#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ


نبني البقيع احچايه ما ننساهه
وكل ثامن ابشوال عشنه وياهه
الحسره هيه وثوره هم نلگاهه
للبقيع احچايه
نرفعلهه الرايه

------------
بذيچ المراقد على الگبب راياتهم منشوره
ابيوت بذكر رب العرش چانت گبل معموره
النور رادو ينطفي بكل فكره وبكل صوره
وذل السراب من الشمس والله متمم نوره

همه السبيل وحبل لله الممدود
خير وعطايه ابوابهم دوم اجود
چا ليش اثر لبيوتهم ما موجود
انسوي بيه اقرايه

-------------

حسره على حسره بالگلب كل ذكره لمن تنعاد
ومجلس ودمعه وثار حگ ابهل المواقف ينراد
الجرح البقيع المنهدم عدنه بس بنيانه اظماد
الواجب عليهم ينحني لو مرهم الراح وراد

على اگبور ال النبي من يرظاهه
امهدمه تبقى وبس حجر فوگاهه
الچانت تسر الناظر ابملگاهه
وللوجود امرايه
-------------

التاريخ متروس ابظلم ال النبي من اسنين
من بني العباس اشكثر هدمو قبل گبر حسين
الگبر اليهدمو ينبني راظين لو ما راظين
نبني البقيع ومن بعد رف رايته اتقر العين

وايصير شم اترابهم مو صعبه
واتروح وي السور ذيچ الغربه
لمن يمره الشيعي يمرد گلبه
والهدف والغايه

------------

اليوم باچر ينبني وما نرجع ابخدمتهم
هلبذره زرعوهه ابفظل من حبهم ومجلسهم
نوگف نسجل موقف وغايتنه بس نصرتهم
لا مو محال ولا حلم وتسديدنه من عدهم

همه الهدف نصرتهم بكل خطوه
والعيشه بس وياهم انحس حلوه
والتعب بس وياهم يظل يسوه
وبكل سنه وفايه

---------------

اشچم امام ابسيرته مظلوم يورث مظلوم
عدنه چم معصوم الگظى لو بالذبح لو مسموم
چم جرح عدنه چم صدر بين الحوافر مهشوم
كلهن وبغظاً في علي ابذاك الوكت ولهليوم

اشما رادو ايدثرونه لو يمحونه
مثل الشمس گدامهم يلگونه
والما تشوف الشمس عميه اعيونه
بالاسنين الجايه

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ


هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................

عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه

مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................

لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه

شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................

علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه

خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................

الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله

رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................

يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره

هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................

احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه

عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون


محمد هادي العقابي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://hottg.com/+seH5Q_Y3xPw2NzIy
▪️كروب الالحان رقم 2
https://hottg.com/+eAjWA-W1XTk5MmYy

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ


(للبقيع)

دمع اشتياكَي بلهفتي ايتجاره   كون آنه يمهم واقره بالزياره

وكل التحبهم حاضره    بأرض البقيع الطاهره

كون آنه يمهم واقره  بالزياره

***

خلصت حياتي والعمـــر  وآنه اطحن بآهـــاتي

اتجوى بالجمـــره واون   خافن دنت ســـاعاتي

وبكلبي ظلت امنيـــــــه   تجاره وي دمعــــاتي

أذكرهه من ادعي الفجر  رب استجب دعواتي

بجاه الرسول وفاطمه الزجيه   وفقني ربي ادعي كل مسيه

ريت المجالس عامره  بأرض البقيع الطاهره

كون آنه يمهم و اقره بالزياره

****

متمني اكصد للحســـــن   متعنـــي وي احبابه

عد كبره ابجيله بحــزن   واكعد واقبــل اترابه

وموحجر الكه لا صحن   خاطر اشـــــم بعتابه

هذا الكريم الا ابــــــــــد   ماخاب الي ايدك بابه

ديوانه جود ومكرم البريا    هوه الرئيس بدولة العطايا

وعيوني ظلت ناظره   بأرض البقيع الطاهره

كون آنه يمهم اقره بالزياره

***

والزين العباد اعتنــــي   وبابــــه اذرف دمــــعه

اقراله والطم عالصــدر   وبكبــــــره اعلك شمعه

اذكر رزيته اوي الاهل   من راحت الكل صرعه

عاش اعله ذكراهم يون   اليوم الأجل ظل ينــــعه

شاف الذبيح وشاف المسنايه    ورافك يتامه برحلة السبايه

منهوالي يجبر خاطره  بأرض البقيع الطاهره

كون آنه يمهم واقره بالزياره

****

وللباقر امشي ابكل ادب   ودمع الألــــم يجاره

هيج آنه واحظى بشوفته   ويجعلني من زواره

اعتب واكله ســــــــيدي   شوف الدلــيل وناره

اشتاكينه وأذانه البجــي   يهل البخـت والشاره

اشجي همومي وعبرتي الجريحه    كون بجواره واكعد بظريحه

وانصب عزيه بمنبره   بأرض البقيع الطاهره

كون آنه يمهم واقره بالزياره

***

والصحن ابو الكاظم اجي  واركع واطول السجده

للباري اصلـــــي واحمده  هذا الفضل من عـــنده

واتعنه ام الأربعـــــــــــه   اليكصدهه لا متـــرده

أم الكفيل العالنـــــــــــهر   لحسينه كطــــع زنده

باب الحوائج روحي تعتنيهه    ام البنين بشدتي انتخيهه

روحي تحط  مسافره     بأرض البقيع الطاهره

كون آنه يمهم واقره بالزياره

***

وقبر الزجـــيه فاطمه   اتعنه ليـــــــــه ابمدمع

ادخله من باب الذهب  بعتابه اســـــجد واركع

ومنبر جبير انظر بعد  وصوت النعاوي اسمع

هالصوت جني سامعه  ايكسر الخواطر يفجع

هالسيد اليقره النعي عرفته   المهدي هو الرجعه الخدمته

الناعي جاسم هالقره    بأرض البقيع الطاهره

كون آنه يمهم واقره بالزياره

***

 

 

***

 

ابو علي الركابي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://hottg.com/+seH5Q_Y3xPw2NzIy
▪️كروب الالحان رقم 2
https://hottg.com/+eAjWA-W1XTk5MmYy

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ

ألمهدي بـيـوم اليظهر يبـني المراقـد
والثار يطـلـبه امـربـع والكـل يشاهد
ياثـار الصريـع           يهـتـف بالبقيع
=============================
ألا يـا أيها العالم صـوت انسمعه ويـذيعه
أنا المهدي أنا القائم أنا الماعاف تشـريـعه
يطلع الفاسق الأول وكلمن بالهوه ايطيعه
والهدّم قبور الآل النار اجـهـنـم ايـبــيـعـه

من بعد الظُلمه الچانت يكشف ضواها
والدمعه النزلت بالـطـف يمـسح نَداها
والدرع المنيع              يهتف بالبقيع
=============================
حـصـون آل الكـفـر دگها دخـلـهـا بـغـيـر ميـعـاده
غـفـلـه وگـالـوا السـيد ظـهـر واتحضرت الـسـاده
يجي لاهل البدع والجور اليزيد ويصلب اجداده
بيـته السـهلـه والمحتاج يگـصـده ويـاخذ امراده

يترس برهوت بسيفة ويرضي الوديعه
واقـطاب الـعـالم كـلـهـا يترسـهـا شيعه
حي اعله الرضيع يهتف بالبقيع
=============================
يجي والحضرته تنقاد روس الچانت اتضده
أبـن تيـمـيـه لا يبقه ولا كلـمــن نـزل عـنـده
بآل اسلـول والأوغـاد يحـقق بالجبت وعده
كـرامـة الطـلعـتـه الله بـاب المـغـفره ايسده

ويـعـيـد امـجاد الحيدر ويـعـز نـبـيـه
والروس الحكمت باطل تصبح وطيه
مولانا الشفيع يهتف بالبقيع
=============================
آمـاني گـالـوا ومتصير گـلـت هـاذي عقيدتنا
بعيد انشوفه واحنه انگول قريباً تعله رايتنا
أقـره بـصـفـحـة الـتـاريـخ واتـمـعّـن قضيتنا
مـن يـوم الظلع لليوم يجي ويـرفـع ظُلامتنا

ويـسـر الخاطر لـمـن يـرفـع حـسامـه
والـعـاداهـم مـتـفـيـده بـاچـر نـدامـه
ويشوفه الجميع يهتف بالبقيع
=============================
نـداء ايـوجـهـا الـقـائـم إلـى مـن بـاع حـريـتـه
أنه قـاف وأنـه التـكويـن بـيـه الـكـون تـزكيـته
أنـه منـبـع أصـول الديـن وآنـه حُجـتـه وبـيـته
آنه الما رضيتوا بيوم يشيع اعله الخلگ صيته

شـاء الباري اعلـه الوادم إيتمه نوره
والدين بچف الصاحب إيعلي سوره
والخلق المطيع يهتف بالبقيع
=============================
2
#الشاعر_الميرزا_محمد_الساعدي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ



باجر نشيد للحسن
كبه ومنارات وصحن
والمهدي ويانه
........
باجر نشيد للحسن حضره
ما منهه تشهد فاطمه الزهره
يوسع ملايين البشر صحنه
كد كربله لا مو عجب كبره

بيبان صحنه اموزعه
طول الجهات الاربعه
تنضرهه عدوانه


........
باجر شعار الرافضه الهمه
كل الواحد البيهم رفق اسمه
مطوع بتشييد اهم مرقد 
بسم الحسن سلطان كل نعمه

شيب وشباب ابكل فخر
تبني ضريح اعظم بشر
اويه الحجه مولانه


........
باجر مواكب عالدرب ننصب
وكل زاير انكله هلا امن يطب
سهر الليالي للحسن فدوه
منجازي ابو محمد اشما نحسب

خيراته ما تنعد ابد
كد الارض واكثر بعد
كل كرم سلطانه

........
باجر مشينه للحسن ايه
من كربله حد كبره مشايه
مثل اربعين احسينه انزوره
مو قله نطلع نطلع اهوايه

تتعنه مشايه الة
ناس العراق ابأكملة
بطيافه والوانه

.........
عامر مضيف الحسن للزاره
ما يوم سد بابه اعله خطاره
خيراته شبعت عالم الفقره
هاي الحقائق ذكرت اخباره

ادلاله ما يوم انطفت
للجاي والرايح كفت
تشهدله بيبانه
.......
ارض البقيع ابطلعت القائم
تنكلب جنه اتزورهه الوادم
انهار عذبه جاريه بيهه
باجر نشوف وما يضل لايم

ابدولة المهدي العادله
اتصير البقيع امدلله
هذا الخبر جانه

.......

كلمات
✍موسى الخادم
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__البقيع 😭

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴السلام على جنه البقيع🏴
ــــــــــــــــــــــــــــــــــــــــــــــــــــــــ


#ذكرى_تهديم_قبور_أئمة_البقيع ع


شگد عظيمه هالليالي اشگد عظيمه
الهدموا اگبور اهله گدامه هظيمه
ليمته يبقى الصبر
أظهر وقيم النصر يابوصالح
================≈===========
هذا مولاي الدمع قرّح جفونك
بهاي الافعال المسيئه ايعذبونك
بهدم تاريخ النبوه ايعاهدونك
بدفعة الباب وحرگهه يذكرونك

الياوكت تنحب تظل الهالمصايب
من فعلهم تنبري لو تبقى غايب
كلوبنه صارت جمر
أظهر وقيم النصر يابوصالح
================≈===========
دمعة المحروگ لو وگعت عجيبه
تچوي چي من دون الينزلن غريبه
يامصيبه اذكر واعوفن يامصيبه
الگلبه من سوگ الألم صاير نحيبه

چم محرم بالسنه يمرلك يقائم
وانته كل يوميه الك عاشر يسالم
يمته يگرب هالأمر
أظهر وقيم النصر يابوصالح
================≈===========
اسمع الناعي نعه ومدمع يصبه
زينب بغربه وابوصالح بغربه
صعبه ياناس المصيبه والله صعبه
اليفگد الخلان ما يرتاح گلبه

عايش ايظل البقيع ابذكرياته
صورة احزان ومواجع كل حياته
علم يبقى بكل عصر
أظهر وقيم النصر يابوصالح
================≈===========
الحقد من ذيچ السقيفه البربريه
كوّن الشجره الخبيثه الأعوجيه
مايهم تفجير لا همنه أذيه
تبقى صرخات الموالي حيدريه

خل يگطّعني وذر ابن الدعيه
مهدويه للمنيه مهدويه
روحي تبقى بلا عذر
أظهر وقيم النصر يابوصالح
================≈===========
حاربوا كلمن يمد أيده الوئامه
بدعه گالولي وشرك هاي الامامه
المهدي مامولود نكروهه العلامه
لكن انگلهم يرد لينه بسلامه

يرجع ويبني القبور الجعفريه
وياخذ بثار امه وولاد الزچيه
بطلعته ميظل عسر
أظهر وقيم النصر يابوصالح
================≈===========
20/5/2021 الخميس
#الشاعر_الميرزا_محمد_الساعدي

لحن القصيدة ((أضغط هناااا))

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA