قصيدة لعلي الاكبر عليه السلام…

ذكرياتي… من تعب عمري بقت .. ذكرياتي
امنياتي… بريــح الموادع طفــت .. امنياتي
ياعلي الاكبر ذبل عودي منتظره الاجل
من تعب عمري بقت .. ذكرياتي
:::::::::::::::::::::::::::::::::::::::
ياحلم وردي بحياتــي وچنت انظرلك بعيد
وياهوا بريـــّـــــــات امك ذايب بدم الوريد
شلون اصدگهه الحقيقة ميت اعتقدك تريد
وانه چنت ابني الاماني وانسج بحلمي السعيد

يازماني.. چبدي المتيم مردته ..يازماني
گمت اعاني..من علي الاكبر اخذته..گمت اعاني
لو شحم عيني جبل ذاب وي دمعي الهمل
من تعب عمري بقت .. ذكرياتي
::::::::::::::::::::::::::::::::::::::::::
ذكرى ذكرى لملمتهن وياهن انه احچي وانوح
يمه اشوفك تبتسملي اتقبل اچفوفي وتروح
وابقه اشمنهن اديه عطر من عدهن يفوح
يالغبت عن عيني ردلي هاك اخذ من روحي روح
رد يغايب… گلبي فر ناده بونينه… رد يغايب
للنوايـــب… ظلت الام الحنينه… للنوايب
قهر وآهات وزعل. ظيم وآﻻم وعلل
من تعب عمري بقت .. ذكرياتي
::::::::::::::::::::::::::::::::::::::::
اذكر امن اتصيح يمه عمري يانبع الحنان
وتاخذ امن اتراب رجلي اتگلي اشم عطر الجنان
قلق لو مر بحياتـي حظينچ اتگول الامان
هذا حظن امك يتاني وينك انت بيامكان
ها يغالي… منين اجه طف كربله..ها يغالي
هذا حالي… گلبي آهات امتله… هذا حالي
عقلي يايمه انذهل روحي ساورهه الوجل
من تعب عمري بقت .. ذكرياتي
::::::::::::::::::::::::::::::::::::::::::
منين اجتني كربلائك عليك مكتوبة الطفوف
ياشبه طه بجماله ياگــــــمر لاحك خسوف
راح ارد لذكرياتي بحظرة ارسومك اطوف
سيرت ليك المشـــاعر دير بالك عالضيوف
دمع عيني… حفّر الخد والوجن ..دمع عيني
من ونيني… هم شفت ثكلى تون ..من ونيني
شراح اگله لو سأل باقي ينتظرك أمل
من تعب عمري بقت .. ذكرياتي
:::::::::::::::::::::::::::::::::::::::::
يبني من جابوك ليه حيلي يايمه انهدم
ردت اشبگنك منعي بيك نابت چم سهم
مو جرح واحد واشـده گلي اخفف ياألم
طبره اشوفنهه اعله طبره گلبي نصين انجسم
ها ياﻻكبر… صعب يايمه التجافي… ها ياﻻكبر
بلكي تگدر ..تحچي وي امك يغافي...بلكي تگدر
ارجع وداوي العلل شوف گلبي شگد حمل
من تعب عمري بقت .. ذكرياتي
::::::::::::::::::::::::::::::::::::::::::

