TG Telegram Group Link
Channel: الخادم علي الحميداوي
Back to Bottom
ذبحو  ابوهن  يم بناته
وسمعن الخيل الساحگاته
ماظل ظلع ما كاسراته
ركظن بناته وي خواته
وگعدن ابسده امدللاته
وعدن اجروح الصايباته
بالدم وجهن صابغاته
وماينشبگ بس شابگاته
عباس لمن علنهر طاح
حسين حط ايده على الصفاح
مكسور خاطر وجهه الحسين
وگلها يزينب كافلچ راح

وابكسره الخوه اتعنى على النهر

----------------

من حگه يركظ حاسر الراس
طايح گمر هاشم العباس
من جيته شافو محني الحسين
وانكسر ظهره صاحت الناس

ظل حسين محني والظهر خالي

------------

لمن وصله وشافه الحسين
ابلا چفوف وسهم بالعين
من العمود امخظب الراس
وعينه علزينب والصوايين

والصوب المخيم داير اعيونه

-----------------

حط راس عباس على الاحظان
وعلترب يدنه الگمر چان
راسي يخويه بحظنك شلون
ويصير راسك على التربان

ابحظن الحسين وخلصت انفاسه

----------------

ظهر الحسين الچان مسنود
محني رجع والحيل مهدود
ياخويه زينب راح عباس
ومن الخيم طييح العامود

طاحت كل خيمنه بطيحت الرايه

---------------

نصين گلب حسين منطر
ومن حگه لو كل خطوه يعثر
عباس مو بس واحد وراح
عباس بعيونه المعسكر

متحظر لصدره يسحگ الحافر

---------------

وبكل كتر ايتام يبچون
طاح المدلل ذيچ الاظعون
محتار بين الخيم والگوم
وحسين وحده يدير الاعيون

ومن بچي الفواطم محترگ گلبه
فزاعيه ليلة ابا الفظل عليه السلام


رد حـسين بـان الثـگل بمـتونه
رد محني ومفرع منخطف لونه
رد وادموع غربه ترست اعيونه

ورد احسين محني
وكااظ خاصرته

------------
فگد عباس خويه ابحيلك اشسوه
رحت تركظ وراجع تمشي بالگوه
هيچ ايصير حـاله الـودع الــخوه

رد بعيونه يحچي
العبرة خانگته

---------------
رد الشيـخ كـله اتـراب هندامه
وامدنگ ويسحل گوة بجدامه
رد ابلا عبــاة وابــلايه العمامه

صحت عباس وينه
وطاح جدامي


-----------------
سئلته وطاح حيل الغالي جدامي
ومشى وطييح عمود الشايل اخيامي
وصارت نايحه النسوان وايتامي

وطاح الشايل
ام الخدر بعيونه

--------------
وتگابلنه مصيوب وشبك مصيوب
گتله اتحظر على الذبح انته النوب
عاري اتظل على التربان وبلا ثوب


وتسلب اهدومه
الظل ابلا اخو

----------------
تفزعلي نسوان ابطيحتي ادريهن
ويم عون اليصير اكلف واشد بيهن
ينطـگن ومحــد يفــزع اعليهن

وكلفه شلون تنطگ
حرم للسادة

-------------------------
هين جرح كل غالي ونزف دمه
بس كلفة وچبيره طلعت الحرمه
وحرم تركظ ابصف 70 الف زلمه

وابحرگ المخيم
راح ينشافن
فوگ الفگد والتعب عطشان
ومن العطش متجرح السان
بالعطش چبد حسين ممرود
وبشفافه وابوجهه الظما بان

-------------

الحيره التهدم بس بالحسين
من گوه يحبس دمعة العين
للحرب يطلع خطوه ويدير
عينة البناته وللصواويين

-------------

صدره انترس بصياح الايتام
وگلبه احترگ گدام الاخيام
بظلوعه يكسر بچي الاطفال
گبل الرماح وذيچ الاسهام

