🌾 *صيام الست من شوال*

🔊 *ليس شرط* صيام الست من شوال يكون أيام متتابعة

🔊 عادي ممكن نصوم أيام *متفرقة* من شهر شوال

🔊 *يجوز* أن نجمع نية صيام الإثنين والخميس مع نية صيام الست من شوال ✅

🔊 *لا يصح* أن نجمع نية قضاء رمضان مع نية صيام الست من شوال ❌
*#صيام_الدهر* 💙

لو أنت دخلت هايبر ماركت واشتريت حاجات سعرها 3 ألاف جنيه ، ودفعت ثمنها فعلا 💵
وأثناء الدفع عند الكاشير لقيت الهايبر عامل offer انك لو زودت المشتريات وبقت بـ 3600 جنيه ،
يعني هتشتري حاجات سعرها 600 جنيه اضافية
هتاخد بضاعة اضافية مجانية سعرها 31800  جنيه 😇

وانت عارف انه عرض حقيقي ، والهايبر او الشركة اللي عاملة العرض سمعتهم زي الدهب ومش بتوع عروض وهمية
هتعمل إيه في حالة زي كده ؟ ☺️
أعتقد مفيش حد عاقل هيرفض العرض ده مش كده ؟!☺️
..

ولله المثل الأعلى 👌
انت صمت 30 يوم ، فربنا ادالك فرصة عملاقة انك لو صمت كمان 6 ايام ، علشان يبقى مجموع اللي صمته 36 يوم
في الحالة دي هتاخد أجر صيام 318 يوم زيادة فوق ال 36 يوم اللي صمتهم ويبقى المجموع الكلي لأجرك هو 354يوم ( سنة هجرية ) في حين انك ما صمتش غير 36 يوم

🛑 بسرعه الحق العرض 👌👌

🙌🙌طيب ايه رأيك في عرض أكبر كمان...🤗

تاخد اثنين في واحد أو تلاته في واحد كمان..
يعني تنوي نيتين وتاخد ثوابين...
عندك ايام ١٣ و١٤ و١٥ شوال.. الايام البيض..
وعندك ايام الأثنين والخميس من كل أسبوع
دول النبي صلى الله عليه وسلم كان بيصومهم في كل شهر..
انت كده تجمع بين ثوابهم وثواب صيام الايام السته..
والله يضاعف لمن يشاء..🌿🌿🌿

💪💪يالا ياشباب شدوا الهمه..
مش معقول ناس عايزه تمشي في طريق ربنا وتلاقي عرض زي ده ومتسارعش ليه..

👈والصيام من أكبر أدوات تهذيب النفس والاقلاع عن المعاصي والذنوب...

#وسارعوا
#صيام_شوال
#حي_على_الفلاح
#السائرون_الي_الله
منقول

هتعمل إيه بعد رمضان 🍃
بعد ما اتعودت ع الصيام والقيام وصالح الأعمال هتسبيهم وترجع تاني 🙄🙄
لا طبعآ هنشجع بعض علس العبادة وانت عرفت إنك تقدر تتغير في يوم وليله

📜 ده برنامج طاعة بسيط بس في الأجر عظيم عش عليه طوال حياتك..

💡 أكثر ما يسعد الإنسان في حياته الدنيا وأيضا في أخرته هو رضا رب العالمين عليه لذلك اقترح عليكم برنامجا يوميا لكي تدوم الصلة الطيبة بينكم وبين الله سبحانه وتعالى .

-1 صلاة جميع الفروض في وقتها (خاصة الفجر) مهما كان ما يشغلك ويفضل في المسجد (والمرأة في بيتها ) وإذا لا تستطيع فتكون في جماعة مع من في البيت ,ولا تنس الأذكار عقب كل صلاة كما حاول الجلوس بعد الصلاة و اسأل نفسك كم كانت نسبة الخشوع في هذه الصلاة)..

-2 المحافظة على السنن الرواتب وعددها : 12 ركعة..
(2)قبل الفجر.. (4)قبل الظهر و(2)بعده.. (2)بعد المغرب.. (2)بعد العشاء.
📢 "فالمحافظة عليها كل يوم ببيت في الجنة"

-3 المحافظة على قيام الليل ولو اربع ركعات بعد صلاة العشاء وركعة وتر، وايضا المحافظة علي سنة الضحى (واقلها ركعتان).
📢 "والمحافظة علي قيام الليل شرف للمؤمن وشفاء من الأمراض وصلاة الضحي تكتب من الأوابين "

-4 اجعل لك وردا ثابتا من القران الكريم لو مثلا نصف جزء يومياً وان استطعت أن تجعل له وقتا ثابتا كل يوم يكون ذلك أفضل (ويفضل من مصحف فيه تفسير مختصر).
📢 "الصفحة بها حوالي 4500 حسنة والله يضاعف لمن يشاء"

-5-المواظبة علي صيام. الإثنين والخميس وثلاثة الايام البيض 13و14و15 من كل شهر عربي كما كان يفعل النبي صلى الله عليه وسلم، "ف الإثنين والخميس يومين تعرض فيهم الأعمال إلى الله تعالى وصيام الثلاث ايام البيض من كل شهر مع صيام رمضان كيصام العام كله "

-6- المواظبة على أذكار الصباح والمساء ,وأذكار النوم، ففيها من الخير الكثير، وليكن عندك كتيبا صغيرا فيه أدعية الرسول (صلى الله عليه وسلم) مثل*حصن المسلم*ففيه كل شؤون الحياة (كدخول المنزل والخروج منه..وهكذا)
📢 " والمحافظة عليها بفضل الله حصن من الشيطان والحقد والخسد والجن"

-7- الإكثار من ذكر الله على كل حال مثل (سبحان الله .. الحمد لله.. الله أكبر.. والاستغفار،سبحان الله وبحمده)،"
📢 حافظ علي ذكر الله دائما ليطمئن قلبك ويغفر ذنبك "

👈 وأيضاً الصدقة اجعل لنفسك صندوق او حصاله وضع فيه يومياً جنية فقط، وبعد فترة تفتح الصندوق وتتصدق بكل ما فيه اما لليتامي او لمن يحتاج..

8-افتح حوار مع والديك بحب وحنان وسمع وأنصت لكلامها وعدم رفع الصوت عليهما من باب برالوالدين قبل ايديهم.

9- افعل الخير دائما ولا تنتظر الجزاء من الناس ولكن انتظريه من رب العالمين فهو أكرم الاكرمين وما عنده خير و أبقى.

10- أنصحك بخلوة مع النفس لمدة 10 دقائق وتسأل نفسك مثلا:(راضي عن نفسك أم غير راضي...,ماذا فعلت... وماذا أنجزت...)تكون في كل أسبوع مرة, ثم كل3 أيام, ثم كل يوم .

11- (5 ) دقائق للتأمل في مخلوقات الله, أولا من نفسك مثلا: كيف يخرج الصوت من هذه الحنجرة. ثم فيما حولك السماوات والأرض و...

12- ( 1/2) ساعة سماع شيء مفيد أو قراءة كتاب أو قراءة شيء مفيد على النت. (ويفضل إذا مررت على قصة في القران أن تقرء عنها مثلا).

13- لاحظ نفسك : مثلا: *هل ارتديت ملابس باليمين...*هل سميت الله في الأكل وعلي كل شي *هل قلت دعاء الخروج ودعاء الدخول.....*هل ابتسمت في وجه من رأيته ودعوت له في ظهر الغيب( لكي تقول الملائكة ولك مثله)..*هل ..

14- هل وضعت خزانة أو رف عند الله ، وذلك بأن تتخيل أن كل عمل قمت به و فيه إخلاص وضعته عند الله في الخزانة.

15- فتح خط مباشر مع الله أن ترسل له رسالة فيها مثلا : مناجاة.. ودعاء.. وسؤال.. وحوار..

16- ماذا كانت النية ؟؟
في عملي...ودراستي ...وأكلي أو أي نشاط أقوم به؟((هل كان لوجه الله))؟..تقول لنفسك : المساعدة في البيت بنية النظافة من الأيمان...ومساعدة الوالدين بنية بر الوالدين ... وأنت تدرس.. لكي أكون أنسان ناجح في ديني و دنياى .. وأنت تأكل... لتقوية جسمي لقيام بطاعة الله.

17-تخصيص مذكرة صغيرة تكتب فيها ملخص لإيجابياتك و سلبياتك في ذلك اليوم، نسبة الإنجاز من العمل في ذلك اليوم.

18- هل زرت بيت خالتك عمتك أختك اخاك أقاربك أين صلة الرحم منك لو بهاتف أو رسالة وزع ولك الأجر..

📢 هكذا ستجد حياتك بين طاعة وطاعة صلاة وذكر وقرآن.. والله لن تجد أجمل من هذة حياة فإجمل حياة هي في طاعة الله..
جزاكم الله خير 🌹
➖➖➖➖➖

🌟بطل بعد رمضان 🌟

📢 الحلقة الثانية..

زي ما تكلمنا عن البطل الحقيقي بعد رمضان نكمل كلامنا عن أهم القرارت اللي لازم تعملها بعد رمضان..

✋وأخطر قرار عايزين ناخده ولازم ناخده بعد رمضان ؛ مش قرار أوراد العبادة هتزيد قد إيه في حياتك ، رغم إن العبادة مهمة جداً ولابد نحدد لها أوراد ، ولكن أخطر حاجة يا شباب عايزين نخرج بيها هي حاجة جواك ..

👈 اللي جواك اتغير ولا لأ ؟؟؟!!
إنت وجهتك بقت طريق الآخرة ولا لأ ؟؟؟!!!

إنت هتتغير من بره وهتبقى عابد بجد لله رب العالمين ، بس لما تتغيّر الأول من جوه وتفهم عظمة قضية علاقتك بالله .. بعد كده حياتك كلها هتبقى لله .. بعد كده العبادة هتلاقيها جت لوحدها بفضل الله ..

🌟يعني عايزين نقول إن العبادة ثمرة من ثمرات رمضان الكتيرة جداً
ولكن الثمرة العظمى لرمضان هى تعديل مسار حياتك ..
تعديل وجهتك في الحياة، تصحيح خط سيرك في الحياة ،
إنك تعرف رسالتك في الحياة إيه ؟ إنت عاوز إيه من الدنيا دي ؟

🌟*إنتم عارفين وجهتكم إيه يا شباب؟ محددين بقى لينا وجهة بعد رمضان ولا لأ ؟ هل بقى لنا هدف ؟ بقى لنا قضية ؟ بقى لنا حلم بننام بالليل نحلم إن إحنا نحققه بعد رمضان في طاعة الله سبحانه وتعالى ولا لأ ؟

👈* اسأل نفسك إنت عايش ليه فى الدنيا ؟؟!
👈* لازم تعرف الطريق الصح اللي هتمشي فيه.. تعرف راسك من رجليك .. تعرف نهايتك فين ؟ تعرف طريقك منين ؟ تعرف إنت مع مين ؟
لازم تكون مع المؤمنين فى الدنيا علشان تكون معاهم الآخرة .. تبقى مؤمن فى داخلك وفى ظاهرك .. تعرف كويس حقيقة الدين ..

لازم تعرف يعنى إيه دين ؟ ، يعنى إيه رب ؟ ، يعنى إيه إله ؟ يعنى إيه عبادة لله ؟ تفهم القرآن بيتكلم عن إيه؟ونزل ليه؟تعرف إيه الرسالة المطلوب منك تفهمها منه؟

🌟خلاصة الأمر هي إنك تبقى عايش لهدف وغاية
إنك تسعى وتجتهد فى حياتك حتى فى أحلك الظروف ..!
حتى لو كانت الدنيا كلها ضدك ..!!
حتى لو كل شئ قدامك بيقولك مش هينفع أو مستحيل ..!!

🌟شوف إنت عاوز إيه واسعى له بكل ما فيك .. و إعرف إن مفيش مستحيل مادام بتحاول مرة واثنين ومليون .. كل شئ بييجى بالإصرار وبالمحاولة والتكرار .. وقبل ده كله طبعاً بتوفيق ربنا وعونه ..
ميلاد جديد !

🌻 إنت إنسان جديد بعد رمضان .. اتولدت من جديد بعد رمضان ..
خرجت للنور وللحياة من الظلام اللي كنت فيه قبل رمضان ..
👈ياللا إبدأ عيش الدين بقى .. عيش المشاعر اللي الصحابة عاشوها ..

🌻عيشوا يا شباب المعاني اللي سكنت قلوب الصحابة، عيشوا جنــــة الديـن، جنـــة الدنيا بالدين ! الدين مش المعاني الباهتة اللي في قلوبنا !!

🔅الدين الحقيقي هو اللي هتلاقيه في القرآن لما تقوم بين إيدين ربنا بالليل ..
🔅الدين هتلاقيه لما تقرأ كل كلمة من كلام الملِك اللي نازلة من فوق سبع سماوات علشان إحنا نطلع سبع سماوات في مشاعرنا، وإيمانياتنا، وتصوراتنا، ومفاهيمنا..
👈عايزين نعيش دين .. دين حقيقي بعد رمضان ..
صلة حقيقية بالله بعد رمضان ..
👌عايزك تخرج من رمضان بطل .. ولكن مُنكسِر لله تعالي ..

إوعى تتغر أو تُعجب بطاعتك مهما كانت .. المفروض الطاعة لا تزيدك إلا انكسار وذل لله ..المفروض كل ما تقرب من ربك وتعرفه أكتر ، تزيد افتقار وتواضع له ..

👌 عايزك تخرج من رمضان وإنت عبد لله ..
* تبدأ تحقق معنى العبودية .. عبودية لـ ربنا = حياتى كلها لله ..
* يعني أحلامي وتصوراتي وآمالي لله ..
* فى كل خطوة بمشيها و أى عمل بعمله ، بفكر قبله هل ده يرضى ربنا ولا لأ ؟؟؟

* عبودية يعنى توجيه القلب والروح لرب الكون وبس ..
يعنى أسجد وأحط راسى فى الارض وأنا عارف إن مليش حد هينفعنى إلا الله ،
هو بس اللى يملك حياتى ورزقى وكل أمنياتى ..

* عبودية يعنى إنك تراقب الله تعالي فى كل تصرفاتك , وتخلّي حب ربنا وخوفك منه حاضر في قلبك عند أى عمل أو نظرة أو كلمة أو نيّة فى كل وقت وفى كل مكان ..

أسبوع واحد !
🌟 خد بالك إن الشيطان طالع من رمضان بعد ما كان متسلسل عايز يضيَّع كل اللي عملناه في رمضان .. عايز يدمّرك نفسياً ويحبطك لأقصى درجة ممكنة ..!! الشيطان عايز يثبتلك إنك ضعيف ومعندكش إرادة ، علشان تيأس وتنتكس !! إوعى تشمّت الشيطان فيك !!!

📌أول أسبوع حاول تمسك نفسك عن المعصية بشدّة .. عاوزك تجمد كده وتكون قوي قدام نفسك وتقولها لأ في أول أسبوع بعد رمضان .. لو مسكت نفسك أول أسبوع ، هتحس بفرق كبير جداً .. هتاخد ثقة جامدة وهتقول " أنا أقدر أكمل بجد بعون الله " ..

