TG Telegram Group Link
Channel: مـريم ♥️
Back to Bottom
‏ما مال غصنك وأنت طيرٍ بلا رِيْش
‏وأنا على ساقي، وساق انتظاري

‏كل السنين اللي قبل ضحكتك طيْش
‏"وكل الديار اللي تضمّك دياري :)
‏" رشّي على الصدر يا بيض السحاب القنوف
‏ مبطي و أنا ما حصل لي قطرةٍ في يدي "
‏استمراية ثبات :
‏يصبرني على ثقل الليال إنْ الأمل ما زال
‏ينسيني شقى النفس ويضوي لي:"متاهاتي".
‏"طواريّك مطر في صبح عيدٍ ممتلي بالناس!
‏ليا من طاح من عرض السحاب وقامت الديره"
‏" بكره يشعّ النـور بالكـون الأظلـم
‏ الله يجيب النور من وين ! مادري"

‏- علي المسلم
‏عمومًا:
‏"يدور الشك بين الناس والأعمال بالنيّات
‏ويمرّ الواثق بنفسه عليهم ويتعدّاهم."
‏ولا دريت إني احبك لين هالعالم دروا بك
‏والله إني مادريت الا وانا كلً درابي

‏قالوا إني أحتمي لك و اتحلاها عيوبك
‏قالوا أنك واضح بوجهي و صوتي و أضطرابي

‏ديرتك صدري وضلعانه على البيعه شعوبك
‏سمعاً وطاعه يلبونك رغم ثوره عتابي
‏"أوّل أيام المحبة مثل لطف الملوك
‏وآخر أيام المحبّين مثل .. سيوفها"
‏— حشان بن مصلح
جعّلني ما أسوق الحسايف من وراك
‏و تجي فوق هقوتي ما تجي من دونها
‏خذاك الحلم من نوم العوافي لين صح النوم
‏وخذاني ليلٍ لا جيت أرقده وقف على أهدابي
‏أحبّك.. كثر ما قالوا هَنيك يا خلي البال
‏وأحبّك كثر ما أخفيتك عن رُبوعي وعذالي

‏حفظتك سِر ما يظهر على العالم ولا ينقال
‏زرعتك بين تنهيد الضلوع وبين غربالي

‏لك الله مال غيرك فالحَنايا والضمير ظلال
‏أقرب من قريب الخلق وأقرب لي من ظلالي
‏"صيّبًا نافع ياربي ومدرارٍ غزير
‏بـ آمرك تسابق بروقه برد وسميّته

‏ما تلدّه ريحٍ إن هبت تعكس المسير
‏هاديٍ وبله يشيل السعد في جيّته

‏يْغسل صدري بعد وعكة الجرح الاخير
‏لين تشفى علةٍ .. دمّرت نفسيته"
‏" يارب و العمر إنتظار و أحلام و آلام و قلق
‏محتاج بهجة و انتصار و صبحٍ بعمري ينفلق "
‏دفعنا بالمشاعر كلها في حرب الاستنزاف
‏ماباقي غير يفصل في الأمور ويلحق التالي

‏بدايتها تراني معتبرها رحلة استكشاف
‏ولا ادري كيف وصّلنا الطريق لوضعنا الحالي

‏يقولون الحذر لمّاح .واقول الحذر خوّاف
‏كلام اللي يغامر والعمر في دبرة الوالي
‏قلت لك ماني بطيِّب ولا حالي بخير
‏لو ضحكت من النكت، ماهدت نفسيِّتي

‏ودِّي اضحك ضحكة اللي من الخِفّه يطير
‏و في شي مقيدٍ نفسي وحريِّتي..

‏مثقلٍ باشياء، واشياء.. ماودِّي تصير
‏و كل يوم اعيشه تْزيد بي سلبيِّتي

‏مكتئب، واحس هالأرض هي بئس المصير
‏وأنت عادك تحسب إني على سجيِّتي :)
‏تخوفني مشاوير الطريق المظلم المهجور
‏وأنا لا من ذكرتك قلت طولي يامشاويري

‏عزاي إنك رجاي العذب لو كل الدروب عثور
‏وصلت أو ما وصلت أعرفك ما أنته منتظر غيري

‏حبيبي وكّل الله لاتحسبني بليد شعور
‏لو أنت المستحيل الصعب ماابدي لك معاذيري
‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه
‏بكل حاجه جميله تشبه لـ طرياك
‏أحس الناس في " بالي " يشوفونك

‏وش ايامي بلا صوتك وضحك شفاك
‏وانا اشوف " العمر " كله من عيونك

‏عسى كل " الحياه " المقبله وياك
‏ولا آعيش بـ حياتي يوم من دونك
‏تعبت أشيلك في قصيدي وأغني
‏يا مبعدٍ لكن في بالي والأحداق

‏تعال لي .. خل التمني تمني
‏إنت الحقيقه والسواليف عشاق
HTML Embed Code:
2024/03/28 12:06:15
Back to Top