------------------

يمشي وابخيل امحاوطينه
وما ظل مچان ايدير عينه
نشاب واسهام وبالارماح
وبكلشي يوجع ظاربينه

-----------------

ابكل مچان بجسمه مطعون
اجروحه صارن فتحت اعيون
من المهر طايح على الگاع
ونايم وفوگه وبحجر يرمون

----------------

فوگ الجرح ينطگ الملچوم
يشتم هوه ماخلته الگوم
صارت ويامن گبل الحسين
بي نفس ويسلبونه اهدوم

----------------

مطبور راسه ١٢ طبره
من الگفى مذبوح نحره
دامي علوجه حسين مگلوب
وام الحسن چانت تنظره

---------------
وابلايه تغسيل على الرمال
شلون الغسل للصاير اوصال
والجسد متچفن بالتراب
بس ابحصير حسين ينشال
انچتفن مناره بسد مناره
وخدر النبي صارن اساره
طالع ضعن بالعبره مخنوگ
بس طالع ابقمة وقاره
---------------

مسبي طلع وي راس الحسين
وتصد بناته العين بالعين
عز النهار امكشفه النوگ
والضعن رايح للدواوين

---------------

ضعن الوقار يطب خرابات
وفوگ التراب الليل ينبات
يتگابلن باللطم والنوح
المذبوحه اهاليهن سبيات
--------------

ليل اليمرهن موش اي ليل
افراگ وبواچي اتهدم الحيل
لحد ما يطر الفجر كل يوم
يخلص لطم علداسته الخيل

--------------

عدهن ذبح ثاني السبي چان
من طولهن بين العرب بان
وعليهن بكل ديره ينگال
ذني حرائر آل عدنان

-------------

للنسا فزعت چم عشيره
مارضو حرمه الهم اسيره
والضعن علويات خلوه
كل يوم مسبي يطب لديره

-------------

المسبيه اخته يحس بالسوگ
وشچم گلب علناگه محروگ
چن فوگ گلبه تسحگ الخيل
بالحرم من تتمايل النوگ
ما تنسي هجمتهم الداري
طول العمر ما تنطفي ناري
ما ينگطع يبقى الدمع جاري انه فاطمه

---------------

بيت انترس بحزان النبي وفگده
بيت ايعيش حال بذروت الشده
غير الحزن والدمعات ماعنده
واحدنه النواعي اتجيبه وترده

كلشي بالدار يعيش بالغربه
واحدنه يبچي ومحترگ گلبه
والـدار بيـش الـوادم اطـلبه انه فاطمه

----------------

بعد بيـنه تراب الدفن وارسومه
وعدنه من المصيبه گلوب ملچومه
علينه اتأمرو كلـمن جـمع گومه
بسقيفة بني ساعد كله ملمومه

من يسوه خاطر نسمع انعاتب
انسى اشوصى النبي واشكاتب
وانكر حـگة ابـن ابـي طـالب انه فاطمه

----------------

بيت اتعبره وادم چـانت امدنگه
بي غير الكـرم والطـيب مـا تلگه
وجمع شر الخليقه ومعتني ايحرگه
ابمشاعل وابهجوم ابدارنه يدگه

الوصى بكتاب الباري والعتره
انكر حـچيه اشـگال علزهره
شـر الخليـقه معـتني بكفره انه فاطمه

-------------

مهابة بت نبي وانشتم مو گدري
محترگة والباب اندفعت بصدري
والمكسور ظلعه يعـرف بكسري
من اصواب بسماري الدمه يجري

چم مصيبه شچم هظم عندي
شنسى الظلع لو صطرتي بخدي
لـو بالـفزع مـن روعـو ولـدي انه فاطمه

----------------

چف الحرگ بابي والصطر نفسه
هوه اسقط جنيني من أثر رفسه
من هاي المـصايب شذكر وشنسه
وزراگ الصطره هذه بعيني ظل لسه

