لوعات السبي...تكول السيدة زينب ص


ياعباس اريد الحل..اجوني وجابو الهزل
مكشوفه وبلا محمل...غريبه
والخلتني مهضومه..اسمع زلم بالحومه
يكلولي اخوتج نومه...مصيبه
@@@@@@
انه اول مرا مذبوحه احلامي
انه اخت اللي يمسح خطوت جدامي
يحركون بكلب زينب دكلي شلون؟؟
يشكون بقميص حسين كدامي


جيش شكبرة حاربني..اخذو ريحتك مني
يل تسأل بعد عني..هظيمة
والكاطعلي انفاسي..شالو راس عباسي
بقيت الطم على راسي..ظليمه
××××
يل ميبس لهات اختك يبو رقية
يل ذبحوك بس ماشارب امية
ما صاحولي زينب بالدرب ياخوي
من كد البجي يصيحولي العمية

زينبكم يواليهة...جبيرة وش يمشيهة
اخت عباس تاليهة..اسيرة
هاي الماجت ابالي..عمدة الوادم كبالي
اجو داسو على خيالي..جييره
@@@@@@
ودونه بدرب عاكوول ماينطر
صاحو نزلن من النوك ومشن بر
السبب من نزلونه مو فقط تعذيب؟؟
يخافوك اعله نوك الشمر تتعور

نزلنة بشوج مشاية.. كلبي انطر على هاية؟؟
طفل وبرجله سلاية..وشبكني
طفل بحضاني يتحامه..وشمرهم فززع زلامه
اضربو حسين وايتامه..وضربني
*
بله بيا وكت زينب عله الهزله
وداعت ريحتك عباس مو سهله
عرجة بلاية تجوة تميل من يمشون
اذا اوكع يخويه تكتل الفشلة

عرجة تميل بس بية.. اختاروهه فقط لية
حتى تضحك اعلية.. ويكولون
امس بالخيمة مستورة.. هسة بناكه مكسورة
الغرب اخذوني مجبورة..ويأشرون
**
تغير لون وجهي من الشمس يبني
خافن من تكابلني متعرفني
ادليك اعله زينب ياهي ياعباس؟؟؟
انه الكل دقيقة الشمر يشتمني

بكثر ما امسح بعيني..اسود حبل جفيني
رماد الخيمة عاميني...العلية
ابلع ريكي بالكوة.. وحيدة وماملك قوة
هية المالهة خوة.. سبية
*******
ابو قسور العويدي @fff45

ياحسين

استشهاد السيدة زينب صلوات الله عليها


يامصيبه...... للغريبة
كل حنينة مدللة يمرضها الفراك
وعلي يكتلها القهر للموت تشتاك
تالي ماتت......وستراحت...عمتي زينب
*
حركت كلب زينب ينار بنص نار
تنور بيد الزهرة شيطلّع  حار
تحتار من تصفن شتذكر ياسوك
ديوان لو زنجيل بجفوف زغار

متنام ليلية..وبصفها امية..وتتخايل بهايه
بجفوفها ترشه..وعالكاع تفرشه..وحسينها الغاية

تكتب اسم حسين عالكاع وترسمه
تشربه ماي وينترس كل حرف بسمه

تكله يهوواي...اشرب الماي...عمتي زينب
تالي ماتت...وستراحت...عمتي زينب
****
شمخيطة من ثياب زينب ويلا
وتكلي عمه البسهن وامشي هنا
تبجي وتكلي يلوكلك بس حسين
عريان محد راحلة ولا غطا 😭

هدومة سلبوها..بالنار حركوها..خافن يغطونه
والنسه شبيديهن..بس عدهن عبيهن... بيش ويسترونه
هاي زينب من صباح الله وللغروب
تترس هدوم الحسين مناشغ تذوب

هبه كل يوم....تغفه علهدوم...عمتي زينب
تالي ماتت...وستراحت....عمتي زينب
**
يومية من تغفه ((تفز)) لكن حيل
وتكلي اسمع راكضة اعلينه الخيل
ابجي وكابلها وكلها انتي بطيف
عاشت الطف صبح وضهر عصر وليل


تتخايل شبيها....وحبال بيديها ...وبنار مجوية
والحادي والحادي..بالسوك وينادي...اسرنة علوية


عمر زينب جابتة  وماتكدر تناااااام؟؟
تفز من النوم تصرخ ااااخ يشاااام😭😭

تحلم بنوك.....تمشي بالسوك...عمي زينب
تالي ماتت...واستراحت...عمتي زينب
**
عاشت بسكرت موت بس مال طفوف
مغمضه وتصيح ارقية وسكينه بخوف
كلسا تمد جفوفها تفز  ليفوك؟؟؟؟
يمكن تصد سياطهم هيج شكوف

