"يجوز إنك هوا فجرٍ بعده الغصن ماينساك
‏إليا هبّت ذعاذيعك حنين؟ أشوفك أحبابي"

"من عرفتك يا ربيع العمر عايش بـ السليم
ماسكٍ سكة غلاتك .. لا يمين ولا شمال"

"تداعيت المزوح وكانت أيامي تحدّ اليأس
‏بعد كنت اليقين اللي يدين الشكّ تقطعني

‏أمَرّ الذكريات اللي تمرّ الخاطر الحسّاس
‏تبدّد كلّ وقفة كبرياء كانت تجمّعني

‏تهادى يا سجين البال زعفر دلّة الهوجاس
‏وحرّر قيد تمتمتي وقنّد حـزني المعني"

"و أقفيت وأنا اكبر من التبرير والعذر السمين
حتى لو اني خاطري ما كلّ شيء يصبّره

القلب يكسره اللسان.. ولا تجبّره اليدين
ماهوب عظمً كل يوم .. تكسّره وتجبّره"

عسى المقبلات تعوضنا ياحبيبي خير
‏عقب دمعي اللي يوم طاحت دموعك طاح

‏على كثر ما أنت بقصةٍ ماتبي تفسير
‏على كثر ما أحتاجت نهاياتها لإيضاح

‏رضيت الجفا .. مع وافر الود والتقدير
‏لإماكن لقاك اللي من أقفيت ماتنراح

‏أنا كثر الله خير صبري ، على التفكير
‏لحالي وأحارب طيفك اللي بسبع أرواح .

‏اللهمَّ إنك عفوٌّ تُحبُّ العفوَ فاعفُ عنا..

عفى الله عن مواعيد انتظارك والسنين حيام
وقفت وما معي غير الوله واقف ومتسامي

يخوفني ضجيج الشوق لا ارتاد الطريق العام
وتغيرت بكل اتجاهاتي وتأثيري وهندامي

حرارة فقدك اقسى ما تجيبه بارد الانسام
وانا للحين من حر المفارق ترجف عظامي

‏"يا مالك المُلك السنين البيض مافيها سنين
‏ما غير صبحٍ عاث في نوره ظلامٍ سرمدي

‏هبّ لي من الافراح واجعلني شديد الباس لين
‏أضحك على كل الجروح الصلف منها والندي"

‏"تمنيتك"وأنا كل الأماااااني جبتها بعناد
‏وتصاغرت الظروف اللي تهدّ وجيت لك كلي

‏قطعت دروب وأحلامي قراح وذكرياتي زاد
‏عطيتك صافي شعور المحبة وش تبي قل لي؟

‏لو إنه بيني وبينك.. عذول ومعجزة وبـلاد
‏أحسك نسمةٍ مرت عجولة تحتضن ظلي"

‏مهما بلغت من الضيق والحزن .. تأكد إن :
‏" تبي تزين الامور ويبي ينشرح صدرك
‏العسر بعده يسر .. لو طالت المدّة ".

‏وأنا مانيّ على بعضي ولا بعضي علي ملتم
‏عجزت أثبت على أرضي و أحس كل الأماكن هم.

يصبرني على ثقل الليال إنْ الأمل ما زال
‏ينسيني شقى النفس ويضوي لي متاهاتي

‏أغيب بلا سبب ! وبلا سبب يربكني الترحال
‏واعود للمكان إللي يضم أربع .. تجاهاتي

‏مع إني هادي وجه وحكي لو ضاقت الاحوال
‏يجي هذا الحزن صخب ويلازم فكرة أبياتي

‏" عاجز عن الشكر ياليل رمضان القصير
‏مايمدي الحزن ياكل فيك كل جسدي

‏من قبل لاوادعك لابد تذكر بخير
‏ياللي مزاياك لا موحش ولا سرمدي

‏لو ان الانسان عن حزنه مايقدر يطير
‏لكن بك القلب يخشع والنفوس تهدي

‏عساك باعمارنا مانت رمضان الاخير
‏ويقبل بك الله دعاي وطاعتي وجهدي "

‏بعض الشعراء عندهم القدرة على وصف مشاعرهم بأقل عدد ممكن من الكلمات مثل الشاعر فهد بن فلاح يقول :

‏" ياكيف أنسى وأنا حتى الهبوب يجيب لي طاريك
‏ أشوفه ينبش جروحي وأنا يدّي مكتوفه

‏ذبحت أجمل ليالي عمري اللي عشتها بيديك
‏مثل مايذبح المعروف من سولف بمعروفه "

‏اليا أمتنعتي يا سحابة ، فْلا باس
‏غصن المشاعر فوقه الدمع ناضح

‏ليه أستعيب الحزن و أدرى من الناس؟
‏و الحزن لو يخفيه الإنسان ، واضح

‏وداعًا للضيف الوحيد الذي يأتي ليكرمنا ، اللهم لا تجعله آخر عهدنا به ، اللهم إنا نستودعك أدعية فاضت بها قلوبنا فاستجب لنا يا كريم 🤍

‏⁧ #وداعا_رمضان⁩

‏دخيل العيد وأفراح القلوب وشوفه الغالين
‏« على كثر إزدحام البال خليني على بالك»
‏