اكتب رسايل لبضعة محمد
هاي الرسايل عليها الله يشهد
تشرح السطره ××× لفاطمه الزهره

لفاطمه اشرح ضلامه ومالها حد
نار البكلبي حرك البابها امتد
من أشاهد تنسطر بضعة محمد
والهضمني محسن بارضه تمدد

والي ضلمها نراجع كلامه
يبدي بضلامه ويخلص بضلامه
وبكلبي حسره ××× لفاطمه الزهره --------١

من كلب شاعر تلضه ومستعر نار
للنبي الهادي اريداً توصل اخبار
يا تره يدري بضلعها غافي بمسار
لو دره بنار الحقد مستعره بالدار

ملعون هذا الضلمها والي قابل
للنبي المختار أولى الرسايل
واللمس شعره ××× لفاطمه الزهره --------- ٢

صرت حاير والقلم مدري شجاله
من صرت اكتب انه بثاني رساله
لبو حسين الما وكف واحد اكباله
طبق وصية النبي شكال وحجاله

ربك سترهم علي موصه الوصيه
جا ما اجو كربه باب الزجيه
غيهم يشطره ××× لفاطمه الزهره -------- ٣

والرساله الثالثه تصب مدمع العين
لو شفت يبجي عليها الحسن وحسين
من عمت عيني عليهم هل ميامين
شيبو لاكن عمرهم عدة سنين

للنار تاليته ذاكَ القهرهم
يروعهم بحقده وينزل دمعهم
والهم شكبره ××× لفاطمه الزهره ---------- ٤

الموقف الآذاني والي زاد الهموم
زينب الحسره التجرها بكلب ملجوم
تكلها يم كلب النقي وبحزنه مالوم
يمه بفراكج اضل احسب بالنجوم

يا يمه ضلعج دكولي شجراله
دم مو دمع تبجي رابع رساله
وهمومي جمره ××× لفاطمه الزهره ------ ه

وكتبت آخر رساله وبيها دمعه
تطلب بثار الضلع والخد يبضعه
بهمي وبدمعي اعلكت للمهدي شمعه
ثار فاطم سيدي امربع ترجعه

يا سيدي يمتى وتسل فقارك
وبكلب اليضدها تطفيها نارك
الواحد بعشره ××× لفاطمه الزهره------- ٦

عباس العبودي الواسطي
استشهاد السيده فاطمه الزهراء (ع)
https://hottg.com/Alabbodi

انه علي الكرار 🌸 اقسم بربي الجبار 🌸 ما انسى ظلع الزهره
وموصي أولادي ابهاي 🌸 من الحسن للوفاي 🌸
للمهدي ثار الحره
يطلبهم بــــــهايه 🌸🌸🌸ما ثنى الحجايه

اقسم بايات وسور 🌸 بالعاديات وبالزمر 🌸 وي كطع الانفاس
لا ما ينسيني الزمن🌸رغم المصايب والمحن 🌸
من هجمت ارجاس
لا ابد ما قاصر زخم 🌸بالحومه جندلت الزلم🌸
ومصارع اشواس
بس الفقار ابلا امل 🌸 ووصيه كيدته بحبل 🌸مؤلم هل احساس

الرد الكتايب مجبور🌸يسكت على هذا الجور🌸ورد الفقار لغمده
الموصه وبهل احساس🌸ما دنك وطخ الراس🌸والله ونعم من عنده
مگيدته الـــــوصايه 🌸🌸🌸ما ثنى الحجايه

فاطمه من جاها الأجل🌸كالتله ابو حسين بخجل🌸وضل الحجي يدور
مسطوره وبعيني الدمه🌸ولحالتي تبجي السمه🌸وهل ضلعي مكسور
شلون يتجرء عالنبي 🌸 ويسبني ذاك الناصبي🌸ضَل كلبي مفطور
صدلها ابو حسين وبجى 🌸 وبصدره غصه من حجه 🌸 جن كهف مهجور

لو ادري باليجري وهيج 🌸 كل روحي افصلها اعليج 🌸 وتلكه اني البسمار
ساعتها محسنه يعيش 🌸 يوليدي اكله وبريش 🌸 حتى الجرى هم ما صار
جا ما هــــــوت آيه 🌸🌸🌸 ما ثنى الحجايه

حاجاها حيدر فاطمه🌸 ومن يحجي كلبه يألمه🌸 بعزازه مفجوع
كللها داري ابلا ضوه 🌸 بفراگج مزعل الهوه 🌸ومتضوي الشموع
والسطره جدا مؤلمه 🌸 والعين اشو تنزف دمه🌸 ومكسوره الضلوع
كللها لو بيه الجرى 🌸 والنار بيه موجره🌸 ولا اشوف الدموع