👌إنت خارج من رمضان صفحة بيضاء ..
📌إوعي تشخبط فيها تاني ! إوعي تفسد فيها تاني !👈إوعي ترجع لمعاصي قبل رمضان تاني !!

🌼🌼🌼🌼🌼
#بطل_بعد_رمضان
#حياتي_دعوة

🔊 ( إِنَّ ٱللَّهَ وَمَلَٰٓئِكَتَهُۥ يُصَلُّونَ عَلَى ٱلنَّبِىِّ ۚ يَٰٓأَيُّهَا ٱلَّذِينَ ءَامَنُواْ *صَلُّواْ عَلَيْهِ* وَسَلِّمُواْ تَسْلِيمًا )💙

في صلاة الضحى، يتأمل المؤمن نِعم الله العظيمة عليه، ويشكره عليها
. و يعبِّر عن شكره وامتنانه بالسجود والركوع.

﴿ لئِنْ شَكرتُم لأزيدنّكمْ ͏﴾

وأخيييراً  _ إعلان دورة السيرة النبوية للمهندس علاء حامد 😍
يلا بينا ... كله يشارك يا شباب ويا بنات .. الدورة مجانية 💟
عايزين العالم كله يسمع عن الدورة ويشارك فيها 💪
أكيد كل من كان معنا في المستوى الأول هيملأ الاستمارة الجديدة لنبدأ الاستمتاع بدراسة المستوى الثاني من سيرة النبي صلى الله عليه و سلم
ولو أنت لم تشارك في المستوى الأول مفيش مشكلة .. شارك في المستوى الثاني لأنه مستوى مستقل له محاضرات وامتحان وشهادة مستقلة
- السيرة معانا لها شكل مختلف .. والمستوى الثاني أقوى من المستوى الأول
- ستبدأ معنا في العهد المدني والغزوات وما أدراك ما الغزوات 💪
- صدقني السيرة معنا لن تكون مجرد قصة أو سرد تاريخي بل ستكون نقلة نوعية في حياتك ونقطة تغيير كبيرة
- السيرة معنا تعني منهج حياة وطريق التزام وعلاج مشكلات ورد شبهات
- السيرة تعني حب الصحابة والنبي صلى الله عليه وسلم وحسن التأسي بهذا الجيل الفريد
- كل ما أستطيع أن أنصحك به ... لا تفوت هذه الدورة فمن فوت الدورة الماضية ندم
سارع بالاشتـراك .. فقط املأ هذه الاستمارة👇🏻

https://forms.gle/qXq6WESAGgiDp1md7
.ـ.•┈┈┈┈┈●✵۞✵●┈┈┈┈┈┈•.ـ.
🔷  عند وجود مشكلة في التسجيل برجـاء التـواصل مع البوت أو الأرقام التالية👇🏼
🚫 تنبيه التواصل مع الأرقام عبر الوتساب فقط وممنوع الإتصالات
http://hottg.com/Eng_Alaa_Hamed_Bot

👥  رجال:📲
01016272563
🧕 نساء:📲
01552988596

http://hottg.com/Alaa_Hamed1

- وحرصا على مساعدتك في الحصول على كتاب السيرة ( هذا الحبيب ) فهذا رابط لشراء الكتاب من دار المعالي مع تخفيض بمناسبة العيد
https://bit.ly/3RfouFl

- ولمن يريد شراء مزيد من الكتب مع كتاب السيرة مثل كتاب أنوار الكهف أو علمني رسول الله أو الفقه الميسر فهذا رابط لجميع عروض الشراء مع تخفيض العيد المميز
bit.ly/4979vUW

- و يمكن التواصل مع الدار عن طريق الواتس للمزيد من التفاصيل أو لزيادة كتب أخرى أو لمعرفة كيفية التوصيل خارج مصر عن طريق الأرقام الآتية ( واتس فقط )
01285302935
01121318626

- وفي النهاية عايزك تسمع الفيديو كويس وتشاركنا في أجر الدعوة .. يعني مهم قوي تعمل شير للإعلان ومنشن لكل من تحب لهم دخول الدورة دي معانا .. كم من شخص كانت بداية قصته معانا منشن من حد بيحبه ... يلا بينا لا تبخل بنشر الخير 💟💟
وأبشروا بعمل صدقات جارية كمان للمشتركين
لو اشتركت اكتب ( تم )

#في_رحاب_آية

"إِنَّمَا أَشْكُو بَثِّي وَحُزْنِي إِلَى اللَّهِ "

لا تتوقف عن التحدث مع #الله أبداً
أخبره عن آلامك وأحزانك ..

اخبره عما ترغب به في كل لحظة

وليكن صوت يقينك
أعلى من صوت #لسانك.

"إِنَّمَا أَشْكُو بَثِّي وَحُزْنِي إِلَى اللَّهِ "

🌟🥇 بطل بعد رمضان 🥇🌟

✳️الحلقة الخامسة ✳️

👈أخطر مرض !

👌 إحنا عايزين يا شباب بعد رمضان نحط النقط على الحروف ..
محتاجين نعرف إحنا فين من نموذج الالتزام السليم **
👈وعلشان تعرف إنت فين بالظبط ..
قارن كده بين جهدك في إصلاح دنيتك و جهدك لإصلاح دينك**
قارن وشوف ؛ هتلاقي إن الموازين مختلّة تماماً في حياتنا !!!

🔅 لو صاحي متأخر على الإمتحان خمس دقائق ، البيت يتقلب !!
👈 إنما لو صاحي متأخر عن الصلاة ساعة ، و لا كأن حاجة حصلت !!
الجهد اللى بيتبذل في الثانوية العامة لو اتبذل في الدين كنا هنبقى من أولياء الله المقربين !!

✋ مينفعش تبقى دي أحوال قلوبنا إطلاقاً !!!!
لازم نعالج أمراض قلوبنا ..
نعالج أخطر مرض سكن قلوبنا .. حُب الدنيا ونسيان الآخرة !
👈 إحنا للأسف أهملنا الآخرة خااااالص وركنـّاها على جنب ..!!!

👈 للأسف مابقاش عندنا أي تعظيم حقيقى للدار الآخرة !! مش عارفين يعني إيه موت وقبر وحساب وميزان وصراط وجنة ونار !! إحنا آه عارفينهم بس أسماء وبس! إنما مش عايشين معاهم ، مش حاسينهم بقلوبنا ، مش مقدرين خطورة الموضوع!!

*✋ليه يا شباب مش عايزين نقدّر خطورة اليوم الآخر؟؟!!

😞 تفتكر هتعيش كام سنة ؟؟ 70,60,50 سنة ؟؟ الدار الآخرة يوم واحد بس منها بـ 50000 سنة !!! طيب طالما الموضوع بالشكل ده ، إزاي نستهتر بالآخرة للدرجة الفظيعة دي ؟؟!! إزاي نستهتر بالقبر والحساب والجنة والنار ؟؟؟!!

👈 عايز تعرف يعني إيه قبر ؟؟ شوف حديث النبي صلى الله عليه وسلم وهو بيقول :
( إن هذه الأمة تـُبْتلى في قبورها، فلولا أن لا تدافنوا ؛ لدَعَوُتُ الله أن يُسمِعكم من عذاب القبر الذي أسمع منه ) رواه مسلم

👈النبي صلى الله عليه وسلم كان نفسه نسمع اللي بيحصل تحت التراب علشان اللي هيعمل المعصية يسمع عذابها قبل ما يعملها فلا يجرؤ عليها ولا يستطيع أي إنسان إنه يُقدم علي أي معصية لله !!
👈 عايز تعرف يعني إيه جهنم ؟؟ شوف حديث النبي * وهو بيقول :
( نَارُكم هذِه ما يُوقدُ بنُو آدمَ جُزْءٌ واحدٌ من سبعين جزءاً من نار جهنَّم ) متفق عليه

👈روح أقرب مستشفي وأدخل "قسم الحروق" ووالله العظيم هتشوف مناظر هتخليك تفكّر ألف مرة قبل ما تعمل أي معصية !!
* ادخل وشوف بنفسك لما نار الدنيا اللي هي جزء من سبعين جزء من نار الآخرة ، لمست جسم بني آدم دقيقة واحد عملت فيه إيه ؟؟؟
شوف وفكّر يا ترى هل حد ممكن يستحمل دقيقة مش ساعة ولا يوم في جهنم ؟؟!!

👌 عايز تعرف يعني إيه الجنة ؟؟ شوف حديث النبي * وهو بيقول :
(موضع سوط أحدكم في الجنة خير من الدنيا وما فيها) رواه البخاري
روح أي مكان جميل ، ومن غير ما تاكل ولا تشرب ولا تتمتع بأي متعة حتى ، شوف بس راحتك النفسية فيه عاملة إزاي ؟
👈شوف وفكّر سعادتك وراحتك ومُتعتك هتكون قد إيه ، لما تعرف إن متر واحد في الجنة أحسن وأجمل وأروع من الدنيا كلها وما فيها !
شوف شوقك للطاعة اللي هتكون سبب في ارتقاءك في درجات الجنة هيكون قد إيه ؟!
وبعد ما تتأمل وتتفكّر ، ياترى ممكن تبيعها علشان شهوة أياً كانت لذتها ؟؟!!
👈 لما معاني الدار الآخرة دي تدخل قلبك هتلاقي قلبك بيتحرر من قيود الدنيا
وبيسمو وبيرتفع بفكره وطموحاته ..هتلاقي حياة القلب الحقيقية ..

👌 لما معاني الدار الآخرة دي تدخل قلبك ..
هتلاقي نفسك بتحتقر أسباب الانشغال بالدنيا , وتهون عليك كل أمورها ,
هتلاقي الغفلة بدأت تزول ، وهتلاقيك بتطرد الدنيا شرّ طردة من قلبك ،
وتبدأ بقى تعيش مع الدار الآخرة بقلبك وتسعى لها بكل وسعك ..

👈رمضان بداية وليس نهاية ! نكمل الحلقة القادمة بمشيئة الله..

*🌼 خلي حياتك كلها رمضان تلاقي آخرتك عيد 🌼*

🔆🔆🔆🔆
#بطل_بعد_رمضان

ركعاتٌ يسيرة، ودعواتٌ صادقة من قلبك في حُلكةِ هذا اللِّيل ، هي زادُ قوّتك وثباتك وطُمأنينة يومك..
فِرَّ من ضيقكَ إلىٰ سعةِ الله.

•
طوبى لمن وُجد في صحيفتِه استغفاراً كثيراً.. استغفر الله العظيم وأتوبُ إليه
•
🍃🌻🌸•┈┈• ❀ 🌴 ❀ •┈┈•🌸🌻🍃

•
⁉️- هل توقظون أولادكم لصلاة الفجر ؟!

- سألت امرأة أحد الصالحين : يا شيخنا ، أولادي نومهم ثقيل ، وأعجز على أن أوقظهم لصلاة الفجر ، فما الحل

= قال لها : لو احترق البيت وشبَّت ناراً ، فماذا أنتِ فاعلة؟!
- فقالت : سأوقظهم

- قال : ولكن نومهم ثقيل
= قالت : واللهِ لأوقظنَّهم ولو بسحبهم مِن رقابهم

- فقال : هذا فِعلك معهم لإنقاذهم من نار الدنيا .. فافعلي ذلك لإنقاذهم من نار الآخرة
•
🍃🌻🌸•┈┈• ❀ 🌴 ❀ •┈┈•🌸🌻🍃

🌟🥇 بطل بعد رمضان 🥇🌟

✳️الحلقة السادسة ✳️

💌نكمل كلامنا عن البطل الحقيقي بعد رمضان...💌

رمضان بداية وليس نهاية !

👌 الوقفة الجدية التانية اللي لازم نقفها مع نفسنا بعد رمضان يا شباب .. هتسأل فيها نفسك وهتسألي فيها نفسك :

💪ماذا بعد رمضان؟ هتعمل إيه بعد رمضان؟!

▫️ لازم نعرف يا شباب إن رمضان بداية وليس نهاية .. يعني مش خلاص صُمنا وصلينا ، سلام عليكم بقى , و نتقابل رمضان الجاي ان شاء الله ..!!!
▫️رمضان يا جماعة شحنة وعزيمة للانطلاق في علاقتك بالله * ..

👈 يا ترى خرجت بإيه من رمضان ؟؟؟!!
إيه العمل الُمميز اللي إنت خرجت بيه من رمضان ؟؟؟

👈أنا عايزك تخرج من كل موسم بعمل واحد تثبت عليه في حياتك!

▫️ أخرج من كل درس بعمل واحد بس تثبت عليه في حياتك،
هتلاقيك بعدها بسنتين ثلاثة بقيت خلاص من أولياء الله الصالحين !!
👈ركـّـــــــــز يا حبيـــــب قلبي ، واطلــع السلّـــــــم سلّمه سلّمه ..
خد الطريق خطـــوة خطـــوة ..
👈ولكن اعرف إيه العبادة اللي إنت خرجت بيها ؟؟؟!
إيه العمل اللي إنت خرجت بيه ؟

✋إوعى تقف أو تتعطل .. متوقّفش بعد رمضان .. كمّل طريقك إلي الله سبحانه وتعالي .. كمّل لأن النبي صلى الله عليه وسلم قال :
(من صام رمضان ثم أتبعه سِتًّا من شوّال كان كصيام الدهر ) رواه مسلم
👈يعني إيه أتبعه ؟؟ يعني عبادة ورا عبادة .. يعني أوصِل صيام في صيام , اُوصِل قيام في قيام .. يعني شد حيلك واستعن بالله ولا تعجز ..

👈وإحنا في قرارات ما بعد رمضان .. هنحاول نركز على حاجات بسيطة نثبت عليها في 8 عبادات بإذن الله :

🌼 قراءة القرآن :
🔅 قراءة ورد يومي من القرآن .. ولو صفحة واحدة تواظب عليها .. المهم يكون لك ورد يومي ثابت ..
👌 وأهم حاجة في ورد القرآن مش كمّيته زي ما قولنا قبل كده، ولكن أهم حاجة إنك تكرر كل آيات الجنة والنار والدار الآخرة ، تكرر كل آيات عظمة الله ، وقدرة الله ، وجلال الله اللي هتقرأها .. وبالتالي نقدر نشحن قلوبنا إيمانياً من قراءة القرأن ..

👈 بالإضافة لمقدار حفظ قرأن أسبوعي أو يومي .. كل واحد على حسب ظروفه .. بس أهم حاجة تكون محدد هتحفظ قد إيه ؟؟وهتحفظ مع مين ؟؟
👌حفظ القرأن من الحاجات اللي هتقربنا من الله وتثبتنا في طريق الدين وتعلينا.. حفظ القرآن هو البداية الصح ..

🌼الصلاة :
الصلاة في جماعة في المسجد ، وبالنسبة للنساء الصلاة في أول وقتها ..
عايزين التلبية الفورية للأذان ، يعني أقطع كل حاجة بعملها وأستجيب لنداء الله * .. مش عايزين أي حاجة مهما كانت تعطلنا أو تأخرنا عن الصلاة ..
مع أداء السنن الرواتب بانتظام .. سنن الرواتب 12 ركعة في اليوم ..

🌼 قيام الليل :
👌تحديد وقت لقيام الليل .. تكون محدد وقت تصلّي فيه وتلزم نفسك به .. ممكن بعد العشاء .. ممكن قبل ما تنام .. ممكن تظبط منبه وتصحى في ثلث الليل الأخير .. كل واحد وظروفه ..

👌قيام الليل بقدر ما تستطيعه, علي حسب قدرتك.. ممكن تبدأ بـ 5 ركعات .. 2 خفاف جداً و2 طوال وتختم بركعة وتر ..
👈ولو مفيش مجهود ومش قادر تصلّي ، يبقى أقل حاجة هي ركعة وتر متسيبهاش أبداً مهما كنت تعبان أو نايم متأخر ..!

🌼الصدقة :
*تحاول تحافظ على صدقة ولو بجنيه .. ولو بأقل القليل ..

🌼الصيام :
* صيام اثنين وخميس من كل أسبوع .. ولو قدرت يبقى معاهم صيام الأيام البيض 13 و14 و15 من كل شهر هجري ..

🌼الذكر :
*حافظ على أذكار الصباح والمساء،وحاول تعوّد لسانك على الذكر في كل أحوالك.

🌼الدعاء :
👈 كل يوم لابد لك من وقت مخصص للدعاء فقط .. ولو 10 دقايق ..
✋ ولازم تواظِب على الـ 3 أدعية دول ومتنساهمش أبداً :
(اللهم أعني على ذكرك وشكرك وحسن عبادتك) ..
(اللهم إني أسألك الثبات في الأمر والعزيمة على الرشد) ...
(اللهم يا مقلِّب القلوب ثبِّت قلب على دينك) ...

💚👌I شحن القلب :
👈 لاااااااااااااازم يكون فيه سماع لدرس إيماني .. سواء هتسمعه على الموبايل أو هتحضره في المسجد ..
👈 الدرس ده هو حقن الفيتامين النوراني في القلوب ..
🌻اسمع ولو مقطع صغير مؤثر .. الشحن اليومى و لو بأقل القليل هيساعدنا فعلاً وهيفرق بجد مع قلوبنا ..
🌻 عايزين نكون واثقين إن كل كلمة عن ربنا وكل رسالة دعوية بنسمعها بتسيب جوانا أثر ..
🌻 عايزين نتيقّن إن إحنا محتاجين دايماً لرسائل وعظ توقظ قلوبنا .. محتاجين حد يذكرنا بالله .. فمش عايزين نفرط في شحن قلوبنا يومياً ..

🌼🌼🌼

*فكرة إنك تسيب المعصية بالتدريج دي حاجة غلط جدًا!*

ترك المعصية محتاج قرار فاصل وتنفيذ فوري.

*التدرج ده ممكن يكون في الطاعات والعبادات؛ لكن مش في ترك المعاصي.*

📌 اقفل الباب اللي بينك وبين المعصية تمامًا؛ لأنك لو سيبته موارب ممكن في أي لحظة ضعف أو ابتلاء ترجع أكتر من الأول للأسف 👎

*الحل هو ورد العبادة + الأخوة الإيمانية بيننا وبين بعض*

لازم نعايش أسماء الله ونستشعر قربه منا ومعيته سبحانه وتعالى لنا.

*اعتصموا بكتاب الله فهو حبل الله المتين.*

اللي بيتصل بالقرآن حياته كلها بتتغير وبتتملى معاني إيمانية.

*وكمان لازم نتحصن من الشياطين بالأذكار الشرعية ونعود لساننا على الذكر.*

هو ده الطريق الصح؛ فاستعن بالله وإياك والرجوع!

🌟🥇 بطل بعد رمضان 🥇🌟

✳️ الحلقة السابعة ✳️

📌 توصيات عملية لكل بطل بعد رمضان 👌

👌وهختم ببعض النصائح لعلها تساعدنا بإذن الله على الاستمرار والثبات في طريقنا إلى الله تعالى :

🌟 أولاً : سلاحك الأقوى والأول والأخير في وجه الشهوات والفتن هو :
إنك تجرى على باب ربنا وتقول يااااااااااااارب ..
🌻تقول يارب اعصمنى .. نجّيني يا رب .. ثبتني يارب ..استغيث بالله.. اطلب الثبات من الله .. إذا كان رسول الله صلى الله عليه وسلم احتاج إن ربنا يثبته, يبقى إحنا محتاجين لربنا قد إيه علشان نثبت ؟؟!

👈إذا كان رمز الثبات في الأمة, أعظم جبل ثبات في الأمة , ربنا * قال له :
{ وَلَوْلا أَنْ ثَبَّتْنَاكَ لَقَدْ كِدْتَ تَرْكَنُ} الإسراء:74
أمال إحنا لو ربنا مش هيثبتنا هنعمل إيه ؟؟ هيحصلنا إيه ؟؟؟!!😞
👈لازم يا شباب نستعين بالله , ونسأل الله الثبات .. لازم نتيقن إنه مفيش ثبات إلا بالله سبحانه وتعالى ..

🌟 ثانياً : حاول تعمل جدول يومي لحياتك زي ما عملنا في رمضان ..
تكون عارف إنت هتعمل إيه بالظبط ؛ بحيث تشغل وقتك وتبعد عن التفكير في أي معصية .. خلّيك دايماً فاكر (نفسك إن لم تشغلها بالحق ، شغلتك بالباطل) !

🌟ثالثاً : إبدأ بالقليل .. وواظِب عليه ..
👌حافظ علي طاعتك حتي لو كانت بسيطة ، وبعدين ارتقي بالتدريج لحد ما توصل لهدفك ..👈 خلّي شعارك قول النبي صلى الله عليه وسلم : (أحب الأعمال إلى الله أدومها ؛ وإن قلّ) ..يعني مش مهم الكمّ قد إيه .. أهم حاجة المداومة والاستمرار ..

🌟رابعاً : نـــــــــــــــــــــــــوِّع طاعاتك ..
نوّع طاعاتك وعباداتك بين الّلسانية (قرآن .. استغفار.. صلاة على الحبيب) ..
والفعلية (صدقة .. إحسان إلى جار أو مسكين .. عيادة مريض ) ..
والقلبية (رضا .. صبر .. عفو .. حسن ظن .. يقين ) ..
🔅 نوّع علشان متملّش وتزهق .. وعلشان العبادة متبقاش روتين في حياتك وبعد شوية تزهد فيها وتسيبها !

🌟خامساً : إوعي توقف العبادات في حياتك بسب أي ظروف مهما كانت ..
✋ إوعى تقف حتى لو داخل امتحانات ، حتى لو مطحون شغل !!
👌 لازم استمرارية يا حبيب قلبي .. ويوم ما الدنيا تضيق عليك ، خلّي ساعة واحدة في يومك عبادة لربنا سبحانه وتعالي .. ساعة بس هتبقي مليانة بركة طالما هتستقطعها لله .. أهم حاجة الصدق ..

🌟 سادساً : بلاش نعمل في عقولنا تصورات مثالية للدين !!!
👈بلاش نعمل تصورات مثالية عن اللي مطلوب مننا وبعد كده نعقّد نفسنا ، فنقعد محبطين ومنعملش أي حاجة !!
🔅 متتخيلش إن اللي مطلوب منك إنك ليل نهار تكون صايم قايم وماسك المصحف وبتصلي وقلبك خاشع وعينك مبتبطلش بكاء وشغال في الدعوة !! واللي ميعرفش يعمل كده خلاص يحس بالتقصير ويُحبط وينهار !! اللي ميعرفش يواظب على كده يفشل ويتحطم نفسياَ !!

🔅 الإلتزام مش كده يا جماعة ..الالتزام أبسط من كده بكتييير ..!
👈فيه حاجة اسمها الصورة الذهنية العلمية للالتزام .. يعني الإلتزام له درجات وله مراحل .. الإلتزام قصة تعب ومجاهدة واستمرار علشان توصل لربنا ..
👌 فأستعن بالله .. أصدق مع الله .. أبدأ .. جاهد نفسك .. تدرج .. اتعب .. أستمر .. وبلاش حد يتعلق بصورة مثالية في الحياة ..

🌟 سابعاً : اللى عايز يوصل لربنا لازم يتقبل الوقعات ..
👌 يعني لازم يتقبل إن هو يقع .. أصل يا حبيب قلبي إحنا مش ملايكة ..!
👈 كلنا بشر .. كلنا أصحاب ذنوب ومعاصي ، ومفيش حد فينا معصوم إطلاقاً ..
👈 كلنا بنغلط .. بس فرق المؤمن عن أي حد تاني ، إنه أول ما بيغلط بيتوب ويرجع لربه وهو كله يقين إنه هيتوب عليه ويقبله ..
🌻يعني الفرق بين الملتزم والعاصي مش إن الملتزم ما بيعصيش والعاصي بيعصي،
ده اعتقاد خاطئ تماااااااااااااااااااااااااااااااااماً ...!!

🔅 الفرق إن الملتزم لما بيعصي بيقوم ويتوب في وقتها .. إنما العاصي لما بيعصي بيستمر وبيكمل ..
🔅 الفرق إن الملتزم بيجاهد إنه يتخلص من المعصية ويدوّر على نقط ضعفه ويحاول يتغلب عليها .. إنما العاصي مش فارقة معاه يكمّل معصية أو ما يكمّلش معصية ،عادي جداً ..
🔅الفرق إن الملتزم مرعوب إنه يموت على معصية ويقابل ربنا بالمعاصي من غير ما يتوب منها ويبطلها .. إنما العاصي بيكون غافل عن نتيجة ذنوبه والعياذ بالله !!

👌شوف حديث رسول الله صلى الله عليه وسلم :
( مَا مِنْ عَبْدٍ مُؤْمِنٍ إِلا وَلَهُ ذَنْبٌ يَعْتادُهُ الْفَيْنَةَ بَعْدَ الْفَيْنَةِ ،أَوْ ذَنْبٌ هُوَ مُقِيمٌ عَلَيْهِ ، لا يُفَارِقُهُ حَتَّى يُفَارِِقَ الدنيا ، إِنَّ الْمُؤْمِنَ خُلِقَ مُفْتَنًا تَوَّابًا نَسِيًّا ، إِذَا ذُكِّرَ ذَكَرَ ) صححه الألباني
👈 مُفتنًا يعني بيتفتن وبيذنب وبيقع .. توابًا يعني بيقوم تاني بعد كل مرة ..
👈بس مش معنى كده إننا نتهاون ونقول خلاص نعصي بقى وبعدين نتوب ..!! لأ طبعاً .. الآيات والأحاديث في باب التوبة دى تحصينات نفسية ضد الاحباط .. * وهو ده الطريق ...

آه وقعت النهارده ، بس بإذن الله تدريجيًا هرتقى ولو بعد مية سنة وهبقى إنسان مُلتزم صح ..

🌟 ثامناً : الصبر .. ثم الصبر .. ثم الصبر ..
الزمن اللي إحنا عايشين فيه زمن صعب أووووووي .. والفتن خطّافة وبتشد الإنسان من كل الجهات ..!! وعلشان كده الرسول * شبهه التمسك بالدين في الزمن ده بتشبيه مفيش أبلغ منه .. فقال صلى الله عليه وسلم :
( يأتي على أمتي زمان ،الصابر فيهم على دينه كالقابض على الجمر )
صححه الألباني

🔅 قال الطيّبي رحمة الله في شرح الحديث :
[ والمعنى أنه كما لا يقدر القابض على الجمر أن يصبر لإحراق يده , كذلك المتدين يومئذ لا يقدر على ثباته على دينه ؛ لغلبة العصاة والمعاصي وانتشار الفسق وضعف الإيمان ! ]

🔅وقال القاري :
[ومعنى الحديث أنه كما لا يُمكن القبض على الجمر إلا بصبر شديد وتحمل غلبة المشقة ، كذلك في ذلك الزمان لا يُتصور حفظ دينه ونور إيمانه إلا بصبر عظيم ]

👈 تخيل واحد بقى ماسك قطعة نار في إيده ؟!!
تخيلي واحدة حاطة إيديها على شعلة البوتجاز 24 ساعة؟!!
اختبارات وفتن صعبة جداااااااااا ...
👈 فلازم تصبر وتعرف إننا فى دنيا قصيرة جداً جداً مهما طالت ..
النبي صلى الله عليه وسلم قال عن الأيام اللي إحنا عايشين فيها دلوقتي (إن من ورائكم أيام الصبر)! النبي صلى الله عليه وسلم سمّاها "أيام الصبر" ..اللي هيلتزم فيها لااااازم يصبر ويستحمل ...

🔅وعلشان الصعوبة والمشقّة الشديدة جدااا في الثبات على الدين في زمن الفتن ، كان اللي هيصبر وهيثبت في الزمن ده له أجر عظيم جدااااااااا جدااااااااا ..
👈 أجر 50 صحابي من صحابة النبي صلى الله عليه وسلم على كل حاجة بيعملها ..!

👌 فأبشر يا كل شاب صابر ، وأبشري يا كل بنت صابرة ..أبشروا أيها القــابضون على الجمـــــــــــــــــــــر ..

👌في النهاية ..اتفقنا إن الحل ياجماعة إننا نصبر .. الحل ياشباب إنكم تصبروا .. اللي مش لاقي صحبة صالحة لازم يصبر ... مش الحل إننا سيب الدنيا .. مش الحل إننا نوّفر لكل مواطن صحبة صالحة ..

👈 الحل إنك إنت تسعى علشان تلتزم..
وساعتها هتبقى إنت الصحبة الصالحة.. ساعتها هتبقى إنت البداية ..

✳️✳️✳️✳️
#بطل_بعد_رمضان

*🌿أذكار الصباح والمساء🌿*

أَعُوذُ بِاللَّهِ مِنَ الشَّيطَانِ الرَّجِيمِ :
🌸 ﴿اللَّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَوَاتِ وَالْأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ﴾.

💚بسم الله الرحمن الرحيم
﴿قُلْ هُوَ اللَّهُ أَحَدٌ* اللَّهُ الصَّمَدُ* لَمْ يَلِدْ وَلَمْ يُولَدْ* وَلَمْ يَكُن لَّهُ كُفُواً أَحَدٌ﴾.
(ثلاثَ مرَّاتٍ)

💎بسم الله الرحمن الرحيم
﴿قُلْ أَعُوذُ بِرَبِّ الْفَلَقِ* مِن شَرِّ مَا خَلَقَ* وَمِن شَرِّ غَاسِقٍ إِذَا وَقَبَ* وَمِن شَرِّ النَّفَّاثَاتِ فِي الْعُقَدِ* وَمِن شَرِّ حَاسِدٍ إِذَا حَسَدَ﴾.
(ثلاثَ مرَّاتٍ)

💜بسم الله الرحمن الرحيم
﴿قُلْ أَعُوذُ بِرَبِّ النَّاسِ* مَلِكِ النَّاسِ* إِلَهِ النَّاسِ* مِن شَرِّ الْوَسْوَاسِ الْخَنَّاسِ* الَّذِي يُوَسْوِسُ فِي صُدُورِ النَّاسِ* مِنَ الْجِنَّةِ وَ النَّاسِ﴾
(ثلاثَ مرَّاتٍ).

💖 سورة الفاتحة (ثلاثاً) .

