الليلة ان شاءالله.
#حسينية_ام_الحسن_والحسين
التفاصيل داخل البوستر

قصيدة وجهّ الخير.
اللهم عجل لوليك الفرج ياالله
أبوحسين السرگودي...

قصيدة رثاء شيخ الرواديد شيخ جاسم النويني بصوت سماحة الشيخ رضا جاسم الطويرجاوي كلمات أخوكم أبوحسين السرگودي...

هوسات مولد مولاتي السيدة رقيه،،ع،،
•••
أنولـدت والمحنه أنولدة آوياها
والحــــسين ودعائه گام لاگاها
أبمولدها الخيم خضرة شفناها
وفترهت كربلـه وحـنت روايها
ها…والطف أيسولف ضل بيها
•••
وجـــــــــــهّ العافيه أتغير ترى لونه
وضحكه ودمعه أبوها شايله عيونه
مـــــن دنگ عليهـــــــا أتگله ممنونه
من ذيچ الساعه حست هيه مديونه
ها...وتباري احسين بخطواته
•••
خادم اهل البيت،،ع،،
أبوحسين السرگودي...

نعي ام البنين،،ع،،
•••
حـنينه واليدگ بابچ يرد مـهتم
بالمـلگه علي وحچايتچ بلســم
ياتسهيل أمر لكبر جــــرح يلتم
يتسيورة مطر يم گاع تتفطر
•••
عدنه أم اوأخت متوزرات اوزار
شادهــن وكتهن والفكر مـــحتار
گصدن سفرتچ والگلب مثل النار
دبخي أگلوبهن يالسفرتچ كوثر
•••
تشـــــد أكـوارهه وعلراس شايلته
ونواعيهــــه جــرح متحزم أبونته
تدعيچ الوليهه أيگوم مـــــن علته
وردنهه آمن الدمع كل سـاع يتبلل
***
وين الفاجــــــــده التنجاب بالطاري
وين ألبس دمـــــع لو گالت أصراري
وين الترس مــــــاي عيونهه الذاري
على سفرتچ تفتر فرت المغزل
***
هوسات
👇👇👇
چـــــم والــد أبوالد منهضــم گلبه
وعلاجه بالأخـص يم سفرتچ تربه
اجاچ ودمــع عينه أتسولف بطلبه
وأوليده أيريد أتشافينه
***
اجاچ وكله حـــــيره وحيرته تنطش
والمضيع طبيبه أدموعه بس تنحش
ذب أعگاله يمچ والالــــــــم خرخش
بضلوعهه ودمعاته بعبنه
***
✍️خادم اهل الببت،،ع،،
أبوحسين السرگودي...

أجه رمضان بس ماجونه الأحباب
العطش والماي أهون مـن الأغياب
عشنه أفراگهم والدمعــــــه عالباب
وين أبياكتر مــــــــــاشين چاوين...
•••
وين أبياكتر گلــــــــــولنه أبهــــــاي
أبنار أفراگكم ضـــــل يعطش الماي
شكثر مشتاگ غالب حـتى الأهواي
صوركم بقت مثلي أمعاشره العين...
•••
أتسحر بالصـــــــــــــور يالماتردون
وصومن والدمــــــع يتبده بي لون
حتى أمــــــــنغفه أخمنكم بالعيون
أخمن طيفكم يالعني مـــــــــاشين...
•••
وحيرن بالفطــــــــور ودمعتي أتهل
يابويه شحــــــــــــلاتچ جمعة الكل
وحتى السفره أحسهه بدمعه تجفل
وترد أعــــليه شيرد ذيچ الأسنين...
•••
وصـل رمضان وادري العمر سفره
مشو وبهــــــاي أبد ما گلت سفره
يأذن وأنه أمــــــد الدمـــــع سفره
لحد ماتنگع أچفوف المسيه...
•••
✍️خادم أهل البيت،،ع،،
أبوحسين السرگودي...🕊️🕊️🕊️

#قصيدة مولد الأمام الحــسن°°ع°°
...

