﻩ ﻭﻛﺴﺮ ﺧﺎﻃﺮﻩ ﻭﺍﻧﺰﻝ !!
ﻳﺎﺧﺬﻧﻲ ﺍﻟﺪﻣﻊ ﻟﻬﻮﺍﮎ ﻭﺑﭽﻴﻠﮏ ﺛﻠﺚ ﺷﺒﺨﺎﺕ !!!!!
ﻳﺎ ﺣﺼﺮﺓ ﺣﻠﻢ ﺩﻧﻴﺎﻱ ﻣﺎﻋﺮﺱ ﺍﺯﻏﻴﺮ ﻭﻣﺎﺕ !!
ﺟﺎﻳﺒﻠﮏ ﺷﻠﻴﻞ ﺍﺣﻀﺎﻥ ﻭﺗﻨﻄﺮ ﻗﻄﺎﺭﮎ ﻓﺎﺕ !!
ﺍﻧﻪ ﻭﻓﺮﻛﺎﮒ ﻣﺎﻧﺮﻫﻢ .. ﻫﻮﺍ ﻭﺑﺮﺑﻴﻦ !!
ﺍﻧﻪ ﺍﺳﻤﺎﻋﻴﻞ ﻭﻓﺮﺍﮔﻚ ﻗﺪﻩ ﺍﻟﺴﭽﻴﻦ !!
ﺍﻧﻪ ﺍﻭﻳﺎﻙ ﻣﺜﻞ ﺍﻟﮕﺎﻉ ﻫﺎﻱ ﺍﺳﻨﻴﻦ ﻣﻐﺼﻮﺑﻴﻦ!!
ﮐﺎﻓﯽ ﺍﻓﺮﺍﮒ !...
ﻣﺮﺑﻴﻪ ﺣﻠﻢ ﻋﺮﺳﺎﻥ ﻣﺎﺿﺎﻳﮓ ﺣﻼﻭﺓ ﻛﻴﻒ!!
ﻣﺮﺑﯿﻪ ﺍﻟﮕﺮﺍﺏ ﺍﻳﺸﻮﻁ ﻣﻦ ﺗﻤﺮﮒ ﺟﻨﺎﺯﺓ ﺳﻴﻒ !!
ﺗﻌﺎﻝ ﻭﻓﮏ ﺣﺰﻥ ﺷﻼﻝ ﺷﻌﺮﮎ ﻟﻴﻞ .. ﻭﺍﺷﻤﺮﻧﻲ ﺍﻋﻠﻪ ﻣﺘﻦ ﺍﻟﺮﺍﮒ !!
ﺗﻌﺎﻝ ﺍﺑﺮﻭﺣﻲ ﻻﻳﻜﻔﺮ ﻧﺒﻲ ﺍﻟﻔﺮﮔﻪ .. ﺗﺮﺍ ﺍﺳﺮﺍﻓﻴﻞ ﺧﻠﮕﻪ ﺍﻣﻨﻞ ﻣﮕﺎﺑﺮ
ﺿﺎﮒ ...
ﻛﺎﻓﻲ ﺍﻓﺮﺍﮒ .. ﻛﺎﻓﻲ ﺍﻓﺮﺍﮒ
ﻫﯿﺜـــﻢ ﻣﺠﯿــــﺪ
@alshar_alsahih
بعت عمري ومدري عدمن
وآآآآآخ حسرتها اليتيمه من تكلها الناس بتمن
الثكَل بوجهي
بالملاكَة غشم
الغنة يم جرحي أعله شيب بعينة أبات
روحي خضره
وبيه حيل ابليس ومشامر صلاة
مارضيت بسالفه خي عونه كَلبك
وﻻحضيت بجلمه اشلونك واحبك
هيه هاي امراية العميه أديها
وماحجت يوم بكمر
ولاتعب ليل المحطة
ولاشبع مني السفر
وكون اعرف براس ابو الميت شكوو
وكون اعرف الصحره شنهي وتستلذ بيها البدو
وين تاخذ عيني نوم
الكاع ذبحتني تون
وخفت ﻻسويلي عمله وروحي اذبها باي حضن
حضوظ تكعد للجتفهم يهتز بوكت الركَص
ناس عطشانة كصصها وطبعي بالجلمات اغص
ماحسبتلها شجاني وعفت بطني امي واجيت
والله فشله....
والله فشله الضامها ابكلبي خذوها ومادريت
وين أذب الصوج شجص بيا نهر
وصعبة الوم بعيني لو جدمي عثر
هوايه ركضو
وآنا أحب أمشي عالكيف
مامدحت بروحي يوم وﻻ كلت خيالها
وﻻدنت نفسي عله جكليت العروس ولا خذت من حالها
#لــ شاعر حسين الحبتري
@alshar_alsahih
وآآآآآخ حسرتها اليتيمه من تكلها الناس بتمن
الثكَل بوجهي
بالملاكَة غشم
الغنة يم جرحي أعله شيب بعينة أبات
روحي خضره
وبيه حيل ابليس ومشامر صلاة
مارضيت بسالفه خي عونه كَلبك
وﻻحضيت بجلمه اشلونك واحبك
هيه هاي امراية العميه أديها
وماحجت يوم بكمر
ولاتعب ليل المحطة
ولاشبع مني السفر
وكون اعرف براس ابو الميت شكوو
وكون اعرف الصحره شنهي وتستلذ بيها البدو
وين تاخذ عيني نوم
الكاع ذبحتني تون
وخفت ﻻسويلي عمله وروحي اذبها باي حضن
حضوظ تكعد للجتفهم يهتز بوكت الركَص
ناس عطشانة كصصها وطبعي بالجلمات اغص
ماحسبتلها شجاني وعفت بطني امي واجيت
والله فشله....
والله فشله الضامها ابكلبي خذوها ومادريت
وين أذب الصوج شجص بيا نهر
وصعبة الوم بعيني لو جدمي عثر
هوايه ركضو
وآنا أحب أمشي عالكيف
مامدحت بروحي يوم وﻻ كلت خيالها
وﻻدنت نفسي عله جكليت العروس ولا خذت من حالها
#لــ شاعر حسين الحبتري
@alshar_alsahih
البريد
ليش طالبت بجفاهم
وليش من راحو ، بچيت
وليش من طمو سچچهم ، مارضيت
وليش من عشگو سمارك ضيعتهم
وليش من رادو دفو اضلوعك وطنهم ، تيهتهم
وليش من غيرك خذاهم ، دورتهم
وليش من جهرو محبتك ، ما ردتهم
صارحت ساعي البريد وگتله كلشي
گتله احبهم
وقربت ساعي البريد ، وبعدتهم
وانته تدري الرايدكً مو بالرسايل
ليش مو حنو لديك احلى الجدايل
ليش تعتز بغلطتك ليش تزعل وانته عايل
ااااخ
مو فاتوك ربعك
وانته لا ضميت اديك
ولا رضيت اتحني اصبعك
ليش صدكت بحجيهم وانه كتلك خالفه
وانته تدري السالفه المابيهه شاهد سالفه
ليش تهوه الذكرى ليش
ليش هسه تكلي احبهم
وبوكتهم من سألتك كتلي طيش
ليش ضيعت التريده
اشبيك تايه مدري وين
اشبيك شارد من قصيده وترجع اتطيح بقصيده
چيمو يم نارك وترفض حطبهم
وعطشت وانته اتعرف شط بدربهم
وعلى دربك فتحو ادروب السواجي
ورفضت تشرب عذبهم
ليش تزعل !
