شلونكم شلونها المعنويات رغم كل الظروف گلبي ودعائي وياكم 😘❤️
وتفكيري😔

#شمس

@shms98_bot

شوكت تراجع ؟ 4/1
شوكت تبدي تدرس للوزاري 4/1
شوكت ينتهي السادس كدوام ؟ 4/1

ترا يوم 4/1 لا عيد ولا يصادف رمضان ولا محرم ولا بداية سنه هجريه ولا يصادف معركة بدر

يعني ليش بالذات هالتاريخ.؟؟؟؟؟ 😒

ترا عادي اكدر.اسويلك جدول مراجعه ب 25 يوم بس وشرط اخليك تحفظ الكتب كلهن 🤷‍♂

تبدون تراجعون من 4/1 وانتوا ماشايفين الفصل الثالث من كل ماده

وانتوا 60% من كل ماده نقوصات
و 40% ضابطهه بس

خل اكلك شيي ... اذا عندك نقوصات فصلين من كل ماده لتبدي تراجع

الا.اذا سويتلك جدول نقوصات وشرط تلتزم بيه مو تباوعله وتاخذ منه مراد بس 😒

يعني انت طالب سادس تريد تمتحن وزاري بلا تخطيط ؟؟؟؟؟

حبيبي ماعليك بفلان بده يراجع وفلان خلص نص الماده وفلان خلص كتب

انت عليييييك بنفسسسسسسك انت وين.واصل ؟ وشلون تنقذ نفسك

#اشــــــــــــــــــــــــــــــــــــــــــو

باجر لازم أكعد اكمل تمرين🙈 وأحضر فطور
وأكمل ملزمة علاقل🥹☺️ حتى بليل نتفرغ للدعاء وانتو شراح تسوون؟؟
يارب يوم سهل وحلو ومليان رحمة للجميع💘

#شمس
@shms98_bot

#عطلة_العيد ..

▪️ شدوا حيلكم واقروا لأنه حنطيكم عطلة قريبة .. ✅

شد حيلك واتعب هسه حتى بالعيد تتونس وتغير جو ، ححددلكم قريبًا عطلة العيد ..

ف انت شد حيلك هسه حتى تتلذذ بيها .

#ســـالـــم_ال_مــنـــصـــور

• فترة المراجعة الوزارية.
• الإجابة على اغلب أسألتكم.
• اعداد : سالم ال منصور

‏"لا تعامل الله بِالقلق، عامِلهُ باليقين، ليُعاملك بالمعجزات "

إنت انسان مو آلة الكترونية يعني راح تتعب وتضعف وتبچي وهذا الشي عادي جدا ، مو معنى ان اليوم هذا الي مر عليك بدون اي انجاز واجتهاد يعني انك فشلت بالخطة وصار اسوء التوقعات وانتهت الدنيا ، هذا يعني انك محتاج ترتاح وتهدئ بس وبعدها تبدي من جديد ، فأرتاح ♥️✨

ساعة استجابة

ادعوا رب العالمين اطلبوا منو ما تريدون❤️

صباح الخير، أمّا بعد: هل ما زلت تملك الإصرار ذاته الذي خطوت به أولى خطواتك؟

ملاحظة : ارجع اقرا المنشورات الفوگ يلا تقرا هذا لان ماراح تفهم منه شيء بدونهم..دوم أگول لكم السادس يبني شخصيتكم .. مو مجرد مرحلة وتروح وتنسي .. المكتوب لگيته بدفتر جديد من دفاتر مذكراتي ، كاتبته قبل كم شهر.. ومثل ماتلاحظون بعدني احجي وي روحي بنفس الطريقة التشجيعية الي حجيت بيها وي ضحى الي بالسادس .. فبس حتى تعرفون اذا بديتوا هالشيء هسة وبديتوا حوار داخلي صحيح وي أنفسكم ونظفتوا دماغكم من الحجي السلبي والمخربط ، ماراح يفارقكم هالشيء طول عمركم وراح يكون افضل شيء تسوونه بحق أنفسكم للأبد ❤️❤️
#ضحى