☀️((أَصْبَحْنَا وَأَصْبَحَ الْمُلْكُ لِلَّهِ ، وَالْحَمْدُ لِلَّهِ، لاَ إِلَهَ إلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيْرَ مَا فِي هَذَا الْيَوْمِ وَخَيرَ مَا بَعْدَهُ ، وَأَعُوذُ بِكَ مِنْ شَرِّ مَا فِي هَذَا الْيَوْمِ وَشَرِّ مَا بَعْدَهُ، رَبِّ أَعُوذُ بِكَ مِنَ الْكَسَلِ وَسُوءِ الْكِبَرِ، رَبِّ أَعُوذُ بِكَ مِنْ عَذَابٍ فِي النَّارِ وَعَذَابٍ فِي الْقَبْرِ)).
←[ وإذا أمسى قال: أمسينا وأمسى الملك للَّه] [وإذا أمسى قال: رب أسألك خير ما في هذه الليلة، وخير ما بعدها، وأعوذ بك من شر ما في هذه الليلة، وشر ما بعدها.]

🔵 ((اللَّهُمَّ بِكَ أَصْبَحْنَا، وَبِكَ أَمْسَيْنَا ، وَبِكَ نَحْيَا، وَبِكَ نَمُوتُ وَإِلَيْكَ النُّشُورُ)).

[وإذا أمسى قال: اللَّهم بك
أمسينا، وبك أصبحنا، وبك نحيا، وبك نموت، وإليك المصير.]

🔸 ((اللَّهُمَّ أَنْتَ رَبِّي لَا إِلَهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لاَ يَغْفِرُ الذُّنوبَ إِلاَّ أَنْتَ)).

💗((يا حي يا قيوم برحمتك أستغيث أصلح لي شأني كله ولا تكلنى إلى نفسي طرفة عين)) ثلاثا ً

🌺((أصبحت أثني عليك حمدا ً وأشهد أن لا إله إلا الله)) ثلاثا ً

🌟 ((اللَّهُمَّ إِنِّي أَصْبَحْتُ أُشْهِدُكَ، وَأُشْهِدُ حَمَلَةَ عَرْشِكَ، وَمَلاَئِكَتِكَ، وَجَمِيعَ خَلْقِكَ، أَنَّكَ أَنْتَ اللَّهُ لَا إِلَهَ إِلاَّ أَنْتَ وَحْدَكَ لاَ شَرِيكَ لَكَ، وَأَنَّ مُحَمَّداً عَبْدُكَ وَرَسُولُكَ))
(أربعَ مَرَّاتٍ).
[ وإذا أمسى قال: اللَّهم إني أمسيت...]


🌿 ((اللَّهُمَّ مَا أَصْبَحَ بِي مِنْ نِعْمَةٍ أَوْ بِأَحَدٍ مِنْ خَلْقِكَ فَمِنْكَ وَحْدَكَ لاَ شَرِيكَ لَكَ، فَلَكَ الْحَمْدُ وَلَكَ الشُّكْرُ)). [وإذا أمسى قال: اللَّهم ما أمسى بي...]


🌹((اللَّهُمَّ عَافِنِي فِي بَدَنِي، اللَّهُمَّ عَافِنِي فِي سَمْعِي، اللَّهُمَّ عَافِنِي فِي بَصَرِي، لاَ إِلَهَ إِلاَّ أَنْتَ. اللَّهُمَّ إِنِّي أَعُوذُ بِكَ مِنَ الْكُفْرِ، وَالفَقْرِ، وَأَعُوذُ بِكَ مِنْ عَذَابِ القَبْرِ، لاَ إِلَهَ إِلاَّ أَنْتَ))
(ثلاثَ مرَّاتٍ).

🌸((أستغفر الله العظيم الذي لا إله إلاّ هُوَ الْحَيُّ الْقَيُّومُ وَأَتُوبُ إِلَيْهِ)) ثلاث مرات

🔻((لا إله إلّا أنت سبحانك إني كنت من الظالمين)) ٧ مرات

🔹((حَسْبِيَ اللَّهُ لاَ إِلَهَ إِلاَّ هُوَ عَلَيهِ تَوَكَّلتُ وَهُوَ رَبُّ الْعَرْشِ الْعَظِيمِ))
(سَبْعَ مَرّاتٍ).


🌴((اللهم أجرني من النار)) ٧ مرات

💎((يارب لك الحمد كما ينبغى لجلال وجهك ولعظيم سلطانك)) ثلاثاً

✅((لا إِلَهَ إِلاَّ اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ يحيي ويميت بيده الخير وهو على كل شيئ قدير)) ثلاثاً

⭐️ ((اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي الدُّنْيَا وَالآخِرَةِ، اللَّهُمَّ إِنِّي أَسْأَلُكَ الْعَفْوَ وَالْعَافِيَةَ: فِي دِينِي وَدُنْيَايَ وَأَهْلِي، وَمَالِي، اللَّهُمَّ اسْتُرْ عَوْرَاتِي، وَآمِنْ رَوْعَاتِي، اللَّهُمَّ احْفَظْنِي مِنْ بَينِ يَدَيَّ، وَمِنْ خَلْفِي، وَعَنْ يَمِينِي، وَعَنْ شِمَالِي، وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).

💐((اللَّهُمَّ عَالِمَ الغَيْبِ وَالشَّهَادَةِ فَاطِرَ السَّمَوَاتِ وَالْأَرْضِ، رَبَّ كُلِّ شَيْءٍ وَمَلِيكَهُ، أَشْهَدُ أَنْ لاَ إِلَهَ إِلاَّ أَنْتَ، أَعُوذُ بِكَ مِنْ شَرِّ نَفْسِي، وَمِنْ شَرِّ الشَّيْطانِ وَشَرَكِهِ، وَأَنْ أَقْتَرِفَ عَلَى نَفْسِي سُوءاً، أَوْ أَجُرَّهُ إِلَى مُسْلِمٍ)).


🌷 ((بِسْمِ اللَّهِ الَّذِي لاَ يَضُرُّ مَعَ اسْمِهِ شَيْءٌ فِي الْأَرْضِ وَلاَ فِي السّمَاءِ وَهُوَ السَّمِيعُ الْعَلِيمُ))
(ثلاثَ مرَّاتٍ).


💗((رَضِيتُ بِاللَّهِ رَبَّاً، وَبِالْإِسْلاَمِ دِيناً، وَبِمُحَمَّدٍ صلى الله عليه وسلم نَبِيّاً))
(ثلاثَ مرَّاتٍ).


🌟 ((أَصْبَحْنَا وَأَصْبَحَ الْمُلْكُ لِلَّهِ رَبِّ الْعَالَمِينَ، اللَّهُـمَّ إِنِّي أَسْأَلُكَ خَيْرَ هَذَا الْيَوْمِ:فَتْحَهُ، وَنَصْرَهُ، وَنورَهُ، وَبَرَكَتَهُ، وَهُدَاهُ، وَأَعُوذُ بِكَ مِنْ شَرِّ مَا فِيهِ وَشَرِّ مَا بَعْدَهُ)).
[وإذا أمسى قال: أمسينا وأمسى الملك للَّه ربّ العالمين اللَّهم إني أسألك خير هذه الليلة: فتحها، ونصرها، ونورها، وبركتها، وهداها، وأعوذ بك من شر ما فيها، وشر ما بعدها.]


💙 ((أَصْبَحْنا عَلَى فِطْرَةِ الْإِسْلاَمِ، وَعَلَى كَلِمَةِ الْإِخْلاَصِ، وَعَلَى دِينِ نَبِيِّنَا مُحَمَّدٍ صلى الله عليه وسلم، وَعَلَى مِلَّةِ أَبِينَا إِبْرَاهِيمَ، حَنِيفاً مُسْلِماً وَمَا كَانَ مِنَ الْمُشرِكِينَ)).
[وإذا أمسى قال: أمسينا على فطرة الإسلام...]

