علّموا زاهي القلايد والغوايش
‏كلمةٍ ماقلتها بالخش والدّس

‏اضحكي ترضى على الصبح الدرايش
‏وينضج التفّاح والورد يتكدّس

‏جعل تفداك العيون اللّي ترايش
‏ياعيون اللّي نبرقعها على الدّس

‏مات كلّ اللي بصدري كان عايش
‏وعاد صوتك باقي ووجهك مقدّس

أنا ماني إلا أنا و لا لي أمثـال لا من أشباه الأسم ولا أربعين الملامح.

" أذا بغيتي تحبين حاولي تحبين الثقّيل , اللي ماحوله أحد ومو كل من بغِاه طاله "
- نصيحة يعني .

علَى متن التمـنّي
شفت عـمري خيالٍ في سحـابه
- خالد الفيصل

‏لك من السّعه عيـن ومن الحاجبين حداد
‏أنا وين أوديني عن الرمش وحجاجه؟

معك كنّي أخذ في فضا لِيْلتي مشّوار
‏و أجاذبك صبحٍ يفهق العِمْر عن حِلّه

‏الا من الغزلان فيهن حلايا
‏طول الأرقابّ وصدة الظبي لاذار

‏وفيهن عن الغزلان فرق ومزايا
‏بعدة تواصيفٍ تضيع بها الأفكار

‏أجسام بالطول المعدل رهايا
‏لا هن نعانيع ولا هن بقصار❤️ .

‏العمر ناهي و راهي و المحيا خجول
‏و زودٍ على زينها مالله حرمها العقل.

تمسين بي من كنها شرّد الغزلان
‏غزالٍ غدت بالزين عن كل غندوره

‏الا ياعيون موّحشة نادر الشيهان
‏تهوم المطير وبالمسابيق مقهوره

‏على اللي الى جيته يهلي وهو شفقان
‏ولا ينسمح باله الى ابطيت ما ازوره

‏طريق الهوى قبلي ذبح نمر بن عدوان
‏وانا خايف انه يا فتى صابني دوره .

‏طويل البال ويدينك ملاذ ، و رمش عينك ظِلّ
‏سقى الله ضحكةٍ .. فيها ضحى عمري وميلادي

‏في حال يخفاك ان " سوالفك لها كل المرحبا والمسهلا والإنصات نخاف ترف جفوننا ويفوتنا الواجد "

سعد الحريص يقول :
" إن كان قلب اللي أحبّه وسعني / ماهمّني ضيق الزمن واتساعـه " وانا اقول : اليا صفالي غايت المقصود ..ماهوب لازم جميع الناس تصفاليّ .

قلبك بياضه يشبه للَوْل مرجان
‏أضفى علي .. وبالمحبه ملاني

‏صرت الوطن كان الزمن بالوفي خان
‏وصرت المكان إن كان وقتي نفاني

‏يا غصنٍ ما يثنى ليا هبّت ألحان
‏يا ثابتٍ بين الدعا ، والمحاني

‏أنت الأمل وأنت الرجا وأنت من كان
‏لا شحَت البسمة تبسّم عشاني

ياسمّو الشعَر يالي تشبهك هيبة سمُوك ❤️.

‏جعل نوّ الوسم لا انشت مزونه واستخال
‏ينثر الماء فوق دارً وليفي حلها .

احلف واقدّم لـك رهـن واتحدّاك
‏مالـك شبيـه الا ظبيّ الـزبـاره

‏واشقر مذهّب كل ماقمـت غطّـاك
‏شقـار بشـت فـداويٍ فالأمـاره

‏وإليا نطحـك الريـح والا تقفّـاك
‏شبح !! شبح !! صدام بدْي وغماره

‏ماقـط سافـر فيـه هـذا ولا ذاك
‏شبح وزيـرٍ عنـد بـاب الـوزاره

مارحت أدور كل زول تحلى
لولاك تسوى ماعطيتك خفوقي !

ياليتك تسكنيني كل ما اظما في كفوفك ماي
واصير الغيمة اللي كنت بكفوفك مخبيها

واهلي بالنهار اللي لفابك والنهار الجاي
واجرب كيف اموت بضحكتك واحيا بتاليها

يا ملحك في حشاي وبالعيون وبارتجاف شفاي
وانا قلبي تخونه هيبة الجيّة وطاريها.

لعيون غروٍ يشطح الشوق من فوق
‏يا جعل ضدات الدهر ما تعوقه

‏اللي ليا منه تمخطر مع السوق
‏يعمي بعينه كل عينٍ سروقه

‏ماهوب من برقا ولاهوب من روق
‏يشدى لغصنٍ ليناتٍ عروقه
‏- مطلق الثبيتي

سقاك السحاب اللي مزونه عليك تقاس
‏لا كفتك كفّت خلق ربي وكفّتني

‏أنا أشوفك المستقبل اللي ورا الأقواس
‏ما أشوفك لقى عابر وفرصه وطافتني

‏مهب الرياح يسيّر البحر والغطاس
‏لكْن مايسيّر ضيقة الصدر لا جتني

‏ماني تاركٍ حبل الرجا ينقطع بالياس
‏لو أعلّق شراع السفينه على متني :)