TG Telegram Group Link
Channel: طلبة 3علمي ليبيا2018-2019
Back to Bottom
ياااه على القناة ، ليها أربعة سنوات ، أي حد مزال موجود فيها ربي يفتحها قدامك
المسلمين في غزوة الخندق كانوا محاصرين من كل تركينة، الأحزاب من قدام ويهود بني قريضة من وراهم ( اللي مفروض يكونوا مع المسلمين لأن بينهم عهد).

ولكن "اليه .. ود" كعادتهم خانوا المسلمين، واتفقوا مع قريش أنهم حيخلوهم يدخلوا مع جهتهم وهكي يحاصروا المسلمين ( غدر يعني، يهجموا على المسلمين على غفلة)!

المهم جاء واحد من الصحابة اسمه نُعيم وكان يادوبه أسلم وماحد يندري عليه، فقال للرسول صلى الله عليه وسلم أنا أسلمت كيف ممكن نساعدكم قول لي شنو ندير وأنا نديره.

ف الرسول صلى الله عليه وسلم قال له " إنما أنت فينا رجل واحد ، فخذل عنا إن استطعت ، فإن الحرب خدعة"

المهم، مشى نعيم لبني قريضة وقاللهم ردبالكم تقاتلوا مع قريش ضد مُحمد، هم بعد الحرب يقدروا يردوا لبلادهم لكن أنتو كيف يصير فيكم لو محمد استفرد بيكم، لذلك خوذوا من قريش رهائن من أشرافهم يضمنوا لكم إن قريش تحميكم من مُحمد.

ومشى لقريش وقاللهم أنتم تعرفوا كرهي لمحمد، عندي لكم معلومات بس سر بيناتنا، راه يهود بني قريضة ندموا على كلامهم معاكم، وقالوا لمحمد حناخذوا من قريش رهائن من أشرافهم ونعطوهم لك بس سامحنا على الخيانة.

يعني لعبها بينهم وكان ذكي جداً، وبفضل الله ثم تصرفه الذكي فعلاً، كفّار قريش مشوا لبنو قريضة على أساس يتفقوا وبنو قريضة قالولهم نبو رهائن نضمنو بيهم حقنا لو محمد هزمكم، ف اختلفوا وماصارش من تحالفهم ضد المسلمين.

وهنا يا جميلتي الشاهد .. !
رجل واحد بس، كان له أثر عظيم جداً جداً في الحرب هذي.
ماقالش أنا بروحي ماقالش الله غالب شنو بندير.
والرسول صلى الله عليه وسلم ماقالش بروحك شنو بتدير، بالعكس طلب منه يدير اللي في استطاعته كله.

وهذي نصيحتي لك ..
ديري اللي في قدرتك كله، ماتقوليش أنا بروحي كيف ممكن نغير الواقع، ولا بلادنا منهارة، ولا بيئتي مثبطة ولا ولا ولا ..
انجزي وانصحي وساهمي في تغيير واقعنا وتحسين حال الأمة.

خليك مثل نُعيم، وخذّلي عن المسلمين ما استطعتِ.
في أي جانب تقدري عليه، وفي أي شيء ربي حطك فيه.
Forwarded from ذِكْـرٌ.
ثلث القرآن، اعادة توجيه لعلها تشفع لك ..
دعواتكم 😭
HTML Embed Code:
2024/03/28 19:27:20
Back to Top