أي نوع تحبين من التفاااح🙈🔥
.
.
..
تفاحة آدم ☺😍
البايره لمن تقوم صعبه😂

‏الفوووووول #السوداني

#خارج السودان شغال #إسنيــگز 😍😎
و #داخل السودان شغال #دگـــوه 🌚😒

المعنى الحقيقي #للخيــآإآٱنه 🐸🌚💔
#H̶a̶m̶z̶̶a̶ 🐸🙆‍♂

مره كنت مربط لي مع واحده كده قامت قالت لي انت ليه مبتعمل لي بوست ولا حالة في الواتس وتتكلم عني وبتاع مشيت عملت بوست ح اتكلم عنها رصيت لي قريب لخمسين كومنت بعد م انتهيت قالت لي انت مبتعمل لي حاجه من عندك الا انا اقول ليك بعد فترة كد ختيت صورتها استوري وكتبت عنها مقاله جاتني كيييف تخت صورتي استوري انا عرض وانت مبتغير علي وهناي عملت اسكرين ووريتها انو هي بس الشافتها وعاملل للناس هايد الا هي قامت ليك فيني انت بتغش فيني وم معترف بي قدام الناس بعد كم يوم فصلناها من بعض عشان كده الارتباط د م دسيس.

مصطلحات سودانيه..

1/ الشمار
كلامٌ سر، وسبب التسمية أنه يضفي لذة على الونسة .
2/ البعاتي
( Zombie ) الميت عندما يخرج من قبره. يستعمل لتخويف الأطفال عشان يشربوا اللبن .
3/ كسير التلج
التملق و هو المدح من اجل مكسب .
4/ أحييييي أنا
جملة تقال للإستنكار و التعجب .
5/ بوبار
تباهي الناس والتفاخر بسجم الرماد الذي يملكونه ، وتأتي من نظام شوفوني شوفوني .
6/ سجم الرماد
شيء تافه و فارغ و قد تستخدم للشتيمة .
7/ خارم بارم
عديم الفائدة ! .
8/ مفراكة
وهي عصا تستخدم في الضرب ، وقيل في فرك الملاح .
9/ داردومّة
مثلجات او بوظة لها طريقة خاصة .
10/ قاشر
تعني ان الشخص يرتدي ملابس جميلة .
11/ الكُج
وهي كلمة تطلق علي الشخص قليل الحظ الذي يجلب معه الفقُر .
12/ جٌغمة
رشفة ماء .
13/ أجي !
وهي (تستعملها النساء فقط) بمعنى غير معقول ، وتأتي تعبيراً عن الدهشة أو الإستياء .
14/ السفنجة
نعل بلاستيكي يستخدم في المنزل كأخف انواع السلاح الابيض .
15/ الدافوري
تعني تمرين العصر، نسبة للمدافرة البعيدة كل البعد عن كرة القدم اللتي تلعبها برشلونة ، والذی غالبا ما ينتهي مع تسليمة صلاة المغرب .
16/ قعونجة
وهو اسم يطلق علی الحيوان البرمائي المعروف بأسم الضفدع..
17/ كداري
أي مشيا على الأقدام .
18/ شخت ليك
تجاهلك .
19/ عنقريب
سرير بلدي سوداني قديم يأبى ان ينقرض .
20/ ازرق او اخدر
يطلق على كل الالوان الغامقة .
21/ مقشاشة
مكنسه تصنع من القش .
22/ كوشة
تعني محل العروس والعريس ، وايضا مكان تجمع الاوساخ .
23/ بري بري
كلمة تعني ان لا علم لي بهذا الشي .
24/ السماء الاحمر
مكان تذهب اليه الامهات بدون اطفالهن ولا احد يعلم مكانه.

لمن تقول لي ممكن طلب؟

بقول ليك اتفضل عشان اعرف طلبك بس غير كدا م بقدر اخدمك وشكراً.

رأيتها فـ أُعجبتُ بهَا، ثم ذهبت إلى الخاص ولم أجدني إلا أن استخدم نفوذي القصوى وأرسلت لها ريكورداً مقنن وبدورها ارسلت هي الآخرى ريكورداً فتاك و وقعنا جميعاً في الفخ ذاته وتمردغنا ورقدنا وانبشكنا يا صديقي.

