نجي هسه هذا شقدم ماقدم يعني انجازاته🐸
اول قصه وين ظهرت ؟او نكول منو طشش اول قصه اله
طششتها مجله الاديب العراقي عام 1962
زين شسم قصص ماته🤔؟

شوف يوم من الايام محمد خضير كعد من صبح فطلع يريد يروح للمملكه السوداء ليش اسمها سوداء لان بيها تحنيط الاموات تمام هو من طلع للشارع شاف جو طقسه خريف وجانت درجة حراره 45 لان تعرفون بصره حاره😂وهايه مملكه جان بيها كدامها حديقه جبيره هسه نجي نطلع قصص من قصه هايه فوك👆
1_مملكه سوداء
2_في درجه 45 مئوي
3_رؤية الخريف
4_تحنيط عام
5_حدائق الوجود
#محمد_خضير

اتحداك تنساهن بعد قصصه 😂😂

خلصنه انجازات القصص هسه لازم نعرف شنو الروايات الي سواها عنده روايتين هنه
كراسه كانون في سيرة مدينه بصريانا ع وزن بصرتنه😂من هايه جمله راح نطلع روايتين
1_كراسة كانون
2_سيرةمدينه بصريانا
واله كتاب نقدي بعنوان الحكاية الجديده .
قصصه كد ماقويه وطاشه اترجمن للانكليزي وفرنسي وروسي
#محمد_خضير

كبل ايا كبل يختلف عن هسة 😅
كبل الادب ماينحفظ ولا ينسمع حسة

وهسة شصار ؟؟ 😂😂

هسه نأخذ الجوائز الي حصلهن هوه
هنه جائزتين وحده من الامارت والثانيه من عراق
ام الامارات اسمها سلطان العويس
وام العراق اسمها جائزة القلم الذهبي من اتحاد الادباء والكتاب العراقيه

#محمد_خضير

القصة مالته للاطلاع 🥺

مجرد اقروها واطلعوا عليها وفهمومها حتى تعليق نقدي يصير عدكم سهل🥺

عنوان القصة تقاسيم على وتر الربابة🥺

تعليق نقدي/
جانوا كتاب قصه عراقين جانوا يكتبون ع حرب بطريقه تمجيد الحرب وقوميه زائفه مثل متريد منه حكومه (تعرفون ياحكومه😉)بس جان محمد خضير عكسهم جان يكتب قصص ضد حرب يحجي ع الي سوو حرب وع الاثار المروعه الي تتركها الحرب ع الناس سواء جانت ماديه او نفسيه او روحيه يعني يحجيلك ع جنود شيصيربيهم ميصير وع اهل جندي اما كلنه هذولاك جانوا وي حكومه فطبعا جانوا يمجدون حرب والكراهيه وجانت قصص محمد خضير تمجد الحب والسلام
#محمد_خضير

نكمل تعليق نقدي/
نسولف ع قصه تقاسيم ع وتر الربابه
هذا يكلك بطل قصه جان بحرب فرجع من حرب الي زوجته وجهاله ومن رجع الهم رجع معطوب جسديا ونفسيا مثل متعرفون الي شخص يرجع من حرب يرجع تعبان نفسيه وجسديا فهنا هوه يصور هذا مشهد بقصته فهو تعرفون اول ميرجع من حرب يطب للبيت مرته تركض تحضنه لان مشتاقتله حيل لكن مثل تعرفون جندي يطب بحاله نفسيه يظل دومه يفكر بالحرب لان ظلت اثار حرب بيه فالجندي بعد ميكدر يلبي رغبات بيته من عنايه بمرته وجهاله مثل منكول مات من جوه دومه يفكر بالحرب
#محمد_خضير

نكمل تعليق نقدي/
جندي هذا جان عنده هوايه هوه يعزف مثل قبل من يريد يجي يعزف ميعرف يعزف لان دائما يسمع صوت الحرب بعزفه الانفجارات والحرائق والموت وايده تنجرح من كد ميضغط قوي ع وتر مال ربابه يعني يضغط حيل ع العود هذني خيوط الي بيه
نوب يصيبه دوار ويكوم يتخيل المصباح مال بيت ينفجر وتنرسم البيوت ع وسائد وحاجز سريري مع جسد طفلين كل هذا شي يصوره قاص مثل شخص لازم كامره سينمائيه هسه يوصف غرفه
ملئت الغرفه راحة القماش واللحم والعشر الممزقه واقدام راكضه وصراخ حادم وسط ظلام دامس هسه انت متوازي تعزف خرب بيك😂😂
وهكذا صوت ربابه تعيد جندي الى جواء الحرب والمستشفيات خاصه بدلا من تسليه وتجعله ينسى حرب
#محمد_خضير

خلصنه شرح فد شويه انزل الاسئله الي تقرونها هذا حجي فوك كلها الي نشرته مجرد تقرونه وتفهموه حتى من انزل سئله بسرعه تنحفظ

مخططات محمد خضير

امتحانكم اليوم محاضرة ٢٨ و٢٩و ٣٠

💠🖇 الامتحانات الشاملة من دورة الادب والنصوص باللهجة العامية لطلاب ٢٠٢٢ الدور الاول :

١ - امتحان شامل الجزء الثالث :
الاربعاء ٦-٧-٢٠٢٢ - الساعة ١٠:٠٠م
٢ - امتحان شامل الجزء الاول و الثاني :
الجمعة ٨-٧-٢٠٢٢ - الساعة ١٠:٠٠
٣ - امتحان شامل الجزء ١و٢و٣ :
السبت ٩-٧-٢٠٢٢ - الساعة ١٠:٠٠