يهلال يـــهلال البين حاجيني
بعباس وبن امي حسين دليني
وانه بيا حال عاين يهلال
________ ١
اسئلك ونته جاوبني. يشهر البين حاجيني
اخوتي اليوم ويانه. وانه ام خدور تدريني
طلعت بهيبة الوالي البطل عباس حاديني
وخواني شبال عاين يهلال.
___________ ٢
مشو والموت وياهم. يعاين خطوة بالخطوة
وحس الروح عافتني وجر جدامي بالكوه
اجر بالروح وتجرني عكبكم عمري مايسوه
بيك الاجال عاين يهلال.
________ ٣
مشيت اليوم وعيوني. عليهم تسجب الدمعات
اخافن تلمح اطفالي جثثهم صرعه بالطعنات
وخاف تروح هلعيله سبايه بذله وبضربات
نسوه و اطفال عاين يهلال.
______ ٤
مشيت ودمعتي بخدي اسليها وتسليني
الم عيالي وتحسر علدربي من يدليني
بعد ذاك الخدر والجاه. ودرب الشام ياذيني
وبهضم الحال عاين يهلال.
_______ ٥
جلست يمجلس الضالم كعدت بمحضرالعدوان
يطك الروس كدامي وتشب بكــــــلبي النيران
صرخت بصوت ياضالم وكع وتهاوت الصلبان
بيك الاهوال عاين يهلال
______
✍ بقلم خادم الحسين ع
علي صيوان التميمي
@alisaioan
>>Click here to continue<<