شاعر اهل البيت سيد فليح الموسوي

للتواصل على هذا المعرف
https://hottg.com/F_H_MO

https://hottg.com/AbuhassanAlmusawi2007

قصيدة زنجيل دگه وحدة للامام المهدي عليه السلام…

ياحبيبي يا حسين ..نور عيني ياحسين
""""""""""""""""""
كلنه يالمهدي طلعنه بموكب وننعه الحسين
نواسي قائمنه ونگله انصارك احنه انت وين
ندري بالخدمة عقيدة وهيه درب الثائرين
نظرة من عندك علينه غيرك شعدنه يقين
ياحبيبي يا حسين ..نور عيني ياحسين
""""""""""""""""""
هذي انصارك يمهدي عرفت الخدمة انتماء
هيبة الخادم خدمته وفخره لحسين الولاء
ندري بيك ويانه ندري تستمع منه النداء
وندري بالزهرة الزچيه تحضر ويانه العزاء
ياحبيبي يا حسين ..نور عيني ياحسين
""""""""""""""""""
كلنه للخدمة فزعنه وبعزم يبن الحسن
والذنوب هواي عدنه لجل كلهن ينمحن
غير اعماله وخدمته شياخذ المات وچفن
باچر يحصل اليريدة هناك يلگاه الثمن
ياحبيبي يا حسين ..نور عيني ياحسين
""""""""""""""""""
شيب وي شبان هبت كلهه متوشحه بسواد
تشهد النه انريد منك باچر بيوم الميعاد
احنه ماعدنه وسيله غير هالخدمة ومراد
وندري باچر يفزع النه حسين يم رب العباد
ياحبيبي يا حسين ..نور عيني ياحسين
""""""""""""""""""
منزلة عدهم چبيرة ندري باچر هالخدم
بخدمة احسين اليقصر مايحصل بس ندم
واحنه يالمهدي رفعنه رايه للخدمة وعلم
حب ابو اليمه بدمانه نقسم بأعظم قسم
ياحبيبي يا حسين ..نور عيني ياحسين
""""""""""""""""""

الشاعر سيد فليح الموسوي
https://hottg.com/AbuhassanAlmusawi2007

قصيدة شور لام البنين عليها السلام… لسان حالها تواسي زينب

ياأيه وحجاب الســتر
اقماري فدوة للخدر
وياچ كــــون بكربله
بمتوني ضربات الشمر
""""""""""""""""""
زينب تگـــلهه فدوتچ
اولادي يمه الاربعه
واسيني بيهه مصيبتي
حسين ومصابه ومصرعه
گلبي اعله ابو اليمه نزف
وفراگه ابد مايجرعه
وياچ ياريت احضرت
بلــيل الوداع انودعه

واتعذر انه بحـضرته
ودموعي اطشهه بخيمته
ولو عــندي ميه من الولد
كلــــــهم افدّيــــهم نـذز
""""""""""""""""""
گالولي يا زينب صدگ
عبدالله مذبوح بسهم
عطشان من دمه ارتوه
وگطّع اكماطه من الألم
وشگال گلبه والده
حيله يگـــــلولي انهدم
لو يمه اواسي محنته
وچفوفي هم اترسهه دم

مخلوق للشم مو نبل
نحرك يعبد الله الطفل
مطلوب بيش وينچتل
وگلب ابو اليمه يستعر
""""""""""""""""""
گوليلي يا زينب بعد
گلب ابو اليمه شجرحه
والليلو عالخد من دمع
يبلل الشيب ابمستحه
نجوم الهواشم من هوت
شوصوهه خيل الجامحه
خلينه نتگابل سوه
نبچي ونشد النايحه

كل هذا عينه شافته
حسين شبقت من چبدته
على انصاره صد وعيلته
ودمعه عليهم ينهمر
""""""""""""""""""
عوفي الولِد يم الخدر
اعله احسين خل نبچي سوه
واحچيلي يبنيتي القصص
اشصار وجراله بنينوى
انا ادري نـــبلة حرمله
لا الهه طــــب ولا دوه
لمن سحبهه من الگفه
گليبه على السن التوه

وگالولي بي گبل الذبح
الف وتسعمية جرح
من جسمه سالم مايصح
بس خنصر وهم منبتر
""""""""""""""""""
وهسه يزينب سولفي
من طاح الحسين شجره
ياهو ال على صدره صعد
بركَبّه داس الخاصره
هذا الشمر عنده حقد
وبسيفه گاصد منحره
يشفي غليله من الولي
بثــــنعش طبره طبّره

صاح وتجوهر معدنه
ذباح ابو اليمه انه
من الطاغية ايريد الثنه
يتباهى ويريد الشكر
""""""""""""""""""