ليش تزعل من شفت غيرك شربهم
والتكتلك باب باب انفتحن ورافض تطب
ليش وي روحك حرب
ترسم العثره بطريقك وين ما صحلك درب
#طارق_الكريماوي
@alshar_alsahih
ليش طالبت بجفاهم
وليش من راحو ، بچيت
وليش من طمو سچچهم ، مارضيت
وليش من عشگو سمارك ضيعتهم
وليش من رادو دفو اضلوعك وطنهم ، تيهتهم
وليش من غيرك خذاهم ، دورتهم
وليش من جهرو محبتك ، ما ردتهم
صارحت ساعي البريد وگتله كلشي
گتله احبهم
وقربت ساعي البريد ، وبعدتهم
وانته تدري الرايدكً مو بالرسايل
ليش مو حنو لديك احلى الجدايل
ليش تعتز بغلطتك ليش تزعل وانته عايل
ااااخ
مو فاتوك ربعك
وانته لا ضميت اديك
ولا رضيت اتحني اصبعك
ليش صدكت بحجيهم وانه كتلك خالفه
وانته تدري السالفه المابيهه شاهد سالفه
ليش تهوه الذكرى ليش
ليش هسه تكلي احبهم
وبوكتهم من سألتك كتلي طيش
ليش ضيعت التريده
اشبيك تايه مدري وين
اشبيك شارد من قصيده وترجع اتطيح بقصيده
چيمو يم نارك وترفض حطبهم
وعطشت وانته اتعرف شط بدربهم
وعلى دربك فتحو ادروب السواجي
ورفضت تشرب عذبهم
ليش تزعل !
ليش تزعل من شفت غيرك شربهم
والتكتلك باب باب انفتحن ورافض تطب
ليش وي روحك حرب
ترسم العثره بطريقك وين ما صحلك درب
#طارق_الكريماوي
@alshar_alsahih
و له کذلک قصیدة مثل اول مثل اول:
مثل أول مثل أول
احب أیامنه الراحت ترد ترجع
مِثل أول مِثل أول
احب بیتی صَخَر لو طین احبه امطَرّز ابچَندل
مِثل أول مِثل أول
احب ایامنه الراحت ترد وایامی هذی اتزول
احب اتشابگ اویلکوخ کوخ الامل طول بطول
احب أتوسد الحِلفه وانام ودوشگی العاگول
تحت فی الگصب والبردی والچولان دایر حول
احب امضیفنه المفروش ،حصران ونمِد وبلول
احب چانونه الیلهث جمر والحطَب یمه اتلول
احب اتنشّگ ابدخان ،ذاک اسراینه المشعول
احب دیواننا اللیل ونهار،الکل وجه محلول
احب اتصنّت الدگات هاونّه الیرّن شیگول
احب المَرفعَه وذیچ الحبوب وضحچة الکشکول
احب أهلِی النشامه البلحصاد، تگوم کلهه اتیول
احب احزام ابوی الچان من خوص النخل مفتول
احب رحاتنه وخبز الشعیر الکل وکت مبذول
احب یاونّه والمهباش والگوسانی والمَنجَل
والناعور والیاییم والمشحوف والتنبل
مثل أول مثل أول
احب دیرة هلی ام الخیر، احب اربوعنه الخضرة
احب شطنه وسواجینه احب موجاته السمرة
سواجینه الغطاها الزود، زود الضیم والحسرة
وشطنه إلطمته إهموم السنین ودثرت صدره
احب اشکال ابوی الچان باسم کل وکت ثغره
احب سالوفة اللگاح احب غناوة السهرة
ورفیف البردی وضحچة إعثوگ النخل للگمره
احب ارجع وأشم اتراب آرضنه الچل مسچ عطره
واروح اشبگهن ابفروند الامل والعشگ والعشره
وگل إلهن ینخلاتی الشتلتن بالگلب جمره
انا ردیت لا تبچن بعد مو خلصت الهجرة
وارید أغسل بدمعاتی عقیق ادموعچ الصفره
وإجاچ المای یتهاده او خوصچ بعد لا یذبل
خل تترادف السعفات خل الگلب یتدلل
مثل أول مثل أول
الراحل شیخ ابراهیم الدیراوی
@alshar_alsahih
مثل أول مثل أول
احب أیامنه الراحت ترد ترجع
مِثل أول مِثل أول
احب بیتی صَخَر لو طین احبه امطَرّز ابچَندل
مِثل أول مِثل أول
احب ایامنه الراحت ترد وایامی هذی اتزول
احب اتشابگ اویلکوخ کوخ الامل طول بطول
احب أتوسد الحِلفه وانام ودوشگی العاگول
تحت فی الگصب والبردی والچولان دایر حول
احب امضیفنه المفروش ،حصران ونمِد وبلول
احب چانونه الیلهث جمر والحطَب یمه اتلول
احب اتنشّگ ابدخان ،ذاک اسراینه المشعول
احب دیواننا اللیل ونهار،الکل وجه محلول
احب اتصنّت الدگات هاونّه الیرّن شیگول
احب المَرفعَه وذیچ الحبوب وضحچة الکشکول
احب أهلِی النشامه البلحصاد، تگوم کلهه اتیول
احب احزام ابوی الچان من خوص النخل مفتول
احب رحاتنه وخبز الشعیر الکل وکت مبذول
احب یاونّه والمهباش والگوسانی والمَنجَل
والناعور والیاییم والمشحوف والتنبل
مثل أول مثل أول
احب دیرة هلی ام الخیر، احب اربوعنه الخضرة
احب شطنه وسواجینه احب موجاته السمرة
سواجینه الغطاها الزود، زود الضیم والحسرة
وشطنه إلطمته إهموم السنین ودثرت صدره
احب اشکال ابوی الچان باسم کل وکت ثغره
احب سالوفة اللگاح احب غناوة السهرة
ورفیف البردی وضحچة إعثوگ النخل للگمره
احب ارجع وأشم اتراب آرضنه الچل مسچ عطره
واروح اشبگهن ابفروند الامل والعشگ والعشره
وگل إلهن ینخلاتی الشتلتن بالگلب جمره
انا ردیت لا تبچن بعد مو خلصت الهجرة
وارید أغسل بدمعاتی عقیق ادموعچ الصفره
وإجاچ المای یتهاده او خوصچ بعد لا یذبل
خل تترادف السعفات خل الگلب یتدلل
مثل أول مثل أول
الراحل شیخ ابراهیم الدیراوی
@alshar_alsahih
مشتاگلچ گد الهوة
يخنگني كلساع الصبر وهديلچ انه الريه
يـ بنيه گلبي المنشتل
ولهان ينبض بس الچ ولعله مدري اشبيه
مشتاگ لدروبچ وحن