يا وسفه حيدر مجروح 🌸 وباله مشهد ميروح🌸من انحرك باب الدار
هذا الأسد ما ينوصف 🌸 وميهاب لو نازل الف 🌸 يتلقب بحامي الجار
وتعــــــــذب هوايه 🌸🌸🌸 ما ثنى الحجايه

كللها الحسين انقهر 🌸 والحسن كل كلبه انفطر 🌸 وزينب تحاجيج
يمه انتي شمعه ولو طفت 🌸 وختنكت بعبره وبجت 🌸 وين اصبر اعليج
هاي المصيبه اول جرح 🌸 وختمها ويه المنذبح🌸 وتحير بذيج
من انسبي وماكو الاهل 🌸 وعلشاطي واكعلي الكفل 🌸ساعتها اناديج

يا يمه ابنج مذبوح 🌸 ولو بيدي افدي بالروح 🌸ولا شوفه بين الضلام
لا شوف الاكبر مطروح 🌸ولا جاسم امه امن تنوح 🌸 ولا انضر لحرك خيام
ولا شـــوف الضمايه 🌸🌸🌸 ما ثنى الحجايه

اخر كلام لحيدره 🌸 ودموعه تنزل عالثره 🌸 ما انسى والله
ثار الكسر ثار السطر 🌸ثار الضلع ثار العصر 🌸والمحسن وياه
باجر الحجه ابن الحسن 🌸ياخذ بثار ام الحسن 🌸وما ينسى كل آه
يقيم اعلى كل جائر حكم 🌸 ويحاسب اربات الظلم 🌸والعدل مسعاه

باجر يجي يطفي النار 🌸 بثار الضلع والبسمار 🌸وثار اهل بيته يطلبه
ياخذها ضلام بسيف 🌸 ويرد لهل بيته الحيف 🌸من اليضد يگطع رگبه
ثار الظلـــــــــع غايه 🌸🌸🌸 ما ثنى الحجايه


عباس العبودي الواسطي
استشهاد السيده فاطمه الزهراء (ع)
https://hottg.com/Alabbodi

يا حيـــــــدر دارك حــــركوها
يا حيـــــــدر دارك حــــركوها

انـــــه الزهره وحـرت بامري
بيـــن الباب وعفة ســـــتري
انهض يا حيــــــدر مــا تدري
اظلــــــوعي بحقد يكسـروها
يا حيـــــــدر دارك حــــركوها ...............١

يا حيـــــدر يـــا حامي لجاره
ومـــــعزب دوم لـــــــخطاره
ليش بغــل اقــــــتحمـو داره
وبابـــــــــه بنيران يـــوجروها
يا حيـــــــدر دارك حــــركوها ................٢

مـــن دفعو بابي وهضموني
يا غالــي وسطرولي اعيوني
وبــــــالباب بحقد يعصروني
مـــــــا راعوا حرمه وظلموها
يا حيـــــــدر دارك حــــركوها .................٣

بعصـــر الباب وحالي تكدر
انــــده حيــدر وينـك حيـدر
ناديتك يابـــــوحسين احضر
اعــــــــدئك زينـــــب بجوها
يا حيـــــــدر دارك حــــركوها .................٤

يـــــــم بابي واسمع كلمتهم
وحـــــدها الزهره احجايتهم
نــــــور الله يطفـــــوا غايتهم
وبــــــــــت الاخيار يشـتموها
يا حيـــــــدر دارك حــــركوها .................٥

والبســــــمار الشـيب حــالي
وطيحت محسـن ابني الغالي
تمنـــــــيت الـــــــواكع دلالي
ولا شــــوف اعضائه يمزكوها
يا حيـــــــدر دارك حــــركوها .................٦



عباس العبودي الواسطي
استشهاد السيده فاطمه الزهراء (ع)

https://hottg.com/Alabbodi

مــن بعـدك ظـلمونـي ...ربــعـك مــا راعــوني
بشــرهــم حالـي تكدر ...بـويـه وجتفــوا حيدر
يا بــويــه اسود شرهم ...سكطـوا طفلي بغلهم
وظلـــعي بعصرة تكسر...بـويـه وجتفــوا حيدر

بـويـة مــن غفت عينك...رحت وخلصن سنينك
جــوني لبابـي يابــوية وعـلي صـبـو حقـدهـــم
الاول كال اضربـــوهــة...الثانـي كال اشتموهة
لبنت المصطفى مـاضــل وفة وبين حسدهـــم
ما حسبو لبوية احساب...وقتحمـو علـيه الباب
وبغل وحــقـد كســروا ضــلــع مـحــد يردهـــم

اعـليـك اذرف دمـعـاتي...نار تـصـل حـســراتي
مــن الهـم كلـبي تـفطر ...بـويـه وجتفـوا حيـدر

بويــه جانـوا يغشـوك ... بصحبتهم فلا وافوك
لـــو عــدهـم وفـه دار الــصفى مــا خـربوهـــه
مــن اغفيت عالتـربـه...صفينه اني وعلي غربه
يابــويـه وفــدك غـصبـن علـي مـني خـذوهـــه
ليش بـلا ابو ضليت...بعدك بويه وحشه البيت
خـمسه اهـل الكسة دمعه بوفة ليك اذرفوهـــه

شــفنه الــضيم بـلياك ...لاصـعب قصـه فركاك
أبــجي انــي واتـحسر ... بـويــه وجتفوا حيدر

ارد اسولف يالحنين ...بويه عـن طفلي الجنين
مـحسـن شنهـو ذنبـه وهـيجـي يا بويه تخضب
لــو اسولف عالحسن...وشــقـسـه ويـاه الـزمن
يا بويــه الحسـن جبـده بـطشت وبشنهـو اذنب
من بعدك يبويه حسين..بلطف دامي دون امعين
راســه اعلـه الرمـح يقـره الكهف بويه وتحسب

وزيـنب بــرض الحـومه ....مـتحيـره ومهضومه
تنـده ياجــدي احـضــر ....بويــه وجتفوا حيدر

لا راعـــوا مــلـــح لا زاد ...بـويـه مـزنجل السجاد
رد مــحني الـضهــر ويـه الــضـعـن مـحـد فزعلـة
لــزينب خيمـه حركوهـه...مثل ما بابي وجروهـه
بقــت بيــن الــغــرب مـوقف صـعب مدمع تهلـة
وعــباس ابـلاية جفين ...بوية وسهم وسط العين
ولــو مـــو بالغــدر كــرر بــدر مــن سـيفــه ســلـة

شهـم ومـا طخ الراس ...ينزف غـيــره ونــوماس
ضــل بالطـف امــطبر ...بــويــه وجتفــوا حيـدر

صح صعبه المصايب هاي...وأن جار الزمان وياي
يــم الـــــباري يابـــويـــه الاجــر باجـــر تـحـسبــة
يتحاسب خصـمنه هناك...وندخل جنه بويه وياك
وبـــيـــوم الــقــيامـــــه الآذه عــايــلتك تــطـلبــة
ابحـك الله القصاص نريد...مـن قاتل حُسين ايزيد
والآذه الـــخــدر ذاك الــشـــمــر بــويـــه تـــأدبــة

الـــزار حسين تــزوره ... وتـــقــدرلــة شــعــوره
وتــوافــي الــيتشــكر ... بــويـــه وجتفـوا حيدر

عباس العبودي الواسطي

https://hottg.com/Alabbodi

يم باب فاطم بالحطب هجمو ××× صار الي صار
من حيدر وطه العدى انتقمو ××× محروكه دار

بكل أحاديثه محمد ××× مني بضعه فاطمه
والي آذاها اذاني ×× × ودين الله يهدمه
فاطمه قديسه كبرى ××× ابرضها وبالسمه
ام ابيها وبنته هيه ××× وفوك كلشي مقدمه

هاي الامانه وبيها ما رحمو ××× مستعره نار
من حيدر وطه العدى انتقمو ××× محروكه دار

الله يلعن هالمسبب ××× والي كاللها وان
والي سكط منها ابنها ××× والي سبها بالعلن
تندفع بالباب حرمه ××× والظلوع التنسحن
كل هذني الي فعلهن ××× اعليها يستاهل لعن

ما ضل ضمير اعليها من ردو ××× انزاح الستار
من حيدر وطه العدى انتقمو ××× محروكه دار

ادري هالموقف يألمه ××× وسمحولي بهل طلب
ليش شو فقاره مارد ××× منهم وحز الركب
يوم هجمو على داره ××× بلسيوف وبلحطب
وهو معروف بنزاله ××× علي قتال العرب

بس الوصيه براسه من طبو ××× ضل كلبه حار
من حيدر وطه العدى انتقمو ××× محروكه دار

هلحقد من السقيفه ××× ودبرو هذا الأمر
علي كرار المعارك ××× والي كدامه يفر
ينهزم لو ضده جيش ××× وابد ما باله بمكر
لكن الصفعه ثكيله ××× والضلع هم منكسر

كلش ثكيله جبالهم خلو ××× حيدرنه حار
من حيدر وطه العدى انتقمو ××× محروكه دار

بالنهايه اكشف حقايق ××× للي كتلوها بضلام
تندفن بالسر عجيبه ××× ووحده شيعها الامام
باجر المهدي بطلعته ××× يكشف السر للعوام
ومنهم المهدي بقصاصه ××× لو تشدد ما يلام

باجر المهدي يحاسب الحركو ××× وبذو الفقار
من حيدر وطه العدى انتقمو ××× محروكه دار

عباس العبودي الواسطي
استشهاد السيدة فاطمه الزهراء (ع)
https://hottg.com/Alabbodi

عرفتها ×× وشفتها ×× وحركت باب
يظالم ×× لفاطم ×× بنت الاطياب
وطعنت للباري دين ××× من قتلتلها الجنين
بنت الاطياب ×××××× بنت الاطياب

دينك صفى بس بالاسم ×× ومروه ما موجوده
يل خفت من طفل ومره ×× والله عبرت حدوده
وتجاوزت بيت النبي ×× قرانه وصله وجوده
والضيفك محسن ترى ×× وبجثته الممدوده

ويكلك ×× يكلمك ×× على المحراب
يظالم ×× لفاطم ×× بنت الاطياب
يل كطعتلها الوتين ××× من قتلتلها الجنين
بنت الاطياب ×××××× بنت الاطياب .......1

ليش احركت دار الوحي ××× والغايه ما معروفه
قران ناطق للخلك ××× يل ضيعتها حروفه
بمزبله تاريخك تضل ××× وهو مناره تشوفه
مرتفعه باذان العشك ××× والشيعه كلها اطوفه

بفعالك ×× يهالك ×× حيدره شاب
يظالم ×× لفاطم ×× بنت الاطياب
بحسره بجيت الحسين ××× من قتلتلها الجنين
بنت الاطياب ×××××× بنت الاطياب.........2

صافع وجه بنت النبي ××× وام لابوها البضعه
ومأذي ريحانه علي ××× وام بيت اله والشمعه
ومسمار نابت بالضلع ××× ومطيحلها الدمعه
وشاتم ابوها وحيدره ××× ومحسنها هم اموكعه

وجعها ××× ضلعها ××× لسه ما طاب
يظالم ××× لفاطم ××× بنت الاطياب
ومنها تسمع بس ونين ××× من قتلتلها الجنين
بنت الاطياب ×××××× بنت الاطياب........3

مامش ضمير بهل وكت ×× لا والله ماكو مروه
حرمه اووره الباب ادخلت ×× لا حوله الها وقوه
ليش اعصرتها ابلا ذنب ××× ومن عدها محسن يهوه
ياظالم الله يحاسبك ××× كاسر ظلع بالكوه

اتجسر ××× على الدر ××× يوم من غاب
يظالم ××× لفاطم ××× بنت الاطياب
والوصي مكيد الادين ××× من قتلتلها الجنين
بنت الاطياب ×××××× بنت الاطياب........4

من يسألك رب العرش ××× ليش بضلالك تمضي
من تحضر أملاك السمه ××× وفاطمه لربها تشكي
ما ذنب طفلي يا خلك ××× ينزل دمعها وتبجي
شتجاوب بذاك الوكت ××× كلي شترد وتحجي

شتجاوب ××× يخايب ××× يوم الحساب
يظالم ××× لفاطم ××× بنت الاطياب
بجرمك تقر الادين ××× من قتلتلها الجنين
بنت الاطياب ×××××× بنت الاطياب........5

من قبل حكم الاخره ×××بالدنيا هم تتحاسب
زغير المحسن عالذبح ××× ليش الورد يتعاقب
والمهدي باجر من يجي ××× وبثار عمه يطالب
ومربع الحك ينوخذ ××× حقه ويدوس شوارب

قراره ××× بفقاره ××× المهدي طلاب
يظالم ××× لفاطم ××× بنت الاطياب
باجر تفر كلي وين ××× من قتلتلها الجنين
بنت الاطياب ×××××× بنت الاطياب........6


عباس العبودي الواسطي
استشهاد السيده فاطمه الزهراء

https://hottg.com/Alabbodi

ذكرى استشهاد الإمام موسى ابن جعفر الكاظم
https://hottg.com/Alabbodi

امشو يا شيعه نروح أعلى الجسر
نواسي ابن جعفر وكلبه المنكسر
من مضامين الوفاء ××× واجب انقدم عزاء
عزااااااااااء

الشيعه كلها بلا فكر صارت حياره
لموسى راحت عالجسر وبأنتضاره
رادو يشوفونه اصحابه الغياره
مكيد ومسموم اجه وماشع نهاره

جمعه جانت بالأمل متجمعين
جنازه اجاهم ابن خير المتقين
لابن خير الاتقياء ××× واجب انقدم عزاء
عزااااااااااء

موسى بامر الباري ميرد المطالب
والكصدله ما اضن يرده خايب
بامر الله تشوف من عنده العجايب
ولو جنت مغلوب ترجع منه غالب

هو دكتور العلل بمر المبين
لو كصدته ما ترد خالي الادين
ما ترد ابلا شفاء ××× واجب انقدم عزاء
عزااااااااااء

موسى صح مسجون وهمومه عديده
مسمم وقيد السناسل ماكل ايده
لو كصدته بهمك اتنول التريده
باب للمحتاج وهمومه شديده

للحوائج موسى وهموم الثكال
تعنه ليه بهمك ودمعك تعال
هذا باب من العطاء ××× واجب انقدم عزاء
عزااااااااااء

واجب انقدم عزانه ودمعه نهدي
عالحزن واللوعه ياروحي اشهدي
الدمعه نزلت نار وتجوي أعلى خدي
نوسي بيها حضرت الغايب المهدي

دمعه راحت تشتكي لربها المجيب
عالجسر مسموم ابن جعفر غريب
دمعه جانت من دماء ××× واجب انقدم عزاء
عزااااااااااء

الليله املاك السمه تنوح وحزينه
للنجف متعنيه من أرض المدينه
جابت وياها دمع بضعت نبينه
بموسى ابن جعفر اجت واست علينه

واست الوالي علي بحزن وشجون
للمغيب ضلم في قعر السجون
ناحت لهذا البلاء ××× واجب انقدم عزاء
عزااااااااااء


عباس العبودي الواسطي
ذكرى استشهاد راهب ال محمد
https://hottg.com/Alabbodi

•
القصيدة الرئيسية لهذه الليلة...
•
﴿امشو يا شيعه﴾
للشاعر #عباس_العبودي_الواسطي...
•
شهادة الإمام #موسىٰ_الكاظم ﴿عليه السلام﴾
#ميسان...
•
https://hottg.com/sh_alialjizani...
•
#علي_الجيزاني...

يالله

خويه جبت الضعينه ××× قرايه يمكم قرينه
جيت اكصد حسيني ××× وبعيني ×× جمره من الحزن
وللغالي عباسي ××× بنفاسي ×× جيتَ من الوطن


خويه رديت الضعن بس ماكو حراس
لا اخويه حسين عندي وماكو عباس
ما كضت هاي المسيره بكطع الانفاس
والاجر كد المشقه وهذا مقياس

خويه ليكم رجعنه ××× بحركه صباً دمعنه
كل هذا مالومه ××× بالحومه ××× ما جاني الاجل
من طاحت جفوفه ××× بطفوفه ××× عباس البطل
وللكرب اربعينه×××× قرايه يمكم قرينه

خويه جيتك بالحزن وبثكل همي
جيت اشكيلك همومي يبن امي
الفركه صعبه وريتك انت تكون يمي
من بعد كافل ضعوني ودمعي يهمي

حسين يا والي لينه ××× بالضعن خويه جينه
والحادي ما يرحم ××× يمشيم ××× بفراك الاهل
والمشرعه بعيده ××× وجف ايده ××× مكطوعه الكفل
مكيده خويه ادينه ××× قرايه يمكم قرينه

علهزل جيتك يخويه ورافعه الهام
والنعم بخت الكفلها وسبعة انعام
مكيده ومسبيه امشي بحسره للشام
بس بقيت اني العقيله وبنت الإكرام

حتى لو دهري غادر ××× حرمه وتذل عساكر
واللبوه بت حيدر ××× من تزئر ××× يهتز الظلم
والمجلس اطبه ××× وتكلبه ××× نار اعلى الخصم
بمجلسه وهم تهينه ××× قرايه يمكم قرينه

يا حسين بغيبتك يا خويه تدري
اشتعل نار الصبر نار اعلى جمري
يا بعد كل دنيتي ونطيك عمري
خويه وبدونك بجه الصبر اعلى صبري

انه بس ردت اشوفك ××× كعبه والكل يطوفك
ما حسبت تالي ××× يا والي ××× منك انحرم
ليش بعجل ترحل ××× يمعدل ××× وبصدرك سهم
وبألم من بجينه ××× قرايه يمكم قرينه

من بعد والينه زرت الغالي ابو الجود
ذاك اخويه الكافل المصيوب عامود
شوكي للكافل ضعوني اتعده الحدود
ياهو يتجرء علينه وهو موجود

هوه لو خويه حاضر ××× منهو يكسرلي خاطر
بس انكسر كلبي ××× ولربي ××× اشكيت الفاجعه
من شفته وعذرته ××× بعد اخته ××× جفوفه مكطعه
وبعد ميرد علينه ××× قرايه يمكم قرينه

كتله خويه الماي فدوه ورد للخيام
كال انه ناذرها روحي وحصتي اسهام
ها يزينب عالهظم ما دنك الهام
وبن ابوي بكربله وتحيطه ظلام

ما نموت ابوساده ××× القتل صار النه عاده
والظالم انكله ××× بالذله ××× ما نقبل ابد
هالشمره من حيدر ××× وبخيبر ××× وشسوه اباحد
صار ناصر لدينه ××× قرايه يمكم قرينه

مودعين ابالله اخوتي وكلبي مكسور
هذا المقدر علينه وهذا عاشور
وهاي عملة كربله ومكطوعه النحور
وهاي اخوتي موسدين ابطن الكبور

والله وسفه وجبيره ××× امشي من ديره اعلى ديره
ظلموني يا خوتي ××× وبصوتي ××× يا حيدر مدد
كلمه ابوجه حاكم ××× يا ظالم ××× ايامك عدد
رحله جانت حزينه ××× قرايه يمكم قرينه

عباس العبودي الواسطي
١٤٤٥ هجري/ ٢٠٢٣م

نادت ام الطفل ××× بيا ذنب منقتل
بنيني ××× الحسيني ××× يذبحه حر النبل

شمعه جان ابني المسه ومضوي داري
الشمعه طفوها ودمع من عيني جاري
محسبه يكبر والفرح يبقى بمساري
من فكدت ابني كرب مني احتضاري

يكبر وانتضر ××× يلمني تالي العمر
بحنانه ××× وامانه ××× جرحي من يندمل

ورده وبعمر الورد من ذبلوها
غفله وبلايه ذنب غصباً حووها
والغصن كلش زغير من اجوها
شوكه وبنحر الرقيق استقبلوها

ما نشف مدمعي ××× ابجي من لا وعي
بمصابي ××× وعذابي ××× دمعي دم ينهمل

غاية الأم عالابن وتشوفه كبران
تريده متهني بحياته واسعد انسان
شجره وبموسم ربيع تخضر الاغصان
انصدمت بموسم خريف وكله اشجان

غايه ما تنوصف ××× سرها ما ينعرف
تشوفه ××× العطوفه ××× لو كبر جن طفل

عمره مو مالت ذبح يا دين الاسلام
شنهو ذنب امه التنطره وليله متنام
تحلم يردلها عدل بس تبقى أحلام
عمره ست اشهر طفل وتكتله ضلام

واني ما حسبت ××× يلولد من غبت
سبونا ××× اولونه ××× جتفونه بحبل

فدوه كلت ابني يروح وربي يدري
وبعد اضحيله بحياتي وفدوه عمري
وكون إذا مسى الاذى ينحفر گبري
هوه امامي وهوه روحي وهو ذخري

وبألم نادته ××× وعالصبر حاجته
يغالي ××× جهالي ××× تفنى وتضل عدل


عباس العبودي الواسطي
1446 هـ - 2024 م

https://hottg.com/Alabbodi

يحسين صاحو الانصار ××× عالموت ××× وياك ××× مولانه
لجلك رخصنه الارواح ××× وسيوف ××× بالضيج ××× تلكانه
وعابس نشد قصيده ××× للموت الك نشيده
مولانه ××××× مولانه

كلنه نموت #### يبن حامي الحميه
لا منهاب ### شمر ولا اميه
معروفين #### ليوث الغاضريه
احنه وياك ### نفوت اعلى المنيه

حبيب ابن مضاهر كله مولاي
اذا تعطش نصير بكربله الماي
الحر ابن الرياحي وابنه وفاي
زهير المارضى وما يقبل بهاي

صح احنه كالو سبعين××× والدين ××× يحسين ××× نمحيهم
زلزال اذا صحنه نصير ### ونغير ### عالخيل ### نفنيهم
والضحى الك وريده ### للموت الك نشيده
مولانه #### مولانه


عابس صاح ### انه مجنون الحسين
يا ظلام ### وجرت دم مقلة العين
بلايه سلاح ### نده وين العده وين
ضد الاف ### تعنه وطب ميادين

يكلهم لا تلموني يضلام
وانه بحبه اموت ورافع الهام
ولا اعيشاً ذليل ابين الازلام
تراها ابلا كتابه تموت الاقلام

ذب درعة وعليهم راح ××× كاليث ××× لو راح ××× عالحومه
مجنون وبحب حسين ××× مرخوص ××× لو طار ××× زردومه

ويحسبني من عبيده ××× للموت الك نشيده
مولانه ××× مولانه

صح هواي ×××× لجن احنه بعددهم
مو سبعين ×××× يدوخ الي يعدهم
شميكونون ×××× كتيبه احنه ونصدهم
والعباس. ×××× ركض باجر نردهم

برير ابن خضير هنانه موجود
وبشر ضحى بحياته وعنك يذود
جنادة وجندب يحرسون الحدود
الك نوهب عمرنه وبمرك جنود


عفنه الذهب والاموال ××× والروح ××× لحسين ××× وفايه
يأمرنه واعلينه نطيع ××× والله ××× لله
××× مو غايه

وطلعنه عن عقيده ×××× للموت الك نشيده
مولانه ×××× مولانه

الانصار ### وفه وغيره ومراجل
صاحو لا ### بوجه كل طاغي جاهل
ما ننهان ### ولا يحكمنه باطل
بسيف نموت ### ولا عالحك نجامل
وفة وغيره وحمية ارجال الانصار
ولا باعوا قضية وخانوا بجار
والذلة ارفضوها ورفضو العار
صدك عاشو رجال وماتو احرار

مسلم نده بالانصار ### يا جون ### ياقيس ### يا نافع
بالذلة ما نرضى نعيش### للموت ### انصار ### وندافع

لنحبه والنريده ##### للموت الك نشيده
مولانة #### مولانة

عباس العبودي الواسطي
1446هـ - 2024 م

https://hottg.com/Alabbodi

يا بنت الامامه ××× حمداً عالسلامه
يا بت حيدره ××× شنهي الي جرى
جن يوم القيامه
جن يوم القيامه

ها يزينب كولي شنهي الي حصل
وين اخوج حسين يربات الفحل
صدك يم شاطي النهر طاح الكفل
والادين امكيديهن بالحبل
وانسبيتوا ونكتل حتى الطفل
لا جرت هايه ولا حصلت قبل

ثارات القديمه ××× ردوها بجريمه
وسياط الشمر ××× تظل طول العمر
هاي الهم علامه
هاي الهم علامه

انه زينب بت علي من اهل العبي
جنت اميره وبت امير وطالبي
واني امي الطاهره وجدي النبي
ذاكَ اخوي أعلى الرمح ذاك الابي
وهذا كافلني الي ما رد مطلبي
يا هو يرضاها اروحن للسبي

يا شيخ العشيره ### زينبكم اسيره
وانه ام الخدر ### يسبيني الشمر
هاي أكبر ظلامه
هاي أكبر ظلامه

ليش محنيه وبده اعليج التعب
ونتي بت قتال ابطال العرب
وسفه تحدي بضعنج انذال وغرب
وراس اخوج احسين عالرمح نصلب
وشافت الايتام انواع الرعب
الدنيا لو ردتي تكلبيها عقب

بمكانج يحره ### تفرين المجره
ونتي ابلا عجب ### بت سيد العرب
ونتو أصل الكرامه
ونتو أصل الكرامه

انه صح مسبيه والظاهر مره
لكن بهيئة اميره امخدره
انه بت ذاك الطبر مرحب ترى
والكفلني بلقب سبع الكنطره
لا تسألوني بعد شنهي الجره
والحسين من القفى انحز منحره

والما يدري بيه ××× خل بسأل عليه
جدي المصطفى ××× واضح موقفه
وبدينه استقامه
وبدينه استقامه

عباس العبودي الوسطي
1446 هـ - 2024 م

https://hottg.com/Alabbodi

محرم 1446 هـ - 2024 م
https://hottg.com/Alabbodi

هل ننسى *** عاشــوراءِ يـوماً
هل ننسى *** للطاغوتِ ظلماً
ويلي في شهر الحرام
ســحقوا صدر الامام
هل ننسى *** هل ننسى

اهُ مــــا اعضــمها تلك الرزيه
وبكـــها صخـر وديان الـــبريه
وهتاف الباري يعلو جاء ضيه
لحســــينٌ فاز والخاســر اميه
عاشوراء ... دمـــعٌ فيه عبــره
عاشوراء ... في الآهاتِ حسره
كربـــلا يا كربلاء 
ارض كربٌ وبلاء
هل ننسى *** هل ننسى

أمةُ الباطلِ  في شــهر المحـرم
ما رعوا حرمتاً للشـهر المعظم
سحق الخيل على صدرِ المكرم
وبحقدٍ اشـــــعلوا نار المــخيم
نبكيهي *** في كل الرزيا
نبكيهي *** صدقاً للمنيا
ما رعوا حق الرسول
قتلــــوا ابن البتــول
هل ننسى *** هل ننسى

موقفٌ حير العقلُ ليس غَيره
فعلى الشاطئ بدراٌ للعشـيره
هون النفـــسُ لاخيه لا لغيره
فيه طبـــعٌ من عليٌ فيه غيِره
بالعامود ... رأس الحــــق يطبر
بالعامود ... ضهر السـبط يكسر
فمـــن المرِ امر
قطع كفٍ للقمر
هل ننسى *** هل ننسى

وهنا قلـبُ حــــبيب الله يُكـــــــــسَر
بشــــــــــــبيه المـــصطفى الله اكبر
وهناك ابن الحسن في الحربِ قد كَر
مـــــــــــن دمـاه الطاهرُ الِارضِ تعَفر
والانصار ... يحيون النداءُ
والانصار ... للســبطِ فداءُ
بذلــــوا جهداً ثمين
فيه يفدون الحسين
هل ننسى *** هل ننسى

كثرهٌ في طفِ عاشـــور المصائب
قـــــد ترى في طيها جل الغرائب
وترى جرحاً من السبعه العجائب
فيها مطلـوباً غدى من كان طالب
لم يبقى ... قــلباً دون جراحٌ
لم يبقى ... راساً دونَ رحمحٌ
منــــظرٌ جداً فضيع
ذبحوا حتى الرضيع
هل ننسى *** هل ننسى

عباس العبودي الواسطي

https://hottg.com/Alabbodi

خويه جبت الضعينه ××× قرايه يمكم قرينه
جيت اكصد حسيني ××× وبعيني ×× جمره من الحزن
وللغالي عباسي ××× بنفاسي ×× جيتَ من الوطن


خويه رديت الضعن بس ماكو حراس
لا اخويه حسين عندي وماكو عباس
ما كضت هاي المسيره بكطع الانفاس
والاجر كد المشقه وهذا مقياس

خويه ليكم رجعنه ××× بحركه صباً دمعنه
كل هذا مالومه ××× بالحومه ××× ما جاني الاجل
من طاحت جفوفه ××× بطفوفه ××× عباس البطل
وللكرب اربعينه×××× قرايه يمكم قرينه

خويه جيتك بالحزن وبثكل همي
جيت اشكيلك همومي يبن امي
الفركه صعبه وريتك انت تكون يمي
من بعد كافل ضعوني ودمعي يهمي

حسين يا والي لينه ××× بالضعن خويه جينه
والحادي ما يرحم ××× يمشيم ××× بفراك الاهل
والمشرعه بعيده ××× وجف ايده ××× مكطوعه الكفل
مكيده خويه ادينه ××× قرايه يمكم قرينه

علهزل جيتك يخويه ورافعه الهام
والنعم بخت الكفلها وسبعة انعام
مكيده ومسبيه امشي بحسره للشام
بس بقيت اني العقيله وبنت الإكرام

حتى لو دهري غادر ××× حرمه وتذل عساكر
واللبوه بت حيدر ××× من تزئر ××× يهتز الظلم
والمجلس اطبه ××× وتكلبه ××× نار اعلى الخصم
بمجلسه وهم تهينه ××× قرايه يمكم قرينه

يا حسين بغيبتك يا خويه تدري
اشتعل نار الصبر نار اعلى جمري
يا بعد كل دنيتي ونطيك عمري
خويه وبدونك بجه الصبر اعلى صبري

انه بس ردت اشوفك ××× كعبه والكل يطوفك
ما حسبت تالي ××× يا والي ××× منك انحرم
ليش بعجل ترحل ××× يمعدل ××× وبصدرك سهم
وبألم من بجينه ××× قرايه يمكم قرينه

من بعد والينه زرت الغالي ابو الجود
ذاك اخويه الكافل المصيوب عامود
شوكي للكافل ضعوني اتعده الحدود
ياهو يتجرء علينه وهو موجود

هوه لو خويه حاضر ××× منهو يكسرلي خاطر
بس انكسر كلبي ××× ولربي ××× اشكيت الفاجعه
من شفته وعذرته ××× بعد اخته ××× جفوفه مكطعه
وبعد ميرد علينه ××× قرايه يمكم قرينه

كتله خويه الماي فدوه ورد للخيام
كال انه ناذرها روحي وحصتي اسهام
ها يزينب عالهظم ما دنك الهام
وبن ابوي بكربله وتحيطه ظلام

ما نموت ابوساده ××× القتل صار النه عاده
والظالم انكله ××× بالذله ××× ما نقبل ابد
هالشمره من حيدر ××× وبخيبر ××× وشسوه اباحد
صار ناصر لدينه ××× قرايه يمكم قرينه

مودعين ابالله اخوتي وكلبي مكسور
هذا المقدر علينه وهذا عاشور
وهاي عملة كربله ومكطوعه النحور
وهاي اخوتي موسدين ابطن الكبور

والله وسفه وجبيره ××× امشي من ديره اعلى ديره
ظلموني يا خوتي ××× وبصوتي ××× يا حيدر مدد
كلمه ابوجه حاكم ××× يا ظالم ××× ايامك عدد
رحله جانت حزينه ××× قرايه يمكم قرينه

عباس العبودي الواسطي

https://hottg.com/Alabbodi

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://hottg.com/ahmed_alziwar1