وبها الطريقه ( استهتر بالفكره ) اصغرها احجمها بعقلي


طيب نجي للفعل مثلا والله اليوم ماردت امي بسرعه ع طول اكلم نفسي واقول حسك نفسك ي فلانه تركضين ورى خرابيط عقلك والشيطان يلعبك يمين ويسار ياويلك تسوينها ي الله روحي وقولي بصوت عالي لاحول ولاقوه الا بالله العلي العظيم وبأذن الله مافي الا الخير

واروح اسوي اشغالي وارتب اموري وانا ارددها بصوت عالي اهم شي اني اسمع صوتي

وهكذا نكون اخذنا الأمر من جميع النواحي ومن جميع الجوانب وعالجناه بكل ماايمكن مستعينين بالله

الصحابه وهم الصحابه كان يأتيهم الوسواس في الذات الألاهيه

قال رسول الله ﷺ: يأتي الشيطان أحدكم فيقول: من خلق كذا، من خلق كذا، حتى يقول: من خلق ربك؟ فإذا بلغه فليستعذ بالله ولينته[3]،

يعني فكره ان الشخص يوسوس له حتى في دينه بفكره الذات الألاهيه ووجود الله امر مو جديد وامر من عهد حبيبنا محمد صل الله عليه وسلم

بس تأملو الحديث شوفو ايش كان العلاج قال يستعذ بالله وينته يعني خلاص يتجاهل الأمر ولايكمل ويقطع على نفسه الباب

في الوسوسه امور لها ادله ممكن نقطعها فيها وفي اشياء ماانقطعها بالأدله الا بأننا خلاص ننتهي عنها ونبعد ونقطع تسلسل الأفكار

الان الي يلحد والعياذ بالله من بعد ماكان مسلم موحد

هو انه انجرف خلف افكاره خلف كيف وليش ومن احنا نهينا عن هذا الشي ونهينا عن اننا ندخل في هذي الدوامه

لكن العالم الان تروح وتبحث وتدور وتكمل تقرا في الكتب الي فلسفه وخرابيط تشوف الافلام الي خرابيط ويكملون طريقهم بالبحث لحد مااخلاص العقل يتشوش

ع فكره بالنسبه ( لنقطة الافلام ) لاتظنون انها سهلة وانها مو مفتاح وباب للافكار والوساوس والتفاهات

ولانظن انه العقل مايخزنها ويتعامل معها بشكل حقيقي حتى لو مو في نفس اللحظه حتى لو بعد حين

كل شخص يبقى مسؤل عن نفسه عن تعامله مع نفسه عن افكاره عن الأمور الي يتلقاها عن تغذيته عن صحته وعافيته عن ثقافته عو علمه عن كل صغيره وكبيره

وبأذن الله ان ربي ييسرها للجميع ومافي شخص ع وجه الارض يستعين بالله الا واعانه الله حتى لو ماكان الأمر بالطريقه الي متخيلها

استشاره ( الخوف من المرض)

من كذا سنه جاني صرت اخاف من كل شي صرت ماعاد اروح اسوي ليزر شعر اخاف يسبب لي مرض وقفت صبغ شعر اخاف الصبغه تسبب لي مرض وقفت تشقير حواجب اخاف تسبب لي مرض خوف مو طبيعي صار مصيطر علي أبي اطلع من هالدوامه واعيش انسانه طبيعيه والله ماكنت كذا فجاءه تغيرت

الخوف له منبع

تذكري زين ايش الاساس / هل تتابعين اخبار بشكل عام وتطورات الحياه والاختراعات البشريه وهالأمور او تسمعين قصص او لك بموضوع اللقاحات والعلاجات

الامر له بدايه بس تذكريها

وخل نتكلم عن نقطه مهمه جدا جدا كون أننا (مسلمين موحدين مؤمنين )

نعمه الإسلام نعمه عظيييييمه وفيها عمق كبييير لكن مارح تكون عظيمه اذا احنا اخذناها بنظره شامله فقط بمنظور صلاه وعبادات فقط لاغير

لازم نعبد الله بعقل وبفكر وبصيره لازم نتأمل الأمور من حولنا

لازم نرسخ عقيده سليمه فكريا بداخلنا

دايم نقول انا ( مؤمن ) طيب ايش يعني لازم نرجع ونتمعنها

لما اقول انا مؤمنه بالشغله الفلانيه يعني اني انا مصدقه ومطمئنه هذا بشكل عام

طيب ايش يعني الايمان شرعا ؟

( الإيمان شرعاً هو الإيمان بالله وملائكته وكتبه ورسله واليوم الآخر والقدر خيره وشره وهي الأمور الستة التي تكون أركان الإيمان في الإسلام. )

طيب ايش يعني ركن ؟ يعني انه لو مااحصل يكون اسلامنا نااقص وفيه خلل

طيب الاركان السته هذي لازم احققها طيب كيف رح احققها ؟؟

مارح تتحقق الا اذا اشتغل القلب والعقل معا

فرضا لو اخذنا نقطه ( الإيمان بالقدر خيره وشره )

هذا امر عظيم يعني انه لازم يكون قلبي مطمئن اني بين يدي الرحمن الرحيم ولازم ابحر في معانيها ولازم اعمل فيها بكل صغيره وكبيره بحياتي

حتى في ابببببسط الأمور ( فرضا انكبت القهوه ع الفرن ) هو أمر مقدر من الله سبحانه وتعالى ومن غير ماازعل ولا اتنكد اقول ماعليه هو قدر ولعل في الأمر خيره

لانستهين بهذي الأمور البسيطه هذي تبني كثير بقلوبنا وعقولنا وتعلمنا ايش يعني إيمان

لما اسمع اخبار مثلا
فرضا حرب قامت في مكان او اي خبر حصل وسمعته

طيب افكر فيه هو قضاء وقدر من الله
ولله فيه حكمه نجهلها ولايمكن نعرف الحكمه في كل شي ولكن عندنا التصديق الكافي بأنه امر من الله سبحانه وتعالى له فيه حكمه ونكون راضين بأن الله ماايقدر علينا الا كل خير حتى لو كان ظاهره شر

لازم نعرف ان ايضا من رحمه الله بعباده في اقدار يصارعها الدعاء صحيح مكتوبه ولكن يبقى الدعاء يصارعها حتى يردها وفي اقدار لا هي مكتوبه وانتهت

حتى اقول بالفعل انا حققت الإيمان واكملت اركان الإسلام احتاج ان السته أركان أقوم فيها واحسنها ع أكمل وجه واتمعن فيها بعقلي وقلبي