TG Telegram Group Link
Channel: لـ عبدالرزاق سيد عمر
Back to Bottom
غداً
سأكتب على ورقة الإجابة
مدى المعاناة والإرهاق
بعد سهر ليالٍ طويلة على ضوء اللدات اللعينة..

سأشرح مبرهنة إنخفاض درجات الحرارة وعلاقتها بالجزء المسؤول عن التركيز والإستيعاب
والحالة المزاجية المعتدلة

سأسرد أيضاً مُكملاً ما بدأته للتو

وأصفاً الكم الهائل من المعلومات والمبرهنات والنظريات
التي لم أعد مهتماً بفهمها فقد مضى على وضعها سنوات طويلة

يقابلها عندي
إهتماماتي بالخروج من المنزل بلا تشوهات روحية
بعد خيبة فتكت بقلبي بعد منتصف الويل بليلة كئيبة

الإنتهاء من يوم بائس آخر بأقل الخسارات النفسية والمزاجية
والإستعداد لصدمة جديدة قد تأتي بين الحين والآخر

في الواقع
نحن لا نخاف الإمتحانات ولا نهرب منها حتى

هي أمر حتمي وأيام آتية لا محالة
لكن هذه الأيام ثقيلة على قلوبنا ويصعب علينا تحملها
وهنا تكمن المشكلة..!🤍

لـ عبدالرزاق سيد عمر
This media is not supported in your browser
VIEW IN TELEGRAM
من ألطف وأصدق ماسمعت 💚
This media is not supported in your browser
VIEW IN TELEGRAM
بليلة النصف من شعبان 💚

اللهم اجبر قلوبنا جبراً يليق بعظمتك
اللهم باعد بيننا وبين كل مايؤذي قلوبنا
اللهم اجبر خيباتنا وكسر خواطرنا

اللهم عاملنا برحمتك وعفوك وغفرانك
ولا تعاملنا بذنوبنا وتقصيرنا الدائم بحقك!

أحيوا ليلها وصوموا نهارها.. 💚

لـ عبدالرزاق سيد عمر
ثقافة الإعتذار

بكتير أوقات ممكن تطلع منك كلمات بتندرج تحت مسمى "العفوية" ماتكون حاسبلها حساب ولا مفكر مجرد تفكير أنو رح تجرح حدا فيها أو تسببلو أذى نفسي ..
كلنا معرضين لهيك مواقف ولهيك كلمات بغير مكانها
حتى لو كانت عفوية ونحن قاصدين شي وانفهمت بمعنى تاني تماماً

لهيك دايماً لازم يكون عنا ثقافة ومرونة الإعتذار بدون مانرجع لمسميات الكرامة والكبرياء

يقول رسول الله ﷺ: "إنَّ اللَّهَ ليطَّلعُ في ليلةِ النِّصفِ من شعبانَ فيغفرُ لجميعِ خلقِه إلَّا لمشرِك أو مشاحنٍ".

رح اعتبر هاد البوست بمثابة إعتذار ومسامحة لكل الناس يلي بعرفها وبتعرفني 💚

ف سامحونا،سامحكم الله ..🤍

ـ عبدالرزاق سيد عمر
كيف فيني أسعدك ؟

- دعيلي،دعيلي كتير 💚
عم تعاني من مشاكل وضغوطات بحياتك؟

_ عادي، مين فينا مانو مضغوط والمشاكل والمشاغل كتيرة وواصلة لفوق راسو

بتلاقي يلي عم يطلع من مشكلة وبيفوت بمصيبة
وبتلاقي يلي عم تتعسر معو شغلة تعب عليها شهور وسهر كرمالها ليالي

طيب..ياترى
سألنا حالنا بعد ماتتعسر أو وقت تضغطنا الحياة وتجور علينا بصدماتها
شو السبب؟

مافي شي بالدنيا أياً كان
(شغل، دراسة، مشروع، هدف..)
بيجي وبيتحقق بالسهل!
و مافي شي منوصلو بيكون اتقدملنا على طبق من دهب

أبسط حلم أو هدف بدنا نتعب ونعاني ونضحي حتى نحصل عليه

ورب العالمين بيعطي أجر عالصبر وتعويض عن كل التعب يلي تعبناه
براحة بتغمر قلوبنا وبتتغلغل جواتنا لتنسينا مرارة الإنتظار والصبر

وين الغلط؟

الغلط لما نستسلم ونوقف
نخلي الدنيا تضربنا بصدماتها
ونروح ندرلها الخد التاني
ونحن مكتوفين الأيدي
واقفين عم نتفرج على حالنا
كيف عم نغرق أكتر
ونسمح للضغوطات تمشي حياتنا على هوى موالها

اعزف موالك لحالك
اتعب حتى يبقى صوت شغفك وحلمك أعلى من صوت مشاكلك وهمومك وضغوطاتك
خلي عيونك دوم لقدام، يلي راح خلص راح
لاعاد ترجع لورا
اتخطى وكمل

رح توصل والله..🤍

لـ عبدالرزاق سيد عمر
لـ عبدالرزاق سيد عمر
بغيابك 💔 كبرت الوردة ودبل قلبي 🖤
أقسى ماقد يمرُّ على الواحد منّا
بعد غياب من يحب
فقدانه لشعوره

أن يصبح غير آبه بما يحصل أمامه
تتساقط دموعه بلا وعي ولا إدراك
علّها تخفف شيئا من هول المُصاب! 🖤


السنوية الثانية 🖤
من مرارة الشعور
تودُّ لو أنَّك دفنتَ قلبكَ وذكرياتكَ مع من تُحب

قلبكَ الذي لايقوى على الفراق لبضعِ ليالٍ
كيف سيقوى على فراقٍ أبدي
وبلا وداعٍ حتى ..!

رحلت أختي
أخذةً معها ضحكاتها وصوتها
وقلبي 🖤

"السنوية الثانية" إنّ لله وإنّ إليه راجعون 🖤
تذكر أن نجاحك يبدأ من تخطيك لعتبة الخوف 🤍 الإنسان وليد أفكاره ،فاجعل من أفكارك سلماً للوصول وستفعلها 💪🏻🤍
اللهم غسيلاً لأحزاننا وهمومنا وأوجاعنا 🥺💚

مطر الخير 🤍
مبارك عليكم شهر رمضان 🌙

نسأل الله أن تكون ثلاثين ليلة من الجبر والغفران والستر والطمأنينه
والسعادة وتحقيق كل تلك الأدعية التي ستخرج من قلوبنا إلى السماء🤍
والله رمضان بدون بيت احمى ما حلو💔

مو؟ 😂
رمضان طريقك للتغيير

أهداف جديدة وعادات جديدة لتبدا ترسم حياة جديدة برمضان وبعد رمضان ..

حاول تتخلى عن أغلب العادات السيئة والمعاصي يلي كنت غرقان فيها قبل رمضان

وعاهد ربنا إنك مارح ترجعلها بعد مايخلص رمضان
"صدقني رح يساعدك إنك ماترجعلها بس إذا نويت الثبات من قلب صادق"

اعمل فلترة وتنقية لقلبك بطاعات بسيطة قادرة تقربك من ربك وتغيّر فيك

سميه بشهر التخلص من المعاصي والتغيير
وكل يوم هو بمثابة فرصة لتتخلى عن عادة
أو تتقرب بعبادة حتى تطلع من رمضان
بقلب جديد .. 🤍

لـ عبدالرزاق سيّد عمر
نرجع نشغل بوت السايت !🤍

زمان كتير عن رسائلكن..!
لاتستنى من رمضان يغيّرك .. 🤍

إذا أنت ماكنت ناوي عنجد أنو تتغير وتعدّل أفكارك وتصرفاتك

هنن 30 يوم يا أما بتستغلهن صح وبتعبي وقتك فيهن ذكر وعبادة وطاعات ..

أو بتضيعهن من إيدك وأنت عم تلتهي بكتير شغلات اتحضرت قبل رمضان خصوصي حتى تلهيك ..

رمضان مو من اختصاصو يغيّرك
هو بيقلك أنا جيت ..
تفضل شمّر عن زنودك وورجيني بشو رح تتقرب لرب العالمين ومن كم عادة لتتخلص ؟

نحن بسباق رمضاني لسا بأولو
خلّونا نعتبر هي الفرصة غير كل الفرص الماضية
ونشتغل صح بال 29 يوم الباقية 🤍

لـ عبدالرزاق سيّد عمر
البركة في الوقت برمضان ..🤍

رمضان قادر أنت فيه تعيد جدولة أولوياتك وخططك
حتى دراستك فيك تنظمها صح مع رمضان
ورح تلاقي حالك عم تأنجز اكتر وبوقت أقصر من أي يوم عادي قبل رمضان ..

شو السر ؟
السر أنو برمضان رب العالمين بيبارك بالوقت وبيعطيك الطاقة الكافية حتى تدرس وتأنجز وتقدر تستغل وقتك صح بدون أي تشويش أو مُلهيات من أكل ومشروبات أو حتى أركيلة..

والحلو برمضان انو بيعطيك عدة أوقات أنت بتختار الأنسب لإلك فيها ..

