- ايه مالك ؟
= مُش عايز احكي
- ليه ؟
= لاني عارف انها معلش
وبسيطه وهَتعدي حفظتهم ..

نفسيتي محتاجة اخت .

*دورة جميلة بعنوان :*
*تعظيم الصلاة*

للدكتور عبدالكريم السلمي ليست دورة فقط وإنما هي مشروع حياة قضى الدكتور سنوات من عمره في إعداد المادة وعرضها ونقدها وتقويمها حتى خرجت بالشكل الموجود حالياً ..

4 حلقات بمجموع 3 ساعات ونصف ،
يحاول فيها إعادة ترتيب مكانة الصلاة في نفوسنا وتعميق أثرها في حياتنا .

لا تحرم نفسك سماعها فقد تطرق الدكتور فيها إلى معان عظيم ستعيد ترتيب موضوع الصلاة في حياتنا وكيف نحقق الاستفادة المثلى منها في حياتنا وعلاقتنا بالله ..

جميل لو نتعاون فيما بيننا في سماع الأربعة أجزاء في أربعة أيام كل يوم جزء، لكي لا يحصل الملل.

وخاصة ونحن مقبلون على شهر رمضان ، وإنه لهدف عظيم إن يسعى المرء في إصلاح صلاته وتحسينها قبل دخول رمضان حتى يكون رمضان هذا العام مختلفًا .

وحبذا نشر مثل هذا العلم لتعم الفائدة ولعل تجد في صحيفة أعمالك الصالحة أنك كنت سببًا في تحسين الصلاة لبعض المسلمين.
رابط المحاضرات 👇🏼👇🏼👇🏼

*دورة تعظيم قيمة الصلاة - الجزء الأول :*
‏https://youtu.be/NEmXVIV5f0E

*دورة تعظيم قيمة الصلاة - الجزء الثاني :*
‏https://youtu.be/zxc-lU8Xe3Q

*دورة تعظيم قيمة الصلاة - الجزء الثالث :*
‏https://youtu.be/n0kmmsY7L2Y

*دورة تعظيم قيمة الصلاة - الجزء الرابع :*
‏https://youtu.be/b1QbT_K5IKQ

صاحبة القناة في ذمــة الله 💔
فضلًا اصحاب القدم اللي عارفين القناة بأسم “بعثرة سكوني” ومتابعينها دعواتكم لها بالرحمة والمغفرة ، كل كلامها في القناة فوق اكيد مش ناسيين حروفها 💔.

ما تحاولش تحفظ تفاصيلهم وانت ناسي تفاصيلك، ماتسعاش انك تكتشف اي طبع فيهم وانت مش عارف حتى اتفه سبب يضايقك ، ما تفرحش بكثرة المعارف والأصحاب ،وحط نفسك هي المحور لأنه هي اللي حتكون معاك ديما ، لانه هما مش حيعرفوا يفرحوك طول ما انت مش عارف كيف تفرح نفسك .

_خليك مع الشخص اللي يطلع احسن ما فيك .

داري على شمعتـك عشان ما تنطفيش ،
كلام اول مـرة يطلع مني ، بـس لو ما قلتش حاسة انه حيـكون غصه في قلبي، انـا زمان ما كنتش معـدلة على فكرة عين حسد وغيره من امـور ، بطبيعتي انسـانة جدًا عفوية صريحة وماتدسش في شي عن نفسها ولا حياتها ، لو يصير معاي شي او نسعى لشي وحتى لما نفرح كنت لازم نحكي للناس كل شي ،
وفـي حاجات واجد اقسم بالله بدون مبالغة مرات نجي نحكي عليهن يخربن في لحظتها ، والشي هذا تكرر معاي واجد ، انا هنا جاية نقولك حافظ على نفسك وعلى حياتك عشان انت ما تطفش حرفيًا ، ألم الأمراض الروحية صعب صعب ومافيش له وصف ، التعسيرات والتعب شي يوجع بكل ، التعب النفسي والجسدي يخليك مكتف ومش حتقدر ادير شي ،
حافظ على نفسك لانه مش كل من قال يحبك معناها يتمنالك الخير بجديات ومش كل حد نفسه سليمة اتجاهك ، ومش كل حاجة تحكيها افطن ،

والاهم من هذا كله حافظ على نفسك بـ الأذكار ، 🤍
ودعواتكم بالشفاء لكل شخص يعاني بجد🤍.

ديـما تبان صورتي قدام الناس بـ الانسانة القوية اللي عندها لامبالاة ، اللي ممكن ما تنهزش وتفارق بكل بساطة ، قـد ايش سمعت من هـالكـلام ، ما يعلموش كمية الألم في كل قرار ناخذوه ، في كل مكان فارقناه وقلـوبنا معلقة بأصحابة ، بـس فـي الأخير حنكون الطرف اللي يفكر بعقله ، ومهما كان قلبي معلق بشي مستعدة نخليه حتى لو زعلت عليه عمري كله 🤍

مـرات تحتاج لشخص واحد فـي الحياة يطمنك ، وقت ما تضبب صورتك في عين نفسك ياخذ بيدك ويوريك قد ايش انت صافي ، لما يحسك طافي يذكرك بأنك كنت النور في يوم من الايام ، وقت ما تكون كل الإتهامات عليك يحسسك انك الوجهة الوحيدة البريئة ، الشخص اللي ممكن تقوله هل انا فعلًا حد كويس؟ يقولك انت اللي الدنيا مش حتجيب منك اثنين .

