القصيده الثانيه عشر

( باب الزهراء الذي تحجبت به عند هجوم اهل البغي عليها

تمنته السيده زينب في كربلاء للتحتمي خلفه )

باب امي لو لكيته

ابكربله اعتنيته

يعصر صدر  يكسر ضلع  مثل الزجيه

ولا انضر اولاد الخنا تعاين عليه

/////////////////////

بدل نضراته اليه لو الف بسمار

يتوسط ضلوعي وبي تشب النار

يا ونة الحره ابين كوم اشرار

حارت باليتامه لا أهل لا دار

ام الخدر وحيده

مايسمع التريده

اتحجبت لمن حرت بثنين اديه

ولا انضر اولاد الخنا تعاين عليه

/////////////////////

لو شفتي ييمه  الاهل عل تربان

واجساد الاحبه تحولت ميدان

من كسروا ضلوعج كفلتج  عدوان؟

طفيتي بعباتج خيمة النسوان؟

من فرت اليتامه

لاخيمه لا سلامه

اتبع كمت عالي الهب واحمل اذيه

ولا انضر اولاد الخنا تعاين عليه

/////////////////////

عله هزل النوايب حملوا ضعني

يهون صواب صدرج يم كبر وني

مثل طير البراري ومنذبح جني

بعد عباس اخوي الشمر يتبعني

لا والي واعتنيله

ومن لوعتي اشتكيله

انحب عله اجساد الاهل وكت المسيه

ولا انضر اولاد الخنا تعاين اليه

/////////////////////

انا حرمة ودهاني الدهر بالوعات

من عز الفواطم بالخرابه تبات

تمنيت الكفلني لو عدل ما مات

ما ضلن وحيدة ولا شفت ويلات

اه لو صحت كفيلي

بعيوني  يضوي ليلي

وماتمشي وي الاجنبي كل هاشميه

ولا انضر اولاد الخنا تعاين.اليه

/////////////////////

يكلولي يزينب وين خدرج صار

هاي الي تنوح مخدرات الدار

وفينه بزلمكم يلعقيله الثار

وانا انضر ييمه عله الرماح اقمار

من انضر بعيوني

اهلي ولا اجوني

ادعي يرب كون بعجل وكت المنيه

ولا انضر اولاد الخنا تعاين عليه

&&&&&&&&&&&&&&&&&&&

احمد عيسى البديري

الثالثة عشر

تضمين  لقصيدة

 (تبكيك عيني لا لأجل مثوبة ٍ) والتي تسمى بالقصيده المقبوله ولها قصة معروفه

هذه القصيدة العصماء من نظم. العالم الكامل المرحوم الشيخ محمد علي الأعسم

قد اوهنت جلدي الديار الخاليه

من اهلها مال للديار وما ليه

كانت غياثاً للمنوب فأصبحت

لجميعِ أنواعِ النّوائبِ حاويه

///////////////////////

ذيج الديار البيها تسمع بس تراتيل

صارت مضلمه وبيها سكنت وحشة الليل

تنوح اليتامه والحرم وي نوح جبريل

تنحب عله اضلوا ثلاثه بلايه تغسيل

ومتى سئلت الدار عن اربابها

يعد  الصدى منها الي ثانيه

///////////////////////

دارت عله اهل النبي  نيران الايام

من نار باب الزاكيه والنار الخيام

وتجاسر ابسيفه اللعين الراس ابو الثام

والحسن سموا جبدته وتشيعه السهام

ومعالم أضحت مآتمَ لا تَرى

فيها سوى ناعٍ يجاوِبُ ناعيه

///////////////////////

وصلت لسبط المصطفى تدعيه مكاتيب

انته الامير التستحق بالكوفه تنصيب

سبعين الف صارت عليه ذيج التراحيب

تاليها راسه اعله الرمح واهله مساليب

ولقد دعوه   للعنا  فأجابهم

ودعاهم لهدى فردُّوا داعيه

///////////////////////

بالطف عزيزة حيدر اشكد شالت جروح

من اتله تنظر للسبط عل كاع مذبوح

واتمنت ابشاطي النهر لو راحت الروح

بعد الكوافل عل الهزيله اميسره تروح

قست القلوبُ فلم تَمِلْ لهداية ٍ

تبآ لهاتيك القلوب القاسيه

///////////////////////

كلب المحب بي تشتعل جمرات الاحزان

عل ي قضى في كربله مضلوم عطشان

يندب الا من ناصر ماعندي وليان

تاليها خيل الكوفه سوت فوكه ميدان

تبكيك عيني لا لأجلِ مثوبة ٍ

لكن ما عيني لأجلِكَ باكيه

///////////////////////

سمونه جي نكصد الك عبادة اوثان

وشنوا علينه ابكل زمن يحسين عدوان

واحنه بقينه اعله العهد من قلب ولسان

وال يتركك يا سيدي من كلشي خسران

تبتل منكم كربلا بدمٍ ولا

تبتل منِّي بالدّموعِ الجاريه

انست رزيتكم رزايانا التي

سلفت وهوّنت الرزايا الآتيه

احمد عيسى البديري

&&&&&&&&&&&&&&&&&&&

احمد عيسى البديري

القصيده الرابعه عشر

حوار بين الحوراء زينب وعلي السجاد عليهما السلام تخبره بحال الحسين عليه السلام والخيل تدوس جسده الشريف

