TG Telegram Group Link
Channel: رِوايات سُودانية 📚❤️!)"
Back to Bottom
عطر اللافندر💜🌸
الجزء السابع والعشرون:-
بقلمي عواطف حسن📝
"الصباح في مكتب ياسين"...
نور: تسنيم😳😄😅😅اتفضلي اصلا انا كنته مارقه
تسنيم: مالك يا بت بسم الله
ياسين: كان بتوريني في ملفات ما وقعتها تعالي خشي
نور: خلاس يا ياسين بعد توقعهم اديني الملفات
تسنيم: كنته عاوزه اسالك من الحصل شنو امس اتكلمته مع خالتو وداد؟
ياسين: رجعته ليقيتها نامت بعدين بتفاهم معاها...رايك شنو نطلع نتغدا بره طولنا م طلعنا سوا برانا😩
تسنيم: طوالي😍انا زاتي زهجانه من الروتين اليومي ده
ياسين: خلاس تمام
🌸🍂
مصعب: مالك يا بت متنشنه كده
تسنيم: قبيل خشيت المكتب عند ياسين لقيت نور معاهو واول من شافوني اتكبكبو وحسيتهم ما طبيعين
احمد: والله يا تسنو انا ما كنته عاوزه اقول ليك عشان ما ازرع الفتنه بينكم بس نور طوالي بقت مع ياسين وحركاتهم ما عاجباني
مصعب: انا كمان ملاحظ بس ما اخدته الموضوع بالشكل ده
تسنيم: زي الداسين مني حاجه م فاهمه في شنو
انا حاطلع اتغدا مع ياسين بتفاهم معاهو
"بعد خلص الدوام طلعو مع بعض"....
ياسين: اي يا امي!!! هسي ؟ منو ديل؟ طيب جاي
تسنيم: خير؟
ياسين: امي قالت جونا ضيوف مهمين ولازم اجي البيت
تسنيم: ما خلصته اكلك لكن...
ياسين: ما مشكله بكملو قدام فالبيت ارح اوصلك
تسنيم: برجع براي
ياسين: الله🙄يعني عشان م كملته الاكل زعلانه كده
تسنيم: الحكايه ما اكل بس انا حرفيا بقيت م بشوفك الا فالمكتب جايبه ليك ورق او اطمن عليك...نحنا لينا زمن م طلعنا سوا اتونسنا وهسي وقت جات الطلعه هربته مني
ياسين: التلفون دقه قدامك وحصل ظرف انا ما قاصد يا تسنو🥺
تسنيم: اااه طيب تمام ارح
ياسين: حاعوضك وعد😘
🙇‍♂️🙇‍♂️🙇‍♂️🙇‍♂️🙇‍♂️🙇‍♂️🙇‍♂️🙇‍♂️🙇‍♂️🙇‍♂️🙇‍♂️🙇‍♂️
تسنيم: عيد ميلاد ياسين بكره عاوزه احتفل بيهو احتفال كبير رايك شنو😍
مصعب: انا زاتي فكرته فالحاجه دي
تسنيم: نعملو هنا ولا وين؟
مصعب: احسن شي نظبطو فالبيت عندو لانو م حيحس باي شي لمن يكون فالشغل ..حالخمو ليك بالشغل الكتير م حيقدر يرجع بدري🤣🤣🤣
تسنيم: اوووك😘
ياسين: تسنيم تعالي🤨
تسنيم: مالك خير
ياسين: شايفك تتوسوسي مع مصعب من قبيل شنو الحركات دي
تسنيم: عندنا مواضيع😌
ياسين: مواضيع شنو انا ما بهظر
تسنيم: يا ود مالك معصب كده😂انا بتكلم معاهو عن الشغل وبس
ياسين: امممم لالا تمام انا حاوظف سكرتيره جديده لي فالمكتب كلمي الموظفين
تسنيم: سكرتيره؟ لي ما قلته لي ولي جايبها
ياسين: اسي انا وريتك🙄 جايبها لانو محتاج سكرتيره
تسنيم: طيب كان تبقيني انا لي تجيب وحده تاني
ياسين: انتي ملكتي وم عاوزك تتعبياصلا بعد العرس ما حاخليك تواصلي
تسنيم: ما فيها حاجه عادي ممكن اشتغل اسي انا شغاله وين الفرق
ياسين: انا قلته لا مش انا المدير هنا
تسنيم: ايوه صح انا نسيت معليش لو اتماديت💔
ياسين: 😩😩😩حبيبتي ما تفهميني غلط انا بس عاوز اريحك والله معليش لو قلتها ليك بطريقه م حلوة🥺💔💔💔
تسنيم: م مشكله...
احمد: خير مالك يا تسنو؟ ياسين تاني؟
تسنيم: والله بقيت ما قادره افهمو مره يعصب ومره يعتذر
احمد: تحبي اتكلم معاهو؟
تسنيم: لا ما تتدخل خليني اشوف فهمو شنو للنهايه
أحمد: البريحك...😕😕
"في بيت ياسين".....
ياسين: اها ي امي حنتقدم متين احنا مخطوبين لينا اكتر من سنه ونص
وداد: ارح بعد يومين خلاس عندنا شنو
ياسين: كويسه معاي بعد يومين ما عندي شغل كتير
وداد: انا بكلم ابوك وعلى بركة الله
ياسين: والله حتفرح فرح لمن تعرف😍😍😍
وداد: ومع شغلها ده كيف لكن حتخليهو؟
ياسين: الليله قلته ليها حاجيب سكرتيره جديده غارت طوالي قالت لي انا اولى منها😂
وداد: غيرانه ولا طمعانه🙄
ياسين: طمع شنو يا حجه قولي بسم الله
وداد: عاوزه تترقى عشان مرتبها يزيد ويكون عندها مكانه فالشركه دي ما صدقت انك حتتزوجها
ياسين: عليك الله يا امي المناخسات دي خليها البت ما قصدها شي بتغير علي وانا فهمتها
وداد: قلب الام ده بحس هي م كعبه لكن م قادرة اقيس نبضها بتحبك عشان نفسك ولا عشان ممتلكاتك...الحاسدين كتاار وانت ولد لسه صغير وكونو تصل للحته دي بالسرعه دي اي بت حتتمناك
ياسين: تسنيم دي حبتني من كنا فالجامعه وم كان عندي العندي هسي وانا واثق فيها
وداد: على بركة الله قلته ليك بس حادرسها لمن تعيش معانا هنا
ياسين: انا عارفك خايفه علي ومن حقك بس انا متاكد اخترته صاح وم حاندم عليها🥰
💜🌸💜🌸💜🌸💜🌸💜🌸💜🌸💜🌸
يتبع.....
عطر اللافندر💜🌸
الجزء الثامن والعشرون:-
بقلمي عواطف حسن📝
تاني يوم طوالي بدينا نجهز للعيد ميلاد فالبيت كنا عاديين جدا فالشغل من الصباح بس بعد العصر بدينا نتجارى ونتكبكب😆😆😆🤣ظبطنا الزينه وجهزنا الهدايا واشترينا جاتوهات للمعازيم لانو الناس كانت كتيره...
مصعب: الوو؟ يسووو وين انت انا منتظرك فالبيت عندي ليك موضوع كااارب 🤩
ياسين: الشغل شويه ضاغط لكن اسي بخلص وبرجع البيت
مصعب: خلاس م تتاخر لاني منتظرك بالعشاء جعااان
ياسين:😂😂😂عديله كلم امي قول ليها جهزي الاكل
مصعب: عديييييله
تسنيم: اها قال شنو؟
مصعب: مسافة الطريق وحيصل
تسنيم: كويس تمام انا مصدعه شويه عاوزه ارتاح في الصالون شويه
مصعب: اووووك لمن يصل بديك خبر
الووو؟ احمد وين انت الحفله حتبدا والناس كلها جات
احمد: اي هدا سايق وجاي عليكم
مصعب: اغشى نور معاك وتعالو بسرعه قبل ما يصل العريس😂
احمد: عدييييله😂
🌸🌸🌸🌸🌸🌸🌸🌸🌸🌸🌸🌸
احمد: سلام عليكم خالتو فاطمه...قولي لي نور اطلعي
فاطمه: هي قالت لي حتتاخر الليله من الصباح وم جات...خير ما فاهمه شي؟
احمد: ااااا شكلها مع تسنيم لانو قالت لي حتغشاها تديها ملفات مهمه لانو عندنا اجتماع مهم بكره الصباح
فاطمه: خلاس خير لو معاها...اتفضل جوه على البيت
احمد: تسلمي كتير انا عندي مشوار تاني🥰
فاطمه: تصل بالسلامه يا رب👋
احمد: مصعب
مصعب: اها خلاس وصلتو؟
احمد: نور دي متاكد ما معاكم؟
مصعب: ما جات والله لو كانت في كان ظهرت
احمد: نور ما رجعت البيت اصلا من الشغل
مصعب: كيف الكلام ده حتكون وين؟
احمد: معقول تكون لسه فالمكتب؟ يمكن حصلت ليها حاجه واحنا ما عارفين💔
مصعب: يا مان اتحرك هناك سريع شوفها اذا ماف تبقى دي مشكله
احمد: طيب انت م توري زول عشان م يتخلعو ويقلقو ساي حتى امها انا عملته فيها ناسي انها مع تسنيم فالبيت
مصعب: كويس...
" في اللحظات ديك فالمكتب"....
نور: هااااابي بيرث داااي توووو يووو🙈🎂
ياسين: نور؟؟؟؟😕😕
نور: عيوووون نور🙈🙈
ياسين: وده شنو جاتوه وهابي بيرث داي😂😂تصدقي تسيت تماما الليله عيد ميلادي
نور: انا حبيت اعيد عليك اول وحده وبس😘
ياسين: بالجد مافي زول متذكرو غيرك...حتى تسنيم م عيدتني لحدي اسي
نور: انا بس بهتم بالبحبهم وبديهم اعتبار في حياتي 😌
ياسين: ده تحريض ضد تسنيم ولا شنو🤣
نور: انا جاده يا ياسين انا بحبك🥺
ياسين: تاني ي نور الاسطوانه دي
نور: انت عارف وانا عارفه انو علاقتنا بقت واضحه ومشاعرنا تجاه بعض بقت تكبر وتزيد كل يوم🥺حتى انت بتبادلني نفس الشعور واذا حاولته تكذب فعيونك فاضحاك انت طول الوقت مراقبني فالطالعه وفالنازله...حتى انك بتقيف معاي كتير وبتساعدني وقت احتاج زول🥺🥺🥺و...