حبنا للماضي ، يمكن مش حب للوقت في حد ذاته ، ولا الذكريات لانه فيها من الحلو والمر ، لكن الماضي بحد ذاته فيه صورة لنا بالـشكل النـقي ، اللي كان الزعل فيه في وقته والفرحة بأبسط التكاليف ، فيه احلامنا وطموحاتنا وفيه اصحابنا اللي قلنا فـي يوم مايتغيروش ، فيه روحنا البريئة فيه الأصرار والقوة ، اما نسختنا اليوم اللي على قد ما مليانة وعي واكثر واقعية ، إلا انها اكثر تردد وخوف ، اكثر رهبة من المستقبل ، قعدت ترعب فينا الكلمة المؤذية وكأنها تمثلنا ، قعدت اللامبالاة شي عادي ، وكأن كل الظروف بين الماضي والحاضر نفس العاصفة جردتنا من كل شي حلو فينا ، بس مازلنا مكملين 🤍

اللي قالك في يوم من الايام قلبك قاسـي مالقش غير قلبك في عز وحدته يحن عليه ، واللي قالك انك جدًا سيء ماشفش الا اعمالك الطيبة معاه ، واللي قالك ماعندكش ذوق فـي اللبس قعد يستشيرك في كل شي بيلبسه ، واللي قالك انك نكدي وكئيب حاليًا بيستغرب من ايجابياتك وقوتك ، واللي ضحك عليك في عز ضعوطاتك وتعبك النفسي وقالك انك مريض نفسي لفت الايام وراته قد ايش الضغوطات بهلك النفسية ، واللي ضحك على شكل جسمك وسمنك قعد يعايني من الشي نفسه وفي اغلى ما يملك ، هي مسألة وقت فقط وحتلقى اللي تسلط عليك في عز ضعفك يـ اما مــر بالضعف بالأشياء اللي مريت يـ اما الله ينصرك نصر عجيب ، والشي هذا نحس بيه جبر من الله تعالى ، وكأنه يذكرك بـكل موقف مريت بيه كنت فيه جدًا مظلوم ، يذكرك لما رفعت عيونك لفوق وهنا مليانات دموع ونبرة صوتك اللي تشق السماء وفي قلبك وينك يا رب ، يذكرك بالـأيام اللي كنت ترقد فيها ودموعك معبيات المخدة من كثر الزعل ، يمكن يتأخر عليك النصر لانه ماكنش وقتـه المناسب لك ، وجبره لك بأنه يخليك شخص ثاني بصفات حلوة يخلقلك قبول بين كل الناس ، يخلي صورتك قدام اي حد جميلة ، يغنيك بقربه ويصلح كل شي فيك ، ويرفع مقامك ويكرمك ، ولما تتذكر ان الرسول وصى بأنك لاتظلم ولا تأذي وخليك هين لين بين الناس وحتى لو انذيت تعامل بالمعروف وماتردش السيئة كأن هنا توضحلك الصورة ان صبرك على الظلم والألم وكسر الخاطر ما هو الا نصر وجبر وقوة من الله 🤍

من الحاجات اللي يحركن الشخص القيم والرغبات، فـمثلًا لو انا انسـانة تعرضت لمواقف سيئة وكلام مؤذي ، بس مازلت كويسة في حد ذاتي ونـعامل في غيري بكل لطف هذي رغبتي في كوني نبي نكون إنسانة كويسة ، مثلا لو فشلت فـي شي معين ومازلت نعافر ونكافح فيه عشان نوصل ممكن برضو تكون رغبة في داخلي اني نوصل للمكان اللي حابته ، لو كان عندي رغبة في التغيير ولكن الطريق طويل وتبيله جهد اكبر ممكن تكون رغبة في داخلي ان نتغير من الشخص اللي كنت عليه في الماضي ، كلهن رغبات في داخلي ويحركن فيها ، المقارنة فـي اختلاف رغباتنا مثلًا انا نحب نتعلم حرفة معينة فنقول لصاحبتي بس هي تفوت الموضوع لانه الشي هذا مش رغبتها عشان تعافر عليه معايا ، كـ شـرح للموضوع بأبسط صورة ان رغباتك يختلفوا عن رغبات غيرك ، من النقطة هذي هذي ماتقـدرش تجبر اي شخص على شي انت تحبه بس هو ما يحبش ، وتحترم برضو رغبة غيرك فـي ان مش راغب الشي اللي انت تبيه ، لو عندنا المبــدأ هــذا في حيــاتنا راه كنا متـريحين نقدر نقول من ربع المشاكل اللي في العلاقات ولا ايه 😛!

في فترة ما حتكون عايش بــشــعور ، انـا خايفة عليك بس مش قادرة نحميك ، مش هاين عليا زعلك بس مش قادرة نرضيك ، مانبيش نخسرك بس ما عنديش طاقة نتمسك بيك ، يهمني تكون مبسوط والفرحة غامرتك بس ماعنديش القدر الكافي عشان نوفرها لك ، وفي الاخير لو وجودك مهم غيابك مش حـــيضرنــي 🤍.

"بحاجةٍ للإرتماء ، وكل ما يحدث يتطلب الوقوف ".

يـا غربتنا ونحن بين اقرب ناس من دمنا ، وياخوفنا من اللي مفروض يكونوا احن ناس علينا .