الحسن فك باب الكرم بيدة..
والهله بيهم چـــــن مواليدة..
...
مـــــــن أنولد ليهسه تبراله
الدله صـــارت تشبه أخياله
مــاطفت ناره الجمر يقراله

•••والكرم نفسه أمچلب أيريده
...
مــــــايسد باب ولا..أبد سده
والخير مـــــــن أكتاره يتبده
واليمر تارس جيبه من عنده
•••وغرد الطــير أبأسمه تغريده
...
يكرم السائل لحـــــــد مايغنه
وسئل ترى يالگلـــــــت بالغنه
بصدر الروايه أيعيش مـبلغنه

•••والـــــراد يتأكد ترى أنزيده
...
والكربله مــــــد أيده ونطاهه
معزب وحتى أبروحه گهواهه
عزب أبخيمه وجاسم أوياهه

•••شايل كرم من الله تسديده
...
أكبر رســــــــاله الحسن للعالم
والكرم وي بابه ترى أتوالـــــم
مـــــــن فظل الله يكرم أبنادم

•••ويشبع اليذكر أسمه بالبيده
...
خادم أهل البيت،،ع،،
أبوحسين السرگودي...🕊️🕊️🕊️

#قصيدة مؤمن قريش

...

يبوطالب ياشمس من كل كتر
يبوطالب وحـــدك بس منتصر
يالحمية أنت الرســـــــاله بزودك
وضل يرتل بس مواقـــف جودك
...
الهـسه وگفاتك رســـــائل للدواوين
لازم الحـــــگ أيتأزر بالحچي الزين
وأنت بيرغ من ترفرف غيرتك دين
موقفك هم شافه حتى الماأله عين

أني أكتب وادري مـينصفك شعر
يبوطالب وحـــــــدك بس منتصر
يالحمية أنت الرســــــــاله بزودك
وضل يرتل بس مواقـــف جودك
...
سرفنت ردن القضيه أبهيبتك هــاي
ياضوه الماطخله حاجب يم الهواي
والعطش مر أبنبينه وگتله انه الماي
ومـــن كفلته الدين گلك أنت مولاي

والموحد ينعرف مـثل العطر
يبوطالب وحدك بس منتصر
يالحمية أنت الرســــاله بزودك
وضل يرتل بس مواقف جودك
...
وصرت مؤمنهم قريش الكل يعرفون
الهسه صوتك دين شايل صايرأمتون
ومن أجوك الباب بيتك رجعــو عيون
الخوف تارسهن وزودك رجــف الكون

وجوي سيفك شيب أفكار الكفر
يبوطالب وحــــــدك بس منتصر
يالحمية أنت الرســــاله بزودك
وضل يرتل بس مواقف جودك
...
يامـــنارة وبيهه تاج وراية أســلام
الله خصاك أبكرامه أحزامهه أحزام
علي أبنك والأمــــــام أيخلف أيمام
يمك الماحطلـه كلمه أيعيش بوهام

وأسمك آشگدبي مناير تفتخر
يبوطالب وحــدك بس منتصر
يالحمية أنت الرســــاله بزودك
وضل يرتل بس مواقف جودك
...
بس رحيلك عام خلف شايل أحزان
والألــم عاش أبنبينه أبكل الأوطان
مانساك وعشت هـيبه أبكل الأديان
وأنت رحمة الله بيك أيعيش الأذان

ياهوه الله الماعرف شنهو العذر
يبوطالب وحـــــدك بس منتصر
يالحمية أنت الرســــاله بزودك
وضل يرتل بس مواقف جودك
...
خادم أهل البيت،،ع،،
أبوحسين السرگودي...🕊️🕊️🕊️

#قصيدة رسالة كون
أم المؤمنين،،ع،،
****
يمــــــال أو راي--الدينچ مــــــــاي--مــــنذوره
رسالــــــــة كون--چنتي أمــــــتون--مــذخوره
...
من شفتي دين الله عطش صرتيله زمزم
أم فاطمة وطولچ ضــــوه وعالنعمه سلم
يادين مــن نسمع كبر والهمــــــــــــه تلتم
صوت الرساله أبفزعتچ مـــــــاينذل أبهـم

فزعتچ طـــــــــف--مقالـــــة چــــف--مـــــكتوبه
أنعرفتي أحــــزام--وفخــــــر وأيام--مـــــعموره
...
مـــــــــن قـــام دين الله ترى بموالچ أنتي
الياكلمـــــــة يلفظهه النبي گمتي وفزعتي
انطيتي كل خيرچ ألـــــــــه والنوبه شلتي
أسنين عمرچ مــــن ذهب ولا كلشي عفتي

