اللايف بدا
الناس تنضم

*خطاب النية او الدافع*
في سلسلة البوستات التعريفية عن المنح الدراسية اتكلمنا عن متطلبات المنح وشروطها وشرحهم بشكل تفصيلي
اليوم حنتكلم عن اهم مستندات المنح الدراسية وهو
⚪ *خطاب النية أو خطاب الدافع*⚪

واحد من أهم المستندات الأساسية للقبول في المنح الدراسية بصوره عامه .

*خطاب النية* بيستخدم عادة في التقديم لجامعة أو مؤسسة أكاديمية، أو لمنظمة غير ربحية أو لفرصة تطوّع. بمعنى تانى بنستخدمو لتوضيح سبب اهتمام المتقدّم للفرصة و دوافعو لاختيار البرنامج الدراسي، أو الجامعة أو النشاط التطوّعي..
طيب برضو إحنا لسه ما فاهمين *الخطاب* دا شنو ؟!🤷🏾‍♀️
الخطاب دا ببساطه فرصة ليك عشان توصف نفسك ودوافعك للتقديم والخبرة بتاعتك وكمان لي إنت اخترت التخصص ولي اخترت البلد وطموحاتك شنو بعد المنحه .
طيب نبسط الموضوع أكتر ؟🌚🤍
ونكون دقيقين أكتر
واحنا بنكتب لازم نراعي للحاجات دي
1- الرسالة مختصرة ومحدّدة، و يفضّل انها ما تتجاوز صفحة واحدة كحدّ أقصى.

2- الصيغه تكون بطريقه كتابه الرسائل الرسميه نراعي للاخطاء الاملائيه واللغويه

ولو الكتابه بلغه إحنا ما متمكنين منها نراجعه مع إنسان متمكن .
*كيف نكتب الخطاب* ؟!🌚📌

في طرق كتيره عشان نكتب خطاب النية ، وحنذكر هنا: *طريقتين*
ممكن تستخدم
الطريقه المناسبه ليك :

بنقسم الرساله لى 3 فقرات رئيسية:

مقدّمة، محتوى رئيسي، وخاتمة.
أو ممكن نقسم الرساله لى فقرات قصيرة يترواح عدده ما بين 7️⃣...3️⃣ فقرات مرتبطه تطرح أفكار متسلسلة ليها علاقة بالفرصة القدمت ليها حاول أن تستخدم جملة لى 3️⃣ جمل في كل فقرة.
أيًّا كانت الطريقة الاخترتها لكتابة خطاب النية خليك حريص على أن تذكر الأفكار💡 الجايه في رسالتك لانها حتساهم بشكل كبير في تعزيز خطاب النية وزيادة فرصه تأهلك لمرحلة المقابلة الشخصية:

1- لازم تفهم أنو دي فرصة معموله
لهدف معيّن، وهو فرص طلاّب لمؤسسة تعليمه مرموقه عشان كدا خليك حريص في البداية على أنك تقرأ كويس عن الجامعة أو المؤسسة المقدّم ليها، ووضّح في رسالتك انك مهتم بالمؤسسة البتقدم ليها .

2- خليك حريص على أنك تذكر مهاراتك، خبراتك، سيرتك الأكاديمية والمهنية واذكر شغلك التطوعي وكل المميزات العندك الحتساعد في قبولك.

3- لازم الخاتمة تدى إنطباع اهتمام وشغف لانك تقدم في الدوله وتتكلم عنها بطريقه واقعيه كويسه تظهر مميزات التعليم فيها .


وتأكد نواياك بأنك عايز تفيد المجتمع وتطور من نفسك ومهاراتك وتفيد مجالك ودولتك .
كدا خلصنا ..

⚪ نصائح تعلم من اجل السودان💫 ليك يا عزيزنا الطالب :
⚪اخد وقتك في انك تكتب خطابك🕐 .
⚪ماتغلط ابدا وتمشي تجيب نموذج من النت وتغيير بس بمعلوماتك❌ دا أكبر غلط وكدا إنت كدا بتضيع فرصتك بيدك
المؤسسه المقدمه المنحه أكيد حتكون عارفه انو دا نموذج من النت عشان كدا نكون ناس كبيره ونظبط الخطاب🙂 .
⚪عدل وامسح واكتب وشوف النماذج الفي النت اخد منها الفكره وارجع للبوست بتاعنا وظبط
⚪التدقيق اللغوي مهم جدا خليك حريص جدا على كدا
⚪حننزل ليكم 4️⃣ نماذج لخطابات النيه في الكومنتات عشان الناس تاخد الفكره العامه .
موفقين🤲🏻 ونتلاقي في البوست الجاي.
#المنح_الدراسية_بداية_حياة
#تعلم_من_أجل_السودان
#learn4Sudan

نماذج خطاب الدافع

مبارك عليكم الشهر الفضيل 🌙 وربنا ينعم على سودانا الحبيب بالامن و الامان 🤲

انا واحد من الناس كنت حافظ كم جزء من القرآن بس للاسف ماكنت عارف السور بتتكلم عن شنو ولا معاني الكلمات ولا التفسير مع اني تقريبا كل شهرين كنت بختم.