الشاعر سيد فليح الموسوي
https://hottg.com/AbuhassanAlmusawi2007

افلح من صل على محمد وال محمد

اللهم صل ع محمد وال محمد

قصيدة موشح نجفي لمسلم بن عقيل وطوعه عليهما السلام…

قصة بالكوفه اصبحت مشهوره
طوعه وي مسلم تظل اسـطوره
""""""""""""""""""
طوعه وي مسلم مثال ال كل وفي
بـــيهــم الزهره تبـــاهي وتـــحتفي
واضح الحــب لبو اليمه ومو خفي
والولاء ال عدهم اجمل صوره
""""""""""""""""""
الولاء ال عـــــدهم بكامل يقين
وعبره تحمل بالوفه جوهر ثمين
ثوره للاجيال منــهجهه الحسين
البيهم الامة اقتدت منصوره
""""""""""""""""""
طوعه للنـسوان صارت مفخره
خلـــــد التــاريخ موقفهه انبره
من مثـــلهه قــل ولا شفنه مره
تنحچي صارت قصص مأثوره
""""""""""""""""""
تنحــچي بكل جيــــل قصتهم سوه
وفه واخلاص وشــــجاعه المحتوى
طوعه عدهه احسين اعز من الهوى
ومــسلم التـــاريخ يــذكر دوره
""""""""""""""""""
بصرخة الحق طوعه صاحت بالشدد
گوم يا مســــلم يـــــــــنادي المعتقد
الـــيوم يومــــــك وانت وفاي العهد
كل محب لازم يگوم بدوره
""""""""""""""""""
صاح ابو طــــاهر يطوعه ادللي
هاشمي وعزمي عزم عمي علي
هذا يومي والـــحرب تشهد الي
اله اخليهه الجثث منثوره
""""""""""""""""""
فارس وجــــيدوم مسلم بالحرب
ناوي اعليهه الـــــــشهادة بهالدرب
گال لجل احسين اركب كل صعب
ومن على قصر الامارة ايزوره
""""""""""""""""""




الشاعر سيد فليح الموسوي
https://hottg.com/AbuhassanAlmusawi2007

قصيدة للانصار والحشد المقدس رئيسية او نزلة …

حيا الله انصار الوفه مــنهم تأسس
انصار لحسين بأسم حـــشدٌ مقدس
عقل العدا احتار من عشگ الانصار
من عشگ الانصار عقل العدا احتار
""""""""""""""""""
حيا الله انصار الوفه أنصار ابو اليمه
حگ بعشگهم يفتخر ويسولف الزلمه
سبعين بس لو سلفو تسمع فرد چلمه
يحسين الك فدوه العمر گالوهه وبهمه

طشو عشگهم بالارض من عنده خضر
بكل قطره من دمهم نبت مو ميه اكثر
هاك اسمع اخبار من عشگ الانصار
من عشگ الانصار عقل العدا احتار

""""""""""""""""""
حيا الله ابن ظاهر برز بيده حــمل رايه
راية النصره الرفرفت رسمت عشگ ايــه
من طاح دمه اعله الارض كـثرت الوفايه
امثاله كثرو بالحشد ثاري العــشگ دايه

من يوم طفهه كربلا دمهم تحشد
بالفتوه اشــرق كالبدر نور وتوقد
شـــــع النه انوار من عشگ الانصار
من عشگ الانصار عقل العدا احتار
""""""""""""""""""
من حب زهير وموقفه والشاكري عابس
طلعت شباب من الحشد بالمرجله اتنافس
والطف اثاري مدرسه بيهه المحب دارس
من واهس الحر والعزم كلهه خذت واهس

نور الطفوف بهالوكت عل الأمة ازهر
چم جون عدنه چم وهب عاد وتكرر
شگد يحمل اسرار من عشگ الانصار
من عشگ الانصار عقل العدا احتار
""""""""""""""""""
من عشگه مسلم والوفه من عشگه ابن كاهل
الحباب والحارث اجو لحسين يستاهل
عدهم الغيرة مأصلة اﻻستاذ ابو فاضل
منهم افواج اتخرجت وينه الذي ينازل