وسهر على عيونچ گمر مو ليله لا يوميه
مشتاقلچ
گطره نده و فوگ الورد مشتاگلچ
مريني عله بلا دوه
مرينه گمره بلا ضوه
مريني نسمه بلا هوة
الموت والفرگه سوه
چكليت طشاني الوكت و عيوني فضحن بيه
مو دمعه لجلچ من اهل
ناذرلچ ايام العمر من الصفر للميه
لو مره صادفنه الدرب
اركض ركض كلش كلف وبگلبي بس النيه
اشبگ وبوس وابتسم
مشتاگ لعيونچ صدك ياام شفه الورديه
يمته اشوفج ونسعد
يـ بنيه كل حالي تعب و چماله مامش جيه
اعيوني مابيهن نضر
من شفتج اخر ما شفت و لهسه بس وهميه
يـ بنيه شوگي المو سهل
كل لحضه يوليني القهر صوتچ عزف بدويه
ما اريد مرسال وحجي
رايد تجين واشتكي من الفركه يا عربيه
تعبان حيل من البعد
بلكت يصبرني العشگ وصبر عليچ اشويه
مشتاگلچ يـ بنيه
ل #احمد_رسن
@alshar_alsahih
يخنگني كلساع الصبر وهديلچ انه الريه
يـ بنيه گلبي المنشتل
ولهان ينبض بس الچ ولعله مدري اشبيه
مشتاگ لدروبچ وحن
وسهر على عيونچ گمر مو ليله لا يوميه
مشتاقلچ
گطره نده و فوگ الورد مشتاگلچ
مريني عله بلا دوه
مرينه گمره بلا ضوه
مريني نسمه بلا هوة
الموت والفرگه سوه
چكليت طشاني الوكت و عيوني فضحن بيه
مو دمعه لجلچ من اهل
ناذرلچ ايام العمر من الصفر للميه
لو مره صادفنه الدرب
اركض ركض كلش كلف وبگلبي بس النيه
اشبگ وبوس وابتسم
مشتاگ لعيونچ صدك ياام شفه الورديه
يمته اشوفج ونسعد
يـ بنيه كل حالي تعب و چماله مامش جيه
اعيوني مابيهن نضر
من شفتج اخر ما شفت و لهسه بس وهميه
يـ بنيه شوگي المو سهل
كل لحضه يوليني القهر صوتچ عزف بدويه
ما اريد مرسال وحجي
رايد تجين واشتكي من الفركه يا عربيه
تعبان حيل من البعد
بلكت يصبرني العشگ وصبر عليچ اشويه
مشتاگلچ يـ بنيه
ل #احمد_رسن
@alshar_alsahih
لا تعاود ..
اچفوفهم
حرگت اسنينك
والسمه مغيمة كواغد .. لا تعاود
دنو الموت الرگبتك
وانته ذاك
اليم رگبهم
تغزل وتمطر گلايد .. لا تعاود
جرحك !!
أولاية غميجه
والندم ماكل قسمتك
واسمك بكل شفة جامد .. لاتعاود
ابالمن ..
تنشاف دهله ابالمن
ابالمن ..
تخطف عيونك
خطفت الريح اعله گذله ابالمن
كافي بسك ..
حزنك تعده گذلتك
وجفك !!
بكثر المتانه
ناسي اصابيعه بصفنتك
لاضگت ..
ضحكة احبيبه
ولا ضحك وياك وكتك ..
- ناصر البدري
@alshar_alsahih
اچفوفهم
حرگت اسنينك
والسمه مغيمة كواغد .. لا تعاود
دنو الموت الرگبتك
وانته ذاك
اليم رگبهم
تغزل وتمطر گلايد .. لا تعاود
جرحك !!
أولاية غميجه
والندم ماكل قسمتك
واسمك بكل شفة جامد .. لاتعاود
ابالمن ..
تنشاف دهله ابالمن
ابالمن ..
تخطف عيونك
خطفت الريح اعله گذله ابالمن
كافي بسك ..
حزنك تعده گذلتك
وجفك !!
بكثر المتانه
ناسي اصابيعه بصفنتك
لاضگت ..
ضحكة احبيبه
ولا ضحك وياك وكتك ..
- ناصر البدري
@alshar_alsahih
عنوان القصیده:
/سبحه و کاس/
غني یأذّن..
و منایر تخزر الفقره..
ضریر بضکّةالشارع توهّن محّد یعبره..
جزه المافارگ الجامع..
جزه ذاک السبحته تخط ورا ویگول عمره اغنیّه ماسامع..
أشِب والناس دم بارد..
إهي دگمة قميص ابليس, شذرة محبس الساجد..
يارب و الماخذ اعيونه الهذاك الصوب شیعبره..
یارب ربعک تبرّو لیش، والسکران دگ صدره..
الرَحَم وینه..؟
گعد یغسل بدم سچین یاخاین..؟!
السِتِر وینه..؟
علی یافاجره مسیّر حِلم نفنوف..؟!
یارب صارت چبیره اللّیش..
جبتنه من العدم للطیش، صم طین و غریزة خوف..
و امس لمّن هجینه الگید، اجه یشهد علینه الطوف..
و خضار افّیشهم غّنّه، لحد ما طغت بینه الأوف..
لحد يمته..
مناجلهم تهدد راحة السنبل..
لحديمته..
بخار الشط يلگّح غیمنه و ینباگ و احنه انعرف بایگنه..
لحدیمته..
تواسیل الگصص بالخبزه یهظمنه..
هذول احنه ..
انذبحنه و ذوّب السچین، دم انحورنه الفایر..
گطعو روس ماگالو شیگطع نطفة الثاير..
هذول احنه، وشم و بگصّة التاريخ ياهو الگدر ینکرنه..
احنه صیار های الگاع ، هُمّ شجابهم یمنه..
السِمَه ردّت شکاوینه و خذانه الهَمّ..
الارض حِلمَه و طمع رضعان حتّه احتصر بیهه الدمّ..
لا لیل الیطابجنه و یعثّر ذاک الملثّم..
ولاغبشه التجی اتلفنه حلم موزین من نحلم..
وطن و الیوجعنّه شگد..!
وطن وجروحه لاتشفه و لاتنشد..!
وطن بی شفنه راعی الکاس یضحک علی' البالمعبد .
#عارف_الحزباوي
@alshar_alsahih
/سبحه و کاس/
غني یأذّن..
و منایر تخزر الفقره..
ضریر بضکّةالشارع توهّن محّد یعبره..
جزه المافارگ الجامع..
جزه ذاک السبحته تخط ورا ویگول عمره اغنیّه ماسامع..
أشِب والناس دم بارد..
إهي دگمة قميص ابليس, شذرة محبس الساجد..
يارب و الماخذ اعيونه الهذاك الصوب شیعبره..
یارب ربعک تبرّو لیش، والسکران دگ صدره..
الرَحَم وینه..؟
گعد یغسل بدم سچین یاخاین..؟!
السِتِر وینه..؟
علی یافاجره مسیّر حِلم نفنوف..؟!