فجرب حظك وربنا كريم.

فخور بنفسي جداً و إذا الله سهلهَا
أسوي ليها تمثال.

‏مهما كنت فاهم تلميحاتك ، م
ح اديك إللي أنت عاوزه إلا لما تنطقه.

ومن اسخف ما قِيل في المواساة
كلنا تعبانين ما انت براك.

م تبرر حاجة خلي إللي
شايفك زفت يشوفك زفتين.

أنا محتاج أجازة من التواجد
في حياتي عايز اطلع برا حياتي
يومين تلاته أرتاح شوية.

يـ جماعة القلب إذا كان مبسوط حتىٰ الملامح بتبقي حلوة.

‏يارب سامحني علي كل ضحكة ضحكتها و أنا م فاهم إللي بيكلمني قال شنو بس م بحب احرجه.

والله ياجماعة أنا ماعندي عزيز ولا غالي البيضايقني بفصلو .

العربي دا واضح.

مافي زول يقول لي أعمل الحاجة الفلانية وأنا أصلاً من جواي كنت عايز أعملها
عشان والله ما حا أعملها.

أنا مـ كامل بس برضوا م ناقصك.

والله صح نومه العصر كعبه حلمت اني ركبت السمبك ب طشت امي البتغسل بيهو حصلت ايطاليا لقيت نفسي ف الجزيره والكهرباء قاطعه اول م حصلت لاقاني برهان قال لي دايرك ف موضوع ونحنا ماشين فجاءه لقيت نفسي بعوم فنص البحر وشايف حفله مدوره حصلناها لقيت نفسي العريس لبست البدله وجيت داخل بنغمه نوكيا ومرتي نصها كرعين حمار والباقي جداده وحسبي الله ونعم الوكيل في نومت العصر.

واحده بتحكي قالت...

قاعدين انا وابوي وامي بنشرب في الجبنة في الحوش ابوي قال :لأمي حقو الزول يعرس فيك!!
مرة كلامك كتيير خلاص
امي قالت ليهو تعرس؟؟
والله دا عرس دااا
وبعد يوميين كان عندنا مناسبة في البيت ضبحنا خروف.. وجبنا الفرار كسرنا اللحمة.. وظبطناها وبعدها انا ختيت الفرار جوة البيت..
وابوي كان بصلي في الظهر.. امي جات سألتني
الفرار ويين؟؟؟؟
قلت : ليها جوة..
اها امي خشت وابوي كان راكع، جات ماسكة الفرار،
ووقفت تعاين في ابوي
ابوي رفع من الركوع.. وبقى واقف ما دااير يسجد.
خايف من امي...
ولمن شافها وقفت طولت وماسكة الفرار، سلم واقف وقال: ليها يا مره مالك؟؟؟؟ علي الطلاق ما دااير اعرس فييك، واليوم دااك كنت بهظر معاك سااي يااخ.....
انا ما بشوف غييرك في الدنيا دي
امي قالت ليهو بسم الله يا راجل مالك؟؟؟
دايراك تسجد عشان اطلع الحتة ضيقة ما بتطلعني خت الرحمن في قلبك الكبير دا.

واحدة تسافر أميركا أو بريطانيا قبل تتم سنتين تلقاها مسمية نفسها (إيمان لندن أو خديجه امريكه) و بتاع، على أساس مولودة في فيلاديلفيا، أفترض إنك مولودة هناك اها شنو يعني! عقدة التخلف دي شايلنها معاهم من هنا كعادات و تقاليد سودانية بحتة، لاقتك هندية إسمها بريانكا مومباي أو أنوشكا بت كراتشي يا عفنة؟
و كذلك لاننسى الزول البسمي نفسه باسم منطقة و هو قاعد فيها أصلاً ما عارفو بحاول يثبت شنو مثلن، زي حسن سنار و فلان ود البورت اها شنو يعني شايفنك قاعد في الرقعة الجغرافية المعفنة دي، ما الإضافة الحقيقية من إلصاق إسم منطقتك بمؤخرة إسمك أيها السخيف.