يلا في فترة ما جاني ادارك انو ليه انا مااقرا التفسير ومعاني الكلمات وفعلا بديت واتقدمت فيهو يمكن للجزء 20 ، الموضوع طلع عجيب وبقيت استمتع بالقرآن وانا بقرا وبفهم المقصد من الايات.

يلا انا حشير معاكم تطبيق فيهو شرح مبسطه للسور ومعانيها ان شاء الله حتستفيدو منو شديد واعملو ليهو شير عشان يشملنا الاجر كلنا:

افتح الصفحه العايزها واضغط هنا
https://play.google.com/store/apps/details?id=com.ayah

(لأن أسوأ الازمان لن تتغير الا إذا انجزت فيها أجل الاعمال) 👌

كورس *إدارة وتنظيم الوقت* وتمالك الضغوط
😇😇😇

ممكن تكون دي من أهم الكورسات من وجهة نظري وحنتعلم فيها الكتير

مثلاً :👇
تقليل "الفوضى" في حياتك💡

وزيادة عملية التحكم في سير حياتك عن طريق تنظيم الوقت⏰
رفع مستوى الشعور بضرورة التحرك الفوري وعدم المماطلة وإضاعة الوقت⏱️

طرق زيادة الإنتاجية وتحسين مستويات الأداء في العمل والحياة عموماً〽️
من خلال تنظيم الوقت

إنجاز أهم الأمور في أقل وقت ممكن عن طريق التخطيط🧾 السليم وتحديد الأولويات📑

تخصيص وقت لأنفسنا لعمل أمور نحبها 💜وتعود بالفائدة علينا〽️
التغلب على معقوّقات الإنتاجية
و تمالك ضغوط الحياة والسيطرة على التوتر المعيق للراحة النفسية🔆
الكورس علي منصة ادراك

رابط الكورس👇🏻 : https://www.edraak.org/programs/course/tsm-vt1_2018/

انا ماقادر اقرا وبكسل ومابكمل الكورسات - المقال دا مايفوتك 🔥🔥🔥

دا اكتر سؤال بجينا واكتر جمله بنسمعها في عالم التعلم من الانترنت.

معلش انا حردح ليك 😏

ياحبيبي انت سوداني عارف يعني شنو سوداني يعني الدنيا دي مملطشاك وداقه بيك الحيط وماسحه بيك الواطه ف ياعزيزي والله وتالله وبالله انت لو الحاصل عليك في حياتك من ظروف وضغوطات ومسؤليات ماخلتك تتحفز وتطور من نفسك تاني مافي حاجه حتحفزك.

انت حاليا مخرجك الوحيد هو تطوير نفسك ف دا بيعني انو ابدا ماعندك خيارات تانيه انت محفز بالغصب (بل بس) انت غير ياعزيزي وكلمه بكسل وبكسر حنك دي خليها لزول كل امورو ميه ميه و تعدى مرحله انو محتاج حاجه اساسيه في حياتو (اكل وملبس وسكن ...الخ ) انت يامان في قاع هرم ماثلو (ابحث في قوقل عن هرم ماثلو) ف غصب عنك مفروض تنجز عشان تمشي من قاع الهرم دا .

بل بس ياصاحبي وقدر مابتدي نفسك وشغلك ومهاراتك بتديك والله وقسما بالله انا الكاتب البوست دا شغال فريلانس شغال في حاجه ماقريتها في جامعه ولا شي ، زمان كنت مفتكر الفريلانس دا خرافه لمن جربت الشغله بنفسي وشفت الدولارات بقت تخش حسابي كل شهر وبما يعادل مرتبي في الوظيفه في السودان 10 مرات .

المحفز بتاعي الوحيد اني ماكان ابدا عندي حل ابدا ابدا غير اني اطور من نفسي واغير من وضعي او اني اعيش طول باقي حياتي محتاج والله لا حوووج زول لحاجه.

ف اتمنى تعاين حواليك حتشوف محفزات كتييييره بتخليك تنجز.

الشير الشير الشير 🔥🔥

والسلام ♥️

*كورس اساسيات تحليل البيانات الاستكشافية*

الكورس ده حيعلمكم كيف تقرأوا البيانات وتحللوها 📊📈بطريقة تخليكم تشوفوا العالم بعين جديدة
، وتقدروا تحولوا الأرقام لحكايات تفيدكم في كل خطوة في حياتكم. 🌐📚

الكورس موجود علي منصة تيراكورسيز

تعالوا نتعلم سوا كيف نحول الأرقام لقصص ناجحة. 🚀📚

يلا شنو 🤷🏻‍♂️كلكم بصوت واحد قولوا *"نحن جاهزين للغوص في بحر البيانات!"* وانضموا للكورس اليوم قبل بكرة
رابط الكورس👇🏻

https://www.mygreatlearning.com/academy/learn-for-free/courses/basics-of-exploratory-data-analysis


#تعلم_من_أجل_السودان
#تحليل_البيانات
#البيانات_كنز_لا_يفنى

استفدت شنو من Learn for sudan؟؟
شاركونا تجاربكم وارائكم معانا

شاركو تجاربكم هنا برضو

https://www.facebook.com/groups/1037653213111836/permalink/2269850916558720/?app=fbl