انت كلك نار تجمع بياض ٍمع حمار
‏تقل شمس . . توها للمغيب محمره
‏
والنهود صغار والبطن هافي تقل غار
‏والردايف . . بالثياب الطوال مشمره
‏
والشعر يلمع على الضي من قو الشقار
‏بشت اميرٍ . . تو امير الرياض مومّره .

‏مبسم هنوفٍ مزبرةٍ شفاياها
‏تقول ميد امها يـا يُم حبيني
‏- بن جدلان

‏عطاك الله المعطي سوالف وحلو قبال
‏وزين وجنابّ وخاطر سمح ومروفه .

‏علميني يا أتلع الجيد وش حنا عليه
‏المزاهب كمّلت صبر والرحله عمر
‏ٰ
‏كان في صدرك من الشوق شيً شب فيه
‏وش يقول اللي ضلوعه من اشواقه جمر
‏ٰ
‏من فقد مثلك ما يعتاض في باقي الوجيه
‏لو يمرونه هل الارض من بيض وسمر
‏ٰ
‏ما على وجه البسيطه من اشباهك شبيه
‏طينتك من مسكً ابيض ومن تُربة قمر

شيخة غناديّر ❤️.

ماظنتي مثلي على الأرض ثنتـين
أنا النساء في صدر شبه الجّزيره ".
- من باب النرجِسيه ❤️.

‏غروٍ عطاه الله من زين الاوصاف
‏م يجعله عن باقي الجيل يفرق

‏اليا مشى صدره نطل جسمه خلاف
‏تقول معطى بين الاكتاف مطرق❤️.

هذا انت والا حمرة الشمس واليمّ
‏ريح المطر والا نسايم حنينك؟

"رمشها يومي على القلب بسهومٍ تصيب
فارعٍ تاخذ قضاها بسهم عيونها".

الجادل اللي تخيّر بيتها النادر
لو هي تغطى خيال الشعر شايفها

تسحب خيالي وأنا عاجز وأنا قادر
مثل ماتسحب من النعمة ردايفها

الشاهي يغار منها مايجي خادر
يخاف ما يفرقونه عـن شفايفها

‏يساومني بـ نصف البسمة العذبة على الإنهاك و نصف البسمة أثمن من سنينٍ ما ضحكها لي

عقب الهنوف و زينها الي ما وراه
‏ما عاد لي فالغيد عين ألدها

‏وين الوجيه الي تشد الأنتباه
‏عن عينها عن خدها عن ثغرها

‏ما تذرف الدمعه على ضيم الحياه
‏غروٍ توكّلها الحياة بـ يدّها

‏متوارث أبوها من أبوه الوصاه
‏إن لحدٍ يزعّل حبيبة جدها

‏و ما الذي يدفعك للمحاولة ؟
‏- إيماني الشديد بأن القاع ليس لي .َ

رغم صغر سنّي واجهتني حياة الشين
‏ تعلمت منها ما أنهزم لو أنكسر سّاقي

الله عطاني مزايا من عموج المّهار
‏ إن كان في عنادها ولا تمخطارها

‏و أخذت من عز نفسي لي وشاح ووقار
‏ لو أمنياتي بعدها تسدل ستارها.