لو شايف الخيل

ياعمه شتشيل ابحوافرها

تتصابب دموم

واوصال اخوي بنصها اناضرها

////////////

ياعمه عل تل واصد صوب المعسكر

وبعيني اشوفن صدر اخوي حسين منطر

ميدان والخيل ابوسط اضلاعه تفتر

حرمه ودليلي من الجره نيرانه تسعر

شاهدت الرماح

يا ويلي تتلاگه ابخرز ضهره

واتخيل الحال

سبعين الف فوك الثره اتوذره

////////////

كل حافر اعله حسين چنه اعليه يسحگ

وجسمي معه المطروح عل حومه تفرگ

ضلمه ودم المرضوض من الگاع اشرگ

نازعت بيني وبين ملج الموت اشهگ

صعبه اعله الاحباب

تتوادع وتهمل نواظرها

مني للخيام

شفت الحسين اعيونه دايرها

////////////

طايح اخوي وفوكه هاي الخيل تسعه

ورماح وسيوف وحجر كامت تكطعه

تمنيت واحد من هلي يحضر وافزعه

ولبيك يا داعي المصاب اينادي اسمعه

من شفته مطروح

وخيمه محتركه اشاهدهه

تمنيت الانصار

ترجع اليه وهسه اناشدهه

///////////

سبعين الف وحسين بين الجيش انظره

نبله اعله نبله وطبره صارت فوك طبره

شفت امي دون الباب من صديت صدره

والكاع من سيل الدمه يا عمه حمره

امخضبه الكاع

من دم اخوي احسين ياعمه

وذاك الجسد صار

تطشره السيوف وترجع اتلمه

//////////

ماضل عضو بحسين ما مكشوف جرحه

وفوك المصاب الشمر يتعنه لذبحه

هل منضر ابيا كلمه يلغالي اوضحه

تمنيت اوصله وتراب اجبينه امسحه

ماضل عضو بي

اله وعليه لو طعنه لو طبره

والتاخذ الروح

شمر اللعين ايگطع ابنحره

احمد عيسى البديري

&&&&&&&&&&&&&&&&&&&

احمد عيسى البديري

الخامسه عشر

بعد ان هدأ يوم العاشر من محرم  نظرت العقيله فلم ترى احد من اخوتها

سلمت عيني ابلا مسه

شو خدري محد يحرسه

معقوله اضلن وحدي

بين اليتامه والنسه

لو اهلي راحوا من بعدهم شنتضر

ياروحي غيبي كبل ماشوف الشمر

&&&&

انه زينب _ والمصايب _ تركت ابكلبي أثر

والاحبهم _ ودعتهم _ بآخر دروب السفر

لو بيدي وأكدر امشي وياهم

ميته وتأمن روحي بحماهم

جني غريبه بالخيم

اختلفت وجوه الحرم

مشدوه بالي من الجره

محتاره ادور عل علم

بوداع اخوتي خلصت أيام العمر

ياروحي غيبي كبل ماشوف الشمر

&&&&

واليتامه _ من تنادي _ وين الاحبه والاهل

شرد اكلهم _ عن أهلهم _ غابوا ابليل الاجل

والي يزود أكثر احزاني

بوجه اليتامه انضر اخواني

من انسئل عن الكمر

يتصوب اجبيني ابحجر

لمن اصيحن كافلي

يعطش عله شفافي النهر

حر الضهيره ابرد من ازغر صبر

ياروحي غيبي كبل ماشوف الشمر

&&&&

والعساكر  _ بالمشاعل _  تشعل ابروحي الجمر

وكلبي حاير _ بالحراير _ والعليل ابياكتر

والي يهيج جرحي والامي

وجه الشمر كل ساعه جدامي

ياكافلي شنهي الخبر

طول يعباس السفر

اعذرني وادري اتالمت

متعوده اصيحك للخطر

لا هيه ساعه واحتمل هذا الأمر

ياروحي غيبي كبل ماشوف الشمر

&&&&

والينادي _ ها يزينب _ كل حرف منه سهم

طر دليلي _ وانه حيلي _ من مشه حسين انهدم

الدنيا جانت نسمة أنفاسه

و هسه اعاين عل رمح رأسه

من بعده علدنيه العفه

ضامي وعله الرمضه غفه

يافجر مابعدك ضوه

ابكربله نورك طفه

حركوا خيمنه والخدر أصبح جمر

ياروحي غيبي كبل ماشوف الشمر

&&&&

سلبونه _ابلا حميه _ من بعد كل الجره

ابعباتي _ كل بناتي _ خافن ولبدن تره

ماكو الم مثل السده عليه

شفت اليسلب عتله ترجيه

وجهت عيني للسمه

مطرت عله مصابي دمه

ياربي كتله هلطلب

محتاجه امي فاطمة

تذبحني جلمة ها يزينب والخدر

ياروحي غيبي كبل ماشوف الشمر