🌴((سُبْحَانَ اللَّهِ وَبِحَمْدِهِ))
(مائة مرَّةٍ).


🌵((لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ))
(عشرَ مرَّات) ،
أَوْ (مرَّةً واحدةً عندَ الكَسَلِ).

♦️((لاَ إِلَهَ إِلاَّ اللَّهُ، وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ))
(مائةَ مرَّةٍ إذا أصبحَ).

🔲 ((سُبْحَانَ اللَّهِ وَبِحَمْدِهِ: عَدَدَ خَلْقِهِ، وَرِضَا نَفْسِهِ، وَزِنَةَ عَرْشِهِ، وَمِدَادَ كَلِمَاتِهِ))
(ثلاثَ مرَّاتٍ إذا أصبحَ).


🔶 ((اللَّهُمَّ إِنِّي أَسْأَلُكَ عِلْماً نَافِعاً، وَرِزْقاً طَيِّباً، وَعَمَلاً مُتَقَبَّلاً)) (إذا أصبحَ).

🌺((أَسْتَغْفِرُ اللَّهَ وَأَتُوبُ إِلَيْهِ))
(مِائَةَ مَرَّةٍ فِي الْيَوْمِ).

🌱((أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ))
(ثلاثَ مرَّاتٍ إذا أمسى).

💗 ((اللَّهُمَّ صَلِّ وَسَلِّمْ عَلَى نَبَيِّنَا مُحَمَّدٍ))
(عشرَ مرَّاتٍ).

🌟🥇 بطل بعد رمضان 🥇🌟

✳️الحلقة الأخيرة ✳️

👌خد قرارك !

✋خايفة ليه ؟؟؟ قلقانة ليه ؟؟!
👈متردد ليه ؟؟ لسه مش عارف تاخد القرار ليه ؟؟!

✋إوعى تكون لسه عندك ولو ذرّة اعتقاد انك هتلاقي سعادة في طريق المعصية ؟؟؟ تبقى ( مُغفل كبيـــــــــــــــــــــــر أوي ) ، والشيطان ضاحك عليك ضحك السنين ..!!

👈ده إنت بنفسك بقالك كام سنة ماشي في الطريق ده وجربت كل حاجة ودوخت ، وبرده مش لاقي أي سعادة !!
▫️بقيت عمّال تهرب من معصية لمعصية ، لعلّك تلاقي طعم الراحة والطمأنينة ولكنك كل يوم بتزداد هم وغم وشقاء !!
▫️روحك بتتعذب وتتألم وعمّاله تصرخ فيك وإنت عمّال تكتم صوتها وتحاول تنسى!

👈 ليه بعد كل ده لسّه مصمم تكمّل في نفس الطريق؟؟!

👈 خايف تندم لأنك سيبت حاجة حرام إنت بتحبها ؟؟
* إوعى تخاف .. والله العظيم ما هتندم أبداً .. مستحيل هتندم !
* قول لنفسك : مين اللي يختار ربنا ويندم !!!!
* قول لنفسك : تيقّني إنه من ترك شيئا لله عوّضه الله خيراّ منه ..
* تخاف إزاي بس ..؟؟! ده إنت كل ما تقرب من ربنا هتعرف إنك مكنتش عايش قبل كده ، وهتتمنى وتقول ياريتني كنت عرفت الطريق ده من زمان !

🌟 لحد إمتى هتفضل كده تعذّب في نفسك ؟؟؟
🌟 لحد إمتى هتفضلي تايهه ؟؟؟
🌟 لحد إمتى هنفضل نجري ورا السراب والوهم ؟؟!!

👈* لحد إمتى ؟؟؟!!

👌 يا حبيب قلبي .. شهوات الدنيا زي الميه المالحة ..
كل ما هتشرب منها هتعطش أكتر وأكتر .. ومفيش حاجة هترويك بجد غير قرّبك من ربك حبيبك ..

👈 يا أختي .. شهوات الدنيا زي البرق .. بتلمع قدامك ثواني ..
بتنوّر يادوب ثواني .. لذّتها بتنتهي بسرعة جداً ، وبترجعي بعدها تاني لحياة الظلام والكئابة ..
ومفيش حاجة هتنوّر حياتك على طول غير نور الإيمان ..

👈إسأل نفسك يا حبيب قلبي :
* مش حزين على أحوالك اللي إنت فيها دي ؟؟
* مش شايف كام واحد سبقك إلى الله ؟؟ مش غيران منهم ؟؟
* مش عايز تجرب إحساس إن ربنا بيحبك..
* مش عايز تجرب إحساس إن ربنا بيفرح بيك ؟
* مش نفسك تعيش وربنا راضي عنك ؟؟
* مش نفسك تقابل ربنا وإنت فرحان ؟؟؟؟

👈 إسألي نفسك يا أختي :
* إنتي روحك مش مشتاقة للجنة ؟؟
* مش مشتاقة تشربي من حوض حبيبك النبي صلى الله عليه وسلم ؟؟
* مش مشتاقة لرؤية وجه الله عز وجل ؟؟
* متعبتيش من الدنيا و نفسك في الراحة والنعيم الأبدي ؟؟؟

✋ عايز كل واحد يجاوب على نفسه وميضحكش عليها ..!!
هتفضل تضحك على نفسك لحد إمتى ؟؟؟!! لحد ما تفوق وإنت بيدفونك تحت التراب ؟؟!!!
▫️ ياللا خد القرار .. اتشجع وخد قرار التوبة والتغيير الحقيقي ..
▫️ إنت عارف يا حبيب قلبي لو أخدت القرار وأقبلت على الله واتغيرت وقلبك اتغير بجد من جوه ،
هتلاقي كــــــــــــــــــــــــــــــــــــــــــــــــــل ما تتمناه ..
▫️ هتلاقي الراحة والسعادة والطمأنينة والأمان وانشراح الصدر والسداد والتوفيق والتأييد والفتح والرفعة والحفظ والعزّة والخير كله ..

👌✋ يا شباب ..
الطريق لربنا مش طويل ،
بس للأسف فيه ناس بتستطوله !!
وطاعة ربنا مش صعبة ،
بس للأسف فيه ناس بتستصعبها !!
والانجاز الكبير بيدأ بقرار ،
بس للأسف فيه ناس مابتخدهوش !!

🌟👌 ياللا واجه خوفك .. وخد القرار ..
واقتل كل ذرة يأس ممكن تقابلك في الطريق ..
✋ ياللا خد القرار الشجاع !
القرار الوحيد اللي أقسم بالله عمرك ما هتندم عليه أبدا !!
*القرار اللي هيعيد الحياة لقلبك من جديد *

✋👈إوعى تخاف أو تقلق .. تخاف إزاي بس ؟؟!!
ده ربك هيهديك ويكفيك ويحميك ويثبتك ..
ده اللي هيختار ربنا وهيمشي في طريقه،
ربنا * قال عنهم 13 مرة في القرآن علشان يثبت العقيدة دي في ذهنك :
لا خَوْفٌ عَلَيْهِمْ وَلا هُمْ يَحْزَنُونَ

🌟 يعني مفيش خوف .. مفيش حزن ..
👈هـــو ده طـــــــــــــــريق الأمـــــــــــــــــــان كلــــــــــــــــــــه ..
👌اللى عايز السعادة والمتعة كلها، هيلاقيها في طريق ربنا وبس ..

هات إيدك ويللا نعيش أحلى حياة،..
👌أحلى حياة في طاعة الله 💚

🔆 🔆 🔆 🔆

#بطل_بعد_رمضان