ياسين: نور ارجعي ورا وفكيني انتي عارفه الموضوع ده قفلنا زمان...
نور: ما قفلنا ولا شي انت قايل اني بطلته احبك؟ او مشاعري تجاهك اتغيرت وبقينا اصحاب؟ ياسين ده حب ما لعب أطفال 😩انا بحبك والله بحبك
احمد: نووووور😨😨😨😨😨💔
ياسين: احمد😨💔
نور: انا كنته طالعه اسي سبحان الله😅😅
احمد: انتي بتعملي شنو هنا لحدي الوقت ده م على أساس متفقين
نور: معليش بس كانت اخر ملفات سلمتها لياسين واسي طالعه يله حاسبقك للعربيه👋
ياسين: احمد م تفهمني غلط كل الحصل سوء تفاهم
احمد: انا اصلا ما سالتك عن شي انت ادرى بنفسك وعارف الصح من الغلط بس اعرف حاجه واحده انو تسنيم واثقه فيك وفي صحبتها ما تحاول تكسر ثقتها دي اتفقنا..
ياسين: اتفقنا...
"في بيت ياسين"....
تسنيم: مصعب الناس ديل اتاخرو كدي شوفهم وين
مصعب: ياهم ديل وصلو😍😍😍
بقو يغنو كلهم مع بعض H.B.D 🎊🎉🥳🥳🎁 وقطعو الجاتوهات واتصورو ووزعو الهدايا لياسين بعد شويه وزعو عصاير وشغلو موسيقى هادئه والناس بقت تتونس ومبسوطه💜....
مصعب: احمد في شنو مالك شارد ولا مع الجوه ولا مع البره
احمد: نور كانت فالمكتب مع ياسين وسمعتها بتتكلم معاهو وبتقول ليهو انا بحبك وكانت حاضنه ياسين
مصعب: ياااا زول ده كلام شنو😳😳
احمد: اتكلمته مع ياسين كلمتين ومشيت منو اما نور طول الطريق ساكتين ما قلنا شي
مصعب: لا القصه دي حدها وين يعني...اسي خلي الحفله دي تنتهي وتعدي علي خير وم تقول لتسنيم اي حاجه عشان ما نخرب فرحتها
احمد: اصلا ما بقدر اقول ليها الشفتو كان منظر بطمم البطن صراحه😒
🍸🍸🍸🍸🍸🍸
تسنيم: ما قلته لي رايك شنو فالحفله مفاجاه صاح😌😂
ياسين: انا قلته يا ربي تسنيم تكون نست عيد ميلادي ولا شنو لانو حتى م جبتي لي سيرتو😂
تسنيم: عودتك كل سنه بالصباح بعايدك بس المره دي قلته اغير الروتين حبه
ياسين؟؟! هي سرحان وين انت
ياسين: اي اي معاك قلتي شنو
تسنيم: لا انت ولا معاي ولا شي...انا حامشي الحمام وارجع اتفاهم معاك
ياسين: تمام
🍸🍸🍸🍸🍸🍸
مصعب: شكلك ما مبسوط
ياسين: ولا انت
مصعب: ياسين البتعملو ده حيرجع ليك يوم اضعاف اعمل حسابك
ياسين: معناها احمد كلمك😒
مصعب: كويس انو كلمني لانو صاحبي اتغير وبقه ما بوريني مالو
ياسين: عليك الله يا مصعب ما تزيدها علي انا براي منزعج وتعبان
مصعب: على راحتك😒👋
🍸🍸🍸🍸🍸🍸
تسنيم وهي طالعه من الحمام سمعت صوت وداد...
وداد: انا ما بدورها نهاااي وما عاوزاها تبقى في بيتي انا عاوزاك انتي...
عاينت جوه الغرفه براحه واتفاجأت....
تسنيم: نور😳💔
يتبع......
عطر اللافندر💜🌸
الجزء التاسع والعشرون:-
بقلمي عواطف حسن📝
وداد: انا بحبك انتي دي وعاوزاك تكوني مرت ولدي انتي اولى منها واحلى منها انا ما عارفه هي عامله ليهو شنو عاميه ليهو عيونو .. هي كانت رغبتو وانا م قدرته امنعو عشان م اكسرو لكن لو كان اداني اختار ليهو كنته حاختارك انتي
نور: والله يا خالتو وداد انا كلمتو😩كل مره بحاول افهمو اني بحبو اكتر منها وحاحتويهو والله لحدي قبيل واحنا فالشغل مشيت ليهو في مكتبو واعترفته ليهو حتى هو قرب يعترف لي بس جا زول كده وضايقنا...ياسين بحبني بس ما عارف كيف يتخلص من البت تسنيم دي
وداد: انا ما بهمني الطريقه البتخلص منها ان شالله تموت المهم م تخش بيتي ده دي وحده طمعانه في قروشنا انا متاكده..وضعهم المادي اقل مننا شديد انا شفته بيتهم ياخي اخوها كان مجرد موظف عند راجلي واسي بقه فجاه سكرتير مالي...شربو حاجه والله بس هو ما شايف💔😭
نور: خالتو ما تبكي انا ان شاءالله حاصلح اي حاجه وحاتكلم مع تسنيم وافهما انو ما عندها نصيب معاها وكمان حاقنع ياسين واخليهو يعترف قدامهم كلهم انو بحبني
وداد: نحنا بكره حنمشي نحدد العرس خلاس ما فضل شي حتكلميها متين وتقنعي ياسين كيف
نور: بتتسهل خليها علي انتي ما تشيلي هم
"تسنيم بعد سمعت كلامهم كانت مصدومه جدا ومنكسره انكسار اول مره في حياتها تحس بالانكسار ده💔غلبها الكلام عشان تداهمهم💔 وغلبها المشي عشان تتحرك من مكانها💔غلبها تبكي لانو قلبها كان بنزف ومحطم💔"
ياسين: اها ي قلب عاوز اقول ليك كمان حاجه حتفرحك😌
تسنيم:....
ياسين: بكره حنجي نتقدم ليك😘🎉🎊🥳
تسنيم: انا تعبانه وعاوزه امشي البيت💔
ياسين: انتي كويسه؟ تحبي اوديك الدكتور
تسنيم: م بحتاج مع السلامه
🍸🍸🍸🍸🍸🍸
بعد الحفله خلصت وكل زول مشى بيتو مصعب كان قاعد مع ياسين...
مصعب: انا بس عاوز افهم انت مالك اتغيرته كده وريني انت بتحب منو فيهم تسنيم ولا نور؟
ياسين: انا بحب تسنيم
مصعب: انت بتلعب على منو ولا منو😤ما هو انت يا غاشي نفسك او غاشي بت الناس المسكينه دي
ياسين: انا بالجد بحبها يا مصعب بس انا بقيت ملخبط
مصعب: ملخبط كيف يعني كدي وريني..انت بكره ماشي تحدد موعد العرس ويا دوب عاوز تفهم نفسك وتقول ملخبط؟
ياسين: انا ما عارف بصراحه بقيت بعاين لي نور بنظرات حب وتعاطف بس انا عارف انو قلبي بدق باسم تسنيم وهم الاتنين ببادلوني نفس الشعور
مصعب: تقوم تحب دي مره ودي مره ولا شنو اسمع يا ياسين اللعب وامور المراهقه دي م حقتك ولا بتشبهك صلي ركعتين باقي الليل ده واستغفر فيها عن الحصل واقطع الشك باليقين بكره وحدد العرس تاني م حيكون عند نور فرصه تتفرب منك فيها
ياسين: انت شايف كده؟
مصعب: انا شايف انو ده الصاح
ياسين: خير بس م تجيب سيرة لي تسنيم عن الحصل قبيل فالمكتب
مصعب: عيب عليك ولو اضطريت ما حاقول شي المهم كل شي يعدي على خير
🍂🍂🍂🍂🍂🍂🍂🍂🍂🍂🍂🍂🍂
"الصباح فالشركه"....
ياسين: دي السكرتيره الجديده "هديل النور" من الليله حتكون يدي اليمين فالشركه وماسكه الإستقبال يعني لو في زول داخل علي لازم يكلمها وهي بتوريني ممنوع زول يدخل علي ساي
كمان تسليم الملفات حيكون عن طريقها هي...اتفضلو بعد كده كل زول علي شغلو
احمد: البت دي درعه عدييييل كده تسنيم لو شافتها حتزعل منو🤦‍♂️
مصعب: انا فهمته عمل كده لي
احمد: عمل شنو فهمني معاك
مصعب: ختاها عشان نور ما تخش عليهو تاني الا باذنها وختاها بت سمحه زي دي قاصد...اولا عشان من مواصفات السكرتيره تكون جميله وانيقه ومرتبه وتانيا عشان يبعد من نور وتحصل مشاحنات بينها وبين هديل ويلقى حجه يطرد بيها نور
احمد: معقووووله؟ ومالو اتقلب فجاه كده
مصعب: انا اتكلمته معاهو امس وهو اقتنع واخد قرارو النهااائي
احمد: والله كويس نشوف البحصل شنو لي قدام
تسنووووو😍😘😘 اتاخرتي الليله مالك
مصعب: شكلك تعبانه م نمتي بالليل عشان ساهرتي فالحفله ولا شنو😂
تسنيم: عندي شويه صداع من امس م خلاني انوم
مصعب: شفتي السكرتيره الجديده انتي؟
تسنيم: اه هي جات؟ كويس والله...بالاذن
مصعب: احمد انت قلته ليها حاجه ولا شنو
احمد: خشمي م فتحتو🤐
🍃🍃🍃🍃🍃🍃🍃🍃🍃🍃
نور: دي منو يا ياسين ولي م وريتني ولزومها شنو؟
ياسين: اوريك لي انتي زيك زي الموظفين تسمعي كل جديد معاهم ده شغل م لعب عيال
نور: طيب م مشكله بس كنته عاوزه...
ياسين: لو عندك اي حاجه تقوليها لي قولي لي هديل وهي بتوصلها لي