&&&&

عيني نامت _ لحظه وحده _ ورجعت ابعيني الصور

لنه خدري _وعالي قدري _ بشمس وانجوم وكمر

فزيت لن راس الرمح عالي

واتابعن غالي بعد غالي

لمن اعاين للثره

كل الشفتهه اموذره

للغري وجهت النضر

يابويه كتله اميسره

كلشي احتملته وادري   بالرايح يمر  

ياروحي غيبي كبل ماشوف الشمر

&&&&

احمد عيسى البديري

نعي لمصاب الرضيع عليه السلام

ما رحمت سهام الكوم حتى البلمهد بعده
من شاله ابوه حسين بجفوفه مثل ورده
كاللهم يهاي الناس ذنب الطفل ماعنده
أذاه العطش اسكوه من هذا النهر ورده

سكتت كل هذيج الناس وسفه ومابكت رحمه
شعدها وي الطفل من ثار من العلكمي تحرمه
ولن من وسط ذيج الكوم صوب حرمله سهمه
إله افجع ابوه حسين  بي واكسر قلب أمه

نسمه من الهوه كشفت ثوبه وبينت نحره
ولن السهم يتعده بين اوداجه وينحره
من حر السهم حسه و قلبه من العطش جمره
رفس من الألم وحسين صابر ياكبر صبره

ضنت أمه شارب ماي من ساكت رجع ليها
وناغت يلولد رديت لكن ما يحاجيها
من كربت لن حسين ببنيها يواسيها
صبري اعله الجره والصار عند الباري نلكيها

نعي للحوراء زينب عليها السلام يوم العاشر

ونت الحره بصوت معول
وينك يبو الحملات عجل
والحك تره العدوان تشعل
بخيمنه واحنه بيا نوه انحل
من بعد ذيج ارجالنه الكل
احنه انولينه بجيش موغل
ناوي لبيت المصطفى يذل
ويريد هاي اببدر يعدل
لا يرحم ولا من اذه ايمل
بحجيه اليكوله كلوبنه ايسل
واعله السبي ماناوي يمهل
ويريد بينه ويدور ويحل
وينصب أعياد بوين ينزل

نعي

ع التله وكفت زينب شلون
تنظر لجسم الولي مطعون
وحده اعله وحده من العده تكون

صارت عليه الناس طبكات
طعناتهم كلش غميجات
كلها تنادي بعده ما مات

من اقترب سلابه يمه
ويريد ويلي سلب هدمه
ريته انجفه وعيونه تعمه

كلها تريد من الولي ثار
لو يم أمير الشام ايثار
صارت عليه آثار و آثار

بعده عدل والشمر جاله
ويلي عليها شلون حاله
من القفه نحره فراله

ويلي يزينب عله الجره اعليه
من خذوا راسه وهوسوا بيه
بيا عين يلحره تنظريه

والخيل ذيج الخيل كلها
من عنده بله اليوم شلها
خلت عله صدره قبلها

عظملج الله الأجر بحسين
وبصحبه وبأهله الميامين
وبالي عله الشاطي بلا ايدين

يا كافله ونعم الكفيله
شدي العزم واتوكليله
درب السبي فوك الهزيله

بعد الخدر ذاك ودلاله
وهيبتكم وذيج الجلاله
خدرج فلا واحد بقاله

رزموا هزلهم وانووا الزوم
للكوفه بالنسوان هل يوم
جنكم اساره العجم والروم

فزاعيه


اه يلفاكده وين الدرب وين
الصوب المشرعه لو صوب الحسين
_______
بعدج منهو ضل اعله النساوين
اه يلفاكده وين الدرب وين
______
راح الجان يرعب بالمجبلين
اه يلفاكده وين الدرب وين
______
اليطبك بين اديه يسار ويمين
اه يلفاكده وين الدرب وين
______
ابو ريشه التعلم عل نياشين
اه يلفاكده وين الدرب وين
______
ضل فوك الشريعه بلايا جفين
اه يلفاكده وين الدرب وين
______
عمود بهامته والسهم بالعين
اه يلفاكده وين الدرب وين
______
وراح حسين بعده وين تردين
اه يلفاكده وين الدرب وين
______
الجان ايجسم العدوان صوبين
اه يلفاكده وين الدرب وين
______
سبع المايلحك ضربته البين
اه يلفاكده وين الدرب وين
______
عليه خيل العده سوت ميادين
اه يلفاكده وين الدرب وين
______
تراهي الناس لا ذمه لادين
اه يلفاكده وين الدرب وين
______
تمنيته علي وياج هل حين
اه يلفاكده وين الدرب وين
______
لو حمزه اليرد الصاع صاعين
اه يلفاكده وين الدرب وين
______