يطيف أحـــــــساس--رفعتي الـــــراس--يالحــره
ونشوفچ حـــــــــيل--يعــــطر الهـــــيل--ياصوره
...
وللمؤمنين أمهــــــــــــم نحس أكبر هــديه
مــــــن نقره نلگاچ أبفخـــــــــــر أم الزچيه
ياماي يمبرده العطش أسمــــــــــــچ قضيه
أسمچ حـــــرز مـــــن ينكتب فزعه وحميه

يرحمــــــــة ودين--ينور بعــــــــين--يابيــــرغ
يراية خـــــــــــــير--يجـــــنح أيطير--منصوره
...
يالماشكيتي آمـــــن التعب لومو تعب حط
ياماي مــــــــاهــمه المطر باقي الأسم شط
وللوحي بيتچ هـــــــالصبح يالحره مــهبط
يمعزبه الملاك أبهلـــــه وبياعلـــــــي أحوط

يبيت الـمـــــــال--اليچهبچ گــــــال--أم نعمـه
صــــــلاتچ گــاع--الدعــــــاء أشرع--مشكوره
...
كلمة شكر مـــــن تنكتب يــــم أسمچ أبنص
تخجل ترى أحروف الشعر ونحسهه تخلص
ماشلتي أيدچ مـــــــن حمل يالچفچ احرص
ياراي مــــــــــحتاجه السلف والراي مخلص

يفيّ بستان--جـــــــزو بحـــــــــزان--ياوسفــــه
سگوه أبنار--الزمـــــــــــــــــان أندار--كــل دوره
...
خادم أهل البيت،،ع،،
أبوحسين السرگودي...

#قصيدة رسالة مأذنه

...
رســــــالة مأذنه..الحرف بيها بسنه..أنكـتب
علي خيرالعمل..العشگ بسمه كمل..بـسبب
       علي الغير الله مادنگ ترى أبهاي
      ونحل مـــــــــــأزره وتحزم أبراي
علي__علي
...
گضه ليله يشوف النجـــم ويفسره
الضوه زعلان حـــس أبليلة الطبره
وتبلل علي خـيط إحساسه بالفقره
علي فيته چــــــبيرة وعازته بكبره

الهـــذا الـوز لطم كل حــيله حزنان
صفگ بجناحه يدري أبأخــــر أذان

عــرف وتخيله..علي مـــــيرد ألــــه..عرف
وتدنه بحرگته..وعليه هــل دمعته..بشرف
    وعلي شدحيله وبطوله الحلو جاي
    ونحــل مــــأزره وتحــــــــزم أبراي
علي__علي
...
وصـــل لباب شايل كلشي اليريده
ولن الباب حــــــــــل المأزر أبأيده
بـس راده أيتأخر والحچي أبهيده
علي أشـدد حـيازيمك بقه أيعيده

وباس أچفوفه حيدر والسمه أتشوف
علي عمـره وحـــياته أمخوف الخوف

ومشه الموته بفخر..ورضه أبهذا القدر..مشه
علي أمــــحزم علي..شموخه المعتلي..أنتشه
  علي أبكل خطوة يزرع حكمة وفياي
  ونحل مـــــــــأزره وتحــــــــزم أبراي
علي___علي
...
حـتى المأذنه هـــــــم شدت الهمه
وتعـــــــرف أبياعلي تتحزم الكلمه
الأذان البي علــي يتسجل أبأسمه
بـــــــس البايعه يشعر ترى أبنعمه

وشهگة صوته عرفت ساعة أفراگه
بحيّ أعلــــه الصلاة وتگله مشتاگه

وأذانه أبكل سمه..أنرفع بي مظلمه..أنرفع
الحزن خـيم ترى..نودع حــــــيدره..سـمع
     مـلك خبر مـلك ودع علي أوياي
     ونحــــل مــأزره وتحــــزم أبراي
علي___علي
...
ترى بعطـر الأذان آشگــــد تصلي أبيوت
الصوت البي ورد چن ملك لامــو صوت
تحس أبحرفه مـن الرحمه ضل منحوت
لذالك لمــــن يونس صبح وسط الحوت

من عافه ترى حس أبعلي أحساس
علي بيبان رحمـــة وعشگته الناس

وعلي هيبة مجد..وصل بس مستعد..وصل
بصلاته شگدنعم..علي خيمة خــــيم..أمـــل
      بتكبيرة أحرام أسمع علي هواي
      ونحــل مـــــأزره وتحـــزم أبراي
علي___علي
...
وبچت حــتى الصلاة مـن حست بنزفه
وكملهــــــه صـــلاته أخــــــــــياله وبلهفه
صــــــــايم وبطبرته المذهـــــب أيوصفه
علي جــــرح السمه الضل كل سنه نعرفه

    أنفجع دين الله لمن حيدر أنصاب
    وبقه أثار دمــــــــه أبوجهّ الأتراب

وعشنه أبهل الوجع..ودمعنه الي فزع..ألـه
ونصبنه مـــــجلسه..وحزنه الأسسه..أعتله
      حتى الماي يبچي ودمـع الماي
      ونحــل مـــأزره وتحـــزم أبراي
علي____علي
...
خادم أهل البيت،،ع،،
أبوحسين السرگودي...🕊️🕊️🕊️

#علي
•••
علي علي يابوحسين
علي علي يابوحسين
•••
اليوم جـــــــرحك بين بكبر السمه
وأذن اذان العزه  حـــــامي الحمه
أنطبر والدنيه ابدمــــعهه امــلثمه
وحمره نزلت دمـعه من يم فاطمه
وخطت النه أكبر رسالـــة وملحمه
باالحــــــــــزن والنوح نلگه الغانمه

علي علي يابوحسين
علي علي يابوحسين
•••
حيل خــــــل أندگ صدرنه ومانمل
اليوم أكبر فاجعــــــــه اطشر شمل
حتى هــــــاي أجنونه أيحبها العقل
علي أبونه وهـــــــــــذا رد الينسئل
ونطوي كون أدموعنه طوي الغـزل
علي أبمحرابه أعلـه ياهي وينچتل

علي علي يابوحسين
علي علي يابوحسين
•••
سير أبروحك عمل شايل محـــن
ومـــن تعاتب لاتعاتب كل زمــــن
ولبس أحساسك ألم شايل شجن
حيل رددهه علي يابو الحـــــسن
شوف الدنيه حزن روحك وطــن
اهنانه تعرف بالجـــروح الينسبن

علي علي يابوحسين
علي علي يابوحسين
•••
خلي جرحــك چـن جدار المنفتح
وبلغ أجروحك جـــرح يلچم جرح
علي أكبر عاصمـــه أبروحك صبح
علي رايه ورفرفت للحگ ملــــــح
علي هوه الواقــــــعه وهوه الفتح
علي باء البسمله وراس الرمــــــح

علي علي يابوحسين
علي علي يابوحسين
•••
أحــــلامك البداهه ابن ملجم ترى
شلون بالمحـــــــراب يطبر حيدره
وأنت دمعاتك بقــــــــــت متأسره
مـــــــن يمر رمضان تقره المعذره
علي يومك ياهـــــــو يگدر فسره
ياهوه الله الدنيه ألــه لزمت سره

علي علي يابوحسين
علي علي يابوحسين
•••
وعهد عاهـــــــــدناك منعوف اللطم
ومن يمر يومـك ترى أنعيش بهضم
والدموع العــــدنه تصدر چـم حكم
ألـــــــك تكتب أنت يمحير الخصم
أنت لا.. ولاگت أنواع الضــــــــلـــم
والفقـار أبايدك أيسجل الرقـــــــــم

علي علي يابوحسين
علي علي يابوحسين
•••
خادم أهل البيت،،ع،،
أبوحسين السرگودي...

#علي_راح
•••
فراگ الأبو بعيني--ماترحم أسنيني
      علي راح___علي راح
•••
اليوم وي طرة الفجر كلشي رحل
اليوم عودي حـزمه أحــزام الأجل
اليوم لبست أســــود أدموع الأهل
اليوم فاجعنه علــــــي خير العمل

اليوم أنطبر ديني--ماترحم أسنيني
         علي راح___علي راح
•••
يامصيبه الـعيشتنه أبهل الجـــــره
جـرح خـــلف جـرح چنهن بالسره
أمـــــرادف الطگات تكسر خاطره
لليفارگ عــــوده مـــــــــاضله ذره

يابويه تدريني--ماترحم أسنيني
      علي راح___علي راح
•••
بويه متعلــــــمين بأذانك نحــــــس
لمـــــــن تدعي تلتم أجروح النفس
ياچبير أحچايه يالأسمـــــــك درس
أمس شيرده مــــــــشه وأبعد أمس

يادمعه دليني--ماترحم أسنيني
    علي راح ___علي راح
•••
بيت مـــــــابي علي مايتسمه بيت
ونكسر گلبي بغــــــيابك يالمشيت
ياصـــــــلاة اعيونه أبيومك بچيت
علي صـــــبرني علي بيك انتخيت

ياصبري حاچيني--ماترحم أسنيني
        علي راح ___علي راح
•••
عشت حـــــــيرة فرگتك لليلة قدر
بويه ألـــك مشتاگه لوتدري أشكثر
الرحمه تنزل من نسمعك كل فجر
أخلاف عينك بعــــد مايسوه العمر

لا لا تخليني--ماترحم أسنيني
    علي راح___علي راح
•••
خادم آهل البيت،،ع،،
أبوحسين السرگودي...

#قصيدة_مگبرة_الردان
بصوت الطيب عباس البياتي
كلمات أخوكم ابوحسين السرگودي...

...
نعي العيد

الحنين أيردنه من نذكر يهلنه
وكبرنه وبالحـــــزن يكبريهلنه
مشيتو والدمـع جـــاري يهلنه
بصباح العيد بالله شلون بيه
...
أجه العيد وصورهم تارسه عيوني
وحگ صوت المگابر عـدل دفنوني
مثل مــــــاي وتبده أبرمل عافوني

ودورهـم أمــلاگه آمــنين ما أدري.
...
منو مثلي بصباح العـيد عنده أگبور
يصابحهم دمـــع وملثـــم ومـكسور
ياطور الحــــزن تارسني هذا الطور

وبين الدمعه والحسره گضه عمري.
...
وعثر بالـــــدواره والجــــــــــرح ينزف
يم كل گبر ألگه عيوني دمـــعـــه أترف
وگبر الغالي وحده الصوتي ضل يعرفْ

أذا تيهته يعـــــــــرف شنهي البفكري.
...
وتعب والجــرح حـــس بوجــــــع بالي
ومـــــــحله العــيد كون أتصابح الغالي
الـــــــــعيد أبيتي شيسوي أذا خـــــالي

وانه أبلا صــــــبر ويه المشو صـــــبري.
...

✍️أبوحسين السرگودي...🕊️🕊️🕊️

أطفال ودم وتراب الوطـــــن زمزم.
وصلاة المدري شنهي أبالهم مرزين
مــرز مـذبوح طيفه البالوطن يحلم.
ومـــرز يعــرف أجروح الزينه ماتلم.
•••
اللهم صبرأهليهم بصبر زينب،،ع،،
✍️خادم آهل البيت،،ع،،
أبوحسين السرگودي...

رسالة جرح من ام عراقيه أصيله.
الشاعرأبوحسين السرگودي...

لازم نوگـــــــف ونخط عالرايه
نبني البقيع ونطيهــــا آحچايه
أم عباس أنعليها°°والزهره تفرح بيها
ونتعنه كل عـــــام أحنه مشايه
•••
هـاي ثوره وخــلي عندك مبدئك شايل رسائل•
وزامط بحگك وطـالب يوگف أوياك أبوفاضل•
لا..تمل حتى الله يرضه عنك وبالـــــك تماطل•

خلي أعلـــه بالك لاترد…
وبحچاية الحگ تنعگد…
روحك وميجيسك برد…
             ومطلبك تحصيل حاصل•
ورتل باللحـگ وحفظها الآيه
نبني البقيع ونطيها آحچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
طلع الروحك مواقف خـاف توگف غادي باچــر•
البقيــع أتريد وگفــه واليطـــالب بيهـــــــــا ثائر•
بصوتك الشارب قصائد هاي وحده آمن الشعائر•
خلــــــــي المنابر تنتفض…
وبالغرقـد اتصلي الفرض…
چن ماي گصه وينحفض…
                   وسلح أحساسك أبشاعر
وشدأحــزامك وكتب حمايه
نبني البقيـع ونطيها آحچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
وهالمثل معروف عدنه الهل المثل خليك كاتب•
مايضيع الحگ نعرفه لأن بالحــگ اكـو أيطالب•
بالحـــــــرب نصرك أكتبه ولازم أتذل النواصب•
إگبور عــــــــــدنه أمـهدمه…
موزحمه من حـامي الحمه…
لاوين تبقـــــــــى المضلمه…
                   احجاره ياگبر الحبايب•  
وحرگ دمـــك وبينها الغايه
نبني البقيع ونطيها احچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
ويبقى مــطـلبنا البقيـــع ولازم أنشيـــد گببهـــا•
وللمراقد ننطي كلشي ونسحـــــگ السدو دربها•
ولازم أنخلي احنه حـــد ولازم اتكف كل حربها•
هاي الرساله آمن الشعب…
تهــــديد مــوشغلة عتب…
لازم نرد حــــگنه أنسلب…
                 السلبته أسعود وشعبهــا•
ودمنه ننـذره وأنـذره الهايه
نبني البقيع ونطيها آحچايه
أم عباس أنعليها°°والزهره تفرح بيها
ونتعنه كل عام أحنه مشايه
•••
وراح أسئل لليشكك وانه أرايد أجــواب منه•
منهو يقبل گبر أبو أمــــــــــهدم وممنوع عنه•
وكبره بس صخره يشوفه والشمر يمه يتدنه•
رايد جــواب ومو ممل…
مــــا سائله ليش القتل…
ياوسفه عالحگ ينهمل…
                     والزمان ألنه ولهلنه•
وللموت باچـر نعتني أعنايه
نبني البقيع ونطيها آحچايه
وأم عباس أنعليها°°والزهره تفرح بيها
ونتعنه كل عام أحنه مشايه
•••
زحمه من صاحب الغيبه شلون باچر من نشوفه•
عله هل التقصير يعرگ كل خجل هـوه وحروفه•
نگله خفنه آمــن النواصب والحقد جرد اسيوفه•
خلونه نشحنهه الهمم
وندز رسايلنــه بسهم
نبنيها غصبن عالهدم
                    والشيعه مايبرد وعدها
•••
خادم أهل البيت،،ع،،
أبوحسين السرگودي...

يمته يالمحجوب تنشر رايه°°وللبقيع أتروح بيها أعنايه
•••
بالبقيع أتصيح يايمه العــذر
طولت بالغيبه موبيدي الأمر
أسنين مرت يمه وانه منتظر
يمته يئذنلي وأشيل ألوايه
•••
تظهر الجبتين تنصب مـحكمه
بيهه يعترفون ضلمو فاطـــمه
يشهد البسمار وأفياض الدمــه
والضلع لليوم يسعر دايه
•••
بالدموع الباب يحچي ألي جره
شلــون شبو بيه نار أمـــــوجره
والزنيم ايصيح وينك حـــيدره
لو نخلي النار بيهه أكفايه
•••
سمعت أم حسين صوته ونادته
مـــــــاتخاف الله ونبيه وعترته
بعــــد مانشفت دمعتي الفرگته
هذا منكم وانه المعزايه
•••
والجــدار ايگول شفت أم الطهر
بيني بين الباب گامـــــت تنعصر
شفت منهه العين بالچف تنسطر
والسياط أعله العضد لاوايه
•••
الأعتاب اتگول ليه مــــــــــن هوت
طاحت وطاح الطفل مــن أسگطت
أتصيح بويه الگوم عگبك هالگصت
چنك أموصي أبهصمنه أوصايه
•••
خادم آهل البيت،،ع،،
ستارجابر الزرگاني

#المواقف_يؤرخها_التاريخ
👇👇
ردها إنّ إستطعت وصرت كلّك جيش
والســـطرة الثّخينة إتعـــــــرف راعيها
سِطَرت الجَهَل كلّه وچــان چفّك موت
يالِمحَلّي المـواقـــــف مــِــن تِطُب بيها
إلهسّه إبخدهـــــم إيسولف گُفه التّاريخ
گبل الحمزة محـّــــــــــد ترى إمسوّيها

احسن الله لنا ولكم العزاء بذكرى شهادة السيد الرشيد
( الحمزة بن عبد المطلب )سلام الله عليه .
#أسد_الله_وأسد_رسوله
#الحمزة_بن_عبد_المطلب_سلام_الله_عليه

✍️ #الشاعر_أبو_حسين_السرگودي