لە گوڵزاری ویساڵت دەر بە دەر خۆم
لە جەنەت بـێبەش ئاوارەی سەقەر خۆم

لە دەوری شـەمعی ڕوخسارت وەکو شەم
ڕەفیقی گریە وگڕ تا سەحەر خۆم...


#زاری

ھەر کەسێ گەر مەيلی مەحبووبی بە دونيا بێ دەبێ
سەبری وەک من بێ لەبەر ئێشی فەلاقە و چێوەدا


#ناری

یەکێک لە شیعرە جوانەکانی #کەمالی

ئازیز نەمزانی وەفا لات قاتە
ھەر جەور و جەفا و دەردم خەڵاتە

بێمروەتیی تۆ لەحەدبەدەرە
نسیبی دڵم زامی خەتەرە

خۆ من سەرم کرد بە سەرگەردی ڕێت
دڵم کرد بە فەرش، خاکی بەری پێت

بە شەو پاسەوان کۆڵانەکەت بووم
بە ڕۆژ خادمی دەرگانەکەت بووم

ھەر ئەمرێکت کرد وتم بەسەر چاو
زوو بەجێم ھێنا تەکمیل و تەواو

ئەمرت لەلای من واجب و فەرزە
من بەم ئەحواڵە ئەتۆ بەم تەرزە

شەرت بێ دڵەکەم بسێنمەوە لێت
بێ وەفا ئیتر قەت مەیل نەدەم پێت

ئەوا جەژنە ھەموو کەس
دەس لە مل یارن بەدڵشادی

بەتەنھا یارەکەی بێ ڕەحمەکەم
دەستم لە مل ناکا..!



#کەمالی

جانا وەره ئەم جەژنه بەقوربانی سەرت بم
بۆ تیری قەزای چاوی حەسوودان سپەرت بم

شادن له تەماشای نەزەرت مەحرەم و ئەغیار
مروەت نییه تەنها هەر ئەمن دەربەدەرت بم..


#کوردی

بە سووتن چم، گلەم نەبووە لە دەردی سەردی میھری تۆ

من و شەکوە؟ وتی: گوێ ناگرم لەم فیتنە ھەڵبەستە

#مەحوی


#واتە:
سوێندم بۆ یار خوارد کە هەرگیز گلەییم لە دڵ‌ساردی و بێ‌ لوتفی ئەو نەکردووە و بەدکار هەر چی لەم بارەیەوه بۆ گێڕاوەتەوە، هەمووی درۆ و دەست هەڵبەستە.
ئەویش وتی: من هەرگیز گوێ بۆ بەدکار شل ناکەم چونکە ئاژاوە دەنێتەوە.

دووری لە شیعری #بێسارانی


قیبلەم ھا مەردم قیبلەم ھا مەردم
قیبلەم جە دووریت بیللا ھا مەردم

ھەر شەو تا بە سوب ھامڕازی دەردم
ھەی داد ھەی بێداد ھەی ڕۆی نەبەردم

ھیجرانت بەی تەور کار کەردەن وەنەم
ھەر ساتێ مەرگێ مەنمانۆ پەنەم

مەگەر خوداوەند بکەرۆ کارێ
شاد بم بە دیدار ئەو دڵبەر جارێ

وەرنە من بێ تۆ یاری دووروەتەن
گیانی شیرینم بەر مشۆ جە تەن

تا دڵ نەسووتێ دەمبەدەم
فانی نەبێ سەر تا قەدەم

پەروانە قەت ناگاتە شەم
هذا طريق العاشقين


#وەفایی

تا چاو و دڵ خوێنبار نەکەی
قەتعی هەموو ئەغیار نەکەی

فکری ویساڵی یار نەکەی
هذا طريق العاشقين


#وەفایی

کیتابی عیشقی مەجنوون ئایەتی ڕوخساری لەیلایە
لە سووڕەی یوسفا دەرسی جنوونی ئێمە نووسراوە..


#حەریق

بێرە سەر چاوم سەفاگاهێکی خۆشە گیانەکەم
چی ئەکەی هەر وای لەناو کڵپە و بڵێسەی سینەما

وا نەزانی من نەفامم پاسەوانی دەرکەکەت
تا ئەبەد ناگۆڕمەوە قوربان لەگەڵ تەختی جەما


#کەمالی

ئەگەر هاتی تەنیا وەرە...
هەروەک لە ناو دڵما تـەنیــای!


‘#پەشێو

فەرموویە وەفایی بە دڵی تۆیە ویساڵم
قوربان هەر ئەتۆ و دڵ؟ وەرە ڕوحیش بستێنە

#وەفایی

لە من غایب بووە، ھەر ناڵەمە وەک کۆتری حاقوو

#مەحوی

کۆتری حاقوو: جۆرە کۆترێکە خوێندنێکی خەفەتباری هەیە.

ئەگەر گریام لەبەر بێھۆشیی کوردان
مەکەن مەنعم کە چۆن بێئیختیارم

تەماشای خۆم ئەکەم ئێجگار ھەتیوم
لە شەرق و غەربەدا بێخەمگوسارم


#قانع

هەتا مابووم دەسی تاسەم نەگەییە چاکی دڵخوازێ
نە هۆشم مەستی بۆنی بوو نە گوێچکەم کەیلی ئاوازێ

کە مردیشم لە ژوورێکی نەخۆشخانەی سلێمانی
نە دڵسۆزم لە دەورم بوو نە کەس بەو مردنەی زانی


#ئەحمەد_هەردی

پێنج‌خشتەکیەکی #کامیل_کەسنەزانی
لەسەر غەزەلێکی #زاری


بە ئاڵۆزی لە پێ کەوتووم بە بێ مەی
وڕ و گێژم چلۆن ڕێگەم بکەم تەی

بە ئاوازێ حەزینۆ هەر وەکوو نەی
وتم: زاری ئەتۆ چۆنی؟ وتـی: وەی

کە من تۆم دی مناڵ بووی وەک چرۆ بووی
لەبەر دەرگا خەریکی ھەڵمەقۆ بووی

نیشانەی جوانی ئێستەت تیا دیار بوو
کە ھەڵوێست و سەرنجی ھەرزەکار بوو

منیش لەو کاتەدا تۆم دی بە ڕێکەوت
لە دڵما خۆشەویستی ڕووتی تێ کەوت


#مەدهۆش

یا تەبیبی ئینتیزارم ئیتیسالت کەی دەبێ
زەهری دووری کوشتمی شەهد و ویسالت کەی دەبێ

شەککەر و گوڵ پێکەوە تەسکینی دەردی دڵ ئەدا
ڕۆحەکەم ماچ و جنێوی لێوی ئاڵت کەی دەبێ

بێبەڵا بی وەعدەکانت سەد یەکی نایێتە جێ
ڕۆحەکەم بڕوا بە پەیمانی بەتاڵت کەی دەبێ


#سابیری