يوجع گلبهم اثر صطر امهم
ظـميت اثـار الصـطر عـنهم
ماريــد اراويهـم والچـمهم انه فاطمه

-------------------

الشال حمول دين وي النبي بچتفه
طلع مچتوف من ادياره ياوسفه
وانه المصيوبه لاحگته بفزع خلفه
وشفت وين النذل متوزر ابصفه

كلمن سمعني ومن يولايني
ابحرباً لمن حاربنه يرظيني
الجامل حچاية وآن ياذيني انه فاطمه
عيونك انسـدت وانفـتح باب
كل يوم يدخل بيتك امصاب
بيــت الرسـالة الـزوم يـنهاب
يتـعزه كــون اليــفگد احـباب
موش ابمشـاعل تهجم اجـناب
وتحرگ البيت التدعي اصحاب
وينصطر خدي وظلعي ينصاب
وامگـيد ايطلعــون ابـو اتـراب
اول تجاسر على بيت الرساله
اول حرك بيت بجفوف الضلاله
اول حرك اول دم
اول ظلع يتهشم  من فاطمه

----------

اعز واغلى امانه فاطمه الزهره
وما راعو  وصيت  سيد العتره
غير ام الحزن  تتكابل ابعبره
مو كسرت اظلوع اباب والعصره

اول  تعدي  على  خد الزجيه
من صطر خدهه النذل ذيج المسيه
اول صدر يتألم

--------

كصص مابيه كطره وبالعتب تعرك
صارت وين ينهظمون اهل الحك
وحرمه ابو الحك ابداره هم تنطك
وي كسر الظلع حيدر علي يشهك

الله يعينه يشوف الزهره طاحت
يافظه اسنديني يسمع لمن صاحت
جان القصد مايسلم

----------

نسو حيدر علي وتاريخه وامجاده
امجازه التظحيات اتروع اولاده
جلمه وان فتحت باب علساده
وصفى المايسوه يتجاسر على اسياده

وجلمه وان فتحت عليهم مصيبه
و العتره من هلجلمه راح تظل غريبه
كل حجه بيهم يظلم

----------

علي عايش غريب اتفرقو ناسه
وبمصيبه العصره الشيب اخذ راسه
يخنكه الهوه جان ويجرح احساسه
يدري المنكسر يلجم بنفاسه

حيدر علي بروحه يدري شنهي موجوع
شم النفس هذه يلجم كسر الاظلوع
ياذي النفس من ينشم

-----------

علي يحترك كلبه وتظلم ايامه
ومن تتخطى يمه تثكل اجدامه
ام اثمنطعش  محنيه كدامه
وعاشت بعد ابيهه معصبه الهامه

عاشت حزن وادموع بيام الرزيه
منعوهه لو تبجي الصبح لو بالمسيه
من الدمع هم تحرم

--------

مقتوله الزجيه استشهد بسباب
من العصره من الصطره من الباب
من بسمار باب البي ظلعها انصاب
ومن رفسه اسقطت محسن بعتبه باب

المحسن استشهد وفاطم شهيده
اول ظحيه و قرابين العقيده
يثبت البيهم يلزم
لمولاي صاحب الزمان عجل الله فرجه

كون التفت علرايح وجاي
وكل يوم احسك تمشي وياي
حال المظيع غالي ماراد
وعطش الشوفك ظامي للماي

--------------

غير اليظيع عليه ينشدون
وكلما يمر طاريهه يبچون
يحن گلبه لو مر هاشمي بعيد
وتنطر الجيتك كون الاعيون

------------------

بس الك يحلى الشوگ كل يوم
وبس الك يسوه الگلب ملچوم
طول يمهدي افراگك هواي
وما وصلتنه الجيتك اعلموم

---------------

ما شلت حملك مايل اعليك
اتفرحني بس كل يوم اذيك
ارزقني شوگ وحنة افراگ
وكلما اذكرك سيدي ابچيك

--------------

كل يوم أنشدك وين واتناك
وتخلص الحلوه سولفي وياك
اين استقرت بيك الايام
ويايوم اشبگك وامشي وياك

-------------------

مشتاگة الك يلمهدي الگلوب
ولا مرنه طولك لا وصل ثوب
كل صبح كل مغرب نحاچيك
ارزقنه حال الفگد محبوب

--------------------

بس انته تسوه التنشد وين
وبس انته تسوه الشوف والعين
اشتاكل شتشرب وين منواك
بالهيمة لو يم گبر الحسين

-----------------
الدار ظل ابلا اهل دار
وين الغريب اليطلب الثار
طلاب ثار الذبح الحسين
وهدت عساكر شايله النار

------------------
وي فاطمه تتگابل ادموع
المنكسر يدري اشبيهه الاظلوع
سحگ الحوافر فوگ الحسين
كل يوم گلبك منهه مشلوع
زرگة اعيونة واظلوع مكسورة
---------
التستئذن دخوله دخلته الاجناب
ابمشاعل وابهجوم انفتح ذاك الباب
ظلوع اتكسرت مو ظلع بس انصاب
وصطرو عينهه الچانت گبل تنهاب
وماتت والأثر بالوجهه مصطورة

---------

يطاهه والمصايب على الزهره اثگال
ومن گد الحزن نحلت وچنهه اخيال
گتلهة الاسمة بالقرآن هو الضال
ومچتولة الزچيه وتعرف الچتال
عمر چتالهه ما غير الصورة

----------

اسئلهه سؤال العارف على الصار
ليش النار صارت اعلى من الدار
ليش انرعبو السبطين من النار
ليش على الضلع ضل نابت البسمار
ليل انهار تبچي الزهره معذورة

----------

نهار وليلهه مانشفت الهه اعيون
خذو حيدر علي وطلعت ورى اليمشون
ابچعب الرمح يظرب فاطمه الملعون
وكالدملج اديهه وزرگة عدهه امتون
ماتت واجدة عليهم ومقهورة

-----------

چانت واجدة الزهرة ابگلب ملچوم
وابيت الحزن يخلص بواچي اليوم
ويگظي اليل حرگة ابسكتت المظلوم
حگ ظايع اوي الحگ بعد مهظوم
وباب التنچهب صبحت مهجورة

------------

نعش اخذو گبل لا يطلع المصباح
بلا صوت النسا وابلايه صوت انياح
موهين عزيز النعش هذة الراح
ليش وخلفهه مايطلع لطم وصياح
وليش البيت اظلم وانطفى نورة
وحشه جنازه تمشي بدون صايح
او مــو هـين عـزيز البيـت رايــح
ومامش صوت نسوان
يـشيـــع ام الاحــــزان

-------------

على الميت اكو استحباب صوت النايحه يسمع
ومــن يطــلع عزيــز الـبيت بـس بالنوح يتودع
هله تلتـم علـى التـابــوت ويرخصـوله المدمع
ليـش اجنازة الزهـره ابخفـيه وسكته مـن تطلع

على عد چف ايد موجود اليشيعون
وطلعت امي ماكو اصـياح يبچـون
ودمع السكته نشيان

------------

شــگ اگــلوبنه التـابــوت مـــن بينـاتنه اتـوسد
الگبل متروس بيهه البيت هسه ابخشب تتمدد
حگة اتموت ع التابوت البعمري امهه مـن تفگد
ماتت امي مقهور ورسـم الصطره فوگ الخد

وشبع شوغات يمهه الحسن وحسين
ومــاتـت ليش بــس محـمرة العــين
ومهدم علي چان

---------------

الوجع شاركته وياهه ابگلب ما نشفت ادموعه
وانه الودعت صدر امي وچان امكسره اظلوعه
گظيـت العـمر بحـزان خمـس اسنيـن مفجوعه
وانه العـمـر راح اگظـيه بيـن الــوعه والـوعه

ابعمر ازغير هـيچ الصــار ويـاي
من اكبر بعد شنهو ايصير بلواي
عليه الحزن عنوان

---------------

طحـت بالبيت چـم مره ابشيل النعش گدامي
ابشيل النعـش ماترظه يمهه اتشيلني اجدامي
شسـولف شنعه ع الزهره وعلـيه الگلب دامي
ينطش وره الطالع ماي وانه الطشـيت ايامي

راحت ظوه اعيوني وشمعت البيت
ومـن هـسه يتيـمه وحـدي ظليـت
وعلينه اليتم بان

------------

واشگد چنت مشـدوهه وگلبي اچبيره نايبته
وهاظـمني احترگ گلبه ابـوي ابدمعت السكته
وذاك الما تكسره احيود هسه ام حسن كاسرته
وذاك القلـع چفة البـاب محنـي وكاظ خاصرته

والحسنـين چـان ابدمعـه وابنوح
وبوداع النعش چن طلعت الروح
واعلينه وابد ماهان

----------------

ابوحشة امي انه ظليت وحدي ابهظمتي بالدار
وباچر هم ظـل وحـدي لو شـب بالمـخـيم نار
بين الخـيم وي احـسـين اهـنـاك ابكربله احتار
اخوتي امـذبحة كلـه ومـحترگين عـندي ازغار

اهناك اطـلع ابوحـدي ابهـدوه اليل
ادور احسين اخوي الداسته الخيل
اغطي الظال عريان
لمولانا القاسم ابن الامام الكاظم عليه السلام

تگعد قرب جرف النهر
تبچي على گطع النحر
من البعيد الاسئله ومن القريب
ياغريب اشبيك تندب ياغريب

--------------

شجاع ابغيرتك ديرتك محتاره
على چفوفك سندهم لو تهب غاره
جليل وهيبة مشيك چان مناظره
يسموك الغريب وصاحب الشاره

من الجهلتك والعرفتك
محتاره كلة ابهيبتك
الاسئله تجرح وتحتار شتجيب
-------------

ليش اعيونك اتهل من يسئلونك
واليگلك منو اهلك يختلف لونك
بگلبك شني اتظم وتحچي بعيونك
وكل حچيك مصايب من يسمعونك

ياهوه ظل ابحده
ابلا اخو ابين العده
وليش راسك بالمصايب كله شيب
------------------

تسولف ويه جرفه ابحرگه وبعبره
شكثر مايك يشاطي وماشرب گطره
گلوب من العطش بالخيم مستعره
والمحترگ گلبة سحگ چم جمره

من خيم رگظن والخيم
وانطفى بجدام الحرم
وين ما تنطي الوجود نار ولهيب
-------------

يشاطي انه البگلبه الجرح ما ينشد
وجمرة غيرته ما تخمد وتبرد
لو يحسب مصايب اهله ما تنعد
مصايب لو ابگلب اجبال هم تنهد

بين العطش بين احترگ
لو صدر بالخيل انسحك
ظامي ظل وعلرمل بالدم خظيب
--------------

بطعناته واجروحه سلبو اهدومه
يشاطي منذبح والغسل بدمومه
العطشان انذبح انسحگت ارسمومه
وبلا تجهيز ميت باقي بالحومه

الخد على حر الترب
واعيالة راحت وي غرب
وذاك ابو الشيب الحلو بالدم خظيب
--------------

انذبح حمايهن والحرم مسبية
الظعن مچتوف كله عگب راعيه
ومن سوگ الخرابة يطب يوميه
ابخرابة اتبات من يرظى علعلويه

من الخرايب للقصر
هذه الم درب اليسر

ابد جرح السبي مايشفى ويطيب
انگطع بالدرب وانه ابعد الك بت
وكلسا بالسبي ميتة الك بت
ظعن نسوان يوميه الك بات
بنواع الخرايب كل مسية
ابخدمه حزيمنه وألم
للخيم واهل الخيم
ويرخص الدمع ابطاري الحسين
ــــــــــــــــــــــــــــــــــــــ
احزام خدمه وألم انتي لينه يم الاربعه
وكون تلچمنه المصيبه لو اله الناعي نعه
ويحترگ گلبي وي گلبه ع اليطيح ابمصرعه
بين الاكبر بين جاسم بين اخو علمشرعه

ابحيره وادموع التصب
اتعثر اشگد بالدرب
نريد نلچم يم الابنين
ــــــــــــــــــــــــــــــــــــــ
كون وي صوت المصيبه يفز گلبي الغربته
حسين مامش زلمه عنده وبس رظيعه ابخيمته
ابحيره يتلفت لخوته ودمع نگعت شيبته
وبالعبا لوراد يمشي اتگظ بناته وعيلته

ظهره چم مره انكسر
على الحرم وعلى النهر
وعهد بالرگب هلحزن دين
ــــــــــــــــــــــــــــــــــــــ
هلگلب يلچم كون حسين كلما يلچم
وكون احس باليوجعنه واحترگ من الخيم
حسين طلع ابنه ظامي وحظنه راجع كله دم
ابكربله الشلعن ابگلبه اهناك چم شوغه سهم

يحترگ خلي الگلب
ودمعي كل موقف يصب
ويه دمعته. تهمل العين
ــــــــــــــــــــــــــــــــــــــ
راحو انصاره واخوانه ولده هم فوگ الثرى
والچان بي مسنود ظهره طايح على الگنطرى
بالسهم مصيوب عينه والچفوف اموذرى
حسين وابحيره غريب ابوحده يهظم منظرى

چم عزيز الراح ليه
ويرد خالي ودم بديه
ابغربه لحظته اتعادل اسنين
ــــــــــــــــــــــــــــــــــــــ
ابلا انصار ولا الساده حسين وحده استوحدو
كثرت اجروح البصدره من المهر من نكسو
ابصدر جر النفس لچمه وچم سهم بي صوبو
بين سيف ورمح كلهم علطعن فزعو اجو

بين الاسهام ورمح
بكل كتر ينزف جرح
ومن دما صفى مجلس الدين
ــــــــــــــــــــــــــــــــــــــ
وانسحگ صدر المحنه وتنظر اطفاله وهله
ابعينه اخر نظره شاف الحرم تركظ بالفله
اخر اصوات الرقيه اتصيح اه ياكربله
وباچر احبال السبايه اتگود چم امدلله

وظعنه يطلع للسبي
وبيهن اليحدي اجنبي
تطلع الحرم. ماتدري لاوين
عند رجوع الظعن خرجت ام الابنين
عليها السلام تستقبله لسان حالها


هله ابضعن الرجع مهضوم والرايات بي سوده
هله ابضعن الرجع نسوان منه الساده مفگوده
-------------

شنعى وبيش ابدي وياك ياضعن الرحت مهيوب
يضيعونك هلك رديت هسه ابكثر ما متعوب
گالو طاح عزك ذااك من طاح الگمر مصيوب
وانگطع غصن الدلال وياك لمن گطعو ازنوده
---------------

يضعن حسين وين حسين شو مااشوفه جدامك
بيد الحرم رايتك وين الساده وازلامك
وين ابني ابطريجك چان صاير دور لحزامك
يل رديت علويات حتى الحرم معدوده
--------------

يضعن احسين زينب وين والبخدر معروفه
يزينب والهوادج وين ليش النوگ مكشوفه
بس لا هيچ يبنيتي من طبيتو للكوفه
بت الحاكم الكوفه تطبه ابحبل مشدوده
----------------
الضهدنچ اهناك هواي هنه اليوجعن روحي
الچمچ وانتي الچميني ونتگابل ع اجروحي
واتناوب نعي وياچ وابد ما ينخمد نوحي
وماسكت النوح وياچ وانه علگاع موجوده

---------------------
بيت الفگد طول حسين من النوح شيسكته
بس گلب الفگد مثلچ چوت هلگلب ونته
ما يوسع زمن واگلوب اخوچ اچبيره سالفته
گلوب الطيبه تبقى عليه طول الدهر ممروده
---------------

ابيض وجهي يم امچ برباي واشيل الراس
يزينب يمه بشريني واشوفى الگمر عباس
انه اموصيته خويه ايگول بس ابأخر الانفاس
اموصيته الخيم وحسين كله اعليك مسنوده

----------------
اموصيته ع جدم حسين يمه اطشر اسنينك
حقيقه هلوجود احسين يمه انطيله چفينك
يلبگلب الحقيقه اتعيش مو بس شايف ابعينك
ومشكور ع كلشي البيك يبن ام الابنين الزود
لمولانا الامام علي الهادي عليه السلام

وين الذي يطوي البعيده
علريح يعبر بيده بيده
ابگلب يلهب يسبج الريح
لهل الكلايف والشديده

------------

يوگف على حدود المدينه
محروگ گلبة وحمره عينه
للساده حيهم حيهم ايصيح
مسموم هاديكم لگينه

------------

وين اهل بيظ ال بلحرايب
وين اهل طالب واهل غالب
اتمدد الهادي وغمظ العين
ومن ذاك سمه الچبد ذايب

------------

حيهم اوين اهل المعالي
المن زودهم كل راس عالي
حاسر اجيت الراس هليوم
چي راسه حاسر علي الهادي

-------------

اتعنى للساده ابهل امصاب
ناعي المصيبه ابعتبة الباب
الكلفه عدكم ياال عدنان
باچر الهادي اتشييع الاجناب

--------------

امصاب وي حسين ينعاش
ميت الهادي وحدرى الافراش
بدم الجروح اتغسل حسين
وتچفنه ماصح وصلة اقماش

------------

الحسن سد للهادي الاعيون
واعيالة فوگه ابراحه يبچون
وحسين فوگ اجروحه علگاع
مفتوحه عينه وبي يسحگون

--------------

غير اليموت اهله يجوله
واجهاز ميت يجهزوله
اكرام اليموت ادفنه العزاز
والگبر اهله اليحفروله

--------------

وحسين ثلث ايام عاري
مسلوب وبحر الصحاري
بس الجسد والرس برماح
وي الظعن يمشي ويباري
يحسين زينب انه يحسين
نسوانكم  طبن  دواويين
------------------
يحسين وجهي المن اديره
فزعت عشيره الكل اسيره
وظلن  الماعدهن  عشيره
ابراي الذبحكم خويه ماشين

-------------------
مسبيه  گام  عليه  ينگال
وعليه شانت بيدي الاحبال
الحرم تمشي بكيف الانذال
تمشي النسا ماتندل الوين

-------------------
من الذبح والدرب المصايب
ومن  الخرايب للخرايب
ومن النواعي الگلب ذايب
وابكل خرابه تنشف العين

---------------------
ليل الخرايب  هظم  وانياح
ونتصابح بروس على الارماح
وابكل صبح برقيه ينصاح
وذبلت هظم خويه النساوين

--------------------

ماظن ابد ترضون ترضون
بالظعن خويه بسوگ يمشون
وشافو حرمكم بانذل اعيون
ونسوانكم مچتوفه الايدين

---------------------

من الحبل  يستحي الزلمه
وشلون والمچتوفه حرمه
واگبال وادم خويه زحمه
اتمنيت يلفي الزينب البين
حزن الرسم وجهه المغربيه
اهموم هذه انته
وجرح الترس عين السمه
دم وغيوم هذه انته

ليومك كل بچي الحيطان
مو حنة بخت دم صابغ البيبان

اليرى والما يرى يدمع
يحركون الحجر يدمع
السمع والما سمع يدمع
ظهر الگاع كل ما تنذكر تخشع
ملامع دم السد عين النجم انته

كلشي اخظر اتغير لونه وي لونك

الشمس سدة العين بحزن يوم انسدة عيونك

اهل الجنه واهل النار يبچونك
اهل السمه اهل الارض ينعونك
وحزن خلق البحر والبر عليك انته

حزن كاسر گلوب الشاف والماشاف
على گلب القاسيه گبل الرقيقه التاف

الشوف اعيونك الذبلان
زكاة العين تبچي العين

يلطحت وجوارح كله مجروحه
تزكية الجوارح خدمتك يحسين

الك كلشي انخلق مطلوب
وما تتجازه ما يتوافى هذه الدين
دم عتق الرقاب المنذبح انته
الشال خيبر بالحرب فوگ الچتف
على الچتف مشيول رد من النزف
----------
من طلعتة وگلبي اله ظل يلچم
المشه ابطولة راد ويخط بالجدم
الخضره جانت هسة ردت كلة دم
ورجع حيدر لونة كلش مختلف
----------

امخضب ابدمة اجة خير العمل
انكسر كلشي ابروحي من شفت الجبل
و علي ما جنة علي ابكد ماذبل
وانهدمت اركان الهدى الناعي هتف
-----------

ابگلبي جرح اصوابة ابد ما ينجبر
من عمود ابيوتنة رد منكسر
ابطبرته كل ولده مكسورة ضهر
وردلي بايد حيلة ابو حيل الكلف
----------

رجف چف الرجف بس وكت الصلاء
ويانحيب ايليق بي وانصب عزاء
ريت اموت ابجيتة لا مو بكاء
چي علم هاشم رجع بس مايرف

----------

گرب لييه ابشوفته وگلبي انمرد
وطب لداره شمعت البيت وگعد
وكلف جرحه وابد ماينفعله شد
وشفت طبرت راسة ابد ما تنوصف

------------

يابو عين الما غفت عن الايتاام
هااي عيني اشلون بفراگك تنام
اعزاز تاخذ دوم من عندي الايام
وراح تمشي وجرح فاطم ما نشف

-----------

يل تطفي اشموع لو نطلع ابليل
كفو من اخواني ياحامي الدخيل
لچن بويه ياهو وي خدري الكفيل
وخدري اعز شي للهواشم منعرف
علي ولده اتجمعت هليله
وابو الحيل الطبره هدت حيله
---------------

غمظ اعيونه ويفكه من الالم
كله ما تدناله عن لا يلچم
أوجهه محزونه وعليه متروسه هم
ويمه كلسا واحد ايتچيله
-------------

وجوهه متروسه بتعابير الحزن
شلون يمه وينحبس دمع الجفن
ياهو يصبر لو سمع حيدر يون
ونت اولاده على ونته اثجيله
------------

حزن مو بس بيته محزون الغريب
وبداره ما تنحبس اصوات النحيب
انتشر سمه گال لولاده الطبيب
والسمع هلخبر دمعه ايسيله

----------------

شلون چان اموادع يفت الگلب
بالاصوات النايحه ودمع اليصب
گرب موته علي هلساعه گرب
وتبقى الاحزان على فگده اطويله

-------------
غمظت اعيونه علي وحان الرحيل
واهل بيته على الجسد مهدومه حيل
ابفاجعه ولوعه وبدمعات التسيل
وزينب على الجسد ظل تبچيله
----------------

زينب على الجسد مفجوعه بمصاب
ويمه اخوته ويشركوهه المصاب
ابيت ابوهه مو ابهيمه على التراب
ويمهه اخوهه اتگابله وتشكيله
---------------

زينب على الجسد ظل تبجي وتصيح
وباچر ابكربله من التل تطيح
اطيح مذهوله على الطايح ذبيح
لصوب اخوهه وتركظ اتفييله
HTML Embed Code:
2024/03/28 05:16:21
Back to Top