یارب صارت چبیره اللّیش..
جبتنه من العدم للطیش، صم طین و غریزة خوف..
و امس لمّن هجینه الگید، اجه یشهد علینه الطوف..
و خضار افّیشهم غّنّه، لحد ما طغت بینه الأوف..
لحد يمته..
مناجلهم تهدد راحة السنبل..
لحديمته..
بخار الشط يلگّح غیمنه و ینباگ و احنه انعرف بایگنه..
لحدیمته..
تواسیل الگصص بالخبزه یهظمنه..
هذول احنه ..
انذبحنه و ذوّب السچین، دم انحورنه الفایر..
گطعو روس ماگالو شیگطع نطفة الثاير..
هذول احنه، وشم و بگصّة التاريخ ياهو الگدر ینکرنه..
احنه صیار های الگاع ، هُمّ شجابهم یمنه..
السِمَه ردّت شکاوینه و خذانه الهَمّ..
الارض حِلمَه و طمع رضعان حتّه احتصر بیهه الدمّ..
لا لیل الیطابجنه و یعثّر ذاک الملثّم..
ولاغبشه التجی اتلفنه حلم موزین من نحلم..
وطن و الیوجعنّه شگد..!
وطن وجروحه لاتشفه و لاتنشد..!
وطن بی شفنه راعی الکاس یضحک علی' البالمعبد .
#عارف_الحزباوي
@alshar_alsahih
يا بخت جنحة اليذبه الريح يمك!
كون أشوفك ..
كون ويّ فجر السوالف تغبش عيوني عليك
اتشيل خطوة شوفها وتنكلها يمك
وديّ اشوفك ..
ودي أطيرن محترك واطفة عتب حار اعله دمك..
بلجن اباجي الطفو غيرة دفو وتذوب رسوم الشتة الصك اعله دمك !
ودي اغافل ليلهم و أبحر واذب كَلبي بشريعة
ودي ابوكن جسمي وابعد
وديّ افك باب السنين السودة واشرد
وديّ لاجن شدو برجلي جرس يشهد علية
وبس اشيلن خطوتي الحراس تكعد!
بس اشيلن خطوتي ايردهة الكزاز ..اعيونهم صارت كزاز
ابكل جفن يندله حلمك!
ظفروا رموشي حبل وتنطروا جية ظلام ..وصلبوا اعله عيوني حلمك!
وانت يا المجروح خاف احجي والجمك ..
لو تطاوعني الجروح تصير غيمة
وحتى اراويك شكثر ينزل مطر بالكاع دمك
فاهية الدنيا
طفت لذة طعمها
ولبست انكاب اعلة نجمك ..
كون يمــــــــــــــــــــــــك !
للمبدع الكبير الجبل كاظم اسماعيل الكاطع
@alshar_alsahih
كون أشوفك ..
كون ويّ فجر السوالف تغبش عيوني عليك
اتشيل خطوة شوفها وتنكلها يمك
وديّ اشوفك ..
ودي أطيرن محترك واطفة عتب حار اعله دمك..
بلجن اباجي الطفو غيرة دفو وتذوب رسوم الشتة الصك اعله دمك !
ودي اغافل ليلهم و أبحر واذب كَلبي بشريعة
ودي ابوكن جسمي وابعد
وديّ افك باب السنين السودة واشرد
وديّ لاجن شدو برجلي جرس يشهد علية
وبس اشيلن خطوتي الحراس تكعد!
بس اشيلن خطوتي ايردهة الكزاز ..اعيونهم صارت كزاز
ابكل جفن يندله حلمك!
ظفروا رموشي حبل وتنطروا جية ظلام ..وصلبوا اعله عيوني حلمك!
وانت يا المجروح خاف احجي والجمك ..
لو تطاوعني الجروح تصير غيمة
وحتى اراويك شكثر ينزل مطر بالكاع دمك
فاهية الدنيا
طفت لذة طعمها
ولبست انكاب اعلة نجمك ..
كون يمــــــــــــــــــــــــك !
للمبدع الكبير الجبل كاظم اسماعيل الكاطع
@alshar_alsahih
([(يابعد المانبض)])
بياض النيـه من لونـچ
يل امضيعـه الحــواري ابطارف اعيــونـچ
ارحميني ابجمالچ ماهو اشويه
عندچ مو حواجب هاي يل چنهن صوارم من بني اميه
انا المستلهس ابحسنچ يابعد اعوينتي ودربي
اضحكيلي الحزن شد رآيته ابتعبي
ضحكاتچ نغم وتسير الگلبي
دحچيني اعله كيفچ يم نوايه الشوگ بيه ابكل حرف لچمه
عشگنه ابذمة القسمه
انا اويل ااخ رفگة ااااخ اليغنون
انا اويل حن افيضن نوووگ لليحدووون
شلتلچ عازة المفتاح للمسجون
اشكبر فيتـچ يابعد الروووح
اويابعد المانبض لو شاف بيــچ اجروووح
اشكبر هجـرچ جبل وعله الچتف مطروووح
تعالي اگليبي الچ ديـووان
تعالي اتمددي ابگلبي مثل ماتمتـد النهران
انا اشتاكيتلج شوگ النبي القــران
ياتچــوة وكتي لوشحت علي حيطان
يابعد الشوف ،،،،، ليش الخوف.....
انتي اول بشر لو ثگلت الحسبات
داينتي الحبيب اچـتوف
ليش الخوف....
مادام الدرع بلشوگ خل وكتچ يسل اسيوف
ليش الخوف.....
مادام النهر ممنوع خل ننطي نظر وچفوف
ليش الخوفــ......
#لـ علي محسن المطوري
@alshar_alsahih
بياض النيـه من لونـچ
يل امضيعـه الحــواري ابطارف اعيــونـچ
ارحميني ابجمالچ ماهو اشويه
عندچ مو حواجب هاي يل چنهن صوارم من بني اميه
انا المستلهس ابحسنچ يابعد اعوينتي ودربي
اضحكيلي الحزن شد رآيته ابتعبي
ضحكاتچ نغم وتسير الگلبي
دحچيني اعله كيفچ يم نوايه الشوگ بيه ابكل حرف لچمه
عشگنه ابذمة القسمه
انا اويل ااخ رفگة ااااخ اليغنون
انا اويل حن افيضن نوووگ لليحدووون
شلتلچ عازة المفتاح للمسجون
اشكبر فيتـچ يابعد الروووح
اويابعد المانبض لو شاف بيــچ اجروووح
اشكبر هجـرچ جبل وعله الچتف مطروووح
تعالي اگليبي الچ ديـووان
تعالي اتمددي ابگلبي مثل ماتمتـد النهران
انا اشتاكيتلج شوگ النبي القــران
ياتچــوة وكتي لوشحت علي حيطان
يابعد الشوف ،،،،، ليش الخوف.....
انتي اول بشر لو ثگلت الحسبات
داينتي الحبيب اچـتوف
ليش الخوف....
مادام الدرع بلشوگ خل وكتچ يسل اسيوف
ليش الخوف.....