أروع ملاحم سطرو أروع بطولات
هيهات گــــالو ننحني للذلة هيهات
هم نفس الادوار من عشگ الانصار
من عشگ الانصار عقل العدا احتار
""""""""""""""""""
اصحاب ابو اليمه درع صاروله بالحومه
بوكت الصلاة من قررو يرمو نبل گومه
وبصدره هم جندي الحشد صايرله مرسومه
اتلگه الرصاص ابمنحره وهم شگهن اهدومه

ام وهب ودت الولد گوم ابني قاتل
وام الشهيد اتلگـــته ابزفه وهلاهل
نفس الزمن دار من عشگ الانصار
من عشگ الانصار عقل العدا احتا
""""""""""""""""""
""""""""""""""""""




الشاعر سيد فليح الموسوي
https://hottg.com/AbuhassanAlmusawi2007

يالزجية ،، ضيفي لأحزانج حزن
يالزجية ،، هلي دمعج عالوجن


😭😭😭😭😭😭😭


الشاعر سيد فليح الموسوي
صوت خادمكم أبو منتظر الإمارة

ذكرياتي 💔💔💔

✍️ سيد فليح الموسوي
🎙️ قيصر ابو منتظر الإمارة

نزلة تقرأ في كل ايام محرم

نعمة الله نعمة الله
مجلس احسين وحضوره نعمة الله
""""""""""""""""""
مجلس احسين وحضوره نعمة من رب السمه
الباري خصنه الشيعه بيهه وهاي اعظم مكرمه
جائزه اليحضر يحصل ربنه بيده ايسلمه
وينكتب اسمه بسجلهه ام المصيبه فاطمه
نعمة الله نعمة الله
الفايز بحب الزچيه نعمة الله
""""""""""""""""""
نعمة الله هالمجالس مايــعادلهه ثمن
والحضر كلهن ذنوبه يعتبرهن انمحن
المجلس ايحضره محمد والزچيه ام الحسن
وحيدره حاضر يشيعي يحسب ادموع الجرن
نعمة الله نعمة الله
اليبچي لحسين ومصابه نعمة الله
""""""""""""""""""
بينه واعدهه الزچيه المصطفى وگال الرسول
شيعه باچر يخلق الله وياچ تبچي يالبتول
لجل هذا احنه اجتمعنه ونرجو من الله القبول
ونرتجي منه الشفاعه حسين ابن فحل الفحول
نعمة الله نعمة الله
حسين باچر يشفع النه نعمة الله
""""""""""""""""""
مدرسه هاي المجالس بيهه انواع العلم
منهه نتعلم عقيدة وبيهه نتعلم حلم
منهه يتخرج حسيني الدارس ونعم الاسم
حسين وقعله بكتابه وعلي يختم الختم
نعمة الله نعمة الله
الخادم اكتابه بيمينه نعمة الله
""""""""""""""""""
باب للحاجات صارت بيهه حل كل معضله
حسين باب الله الوسيعه ومجلسه هو الصله
هلهه بالمجلس دموعك واطلب انت المسأله
ابشر ايگلك امامك هالطلب يا مسهله
نعمة الله نعمة الله
شتطلب اتحصل مرادك نعمة الله
""""""""""""""""""

الشاعر سيد فليح الموسوي
https://hottg.com/AbuhassanAlmusawi2007

شور للقاسم عليه السلام

يجسام يجسام…شفتك حلم يوليدي
يجسام يجسام… عريس ازفك بيدي
""""""""""""""""""
كل ما طبگ عندي الجفن
عليك الگلب يمه يحن
وبمسمعي اسمك يرن
وطولك اشوفه اگبالي

جسام يا نور النظر
وجهك اشوفه بالگمر
وبهيده اشبگك وبحذر
خافـــــن افـــــز يالغالي

واتمنه كل يومي حلم
والليل البســـنه هدم
يمـبعثر افكاري شلم
وياك الحلم يحلالي

يجسام يجسام… والغاضريه انــساهه
يجسام يجسام… وانسه الحزن وياهه
""""""""""""""""""
من عطرك ايـغار الهوى
من وجنتك باگ الضوه
يايوسف وعيسى سوه
لون الســــــمه بعيونك
.
صافي مثل ماي العذب
يانسمه من جنــة تهب
جروح الزمن انت الها طب
مثل الدوه ايــــوصفــــونك

كل هذا ماشــافه العدا
سيفه اعله نحرك جرده
ياذنب من عنـــدك بده
من توگع ايـــــگطعونك

يجسام يجسام… من نومي افز مرعوبه
يجسام يجسام… سهم بچبد مصـــيوبه
""""""""""""""""""
يوليدي اشمــن بدلتك
شفت بخيالي زفتك
فرحانه ربعك هنتك
عريس تارس شوفي

هنتني نسوان السلف
فرحانه يوليدي بشغف
گلب امك ويــاهن هتف
شوف شحلات اطيوفي

كل العشيرة كيّيفت
يم بابي رايه علگت
. تهني عمامك كلهه اجت
تبارك تـــــريد وتــــوفي

يجسام يجسام… و حسين اجه بافكاري
يجسام يجسام… طش الورد يم داري
""""""""""""""""""
طال الحلم وانه بسعد
عمك حضر يوفي الوعد
وي والـــدك عنده عهد
وياك يحـــــضر يومك

شوف شكبرهه فرحتي
وبحلمي صارت منيتي
من عيني هلت دمعتي
شفت الفــرح برسومك

وي عمك انصاره اجت
بالفرحة هنت باركت
بسمك يجاسم هوست
سرتني هاي اعلومك

يجسام يجسام… ياريت اظل حلمانه
يجسام يجسام… والگلب يجلي احزانه

""""""""""""""""""
من نومي فزيت الصبح
لن راسك ايلوح برمح
وينك يبو وجه الـسمح
وين العـــرس واخباره

يافرحه مادامت الي
وين الولد ها يا هلي
صاح بشــماته عاذلي
مذبـــوح مالچ چاره

من دمــه صارت حنتي
بچفوفي ادگن وجنتي
يطلع جمر وي حسرتي
بالگلب شـــــــبت ناره

يجسام يجسام… ردتك الي عكــازه
يجسام يجسام… عون وذخر للعازه
""""""""""""""""""

الشاعر سيد فليح الموسوي
https://hottg.com/AbuhassanAlmusawi2007

نزلة للعباس عليه السلام…

عباس طب ياستار ..عين الله ترعاه
وبرايته سوه اعصار ..حيا الله حياه
""""""""""""""""""
عالحومه غيمه غيمت عباس راعيهه
شرجية اجت گال الشمر ينخاف تاليهه
گالوله مو ريح الاجت اسكت وخليهه
عباس طب للمعركة اختل الهوا البيهه

رد الشمر ظل محتار ..ناده اويلاه
عباس طب ياستار ..عين الله ترعاه
""""""""""""""""""
من سمع طاريه الشمر گاللهم احچايه
عباس منه اخذو الحذر بحر وهدر مايه
لبسهم ادروع الحـــرب حضر الرمايه
سبع الگناطر مو سهل خلـونه نترايه

بوق الحرب دگ انذار ..لاتندگ وياه
عباس طب ياستار ..عين الله ترعاه
""""""""""""""""""
عباس راعي المرجلة وافــعاله سباگه
والگابله يشطره شطر لو طگه بطراگه
سهام التطش من خزرته نيران حراگه
جرف النهر من رجف خوف انهدم راگه

والماي مطلوب بثار ..غيرله مجراه
عباس طب ياستار ..عين الله ترعاه
""""""""""""""""""
عباس طب بكشخته مهيوب هندامه
رجفت شواربهه الزلم من شدة احزامه
مشهور سيفه بالعدل من يطبر الهامه
نصين وبنفس الوزن وازنهه بحسامه

معروف سيفه بتار .. باشط بــيمناه
عباس طب ياستار ..عين الله ترعاه
""""""""""""""""""
طشرهه گدامه الزلم عالمشرعه عينه
گال انه عمچ والنعم وتبشري سكينه
لمن وصلهه المشرعه وغط بيهه چفينه
فار النهر من غيرته جف ويبس طينه

