( - بحبك
= أوعى تبعد )

رد بالك تبعد، رد بالك تخليني لأفكاري، تخليني لـ الليل، تخليني لحزني، تخليني للعالم، رد بالك تنسى إني ديما هني على خاطرك، إني مستحيل حنمشي خطوة بروحي بلا بيك، إني مهما قاسيت من أوضاع مش حنخليك، رد بالك علينا، عليا لما نسكت هلبا، لما ما نبكيش، لما ما نحكيش، لما نرقد قبلك .. رد بالك تضعف بروحك، رد بالك تزعل بروحك، رد بالك تقعد بروحك، خليلي ديما أهم جزء، أحكيلي ديما أصغر تفصيل، علمني نفهمك لما ما نقدرش، ساعدني نحتويك لما جهدي معاش يسدني .. خليني هني فأكثر وقت تحس أنك محتاج فيه وقت ..

بعد الـ ( نحبك ) .. رد بالك تبعد !

سورة البقرة

لمّا رأى أبنـاءُ يَعقُوب -عليه السّلام- شدّة حُـزن أبيهم على فِراقِ يُوسف، ودوام بثّـه شـكواهُ لربّه وتضرّعـه، حاولُوا ثَنيُه عن الاستمـرار، بدعوى أنّ فِعلهُ هذا مُفضٍ إلى هـلاكِه لا محـالة؛ تعرِيضاً على أنّ ما يذكُرُه لا طَمع فِي تدارُكِه، فَكَـان مِن جوابِ سيّدنا يَعقُوب -عليه السّلام-:
[ وأَعْلَمُ مِـنَ اللهِ مَالا تَـعلمُـونَ ]
قال بعضُ أهلِ التّفسير أنّ معناه:
إنّي أعلمُ مِن جمالِ ربّي وكَمالِه، ورحمتِه، ولُطفِه بِي، ودقِيق تدبيرِه لِي، وما عوّدنِي عليه مِن جمِيل إحسانِه، وإجابةِ دُعائي مالَا تَـعلمُون = ما يُوجِب حُسن ظنّي بِه، وقُوّة رجائي ألّا يُخيّب دُعائي!

اللهُ الجميلُ الكرِيمُ اللّطيف!
💜

في الوقت المناسب ..

كله يهون، تلمس في قصتك تفاصيل الحكمة، تتعرف عليك من جديد في كل فصل جديد، من أرشيف الذكريات تلقى سبب لكل موقف، تسامح الأذى لأنه كان بـ هالحدة، وتجرب في محاولة حقيقية تعاود تحضنك على كل ليلة زعل بكيت فيها قلبك، قلبك البسيط في طريقة حزنه، المفرط في كونه حقيقي!

تعاود كل شيء من بعيد، تشوفك كيف أنهرت هني وكيف قواك خارت هني وكيف جهدك تم هني، ممكن تدمع لما تكتشف أنك بعد هالحرب أخيرًا وصلت هني.. وممكن تحس بإنك أنتقمتلك من الوقت، الي مكانش يعرف يحنّ شوية..

تلمس في حربك غاية المقاتل الشريفة، تبتسم في وجه أسبابك الي توا حاسها ( أضحك ) ومكانتش تستاهل.. تعاود تبتسم ثاني في وجه كل حدث لأنه غيّرك وفي رغبة حقيقية يجي خاطرك تعيط بصوت عالي أنك ( أيّح كبرت )

تفرح لأنك وصلت للنقطة الفارقة بين الوهم والمنطق، بين الحاجات الي تستاهل تخسر على خاطرها عمر والثانية الي متستاهلش من مساحات تفكيرك دقيقة حيرة.. النقطة الفارقة بين الشخصين الحلوين الي فيك، المسالم هلبا والفاهم هلبا.. نقطة السواد الي بعدها بديت تعرف تكون أبيض بهالنصاعة بدون ما يلوثك من المحيط مرور فكرة.

في الوقت المناسب حتأمن بكونك أنت بس المسؤول على أنتشالك من الممرات المعتمة لضوء شمس الأرواح الصادقة

١:٣٣ صَ
فلسفة قصصي الي ما تكملش

كُن من الذاكرين :
-سُبحان الله.
-الحمدلله.
-لا إله إلا الله.
-اللهُ أكبر.
-سُبحان الله و بحمدهِ.
-سُبحان الله العظيم.
-استغفرالله و أتوبُ إليهِ.

أستنونا غدوا 🤎

حنكونو ضيوف الحلقة الإفتتاحية من برنامج إيڤا وحنشاركوكم قصتنا
من جانب ما عرفتوشي قبل 🤎

عبر أثير الجامعة
‏101.7Fm

تفصيل جديد في أرشيف القصة 🤎

حياة عن قرب في حديث شيق برفقتنا

- للذكرى ( لأنكم حتشوفونا هلبا )

فبراير - ٢٠٢٣

Coco chanel said :
If you want to be original, be ready to be copied.

🩶

بعد وقت طويل بديت متأكدة كليًا أنه من أهم أسباب التوفيق في الحياة؛ النية الطيبة،
مهما حاولو يوقفوا في طريقك ويعبوها عثرات، مهما دارو باش يخلوك توقف، مهما تسكرت، مهما تعسرت، مهما حسيتها النهاية.. طول ما أنت ماشي بلا ما تشيل في قلبك على حد، وبلا ما تنوي في خاطرك أذى لحد، وبلا ما تتمنى شر لحد وبلا ما تشيل هم حد.. حتتوسع وتنفتح، ومن الباب الضيق حيخش الرزق الوفير، حظك حينور، وملامحك حتحلو، وأمورك حتتساوى، وطريقك حتتسهل، وكل صعب حيلين، بلا جهد منك حتغلب كل من حط روحه في مقارنة من طرف واحد معاك، وحتقعد فارق، بالبصمة والوجود والحضور وكل حاجة تحط فيها يدك..

السعي ما يعنيش المنافسة، ما يعنيش التقليد، ما يعنيش الجري باش تتبث أنك أحسن من أحدهم، السعي يعني المحاولة في التحسين، يعني التوكل.. يعني راحة البال مع قناعة إنه في النهاية حتربح كفة الكويس الي بأصح طريقة ( عارف قيمة روحه )

صفي النية، كل شيء حيعرف طريقه ليك 🩶

"أحب أن نبدأ معًا، صغيرين، يكبران، رفيقين، لا يفترقان، ضئيلين، يزيدان في الحجم والرسم والاسم يوما بعد يوم، يستند كل منا إلى الآخر، وكلانا شاهدٌ على نمو صاحبه، وكلانا يعلم من أي طينةٍ نبتَ بُستاننا معا، ونحتفظ بأنفسنا القديمة دون تغيير كلما خلدنا إلى بيتنا؛ البيت الذي مفتاحه صداقتنا."

@alsa0 ' ♥️

📌

لكل أصحاب الحملات..
المتجر مستعد يوفرلكم تصميم وطباعة أستيكرات/مطويات مُصغرة بشكل مجاني

للتواصل عبر واتساب:
+218 91 556 1575

سورة الكهف - إسلام صبحي

"لأن كل شيءٍ أصبح على ما يُرام، توقفتُ عن الكتابة؛ نضحكِ معًا، ونأكل معًا، ونمشي معًا، ونلعب معًا، ونتحدث طويلًا معًا، أبحرُ في عينيك الدافئتين، تتسع الحياة داخلي فتضيق اللغة، تكبر السعادة فيصغرُ الشاعر الذي يعيش في صدري.
‏لأن كل شيءٍ أصبح على ما يُرام.. لم أعد شاعرًا!"