مادام النهر ممنوع خل ننطي نظر وچفوف
ليش الخوفــ......
#لـ علي محسن المطوري
@alshar_alsahih
شوكت اشوف الناس تندلك صدك ؟
بينك وبين ابو فاضل بت علي وجربه عشك
شوكت اسمعلي قصيده بلاسياط ؟
ومو امتون ام الخدر بيه زراك
رايد اسمع بيهن حجايات بت حيدر زرك
خنصرك لو ينسكي بجربه ضوه يطك بي هرش
وترجع انته ،، الكلش انته،، تكودنه بجفك لباجر
جيتك حيل بمحلها ايامها الحيره اعله حيره
وصادفت صفنه مناير
الكاع جول ودبه شريانك خظار
وركضت الحنطه اعله مد شوفك ضفاير
وانته هيست النهر هندس علينه...
ونكطت من عين دمك تسع ضويات وكناطر
السالفه انته مكيفلها
سهامهم طردتها اهلها وهيسن گلبك جبير ...
السالفه انته مكيفلها
وياك حتى العطش كضاها اعله خير ...
السمه بور وغصن ذرعانك نفض سبعين طير
شضوكتهم ياحجايه وكلها طشت روسها كبالك انذوره ...
وزينب شهوست يمه ..؟
وكطع العباس جفينه برهاوه وگالهم وثقولي صوره ...
طوقك ليل ال اميه ..
ودفت ربعك بالطفوف هلال من ذاك الملح
وعفيه راسك مامعبر الدنيا كلها
بذاك وضعه ..
وكف يتفكر بهيده شلون يكشخله برمح
وعفيه خدك باس الحجاره بكل برود
هاكثر خدك مؤدب ...وهاكثر جفهم وكح ...
وعفيه زينب واكفه وتهمس وراك ..
فوت بيهم هول وتالي تلا كلبك ذبح
مطلع النبله بنحر طفلك جبير وراد من عندك قصيده
وكمت طشيت النجوم الظامهن عبدالله للسجه بوريده
انته وابنك عيريتو الغيمه من ظمت بجيها
وكبل لاتمطر عليكم كتله خل نمطر عليها
وها حلات الله بضميرك ..
ساوموك بكلشي بس مالك شغل
الدنيا باعتلك شرفها وبعت ع الدنيا ثكل
انته واهلك شايفين وعايفين
الله بيده مسگملكم شاره ودلال وعگل
يلمسوي الطف مضيف !!
وسفرتك مديتها بطول الزمن ....
هـــا!! وابلاش
عزبت حد ماسمعنه المانسمعه ! يصيحلك يحسين اواااش
شمس راسك غربه تتمشرك عليها ...
ودفه جم جيفارا بيها
واحنه مانندل حجيها
وتايهين ،،، وحكنه لو تيهنه راسك
في رمح راسك ثخين
انته فوك الحجي كله واحنه مو يم الحجي
فاهمينك بس مناحه ودك زناجيل وبجي ...
الزمن طايح من زمان وفوك ظلعك منتجي ...
ومايعرفونك لحدما يعرفونك
#عقيل_العرد
@alshar_alsahih
بينك وبين ابو فاضل بت علي وجربه عشك
شوكت اسمعلي قصيده بلاسياط ؟
ومو امتون ام الخدر بيه زراك
رايد اسمع بيهن حجايات بت حيدر زرك
خنصرك لو ينسكي بجربه ضوه يطك بي هرش
وترجع انته ،، الكلش انته،، تكودنه بجفك لباجر
جيتك حيل بمحلها ايامها الحيره اعله حيره
وصادفت صفنه مناير
الكاع جول ودبه شريانك خظار
وركضت الحنطه اعله مد شوفك ضفاير
وانته هيست النهر هندس علينه...
ونكطت من عين دمك تسع ضويات وكناطر
السالفه انته مكيفلها
سهامهم طردتها اهلها وهيسن گلبك جبير ...
السالفه انته مكيفلها
وياك حتى العطش كضاها اعله خير ...
السمه بور وغصن ذرعانك نفض سبعين طير
شضوكتهم ياحجايه وكلها طشت روسها كبالك انذوره ...
وزينب شهوست يمه ..؟
وكطع العباس جفينه برهاوه وگالهم وثقولي صوره ...
طوقك ليل ال اميه ..
ودفت ربعك بالطفوف هلال من ذاك الملح
وعفيه راسك مامعبر الدنيا كلها
بذاك وضعه ..
وكف يتفكر بهيده شلون يكشخله برمح
وعفيه خدك باس الحجاره بكل برود
هاكثر خدك مؤدب ...وهاكثر جفهم وكح ...
وعفيه زينب واكفه وتهمس وراك ..
فوت بيهم هول وتالي تلا كلبك ذبح
مطلع النبله بنحر طفلك جبير وراد من عندك قصيده
وكمت طشيت النجوم الظامهن عبدالله للسجه بوريده
انته وابنك عيريتو الغيمه من ظمت بجيها
وكبل لاتمطر عليكم كتله خل نمطر عليها
وها حلات الله بضميرك ..
ساوموك بكلشي بس مالك شغل
الدنيا باعتلك شرفها وبعت ع الدنيا ثكل
انته واهلك شايفين وعايفين
الله بيده مسگملكم شاره ودلال وعگل
يلمسوي الطف مضيف !!
وسفرتك مديتها بطول الزمن ....
هـــا!! وابلاش
عزبت حد ماسمعنه المانسمعه ! يصيحلك يحسين اواااش
شمس راسك غربه تتمشرك عليها ...
ودفه جم جيفارا بيها
واحنه مانندل حجيها
وتايهين ،،، وحكنه لو تيهنه راسك
في رمح راسك ثخين
انته فوك الحجي كله واحنه مو يم الحجي
فاهمينك بس مناحه ودك زناجيل وبجي ...
الزمن طايح من زمان وفوك ظلعك منتجي ...
ومايعرفونك لحدما يعرفونك
#عقيل_العرد
@alshar_alsahih
عليمن ماتحاجيني !!
هذاك انته
يحتـه بنومي ماردك
تطب گبل الحلم للعين
ياهو الماسح
أچفوفي من أصابيعك
أشو لميت اغانيك
ورايد تجفي عصريتي
چا وانه ..
چا وانه ..
يـ شهر التوت
يـ شغل الله
يـ المعتبر
يـ المعلمني
أخضر شوك
من برحية البصرة
لحد اشفاف المگيـر
اشوفك تـنده بغيظك
وصوتك بـ الغرف مدفون
وشوف الزعل ..
سچه اتسابگ أجدامك
أمش عنه ..
أمش زفه بشرايـني ..
أصبح شارع السعدون
أمس !
من هومـشو دينك
فزعت من الگهاوي أچفوف
أمس !
من غرگت أسنينك
غديت بكل شبر مشحوف
أنه موصي العيون عليك
حته ويـ الضباب أشوف
تذكر ؟
من يبس
محصول گمريتك
صرت ..
فوگ النجم فارس
أعصر صفنة المحار
وترسلك نهر ونطيك
وماخليك . .
ماخليك ترجع لهلك بوحدك
أخاف عليك ..
