بداية خير أنَّ شاء الله ♥️.

التفڪير السلبي وشلون اتخلص منه:
شايفين بحياتنا من تجي بڪاية عليك گبل راح تضربها حتئ توخر منك ومتمص دمك وتأذيك وربما تسوي بيك امراض اعتبر البڪاية او اي حشرة ثانية هي التفڪير السلبي ڪلما يجي بالك وخرو اضربـو حتئ لا ياذيك بعدين ويدمرك نفسيا وعقليا ويسوي بيك امراض ف انت ﭑلي عليك توخر هالتفڪير ومتخلي يأثر عليك استبدل التفڪير السلبي بايجابي دائما، مثلا اجت فڪرة بالك اني مراح انجح بحياتي وابقئ فاشل ڪلشي معرف من راح تخلي هالفڪرة تدخل لعقلك ويستجيب عقلك باطن راح تدمرك وتخليك تخاف وصدك راح متنجح بس اذا استبدلت هالتفڪير وِګلَتّ شنو ما اگدر انجح، اني قوي وراح انجح واحقق شي بحياتي وافتخر بنفسـي حققتو، فراح تكدر تحققو لان مخليت التفڪير سلبي يسيطر عليك ف دائما لا تخلون الافكار سلبيـة تأثر عليڪمَ دائما گولوا نحن نگدر، خلي ثقتك بنفسك عالية وابدا لا تستسلم،
متفقين👍

_ بَراء

اذا جنت مَا واثق بنفسك وبجـمالك وباسلوبك وبجسـمك ، باوع لـ نفسك بالمرايـة : رڪز زين بجسمـك ، حرك ايدك ، حرك رجلك ، ارمش بعينك، وباوع حولك، احجي وطلع صوت ، خلي احد يحجي وياك وانتَ اسمع صوتو ، ڪل هلحواس الي تمتلڪها وتتحڪم بيها غيرك فاقدها، اڪو ناس عنده وحده منهم اڪو الي يتمنئ يشوف واڪو الي يتمنئ يمشي ويحرك رجله واڪو الي يتمنئ يسـمع واڪو الي يتمنئ يحجي ورغم ڪل هالـشي الي يتمـنو ! مَقَـلت ثقتهـم بنفسهم مڪملين حياتهم بَسعادة وحامدين ربهم وشَاڪري على ڪل حال ، المفروض تحمد الله ليل ونهار ع هَـاي النعـم العظيمة الي رب العالمين منطيك ياها مو تگعد تتطلب وتتمنئ، هسه راح تكلـي انتِ ليش حجيتي كل هذا وهذا شدخله بالثقة ! اڪيد انت تشـوف شي بغيرك تڪول اني ليش خشمي هيج ، جسمي هيج،اصابعي .. الخ ، معـندي مثلو من تڪول هيج هذا يدل على انعـدام الثقة ، دا احجي من جانب الشڪل والجسـم مو من جانب المادة مثـلا السيارة او البيت او الخ ... المهم خليك دائما واثق بنفسك اهم شَي هيَ الصحة مو مهم اذا جنت سمين او ضعيف اسمر او ابيض حيل " مادري شلون رهمت مال ابيض حيـل بس يلا المهم الفكرة 😂🖤 ... خلي ثقتڪم عالية بنفسڪم دائما واستانسو واضحڪو ترا ڪلنه ندري انو نعيش مرا وحده بهالدنيا خلينه نعيش بسعادة ونحارب الحزن بالثقة وعدم الاهتمام للشي الي يضوجنه ... كل متثق بنفسك اكثر كل متستانس بهالدنيا اكثر " ولتنسون اهم شي الثقة بالنفس سبب نجاح ڪل انسان قوي ثقـتك بنفسك حتى توصل للي تريده وتحـقق الي ببالك ، 🙇‍♀️🖤

م : ڪل هالڪـلام دا احجي من جانب النجاح او الشـڪل او الجسم او الطبـع مو من جانب شي ثانـي ..

ــ بَراء