Aayyoo koo
--
Akkamittan deemaree
Ani aarsaakee dagachaa
Dubbadheen si dubbisa
Harmanii harma dachaa!
Hin dhibamiin - hin du'in
kanum kan koo feeti
Barcumni Kabaja Koo
Waaqaa gadiin kan keeti!
Ragaa hittisaan si waama
Gaafan dubbiif shakkame
Gartokkee keeti ani
Dhiiga keerraan argame!
--
otuu dafqi kee cobuu
Jirbii rakkinaa footee
Ana bixxillee xiqqoo
Guddistee nama goote
Cuucee - dhala koo jettee
Afaan nafhii dubbatta
Furrii xurii koo wajjin
Arraabdee na dhungatta
Hidhata narraa hin citne
Hiddaafi Hundee Kaayyoo Koo
Kan biraa jecha hin qabu
Sin Jaaladha #Aayyoo Koo!
--
✍Leta Kenei Aga
@Waloo_Leta
>>Click here to continue<<