سيفـين ..
أعله مهره
جنت اروح وياك
ذليت ..
السموم أسنين
من جاسك بـجنحه عناد
وكل ماينشف أترابك
اضملك طين بـ الميعاد
باريـتك ..
شتل نعناع
والوادم رمل مالح
تشلبه أعله حلگ الماي
خاطر لا يشاور رغوت أشفافك
أوهــستك ..
ودللـــتك ..
وگتلك لاتهم بـ الموت
الي بشعب المطر ثوار
حضنتك ..
راية فضيه
بچتف مبعوث
وتعنيت الصدر زمزم
اجيبلك مهر بارد
ماهمني البراگع سـور
ولا همني ورق منحوت
مادام ..
الدرب درويش
ماهد للملامة عنان
الصوت ..
اليفلت من الخوف
يرفس سكتت الحيطان
انه بجفك ..
نذر مجنون
أهب الخاطرك حرمل
وسود وجـه چرچفهم
شكثر ..
هـفو العصريتك
وشدلك بـ الضنون حبال
شكثر ..
صلبوني عد بيتك
وفز ووگف صبر تمثال
اصعد ضحكه ..
يم شفة نـواويسك
وضم القحط بهدومي
ونزعـه بحضرتك شلال
أنه ..
الشالت
ضلوعه أشكال
جبتها أمكاون ويـ العوز
من أمناشغ الكاروك
لاخر شوغة بـ الحمال
عمر ماكدرتـلك بال
واگفلك كرم خيال
املك بس هلا
وفايض بحضنك هاك
حسبالي ..
فوانيسك مثل گلبي
تزت الگمره للـشباج
أثاريها خيم خنسه
تصعد للضوه من الجام
وتخنگه بحبل سجيل
بعد شيفيد ناطورك ..
كل سيف ..
الخطف نحري
لگيته بـ قلعة أنذورك
كل مشعل ..
دوه بصدري
طلع من صلب تنورك
ادنك لونشدني أرباي
من يادمعة اسد ديني
الفخاتي ..
الكبرن بصدرك
تبرن من بساتيني
ناصر البدري
@alshar_alsahih
هذاك انته
يحتـه بنومي ماردك
تطب گبل الحلم للعين
ياهو الماسح
أچفوفي من أصابيعك
أشو لميت اغانيك
ورايد تجفي عصريتي
چا وانه ..
چا وانه ..
يـ شهر التوت
يـ شغل الله
يـ المعتبر
يـ المعلمني
أخضر شوك
من برحية البصرة
لحد اشفاف المگيـر
اشوفك تـنده بغيظك
وصوتك بـ الغرف مدفون
وشوف الزعل ..
سچه اتسابگ أجدامك
أمش عنه ..
أمش زفه بشرايـني ..
أصبح شارع السعدون
أمس !
من هومـشو دينك
فزعت من الگهاوي أچفوف
أمس !
من غرگت أسنينك
غديت بكل شبر مشحوف
أنه موصي العيون عليك
حته ويـ الضباب أشوف
تذكر ؟
من يبس
محصول گمريتك
صرت ..
فوگ النجم فارس
أعصر صفنة المحار
وترسلك نهر ونطيك
وماخليك . .
ماخليك ترجع لهلك بوحدك
أخاف عليك ..
سيفـين ..
أعله مهره
جنت اروح وياك
ذليت ..
السموم أسنين
من جاسك بـجنحه عناد
وكل ماينشف أترابك
اضملك طين بـ الميعاد
باريـتك ..
شتل نعناع
والوادم رمل مالح
تشلبه أعله حلگ الماي
خاطر لا يشاور رغوت أشفافك
أوهــستك ..
ودللـــتك ..
وگتلك لاتهم بـ الموت
الي بشعب المطر ثوار
حضنتك ..
راية فضيه
بچتف مبعوث
وتعنيت الصدر زمزم
اجيبلك مهر بارد
ماهمني البراگع سـور
ولا همني ورق منحوت
مادام ..
الدرب درويش
ماهد للملامة عنان
الصوت ..
اليفلت من الخوف
يرفس سكتت الحيطان
انه بجفك ..
نذر مجنون
أهب الخاطرك حرمل
وسود وجـه چرچفهم
شكثر ..
هـفو العصريتك
وشدلك بـ الضنون حبال
شكثر ..
صلبوني عد بيتك
وفز ووگف صبر تمثال
اصعد ضحكه ..
يم شفة نـواويسك
وضم القحط بهدومي
ونزعـه بحضرتك شلال
أنه ..
الشالت
ضلوعه أشكال
جبتها أمكاون ويـ العوز
من أمناشغ الكاروك
لاخر شوغة بـ الحمال
عمر ماكدرتـلك بال
واگفلك كرم خيال
املك بس هلا
وفايض بحضنك هاك
حسبالي ..
فوانيسك مثل گلبي
تزت الگمره للـشباج
أثاريها خيم خنسه
تصعد للضوه من الجام
وتخنگه بحبل سجيل
بعد شيفيد ناطورك ..
كل سيف ..
الخطف نحري
لگيته بـ قلعة أنذورك
كل مشعل ..
دوه بصدري
طلع من صلب تنورك
ادنك لونشدني أرباي
من يادمعة اسد ديني
الفخاتي ..
الكبرن بصدرك
تبرن من بساتيني
ناصر البدري
@alshar_alsahih
العش مو حطب !!!
خل يفهم الحطاب
العش بيت شرعي وساكناته طيور
وأحياناً يضم عشاگ متصافين ..
أحلام ،
وأريكه
ونافذه إعله النور
اعله غفلة من الزمن
لن بيتهن مهدوم ...
والغصن اليشيله من الاصل مبتور
الدستور؟؟
منقوص اعله هذا الحال
الحقيقه ، العشگ لازم ينكتب دستور
العصافير اعتراض الهن اعله الحطاب
جاب عشوشهن
ونطاها للتنور !!!
ازرع گاع روحك
رازقي ونسرين ..
واشتلها گصب من يشح ماي الهور
وأفطم منجلك
لوراد يحصد غيم
وأكسر منجلك لو راد يحصد زور؟
واخذ دمعة عزيزك
واستعيره أفراح
ولبسه العيد بيدك واكشخ بعاشور!!!
انشدني ..
العسل ماضايگه النحال ..
القاروره بيده
والعسل محضور
من تلثم فراشه
خدود زهره تنام
تسكر بالندى وتطيح بالمحذور
شارب من خضار
عيونك الصفصاف
وراضع من بياض خدودك البلور
روح أشتل حياتي بشجرة الصبير
أنا احلامي عوانس
مايهمها البور!!
افرشلي ضحكتك
خلي ، أمدد كيف
وخل في ّ الضفيرة يدغدغ الناطور
تغرف روحي مني
بچفك النعسان ؟؟
وتشربني خطيه وخاطرك مكسور!!
