‏انا المايل عن وعودي إذا حسيت بالتهميش
‏وانا الثابت على الكلمه إذا شفتك تقدرني..

⁣اسلموا

"يا عقلي الناضج أمانتك أمانه
ما كل شي يهيض قلبي تسويه"

حلوه فكرة تهميش كل شخص حاول أنه يصعد فوق السطور وهو ماله مكان على الصفحه أساساً

⁣💌 وصلتك رسالة جديدة
⏱ وقت الرسالة: 2024/05/04 - 01:07:23 AM
----
‏ ‏عشان تشوف قيمة غيبتي وتقدرّ حضوري
‏تركتك والليال السود تكفي يا أبيض الغرّه

‏بدا دور الليالي .. وإلا أنا معك أنتهى دوري
‏ومعك معاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه
----

‏فجّوة وجود وإنتماءات وإحساس
‏فقد إنسِجام يلامس القلب بـ وضوح

‏عادي إذا الإنسان ما يشبه الناس
‏عادي تحس بجرح لو منت مجروح!

‏من مبدأ الغُربة، إلى فكرة الياس
‏مرة بلا نفسي، ومرة بلا روح .

ما هو جديدٍ عليّ هالليل معتاده
‏نفسه من اخر ثلاث سنين يتمدد

‏ملاحظة بسيطة:
‏"لله درّي . . على الصبر والاعتياد
‏اواجه الوقت الصلب وخاطري ماحكى

‏انا اكثر انسان تشتكي له قلوب العباد
‏وعلى كثر مايواسيهم ماعمره شكى".

ليله أخرى من :
‏تلمست الحشا يمكن ألقى له عذر ثاني
لقيت إن الجروح بداخلي أكبر من الأعذار .

مرحبّا .

‏ما كل شقٍ مداه الخيط والابره .

‏من دلائل نضج الانسان تركه تحميل نفسه وزر المشروه او الزعل على فلان حتى لو كان الحق معه الانسان الناضج يعرف ان راحة النفس في التجاهل.

‏حنا كبرنا على المشروه و الانتقاد
‏سمه تغافل تجاهل سمه اللي تبيه

‏حتى الرفيق السنافي و الرفيق الحشاد
‏من خيب الظن منهم ما شرهنا عليه

‏يمرنا يعتذر عقب الزعل و العناد
‏و يروح من عندنا ما سمع شرهه و ليه

‏ان قال كبوة جواد نقول كبوة جواد
‏و ان قال طيحة جمل قلنا جمل ما عليه

‏جرّد إحساسي وخذني عن مشاريه وملامة
‏راح عمري .. لا رحول ولا رحيل ولا ظعاين

‏وين أصرّف باقي الأيام وأحلامي ندامة
‏والليالي ما تبي من ضحكة الموعد زباين

‏أتلمس في ظلام الليل عن درب السلامة
‏تاركٍ خطوات رجلي لآخر الدنيا .. رهاين

‏ما دريت إن الصدور الممحلة قبل العدامة
‏جالها وابل وكانت من سنة وأكثر جناين

‏شاعرٍ شافك وصارت أصدق جروحه كلامه
‏يا عزيزة عمري اللي في عيون الجرح هاين

‏خايف أكتب..كل شعرٍ طامع فـ مسكك ختامه
‏والقصايد في نظر عيني مواليف و طباين

‏وافيٍ من لحظة اللقياء إلى يوم القيامة
‏سامحي تعبيري اللي من عظيم الشوق خاين

‏ودي آخذ جرهد سنيني على أبعد غمامة
‏واقعي كله خراب وباقي الذكرى مداين

تخايلتك مثل برقٍ رفيفه يرهب السارين
‏تحدّرتك مثل قلبٍ غرق في غبـة جراحه

‏الوضع النفسي :
‏مهلوك ذابل وحيد ساكت منطفي
‏لو يشرح اللي بـ صدره ما هدا صوته .

تخاف الفقد يوجعني؟ أنا ماخاف
‏أنا أخاف الحنين اللي يرجّعني

‏- نوف العثمان

‏خلصت من قلبي و من عنفوانه
‏المرحله هذي لعقلي و ما فيه

‏ يا عقلي الناضج أمّنتك أمااانه
‏ما كل شي يهيّض قلبي تسويه

‏لا باس .. يا راسٍ ملته التفاكير
‏وعاف المنام وعاف لين الوساده

‏لا بُد من عقب المصاعب تياسير
‏و الآدمي يصبّر .. وصبّره عباده

‏بكره يبين الصبح و يغرد الطير
‏و أمشي مع العالم و أوزع سعاده

‏أسج واهوجس وتسري بي افكاري
‏م احب زحمة الناس احب الأنعزالي

‏فيني من الضيق والأحزاننن مواري
‏وفيني ضيقةٍ فالصدر هشمّت حالي

‏والله ان حالي هالأيام في انحداري
‏تعبت وانا كل يوم انصدم من غالي

‏كل م نسيت تردني تفاكير وطواري
‏وعسى الله يصبرني ع جور اللياليّ :)

‏بن جدلان في قمه الشوق قال:

‏كثر ماحن صدري للونيس وكثر مادرهمت
‏فجع صدري حنيني واتعب الاقدام درهامي

‏بعد الخيبه قال:
‏أحسب انك تيمم بأتجاهي وين مايمّمت
‏اثر لا انت ب وراي بالطريق ولانت قدّامي

‏وعند انسحابه قال:
‏ختام السالفه ياطيب العشره كرمت ودمت
‏هذا حقك علي وحق شرهاتي على أوهامي