#اسلامية/ زكي النهيري ع يوتيوب
#رياضيات/ حيدر وليد ، حيدر عبد الائمة
#عربي/حسين الغريب كلشش زين وتضمنين خلالة ال٩٩ بالعربي
وسجاد اللامي وجميل الحسن
#انكليزي/ محمد حسين ،مصطفى حاتم الحسناوي
#احياء/ ميرزا احمد عنده طريقة يفهمج حتى ماتنسين واتحداج اذا تنسين الاحياء لو بعد سنتين، ونورس الموسوي، وسالم ال منصور
#كيمياء/ هاشم الغرباوي
وعمر حسين (حتى الكلامي يفهمج)
#فيزياء/ حسن عبد الكاظم ،محمد حسن القريشي ، أنور السلامي

وبالنهاية كل شخص يختلف عن الثاني, ونصحتج باكثر مدرسين يدرسون عليهم الطلاب ومجربينهم بس انتي جربي وبحثي بنفسج هم واتوكلي ع الله وابدي باسرع وقت❤️. #شمس

@shms98_bot

الفيزياء حسن عبد الكاظم وهواية مدرسين زينين اكو
الكيمياء طبعا اكيد هاشم الغرباوي عملاق
واكو اشياء حفظيه بالكيمياء هم يحتاجلها فهم بحثي عنها باليوتيوب اكو اكثر من شخص شارحهن بتفصيل وبافكار حلوه هم.
العربي حسييين الغريب وسجاد اللامي ❤️

#شمس

سلامٌ على المُجاهدين في ساحات العِلم
#طلاب_السادس


أعرف يمكن بيكم بده بالمراجعة وبيكم باچر عگبة يبدي ..لذلك حبيت أحچيلكم كم شغلة تخلوها ببالكم

هاي شغلات عامة للطلاب جميعا ..

١_ توكل ع الله وخلي طموحك گدامك مثل مابديتها ولتوهن لو تضعف هن شهرين ٣ وكلشي يخلص صدّگني وترا دراستك ١٢ سنة بجهة وها ال٣ أشهر بجهة يعني هنّ اللي راح يحددن مصيرك.



٢_قبل متبدي بالمراجعة إخذلك يومين او ٣ أيام إستراحة وإبتعد عن الكُتب نهائيًا ،بذني اليومين إرتاح وريّح ذهنك وعقلك وإطلع غيّر جو وسوّي فد شي تحبه ، المهم ترتاح.



٣_إذا عندك نقوصات بالمواد فصل فصلين كمّلهن يلاتبلّش مو عندك بالرياضيات فصل ممكمله وتبدي تقرأ لا ، كمل نقوصاتك كلها يلاتبدي.



٤_ليظل ببالك انو لازم تهيّأ مكان دراسي وأجواء شاعرية وكذا ،صحيح ذنّي الأشياء يحفزن أكثر ويساعدنك عالقراءة أكثر بس مثلا اكو طلّاب حالتهم تعبانة وبيتهم يادوب مكفيهم تجي انتَ تگله مكان دراسي وخضار وأشجار ومدري شنو ، ترا النجاح يجي بدون المكان الدراسي والمعدل العالي هم يجي وأقسملك بالله يجي ف لتخلي ببالك انو فلان حيجيب معدل أكثر منك لان عنده مكان دراسي حلو ومعزول عن البيت وهدوء .. لا ترا اكو متوفرلهم كلشي ومجابوا نتيجة واكو ممتوفرلهم اي شي وصنعوا التميز من رحم المعاناة.


٥_كلّش عادي وطبيعي إنّك من تكمل المادة تحس نفسك كلشي مقاري وكلشي ممضبط واذا يسألوك متجاوب ، أبصملك بالعشرة حتى بالمراجعة الثانية مراح تسيطر ع المواد ،تدري شوكت تسيطر؟ ليلة الامتحان ، حتلو تروح للامتحان وتحس نفسك ممسيطر وانت مكمل مادة وقاري بس عادي ،بس تجيك الاسئلة العقل تلقائيًا يبدي يسترجع خزين المعلومات اللي عندك.


٦_إبتعد عن الاصدقاء اللي كلما يشوفوك يسألوك وين وصلت وشكملت ( هاي النوعية من اصدقائك إنطيهم بلوك هاي الفترة ) لان اكو طلاب اذا مثلا هو واصل للفصل الرابع ويسأل صديقة يلگاه واصل للفصل السادس اعتبر الدگ واللطم بده ..وشلون حيكمل وآني بعدني وبعد مالحگ وبعد ماگدر ويسويها عجة ظلمة ع نفسه وتالي يضيّع كلشي ، إعتبر نفسك بس انتَ طالب سادس بالدنيا .