تعصر اعبايتها...توجعها طكتها..والسوط لافيها
وتتلمس بجفها ...حسبالها بصفها..طفله وتحاميها

هاي من يوم اهدعش ليهسة والللللله
من اكابلها انترس ويلاه واحااااااااه

كلشي شافت... السكرة طالت...عمتي زينب
تالي ماتت...واستراحت.....عمتي زينب
*
تعلعلت زينب ضلت تون ساعات
تموت وترد تعدل وشبعت اهات
كلسا تفز وعيونها تصد للباب؟؟؟؟؟
وتكلي هذا خيالمن هسة الفات((تفكر بخوتها))

بتراب نومتها..ومنتضرة اخوتها..والموت واليها
وي روحها تصارع... بالكوة تنازع...برعشات رجليها

اخ ياشلعان كلبج صفة بيا راي
تكلي اموت من العطش لاتنكط الماي

حتى بالبين...تذكر حسين ...عمتي زينب
تالي ماتت...واستراحت....عمتي زينب
*
كلسا تفز من موتها تبجي الناس(((شتكول))
عمه انه اشم ريحت هدوم العباس😭😭
كله اعله حضنك راس زينب خلي
لحك على المسبية  بأخر انفاس


عباس يوليدي..كومني امن ايدي..غير انته رباتي
عباس يايمة..هضموني هضمة..زيدوو شيباتي


ليش تحرك كلبي جا شنهو المعطلك
كلي جا  ياهو  الاعز من زينب اختك


تكلي الاحباب.... دكو الباب......عمتي زينب
تالي ماتت...واستراحت...عمتي زينب
**
((تتخيل يجوها اخوتها ومستحيه منهم)))

كون اكدر اتلكه اخوتي وعصر غيم
بس شيكعد زينب بهذا الضيم
منهم اترخص لان مابيه وكوف؟؟؟؟؟
ميتات رجليه منهد حرك الخيم 😭😭

مشدوه دلالي..ومحتركه اطفالي..ومحروكه الخيمة
نسوان وحدها...ورجال ماعدها...وطشت بالهيمة

شرد اسوي وانه بالستين عمري😭
مدري افزعلك يخي مدري اكض خدري 😭

الصحرة سالت...حمرة صارت...عمتي زينب
تالي ماتت...وأستراحت....عمتي زينب
*
هاشم بجف وزينب ابجف ويلاه
ياهو اليكابلني اعلة صيحت احاه
الغرب كلهة استنكفت عالتشييع
هذا اليموت ومالة خوان ويا😭😭

ماتت عمتنه...وراحت لمتنه...هنيالها ارتاحت
ابجي بلوعتها...ماحضت بخوتها...زينبكم ماتت


اعليج الف بالعافيه ارتاحيتي عمة
فدوة من حسين بس اخذيلي شمه😭😭


الحرة راحت...وروحي صاحت..عمتي زينب
تالي ماتت...واستراحت...عمتي زينب
****
ابو قسور العويدي

ياحسين

السلام على ام المصائب زينب ص.. تكول

فرفحت اعلة جسمك ليش شيلمك يالموزع
جبتلك بيدي مي وياي اشربنك يخي ورجع
اذا اسگي النحر يحسين ادري بگلبي يتكطع
شما ديرن الماي اعليك من ريتك ركض يطلع
من درت ماي .... طلع من الخواصر😭

ابو الفضل يالكافل بزغرك مرا

استشهاد السيدة زينب ص

الموفق الحبيب ملا سجاد الزيادي❤️
غربة العليلة (ص)😭
السلام على صاحبة العبرة المحرقة
السيدة العظيمة فاطمة بنت الحسين (ص)

وصلى الله.
على الباكين
على الحسين ص😭😭😭

فاطمة العليلة

صح زغيرة بس ياناس
حسبوني بكد ام عباس
كلها عزاز ..... .. راحو عن عيوني بغفلة
ويعرفون...شويه انه اطول من عبد الله
حسبوني بكد ام عباس


يريد يگلي شي بس ماعرفته؟؟؟
يصد لية ويرد. يبلع عبرتة
صفن من شافني ومحتار الحسين؟؟؟؟
وعرفته يريد ماياخذها بتة

كلت مامنتبه خلاني اخيرة
ابد ميعوفني بنيته الزغيرة
ماينساني ادري بهاي....چا ياهو اللي يشربه الماي
@@@@@@@@
فهمتة وگلت خل اتأكد اكثر
اقنع روحي كوة والله يستر
شبگني بحرگة طيحني اوية الدموع
وشمني هواي بچة عيون الاكبر

گتلة اصعد توكل يل تحبني
بس امسح دموعك موتتني
راحو عني الجانو هيل... شيصيرني بتالي الليل
@@@@@@@@
احترك گلبي وطلع بهدومي عطاب
بچيت وماطفة گلبي يل احباب
عشرة عمر فاطم والحياطين
وتجي قسمتها يوم تموت بالباب