جمعنه المايصير
البرد والنيران
شفتي تنث بروده
وشفتك تنث نور
يقام الحدّ
على من لمس شفتك يوم ؟؟
ويُحاسب ، مثل مايتحاسب المخمور
أخذ مني دمع
ماطالبك بالدين
يمته النهر راد فصول من ناعور
تدريني سَليل ،
الما يشم مشموم ،
ابن بيت العفاف
الصاوغ الله نحور
بعد شبرين عنك والحضن ينخاك
أشم ريحة ثيابك
والگلب مسحور
ياجنة عدن
يادنيه تنبت روز
ياسحر الهند وأحلام نيسابور
هسه الحب حضارة
وبابها كرستال
تتلاگه المجره بكل مسيه تدور
أنا روحي ندى
وروح البنات ورود
أنا موتي ندى
وگلب البنات أگبور !!
بالك تحط روحك
دكـه للتغسيل
جثمان الفرح مافززه الكافور؟؟؟
سيد عماد المطاريحي
@alshar_alsahih
خل يفهم الحطاب
العش بيت شرعي وساكناته طيور
وأحياناً يضم عشاگ متصافين ..
أحلام ،
وأريكه
ونافذه إعله النور
اعله غفلة من الزمن
لن بيتهن مهدوم ...
والغصن اليشيله من الاصل مبتور
الدستور؟؟
منقوص اعله هذا الحال
الحقيقه ، العشگ لازم ينكتب دستور
العصافير اعتراض الهن اعله الحطاب
جاب عشوشهن
ونطاها للتنور !!!
ازرع گاع روحك
رازقي ونسرين ..
واشتلها گصب من يشح ماي الهور
وأفطم منجلك
لوراد يحصد غيم
وأكسر منجلك لو راد يحصد زور؟
واخذ دمعة عزيزك
واستعيره أفراح
ولبسه العيد بيدك واكشخ بعاشور!!!
انشدني ..
العسل ماضايگه النحال ..
القاروره بيده
والعسل محضور
من تلثم فراشه
خدود زهره تنام
تسكر بالندى وتطيح بالمحذور
شارب من خضار
عيونك الصفصاف
وراضع من بياض خدودك البلور
روح أشتل حياتي بشجرة الصبير
أنا احلامي عوانس
مايهمها البور!!
افرشلي ضحكتك
خلي ، أمدد كيف
وخل في ّ الضفيرة يدغدغ الناطور
تغرف روحي مني
بچفك النعسان ؟؟
وتشربني خطيه وخاطرك مكسور!!
جمعنه المايصير
البرد والنيران
شفتي تنث بروده
وشفتك تنث نور
يقام الحدّ
على من لمس شفتك يوم ؟؟
ويُحاسب ، مثل مايتحاسب المخمور
أخذ مني دمع
ماطالبك بالدين
يمته النهر راد فصول من ناعور
تدريني سَليل ،
الما يشم مشموم ،
ابن بيت العفاف
الصاوغ الله نحور
بعد شبرين عنك والحضن ينخاك
أشم ريحة ثيابك
والگلب مسحور
ياجنة عدن
يادنيه تنبت روز
ياسحر الهند وأحلام نيسابور
هسه الحب حضارة
وبابها كرستال
تتلاگه المجره بكل مسيه تدور
أنا روحي ندى
وروح البنات ورود
أنا موتي ندى
وگلب البنات أگبور !!
بالك تحط روحك
دكـه للتغسيل
جثمان الفرح مافززه الكافور؟؟؟
سيد عماد المطاريحي
@alshar_alsahih
تعبت انه وتعب ويّاي ..
حلمك والســـــــــــچچ والحيل ..
اجيتك والگصایب رجفة امن الخوف
کل گامه گطایة ليل ..
اجيتك من بعد كلهن
اجیت اتحنّه بترابك
وصیح بغربتك چــــــــــم ریل ..
مامـــــــــش
والاغاني اذوب ..
وبنآدم غصن غربه و بخل وادم
جرفهم صیـــــــــــف
شعدلك يا بعد كلهن؟
شگلك والمناجل تخشك بصدري
وخضر عالشفايف حيف
هلي اتبدّو ولا بدیت!
شمس شربت شلب روحي
وشمس سوده اعله باب البيت ..
هلي باچر لون جدحت
احلفكم بالمرايات
بالشيله وخواچـــــــي حمود
ذاك الما كسر فيه
ولا كع ابليالي اسود
طشّو كل رمــــــــــــد روحي
اوج كل ما يمر نيسان
وطن فـــــــوگ العگل مشدود
هلي اتراب الوطن كحله
وعرض سمره
يستاهل لون ننذر
كل گمره ابرحم تابــــــــــوت
هلي ابحنظل افك ريجي
ولا منکم ذلیل ایصیر
یدگ عرجه ابارض غربه
ویرضع کل ثدایه العار
یوج سکته وجبـــان ایموت
جاســـــــم الصاكي
@alshar_alsahih
حلمك والســـــــــــچچ والحيل ..
اجيتك والگصایب رجفة امن الخوف
کل گامه گطایة ليل ..
اجيتك من بعد كلهن
اجیت اتحنّه بترابك
وصیح بغربتك چــــــــــم ریل ..
مامـــــــــش
والاغاني اذوب ..
وبنآدم غصن غربه و بخل وادم
جرفهم صیـــــــــــف
شعدلك يا بعد كلهن؟
شگلك والمناجل تخشك بصدري
وخضر عالشفايف حيف
هلي اتبدّو ولا بدیت!
شمس شربت شلب روحي
وشمس سوده اعله باب البيت ..