أحمد عيسى البديري

نعي للحوراء زينب عليها السلام بعد يوم العاشر

منهو اليرجبني عله حداية النوك
ومنهو اليعدل مركبي من ندخل السوك
ضاعت بعد ضيعت هلي وما ضلت حكوك
شوكي لجيت كافلي مايشبهه شوك

سدر ضعنه من بعد ذيج الصناديد
يحدي بمراكبنه اجنبي وكيود بالايد
تمنيت يحضر من هلي هذا السبي حيد
واعله العساكر كربله وعلومها يعيد

وسفه عله هذا الدهر وياحيف علصار
تمشي سبايا بالمدن عيلة المختار
وبسوط ضالم تنضرب يا ويلي ال غار
ورأس الولي فوك الرمح وعله الحرم دار

أهل الخدر بعد اليسر والأم واهات
بخربه بنات المصطفى كل ليلها تبات
اتمنيت إلى بصدري سهم مو هل معانات
كلفات نجلات العدوا والزهره كلفات

كل ساع أعد وارجع واعد خافن طفل طاح
وافزع مثل طير الكطه من اسمع اصياح
راح الأمان بي نضل يا ويلي من راح
أجساد ضلت بالعرى وروس اعله الرماح

نضرة الوادم ل ام خدر بقلوبها سهام
الماشايفه ضل ابضوه ولا سامعه اثام
بيا حال من تدخل قصر رايات وأعلام
دارت عله زينب صدك رحاة الايام

قصيده جديده للمشايه ٢٠٢٣

خطواتي هذا العام محسوبه
وأكثرها نذر بنية التوبه
ديني ثجيل وورقتي سوده
وكاصدلي خير مايسد بوبه

=====
امشي
وقلبي يدك بحسين وحروفه
كلشي
مابيه ذكر لحسين ماشوفه
نيتي
بكد اليقين العندي معروفه
جايع
اشتهي زاده وارضه بحروفه

شينطيني هو امفضل عليه
بإذن الله أمامي ويملك البيه
من امشي من زياره لزياره
ما وفي حق حيل البرجليه
كعبتي وجيت اتعلق بثوبه
وكاصدلي خير مايسد بوبه

=====
رحمه
درب الحسين وسجته الخضره
بلهفه
خدامه من العام منتظره
كاصد
وبنيتي اواسي فاطمه الزهره
أسرع
لروض الجنان وادخل الحضره

حتى النفس محسوبلي أجره
خط ياقلم حبرك تره بحره
قل لا نفاذ السفرته وزاده
حتى التعب للغالي بي ثمره
لشجرة حسين الخدم منسوبه
وكاصدلي خير مايسد بوبه
___
اهدي
يوميه من خطواتي والنيه
عجل
ياربي بالدوله السماويه
عندي
غايب واريده يرجع عليه
وادعي
يسمحلي رغم البيه والبيه

مقصر هواي وما اضن يقبل
وياه ياخذني بفرد محمل
اعترف اني هواي اذيته
بس ما يرد محتاج من يسأل
ضيف الكرام وقصعه مصبوبه
وكاصدلي خير مايسد بوبه
___
تلطف
عليه الجليل وخير انطاني
شيعي
جعفري ودرب حسين رباني
شطلب
من حسين خادم عنده سواني
ضايع
لو ما يكلي تيهت اني

شهد الخدامه لو ضكت طعمه
ما ترضه ساعه تعوف هلنعمه
من الجنه نزل ربك البيها
كرامتا وموقعه باسمه
والضلت بلازلم مسلوبه
كاصدلي خير مايسد بوبه
____
اقسم
هذا يقيني بخير و بشده
محد
نادم رجع فد يوم من عنده
ينطي
من وره الباب السائل بكصده
يأبى
ابن الكرام السائل يرده

سائل اجيت الحضرتك كصدي
وبدون خيرك كلشي ماعندي
وبكيفك انت ترفض توافق
عهدي بكرمكم ما اختلف عهدي
مهموم قلبي وروحي متعوبه
وكاصدلي خير مايسد بوبه