دخان من راسه الحار .. غيّم على سماه
عباس طب ياستار ..عين الله ترعاه
""""""""""""""""""
حاربهه بعيونه الزلم ويلوح گد شوفه
من رفعة احجاجه تفر كتلتهم الخوفه
بأجسادهم سد النهر سوه النهر روفه
ال مالاحهه بسيفه الشهم گاطفهه بچفوفه

لمهه وسواهه طشار.. من رفة الواه
عباس طب ياستار ..عين الله ترعاه
""""""""""""""""""
""""""""""""""""""




الشاعر سيد فليح الموسوي
https://hottg.com/AbuhassanAlmusawi2007

نزلة ل علي الاكبر  عليه السلام…

هذا  الاكبر  برز  يشبه  محمد
                     """"""""""""""""""
طبهه طبهه الساحه   حيل ماخذ راحه
والعزيمة سلاحه  هذا الشبل
جده دگ اجتافه منه كل اوصافه
الموت واجب شافه وعنده سهل
هيبة احمد طوله الصوله نفس الصوله
الگوم بي مذهوله ومنه اتختل

من الهواشم فزعته بألف ينعد
                     """"""""""""""""""
برز يشبه طه بهالنسب يتباهى
مهرته حاچاهه شدي العزم
اعليهه شد الغارة بصارمه وبتاره
حيدره اليتبارى ونفس الاسم
الصوره نفس الصورة منه ماخذ نوره
اليوم يومه ودوره فخر الزلم

حيد ضرغام غضنفر فارس اوحد
                     """"""""""""""""""
چنه حمزة بزوده سيفه غنه انشوده
اليوم يوم العوده لوقعة بدر
اليوم اعيد امجادهه گال وانه استادهه
وماأخاف اعدادهه مو بالكثر
گام يطوي اصفوفهه بسيفه يلوي اسيوفهه
ترتعد من خوفهه ومنه تفر

مثل بركان عليهم صار وازيد
                     """"""""""""""""""
الحومه طفه اضواهه ليل اجه وغشاهه
چنه ليل اشتاهه بلايه صبح
بعلو صوته وناده الموت عدنه عاده
وين وين القاده حل الذبح
الجيش بدد حيله منه جفلت خيله
سيفه يدوي صليله جاب الفتح

من كثرهه جثثهم تيه العد
                     """"""""""""""""""
الشردة ضيع بابهه عجه سوه ترابهه
بيدي گال احسابهه الخانت عهد
هاشميه افعاله هابته الخياله
الفزعه اله وتحلاله والهه استعد
رجع راد امراده من چبير الساده
فوگ عزمه زاده وحصــل مدد

على الكوثر يگلهم موعد الجد
                     """"""""""""""""""
                     """"""""""""""""""




الشاعر سيد فليح الموسوي
https://hottg.com/AbuhassanAlmusawi2007

اللهم صل على محمد وال محمد

الى عبدالله الرضيع  عليه السلام…

اسم الله اعله اسمك يبني الغافي
ماتــــگعد مــــن نومــــك كــــافي
                     """"""""""""""""""
ماتگـــعد يوليـــدي وترضع
شـــربت الماي ودر المرضع
حظينك ناده مشتاگ ارجع
بردان انت وحــظنك دافي
                     """"""""""""""""""
بردان ارجـــع لامك تـــدفه
مفطـــور اگليبي من اللهفه
شلون اتعوف امك ياوسفه
حن صدري وحنت اچتافي
                     """"""""""""""""""
حن صـــدري يمــدلل وينك
مشيت اعليك اسم حسينك
يالـــترفه ملــــمس چفـينك
مر بيهن يمه اعــله اشفافي
                     """"""""""""""""""
مر بچفوفك طيب اجروحي
من كثر الون خلصت روحي
انه امك ماتــــــــسمع نوحي
حگي اعــــليك اترد وتوافي
                     """"""""""""""""""
حگي اعلــــيك اليوم اردنه
عطرك محــــتاجه اشتــمنه
ياطــــير من اطــيور الجنه
عن امك ليش انت مجافي
                     """"""""""""""""""
عن امك رد شــيل الوحشه
يافص عين وفــارگ رمشه
ارجع طـــيف بساعة غبشه
ملهوفه اتنـــــاديك اطيفاي
                     """"""""""""""""""
ملهوفه امك حــيل وثكلى
من تتــــصور رشـــن النبله
شسوه بنحرك يبني شخله
ظليت اركــض بالبر حافي
                     """"""""""""""""""