كان في هدوء حاصل رغم الكهربا البيناتهم لكن اليوم انتهى على خير فالشركه....
"في بيت تسنيم"....
محمد: الجماعه ديل حيصلو في اي لحظه خليكم جاهزين
رقيه: الباب ده بدق امشي يا محمد
محمود: انا البفتح عاوز استقبلهم🥰
ياااا مرحب وعليكم السلام شرفتو
الرشيد: شرف الله قدرك
ياسين: بارك الله فيك يا عمي
وداد: سلام...
رقيه: اتفضلو وعليكم السلام
محمد: شرفتونا كتير
الرشيد: اليوم جينا باذن الله نحدد موعد زواج الشاب ديل ونتمو على خير😍🥰
محمود: نحنا جاهزين في اي وقت يتحدد
ياسين: انا شايف نعملو بعد ٣ اسابيع على بال ما نلم الشيله وسد المال وكده...ولا رايك شنو يا تسنيم
تسنيم: انا ما موافقه
ياسين: لو عاوزه ممكن نخلي بعد شهر طيب
تسنيم: انا ما موافقه علي الزواج كلو💔
محمد: تسنيم😳😨😨💔
يتبع.......
عطر اللافندر💜🌸
الجزء الثلاثون:-
بقلمي عواطف حسن📝
ياسين: حبيبتي انتي كويسه؟
رقيه: مرات بتكون خجلانه ومتوتره انا اسي بتفاهم معاها على انفراد😅
وداد: انفراد شنو هسي لو اصلا ما موافقه ما كان في داعي نجي للاهانه دي
تسنيم: انتو اسره ماشاءالله وضعكم كويس واي يت يتتمنى تناسبكم وتبقى منكم يس انا بعتذر منكم انا ما حابه اناسبكم وده قراري من غير اي ضغط من زول وده خاتم الخطوبه يا ياسين..
ياسين: انتي كيف تقولي كده مش على اساس كل يوم بتنقي فيني وتقولي منتظره اليوم ده😡
وداد: لا هي متعمده تهينا وتعذبنا لغاية ما وصلنا هنا
محمود: افتكر انكم سمعتو قرار بتي اتفضلو
الرشيد: ارح يا وداد...قوم يا ياسين نحنا كمان عندنا كرامه وكل شي قسمه ونصيب...متفهمين قراركم
ياسين: يا خسارة عمري فيك والزمن القضيتو معاك😡💔
بعد مشو اخدو ليهم صنه مسااافه وتسنيم مدنقره وبتعاين فالواطه...
رقيه: انا بس عاوزه اعرف مالك يا بت الحصل عليك شنو فجاه...مش بتحبي ياسين؟ اذاكي ولا قال ليك شي كعب؟
محمود: انا ما عارف انتي عملتي كده لي بس متاكد وواثق في كل قراراتك ودي حياتك انتي بتختاري كيف ما تكون وربنا بييسرها ويسهلها عليك اذا شاء...حامشي اصلي العشاء وحادعي ليك بالهدايه ويبدلك خير منو سلام عليكم👋💜
محمد: تسنيم انا فاهمك كويس احكي لي الحصل شنو انتي كنتي منتظره ياسين بفارغ الصبر فاليوم ده مالك الاتغير شنو
تسنيم: انا زاتي م عارفه اتخدته القرار الصاح ولا الغلط💔انا تعبانه يا محمد😭💔💔كتير علي كتير💔💔
محمد: احكي لي مالك
تسنيم: يوم عيد ميلاد ياسين انا بالصدفه سمعته امو ونور بتفقو علي💔امو ما عاوزاني بسبب وضعنا وقايلاني بعاين لي ياسين عشان قروشو 💔 اما نور طعنتني في ضهري للمره التانيه بعد اديتها فرصه تانيه ووثقته فيها غدرتني لسه هي بتحاول تصل لي ياسين💔
محمد: طيب وياسين قال شنو؟
تسنيم: اصلا ما وريتو كده انا حاعمل فتنه بينو وبين امو واخلق مشاكل وانا م عاوزه بيتي يخرب من هسي😭عاوزه عائله كامله مبنيه على الحب والاهتمام والثقه والرحمة مش كلها كذب ونفاق...هي بالرغم من انها ما بتحبني ولا دايراني لكن جات 💔
محمد: لا حول ولا قوة الا بالله💔معليش معليش ربنا يعوضك خير منو انا عارفك بتحبي ياسين واذا بحبك حيثبت ليك كده ويرجع ليك الا اذا ما كان في نصيب
تسنيم: الحمدلله على كل حال ربنا بس يوريني الصاح من الغلط💔😭😭😭بتمنى ياسين يتفهمني وما اكون كسرتو بالرغم من اني كسرتو وخذلتو الليله
"في بيت ياسين".....
وداد: اصلو ما تضايق انا اصلا ما كنته دايراها ليك
ياسين: انا مصدوم والله من العملتو ده كيف كيف تنسى حبنا البسنين وفجاه ترجع لي الخاتم ده💔
الرشيد: مافي قسمه خلاس اقفلو الموضوع ده انا طالع انوم بكره حاصحى للشغل بدري
وداد: البت دي انا م ارتحته ليها ودعيت ربنا من جواي انو اذا فيها خير يكتبها ليك واذا ما فيها يبعدها عنك اصلي ما زعلانه😍
ياسين: انا لازم اتصل ليها او الاقيها افهم لي عملت كده
وداد: لالالالا اوعك انا ما برضى منك لو عملته كده
ياسين: لي يعني
وداد: تتذكر يوم عيد ميلادك..كانت راقده فالصالون وانا عشان اختبرها ختيت لي قروش فالتربيزه ومرقته براحه من غير ما تحس اول من طلعت رجعته شفته القروش لقيتها ماف عشان تعرف انو هي حراميه انا بس ما قلته ليك عشان م اخرب عليك فرحتك فاليوم داك بس كنته حانبهك منها اجلا ام عاجلا
ياسين: انا بعرف تسنيم كويس هي ما كعبه يا امي والقروش الاختفت دي م مقياس
وداد: لا مقياس وم تزيد ولا كلمه تاني على كلامي انا امك وما برضى منك تاني لو اتواصلته معاها
ياسين: بس يا امي...
وداد: ما بس ولا شي وانا عندي ليك عروسه انما ايه😍لقطططه ووضعها كويس وحلووووة😘انا بحبها وانت حتحبها وبتعرفها😌
ياسين: بعرفها؟ وحاحبها؟ منو؟
وداد: نور😍
ياسين: نور؟ لي اخترتيها لي
وداد: البت دي جات زي ما انا دعيت ليك والحمدلله حسيتها منااااسبه ليك عرسها وحاكون رضيانه عنك ي ولدي...انساها تسنيم دي يا قول ابوك كل شي قسمه ونصيب البت ابتك تاني شنو
ياسين: الله كريم يا امي انا ماشي انوم تصبحي علي خير
وداد: فكر فالقلتو ليك ده كويس يله وانت من اهل الخير 😘👋💜
"في بيت تسنيم"....
رقيه: ابوك ده ما اتاخر يا محمد
محمد: هدا جا..الباب دقه
امام المسجد: البقاء لله الاخ محمود اتوفى فالمسجد
تسنيم: ابوي💔💔💔💔💔💔💔💔💔💔
يتبع.....
اول مرة بفهم هالآية!!!!

فَلْيَدْعُ نَادِيَهُ (17) سَنَدْعُ الزَّبَانِيَةَ (18) كَلَّا لَا تُطِعْهُ وَاسْجُدْ وَاقْتَرِب ۩ (19))

حد فاهم!
كان سيدنا محمد عايز يصلي عند الكعبة ..

- فأبو جهل قاله: "يا محمد إذا سجدت عند الكعبة فسوف أدوس على رأسك" !

فسيدنا محمد ماسمعلوش؛ و راح يصلي عند الكعبة .

- فقال لسيدنا محمد تاني "يا محمد إذا سجدت عند الكعبة فسوف ادعوا جميع أهل قريش ليروا كيف سأدوس على رأسك!" .

ف النبي عليه الصلاة و السلام ماسمعلوش و بدأ يصلي .
- فابو جهل دعا اهل قريش ((فليدع ناديه )) .

و لما سجد النبي أبو جهل قرب منه و وقف ساكت في مكانه مابيتحركش ، و بعدين بدأ يرجع ل ورا .

- ف أهل قريش قالوا له :ها هو رسول الله لم تدس على رأسه و رجعت !!
فقالهم : لو رأيتم ما رأيت لبكيتم دماً ، قالوا و ما رأيت يا أبو جهل؟ .

- قال إن بيني و بينه خندقاً من نار و هولاً و اجنحة ((سَندع الزبانيه )) الزبانية هما ملائكة العذاب .

- فسيدنا محمد قال "لو فعل لأخذته الملائكة عياناً"،ربنا قال لسيدنا محمد (( كلا لا تطعه واسجد واقترب ).

طول ما ربنا معاك خليك قوي متخفش من حاجة أبداً.

يا أيها اللذين امنوا صلوا عليه وسلموا تسليما'. ♥️
عيالي الزابطين جداً جداً

امكن مكنات وأحسن ناس ف الكُره الأرضية بدون منازع، ودا م لأنو إنتو أولادي لا لا، لأنو إنتو تستحقوا الأحسن والأفضل والمُميز.

رجعنا تاني وبعتذر للغيبة دي بس ظروف قاهره🫂🤍.

الليلة اللايف بتاعنا جديد ومُختلف كالعاده، مُختلف للناس التانية بس إحنا كالعادة الوعي دا حقنا اصلا😘.

-الليلة لازم تجيب لينا صحبك المُكتئب، والشابكك السنه كلها انا مُكتئب وانا حزين وانا م قادر اتعامل مع الدنيا.
-لايفنا بعنوان الإكتئاب.
-حنتكلم عن مفهوموا، وأعراضوا، وأنواعوا، وكيف نقدر نتخطاهوا بأقل خسائر نفسية🤍.

في بيتنا الرهيب:
https://hottg.com/Su_g_18

-الساعة ١١ مساءً بتوقيت عازة.

-م تنسى تجيب صحبك عشان يستفيد، وإحنا حنوزع ليكم الشاي بالنعناع🤍🦋.

-ومقولتنا الشهيرة الشير فرض محبة🫂🤍.
عندي ليكم قصة حصلت لي وطلعت منها بحكمة احكيها ليكم.
كان يا مكان في قديم الزمان،اول امبارح دي انا مشيت السوق،يلا بلدنا دي ما فيها مواصلات،لو عايز تمش السوق تقيف ف الشارع وتلقى ليك مِلحة،ونفس الشي لو عايز ترجع،ولا تأجر ركشة لو عندك موني،غير ذلك يا عزيزي يا إما تسترجل،يعني تمشي برجولكَ بفتح الكاف.أو إما تنتظر ف طرف السوق كدا مِلحة.
ف الدنيا ليل وانا اتأخرت وقلت ياخي وأنا راجع بلقى لي حاجة تجدعني كدا،وانا ماشي ف 4 شباب كدا واقفين قالو لي:
"ازول لو بيتك سدرة من هِنِي انتظرلك حاجة تجدعك كدي معاك،م تتعب نفسك ب عفشك دا". (سدرة يعني مسافة)
قلت ليهم :"والله ياخي بتقدم،ولو لقيت حاجة خير وبركة ولو ما لقيت خلاص بتمشى".
المهم بقيت ماشي وماشي وماشي،السوق مسيرة من بيتنا زي 30-40 دقيقة كدا،ع حسب سرعتك وعجلة الجاذبية كم والعوامل الخارجية.واصلا متعود ع المشي.
ولما قربت من البيت،يعني باقي اهو 8 دقايق او اقل عشان اصل،اسمع صوت عربية وراي،وطلع بوكسي،وكان رافع ناس بطبع الحال ولاحظت للشباب القبيل راكبين.يعني ي جماعة انا ماشي نص ساعة عشان اصل وجهتي ولسا ما وصلت،وهم ما فكروا يمشوا زاتو بس انتظروا نص ساعة لحدي ما جات حاجة جدعتهم قدام.
الحكمة من الموضوع،في حياتك شوفلك واسطة ازول،صحي براك بتقدر تمشي وتقاوم وتزبط امورك،وبتقول اخير امشي براي بدل اتذل وألوح لناس العربات ديل وما يقيفوا لي.وبتصل في النهاية،لكن الطريق ح يكون طوييل وصعب،والبرد وفي كلاب في الشارع وما معروف ورا القش داك في شنو وبتاع،واحتمال تضيع ف نص الطريق، وتقول امشي بيجاي الشارع دا شكلو بوصلني اقرب وتزيد المسافة تاني.
اما الواسطة،اللي هي بتاع البوكسي،فررررررر بجر بيك من جميع المخاطر دي،ويوديك وجهتك المطلوبة،وعارف الشوارع وحافظها.بس ما عليك الا تنزل وتشيل عفشك وتمشي بيتك مرتاح،لا خايف من كلاب لا تقلب الاجواء لا cv كعب لا غيره.
لكن الواسطات انواع،في بوكسي موديل التسعينات،دا كويس لكن سيده متهور وبسوق سريع واحتمال تقع منه وتخسر مسيرتك العملية.
بوكسي موديل 2016،دا منتشر كتير ومضمون وزول كويس وبسوق براحة وبراعي للناس المعاه وبزبطك.
عربات صالون،دا ما بقيف الا لزول بعرفه،يعني واسطة ب واسطة دي.
بتاع الركشة،دا زول حبوب وبعرف الناس دي كلها ويعتبر واسطة قوية وسويت تالكر وبزبطك بزبطك،مرات الا تديه قروش عشان يزبطك،ومرات ساي خدمة منه بجدعك معاه قدام.
وفي بتاع الكارو برضو دا الله يديه العافية،مشيه براه وتوقفاته كتيرة لكن برضو بوصلك بوصلك وانت كدا كدا م ح تتعب.
وفي الختام احب اقول،لو ما واثق من طريقك،شوف ليك واسطة تفيدك.
والسلام عليكم.
_