٧_قبل متبدي بالمراجعة حضّر كل امورك ، ملازمك كتبك دفاترك أقلامك بحيث بعد ماعندك شي نقص.


٨_حافظ ع صلواتك بوقتهن خاصة خاصة الفجر وإلزم فد ورِد يومي وصفحة من القرآن ، مثلا يومية زيارة عاشوراء او إنت شتحب أقرأ المهم متهمل الجانب العبادي .


٩_لتخبص أهلك خبص ، خليك طالب أريحي ، عادي انت تگعد تسوي ريوگ لنفسك وأهلك نايمين ماكو داعي الا امك تگعد وها سكتوا فلان يقرأ ها فلان يقرأ ها فلان يقرأ .



١٠_خليلك يوم بالاسبوع مثلا من العصر لليل تفتح بي الموبايل او قبل متنام تفتحه نص ساعة ، ترا هم نحتاج صديق يطمئنا ونحتاج الناس اللي يشعّون علينا بالإيجابية ، بس مو تفتح الموبايل تسمع اغنية وتنام ، ترا تكئبك بالزايد .


١١_لتضايق نفسك انو من فلان ساعة لفلان ساعة اقرا هيج ومن فلان ساعة لفلان ساعة اقرا هيج ولازم اگعد هيج وكت و... لا ، بس انت حدد مادة لازم تكملها باليوم ..مثلا اليوم عندك واجب تكمل الفصل السابع ..بعد تقرأ الصبح تقرأ الظهر تگعد بالوحدة تگعد بالستة المهم انت متنام اذا ممكمل المادة المُقررة.


١٢_كل فصل من تكمله لخصه يمّك بورقه ومن تكمل الكتاب كله ارجع اقرا بس التلخيصات.




١٣_ إستخدم الورق الملّون للتلخيص اذا تحب يكون أفضل الك .



١٤_حاول قدر الإمكان تربط دراستك بأمثال من واقعنه وتسوي قصص وافلام ومسرحيات بخيالك 😁 ترا هالشي كلّش مُفيد وعن تجربة .




١٥_ كافأ نفسك دائمًا بأشياء تحبها وإتبع أسلوب التحدي ، يعني مثلا اليوم ماآكل إذا ماأكمل هذا الموضوع ، ومن تفوز بالتحدي كافأ نفسك .



١٦_خليك مطمئن ومتفائل دائمًا ، وعيونك الحلوة المكتوب يصير انتَ المهم سوّي العليك والله ميضيع تعب واحد .



وبالأخير أرجع وأگول أملنا بيكم وهن كم شهر ونلگه كل طالب گدام إسمه التخصص اللي يحبّه.💙متحدثتكم طالبة سادس السنة الماضية نجحت أول دور بمعدل ٩٢ بدون خصوصي ولاأي دورة ومن رحم المعاناة ..ودخلت للتخصص الأريده والحمدلله .


نسألكم الدُعاء يارِفاق ..🤝💙

هوِّن على قلبِك المحزونِ
إن لهُ ربًّا إذا نادَيتهُ ما ضيعك .

إنَّ الله جاعلٌ لِكل ما ترى فرجًا ومخرجًا.

أشياء دعيتها السنة اللي راحت، وهسه دتعيشها.. وأشياء تدعي بيها هسه و راح تعيشها بعدين بإذن الله،
‏لا تخاف.. لا تخاف من اللي جاي.

اذا انت طالب سادس وماگدرت تخلص المادة اللي عليك البارحة ، فميخالف هذا يوم جديد و اله نتيجة مختلفة
اذا انت طالب بأي مرحلة چانت وامتحان البارحة ماجاوبت بي زين فهمين ميخالف لان اليوم امتحان جديد وبي نتيجة جديدة

ازعل وضوج بس لا تيأس
لا تخلي نتيجة البارحة تأثر على سعيك اليوم وتخليك توگف هالسعي
كل يوم اله نتيجة خاصة بي
و كل يوم انت بطاقة جديدة ♥️.