يمر من بابي واحد كاض بته
اطب للبيت والطم على الشفته

شبعت ضيم بعمر زغير...چا من اكبر شنهو يصير
@@@@@@@@@@@@
قسم بالخالس الخيالة صوبين
اضل ابچي لحد ما تذبل العين
النار الطاح بيهة النبي ابراهيم
ثلج بالنسبة الي من اذكر حسين

مو بيكم بگلبي احتركن الخيم
بكثر ما شايفة بفركاكم الضيم

علتي الماخلتني وياك...شيصيرني بلا عيناك
@@@@@@@@@@
الشماته اسوو ابتك يويلاه
‏حطب فوگ الگلب حطولي والله
‏ابابي اسمع وصاحو......... رد الحسين
‏اطلع والضحك مناااااك لهنا

ارسمك جاي اقنع روحي ترجع
وضل اشتاك حدما روحي تطلع

كالو عطشان انت هناك...لو ماخذني بويه وياك
@@@@@@@@@
ابو قسور العويدي

ياحسين

ياعلي الاكبر

ياعلي الاكبر
فخر الحسين وسليل المفخرة
مرجف جيوش العدة من منضرة
@@@@@@@
مرجف جيوش العدة بحر الضهر
جندل ابطال العدة الما تنگدر
بكر بن غانم وجابة اعله المهر
وشمر راسة يم ابو وتشكرة
@@@@@@
راس ابن غانم وجابة اعله الخيم
شافة ابو وعمه كالو. ونعم
علي الاكبر حيد يا فخر الزلم
شبل الحسين ولعب بيهم تره
@@@@@@
لعب شبل حسين بالسيف ويلف
صال صولة وطاحو اعله الكاع الف
يصيد وين القائد الحسبو كلف
ذيب طبهم والنعاج مطشرة
@@@@@
ذيب هاشم فات بيهم للوسط
وقع اعلة رگابهم خط اعلة خط(وقع توقيع)
وراد يختم بيهم وطبو بشط
وصاحو دخيلك التوبه المعذرة
@@@@@
گال ياتوبة التريدون استمع
السيف بس السيف سيد هل وضع
انتو محد بيكم هنا يقتنع
وهسة اوديكم ليوم الاخرة
@@@@@@
هسة اوديكم وشوفكم شني
اني زين وهسة انتم بس الي
شويه وتصعدون يم حيدر علي
بچو من سمعو بداحي خيبرة
@@@@@@
بچو من سمعو اصعدهم اله
كالو مروتك نضل بكربله
ولو بيكم ابو فاضل معظله
لجن اهون من علي والمسجرة
@@@@@
اهون من المسجرة التحرگ حرگ
ضل علي الاكبر وخانگم خنگ
اريد اسولفها وكللكم صدگ
كلها ماتت ونحية الجيش وسرة
@@@@@@
كلها كاتله علي بسيفة وكفو
وزعل راعي الگنطرة وليش وشكو
چي لان محد بقاله بالعدو
والله احياها اعلمودة المگبرة
@@@@@@@
فطر بيهم رغما صابة العطش
وسيفة ياكل بيهم وحيل انتعش
يطگ واحد واليشردون اثنعش
كمر هاشم يشتريها مشترة
@@@@@@@
صنته صارت والجثث صارت علف
صوت مامش جيشهم كله انتلف
شوية لن سمعو الصوت اعله السعف
صاعدين اعله النخل من الجرة
@@@@@
ابو قسور العويدي

ياعلي

وكأني بلسان حال عقيلة بني هاشم ص في ذلك الفجر عند خروج امير المؤمنين ص من الدار. تقووول

طر الصبح والراس شيب.....شيب
هذا. الفجر كتال. زينب....زينب
رايح ابوي وانه اضل وحيدة😭
ام المصايب عني موجديدة😭
مكتوب بس لام عون تتعب.....هذا الفجر كتال زينب😭
#########
ابطيلك شوية يحيدر هونك
والله ماشبعانه من اعيونك😭
بعد ساعه وترد ضايع لونك
وعلى جتاف الوادم يجيبونك😭

ضمني بعباتك بوية ضمني😭😭
شوية دضل كونك تحبني
بجاني من خلة اعلة راسي ايدة😔
ام المصايب عني مو جديدة...
مكتوب بس لام عون تتعب...هذا الفجر كتال زينب
&&&&&&&

بگلبي نار وشاجرة اعلة سفوحي
هاي كل يوم انه تطلع روحي😭
يمته اطيبن يمته اكطع نوحي😢😭
كلها طابت وانه خضرة جروحي😞😭

چا يمته تتركتني الهظيمة
وانه وراي السبي وضيمة😭

جرح السبية يا اخو اليهيدة
ام المصايب عني مو جديدة
مكتوب بس لام عون تتعب... هذا الفجر كتال زينب
&&&&&&&

يانفس ريتي يبوي وناسي
عندي طلبة وياك يابو احساسي(شتردين))
السيف من ينزل براسك قاسي
ارد احس وياك رنه براسي😭😭😭

بمحرابي ارد اوكع رمية😭
مثلك اريد الموت بية😭😭

والسيف كون بهامتي يعيدة((ااخ))
ام المصايب عني مو جديدة
مكتوب بس لام عون تتعب... هذا الفجر كتال زينب
&&&&&&&&

گلبي اسمعة يكول ها حنيتي؟؟😭😭
ركضي يزينب چنچ توازيتي😭
شعندج اعلة باب شو ضليتي
لا لحكتك لا انه ميتة ابيتي😭😭

ياكسرت الحرمة الغريبة😭😭
الماعدها ابو مثل السليبة😭😭

ارتاح يمته وكسرتي شديدة
ام المصايب عني مو جديدة

مكتوب بس لام عون تتعب.. هذا الفجر كتال زينب
&&&&&&&
هناك صاحو طاح ابوكم ياخلگ
مدري اوكف مدري اروحن گلبي طك😭
افتح الباب اعلة كد خيط العلگ(المستحة)
رجفة بية وخايفة وگلبي احترك😭

غير ارد اهيس عندي رجلين😭😭😭
خلف الله من گومني الحسين😭😭😭

يرجعلي لا هل سالفه بعيدة
ام المصايب عني مو جديدة
مكتب. بس لام عون تتعب.. هذا الفجر كتال زينب
#################

صياح بالباب وبچي وثغبث زلم
واني الم بحيلي يطشر. و الم😭
طب ابوي ويابس اعله عيونه دم😭😭
وصحت واويلاه وبجرحة اشم

غرگت عباتي بالدمة الفات
مايحچي ابوي وياي اضن مات😭😭😭

ياكلبي ضل بضيمك التريدة
ام المصايب عني مو جديدة
مكتوب بس لام عون تتعب... هذا الفجر كتال زينب
&&&&&&&
ابو قسور العويدي

من مصائب السيدة زينب ص تقول



الف بالعافية اعليكم ينياااام
مامحترگة زينب بس الخيااام
طفن توهن يهلنا...شكثر صحت احترگنا
بس محد فزع ليه ول ايتام
############
منهد مارحت عن مخدراتي
حرگو خيمتي ولاحت عباتي😭
مشدوهة ودور ازغار عدلين
ودور شنهي اليطلع بناتي😭

رمح بيدي ودور بالصواوين
امدة بنار اطلع زغار عدلين
😭😭
نجرهم وختنگنا... شكثر صحت احترگنا
بس محد فزع ليه ول ايتام
############
النار النار تاكل خوية بينة
شبت نارهم خوية بعبينة
وينه الماي ونطفي الحرگ ذاك😭
احترگنا وقطرة ماطاحت علينة😭😭

الماي وضال تشرب منه الخيول😭😭😭
ونسوانك تراكض خوية بالچول😭

ولا بطل ركضنا... شكثر صحت احترگنا
بس محد فزع لية ول ايتام
############
طفن خيماتنا وهسة الوكت دار
لچن يحسين ضاعو نص الزغار
المرا المچوية شيمشيها يحسين
فوگاها الرمل مايرحم وحاااار


محترگات رجلينا حرگ تام
مشي مانگدر ولانگدر انام😭😭
بحرگ رجلينا دسنا... شكثر صحت احترگنا
بس محد فزع لية ول ايتام
############

اجيتك طاگ گلبي وزاد ضيمة
اروحن وين ماضل عندي خيمه😭😭
طشوك اعله كبر الطف يل حسين
المك بيش يل تارس الهيمة😭😭😭

حرت بيك وعلي بهاي المسية
بكل امچان الكالك شوووووية😭😭

اجيتك فل حبلنا..شكثر صحت احترگنا
بس محد فزع ليه وللايتام
############

أشدن ياجرح اه يا سكينة
اخوي من الحوافر خانگينة😭😭
عيونه مفتحات وراسة مشيول
محد حن عليه وساد عينه😭😭😭😭


ماحاچاني عاذرتة اعلة جرحة؟؟؟
شيگدر يحچي البلعومه رمحة😭😭😭

گتلة احنة انهبنا... شكثر صحت احترگنا
بس محد فزع ليه وللايتام

############
ابو قسور العويدي

دعم مؤسسة منبريون الحسينية
#افضل قناة للنعي
https://hottg.com/+P0VV4bLqtzuKdcQS
#للاشتراك بالدعم @ahmed_alziwar0