" احببتها بالرقة التي ترتفع بها جضوومها عندما تبتسم ❤️
فما رأيت أعز منك في قلبي وما رغبت في أحد سواك .
لتڪُن ڪُل المدينة بأڪملِها لهُم
أما جِوارك فأودّ أن يَڪونَ لي ❤️
عطر اللافندر💜🌸
الجزء الواحد والثلاثون:-
بقلمي عواطف حسن📝
رقيه: وااااااااااااااااااي الليله واااااااي من وجعتك وفراقك😭😭😭😭😭😭😭😭
تسنيم: ابوي هسي كان معانا 😭😭😭😭😭💔💔💔💔💔💔💔
امام المسجد: ربنا يلزمكم الصبر والسلوان ويثبت المرحوم عند السؤال
محمد: لا حول ولا قوة الا بالله💔 انا لله وانا اليه راجعون يا حليلك يا ابوي😭💔
عملو العزاء وكان حار وصدمه للجميع💔ما كان في زول متوقع وفاة محمود لانو كان كويس بس الاجل ما بنتهي بسبب مرض او غيرو الأجل هو الأجل وربنا اراد وقدّر🍂🍂🍂
احمد: احسن الله عزائكم ربنا يثبتكم ويقويكم
مصعب: البقاء لله يا محمد البقاء لله يا تسنيم
محمد: الله يعافيكم ما قصرتو معانا
تسنيم: البقاء لله💔😞😞
احمد: خلي بالك عليها يا محمد شكلها مصدومه لسه
محمد: انا واقف بقدرة قادر غايتو الله يعيني عليهم كان هي ولا كان أمي 💔
مصعب: لو احتجته لي اي شي اتصل لينا احنا ماشين بعد ده
محمد: ما قصرتو يا شباب والله
🍂🍂🍂🍂🍂🍂🍂🍂🍂🍂🍂🍂
ياسين: ابوها مات عديل كده؟
مصعب: اي عديل كده🤨 مالك ما مشيت تعزي
ياسين: برسل ليها رساله وخلاص
مصعب: اقول ليك ده ابوها المات تقول لي رساله؟ اخجل ليك ولا اسوي شنو انا
ياسين: لو فاضي بمشي لكن الشغل لحدي فوق في راسي ما قادر والله يا مصعب
مصعب: لا ما عشان الشغل ياسين في حاجه تانيه😡
ياسين: البت ابتني وما عاوزه تشوف وشي..خطوبه وفسختها وحب وانتهى البجمعني بيها شنو تاني؟
مصعب: ياخي العشره الكانت بيناتكم خت ليها اعتبار على الاقل💔😡
ياسين: لو كان في عشره زي ما بتقول كان ادتني اعتبار يوم جيتها او ورتني السبب بس خلتني معلق واهبل في نظر اهلي جايبهم ومعزبهم معاي وفي النهايه رفضتني واهانتنا
مصعب: انا ما عارف السبب شنو بس ده ما بمنعك تعزيها وش لي وش على الاقل بتكبر في نظرها
ياسين: عليك الله ناولني الملف داك
مصعب: يعني ما شغال بي😡😡😡😤كويس يا ياسين
نور: ف شنو مالو مصعب طالع زهجان كده
ياسين: عاوزني امشي اعزي تسنيم في ابوها بعد طردونا من البيت امس😒
نور: اممممم اصلا حتجي الشركه كده كده بنعزيها لمن تجي...بي مناسبه انكم اتفصلتو🙈اها ما فكرته فينا انا وانت🥺🥺
ياسين: انتي شايفه ده وقتو؟ شوفي شغلك يا نور
نور: حاضر😘
ياسين:🤦‍♂️🤦‍♂️🤦‍♂️🤦‍♂️🤦‍♂️
" بعد مرور اسبوعين في بيت تسنيم"....
مصعب: ده كلو حصل وما قلتي لي
تسنيم: اكلمك كيف والامور جاطت
مصعب: ياسين ده كل مره بثبت لي انو متغير للاكعب اما خالتي وداد اصلها بتاعت ماديات لكن طلعت كعبه والله
محمد: الحصل حصل وانتهى واحنا قفلنا بابو اصلا مستحيل نقبل بي امو حتى لو هو اتغير
رقيه: محمد الظرف جابتو ليك وحده
محمد: ظرف شنو خير؟
😨😞💔
تسنيم: مالك؟
محمد: ياسين رسل الخطاب ده من الشركه بقول فيهو انو طردني من الشغل😏😒
تسنيم: حسبي الله ونعم الوكيل 💔مفتكر انو كده حيوجعني ويزلني اكتر في اخوي
محمد: يله بقينا لا شغل لا يحزنون
تسنيم: غريبه ما طردني انا برضو ولا عاوز يزلني شويه😒
مصعب: بكره من الصباح حاكون عندو اتفاهم معاهو اكيد في غلط حاصل
تسنيم: انا جايه معاك اغشاني بكره لمن تمشي
محمد: ماشه لي
تسنيم: عندي كلام لازم اقولو ليهو
مصعب: عديله...
رقيه: الحمدلله على كل حال يا اولادي الابتلاءات بتجي ورا بعض لكن ما ضاقت الا لتفرج😩ربنا يلزمنا الصبر
تسنيم: ونعم بالله يا امي
زينب: تسنيم البركه فيكم😭😭😭😭😭😭😭💔
حيدر: احسن الله عزائكم💔😭
محمد: تسلمو اتفضلو اتفضلو
زينب: انا ما قدرته استوعب والله الخبر قلته لي حيدر لازم نجي ونعزيكم...يا حليلو عمو محمود💔😭😭😭😭😭😭
حيدر: كان زول طيب والله اصلها الدنيا كده فراقه 💔
تسنيم: الحمدلله على ما اراد الله😭💔
ماشاءالله دي بتكم؟
زينب: ايوا سميناها تسنيم 💜
محمد: ونعم الاسم الاخترتو
حيدر: ان شاءالله تطلع لينا زي تسنو حبيبتنا دي🥰
تسنيم: حادق ليها دهب باذن الله🥰😂💜
حيدر: حنعمل صدقه جاريه للخال محمود هنا فالسودان وفي السعوديه باذن الله حنعمل سبيل💜
رقيه: ما بتقصرو ربنا يديكم العافيه😭😭😭😭💔
حيدر: يله بنستأذنكم بنجيكم ان شاءالله👋💜
تسنيم: تسلمو الله يديكم العافيه...
"الصباح في الشركه"...
مصعب: انتي متاكده من قرارك ده قبل ما تخشي؟
تسنيم: متاكده يله على بركة الله
"ياسين كان واقف في نص الشركه وجمبو نور ماسكين يدين بعض"
ياسين: اعلن خطوبتي من نور صديق🥰
نور: الف مبروك علينا🥰😘😘😘😍
يتبع....
عطر اللافندر💜🌸
الجزء الثاني والثلاثون:-
بقلمي عواطف حسن📝
نور: تسنيم👋👋👋كويس انك جيتي فالوقت المناسب 😘
مصعب: يااااااسين 😡
ياسين: تعال يا فردتي ما عاوز تشاركني فرحتي... اه صحي البركه فيكم يا تسنيم
تسنيم: البركه في امة محمد
نور: مافي مبروك؟🙈
ياسين: لو ما جيتي الشغل كنته حارسل ليك خطاب فصل زي اخوك عارف انو الظروف ما مناسبه لكن الشغل شغل مافيهو لعب وانتو ما اخدتو مني اذن فلازم اطبق القوانين حقت الشركه🤷‍♂️
مصعب: قوانين؟ الختاها منو؟ انت عارف وانا عارف وكلنا عارفين انت عملته كده لي انت عاوز تنتقم منهم وخلاص
تسنيم: مصعب خلاص ماف داعي للكلام الكتير اصلا كنته جايه اقدم استقالتي من هنا وراجعه
نور: حنفقدك كتير🥺 خساره م حنقدر نعزمك خطوبتنا عشان ابوك لسه ميت🤧
مصعب: انا كمان مدير الشركه دي وبحق لي افصل وارجع الموظفين وانتي يا تسنيم حترجعي غصب عن اي زول هنا
ياسين: شركه فيها مديرين دي زاتها ما لاقتني لازم اكون انا المدير انا اولى منك فيها تعبته فيها من ايام الجامعه انا شقيت وجريت ليها..وانت كنته مقضيها لي بنات وشراب ولمن ربنا هداك الشركه ما كان فيها شي يتعمل لاني شطبتها وقومتها انا
مصعب: اولا ما عندك اي احقيه انك تهيني بي ماضيي وانت كنته عالم بالاسباب بس خلاس الفكره حقتك وصلت ثم تانيا انا عندي فيها اسهم النص بالنص في الشركه دي صاح م جيتها كتير بس انا اشتغلته عليها كمان😡
ياسين: يبقى تشيل اسهمك وتتخارج