احمد عيسى البديري

جديد ٢٠٢٣ قصيده لطريق السبي على لسان حال الحوراء زينب عليها السلام

حزن.- دمع - تعب - مسير بلا نهايه
ضرب - شتم - أذى - عليه وعل سبايه
انه اتمنى تردون - واراويكم المتون
هلي
===================
هلي يهل الكرم ديوانكم وينه
ليش الدرب باعد بينه وبينه
اريد ادخل وبيدي ارقيه وسكينه
واكول ال بالسبي شنهي الجره علينه

ردت - يرد - جمع - هلي وذيج العشيره
وارد - حقد - شمر - وابن سعد واميره
لون النه تحضرون - واراويكم المتون
هلي
===================
عله ام الخدر حتى النضر كلفه
وذوله أشرار دنيا عيونهم صلفه
المرنه يلغياره من الصعب وصفه
بعض يتفرجون وبعض يتشفه

سوه - نطب - حرم - تميل اعله المحامل
وسط - مدن - نمر - وخرايبها المنازل
تعبنه ومايرحمون - واراويكم المتون
هلي
===================
يدني الراس لينه الشايله وكصده
ياذي قلوبنه ويزيد الشده
ما يكتفي بهاي وهم سبب عنده
يفرجنه العيون الينظر بحقده

حلم - لون - يعد - بطل منهم علينه
قسم - فلا - يضل - طرف كيد بادينه
تخلص رحلتي شلون - واراويكم المتون
هلي
===================
بالكوفه ردت لو حمزه لو جعفر
لو حامي الحمه من الغري يحضر
ويشاهد زينب ابهل الحال والمنظر
و بنار المصيبه والسبي تسعر

بقت - بلا - حمه - فقط نسوه ويتامه
وإذا - نادت - اخو - تصد بالرمح هامه
لون هسه ترجعون - واراويكم المتون
هلي
===================
مشينه والدرب ما ينوصف حاله
كل خطوه ألم وادموع هماله
بأعياد العساكر غنه وطباله
بعلي بغضا تغني نقتل عياله

بشر - شالت - بغض - تولد من اميه
اجت - تطلب - بدل - ديانه الجاهليه
عله همنه يغنون- واراويكم المتون


احمد عيسى البديري

الصوب المشرعه لو صوب الحسين
اه يلفاكده وين الدرب وين
_______
بعدج منهو ضل اعله النساوين
اه يلفاكده وين الدرب وين
______
راح الجان يرعب بالمجبلين
اه يلفاكده وين الدرب وين
______
اليطبك بين اديه يسار ويمين
اه يلفاكده وين الدرب وين
______
ابو ريشه التعلم عل نياشين
اه يلفاكده وين الدرب وين
______
ضل فوك الشريعه بلايا جفين
اه يلفاكده وين الدرب وين
______
عمود بهامته والسهم بالعين
اه يلفاكده وين الدرب وين
______
وراح حسين بعده وين تردين
اه يلفاكده وين الدرب وين
______
الجان ايجسم العدوان صوبين
اه يلفاكده وين الدرب وين
______
سبع المايلحك ضربته البين
اه يلفاكده وين الدرب وين
______
عليه خيل العده سوت ميادين
اه يلفاكده وين الدرب وين
______
تراهي الناس لا ذمه لادين
اه يلفاكده وين الدرب وين
______
تمنيته علي وياج هل حين
اه يلفاكده وين الدرب وين
______
لو حمزه اليرد الصاع صاعين
اه يلفاكده وين الدرب وين
______
احمد عيسى البديري

عند رجوع زينب عليها السلام الى كربلاء بعد رحلة السبي

وصلت الكم يخواني ،،،،، ولا واحد تلكاني
،،،،،،،،،،،،،،،،،،،،،،،،
عكب ذاك اليسر وجروحه والفركه
اجيت وروحي ملهوفة على الملكه
جبت درب السبي شهكه بعد شهكه
يذريني الهوى جن خيمه محتركه

تشب روحي بألف حسره ،،،،، والف دمعه والف ذكره
اساميكم على الساني،،،،، ولا واحد تلكاني
،،،،،،،،،،،،،،،،
هومت وشفتكم كلكم اكبالي
وكعدت احجيلكم واشكيلكم حالي
فزيت وشفت لن المحل خالي
ومن طيفي بقه بس مدمعي يلالي

غريبه ولا أهل يمي ،،،، وأحن والهم أبث همي
زماني بهمي خلاني ،،،، ولا واحد تلكاني
،،،،،،،،،،،،،،،
وصلت الكربله ولن كربله صحره
اشو ما منتظرني الجنت منتظره
وياه امشي من خيمه لعد اخره
مشيت ابدونه واني جمره مستعره

