أني ستاحشت نهدرزلكم ، منشوفش في اي شي نكتبه ف القناة على انه " نص " او مقالة كتابيه او اي شي على مستوى الكتّاب ، إنما مساحة شخصية ومشاعر وافكار( خام هكي ) ، ونفرح قداش لما توصلني مسجات أنكم تحبوا هالكلام ل مش مرتب حتى ولا متعوب عليه 😭😂💙!

اللهم صلِّ وسلم وبارك على سيدنا محمد .

صوت هالشيخ حاجة تبارك الرحمن قداش فيه راحة 💙!

١٠ /رمضان
٥ : ٣٤
فيه أسئلة ديما تجي ع بالي ..

والي هو لو أقدارنا ونصيبنا وكُل حياتنا مكتوبة في لوح ٍ محفوظ من قبل مانجو عالدنيا علاش ندعوا !؟

به بتقولولي الدُعاء يُغيِّر الأقدار !

وحنقوللكم لو الإنسان اطلع عالغيب كان حيختار المكتوب!

معناها ربي عارف الأحسن والأفضل لينا وعارفة خيرتنا وين !

به لو ندعي بشيء وهو مش خير ليا ويُستجاب الدعاء هني أني ظلمت نفسي!؟

لن وأخيراً قابلني فيديو للشيخ عثمان
قال ان أهل العلم قالوا المكتوب ثلاث أنواع ..
شيء مكتوبلنا في اللوح المحفوظ وسيقع مثلا زي الموت وهك

وشيء معلق بالدعاء ان دعوت وقع وان لم تدعوا لن يقع يعني لو الانسان ادعي بالشيء الي يبيه والهمه ربي للدعاء حيُستجاب دُعاءه

معناها بعض من اقدارنا مُرتبطه بالدعاء

وماننسوش ان لا خيبات في الدعاء
فَهو إمِا مُجاب
أو مدفوع به أذى
أو أجر مُدخر

قال بعض السلف:
متى أطلق الله لسانك بالدعاء والطلب
فاعلـم أنه يُريد أن يُعطيك
وذلك لصدق الوعد بإجابـة من دعاه
ألم يقل الله تعالى:
"فإِنّي قَريـبٌ أجيبُ دَعوةَ الدّاعي إِذا دَعان"

- نحِب نكُون واضحة بالشّخصيّة اللي أنا عليها توا، إنسانة هادية وتحِب الكُل تلعب مع الصّغير وتواسِي الكبِير وتفرحه ديمَا، تبتسم للنّاس اللي فالشّارع -حتى مِن تحِت نقابهَا- تنصح ديمَا وتسمع للنّاصحِين، ناضجة وعاقلة وتعرف تطلع من كُل نقاش هيَ الرّابحة والواعية فيه، شخصية إيجابية هلبا لدرجة اللي يشُوفهَا يقُول عليها حياتهَا حِلوة ديما بسبب إبتسامتها وضحكتها اللي متفارقهاش بُكِل، تحِب تكُون الطّرف المتسامح ديمَا برغُم عدم نسينهَا للمواقف، إنسانة تبَان -بِيرفكِت- فِي كُل الأوقات 🤏🏻.
_شَهِد مُحمّد

“ حتى من تحت نقابها "💙

(قدّ جَعَلهَا ربِّي حقْا )

يارب شعور هالأية بكل ما تحمله من حاجات نبوها وفي خاطرنا ونطمحولها ،
يارب متحرمناش حاجة هالقلب يبيها ويتمناها 💙.

"يأخذ المرء من أطباع من يحبه حتىٰ يُقال ظننتك فلان؛ من فرط الألفة!"
💙

الليالي الوترية ودعواتها واجتهادك فيها ، حيبان تاثيرها على حياتك وأجر عظيم في آخرتك ويوم غدوا ،

ماتبخلوش ومتخلوهاش تضيع وتنكتبوا من الغافلين ..

" الدعاء بيننا وصية "💙.

- من مقاصد السورة:
وعظ القلوب بالموت والبعث.

من عَاب أخاه بذنب لم يمت حتى يفعله، اللهم لا تشغلني بخلقك واشغلني بإصلاح نفسي.

اكثر حاجة اني ك انسانه منقدرش نتعامل ولا نساير فيها ، هي اللف والدوران "
(الشخص اللي مش حقيقي ) ،

هني حتلف وتدور على نفسك وقت تلقاني مش عاطيتك ربع وجهي ..

"ليلة عيد أنيسة، على البناتِ في بيوت آبائهنّ يُجهّزن ما يُكرَم به الضيوف في اليوم التالي، وعلى النساء في بيوتِ أزواجهن يُحمّمن الصغار ويضعن على جلابيبِ الرجالِ اللمسات الأخيرة من كيٍّ وتعطير، وعلى الرجالِ بعد منتصف الليل يفرشون الفُرُش في الشوارع استعدادًا لصلاة العيد.

هنا كلُّ كبيرٍ يفرح من خلال الخدمة، والصغير كلما زادت فرحتُه قلَّ صبرُه في انتظار الصبح.
لا قطع الله عن بيتٍ عيدًا، ولا حرمَ المسلمين في العيد من نعمة البيوت , وأتى عيدنا وفلسطين آمنه مُطمئنة."


كل عام وأنتم وأحبابكم بألف خير 🤎

للمره اللي منعرفش قداش ، والشعور المتكرر للزعل ممكن تحسه وتحسسّ غيرك بيه حتى ولو كان أقربهم واغلاهم على قلبك !
زي ما هالطقس كل يوم شكل شوفت عينكم !
برضوا احني ، ومزاجنا وتقلباتنا وزعلنا ورضانا ، الانسان مفروض يتقبل الفكره هذه عشان ميعيشش دور الضحية فكل موقف اللي هي مره هوا زعلان ومره مزعّل ، لان محدش فينا perfect! مهما بان هكِ
يتشجع ويقول اني غلطت ويصلح غلطه - لو يتصلح - وعالاغلب مفيش غلط بين الحبايب مليشي حل ،

لأن اللي بينك وبين اشخاصك عشرة عمر وحكايات ومواقف وضحكات ودموع !
متخلوشي يتلاشى بالساهل ويمشي زي الريح ..
حنوا على بعض لان هالدنيا قاسيه كفاية
ولأن الأشخاص ل نحبوهم في عيونا مفيش ليهم بديل تاني ولا عوض 💙.

ما يميزه..
أنه حقيقي، ورحيم في الخصام ..♥️.

لو عندكم شخص هكِ ، حافظوا عليه زيين💙

- ومتنسوش قراية سورة الكهف -💙

تحسو استاحشت نكتب ..