" مصعب مسك ياسين وبدا يضربو قدام الموظفين واحمد بقه بحجز والموظفين يحجزو...مصعب وتسنيم طلعو من الشركه"...
ياسين: بتتفرجو على شنو كل زول على شغلو يله😤😤😤😤😤😤😤😡😡😡😡
احمد: خيبتو ظننا انتو الاتنين يا خساره والله يا خساره انا كمان حاقدم استقالتي اخاف اشتغل معاكم وتغدرو بي زي ما غدرتو اصحابكم ديل💔
ياسين: الما عاجبو كلو يطلع بره ما عندي استعداد اسمع اي كلام😡😡😡😡😡😡😤
نور: اهدا حبيبي ...
ياسين: زحي من وشي وشوفي شغلك😡😤
نور: طيب طيب
ياسين: ناس ما بتفهم😤
🍂🍂🍂🍂🍂🍂🍂🍂🍂🍂
احمد: وبعدين؟...
مصعب: الحصل اليوم عمري م بنساهو من ياسين ياخ دي عشرة سنين كيف ينسى صداقتنا كيف قدر يخونا كيف قدر يعمل كل ده💔 معقول القروش عمت عيونو؟ولا عشان مكانتو الهو فيها؟
تسنيم: الانسان بتغير كل ما الناس بتمنحو فرصه جديده يا اما اتغير للاحسن او الاكعب وشكلو ياسين اختار طريقو من بدري بس نحنا كنا ما عايزين نشوف وبنتغاضى عن اغلاطو...بالجد الحب اعمى😏
مصعب: معليش خليني اوصلك البيت ارتاحي وم تشغلي بالك وانت يا احمد كمل اجراءات الاستقاله كلها ولو في اي ورق رسلو ليها فالبيت م لازم تجي الشركه دي تاني
احمد: طيب تمام
🍂🍂🍂🍂🍂🍂🍂🍂🍂
مصعب: انا جد بعتذر عن الحصل نيابة عن ياسين من الحصل ده والله انتو ناس ما بتستاهلو ده كلو
تسنيم: م تعتذر الحقيقه ظهرت للجميع والحمدلله ما كنته غلطانه ولا ندمانه علي قراري ده
مصعب: لسه بتحبي يا تسنيم؟
تسنيم: انا كنته ميته فيهو عديييل💔💔💔بس اسي ندمانه على اللحظه الشفتو فيها ما عارفه الومو ولا الوم الظروف الغيرتو
مصعب: نور كمان ولا بهما شي غير مصلحة نفسها والعايزه تصل ليهو من زمان وصلت ليهو الليله خليها تتهنى وتشبع بيهو😒
تسنيم بقت تبكي شديد وعشان تمسح دموعها طلعت منديل ياسين الكان جابو ليها في عيد ميلادها ومكتوب فيهو اسمها وبقت تتذكر في ايام زمان وتقول ربنا يعوضني💔
محمد: انا ابدا ما زعلان وحافتش شغل كل شي حيتسهل ما تشيلي هم
تسنيم: ان شاء الله😪
🍂🍂🍂🍂🍂🍂🍂🍂🍂🍂🍂
وداد: الحمدلله الخلصنا منها ما بتصدقي قدر شنو انا مبسوطه😍
نور: والله انا اكتر يا خالتو 😆 ما شفتي منظرها وهي طالعه من الشركه وكل الناس بتعاين ليها عرفوها بتاعت مشاكل
وداد: هم وانزاح المهم طمنيني عليك انتي وياسين اموركم تمام؟
نور: كلو ماشي تحت الخطه 😉
الرشيد: خطة شنو؟
وداد: اااا الرشيد😅 انتظرني بره اسي بجيك
الرشيد:🤨🤨🤨كويس
وداد طلعت بره وبقت تتهامس معاهو...
الرشيد: الانا سمعتو ده صاح؟ يعني الفضيحه الحصلت في شركة ياسين كنتي السبب فيها؟
وداد: وطي صوتك ده انا العملتو كلو لي مصلحة ياسين ولدي
الرشيد: والضحيه اسمي قدام الموظفين لكن 😤
وداد: يا راجل روق المنقه لا في اعلام يصور ولا في ناس طلعو فيك اشاعات الموظفين شغالين في امان الله وبكره عاوزين موظفين جديدين بدل الطلعو ديل وشوف كمية الناس المتمنيه تشتغل عندك😘
الرشيد: اسمعي كويس يا وداد انا اهم شي في حياتي اتنين شغلي وولدي ما بسمح ليك تلعبي فيهم فاهمه
وداد: فاهمه🙄
نور: خالتو انا حاستأذنك بجيك في وقت تاني...بس قبل ما امشي انا لقيت القروش دي ورا التربيزه حقت التلفزيون لميها كويس
وداد: قروش؟ دي نفسها القروش الختيتها لي تسنيم😨
نور: عفوا؟؟
وداد: جيبيها خلاس شكرا
نور: يله😘
وداد: حتى لو ما شالتها ما حاغير نظرتي فيها 😒
يتبع....
عطر اللافندر💜🌸
الجزء الثالث والثلاثون:-
بقلمي عواطف حسن📝
مصعب: وين انتو؟ خلاس جاي عليكم
"في المستشفى"....
مصعب: خير ان شالله؟ مالها خالتو رقيه
تسنيم: م بعرف الحصل شنو فجاه كده بس وقعت 😭
الدكتور: م تقلقو هي كويسه الحمدلله بس ضغطها نازل شويه حنديها دربات وتقدرو تطلعوها طوالي حمدلله على السلامه🥰
محمد: الحمدلله💜💜😪
مصعب: شفتي اهو بخير وحنطلعها ماف داعي للقلق
محمد: انا حامشي اكمل الاوراق حقت الدفع وبرجع
مصعب: علي بالطلاق ما انت دافع شي..ارجع يا زول
تسنيم: مصعب نحنا مستورين الحمدلله ومعانا حق العلاج شكرا ...
مصعب: يا بت م بطلق مرتي انا حلفته طلاق قلته ليك🙂
محمد: ما عاوز اضغط عليك والله وقفتك بالدنيا يااخ ماف داعي
مصعب: انت خليك جمب تسنيم وشوفو الحجه م تشغلو بالكم باي شي حاجيب ليها فيتامينات وانا جاي
محمد: اديك العافيه يا رب💜
بالجد راجل جدع
تسنيم: والطيبون للطيبات🤷‍♂️💜
🍂🍂🍂🍂🍂🍂🍂🍂🍂🍂🍂🍂🍂
مصعب: امسكي دي كل العلاجات المكتوبه اديها في مواعيدها والفيتامينات دي حقتك انتي ومحمد
تسنيم: بس كده كتير واحنا كويسين
مصعب: يا بت الاصطاف ده لو ما اتغذى كويس كيف يقدر يمارض المريض😂
تسنيم: شكرا ما قصرته معانا😂💜
مصعب: يله اركبي اوصلكم حامشي اجيب محمد والحجه
تسنيم: تمام
الوو ايوه يا احمد...معليش تلفوني صامت كنا فالمستشفى....لالا ولا شي امي كان ضغطها نازل شويه واسي طالعين
احمد: محتاجين شي؟
تسنيم: م بتقصر💜
احمد: حاعدي عليكم اطمن على الحجه وعاوز اتكلم معاك في موضوع
تسنيم: خير لمن اصل بتصل ليك
محمد: يله يا تسنيم
تسنيم: انتو امشو انا عندي مشوار صغير وبرجع
مصعب: مشوار وين يعني؟
تسنيم: ما تخاف ما حاعمل شي غلط ولا حامشي للفي بالك
مصعب: طيب بس م تتاخري انا ما حارجع بيتنا الا اطمن عليك وصلتي
تسنيم: طيب😆
🍂🍂🍂🍂🍂🍂🍂🍂🍂🍂🍂
ياسين: تسنيم ناوليني الملفات حقت الشهر الفات
نور: تسنيم؟ ياسين انا نور
ياسين: لخبطته بس المهم ناوليني ليهم
نور: انت بس ما طلعتها من راسك انت لسه بتحبها صح
ياسين: نور ما تصدعيني بكلامك هسي ما ناقصك
نور: انا عملته كل شي لمصلحتنا لاني بحبك بس انت كل مره بثبت لي انك لسه بتفكر فيها...نفسي اطلع معاك واحس انك معاي مش معاها
ياسين: اطلعي بره اصلا غلطان انا الناديتك نادي لي هديل
نور: خلاس اسفه اسفه🥺🥺🥺🥺اهو سكته والله ودي الملفات
ياسين: اشتغلي بي سكات فاهمه
نور: فاهمه🥺
🍂🍂🍂🍂🍂🍂🍂🍂🍂🍂🍂
تسنيم: ربنا يغفر ليك يا بابا💔🤲 وحشتني جدددددا💔الحياه من بعدك ما عندها معنى والله امي كل يوم بتبكي وبقت بتنوم فالصاله بره ما بتقدر تنوم في غرفتها من يوم رحلته💔وامام المسجد بدعي ليك بعد كل صلاه💔انا ومحمد بقينا مستاءين ما عارفين نعمل شنو غير نتذكرك بس💔😭
عاوزه اقول ليك حاجه يا ابوي انا...انا محتاره😪حاسه اني بحب مصعب🥺هل ده غلط؟ حاسه اني ضايعه لسه..مشاعري تجاه الحب بقت ضعيفه بعد رحيلك وبعد خليت ياسين بس انا منجذبه تجاه مصعب شديد
بقيت برتاح لمن اشوفو بحس اننا ما برانا حتى امي بتطمن بي وجودو وبتقول ليهو ولدي زي محمد...كل ما اغمض عيوني وافتحها بلقاهو جمبي..
يا ريتك لو كنته هنا عندي كلام كتيييير اقولو ااااه الحمدلله😪
🍂🍂🍂🍂🍂🍂🍂🍂🍂🍂🍂
تسنيم: احمد متين جيت
احمد: قبيييل كنته عاوز مصعب برضو بس لمن قال لي في بيتكم ووراني انك ماف قلته خلاس بجي وبنتظرك واتكلم معاكم الاتنين
تسنيم: خير احكي قلقته بي
احمد: انا جاني عقد عمل في قطر وحاسافر فاليومين الجايات ديل
مصعب: يا زول ياخ الف مبروك ربنا يسهل ليك
تسنيم: يعني انت كمان حتخلينا😭😭😭😭😭😭😭💔
احمد: م تقولي كده اكيد حنكون على تواصل طوالي ولمن ربنا يسهل حارسل ليكم كلكم تجوني وكمان لو لقيت اي فرصه لشغل حارسل لي واحد منكم وكل زول يرسل للتاني🥰
محمد: ربنا يفتحها عليك ويوفقك يا فرده
مصعب: احتجته لي اي شي دق لي طوالي وم تنسى تودعنا
احمد: كيف ده كلامك لازم توصلوني لغاية المطار😂💜
مصعب: تكرم😆😆😆
" فاليوم داك تسنيم نامت نومه طويله🍂💜حلمت بي ابوها لابس الابيض ومسح على شعرها تلاته مرات وضحك ليها ومشى...تسنيم صحت من النوم وكانت مرتاحه وحست انها اشاره من ابوها بعد حكت ليهو مشاعرها تجاه مصعب فالمقابر🍂💜
رقيه: الباب ده بدق افتحي يا تسنيم
تسنيم: جايه جايه...
ياسين؟🙁💔
يتبع......
عطر اللافندر💜🌸
الجزء الرابع والثلاثون:-
بقلمي عواطف حسن📝
ياسين: عاوزك في كلمتين
تسنيم: اتفضل
ياسين: انا عارف اني غلطته في حقك كتير بس والله كنته تايه وضايع وما فكرته صاح...بس اسي وعيت وفتحته عيوني كويس وراجعته نفسي لقيت روحي ما بستاهل تسامحيني زاتو بس انا ضميري مؤنبني على الحصل بيناتنا وعاوز افتح معاك صفحه جديده ووعد ما ازعلك تاني
تسنيم: ما اتاخر الوقت على الكلام ده يا ياسين؟ انا احتجته ليك كتير وما لقيتك جمبي كنته ماره بظروف صعبه وقاسيه قلبي كان حيوقف بس بقدرة رب العالمين صبرته ووقفته علي رجليني اما العملتو فيني حاسامحك عليهو لانو بي طبعي طيبه م كعبه بس ما حانسى ابدا الحصل واذا مفكر انو نرجع تاني نرتبط ونرجع علاقتنا زي اول فانا البقول ليك معليش
ياسين: ما تقولي كده انتي الوحيده البستاهلها والبحبها وعمري ما حالقى زيها انا بالجد ندمان وعايز ارجع ليك 💔
تسنيم: اذا ما عندك حاجه تقولها تاني يا ياسين اتفضل امشي💔
ياسين: نحن زينا وزي اي اتنين بتشاكلو وبرجعو لبعض الحياه كده ...
تسنيم: ياسين لو سمحت....😒
ياسين: طيب العفو سلام عليكم
محمد: انتي شايفه كده صاح؟ متاكده انك مرتاحه
تسنيم: ما عارفه يا محمد بس ربنا يسهل😭😪💔
🍂🍂🍂🍂🍂🍂🍂🍂🍂🍂
"بعد مرور ثلاثه ايام".....
احمد: يله يا جماعه في امان الله وخلو بالكم علي بعض كونو سوا دايما...تسنيم انتي اجدع بت واطيب بت شفتها في حياتي وبتمنى تعرسني وحده زيك😂لو جاك ود الحلال ما تتعابطي وتفكيري فالفات وتخلي يوقف مستقبلك وافقي وانتي مغمضه عيونك لانو راجل صاح طالما اختارك
تسنيم: بالجد حافقدك كتير تصل بالسلامه يا رب م تنقطع مني والله لو انقطعته بقطع راسك ده سامع😭😭😭😭💔
احمد: كل يووووم حارسل ليك لمن تزهجي مني😂💔
مصعب: انت خليتها في ايدي امينه عيب عليك تقول كده
محمد: تصل بالسلامه ي دفعه
احمد: يله استودعتكم الله الذي لا تضيع ودائعه💜
مصعب: محمد انت امشي البيت انا سايق تسنيم دي مشوار خاص😂
محمد: يا ريت نبقى تسنيم😂
تسنيم: سايقني وين ان شاءالله🤨
مصعب: اركبي بس وحاغمض ليك عيونك عشان تكون مفاجاه😉
تسنيم: خير ارح...
"وبعد ساعه اخيرا العربيه وقفت..مصعب مسك يدها وبقى ماشي بيها لمن دخلو محل كبير ريحتو حلوة وزح ليها الضماده من عيونها😂💜"...
تسنيم: ده شنو...دي كلها عطور؟
مصعب: المكان كلو حقك💜😌
تسنيم: ما فهمته؟
مصعب: قلته ليك المكان كلو حقك هديه مني ليك😇اشتغلي فيهو وتاجري بالعطور لانها حاجه تشبهك وكمان حتكوني محتاجه موظفين ومندوبين وناس للاستقبال وناس لتوصيل البضاعة عندك شغل كتيييير ما حتلقي لي زمن زاتو🤧
تسنيم: انا اسفه بس ما حاقدر اقبل هديتك دي...مصعب  كفايه انك واقف معاي في كل خطوة بس ده كتير كده انا بحس انك بتشفق علي ما اكتر
مصعب: اشفق عليك؟ انتي شايفه الانا بعملو عشان ده مجرد شفقه؟ 
تسنيم: طيب بتعمل كل ده لي عشان شنو اقنعني بس
مصعب: عشان بحبك يا هبله..
"لحظة صمت"....
مصعب: انا عارف انو انتي قفلتي باب الحب ده بعد ياسين وفقدتي الثقه فالحواليك بس انا عاوز ارجع ليك الثقه دي وترجعي تحبي زيك وزي باقي البنات
ياسين ما قدر يعرف قيمتك وخرب حياتو بيدو وبرجع بقول ليك هو الخسران ما انتي...كمان عايز اقول ليك حاجه انا راضي باجابتك سواء اي او لا فالنهايه دي حياتك وقرارك انا ما حاضغطك ابدا ومهما كانت اجابتك ما حاتخلى عنك وحتفضلي صديقتي ورفيقة عمري🥰
تسنيم: انا عاوزه ارجع البيت...
مصعب: انتي كويسه؟ ااا اسف لو قلته شي زعلك
تسنيم: رجعني البيت قلته ليك
مصعب: طيب طيب ارح
🍂🍂🍂🍂🍂🍂🍂🍂🍂🍂
نور: مشيت شفتها تاني صاح؟ ياسين كم مره لازم افهمك انو البت دي ما بتحبك ماااا بتحبك يااااخ افهم ما عندك كرامه😡😡
ياسين: بتراقبيني يعني؟ نور نحن لازم ننفصل💔 صدقيني البنعمل فيهو ده غلط ما حب ولا شي نحن عملنا كده عشان نغيظ تسنيم وبس
نور: لالالا مستحيل🥺🥺🥺انا انا بحبك والله العظيم ما عملته كده عشان زول انا بالجد بحبك م ينفع ننفصل فاهمني طلع الكلام ده من راسك
ياسين: خلاس يا نور نحن انتهينا أصلا مافي شي اسمو نحن امشي كملي حياتك بعيد عني انا تعبته💔
🍂🍂🍂🍂🍂🍂🍂🍂🍂🍂🍂
حيدر: نشوفكم علي خير نحن حنسافر خلاص
رقيه: تصلو بالسلامه يا رب والله ما قصرتو معانا
زينب: وكمان الصدقه تمت الحمدلله عملنا سبيل فالسودان واول من نصل السعوديه حنعمل التانيه🥰
تسنيم: في ميزان حسناتكم جميعا 💜
حتوحشونا والله
زينب: م بننقطع وان شاءالله نتلاقى في ظروف احسن يا رب💜
محمد: ان شاءالله👋👋
رقيه: استخيري يا تسنيم يا بتي والبقولو ليك قلبك اعملي
محمد: انا كمان رايي من راي امك الحياه ما واقفه على ياسين ومصعب بس اختاري اي راجل بعجبك وقولي لي طوالي
رقيه: انا ما دايمه ليك عاوزه افرح بيك قبل ما..
تسنيم: امي عليك الله ما تزيديها علي انا بشورك اسي  الجاب الفراق هنا شنو😩😩😩
رقيه: استخيري والبتبقي عليهو نحنا معاك فيهو💜🥰
" وصلت تسنيم ركعتين وعرفت تعمل شنو واول شي عملتو نادت مصعب البيت عشان تقول رايها قدامهم كلهم"....
يتبع....
عطر اللافندر💜🌸
الجزء الخامس والثلاثون والاخيره:-
بقلمي عواطف حسن📝
مصعب: احكي يا تسنيم عاوزه تقولي لي شنو
تسنيم: انا جمعتكم هنا عشان تعرفو رايي النهائي وطبعا جاتني الاجابه بعد الاستخاره
محمد: ابشري بس اها...
تسنيم: انا موافقه
مصعب: موافقه علي شنو 🥺🥺🥺
تسنيم: موافقه عليك يا مجنون🙈🙊
مصعب: انتي جاااااده متااااكده انك موافقه 😭😭😭😭
تسنيم: بغير راي هسي يا زول😭😭😭😭💜🤧🤧🤧🤧🤧🤧💜💜💜💜
مصعب: انا اسعد انسان فالدنيا دي الليله انا محظووووظ محظووووظ بيك والله😭😭😭😭💜
محمد: الف مبروك والله فرحته ليك من قلبي😘😘
رقيه: احييي واخيرا حافرح بيك واشوفك احلى عروسه😭😭😭😭😭
تسنيم: بس عندي شروط..
مصعب: انتي تأمريني بس..😍
تسنيم: اول شي زواجنا ما حيتم الا بعد امي تتم الحبسه بتاعتها عشان تحضرو وحيكون بسيط ومختصر عشان ربنا يبارك لينا فيهو
مصعب: حاااااضر تكرمي وتاني😍
تسنيم: تاني حاجه بالنسبه لمحل العطور انا ما عايزه اشتغل فيهو بس حاديهو ليك انت ومحمد تشتركو فيهو وتتقاسمو الشغل وتكبرو المحل اكتر واكتر
اما انا حابه اكون ربة منزل اكون جمب اطفالي بعدين واعلمهم واربيهم احسن تربيه ما عاوزه حاجه تشغلني عنهم💜
مصعب: باذن الله تعالى انا موافق على كل شروطك وبوعدك نكون سوا فالحلوة والمرة مهما اتشاكلنا واتزاعلنا انا مستحيل اسيبك ده وعد مني انا مصعب علاء الدين💪 انا عارف يعني شنو تفقدي واحد من والدينك انتي فقدتي ابوك بس انا حابقى ليك زوج واب واحتوي اطفالنا واكون اب صالح ليهم
رقيه: الحمد والشكر ليك يااااا رب واخيرا فُرجت😭😭😭😭
تسنيم: انت كنته مُكلم احمد انك بتحبني؟ لاني حسيتو بلمح لي لمن قال لي "ود الحلال لو جاك م ترفضي وافقي وانتي مغمضه" كان قصدو انت صاح🙂👋كلمتو يا ود اللذين😂😂
مصعب: بصراحه اي كنته محتاج زول يدعمني واشاركو افكاري ومشاعري😂😂💜كنته خايف ترفضيني
تسنيم: دي عويره الحترفض واحد زيك🙈🙊
محمد: الله!! نحنا نقوم بعد ده ولا شنو😂😂 تعالي يا امي خليني احضنك جاني تصحر عاطفي😂
رقيه: يا ولد فك رقبتي خنقتني😂😂😂😂😂💔
تسنيم:😂😂😂😂😂😂😂
" دي كانت اول مره تضحك فيها تسنيم من قلبها من بعد وفاة ابوها حست انو هي مرتااااحه وابوها راضي عنها💜مافي راجل حيسد مكانة ابوها بس مصعب ما حيحوجها لشي ابدا لانو حباها من قلبو ووعدها انو يفضل جمبها للابد💜"🔒
"بعد مرور عدة رقيه تسنيم ومصعب عقدو وعملو زفاف بسيط جدا فيهو القريبين والجيرانتسنيم كانت حلوة ولابسه توب بنفسج محجبه حجاب كاملومصعب بالجلابيه البيضاء حكاااايه🙈"
"تاني يوم مباشرة من العرس تلفون تسنيم دقه ولمن ردت تعابير وشها كانت مخطوفه"...
مصعب: خير في شنو؟
تسنيم: ياسين💔
🍂🍂🍂🍂🍂🍂🍂🍂🍂🍂🍂🍂
"في المستشفى"....
وداد: تسنيم😭😭😭😭😭😭😭وااااي يا تسنيم من الحصل في ولدي واااااي ولدي بموت الحقيني بس😭😭😭😭💔💔💔💔
تسنيم: قولي بسم الله يا خالتو اقيفي على حيلك ياسين مالو
وداد: يا ريتني لو خليتو يعرسك ما كان حصل ليهو الاسي ده😭😭😭😭😭💔ياسين فالعنايه المشدده والدكاتره فاقدين فيهو الامل حالتو الصحيه متدهوره شديد
مصعب: هو الحصل شنو يا عمي الرشيد💔
الرشيد: السكري تعبو شديد وبترو ليهو كراعو بقه ما بتحرك وتعبان شديد وديناهو الدكتور قبل تلاته شهور ظهر عندو فشل كلوي💔حاليا هو بغسل ليهو ٣ شهور بس مافي استجابه كان بخش في غيبوبة سكري دايما والله نحنا حرفيا عاجزين ما بيدنا شي غير الدعاء
تسنيم: قشي دموعك يا خالتو الشفاء عند الله وبس ما عند الدكاتره باذن الله حيتحسن اتفقنا...هو صاحي اسي؟
الرشيد: صاحي
تسنيم: مصعب خلينا نشوفو
"ياسين كان ضعيف جدا ومنظرو يبكي الحجر💔ما هو ياسين الشاب الطويل السمح الكان على طول متأنق ولابس احلى لبس ومتعطر باحلى العطور وقيافه💔كان مجرد هيكل عظمي راقد فالسرير مركبين ليهو اجهزه توحي للناس انو هو حي...بقه بعاين لتسنيم ومصعب وابتسم ابتسامه خفيفه وغمض عيونو"
تسنيم: ياسين...
ياسين: ااااه اشتقته للصوت ده يمكن ده الكنته محتاج اسمعو🥰
مصعب: ربنا يكتب سلامتك يا صحبي
ياسين: الله يسلمك يا صحبي
تسنيم: بكره بس تطلع من هنا حاعمل كرامه وارمي زلابيه كتيره🥺🥺🥺🥺🥺💔
ياسين: انتي لسه بترمي زلابيه😂😂💜 يا ريت اقدر اضوق منها
تسنيم: حتضوقها وحتطلع من هنا ان شاءالله💜
ياسين: لابقين لبعض ربنا يحفظكم يا رب...مصعب زول جدع يا تسنيم حيحافظ عليك وما بحوجك لشي ابدا
وتسنيم كمان💔..ماف بت اطيب🥺 واحن💔🥺واحسن منها فالعالم ده كلو😭😭😭😭
تسنيم: ما تبكي ياسين انا حابكي معاك😭😭😭😭😭😭💔
ياسين: ما تنسوني وختوني في دعواتكم🍂
🍂🍂🍂🍂🍂🍂🍂🍂🍂🍂
بعد كم يوم اتوفى ياسين ودفنو مصعب وبكى عليهو شديد💔 ياسين ما مات بي مرض هو انتهاء اجل لكن سبب مرضو انو إتآكل من جوه وقعد يلوم في نفسو وضميرو أنبو لمن وقع...
شركتو افلست وقفلت لانو ما كان في زول ماسكها من وراهو...نور دخلت المصحه العقليه بي درب ياسين وبسبب حبها الشديد والزايد ليهو جنت 💔
وداد كانت اكبر وجعه ليها في حياتها هي خسارتها لي ولدها القعدت تتحسر عليهو طول عمرها ندمانه علي عمايلها العملتها...
اما هديل السكرتيره اتزوجت محمد وكانو ثنائي جميل مع بعض
كل زول اخد نصيبو والمكتوب ليهو فالنهايه ...
مصعب وتسنيم سافرو ماليزيا يقضو شهر العسل💜ولمن رجعو زارو قبر ابوها واترحمو عليهو بعدها زارو قبر ياسين واترحمو عليهو
"طبت وطاب قبرك ياسين"
🌸🌸🌸🌸🌸🌸🌸🌸🌸🌸🌸🌸🌸
تسنيم: حابه اغير اسم المحل بتاعنا
مصعب: عاوزه تسمي شنو؟
تسنيم: عطر اللافندر💜🍂
"النهايه"....
رِوايات سُودانية 📚❤️!)"
_ رواية ب اسم عطر اللافندر حتنزل بعد شوية 🤍🥀
_

الرواية خلصت الكاتبة قالت ليكم رأيكم في الرواية ؟ 🤍
HTML Embed Code:
2024/03/29 12:52:49
Back to Top