الشاعر سيد فليح الموسوي
https://hottg.com/AbuhassanAlmusawi2007

اللهم صل على محمد وآل محمد وعجل فرجهم ياكريم

موشح لاول يوم من محرم الحرام

هل محرم گومو ياشيعة علي
جددو الاحــــزان بفراگ الولي
                     """"""""""""""""""
هـــل محــرم وينكم يــهل العـــزاء
بيــه رايـــات الحـــزن هــيه اللواء
ويانه حزنانه الارض تبچي السماء
وفاطم اتگول المواكب محفلي 
                     """"""""""""""""""
فاطمة الزهـــره الزچـــيه تنتـظر
اتريدنه انقيم العزه ونحيي الامر
باچــر اعليهه الجـزه بيوم الحشر
اتنادي كل شيعي مواسي احسابه الي
                     """"""""""""""""""
اتنادي باچر فاطمة بيوم الحساب
دمعة الشيــعي نجــاة من العذاب
كل محب لحسـين بيمينه الكتاب
فتـــحي بابچ ياجـنان استقبلي
                     """"""""""""""""""
فتحي بابـــچ ياجنـــان لشيعتي
ذوله انصاري وبــچو لمصــيبتي
اليوم صـارو بالــقيامه حصــتي
والجنان اتصيح ابشــري ادللي
                     """"""""""""""""""
بشري فاطم گامت الجنه تصيح
هـله بيهم ياهله انصـار الذبـــيح
بجنة الفردوس ياشيعي استريح
اليوم سعدك والحزن خل ينجلي
           
                     """"""""""""""""""




الشاعر سيد فليح الموسوي
https://hottg.com/AbuhassanAlmusawi2007
للتواصل على هذا المعرف
https://hottg.com/F_H_MO

موشح لفاطمة العليلة عليها السلام.

حن الك بويه الگلب ولشوفتك
مرني مرة ضيف ساعه امروتك
                     """"""""""""""""""
مر عليه وشوف لوعات الحزن
زادن العـــله عــلل خــلني اون
من چنت يمي اشبـگنك واحن
منين اجيب الصبر بويه بغيبتك  
                     """"""""""""""""""
منين اجيب الصبر عطشان الگلب
وعيني ملهوفه وتعــاين عالــدرب
كون ياربي صــــحت هســه تطب
وارتمي بحظنك واشمن ريحتك
                     """"""""""""""""""
بحظنك الدافي اريد اشفي الغليل
يادوه الآهـــات والجـــــسم العليل
مـــن حـــنانك وين الگـــالي مثيل
دنيا ماتــــوسع يبــــويه محنتك
                     """"""""""""""""""
يالمـــشيت وخـــــذت وياك الاهل
دنيا ماظـــلي بـــــعد بيهـــــه أمل
شلون اجرعه افراگكم ويـه الــعلل
بكل ركن للدار اشـــوفن صورتك
                     """"""""""""""""""
بكل ركن للدار اشـــــوفك يالحبيب
اتمدلي ايدك واقتـــرب مـنك تغيب
ياحسين اصرخ واصيح انه بنحيب
رد يغالي ارجــــوك وارحم طفلتك
                     """"""""""""""""""




الشاعر سيد فليح الموسوي
https://hottg.com/AbuhassanAlmusawi2007
للتواصل على هذا المعرف
https://hottg.com/F_H_MO

تعالوو جبتلكم قناة منشورات حسينيه على ليله الجمعه ادعيه اعمال ليلة الجمعة على الرابط التالي 👇👇
https://hottg.com/ali_313_ha313/3355

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------