هلي باچر لون جدحت
احلفكم بالمرايات
بالشيله وخواچـــــــي حمود
ذاك الما كسر فيه
ولا كع ابليالي اسود
طشّو كل رمــــــــــــد روحي
اوج كل ما يمر نيسان
وطن فـــــــوگ العگل مشدود
هلي اتراب الوطن كحله
وعرض سمره
يستاهل لون ننذر
كل گمره ابرحم تابــــــــــوت
هلي ابحنظل افك ريجي
ولا منکم ذلیل ایصیر
یدگ عرجه ابارض غربه
ویرضع کل ثدایه العار
یوج سکته وجبـــان ایموت
جاســـــــم الصاكي
@alshar_alsahih
قالت ام البنين لزينب ( عليهما السلام )
يا زينب احكي لي ما بعد الطف ماذا حدث هل ارتحتِ على وساده هل اتعبكِ السبي
فقالت مولاتي زينب
وحك المحسن الماشاف حته طلوك
مثل باب الحسن يا جفني ما مطبوك
وصلنه القصر سبحه الشاهد السجاد
بس ضيعنه خرزه بعتبت الصندوك
وعدنه اطفال ما نامت
رغم ما يشبه الكاروك ممشه النوك
عكدناها العبي ام عباس خاف نتيه
بس هوه الصدك جان الطرف محروك
شفت روس اخوتي فوك الرماح عثوك
وبذيال العبي موزر العاكول
وكمنه نخاف لا تاكل عبينه النوك
والعباس ماموجود واشكيله
وشفت النسر يفتر فوك راس حسين
بعض الضن اثم يمكن يهفيله
هذا راس عبدالله برمح مشيول
القلم عبدالله راسه ما يكفيله
مثل نزف السواجي التوهن مفتحات
ينزف دمه فوك متون اليشيله
كبر عبدالله ما لحكت الوليله
الرمح من شايله صاير بطول حسين
وهذا اول طفل ما يمشي وي جيله
وهنانه رقيه بدت تشكيله
سهلات التراجي باكو الجلاب
وخنكت حجابي بيدي وما ارضه بميله
وما امسح دموعي التطلع من العين
خاف امسح دموعي وتوكع الشيله
عبدالله الهضم والنوح تعبني
الحمدلله يخويه وخنصرك موجود
رقيه يهمج الخنصر
اي عمه وعلي يهمني
عمه من ازعل انا وياه بيمن جا يصاحبني
بس لله شكيت وما شكيت لناس
كلشي اليختنك بأرض الطفوف يموت
وعاشت بلخنك بس جربة العباس
وصينيت القاسم كبر بيها الياس
للشاعر الشاعر الشاعر
● سعد شميل
@alshar_alsahih
يا زينب احكي لي ما بعد الطف ماذا حدث هل ارتحتِ على وساده هل اتعبكِ السبي
فقالت مولاتي زينب
وحك المحسن الماشاف حته طلوك
مثل باب الحسن يا جفني ما مطبوك
وصلنه القصر سبحه الشاهد السجاد
بس ضيعنه خرزه بعتبت الصندوك
وعدنه اطفال ما نامت
رغم ما يشبه الكاروك ممشه النوك
عكدناها العبي ام عباس خاف نتيه
بس هوه الصدك جان الطرف محروك
شفت روس اخوتي فوك الرماح عثوك
وبذيال العبي موزر العاكول
وكمنه نخاف لا تاكل عبينه النوك
والعباس ماموجود واشكيله
وشفت النسر يفتر فوك راس حسين
بعض الضن اثم يمكن يهفيله
هذا راس عبدالله برمح مشيول
القلم عبدالله راسه ما يكفيله
مثل نزف السواجي التوهن مفتحات
ينزف دمه فوك متون اليشيله
كبر عبدالله ما لحكت الوليله
الرمح من شايله صاير بطول حسين
وهذا اول طفل ما يمشي وي جيله
وهنانه رقيه بدت تشكيله
سهلات التراجي باكو الجلاب
وخنكت حجابي بيدي وما ارضه بميله
وما امسح دموعي التطلع من العين
خاف امسح دموعي وتوكع الشيله
عبدالله الهضم والنوح تعبني
الحمدلله يخويه وخنصرك موجود
رقيه يهمج الخنصر
اي عمه وعلي يهمني
عمه من ازعل انا وياه بيمن جا يصاحبني
بس لله شكيت وما شكيت لناس
كلشي اليختنك بأرض الطفوف يموت
وعاشت بلخنك بس جربة العباس
وصينيت القاسم كبر بيها الياس
للشاعر الشاعر الشاعر
● سعد شميل
@alshar_alsahih
((ثلمـــة چفــوف))
★★★★★★★
ياحــسين.......
الديــن عطشانــ ابوكت مامش مجيب
اوچــان يتناشق ضمــه ورايد يمــوتــ
اوعيشيتــه ابدم نحــر لجــل الثبــوتــ
اوياحسيــن النيــته بيضــه
ايشوف وجــه الله بقنــوتــ
اونيتكــ ابـيض من البيض بلطفــوف
طاح دين الله اوفرشت الطف چـتوف
ولرمح مكسو.ر عصه اويه العمــام
وعتنالكــ يكسب ابراسكــ وســام
وشنهي حـگه ورحبيته وجرحت گلب السمه
وعاجره سيوف التضدك مانطت خلفت دمـه
ونت قدمت الرگاب اولدتهن ملحمــه
يامقامكــ انت ولله كلمن ابحـده گمــر
الله حددله السماء ونت حددته نهــر
وضاجت اخيول ال اميه ورادت الميدان اوسع
ونت صدرك اوسع من ارض الطفوف
رحبتـهه وغارت ابصدر الغيـوووور
وضيف چانتلك ولاگب التراب
صـدرك امعزب يگبلهن بخـووووور
وظلموك او انت چنتلهم عطوف
وثلمو من الگمر ثلمة چفوف
ياحسيـن الناس من تعتـگ تجيك
وحنـه فقره ازغار چـنه ونعتنيك
هاي وادم غـربلتـهه وماوگف بيهم عشگ
ناس تكره حچيل ابـره لو يصـح بيهم فتگ
اوانت ثوره اوفسروك حسين دمعه وتاجرو بيهه البعض
ورتدو ثوب الديانه وخلصو بيهن غرض
ونت فكره اتگود كلمن يفهمك حر انتفض
ولله لو هل ناصـراٍ تطلق تعيـد
تنتصر بل گول ولفعل اليـزيـد
اويلا يلا... هيه دنيه وباچر اتگوض اكيــد
اهناك يم الله اشتكي ابيوم الوعيــد
★★★★★★★
#علـي_محسن_المطـوري
@alshar_alsahih
★★★★★★★
ياحــسين.......
الديــن عطشانــ ابوكت مامش مجيب
اوچــان يتناشق ضمــه ورايد يمــوتــ
اوعيشيتــه ابدم نحــر لجــل الثبــوتــ
اوياحسيــن النيــته بيضــه
ايشوف وجــه الله بقنــوتــ
اونيتكــ ابـيض من البيض بلطفــوف
طاح دين الله اوفرشت الطف چـتوف
ولرمح مكسو.ر عصه اويه العمــام
وعتنالكــ يكسب ابراسكــ وســام
وشنهي حـگه ورحبيته وجرحت گلب السمه
وعاجره سيوف التضدك مانطت خلفت دمـه
ونت قدمت الرگاب اولدتهن ملحمــه
يامقامكــ انت ولله كلمن ابحـده گمــر
الله حددله السماء ونت حددته نهــر
وضاجت اخيول ال اميه ورادت الميدان اوسع
ونت صدرك اوسع من ارض الطفوف
رحبتـهه وغارت ابصدر الغيـوووور
وضيف چانتلك ولاگب التراب
صـدرك امعزب يگبلهن بخـووووور
وظلموك او انت چنتلهم عطوف
وثلمو من الگمر ثلمة چفوف
ياحسيـن الناس من تعتـگ تجيك
وحنـه فقره ازغار چـنه ونعتنيك
هاي وادم غـربلتـهه وماوگف بيهم عشگ
ناس تكره حچيل ابـره لو يصـح بيهم فتگ
اوانت ثوره اوفسروك حسين دمعه وتاجرو بيهه البعض
ورتدو ثوب الديانه وخلصو بيهن غرض
ونت فكره اتگود كلمن يفهمك حر انتفض
ولله لو هل ناصـراٍ تطلق تعيـد
تنتصر بل گول ولفعل اليـزيـد
اويلا يلا... هيه دنيه وباچر اتگوض اكيــد
اهناك يم الله اشتكي ابيوم الوعيــد
★★★★★★★
#علـي_محسن_المطـوري
@alshar_alsahih
HTML Embed Code: