اللَّهم في يوم الجمعة، ارحم من ضمه التراب، واشفي من مسه الضر، واغث من أثقله الهم، واجبر اللَّهم من انهكه الوجع.

‏تحت بند اللو..

لو رجع بيا الوقت مرة اخرى في حاجات هلبة ماكنتش حنديرها!

وفيه ناس كنت حنتمنى مانقابلهمش او يصير بينا اي تعامل !

فيه صدفة كنت حنتمنى متصيرش مع البنادم هذا بالذات!

وفي دعوات هلبة كنت ندعي فيها من كُل قلبي مستحيل حنرفع يدي ولا نطيل السجود عليها!

كنت حنفكر بدل المرة ألف قبل كُل خطوة في الاتجاه الغلط

وقبل كل دقيقة نخسرها مع حد مايثمرش فيه

لو ان "اللو" تتغير وترجعنا.

اللَّهم كما أقسمت لغيرنا، أقسم لنا من لِذة الإستجابة بعد الإلحاح، وراحة اليقِين بعد كل دعوة.

فكرة انه القلبّ يبرد ، مش واردة عند اصحاب القلوب الدافئة .

عمرك ماتتوقع أنك تلقى الود القديم زي ما هو لما تطلع من حياة حد وتجرب ترجعله بعد فترة تكلمه أو تسأل عليه !

لأنك مش حتلقى نفس الحنية موجودة ولا نفس الضحكة مرسومة ولا نفس لمعة للعيون لما يشوفك!

مرور الوقت يغير كل شي والبُعد يقسي "زي ما يقولوا ناس زمان" ويفتح العقل على إلي مكانش راضي يستوعبه حني مانقسوش بالساهل بس اللي سيب ورخي بروحه من غير سابق إنذار يعاود يرتب كل حاجة في حياته من أول وجديد لان الشمعة لما تولعها وتختفي عنها حذوب وانت مهناش!

الوقت ما يرجعش مهما حاولنا نخدعوا روحنا ، والحياة حتكمل بـ اللي اختارو يقعدوا معانا ، مش الي خلونا للحسرة، والحيرة والافكار تاكل فينا اللي تسيبه معاش تفكر ترجعله لان حياته ماوقفتش عليك زي ما خليته بروحه قدر يرمم ويعزز الثقة في روحه وما يستنى حد

نصحية اليوم وكل يوم" ماترجعش لبنادم اذيته وعلى اساس تبي تصلح اللي صار" خليك بعيد

عطينا منا يا مولاي عطينا منا
لا تحرمنا صوب جديد وفـيده الحنة🤍

أن يجعَلنا وإيَّاكم من الصالحين الفائِزين الذين عرجت أسمائِهم أبواب السمَاء ‏حُبًّا وبرًّا وصلةً بين فَوج الأدعية وفَيض اليقِين.

صباح الخير

لربما أكون شخصك المفضل.

بعــد شهيق طويل وتنهيدة، بتمنى تزول ..

دثـروني بِالدعاء في ظهر الغيب لعلى أحدكم أقرب مني إلى الله، روحي فَـ امس الحاجة .

أحيانا الرّاحة تأتي من خلف: حسابات خاصة، ودائرة صغيرة، ورفاق محدودين، الحمد لله 🤎.

سامحني يا رب على كل مرة كنت نقول فيها اني راضي بقضائك وانا داخلي ذرة عدم رضا!

وكل مرة بقِلة عقل مني نسحاب انك مش حتحققلي دعوة معينة لانه طول انتظاري، وكل مرة دعيتك بدون يقين ، وكل مرة خليت طريقك بعد ما حققتلي الي اني نبيه!

سامحني على كل اختبار منك ماعرفتش نتجاوزه او ضعفت واني لازم نستقوي بيك ، وكل صلاة صليتها بجسمي بس ، وكل مرة استعنت بغيرك وملجأتلكش

وخليني يارب قادر ننتصر على نفسي، وارزقني تذكُّر الحمد على النعمة قبل ما ترزقني النعمة نفسها ، وارزقني القدرة ع الصبر، و ع النسيان، و ع الكتمان في وقت الضيق، وابعد بفضلك الشر عنّي، وقدّر لي الخير، وشد إيديا تجنبًا بأني بجهلي نفلت يدي

آمين آمين 🤍

ابتسمي
لعلَّ يدي تخجل
وتكتبُ قصيدة .

ابتسمي مرةً أخرى
كأنّكِ توزّعين الحلوى
على الأطفال

تتحدّثين
كأنكِ تُنخِّلين السُكّر
فوق قفصي الصَّدري

يا سُكّر
الطريقة التي تنطقين بها إسمي
كأنّكِ تضيفين عُمرًا جديدًا
فوق عُمري
يا عُمري

تبكين
كأنّكِ تُمسّدين قلبي
بمِشط مُسنّن .

اللَّهم إني أسألك الهدىٰ والتقىٰ والعفاف والغنىٰ، اللَّهم يسرني لليُسرىٰ وجنبني العُسرىٰ، وارزقني طاعتك ما أبقيتَني.

إزرع داخل الجميع شيئاً يخصك، إن لم يكن حباً فليكُن إحتراماً .

أعوذك اللَّهم من الضعف والعجز، واسألك أن لا تكلني إلىٰ نفسي طرفة عين، واغسل داخلي بعافية من لدنك وضمني بِرحمتك بحق الأيام المُباركة يا رحِيم.