لأن احنا بشر...
أحياناً نزعل ونضبح، وأحياناً نفرح، تتشكل الظروف وتصنع مننا يا روح مشعة، متفائلة وصابرة...
أو كمية أحزان وهموم تدفن القلب لوما يوقع أسود شديد الظلمة ووقتها ما عنحس بحلاوة الحياة، وما عنستلذ بلحظات السعادة.

هونوا على أنفسكم ❤️

لأن احنا بشر...
نتعب وبعدا نلملم أنفسنا ونقوم،
نتبعثر وبعدا نجمع مابقي مننا ونكمل...
كلنا نمر بفترات الإنهيار، الضعف، العجز وقلة الحيلة؛ لكن الخيار لنا إما نقاوم أو نذبل، احنا بنتعلم من أخطائنا وأوجاعنا.

لأن احنا بشر...
مسلمين ومسالمين لازم نصبر ونربط على قلوبنا ونشد عزمنا، الدنيا هذا فانية وكل شيء زائل فضروري نتشافى ونبث شكاوينا للذي بيده الأمر كله وعنده طوق نجاتنا.

لأن احنا بشر...
عننسى كل مُر وعنلجأ للذي بيده كل شي.

لأن احنا بشر...
عنتخارج وعتسبر مادم الله معانا.

يعني خلونا نهون على أنفسنا علشان تملأ الفرحة قلوبنا والطمأنينة أرواحنا ❤️🫂

كذبه أبريل ماهي 🫤

يالله بمعجزه تحقق الحاجات اللي بناجلها لبعد العيد من اربع سنوات

اعتقد ان الوضع الي احنا فيةة هو كذبة أبريل نفسها 🫤💔

صلينا قيام وبالركعه الاخيره
جلس الامام يدعي ساعه إلا ربع
واحنا خارجين من الجامع به شيبه قد كانين ارجله بيوجعينة.
قال حرام لو ما تطلع ليلة القدر ل يوقع يوم جن🤕🤣🤣🤣🤣🤣🤣🤣🤣🤣🤣🤣🤣🤣🤣

ودف الامام الشيبه مراعي له

امطار خير وبررركه من الصبح
ان شاء الله تغرق اليمن💙💙

#باي

عيد وسعيد طلعو الجبل نزل سعيد .من باقي.؟

رجال غني ووسيم قوي يتزوج بـ بنت فقيرة وموش حلوة أمر طبيعي فـ احنا الرجل نقدر الحب

بالمقابل قد سمع واحد منكم بأن هناك امرأة غنية
وحالية جدا تزوجت فقير وقبيح الشكل؟؟
لايحدث هذا إلا في الأفلام الهندية..
وتجيك واحدة مدولهاش حق اندومي
تقلك : الرجال خونه ولا يعرفون الحب..!

اتهدت عليك حيطة ئادر يا كريم

شهر رمضان فيه روحانية تغسل القلوب لمن اغتنمها
وفيه طقوس جميلة نحبها
تمام هذه أمور ما نختلف عليها ..

لكن هذا لا يعني انه شهر قصير وخفيف ..
مابش داعي نجلس نخرط ونخجف بعضنا البعض ونقول مسرع جزع مسرع كمل مهلاً رمضان!
...
حرام انه بطيئ ومن طوله قد انا ناسي ايحين كان اوله ..
...
#الشفافية_مال

ذلحين زحمه والعصر زحمه والمغرب زحمه والليل زحمه وكلهم بيتكسو وبيشترو كم عدد الشعب بغير زناوهه قولو الصدق 😢

انتهى الشهر الكريم لكن لم ولن ينتهي كرم الله ورحمته بعباده المتقين ..
انتهى ولكن لن تنتهي رحلة العبد المذنب في طلب العفو والمغفره من ربه .
سيستمر المؤمن في السعي جاهداً ليرضى عنه ربه ويخلصه من المآثم والتبعات ويصلح نفسه .
قد لاتكون موجوداً في الشهر القادم وتكون في جوار الله .. فلا تتعامل مع شهر الله العظيم كفرصه روتينيه تذهب وتعود !
تعامل معه كفرصه اخيره إما الفلاح وإما الخساره وعلى الله قصد السبيل ☝

السحور طبعاً كعك..

الحلاق خلاني اروح البيت هاكذا وبيننا عيش وملح من زمان
#ماسمعت_الاحين_قال_الذي_بعده_سريع.
#مع_الزحمه_فعل_زفلت_بدل_القناع.

ذلحين ممقن اقلكم عيد مبارك بعد ماسحقنا باريس وجمهور حمدون الذي سارو يشجعوو باريس 🤣🤣🤣🤣🤣

انا من ديمبلي ..
جلسنا نعالجه اربع سنين وندي المعاش للبيت وفي الاخير يشتي يهدف علينا اثنين🤣💔

ياجناه علينا 😐😐😐

برجر كعك❤️

لقيت اليوم الصبح جاهل دبية ضايع جالس يبكي
قمت دخلت البيت بين اقله مالك من انت
ايش اسم أبووك وينك ساكن وهو ولا رضي يتكلم

المهم بعدين سكت وقد كان شكله جاوع دخل المطبخ جالس يسدول الكعك والعصير ل ذاحين

وذاحين جو اهلة شلوة وقالو شكرا
مالكمممم ي تمام والكعك الي سدولهن ابنكم مشهم داريين انهن صبوح وغدا وعشاء اسبوع اقل شي ادو تعويض ولا احسبو الخسارة نصين

الله يقلع الي يزيد يفعل خير

أظن ان أبليس الي افتك بعد العيد ماهوش حقي ..ماهو ذيه الوساويس الخبلا ...؟!🤎

اشياء تجننك بنبسرها كل ما نسير نتعالج

مثلآ يحصلك مرض العشي تسعف المريض حقك
توصل باب المستشفى نظام ياساتر يخليك تبعد القات اذا انت مخزن وتبعد الجنبيه واذا انت مقبع ضروري تخشر القبع انت جيت تدي مريض ماجيتش تدي حريوه

المهم تبسر النظام في البوابه تقل ايوه هذا مستشفى مابعده الا العافيه
توصل الطوارى والامراض ملان في السرور وكرهن تحصل للمريض حقك سرير تدور الدكتور وانو مابش الا دكتور واحد بيلوي عند الامرض كلهم ويسير ويجي ساع ام الحريوه

يوصل عندكم الدكتور يعسعس المريض ويقلك مافيه
تقول له مدري هكذا بطنه وراسه
طيب سيروا ادوا فراشه ومغذيه وعطبه واسبرت وابره
مارائيك نزيد ندي دكتور ماهو هذا مابش معكم سبرت وعطبه
كان ماهو مستشفى هذا او لوكنده، يعني مابش الا سرير
وانا بين اقل ما الامرض كل واحد ماسك بالصماطه حقه عرض فنجته وان مايش عطب

طيب سوي للمريض اكسجين
مابش اكسجين خلص عيجي الجمعه
ليش احنا بنقلك تفعله اكسجين مش تدي لنا دبه غاز

خلاص ناهي اسكه واهف له
كان اسكه قيس له الضغط ريعوا شويه الجهاز مشغول عند مريض

كان اسكه افعل للمريض كشافه لراسه نبسر مافيه مابش مقطعيه عندنا مابلا تفعلوها خارج غطوه

كان مامعكم،، اسكه ادي لنا اثنين سندوتشات بيض وواحد ليم!!!
كان ماهو مابه معكم المستشفى ذيه، فاضي حسستوني ان احنا جينا نشتي نستاجر منكم المبنى ما اسعفناش مريض

كان ليش خليتونا نذبل القات!!
ما الجنبيه هو ضروري تبعدها لانك لوتدخل بها مليون في الميه عتطعن الدكتور ع الخدمات حقهم

كان حتى خرق للمريض يا دكتور
كان ماهو هذا اسكه اقل حاجه قط قط اظافير المريض قد هو بحق الجيه

كان اسكه حتى ادعوا للمريض ان الله يشفيه
وبعدين قدك تدخل المستشفى وماعدبش ذيك شم الديتول والعلاجات
قد شم المستشفى كشن من حق الممرضات الهنديات اللي بيطبخين

كان اقل شي يادكتور ادي لنا شويه تنتور نشمم المريض يحس ان احنا اسعفناه لمستشفى يطمن شويه

حتى مثلآ لو تشتري مغذيه وتجي تضربها مابش ذيك اللي يحمل المغذيه يعني مابلا تمسك المغذيه انت لما تعضل اييدك وتتشنج ويقع عندك اعصاب ماتبسر فجاه الا وقدك قاحص لذن المريض حقك
فالاحسن اذا وقعلك مرض ومابش معك زلط تشله مستشفى خاص

دعمم وخليه في البيت
وخلي امك تفعله مطيط يدفي حلقه وادي له ثومه وعسل فأن عاش فهو حلال وان مات فعلم انوه لم يكن لك منذو البدايه

#وزارة_الصحة_للاشغال_العامه_والطرق_والجسور
#اذافيك_حصوه_في_الكلى_سير_عند_مقاول_يبعدها
#نص_الشعب_عيموت_مزكوم_ومالقيش_فكس

#يسدو_ماليش_دخل 🤷🏻‍♂️