رمضان كريم عليكم

¹³³

غربه وعيونك وطن والشوگ هزني ورادك انتَ
وتايه بروحي وادورلي اعله اااه تموت سكته
يا حبيبي الليل شو مرتين عشته..


#حسن_وصفي

۱۱۰



ربّي حزن الدنيا بيت، وحزني شِعري
ربي حزن الناس شيبه،، وحزني شَعري
ربّي حزن الناس خطوه،، وحزني دربي
ليش حزن الدنيا غربه . وحزني شَعبي
ليش حزن الدنيا نبضه،، وحزني گلبي
ربي حزن الدنيا هذا····
وحزني مدري

مدري اسكت
مدري احچي
"وانه مثل الناس ابچي، لو لگيت الناس تبچي"
وحزني مدري
وأنتَ تدري
تدري حسبالي الحزن: چلمه بجريده
ايموت من تغفه المقاهي
يا ألاهي
مدري حزن اعيوني يلمع،،
مدري حزن الدنيا فاهي

وانتَ تدري
تدري حسبالي الحزن، ليله وقصيده
ويمشي عنّك
تدري حسبالي الحزن مثل التريده،
يجي يوم ايروح منّك
مثل أي شبّاچ خلگك مايسدّه،
اتسده ريح
والله،،
والله حسبالي الحزن دمعه وتطيح
مثل أَي چادر يطيح
ثاري حزني الماله ثالث
ينولد ويضل ضريح
ثاري حزني اگلاده حلوه
ياهو حبني ايحلّي چيده
وينصلب ع الرگبه يوميّه المسيح
ثاري حزني
احروف أسمي
احروف أسمي
اشما يصيحوني اصيْح

يمّه:

دگّو البسمار بيدي
والحزن بعيوني شاخ
ابتسمتج
واسمعت خشبة صليبي اتصيح آخ
يمه هذا اگليبي شاهد
گلبي شال الناس كلها
وماشلت مرّه اعله واحد

يمّه حزن الدنيا دافي
ايدفّي بيهم،، حزني بارد
يمه حزن الناس طيف، ايموت باچر،
حزني كاعد
يمّه حزن الناس مايترك علامه
وحزني: شامه
ليش حزن الدنيا باب،، ايكتله سركي
وحزني جامه
اشلون بيّه
اشلون بيّه
وحزني جام . وگلبي جام . وعيني جام
وطبع اصابعهم عليه
يمّه حزن الناس لمسه،،
وحزّني ادّيه

ويلي حزن الناس كفره وحزني امانه،،
ويلي حزن الناس ناس
وحزني آنه

وخانه خانه
دوَّرت روحي اعله كيف ومامش آنه!

#ابراهيم_الرائدي

۱۱۰


‏تعال بحلم أحسبها إلك جيّه واكَولن جيت


#مظفر_النواب

۱۱۰



ولو حزني ثجيل وماتبرده ادموع


#عزيز_السماوي‎

يا آحبيّب ،
خاف باجر نلتقي بعد الغياب ،
انسى موضوع العتاب ...
وياهو شاري وياهو بايع .
انسى كل شي ...
وموع بيدي بكل حلاتك ،
آنا آحب التين مايع .
موع ضيّعني آببساتينك ...
يريت العمر ضايع .
يا آحبيّب ، بعد ما آوصيك ...
موع بكل حلاتك ،
آنا من سنين جايع .

#عبدالکريم_القصاب

¹³³

وبرد چايي وماشربته ...
  صاحي ...
بس اهيس دبه بعيني النمل
  يمشن براسي
      عتب ربعي
               وفشلتي
    وناس مطلوبلهم اهدوم العليه
         نشبن اوياي
     الفناجين  و حچي التاروت 
   و اعوذ و چذب ...
الآه جمره وطايحه بزيج الگلب
روحي طفله ازغيره مفطومه اعله حسره
روحي ابدال الذهب
      حطو بذنها اخويط بكره
مدري والله ...
      مدري ليش
العوز يعبر حدبه حدبه ويوصل النه
مدري ليش الفرح ماضمولي منه
جاي ابالي اروح اتدين من الله
عذر مريم
وسچينت نبي ابراهيم
واذبح جيل من بعدي يتانيه الحزن
جاي ابالي
اموت ولا اون ...


#موعود_الرشيدي

غربه وعيونك وطن والشوگ هزني ورادك انتَ
وتايه بروحي وادورلي اعله اااه تموت سكته
يا حبيبي الليل شو مرتين عشته..


#حسن_وصفي

١١٠

ريّض ياحزن بية محطة ونام
باچر هم حزن لاحگ

خلص عمري غزل وأشعار
وانة بعمري ماعاشگ !


#جبار_رشيد

١١٠


گضت ..وبجثة المكتول
يامرخص سچاچينك ..

#عريان_السيد_خلف

-١١٠
انه اهتز العمر بيه
ولگيت عيونك مرايات مكسورة ..

#كاظم_اسماعيل_الكاطع

١١٠

إنِّي أَرَاكِ بِنَبْضِ القَلْبِ لا نَظَري
‏وَنَظْرَةُ القَلْبِ فَوْقَ الشَّكِّ والرِّيَبِ