يعني حبيت تدرس وأنت صايم
فيك تستغل فترة مابعد السحور
وتصلي بعد دراستك ركعتين الضحى
فـ بتكسب حجة وعمرة مضاعفات برمضان 🤩

أو فيك تدرس بعد الفطور وعندك صلاة التراويح فرصة لحتى تنهي شغل المعدة بسرعة
وتكون جاهز صحياً وعقلياً للدراسة ..

اغتنم فرصة رمضان صح
ورح تكون من الناجحين .. 🤍

لـ عبدالرزاق سيّد عمر
رمضان في غزة ..🤍

أجساد أطفالهم تروي الحكاية
أرواح شهدائهم الصاعدة بالعشرات وربما المئات كل يوم
تختصر كلَّ الرواية

ف احمود ربك على نعمة إنك عم تفيق بصحتك وعافيتك ،مانك خايف
ومطمن قلبك

احمود ربك إنك عم تفطر وتشبع
شو ماكانت الأكلة
المهم إنك عم تشبع


احمود ربك
إنك قادر تطلع وتفوت
وتغيّر جو
وتشوف حياتك متل مابدك

ولا تنسى إنو أنت نفسك
قبل كم سنة كنت عم تعيش نسخة مشابهة لهي الحرب
وربك طالعك منها بخير وسلامة


مافيك تغيّر شي من الواقع
بس فيك تحمد ربنا على هي النعم
وتدعي لأهلك بغزة
كل يوم وكل ليلة ..🤍
This media is not supported in your browser
VIEW IN TELEGRAM
الحمدلله رب العالمين يلي أكرمني بنشر العلم وتدريسو
و رزقني محبة طلابي 🤍

#عيدالمعلم 🤍
لوفيي قدملك عمري
أيامي الحلوة وسنيني
يلي ملكتي قلبي وأيامي
أمي 💚

يلي تعبت لحتى أكبر
وتحت رجليها الجنة وأكتر
أمي 💚

كل الأمان يلي بالدنيا موجود بحضنها الدافي
ضحكة منها قادرة تنسيني كل جراحي
أمي 💚

يلي بتتعب على تعبي
وبتسهر على مرضي
يلي بتضحكلي بعد كل انجاز بعملوا
ضحكة بتعوض كلشي مرق وبتنورلي باقي حياتي
أمي 💚

السبب الأساسي لنجاحي ووصولي لهون
ويلي بتتمنى كون أحسن انسان بالكون
أمي💚

شو ماعملت مافيي أوفيها
ولوبندر عمري كرمالها
حقها مابعطيها
أمي 💚

يلي بتبقى سهرانة لحتى أغفى
وعلى صوتها كل يوم بصحى
نظرة من عيونها بتخليني أتفائل بيومي وأقوى
أمي 💚

سبب وجودي بهالدنيا
سر نجاحي وأساس كلشي حلو بحياتي

كل عام وأنتِ النور يلي مضويلي عمري يلي جاية
كل عام وأنتِ ست قلبي 💚


لـ عبدالرزاق سيد عمر
قاعد بيني وبين حالي
وأفكار عم تجي وتروح من بالي

أسئلة كتير بدها أجوبة
ويمكن صار الوقت
ليطلع الجواب من القلب

نحن لوين رايحين؟
ببلد إذا فكرت تطلع منو مارح تغني وتقول راجعين

وإذا بقيت فيه رح تكذب على حالك دايماً
بكلمة عايشين!

بتطلع عالشباب يلي لسا صامدين
بتلاقي أغلبهن عم يدور على شغل عند حدا قادر يحترموا ك إنسان
ويلي عم يشتغل
عم يدور على بنت
أهلها يكونوا طالبين السترة لبنتهن بدون البروظة وهالشغلات!

ويلي متجوز وعم يشتغل
بتلاقي الهموم راكبة راسو وماعم يعرف يهرب منها
بمكان مافيه وجهة تانية غير الهم والإكتئاب!

أنو لإيمتى!

رح نبقى عم ننكسر وننخذل من أقرب الشغلات إلنا
دخلك ماعادت تفرق
شبعنا خذلان وتضحيات كذابة
شبعنا جروح لحتى تأقلمنا وصرنا نستقبل كل جرح برحابة صدر مو طبيعية
وتعايشنا مع الندوب

دخلك اذا بلدك عم تخذلك بكل يوم جديد
رح تسأل عن خذلان ولاد بلدك !

لـ عبدالرزاق سيد عمر

*نص من الذاكرة*
HTML Embed Code:
2024/03/29 08:00:04
Back to Top