مِن بابك لبابي سنين مطشرات
ومِن شارعكُم لحد سابع سمه ونيني
ميزتك ويمك ناس مزدحمين
وشلتك منهُم وخليتك بعيني
ويا فشلة الشوگ بوكت الغروب
مِن أجيت اسأل عليك الگاك ناسيني
چا تعرفني أحبك ما تضل وياي
وغيرك ناس رادت بس تحاچيني
ماخليتك انا وروحي صارت بيك
كرهتك هسه مِن رايد تخليني
ولك انا علمودك عمري وله وراح
چا هسه بعد شيرجع سنيني
ما ردت منك دنيا كلها اشواگ
كل الردته منك بس تداريني
كل الردته مِن اشكيلك الحال
تمسح چتفي تضحكلي تواسيني
بعد ماشوف وجهك كِلشي اريد انساه
لو ديني صرت هم اكفُر بديني

ألخساير تنعرف قيمَتها مِن تروح
رحت أنة وبَعَد ياهو ألتربحة.

ليش ما مَليت مِنهُم؟
وليش ما مات ألحَنين؟
شعاجبك باقي بدربهُم
عاجبك هذا ألوَنين؟
عِيش يا گلبي مِثلهُم
هُم طِين وأنت طِين

منوه الگالك مِن تبچي ترتاح
هاي انضحك بيها اعله المساكين
الدمِع ماله علاقه بنار الگلوب
المُطر لو طاح ما يطفي البراكين

حرامات
المَخاوف الكسرتها ويّاك
وحرامات
البدايه الردت ابديها
وحرامات إنتظاري والدمع والشوگ
وحرامات القصايد إلك هاديها
ونهايتنا رسمتها بالرسم حلوه
ولچن بالحقيقه إختلّف تاليها
ماتستاهل
هاي الأذيه هواي ومحد گد أذيتك
روحي مأذيها
بَعد ماباقي شي بَس ذكرياتك
ليش كِل ما أنطُفي اشتِعل بيها ! ..

مو مُهم !
مو مُهم تگُلي أحبَّك ..
المُهم ! تثبتلي حُبَّك
المشاعر .. مو كلام !
الفعل أصل الغرام .. بيها اعرُف شكو
بگلبك
..
أثبتلي ما تتخلى عنّي .. لا تضيع بيوم مني
انتَ لو فعلًا تحبني ! خلي ينبُض بيه گلبك
..
خلي اشوف الحُبّ وأحِسه ما اريد دموع خرسه ..
اليحبّ لتگول ينسى !
لاتتعبني واتعبَّك
..
"المشاعر مو كلام الفعل أصل الغرام"
مو مُهم ..

لم يبقَ في الحانات إلا الذكريات
وبعض ساقٍ متعبٍ من ألفِ عام
مرّ بين الطاولات يحرك الموتى
ويجمع آخر الكاسات من بين الرممْ
…
الذكرى السنويه الثانيه لرحيل مُظفر النواب
لروحك السلام ..

عِدت مشهد ضحكتك بس لگيته رماد
طفى ويه غيري بس بوجهي طشيته
وعلي يفتل غرورك مو عشگ دخان
والعذيبي اليهب عطاب سويته
هواك لشمعتي سولف بطول الخيط
شعَل روحي وحنينك بيه طفيته
اختنگ ليلك براسي وما تنفس طيف
وفجرك هوى يمُرني وما اشتميته
اثر طعنتك زنجر والخناجر بيض
عكس گلبك وياي الما صفت نيته
انا دمعة غريب بكِل سهوله تطيح
جدمي لذكرياتك ليش وديته
فراغك والگبر يتشابهَن بالعين
منو المنهن يعيش بروحي وصيته
بظهر كلمن يمُرني تسافر الدمعات
بس انتَ عليك العمر بديته
إذا تمشي بخيالي تعثرك اللحظات
البيهِن جِدمك ويه الغير مشيته
بعد لتودي طيفك ليلي مابي شوگ
إجاني وباب جفني بوجهه سديته
انا مِن الورد ضليت أضُم الشوف
لأن كلش يشبهك ما اشتميته ..