احجي وياك مثل اليمشي فوگ البيض
اخاف اكسر شعورك والزعل يبدي
كل هذا واشوفك تشتري العركات
گوه تريد زله وزله ما عندي..

لاينگطع ويطيح لايبقه راچي
يتمريح الدلال مثل التراچي

گَلبت كل الدرابين القديمه التيهت بيهن وحيد
و دورتهن خـطوه خـطوه
ردت ألـگالي طَـريق
يگودوني لـ روحي الغَريبَه
وماكو كـلشي ؟!
صعبَه كلش من تدورلك مَكان تريد تبچي 💔

فاض بيّه الشوگ
يل كَلبي مضيفك ؟
روحي تحلم بالربيع وبالندى .
وآنت أنت ...
بطول خلگ الله خريفك .

شطب تفاح خدچ بالعشگ احمر🤎

لــ نور ال عماد🍂

يَمكياج الصواني
يا سَمرتي
يسألوني وأگلهم..يـاسَـه مَرتي

نلــــم وجوه
نلم وجوه
الوجه الصدگ والچذب والمصبوغ توه
ونمتحن بالماي..
نسبح والنظيف يفوج
والوجهه كواغد ينمرد بالماي
والوجهه كواغد ينمرد بالروج
والوجهه كواغد مو صديج الماي
والوجهه كواغد مايرحمه الماي

ليّش خلگك شَايل الدنيا الچبيرةَ وّما
يَشيل حچايتِيّ ؟..

انه باچي الناس كلها وما شفت واحد بچالي

لـ طارق بريسم🍂

من الباطل تشيب لحايا الناس
موش من الكبر هالوادم تشيب

كاظم الكاطع

استلذ بيه الجرح بجفاه.وداي
وعلي ماحسبيت ايخون.وداي
بصلاتي بكثر ما اهواه.ودي
اكول الله يوفقه الخان بيه

مدري
ليش المنچتل بالشوگ يهوه جروح
چتاله


حسن وصفي

بيك جية؟
لو اشد متاع گلبي
برفة العين واكول الراح راح وهاي هية

زمان الصعد الموزين علاه
عليه والدليل شكبر علاه
يلاهي شلون روحي اصبحت علاه
عد وادم غرب وشلون بيه.

ما كمت اطب السوك كلش فرد نوب.
يا هــو الامــرن بــي يكــلي مطلوب.

تدري نوبات المحبة تملّ واحبك للقهـر

مظفر النواب

كل عام وانت حبي و كل ايامي ♥️💕 .