علي بيده يدليني ،،،، بكبر عباسي وحسيني
وكلتله الهدني و آذاني ،،،، ولا واحد تلكاني
،،،،،،،،،،
وكفت اعله النهر والماي بيديني
يشعلني جمر بس ما يرويني
ترست الجود منه ورحت لحسيني
وعذرت الوصه اخوه وكال اعذريني

اخوه خيته انقبل عذره ،،،، رفع قدري بعلو قدره
ردت اشكيله احزاني،،،،، ولا واحد تلكاني
،،،،،،،،،،،
شفت دار الغوالي وبدت روحي اتهم
ورحت صوب الخيام وبالرماد ارسم
خيمه الجانت الاهل النبوه اتلم
ارسمت كاروك بيها ولنه متخذم

اسمعت صوته وسكت فجأة ،،،،، وشفت نحره على مرأى
الجدم للحومه وداني ،،،،، ولا واحد تلكاني
،،،،،،،،،،
صحت يهلي فلا ضل حيل للوكفه
وجروح السبي ما ضن بعد تشفه
جبتلكم مواقف عل حرم كلفه
من قصر اللعين البينه يتشفه

أنا زينب يهل نخوه ،،، جنت محتازه للخوه
اصيحلكم يولياني ،،، ولا واحد تلكاني
،،،،،،،،،،،،
أودعكم اوداع الما اله رجعه
و اواعدكم فلا تنشف الي دمعه
جرعت اليصعب اعله احد تره جرعه
اجدم غالي وانظر للعده اتكطعه

واشد غالي اودعنه ،،، حسين الموته يتعنه
افزع كمت بإخواني ،،،، ولا واحد تلكاني
،،،،،،،،،

احمد عيسى البديري

حوار بين الحوراء زينب وعلي السجاد عليهما السلام تخبره بحال الحسين عليه السلام والخيل تدوس جسده الشريف
 
 
 
لو شايف الخيل
ياعمه شتشيل ابحوافرها
تتصابب دموم
واوصال اخوي بنصها اناضرها
////////////
ياعمه عل تل واصد صوب المعسكر
وبعيني اشوفن صدر اخوي حسين منطر
ميدان والخيل ابوسط اضلاعه تفتر
حرمه ودليلي من الجره نيرانه تسعر
 
شاهدت الرماح
يا ويلي تتلاگه ابخرز ضهره
واتخيل الحال
سبعين الف فوك الثره اتوذره
////////////
كل حافر اعله حسين چنه اعليه يسحگ
وجسمي معه المطروح عل حومه تفرگ
ضلمه ودم المرضوض من الگاع اشرگ
نازعت بيني وبين ملج الموت اشهگ
 
صعبه اعله الاحباب
تتوادع وتهمل نواظرها
مني للخيام
شفت الحسين اعيونه دايرها
////////////
طايح اخوي وفوكه هاي الخيل تسعه
ورماح وسيوف وحجر كامت تكطعه
تمنيت واحد من هلي يحضر وافزعه
ولبيك يا داعي المصاب اينادي اسمعه
 
من شفته مطروح
وخيمه محتركه اشاهدهه
تمنيت الانصار
ترجع اليه وهسه اناشدهه
///////////
سبعين الف وحسين بين الجيش انظره
نبله اعله نبله وطبره صارت فوك طبره
شفت امي دون الباب من صديت صدره
والكاع من سيل الدمه يا عمه حمره
 
امخضبه الكاع
من دم اخوي احسين ياعمه
وذاك الجسد صار
تطشره السيوف وترجع اتلمه
//////////
ماضل عضو بحسين ما مكشوف جرحه
وفوك المصاب الشمر يتعنه لذبحه
هل منضر ابيا كلمه يلغالي اوضحه
تمنيت اوصله وتراب اجبينه امسحه
 
ماضل عضو بي
اله وعليه لو طعنه لو طبره
والتاخذ الروح
شمر اللعين ايگطع ابنحره
 
احمد عيسى البديري
 
&&&&&&&&&&&&&&&&&&&

حوار بين الحوراء زينب واخيها الحسين
 
ياخويه بس الموت دونك شايفه
من المدينه  وعني ترحل خايفه
//////////////////
خلينه - يحسين ناخذ ليلنه ركاب
خلينه -  ماننتظر وتروح الاحباب
خلينه  - ما النه واحد العده اجناب
خلينه -  هاي العساكر مالها اعتاب
 
ب الي يصير اعليكم انه العارفه
من المدينه  وعني ترحل خايفه
//////////////////
من البارحه -   وطيوف هجرك شادهه البال
من البارحه -   فوكك اشوفن الف خيال
من البارحه -  محتاره تدري وحالي يا حال
من البارحه -   انظر بديه دموم واحبال
 
كل ساعه تجري ا بال اختك طارفه
من المدينه  وعني ترحل خايفه
///////////////////
يلغالي -  ما احتمل ساعات الوداع
يلغالي -  كل لحظه اشوف وصال بالكاع
يلغالي -  نادي الضعون وكومنه بساع
يلغالي  -  بالعاشر اعرف ماكو فزاع
 
دكات كلبي من الموادع راجفه
من المدينه  وعني ترحل خايفه
///////////////////
بعيوني  -  كل غفوه ترسم نار وخيام
بعيوني -  راسك اشوفه يدور كدام
بعيوني  -  ب الخيمه اشوفن نار وايتام
بعيوني - عباس اشوفه امصوب الهام
 
طمن اخيتك كون غير السالفه
من المدينه  وعني ترحل خايفه
///////////////////
يحسيني  - هاي العساكر تنده الثار
يحسيني  - وتتوعد النه ابطرت النهار
يحسيني  - مايبقه بس نسوان وزغار
يحسيني -  شمل الاحبه ايصير طشار
 
ليش العساكر صوب دارك زاحفه
من المدينه  وعني ترحل خايفه
///////////////////
كل ساعه -  اذكر ابوي ودمه المحراب
كل ساعه -  وضلوع امي وعصرت الباب
كل ساعه -  خوفي تروح من ايدي الاحباب
كل ساعه -  يردون كلبي بغالي ينصاب
 
 
هاي  الاقمار بحلمي تطلع كاسفه
من المدينه  وعني ترحل خايفه
//////////////////
شد بينه -  هلناس ما تستاهل حسين
شد بينه  -  ما همها غير المال والبين
شد بينه -  لا عدها غيرة عرب لا دين
شد بينه  - ابيا زمان اتريده وال وين
 
ماعوفك ا بضلع التكسر حالفه
من المدينه  وعني ترحل خايفه
 
احمد عيسى البديري

القصيده السابعه

اخر رساله من الحسين كان راسه ليحرس اخته العقيله ويسليها  في طريق السبي

ساعد الله قلب زينب وهي تنظر اليه



اخر رساله من الجسد _ فوك الرمح راس

للشام يبرالي بقه _ شكد شايل احساس

من تشتد الاحزان

يقره اكبالي قرأن

///////////////////////////////

ودعته وانا اعله الهزيله وعقلي محتار

وكل جرح من اجروحه كام ايسولف اسرار

شي شايل ابوسطه نبل شي يحمل اثار

وكلمني راسه من الرمح عن باقي الاخطار

يازينب ودرب اليسر _ كلالي ايام

وبالخربه يابنت النبي _ من نتعب اننام

لو طبينه بلدان

يقره اكبالي قرأن

//////////////////////////////

ماعافني لحظه وبقه كل دربه وياي

من اعطش اعيونه تصب اعله الهزل ماي

ولوشاف  جوتني الشمس وجدامي حفاي

ايميل من فوك الرمح حته امشي بفياي

انظرله من كد العطش _ امفطره اشفاه

لكن ولا احس ابعطش _ من امشي وياه

ينظر لو تعب بان

يقره اكبالي قرأن

//////////////////////////////

شايل محنه وغيرته اتخليني ارتاح

مرات انساه مرتفع راسه اعله الرماح

هذا الاخو الصح ينحسب تجايه للطاح

ميت ولا اكدر اكول اعله الاخو راح

لوشاف دمعاتي تهل _ يحاجيني بهداي

ايكلي اتمنه لون _ اجفوفي وياي

اسمع والهظم هان

يقره اكبالي قرأن

//////////////////////////////

رغم العليه مر وجره من ويل واهات

لو شافني ضهري انحنه وعشت المعانات

وبانت عليه من الالم ارسوم الاموات

يحنيلي رمحه ويبقه يقره ابكربي ايات

حاميني صوته من الشمر _ وعيونه حراس

يوكف رمح كون انهظم _ ويواجه الناس

تاخذ روحي الاشجان

يقره اكبالي قرأن

///////////////////////////////

حكي من اهل دمعي دمه وحكي من اساهر

وما استضل بعده بسكف واعمي النواظر

هاي المصيبه ابكربله يهل المنابر

الشايل كلب هلكد ترف تحت الحوافر

التحت الحوافر منسحك _ والفايضه دماه

متألم اعله اليقتله _ ويصيح ويلاه

رغم ال عل سبط كان

يقره اكبالي قرأن

///////////////////////////////

لوغمضت جفني ترد ابالي الاحلام

واذكر اخوي اشكد سهر مايقبل اينام

يبقه يلم شوك الحسك من حول الخيام

كتله يخويه هل كتر مو درب الجدام

بيده مسح جفني وكشف _ قبل  الجره الصار

وبياكتر من ينذبح _ اتهيم الزغار

تطفه ابكلبي نيران

يقره اكبالي قرأن

&&&&&&&&&&&&&&&&&&
احمد عيسى البديري

لمصيبه استشهاد الرسول الاعظم صلى الله عليه وسلم
الزهراء تشكي حالها


اشتكيلك يا ابي
من فعال الناصبي
غمضت عينك وبابي هشمت هذا الصدر
بت محمد يامحمد صعبه لمن تنصطر
///////////////////
من رحت المن عفتني كلبي شاب من الحزن
دنيه من بعدك يغالي صارت ابعيني سجن
مارعوا حقي يبويه ابدار احزاني اون
كالوا اتأذينه فاطم عله الوالد من تحن

بعده ما جف الكبر
اصبحت بابي جمر
محسن من العصره طايح وانه كسري يستعر
بت محمد يامحمد صعبه لمن تنصطر

بابنه الدكيته بايدك. غادر اعليها سعى
وعلي كدامي تكيد وانه بجفوفي الدعا
والله لو مو بالوصيه وكلب ابن عمك وعى
اله اخلي السمه اعليهم تهوي فوك الواسعه

الجره اعلينه صعب
دخلت ابداري الغرب
بويه ذيج المدري ياهي كامت كبالي تمر
بت محمد يامحمد صعبه لمن تنصطر

والحسن وحسين يمي وانه اعاين فرفحوا
تدري سبطينك يبويه من المصاب اتجرحوا
كوم ماتعرف قرابه بكل اسى اعلينه نحوا
ناموا ابسد الرساله ومن رحت بالغي صحوا

بويه امشي وانتجي
وعيني تعبها البجي
زركه يابويه تراهي و تشتعل مثل الجمر
بت محمد يامحمد صعبه لمن تنصطر

يوم ما مر اعله بنتك من رحت والهم بده
بضعتك صارت غريبه والقيود امشدده
بويه هم تدري الجرالي صارت اصحابك عده
المدينه الي عفتها ضدي كلها امجنده

عليه اصعب هلجروح
عليك ميقبلون انوح
بويه اخذني وياك اريدن ما اريدن هلعمر
يامحمد بت محمد صعبه لمن تنصطر

كل جرح يسكن انينه بس جرح حيدر صعب
كبالي اخذوه للسقيفه وانه كدامه انضرب
يكلي يا فاطم اصبري ودمعه من عينه يصب
صابر ونار الوصيه بكلبه كل ساعه تشب

بويه تقبل انشتم
واوكف ابمحضر زلم
والاشد من كل مصيبه ياحبيبي هل امر
بت محمد يا محمد صعبه لمن تنصطر


احمد عيسى البديري

قصيده بمناسبة استشهاد الرسول الاعظم عليه الصلاه والسلام
حوار بين السيده الزهراء وامير المؤمنين عليهما السلام

هاك القلب شوف اشبي تعرف جرح دلالي
كرب مصابي وهل يوم يصعب وداع الغالي

يا أبا الحسن نار الروح لمن تشب ماتبرد
ومجمر حزنها اعله ارماد هذا القلب من تخمد
تدري الوداع المحتوم ل اهل الكسا هم يمتد
وباجر تمر بينه اهات لا تنحسب لا تنعد

ويعينك الله عله الجاي حالك اشد من حالي
كرب مصابي وهل يوم يصعب وداع الغالي

هذا الابو خيمه ايصير ويفيي فوك عياله
لو عنهم بيوم ايغيب يتركهم ابيا حاله
وبعينه ينظر للناس حقد وطمع حماله
ويدري بعد موته ايدور بأهله الحزن واهواله

تعرف يبن عمي اشكال من الابو اتدنالي
كرب مصابي وهل يوم يصعب وداع الغالي

سرني النبي وسره ايكول اول مصاب امصابي
وصحبه الذي يمه اليوم توكف غدا يم بابي
يدفعني واحد بالباب واكثر يزيد صوابي
شتمي وحرك بابي يهون ولا اترك اني حجابي

زيد الصبر يابو حسين لو شفت دمعي يلالي
كرب مصابي وهل يوم يصعب وداع الغالي

تدري وان بيها يكول سجروا الحطب علزهره
وتربة أبوي المدفون لسا بعدها خضره
كوم البغي الهذا اليوم و اسلم اجت متحضره
بئس الصحب هاي الكوم لا واحد ولا عشره

بعد الابو من هلناس غيرك فلا يبقالي
كرب مصابي وهل يوم يصعب وداع الغالي

فكد الابو ايهد الروح ويترك جرح مايشفه
اصحه ودمع عيني ايسيل واعله الدمع اني اغفه
بس تعرف اشراح اتكول هاي القلوب الصلفه
اذتنه فاطم بالنوح نوحي تريد اتكفه

بدار الحزن يابوحسين اني انتحب لهوالي
كرب مصابي وهل يوم يصعب وداع الغالي


احمد عيسى البديري